شو تعنيلكم كلمة أحبك و متى تنقال و حق منو؟

[فنجان قهوة]

السلام عليكم و رحمة الله و بركاته

ممكن اتعرف؟

عندي سؤال و اتمنى انكم تجاوبوني عله و بكل صراحه

شو معنى أحبك عندكم؟
و متى تنقال؟
و اذا ما اتعرفون شو اتعلقون اختارو شيء من التلي

فمعنى اني احبك الاتي :

1- انا احترمك

2- انا مخلص لك

3- انا احتاجك معي

4- انت مميز جدا

5- انت رائع في نظري

6_ قربك يكفيني

7- انا افضلك على الاخرين

8- انا افضلك على نفسي

9- انا اخاف عليك

10- انا افتقدك دائما

11_ تهمني مصلحتك

12- اريد ان اراك دائما سعيد

13- لااحب انا اراك حزينا

14 - احب ان اساعدك في كل شيء

15- انا موجود دائما عندما تحتاجني

16- لا احب ان اغضبك

17- لا احب ان اراك وانت تبكي

18- يحزنني كل ما يحزنك

19 - احب ان اقدم لك كل ما تحتاج اليه حتى اهم الاشياء بالتسبة لي

20- انت في تفكيري دائما واحب السؤال عن صحتك !!!

و رايكم يهمني

و مثل ما اتعرفون ان هاي الكلمه انشرت اكثر من السلام عليكم

جان ابغي رد

مع تحياتي

[ولد الشحوح]

للأسف كلمة أحبك صارت سهلة عادية مثل كلمة مرحبا
ما استغرب اذا احد جاف شخص واعجب فيه كشكل بدال لا يقول مرحبا يقول أحبك
وكلمة أحبك عميقة وولو جمعنا كثير من المفردات بتغطيها

[فنجان قهوة]

للأسف كلمة أحبك صارت سهلة عادية مثل كلمة مرحبا
ما استغرب اذا احد جاف شخص واعجب فيه كشكل بدال لا يقول مرحبا يقول أحبك
وكلمة أحبك عميقة وولو جمعنا كثير من المفردات بتغطيها

تسلم يا ولد الشموخ على المرور
بس انت يوم اتقولها تقولها لمنو؟ اعني شو المميزات الي فيه الي تخلييك تقوله احبك
ادري ان الحب منه الله بس منو الي تطيح عليه العين و جذبك صفاته .. انا ما اتكلم عن جمال الشكل ارمس عن جمال الروح :laugh: و ما شاء الله عليم اسلوبك في التعبير حلو

[فركوشه]

اممممممممممم.. ما اذكر متى اخر مره قلت هالكلمه..

لاني احس هالكلمه ما تنقال الا للي يستاهلها..

وما اعتقد انه في بدائل لـ هالكلمه..

ولي عوده..

[فنجان قهوة]

اممممممممممم.. ما اذكر متى اخر مره قلت هالكلمه..

لاني احس هالكلمه ما تنقال الا للي يستاهلها..

وما اعتقد انه في بدائل لـ هالكلمه..

ولي عوده..

اتريا عودتج

بس متى تحسين ان الشخص الي جدامج يستاهلها

يعني شو الصفات الي تشوفينها في الانسان الي يستاهلها

و اتريا تعليقج

[فركوشه]

عدناااااا..بعد الفطور..

انا بحط الاشخاص اللي يتساهلون هالكلمه..

امي.. اللي ربتني وسهرت عـراحتي..

ابوي.. اللي تحمل مسؤوليتي..

اخوي.. اللي يخاف علي..

اختي.. اللي تساعدني وتوجهني فكل شي..

ريلي.. مستقبلا.. اللي يحترمني وما يخذلني او يزعلني..

ولدي ..مستقبلا.. اللي يرعاني ويهتم براحتي..

ربعي.. اللي عمرهم ما زعلوني ولا اذوني او جرحوني بشي..

وسوالم..

[تحفه]

هممممممم .. الموضوع خلاني افكر في كلمة احبك !!


