المساعد الشخصي الرقمي

مشاهدة النسخة كاملة : نجمة الخليج وصورة بنت البلاد


ولد الشحوح
08-10-06 ||, 01:34 AM
ما أبا ارمس لاني منقهر ... اللي ما جاف المسلسل يجوفوه
هل بنت الإمارات جي .... هل شعبنا متحر لدرجة ان ام تعتبر ربيع بنتها مثل ولدها ... وين يالسين نحن فالغرب وين قيم الإسلام ومبادئه
جوفوا المسلسل في سما دبي عقب الفريج واحكموا وانا فانتظار الردود
ودمتم سالين
سبيجة
08-10-06 ||, 01:49 AM
السلام عليكم


شفت أكثر من حلقة من هالمسلسل...وصدق انقهرت من بعض اللقطات ...وخصوصاً لما الأم ميمعه ربع بنتها في الجامعة في الشاليهات..:thumbup1: يعني وايد مظهرينا بصورة سلبية ... مع إنه في بعض الأشياء واقعية ,,مثل تعامل البنات مع الشباب في الجامعات المختلطه أو أماكن العمل ...بس بعد في مبالغة...... كبيره ...وللأسف إنه تعودنا كل رمضان نشوف مسلسلات من تأليف وداد الكواري وتكون مميزه ,,,, وجداً راقيه وتناقش قضايا حساسه ومهمه في مجتمعنا ,,,, بس في هالمسلسل للأسف ابداً ما لمست أي إبداع .... أو يمكن يكون مثل دعاية لبرنامج نجم الخليج ...:glare: هذا والله أعلم .....



تسلم يا ولد الشحوح على غيرتك ,,,,,وطرحك لهالموضوع ...:a036:



السموحه
الـيـاه
08-10-06 ||, 01:57 AM
سلاام

خلوني ارمسكم عن هالموضوع

انتو ليش محتشرين ؟ ومغيضين ع سالفه هالمسلسل :k_icon9: .. انا ما اتابعه بس جفت كمن حلقه منه !

الكاتبه وداد الكواري

اللي من ثلاث سنين ونحنا نجوف مسلسلاتها ونحس فعلا ً انها تتكلم عن قضايا مجتمعنا حاليا ً
وشو نهياته وتحاول انها تعالج هالمشاكل وتراويكم نتايجها ؟

انا معجبه جدا ً بهالكاتبه .ّ.

ثاني شي بالعكس المسلسل يتكلم عن واقعنا :k_special2:
هم مب قصدهم ( بنت الامارات بالذات ) بس لان المسلسل تصور في الامارات الناس قالو جي
والا لو تلاحظون المسلسل يشمل أغلب الجنسيات العربيـه ..

وبعدين صدق ها واقعنا
هاذي اليازيـــــــــــــه :fa44: .. مب من الامارات ؟ ومب من بوظبي ؟ اللي هي واجهة الإمارات
اكو ابوها خلاها تعيش ويا شباب .. ولا حيا ولا مستحى وفرحان بفوزها ويفتخر !!!!!!

وقريب بتجوفون فيديو كليباتها
وطلعت باسم الفناااانـــــه الإماراتيــه اليازيــه .. مش اليازيــه حااااف :fa52:

وغيرها وغيرها
ليـــش ندافع ونحتج ونحن انجوف اللي اخس من جي بمليون مره في بلادنا
هذا شويه والله اللي يعرضونه شويه ..
:boxed:


.
.
.
حلم الطفوله
08-10-06 ||, 02:01 AM
السلام عليكم

أوافقكم الراي ...

هالمسلسل فيه الكثير من التناقضات المجتمعيه ... والقهر إنهم يعدونها أحداث إماراتيه !

يعني هالثروه الكبيره ...وهالبيت الكبير إلي متروس خدم على مدراء أعمال على شلل وحفلات مختلطه

والتناقض بلبس العباه والشيله ...يعني يوم يدق براسهم بيلبسونها ! وين عايشين نحن!

أحس إنه وداد الكواري هالمره ما اختارت القصه المناسبه للمجتمع المناسب ...

وبرايي الشخصي ...إنه المسلسلات تفقد مصداقيتها من كثر التنويع باللهجات ...

يعني ممثل كويتي اماراتي بحريني قطري مصري ....

