شو رايك؟

[الرحيل]

السلام عليكم والرحمه..:m_afaker:

بغيت رايكم بالجيب الرانجلر:fa54: …قبل شهر كنت بشتري وخلاص يعني معزم ورحت الوكاله
كم مره..وكنت ناوي على اللون الاصفر..بس استوت خربطه وهي اخرتني على سالفة السياره..

يوم كنت اروح وكالة الجيب اللي بشارع الشيخ زايد واساله اذا بتكون في تغيرات عن الجيب 2007

يقولون نفسه ومابيتغير من شكله شي..طبعا دوم الوكاله يكون ردها بهل الرد..:h_qor9anah:

المهم قبل كم يوم كنت اشيك على موقع الجيب..استغربت انه السياره شوي فيها تغيرات يعني لفت فيس ومكينتها شوي غير

بس اظنتي انها الحين بتنزل عندنا..وانا ناوي عليها..بس خايف منها..:crazy:

يعني يوم اسال ناس بعضهم يقولون لي قويه واتوكل ع الله..:a010:

وبعضهم يقولون مش مريحه وماتصلح..وانه جيمتها تطيح بسرعه..:fa55:

وفي خرابات..يعني استغرب كيف فيها خرابات والسياره حق بر اصلن..:boxed:

اذكر انه كان فيها مشكله بالشفت بس على ما ظن حلو هالسالفه من كم سنه..

اللي يعرف للجيب او حد من ربعه عنده يخبرني عنها..:7:

لانه صدق انا ما اريد استعيل ولانه انا باخذها وكاله..

والسموحه ع الاطاله:8:

[الرحيل]

http://www.jeep.com/image/wrangler/home/sah2.jpg[]

[شرجاوي]

الغالي .. ربيعي ماخذ رانجلر 2006 ... هي حق الخرشه و الكشخه الصراحه عجييييبه .. و عيب السياره انها وايد اتدخل هوا و عالخط تكون حاكره و تنتفض شوي ... بس العيوب اشوفها عاديه .. انا اقول لك توكل و خذها

[المزوحي]

انا اللي اعرفه مثلك حد يقول قوية وحد يذمها
على فكرة كل سيارة ماتخلى ولو من عيب واحد !

استخير وبس


إذا عندك موتر ثاني مافي اشكال .. أعرف واحد اصر ياخذها وعقب اتبهدل يوم يلبس غترة وعقال وساير مؤتمر ... يقول شكله مب شي .. وإلا ساير مكان رسمي .. صح مابيدخل الموتر القاعه

عاد هو يقول انا مايخصني

http://images.consumerguide.com/autoreview/400x266/2006-Jeep-Wrangler-05107061990001.JPG

[الرحيل]

شرجاوي كيف تكون حاكره وهي 6 غيار؟

والنفضه من شو؟

المزوحي بهل الشي انا وياك..سالفة الغترا وعقال ماتركب..

بس ماعليه يوم حزتها غترا وعقال بطلع بسيارة اخوي..

حلو الواحد انه يغير

[شرجاوي]

الغالي صح انها 6 غيارات ... بس راشيو الدفريشن حق البر .. يعني غياراتها قصيره ... ما ادري اذا فهمت عليي ولا لا ... هي فالشارع مب قويه .. بس فالبرور بتطربك صح

[الرحيل]

فهمت عليك..انا لو اشتريتها ما بفكر ابيعها..يعني محطي في بالي الا بعد 4 سنوات
والحلو فيها انه الشكل مايتغير..

على العموم مشكور اخوي شرجاوي دومك ماتقصر

[المزوحي]

الرحيل

شاور ... واسأل برع الواحات بعد عسب تاخذ فكره ... صح هي عايبتنك .

لكن حدد الميزانية ... وشوف صالون وإلا فورييل ...

شو رايك تاخذ باجيرو شراتي .. أدري وايدين ذموها لي لكن خذيتها ..

[الرحيل]

قبل كانت تعيبني..بس عمري مافكرت بهل السياره..

بس مره وحده ربعي كان يكلمني عن هالسياره وخرشني انه نطلع معا بعض..

لانه شي قروبات تطلع البر كلهم من نوع رانجلر..