نحن ما عندنا حب اصلا نحن مانقدر نحب .. نحن نتعلق عاطفيا بشخص .. ومجتمعنا مع الوقت قام يسمي هالشعور وهالرابطه حب ! ( اتفلسف )

حتا لو انتبهتو ألله ما ذكر كلمة (حب) في القران .. قال ( موده ورحمه )



وبنسبالي كلمة ماتعنيلي شي اذا ماكانت شي افعال تعكسها .. وتصدقون اني ماجد قلتها وجها لوجه لأي حد من اهلي !!

لكن اكيد يعرفون اني احبهم

[فنجان قهوة]

عدناااااا..بعد الفطور..

انا بحط الاشخاص اللي يتساهلون هالكلمه..

امي.. اللي ربتني وسهرت عـراحتي..

ابوي.. اللي تحمل مسؤوليتي..

اخوي.. اللي يخاف علي..

اختي.. اللي تساعدني وتوجهني فكل شي..

ريلي.. مستقبلا.. اللي يحترمني وما يخذلني او يزعلني..

ولدي ..مستقبلا.. اللي يرعاني ويهتم براحتي..

ربعي.. اللي عمرهم ما زعلوني ولا اذوني او جرحوني بشي..

وسوالم..

يا سلام و الله ابدعت
عبرت عن كل شخص على حده بس عطيتيني تعابير عجيبه
مثلا الي ما يزعلني او الي يحترمني .. هذا يعني ان الانسان الي يستاهل كلمة احبك عندج لازم يحمل هاي الصفات و الله شيء جميل
و عودتج لها وزن غير :a054:

[فنجان قهوة]

هممممممم .. الموضوع خلاني افكر في كلمة احبك !!


نحن ما عندنا حب اصلا نحن مانقدر نحب .. نحن نتعلق عاطفيا بشخص .. ومجتمعنا مع الوقت قام يسمي هالشعور وهالرابطه حب ! ( اتفلسف )

حتا لو انتبهتو ألله ما ذكر كلمة (حب) في القران .. قال ( موده ورحمه )



وبنسبالي كلمة ماتعنيلي شي اذا ماكانت شي افعال تعكسها .. وتصدقون اني ماجد قلتها وجها لوجه لأي حد من اهلي !!

لكن اكيد يعرفون اني احبهم

حلو الكلام
يعني الحب عندج مب لفظا سلوكا فاي شخص تهتمين فيه مثلا او تعتنين فيه او تسئلين عنه او تخافين عليه يعني تحبينه
اوكيك و عن ان الله ما ذكر كلمة حب في القران و الله هذا انا ما اقدر افتي بس بسال ان شاء الله
و لكن الرسول عز و جل قال "تهادو تحابوا" و اعتقد ان حديث صحيح
و كان الرسول يحب الصحابه و الدليل الصحابي الملقب بحب رسول الله ما استحظر اسمه في الوقت الحالي
تسلمين على الرد الغاوي

[بوسلطان]

السلام عليكم ورحمة الله وبركاته ..



شو معنى أحبك عندكم؟
أخوي أحنا يمكن قليل ما نقولها .. ولكن كلمة * أحبــك * لها معانــي كثيرة وعدة مفاهيم ..
فمثلاً: عندنا يقول أحد اني أحبك في الله .. أرد و أقوله : أحببتك في ما أحببتني فيه .


ومن معاني الحب : يخاف على الشخص اللي يحبه من اي شي او مكروه , يفتقده كثيرا اذا ابتعد عنه او لو لم يكلمه , يفكر فيه دائما , التعاطف و التراحم
(وما ذكرته)



و متى تنقال؟
أخوي متى تنقال ..!! من كلامي ان لها معاني كثيره فما نستطيع تحديد متى ..


* والله ياخي كلمة أحبك انا قليل ما اسمعها * يمكن تختلف من مجتمع لمجتمع لاّخر ..