لهجات متنوعه بقصه دراميه يحتاي تكون تجسد الواقع حتى باختيار ممثلينها لمجتمع واحد

يمكن هو استشراق للمستقبل ....بس بعد ما بنوصل لهالمرحله وبهالصورة المعروضه:3:
بوزايد
08-10-06 ||, 02:17 AM
سلاام

خلوني ارمسكم عن هالموضوع

انتو ليش محتشرين ؟ ومغيضين ع سالفه هالمسلسل :k_icon9: .. انا ما اتابعه بس جفت كمن حلقه منه !

الكاتبه وداد الكواري

اللي من ثلاث سنين ونحنا نجوف مسلسلاتها ونحس فعلا ً انها تتكلم عن قضايا مجتمعنا حاليا ً
وشو نهياته وتحاول انها تعالج هالمشاكل وتراويكم نتايجها ؟

انا معجبه جدا ً بهالكاتبه .ّ.

ثاني شي بالعكس المسلسل يتكلم عن واقعنا :k_special2:
هم مب قصدهم ( بنت الامارات بالذات ) بس لان المسلسل تصور في الامارات الناس قالو جي
والا لو تلاحظون المسلسل يشمل أغلب الجنسيات العربيـه ..

وبعدين صدق ها واقعنا
هاذي اليازيـــــــــــــه :fa44: .. مب من الامارات ؟ ومب من بوظبي ؟ اللي هي واجهة الإمارات
اكو ابوها خلاها تعيش ويا شباب .. ولا حيا ولا مستحى وفرحان بفوزها ويفتخر !!!!!!

وقريب بتجوفون فيديو كليباتها
وطلعت باسم الفناااانـــــه الإماراتيــه اليازيــه .. مش اليازيــه حااااف :fa52:

وغيرها وغيرها
ليـــش ندافع ونحتج ونحن انجوف اللي اخس من جي بمليون مره في بلادنا
هذا شويه والله اللي يعرضونه شويه ..
:boxed:


.
.
.





:3:

اوافقج الراي
المزوحي
08-10-06 ||, 02:31 AM
انا ما اتابعه

لكن عندكم كرة وكلكم يالسين حوالين الكره .. وكل شخص فيكم يشوف الكره من صوبها
ومن منظوره .. انته تشوف شي غيرك مايشوف هالشي !
يعني لو اتجاهي الكره عليها علامة استفهام يمكن اللي مجابلني مايشوف العلامة هااي على الكره

اللي افصده يمكن في شي موجود عندنا وايدين مايعرفون عنه فيقولون المجتمع مب جيه
ونحن مانعمم .. دايما الخير يخص والشر يعم للأسف !
صدى جوفي
08-10-06 ||, 03:05 AM
الـسـلام عليكم،،

(( نجمـة الخليج)) .. مسلسل يحكي واقع قنواتنـا الغنـائيـة والمحليـة ’’الامـاراتيـة‘‘:fa55:

بين دول الخليج وحتى العربيـة ’’الامــارات‘‘ من الـدول المهتمـة وااايد بهـا الفئــة من النــاس فن

وفنانين وخربطان - كقنــوات فضــائيــة مب كــأفراد - وهــذا الواضح عند العــالم
^
^
^
][للأسف هــااللي خلفتـه تغــاضينـا كـ شعب وحكومـة عن هذي القنـوات المقيتــة][

نهـج المسلســلات الحـاليـة..................... حدث ولا حرج
الحفلات الغنــائيـة والمراقص (ضروري)
الـخمر (مبــاح)
العـلاقات الغير شرعيـة والمحرمـة (اثــارة)
ومــا خفي أعظم من السمــوم المدسوسـة بهـا المسلسلات
التي لا تمت بـواقعنـا أو ديننـا بصلـة

شكــراً على الطرح
صدى جوفي
الاسطوري
08-10-06 ||, 03:42 AM
السلام عليكم ..

أنا بعد ما أتابعه بس شفت منه حلقات ويمكن أقدر أحكم بإنه هالشي
عادي وماتوقع بيشوه صورة المجتمع أو بيسوي شي
جدام نجوم الخليج يعني ماشي
مقارنـه هناك
مافي تمثيل مثل المسلسل وبعدين مجتمعنا معروف باللي فيه وكل
الناس تعرف مايحتاي المسلسل يخبرهـم ومحد يقدر
يعمم كل المجتمعات فيها الزيـن
والشين وخطوة
جرئية من الكاتبه إذا كانت تقصد مجتمع الإمارات بالذات وأنا ماشوف
إنها طرحت شي مب موجود عندنا لأنه يصير بينا
بصور أبشــع مع احترامــي
لجميع الآراء

الاســـطـــوري
أخوكم
سبيجة
08-10-06 ||, 03:17 PM
السلام عليكم


عدنا من جديد.... :k_smile2:


رجاءاً اللي ما شاف أكثر عن حلقة ...ماله داعي يقول عادي ...والمسلسل يحكي واقع .... لأنه المسلسل ما يتكلم عن نجوم الخليج ....والإختلاط أو الحفلات اللي تستوي فيه .... المسلسل يتكلم عن قصة أسرة إماراتية ...قبل حتى اشتراك بنتهم في برنامج نجوم الخليج...:k_smartass:

واللي خلاني اتضايج انا أو غيري من ابناء هالوطن هو صورة العائلة الإماراتية ....الغنيه اللي تصرف بدون حدود ....وتبيح الإختلاط ...لبناتهم لدرجة إنهم يسيرون رحلات بنات وشباب لشاليهات ...:a116: وتكون أحد الأمهات اللي عازمتنهم على هالطلعه :fa39:

يعني بذمتكم في أم إماراتيه ترضى إنها تسوي هالشيء..؟؟!!! ولا بعد يسوون حفلة رقص على البحر والأم تصفق...:7: يعني حتى لو في بعض الأهل المتساهلين في بلادنا بس ما توصل لهالدرجة ... واسمحولي انا ما اعتبرها جرأه من الكاتبه ....اعتبرها شيء ثاني .....وليش هالمسلسل بالذات من مسلسلاتها ما تصور بقطر ...!! شرات اللي قبل ... اشمعنى ها يتصور في الإمارات... عسب نجم الخليج وبس ...ما اتوقع ...:b050:


مجرد رأي ...ولا تنسون ,,,الإختلاف في الرأي .....:a010:



السموحه
أمواج
08-10-06 ||, 03:58 PM
http://uaemusics.com/up/uploading/1-%20quot.gif
الســلام عليــــــكم
بصــراحه ولاحد يــزعل منــي
أشـــوف هالمســلسل تــافه جدا ولا له أي هــدف
انا تــابعت كمــن حــلقه وماشفت إنه يعرض شي إلا وحده تبا تغني و ماشالله شلت شباب
يشجعــونها و مادري شو :fa44:
اللي صدق قاهرني إنه هالمســلسل صووره عن بنت الامارات ،
ادري في بــلاوي عدنا بس الواحد مايسير ينشــرها عالمــلأ
اليــاه

اللي من ثلاث سنين ونحنا نجوف مسلسلاتها ونحس فعلا ً انها تتكلم عن قضايا مجتمعنا حاليا ً
وشو نهياته وتحاول انها تعالج هالمشاكل وتراويكم نتايجها ؟

أوكي نحن ويااج في هالــشي
بس وين المشــكله اللي لازم تنعرض فالمســلسل . . ؟!
وين الحلوول وين القضــايا اللي نعاني منهــا فالخليــج . .؟!
أبــدا هالكــاتبه ماتطرقت للي قــلتيه
نحن نعــرف وداد الكواري من كمــن عمل لها وماشالله عليــها مســلسلاتها من أنجح المســلسلات
بس بصــراحه في هالمــسلسل مادري شو صــابها :shocked:

ليـــش ندافع ونحتج ونحن انجوف اللي اخس من جي بمليون مره في بلادنا

الــستر زين يا اليــاه
كلــنا نعرف في فضــايح بس مالنــا الحق ننشــر الغســيل جدام النــاس
:fa44:
الاسطوري

وخطوة
جرئية من الكاتبه إذا كانت تقصد مجتمع الإمارات بالذات وأنا ماشوف
إنها طرحت شي مب موجود عندنا لأنه يصير بينا
بصور أبشــع

دام هذا كلاامكم سيروا عيل انشــروا صور للبنات و فيديواات وقولوا بعد هالشــي صاير عدنا وعادي لانه هالاشيــا موجووده
:redface2:
اذا هذا كلااااامكم فـ على الدنيــا السلام وبالاخص الامارات :redface2:
سبج بج

وليش هالمسلسل بالذات من مسلسلاتها ما تصور بقطر ...!! شرات اللي قبل ... اشمعنى ها يتصور في الإمارات
انا هاللي قــاهرني ، ماعتقد اللي كانوا مشاركين في هالمســابقه بس من الامارات
من الله اســم المســابقه نجم الخليــج يعني تضــم مشاركين من دول الخليج
فــ اشمعنــى حددوا الامارات وماتكــلموا عن أســر ثانيــه ؟ ؟