وبعدين بنفسه راوني ربعه..كلهم عندهم رانجلر ودايمن يطلع معاهم

بعدين كمن مره شفتها ع الرمل كيف قويه..والله تقول دراجه..

ماشاء الله

انا ظروفي اكون مسافر..يعني ارد الامارات 3 مرات بالسنه..

فا مابكون مثلا محتاج سياره للعائله..انا اشوف انه هالسياره يمكن تكون مناسبه لي..

بس ترى الواحد يوم تدش خاطره السياره..مايفكر بشي ثاني..

يعني يحس انه هالسياره اهي اللي تفيده..

انا قبل كنت ما افكر اشتري سياره ..لانه يوم ارد الامارات احصل سياره..

بس غير يوم تكون السياره سيارتك وتحط اغراظك داخل..\

موب كل يوم تتم تنقل اغراضك,,

شو الباجيروا وياك؟باب ولا بابين؟

[ذنـيـنـي]

متعة السواقة الي بتحصلها في الجيب بتنسيك كل مشاكلها

كل الي عرفهم من اصحاب الجيب, تحولوا الى عشاق الجيب و ما يقدرون يتنازلون عنها
لدرجه اني اعرف واحد عنده ثلاث سيارات كلها جيب

[المزوحي]

هاا ذنيني يمدحها لك .. الباجيرو اللي عندي 3.0 مش 3.8 في الرملة أوكي
وهي باب واحد لكن مب رقم واحد .. رقم واحد تيك ثلاجة .. فتحة .. خشب .. يلد .. ليتات زينون
انا اللي عندي ثلاجة بس بدون الباجي .. ورنقات عادية ...

من 140 تبتدي تطلع هوى وانا قلت كل سيارة لها عيوب ... لكن لو جيه محد بيشتري موتر ..
وسعرها 80 ألف

[الرحيل]

اظنتي الهواء حتى في الاستيشن..يعطيه خيرها ويكفيك شرها..

كنت اشوف واحد دوم اميز سيارته..تنزيل ورنقات..يعني كشخه والله..

ذنيني...بس هل تستاهل 70 الف؟

وترى شوي الشكل بيكون غير..يعني اشياء بسيطه..وبيكون سعرها مايقارب 75 الف

ومشكور على مرورك

[ذنـيـنـي]

الجيب تعتبر 3 سيارات في سيارة وحده
1- فورويل
2- سبورت و تنفع حق كشخه >> Cool
3 كشف, بتعيبك يوم بيعتدل الجو


و ثانيا,, سعرها مناسب جدا
يعني اخذ جيب ولا اني اخذ راف فور ب90 الف, ولا شو رايك
و الفطيم على فكرة مسوي عقد صيانه و ضمان ممتازين
شاملين قطع الغيار و التجييكات لمده ثلاث سنوات

[تحفه]

تعيبني الجيب

[شرجاوي]

و ازيدكم من الشعر بيت .. ربيعي لما خذ موتره عطوه ضمان 7 سنوات على الدفريشن ... نصيحه بن عمي اذا خذت جيب لا تخليه يصرخ ف جير 2 لان الدفريشن بيروح عليك

[الرحيل]

:k_nono: انا مريت على الوكاله اللي بشارع الشيخ زايد..بس كان ضمانهم عادي يعني..

وكان بتحديد الكيلو..

وقلت خلني بسال ربيعي بتاكد عن الضمان..عطاني رقم واحد في وكالة بوظبي..

وطلع عندهم فرق السعر والضمان عجبني لانه بدون تحديد الكيلو..

يمكن 5 او 3 سنوات..وكان فرق 1500 او 2000 ما اذكر بالظبط


ونفس ماقال ذنيني الجو بيكون روعه ويبالنا الشتري..:fa56:

يلا عاد اذا خذيت السياره باخذ فيكم لفه بالرمل:fa42:

شرجاوي..انا ع القار محترم خاصة اذا السياره جديده..اما ع الرمل لا تكلمني..

خاصة اذا كان الضمان مفتوح والله كل شهر بتكون السياره بالوكاله:k_winner_third_h4h_


مشكورين وماقصرتوا..

[شرجاوي]

بالبركه بالبركه اخوي .. الله يعطيك من خيرها و يكفيك شرها