يمكن أحنا عندنا كلمة احبك كبيرة .. وعلى حسب فهم المستقبل للكلمه هذي بس لو تورح للبلاد العربيه الكلمة هذي 24 ساعه يرددونها .. خلاص كلمة عاديه
:boxed:



أخوي انا مادري كيف صارت كلمة أحبك أكثر من السلام عليكم عندنا :wow: ..


الله يعيـــــــن ..

أخوك بوسلطان

:k_smile2:

[الملهم]

الحب بالنسبة لي ....

الحب هو كل شيء .. لا نستطيع العيش بدون ان نحب .. لا يهم من ولكن علينا ان نحب ..

تعملت شيئا من صديقي .. وهو ان احب كل شيء .. ليس كل انسان ولكن كل ما خلقه ربي ..
احب الناس .. احب الحيوانات .. احب النباتات .. الجماد ..

اقول كلمة احبك لمن يستاهلها ..
اهلي .. اصدقائي .. وكل الاشياء ..

و.... احبكم اعضاء واحاتي ^__^

[دانة حتا]

مثل ما قلتي صارت منتشرة اكثر من السلام
انا بالنسبه لي الحب درجات وبما اني ما اكره حد فانا
احب الجميع..لكن المعنى الحقيقي للحب هو كل ما ذكرته في اختياراتك
وهذا الحب نادرا ما انحس فيه ..واذا في ناس احبهم بهالطريقه فهم معدودين
امي وابوي اخواني ووو...... ناس الله يستر عليهم
المهم انه مب كل شخص يقول احبك يعنيها ولا كل كلمة احبك تعني هالاشياء كلها
وتقريبا هالايام الحب ماله وجود
وسلامتكم

[فنجان قهوة]

السلام عليكم ورحمة الله وبركاته ..



شو معنى أحبك عندكم؟
أخوي أحنا يمكن قليل ما نقولها .. ولكن كلمة * أحبــك * لها معانــي كثيرة وعدة مفاهيم ..
فمثلاً: عندنا يقول أحد اني أحبك في الله .. أرد و أقوله : أحببتك في ما أحببتني فيه .

ومن معاني الحب : يخاف على الشخص اللي يحبه من اي شي او مكروه , يفتقده كثيرا اذا ابتعد عنه او لو لم يكلمه , يفكر فيه دائما , التعاطف و التراحم
(وما ذكرته)


و متى تنقال؟
أخوي متى تنقال ..!! من كلامي ان لها معاني كثيره فما نستطيع تحديد متى ..

* والله ياخي كلمة أحبك انا قليل ما اسمعها * يمكن تختلف من مجتمع لمجتمع لاّخر ..

يمكن أحنا عندنا كلمة احبك كبيرة .. وعلى حسب فهم المستقبل للكلمه هذي بس لو تورح للبلاد العربيه الكلمة هذي 24 ساعه يرددونها .. خلاص كلمة عاديه
:boxed:



أخوي انا مادري كيف صارت كلمة أحبك أكثر من السلام عليكم عندنا :wow: ..

الله يعيـــــــن ..


أخوك بوسلطان



:k_smile2:


شكرا على الراي الجميل :fa46: انا اعني ان احبك استوت مثل السلام عليكم .. اقصد هذيل الناس الي طول الوقت يقولون يا حبيبي و يا حبيبتي :nerd:

[فنجان قهوة]

الحب بالنسبة لي ....

الحب هو كل شيء .. لا نستطيع العيش بدون ان نحب .. لا يهم من ولكن علينا ان نحب ..

تعملت شيئا من صديقي .. وهو ان احب كل شيء .. ليس كل انسان ولكن كل ما خلقه ربي ..
احب الناس .. احب الحيوانات .. احب النباتات .. الجماد ..

اقول كلمة احبك لمن يستاهلها ..
اهلي .. اصدقائي .. وكل الاشياء ..