ولي عــوده اذا كانت في ردوود تستــاهل إني أعقــب عليها

http://uaemusics.com/up/uploading/222-%20qout.gif
تحفه
08-10-06 ||, 04:36 PM
ما أبا ارمس لاني منقهر ... اللي ما جاف المسلسل يجوفوه
هل بنت الإمارات جي .... هل شعبنا متحر لدرجة ان ام تعتبر ربيع بنتها مثل ولدها ... وين يالسين نحن فالغرب وين قيم الإسلام ومبادئه
جوفوا المسلسل في سما دبي عقب الفريج واحكموا وانا فانتظار الردود
ودمتم سالين

طبعا الاخت سبيجه ماقصرت .. عبرت عن رايي وزود ..
بس حبيت اعقب على كلمه انته تستخدمها ( برايي ) في مكان غلط
من فتره كنت افكر في كلمة متحرر .. لاحظت ان إستعمالها غلط !
الاعلام يستخدمها لترويج اعماله ومقالاته والناس تتبناها وهي مش مدركه الادراك الكافي لمعناتا !

طبعا مثل ما نعرف دينا هو اكثر دين متسامح ومتحرر .. عطى البنت حريه واحترام البنات في المجتمعات الثانيه المش مسلمه تحلم فيها

ونحن من زمان عنا تحرر .. بس الغرب يبون ايخيسون مجتمعنا ويبعدونا عن اصلنا وحضارتنا و يضعفونا .. فكله يقولون تحرير المراه وتحرير المراه ..

اذا كل مجتمعنا مشى بتعليمات الاسلام .. صدق مجتمعنا بيكفي حق المراه وبيعاملها المعامله الي الله شرعها ..

إذا مشت وهي "مضطره" روحها في السوق ولاحد قال بنت فلان شو عندها روحها تتمشى هاذاكي اليوم !! الله قال لا ترمسون في اعراض الناس ولا تسيئو بالضن + إذا كانت تسوق سياره حلوه ورقم حلو والشباب ما "بقبقو" عيونهم ع السياره + اذا كانت عطشانه وراحت تشتري لها ماي او كوفي من ستاربكس او اي "مقهى آخر " وكل حد كان يغض البصر .. مب يتفحصها من فوقها لين تحت !! ( معنه الله حرم يلسة القهاوي ! )

وعلى فكره .. الحق مش على وداد الكواري:fa41: .. إلحق على تلفزيون دبي الي قالها اكتبي وبنمنتج :a116:


بس صراحه .. انا ما اتابع غير ابناء الرشيد + الفريج + صاحبة الامتياز


وسلامتكم
الملهم
08-10-06 ||, 04:49 PM
صدق قهر ..

يوم يمثلون في الكويت يصورون صورة حسنة لبلادهم ..
واهنه يخربون صورة بلادنا ..

مش لها الدرجة الاسر الاماراتية مختربة ..
الله يعافينا ..
تحفه
08-10-06 ||, 05:02 PM
بالعكس لو لاحظتو .. بنات الامارات من اكثر البنات الملتزمات ومتحضرات

وانا واثقه فمب امتعبه اعصابي على الفاضي .. بس الي ملوع جبدي انهم صرفو على فكره ماتستاهل !
الشيـــن
08-10-06 ||, 05:13 PM
أنا بيــن الراييـــن .. !

انهم بالفعل يتكلـموون عن شي يصير عدنــا واللي يصير اخس بعد
وانهم بنفس الوقت مطلعين صوره مش حلــوه عن البـلاااد

بس ويت اترييوا

ليش تزهبــون الدوا قبل الفلعــه ؟

يمكن وداد الكواري تطرقت لـ هالظاهره ومع الحلقات اليايه بتطلع سلبياتها ونتايجها
مش شرط انها مطلعه المجتمع بـ هالصوره !!

لان مثل ما لاحظتوا هي فتحت باب *مسابقات الأغاني*
واللي زادت هاليومين ..
شـ معنه ؟

حبت فـ البدايه تطلع كيف كل شي حلـو *سطحيا و مبدئيا * ..
وكيف انه ممتع و كشخه ان البنت تسوي كل الي ف خاطرها طول ماهي محترمه نفسها ع قولة بطلتهم ..

وعقـب مع الأيـااام بتطلع نتايج هالشي ..
و بتفتح بيبـااان .. البطله مافكرت فيها يوم خطت خطوه فـ هالدرب
المسأله أكبر من مجرد *محترمه نفسها* مثل ماهي فـ نظر بطلتها ..