و.... احبكم اعضاء واحاتي ^__^

احبك الله الذي احببتنا فيه
و شكرا على الراي الجميل:a050:

[فنجان قهوة]

مثل ما قلتي صارت منتشرة اكثر من السلام
انا بالنسبه لي الحب درجات وبما اني ما اكره حد فانا
احب الجميع..لكن المعنى الحقيقي للحب هو كل ما ذكرته في اختياراتك
وهذا الحب نادرا ما انحس فيه ..واذا في ناس احبهم بهالطريقه فهم معدودين
امي وابوي اخواني ووو...... ناس الله يستر عليهم
المهم انه مب كل شخص يقول احبك يعنيها ولا كل كلمة احبك تعني هالاشياء كلها
وتقريبا هالايام الحب ماله وجود
وسلامتكم

شكرا على الرد الجميل
حلو الحب درجات انا ما زلت اقسم علاقات و احدد صداقاتي و انواع الصداقات الى درجات و هاي طبعا طبقا لدورة حضرتها
يعني في ناس قراب مني بس هم زملاء و ناس يكونون بعاد بس بالنسبالي اخلاء
و الله المستعان
بس ما قلتيلنا شو المواصفات الي يحتاجها الشخص عشان تحبينه

[دانة حتا]

امممممممم اختي انا عن نفسي مواصفات هالانسان صعبه
يعني كل واحد وتفكيره انا يمكن الصفات اللي ابغيها واشوفها مهمه
اتكون عند البعض عادي
لكن انا احب الشخص اللي يفهمني ويهتم فيني ويهتم لكل شي يصير لي
شخص عنده استعادا انه يضحي عشان سعادتي وشخص اثق فيه واتاكد انه بيموت وهو
يكتم اسراري اممم شخص يقدرني ويشجعني واذا غلطت يسامحني واذا نجحت يفرحلي
واكيد اذا فيه هالصفات بيكون قريب من ربه ويعرف طريق الصح من الغلط
وهذي الصفات انا اقصد فيها كل من البنت او الولد يعني حتى صديقتي اباها اتكون جذا

ومثل ما قلتي حتى الصداقه درجات معاج حق

[ألم ترى]

بسم الله الرحمن الرحيم ..

الحياة بدون حب بلا هدف ! ..

ف مثلآ الدين لو ما نحبه ف ما بنوصل لـ مرادنا وهو رضى الله ب النية والأفعال ثم الوالدين والجنة ..

اعتقد بأن الحب لازم يكون مصاحب لنا ف كل الأمور ..

عذرآ إن كانت اضافتي لا شيء لـ مقالتك ..

بحفظ الله ..

[فنجان قهوة]

امممممممم اختي انا عن نفسي مواصفات هالانسان صعبه
يعني كل واحد وتفكيره انا يمكن الصفات اللي ابغيها واشوفها مهمه
اتكون عند البعض عادي
لكن انا احب الشخص اللي يفهمني ويهتم فيني ويهتم لكل شي يصير لي
شخص عنده استعادا انه يضحي عشان سعادتي وشخص اثق فيه واتاكد انه بيموت وهو
يكتم اسراري اممم شخص يقدرني ويشجعني واذا غلطت يسامحني واذا نجحت يفرحلي
واكيد اذا فيه هالصفات بيكون قريب من ربه ويعرف طريق الصح من الغلط
وهذي الصفات انا اقصد فيها كل من البنت او الولد يعني حتى صديقتي اباها اتكون جذا

ومثل ما قلتي حتى الصداقه درجات معاج حق

ارائج مبتكرة عزيزتي :a050:

[فنجان قهوة]

اعتقد بأن الحب لازم يكون مصاحب لنا ف كل الأمور ..

عذرآ إن كانت اضافتي لا شيء لـ مقالتك ..

بحفظ الله ..

الجملة هاي وايد عيبتني
لا بالعكس عطيتني فكرة رائعه:laugh:

[ألم ترى]

بسم الله الرحمن الرحيم ..

هلا اختي فنجان ..

قصدي من الحب ف كل الأمور الحياتيه تكون حميده مش الخبيثه ! ..

شكرآ ع الطرح ..

[قرموشة]

تعريـف الحـب بالنـسبـه لي ..