هممم جوفـوا الحلقات اليايه واحكموا
وخبروني لول
لان ماعندي وقت اتااابع شي:boxed:
الاسطوري
08-10-06 ||, 06:02 PM
مثل ماقال المزوحـي كل واحد يشـوف الموضوع من صوب وأنا اتكلم عن
اللي أشوفه وتراها تطلع عايله محترمـه إذا بتقارنونها بمن
هم بنفس المستوى أو أدنى وأنا ماقصدت
ان هالشي عايبني وحلو
لأ بالعكس بس يعني ماتبلوا علينا هالاشياء موجوده عندنا وبعدين الناس
المحافظين بيعروف إن هاي فئه وفي غيرها فئات محافظه
مابيجمعون الكل وبعدين قبل مانلومهم
نبدأ بإصلاح المجتمع
:fa36:
مــهــابه
08-10-06 ||, 09:35 PM
انــا اعتــقد انـ الكاتبــ ناقشــت شي جزئي مــن مجتمــع الإماراتــ..
او بــعض التغيــرات اللي طــرت علــى مجتمــعـنــا..

ولكــن..

اعــتقد بأنهــا بالغـــت وبشكل كبيــر..

هل بــنت الإماراتــ تطلــع من ربــعها الأولاد لشــاليهات ومنتزهـــات؟؟
هــل بنــت الإماراتــ، او الأم في الإمارات تسمــح لبنتــها تظهر مــع ربعهـــــا؟؟
ــ
هل بــنت الإماراتــ ماخذه حيــاتها لعـب؟ وســوالف؟ وطلعـــات ؟ واغــاني فقط


متــى بنت الناس والعــرب في دولتنـــا تصير مغنيــه؟؟

وإذا صــارت تعتــقدون انــها فعلاً بـنت عرب؟؟

مثــلاً اليــازيه؟؟

مــاعتقد انـ امهــا مواطنـــه؟؟
ولــو دورتــوا عن اصــلهــا مابتكــون هي بنــت الإمارتـ بالفعــل..

الكــاتب تناقش من ناحيـه سلبيـــه فقط لاغير
تعــالوا نحسب كم من بــنت في الإماراتـ تظهر بــلا عباه وشيلــه؟؟
مقــارنه باللــي تلبس..

المــسلسل متــبري من مجتمع الإماراتــ

لأن مجتمــعنا همــه انه يخــرج اجيـال تنفــع مب فــــنانه
صدى جوفي
08-10-06 ||, 10:06 PM
السلام عليكم،،

عدنا من جديد .. بظهر عن الموضوع شوي ((وداد الكواري))

أي مواضيع < اجتمــاعية > ناقشتهــا :a116:

فيوم آخر - اسم المسلسل - ناقشوا قضية الوالد السكير والمشاكل اللي واجهها بسبة "الخمر"

خلف الكواليس >>>> كيف مثلوا جدام اليهال هالمواقف:fa55: ...

والمشاهد يعني شو استفاد من المسلسل :m_afaker: يعني السكير بطل يشرب خمر:a116:

والمسلسل اليديد ((نجمة الخليج)) مواكبة الموضة -رقص و غنا واختلاط- لا يفوتهم القطار
الدلووووعة
08-10-06 ||, 11:31 PM
بالعكس لو لاحظتو .. بنات الامارات من اكثر البنات الملتزمات ومتحضرات

وانا واثقه فمب امتعبه اعصابي على الفاضي .. بس الي ملوع جبدي انهم صرفو على فكره ماتستاهل !

اختيه بوظبي هذا الشي كاااااااااااان فعل ماضي لاكن الحينه العكس صحيح
وين الالتزام اللي ترمسين عنه انا ماقول الكل لاكن من اللي اشوفة الحينه
بعد مادخلت عالم يديد واللي اسمة جامعة صدق صدق شفت العجب فيه

وين الالتزام اللي ترمسين عنه دام البنات استون بويات
واللي هب بويه البنوته شيلتها ماتنحط عراسها فالجامعة بكبرها جدام الاساتذه بس يوم بتسير البيت تصطلب وتتشيل عدل اي التزام تقولين عنه
الخط الساخن
08-10-06 ||, 11:53 PM
سلاام

خلوني ارمسكم عن هالموضوع

انتو ليش محتشرين ؟ ومغيضين ع سالفه هالمسلسل :k_icon9: .. انا ما اتابعه بس جفت كمن حلقه منه !

الكاتبه وداد الكواري

اللي من ثلاث سنين ونحنا نجوف مسلسلاتها ونحس فعلا ً انها تتكلم عن قضايا مجتمعنا حاليا ً
وشو نهياته وتحاول انها تعالج هالمشاكل وتراويكم نتايجها ؟

انا معجبه جدا ً بهالكاتبه .ّ.

ثاني شي بالعكس المسلسل يتكلم عن واقعنا :k_special2:
هم مب قصدهم ( بنت الامارات بالذات ) بس لان المسلسل تصور في الامارات الناس قالو جي
والا لو تلاحظون المسلسل يشمل أغلب الجنسيات العربيـه ..

وبعدين صدق ها واقعنا
هاذي اليازيـــــــــــــه :fa44: .. مب من الامارات ؟ ومب من بوظبي ؟ اللي هي واجهة الإمارات
اكو ابوها خلاها تعيش ويا شباب .. ولا حيا ولا مستحى وفرحان بفوزها ويفتخر !!!!!!

وقريب بتجوفون فيديو كليباتها
وطلعت باسم الفناااانـــــه الإماراتيــه اليازيــه .. مش اليازيــه حااااف :fa52:

وغيرها وغيرها
ليـــش ندافع ونحتج ونحن انجوف اللي اخس من جي بمليون مره في بلادنا
هذا شويه والله اللي يعرضونه شويه ..
:boxed:


.
.
.



السلام عليكم ورحمة الله وبركاته
مشكووور اخوي ع الموضوع ..
وأوافق الاخت الياه ..
و الصراحة هذا الشي ما ينزعل منه إذا يحكي حال مجتمعنا وواقعنا .. وأحنا لازم نتبه لهذا الشي
والسموووووحه
دانة حتا
09-10-06 ||, 02:16 PM
انا اعتقد المسلسل مب الغرض منه تشويه سمعت البلاد
لانه في ناس وايد متحررة في البلاد مب لهالدرجه بس يعني تقريبا
ويمكن هم يقصدون انه هذا التحرر نهايته مب شي يعني مشاكل
مثل انها تخسر ربعها واهلها وكيف انه الناس الطيبه ينقص عليها بسرعه
يعني انحاول ناخذها بطريقه ايجابيه
ولد الشحوح
09-10-06 ||, 02:34 PM
اشكر الجميع على مرورهم وطرحهم لآرائهم
وإختي بوظبي أنا اتفق معاج على كلمة التحرر ... ثانكس
بس اذا بعالج قضية ما ببالغ فيها لدرجة ما تتصدق يعني صح نحن عندنا بلاوي وايد ومافي مجتمع في هالزمن ما يعاني منها بس انهم يحكرون الموضوع على الإمارات ها الغلط اللي احتج عليه لو لاحظتوا مسلسلات وداد اللي تصورت في قطر كانوا يحجبون الممثلات ليش ....؟ ثاني شي اذا اكثر شعب في ظاهرة ال free عندكم الكويت بناتهم عادي ما يتحجبن مب الكل بس الأغلبية وهالأغلبية من وجهة نظري ما يسوون اللي يسوونه الممثلات في مسلسل نجمة الخليج يعني في اختلاط بشكل مستحيل يكون عندنا بهالشكل الواضح
مجرد رأي
الـيـاه
09-10-06 ||, 10:36 PM
أمـــواج

مثل ما قلتلج في مسلسلاتها اللي طافت تعالج كثـير من القضايا ..
وبالنسبة لهالمسلسل هي بينت هالفكـره الموجوده بالفعل

واللي تدعمها أكبر القنوات
وناس من أعلى المنصاب so:k_icon9: هي خاربـه خاربــه وعطيتج مثال على اليازيــه

اللي يقول عيميه نحن مايخصنا فيها ( سوري على هالكلمه )
اوكي هي ظهرت باسم الفنانـة الإماراتيـة وألا لا ؟ ظهرن خواتها ( الإماراتيات ) بشيل وعبي
يترقصن مبين الشباب وفي التلفزيون والا لا ؟ تعتقدين هم سترو عمارهم :fa44:

وبالفعل فالمسلسل كان الدعم من الأهل .. ونفس الشي سالفة هاي .. اللي ابوها يباله طراق على ويهه
عسب يعرف المريله كيف :boxed: ! اللي لو حد ثاني مكانه بيسحب بنته من شعرها ويفرها على ولد عمها
عسب تعرف كيف تراوي الناس منو هم بنات الإمارات ..

وسالفة الإختلاط في المسلسل وتحليل أن الشاب يرابع البنت
اوكي خل اتكلم عن واقعنا .. تعالو الجامعـه وشوفو شو اللي يستوي واقص ايدي
إذا كان أقل من هالاشيا اللي تنعرض !!!!!!! :fa52:


الستر زين
بس ليش انافق دام فئة من بنات بلادي مايستاهلن الستر والحشيمه


.
.
.
قرموشة
09-10-06 ||, 11:27 PM
مررحـبا السااااااع ايفري ون !