الحـب مـرض !
الحـب ان صـاب انـسان صعب يروح والمـرض أهـون عنـه !
يصـيب القـلب مـره وحـده .. لا اخطـار ولا تنـبيـه ولو حـاولنـا قـدر الامكـان انـه
نعزز المنـاعـه مـاشي فايـده ! .. :sleepy:
يبـدا قـوي .. و يشـتد مــع الايــام .. وفي هـا الحـالـه .. مـستحـيل تحـصـل لـه عـلاج !
وقـد يبدا بقـوة .. ويتــلاشى بمـرور الايـام .. وهـ الحـالـه القـلب يبـري نـفسـه بنفسـه :smile2: ..



لمـن تنـقـال ..
أكـيد مـثـل ما قـالـوا .. الحـب درجـات .. وكـل حـب يفرق بيـن علاقـه وثـانـيه
ان كـانت أمـي .. فأنـا أحـبهـا ..
وان كـانت اختـي .. فأحـبهـا لانـهـا بطبيعـه الحـال اختـي ..
وصديقتـي .. أحـبهـا غـصبــا عنـي :love2:
:
الخ

أمـا بالنسبـه لللحـب اللي يسكـن القـلب .. فكـلمـه أحـبكـ تنـقال لشخـص معيـــن
شخـص يعرف جيمتـها ويقـدرهـا .. وقلمـا نحـصـل نـاس يستـاهـلونهـــا ويقدرونـهـا

وفنيــاان قـهـوة تسلمـين حـبييييبـتـي عـ الموضـووع
:9:

قرمـوووشة

[تحفه]

تعريـف الحـب بالنـسبـه لي ..

الحـب مـرض !
الحـب ان صـاب انـسان صعب يروح والمـرض أهـون عنـه !
يصـيب القـلب مـره وحـده .. لا اخطـار ولا تنـبيـه ولو حـاولنـا قـدر الامكـان انـه
نعزز المنـاعـه مـاشي فايـده ! .. :sleepy:
يبـدا قـوي .. و يشـتد مــع الايــام .. وفي هـا الحـالـه .. مـستحـيل تحـصـل لـه عـلاج !
وقـد يبدا بقـوة .. ويتــلاشى بمـرور الايـام .. وهـ الحـالـه القـلب يبـري نـفسـه بنفسـه :smile2: ..



[



هههههه .. تصنيف و تعريف و توضيح فضيع .. حبّيـــته :biggrin:

[قرموشة]

بــوووظبـــــي ..
أفـــا علييييييييييـج .. اعـجـبج أنــااا في التـعارييف D=

[فنجان قهوة]

محب الشيخين

بوظبي

قرموشه

تسلمون على المرور

[فنجان قهوة]

تعريـف الحـب بالنـسبـه لي ..



الحـب مـرض !
الحـب ان صـاب انـسان صعب يروح والمـرض أهـون عنـه !
يصـيب القـلب مـره وحـده .. لا اخطـار ولا تنـبيـه ولو حـاولنـا قـدر الامكـان انـه
نعزز المنـاعـه مـاشي فايـده ! .. :sleepy:
يبـدا قـوي .. و يشـتد مــع الايــام .. وفي هـا الحـالـه .. مـستحـيل تحـصـل لـه عـلاج !
وقـد يبدا بقـوة .. ويتــلاشى بمـرور الايـام .. وهـ الحـالـه القـلب يبـري نـفسـه بنفسـه :smile2: ..




لمـن تنـقـال ..
أكـيد مـثـل ما قـالـوا .. الحـب درجـات .. وكـل حـب يفرق بيـن علاقـه وثـانـيه
ان كـانت أمـي .. فأنـا أحـبهـا ..
وان كـانت اختـي .. فأحـبهـا لانـهـا بطبيعـه الحـال اختـي ..
وصديقتـي .. أحـبهـا غـصبــا عنـي :love2:
:
الخ


أمـا بالنسبـه لللحـب اللي يسكـن القـلب .. فكـلمـه أحـبكـ تنـقال لشخـص معيـــن
شخـص يعرف جيمتـها ويقـدرهـا .. وقلمـا نحـصـل نـاس يستـاهـلونهـــا ويقدرونـهـا