همممم ..


يمكـن القـصد مـن هـ المـسلسـل انـه يبيـن النـهـايـه الشنيعـه لهـ النوع مـن العايـلات
وهـ النوع مـن التحـرر الأخـلاقـي ... وأعتـقد انـه هـذا هـو قـصد وداد الكـواري ..
لانـهـا مـستحـيل تقـدم شي ويكـون بهـ المـستوى مـن الانحطـاطـيه مـن دون مـا تنـاقش شي
أخـلاقـي ولـه قيمـه ..
وشي ثانـي .. حـتى لو انعـرض مـثـل هـ الشي في المـسلسل .. أعتقـد انـه يعبر عـن الفئـه
المتخـلفـه الموجـوده عدنـا في البـلاد .. وكـلام اليـاه صـح 1000 % اللي يستوي هنـه عدنـا في البـلاد
أكـثر .. بس الكـل ساكـت .. واكـبر مـثال اليااازيـه وأبوهـا ! بغـض النظـر عـن أصـلهـا وفصـلهــا ..
وكـفايـه انـهم يوم يزقرونـهـا باسـمـهـا يلحـقون الاسـم بالجنسيـه > امـاراتـيه <
هـذا الكـلام .. مـش معنـاتـه انـي أوافق على طريقـه عرض المـسلسـل والاحـداث .. بس كـلمـه الحـق تنـقال .. وهـ الشي يصيـر عدنـا
في البلاد .. ومــاخـفي أعظــم يا نـــاااااااااااااااااااااااااااس !


فيعنـي نـهـااااايـتن .. أعتقـد انـه مـب القصد مـن هـذا المسلسل تشوييه صوره بنت الامـارات ..
هو مجـرد عمـل يناقش قضيــه صارت عدنـا وبتصير كـثيييييييييييييير .. ويحـاول قد الامكـان انه يظهر النــتايج
السلبيـه لهـ النوع مـن الأخـلاق والتعـامـل والتصرفــاااات !


انتـو تريوا نهـايـه المـسلسل وبعـديـن بنشوف القـصد مـن هـذا كـله ليش مـستعيلـين ! ؟



سـلاااااااااام
قرموشـة
أمواج
10-10-06 ||, 01:36 AM
.
.
اليــــــــاه

مثل ما قلتلج في مسلسلاتها اللي طافت تعالج كثـير من القضايا ..
وبالنسبة لهالمسلسل هي بينت هالفكـره الموجوده بالفعل
واللي تدعمها أكبر القنوات

طيب اذا هيه تقصــد برامج اللي تخرج مغنين
ترا قنــاة دبي مسويه مسـابقة نجم الخليــج
معنــاته إنها رافضــه مســابقة نجــم الخليج
فكــيف هالمسلسل اللي فكـرته رافضـه هالمسابقـات تنعرض على دبي
ودبي بروحها مسويه هالمســابقه
يعني في تنااقض فالموضوع


أوكي فلنفرض إنه في قضيــة بتناقشـها
وين الحبكــه فالمســلسل وين المشــكله وين القضيــه . .؟!
ماشالله نحن الحين مادري 18 ولا 19 رمضــان >>لاحد يعلق ماعرف كم رمضان
ولين الحين ماشي قضيــه
لايكون فالحلــقه الاخيره بتنوجد مشــكله
.
.
دانة حتا
10-10-06 ||, 11:48 AM
امممممم كلام الياه صح يعني هذا واقع مش خيال
وكلام قرموشه صح
ولد الشحوح
10-10-06 ||, 02:40 PM
اوكيك واقع بس مب الكل هي في المسلسل عممت يعني ما جفنا الجانب الطيب والإيجابي وبعدين هي مستحيل انها تناقش سلبية نجم الخليج لان تيلفزيون دبي منتج المسلسل وبرنامج نجم الخليج ... أعتقد انهم يبون يسوون دعاية حق البرنامج ... واذا تبا تحل صدق مشكلة الاختلاط والبلاوي ما اجوفه استوى شي اصلا اللي فهمته انها تشجع البنات انهم يتعلافون على الشاب عدل قبل الزواج ..!؟!
مجرد رأي
أمواج
10-10-06 ||, 02:45 PM
اوكيك واقع بس مب الكل هي في المسلسل عممت يعني ما جفنا الجانب الطيب والإيجابي وبعدين هي مستحيل انها تناقش سلبية نجم الخليج لان تيلفزيون دبي منتج المسلسل وبرنامج نجم الخليج