وفنيــاان قـهـوة تسلمـين حـبييييبـتـي عـ الموضـووع
:9:



قرمـوووشة


اويه جان استوي حبيبتج
و لا هاي حبيبتي مثل السلام عليكم
لول :hysterical:
تسلمين حبيبتي قرموشه رب اخ لم تلده امك
و فعلا انتي اختي و تستاهلين هاي الكلمه
اكيد ما انسى ريف الصبا لان هي السبب في اني اتعرف عليج و لا زم احبها :12:

المهم و الله الرمسه الي كاتبتنها خطيرة و ما اعرف منوين ابدا من التعريف و لا من الراي و لا من وين
اني ويه فعلا الحب مرض بس اختلف وياج شوي لان هذا المرض نحن نستقبله فحب و ترحيب و نقويه بعد:14: و نقدمله الزهور عشان يظل ويانا للابد :a070: لين ما يتعشش في دتخلنا :alien: و يوم تنتهي مشاعر الحب و هي اصلا ما تنتهي بس اذا دامت لك لن تصل لغير ما اعرف شو يقولون شيء بهذا المعنى المهم :fa46: بس ما نقدر نتشافه منه لان بس بمرور الايام بننسى و يوم بترجع الضروف مثل ما كانت مع الافراد الي كانوا بيرجع الحب الي مضى الى اذا جتلنا فايرس الحب من قلبنا لهذا الفرد :fa32: بضرب المبرح

مع تحياتي

[أمواج]

.
.
ماتعني شي فهالــزمن
.
.

[شمعة أمل]

كلمة أحبك معناتها ولمنو تنقال؟
معناتها = يوم تحسون انكم تحترمون شخص .. وتهتمون فيه وايد .. وتتولهون عليه بسرعه .. معناته تحبونهم

ولمنو تنقال:-
ابويه .. كل يوم تقريبا اقوله احبه ولا اسأله اذا يحبني
أمي .. احبها
يدوتي.. احبها
يدي الله يرحمه .. احبه
العايله الكريمه .. احبهم كلهم
خواتي .. مع انه مرات يرفعون ضغطي بس احبهم وايد
بشاكيرنا .. خصوصا العيوز *نوريا* وايد احبها
ربيعاتي .. خصوصا ش م ه ع ع م ف ح < واييييييييييييييييد احبهم
الآيس كريم والسلطه .. احلى اكلتيين وماروم استغنى عنهم واحبهم وااااااااايد
اوه صح
ريلي .. ف المستقبل .. وهذا اذا عرست
عيالي .. في المستقبل .. وبعد هذا على حسب اذا عرست

[سفير الخيال]

اختصرت الحب بهذي الأبيات المتواضعه

الحب ما هو ابقول "أهوااني واهوااك"
الحب لو ضحييت ما تكفــــي قلبيـــــــــن
الحـــب بحـــر الشـــوق قاعــه سجــاياك
واللي خلق هالشـــوق يخلقه بحــــرين
الحـــب فـــن وذوق يبني مــــــزاياك
يجعلك ما تختــــال واصلك من الطيـــــــن


شكرا إختي على الموضوع

http://cards.bindubai.com/vcards/images/pic/oasis_cards/shma/510364342.jpg

[ألم ترى]

بسم الله الرحمن الرحيم ..

تم تعديل العنوان بعد أذن الطارح ..

من ( كلة ) إلى ( كلمة ) ! ..

مع السلامه ..

[قرموشة]

سفـيير الخـياااال .. أسجـل اعجـابـي بالابيــات + التـصمـييييييييم =)

فنيـان قـهـوووة
لمـا الانـسان يحـب شخـص يكـون بطـريقـه غير اراديــه وكـل شي يصيـر على عجـل
يعنـي أقـدر أقـول ان الحـب يكـون فجأه .. ما نلحـق عمـارنـا الا ونحـن غرقـانـين في بحـره
وهـ البحـر يسحـبك بأهـوالــه ودوامـاتـه وصـعب جـداااا الخـروج منــه !
قد تخـرج منـه ولكـن بصعوبـه كـبيره .. وأشيــاء كـثيره بتكـون في غير مـحـلهـا وأولـهـا الاحـاسيس
لكـن مـع الزمـن يتعـدل الوضـع .. ولكـن في بعـض الاحـيان تضيـع بهـا الدوامـه ومـاتظهـر منـهـا أبـد
وهـذاللي يسمـونـه بالحـب الخالــد ..
أحـس انـي فسرت الحـب على أسـااس انـه شي يخـوف .. لوول
بس يعنـي هـو نوعــا مـا يخـوف ..
وعنـي أنـا .. الحـب يخوفنـي وااايــد وخـاصـه اذا كـانت نهـايتـه .....................

وشكـرآ

[سفير الخيال]

إختي قرموشه هذا التصميم قديم من الأخت شمه :)

وتسلمين على الإطراء

[فنجان قهوة]

.

.
ماتعني شي فهالــزمن
.
.


وجهة نظر
بس اكيد في الي يستاهلها:icon_rr:
مع تحياتي

[فنجان قهوة]

كلمة أحبك معناتها ولمنو تنقال؟
معناتها = يوم تحسون انكم تحترمون شخص .. وتهتمون فيه وايد .. وتتولهون عليه بسرعه .. معناته تحبونهم

ولمنو تنقال:-
ابويه .. كل يوم تقريبا اقوله احبه ولا اسأله اذا يحبني
أمي .. احبها
يدوتي.. احبها
يدي الله يرحمه .. احبه
العايله الكريمه .. احبهم كلهم
خواتي .. مع انه مرات يرفعون ضغطي بس احبهم وايد
بشاكيرنا .. خصوصا العيوز *نوريا* وايد احبها
ربيعاتي .. خصوصا ش م ه ع ع م ف ح < واييييييييييييييييد احبهم
الآيس كريم والسلطه .. احلى اكلتيين وماروم استغنى عنهم واحبهم وااااااااايد
اوه صح
ريلي .. ف المستقبل .. وهذا اذا عرست
عيالي .. في المستقبل .. وبعد هذا على حسب اذا عرست

:hysterical: يضحك:hysterical: بس وايد حبيت المداخله
يسلمو على التعليق :icecream:

[فنجان قهوة]

اختصرت الحب بهذي الأبيات المتواضعه



الحب ما هو ابقول "أهوااني واهوااك"
الحب لو ضحييت ما تكفــــي قلبيـــــــــن
الحـــب بحـــر الشـــوق قاعــه سجــاياك
واللي خلق هالشـــوق يخلقه بحــــرين
الحـــب فـــن وذوق يبني مــــــزاياك
يجعلك ما تختــــال واصلك من الطيـــــــن



شكرا إختي على الموضوع


http://cards.bindubai.com/vcards/images/pic/oasis_cards/shma/510364342.jpg


صح لسانك :) :fa34:

[فنجان قهوة]

بسم الله الرحمن الرحيم ..

تم تعديل العنوان بعد أذن الطارح ..

من ( كلة ) إلى ( كلمة ) ! ..

مع السلامه ..

شكرا:14:

[فنجان قهوة]

سفـيير الخـياااال .. أسجـل اعجـابـي بالابيــات + التـصمـييييييييم =)

فنيـان قـهـوووة
لمـا الانـسان يحـب شخـص يكـون بطـريقـه غير اراديــه وكـل شي يصيـر على عجـل
يعنـي أقـدر أقـول ان الحـب يكـون فجأه .. ما نلحـق عمـارنـا الا ونحـن غرقـانـين في بحـره
وهـ البحـر يسحـبك بأهـوالــه ودوامـاتـه وصـعب جـداااا الخـروج منــه !
قد تخـرج منـه ولكـن بصعوبـه كـبيره .. وأشيــاء كـثيره بتكـون في غير مـحـلهـا وأولـهـا الاحـاسيس
لكـن مـع الزمـن يتعـدل الوضـع .. ولكـن في بعـض الاحـيان تضيـع بهـا الدوامـه ومـاتظهـر منـهـا أبـد
وهـذاللي يسمـونـه بالحـب الخالــد ..
أحـس انـي فسرت الحـب على أسـااس انـه شي يخـوف .. لوول
بس يعنـي هـو نوعــا مـا يخـوف ..
وعنـي أنـا .. الحـب يخوفنـي وااايــد وخـاصـه اذا كـانت نهـايتـه .....................

وشكـرآ

و الله انا وياج في اللي قلتيه
بس جنه ريف الصبا ما طرحة رايها ما يندرى شو بتقول
بس اتعرفين التحفيزات الي ينالها الانسان من الحب
وايد مهمه للتنشيط انزيمات الذكاء
قاريه المعلومه اليوم في كتاب -بتشوفيني اتالي بالكتاب هاليومين من كان لمكان-:icecream:

[تحفه]

ولا تدرين ..

أعتقد انها بداية النهاية !

[فنجان قهوة]

ولا تدرين ..

أعتقد انها بداية النهاية !

بداية النهاية كيف
احس الجمله جي مال فلاسفه كبار
يالله فسريها عشان المؤرخين في عالم الفيوجر بيقولون قالت بوظبي:14:

[اللولوه]

السلام عليكم و رحمه الله و بركاته

ذكر الله سبحانه و تعالى الحب في القرآن.. فقد قال في محكم آياته : " يَا أَيُّهَا الَّذِينَ آمَنُواْ مَن يَرْتَدَّ مِنكُمْ عَن دِينِهِ فَسَوْفَ يَأْتِي اللّهُ بِقَوْمٍ يُحِبُّهُمْ وَيُحِبُّونَهُ أَذِلَّةٍ عَلَى الْمُؤْمِنِينَ أَعِزَّةٍ عَلَى الْكَافِرِينَ يُجَاهِدُونَ فِي سَبِيلِ اللّهِ وَلاَ يَخَافُونَ لَوْمَةَ لآئِمٍ ذَلِكَ فَضْلُ اللّهِ يُؤْتِيهِ مَن يَشَاء وَاللّهُ وَاسِعٌ عَلِيمٌ (54) " سورة المائدة

وجل ما ذكر في القرآن هو الود و الموده ، و الود هو أعلى مرتبة من الحب . فالحب مشاعر تكنها بدون عمل يثبتها ، اما الود فهو الحب مصحوباً بعمل لا يشوبه كره و لا حقد .

فالله ودود يحب عباده و يترجم حبه لهم بالعطايا و المغفره و الرحمه..

[فنجان قهوة]

السلام عليكم و رحمه الله و بركاته

ذكر الله سبحانه و تعالى الحب في القرآن.. فقد قال في محكم آياته : " يَا أَيُّهَا الَّذِينَ آمَنُواْ مَن يَرْتَدَّ مِنكُمْ عَن دِينِهِ فَسَوْفَ يَأْتِي اللّهُ بِقَوْمٍ يُحِبُّهُمْ وَيُحِبُّونَهُ أَذِلَّةٍ عَلَى الْمُؤْمِنِينَ أَعِزَّةٍ عَلَى الْكَافِرِينَ يُجَاهِدُونَ فِي سَبِيلِ اللّهِ وَلاَ يَخَافُونَ لَوْمَةَ لآئِمٍ ذَلِكَ فَضْلُ اللّهِ يُؤْتِيهِ مَن يَشَاء وَاللّهُ وَاسِعٌ عَلِيمٌ (54) " سورة المائدة

وجل ما ذكر في القرآن هو الود و الموده ، و الود هو أعلى مرتبة من الحب . فالحب مشاعر تكنها بدون عمل يثبتها ، اما الود فهو الحب مصحوباً بعمل لا يشوبه كره و لا حقد .

فالله ودود يحب عباده و يترجم حبه لهم بالعطايا و المغفره و الرحمه..

يا الله صدق ابدعتي
الله يزيدج من علمه و يرزقج النعيم
و الله وايد وايد وايد المعلومه روعه و مهمه و انا كنت غافله عنها
تسلمين الغاليه