الحمـدلله في حد فاهمني
:12:
دانة حتا
10-10-06 ||, 11:01 PM
كيف جانب ايجابي وهي اتناقش مشكله يعني اتبين سيئاتها مش محاسنها
اذا قالت انه هذا الشي اوكيه وفيه اجابيات جذا اتشجع ع الغلط
وبعدين هي قصدها نتيجة الاختلاط شو ..شفتو وحده قص عليها واحد والثاني اتزوج وافده
ما اعتقد هذا يشجع احد ع الاختلاط
ومجرد راي
أسير الحب
11-10-06 ||, 03:54 AM
هذا وآقع ولآزم نعترف بهالشي .. ليش ما إعترضنا على برنامج نجم الخليج ؟ وليش ما إعترضنا على برنامج نجوم الخليج ؟ مع إنها برامج إماراتيه الصنع والدعم 100 % !!

الكل صفق ورقص وحضروا وشافوا هالبرامج وشجعوا وإدعموا البرنامج بالرسايل والمسجات ...
ما قلنا هالشي عيب وما يمثل مجتمعنا المحافظ .. الحينه يوم تجسد هالشي بمسلسل قلنا عيب وهالشي ما يمثلنا !!

أتفق معاكم إن في بعض النقاط مبالغ فيها ولكن 80% من خيوط المسلسل والأحداث الموجوده ,, بالفعل موجوده في مجتمعاتنا ...

عموما يا إخوان

(( رمضان )) يطوي صفحاته ... وحساااااااااافة نضيع أوقاتنا في هذي الأشياء إلي مالها معنى ولا تصدعون راسكم مع هذي المسلسلات .. لأنها ما بتخلص.. وحاولوا قد ما تقدرون إنكم تختمون القرآن وتنكبون في العبادة .. لأن الكلام اللي نكتبه ما بيغير الحال ولا بنحرك صخره من مكانها ولكم جزيل الثواب بإذن الله
عفاريتووو
11-10-06 ||, 01:52 PM
السلام عليكم






أوكي فلنفرض إنه في قضيــة بتناقشـها
وين الحبكــه فالمســلسل وين المشــكله وين القضيــه . .؟!
ماشالله نحن الحين مادري 18 ولا 19 رمضــان >>لاحد يعلق ماعرف كم رمضان
ولين الحين ماشي قضيــه
لايكون فالحلــقه الاخيره بتنوجد مشــكله



القضية اللي يتكلم عنها المسلسل هو الاختلاط و تعريف الــ free عند هالجيل
ويبين المشاكل اللي تصير ,, يعني المسلسل مش مؤيد الظاهرة هاي
بالعكس يبين انها غلط


.
.



اوكيك واقع بس مب الكل هي في المسلسل عممت يعني ما جفنا الجانب الطيب والإيجابي


صح انها ركزت عــ الجانب السلبي بس بعد في ناس معارضين مثل الخال
و مرة يوم ساروا رحلة الشاليه ,, وحدة من شلتهم ما سارت لانه اهلها مب راضين
وهي مقتنعة ان هالشي غلط


.
.


و المسلسل مب قصده الامارات بشكل خاص .. انزين ليش صوروا في دبي؟
عشان نجم الخليج ,, و لانه المنتج تلفزيون سما دبي
و السبب الاهم بما انهم يناقشون سالفة " التطور " ,, المفروض ان المكان اللي بيصورون فيه
يكون فيه مشاريع يديدة و جي ,, وها موجود في دبي


.
.


ع الاقل المسلسل يبين ان الغلط غلط
مب المسلسلات الثانية اللي تبين الغلط صح



ماشي احلى عن مسلسل جنون المال :fa42:
ولد الشحوح
12-10-06 ||, 02:47 PM
كفكرة أساسية موفقة فالاختيار ولكن كتفاصيل لها اغلاط كثيرة
واللي رمس عن برامج الأغاني الإماراتيه فأنا بقولها وبكل صراحة معظم شعب الإمارات صار سخيف وسطحي همه الرقص والغنا وهالشي واضح في الوطن العربي كله بس زادت هالظاهرة عندنا في الامارات
ولد الشحوح
14-10-06 ||, 02:54 AM
لو تلاحظون وتذكرون كليب اغنية ميامي اونه ها اللي يغازل وحدة في المول وجي ليش صوروه في الإمارات ......؟!؟
عنود الريف
14-10-06 ||, 04:40 AM
لي عودة ان شاء الله
شمعة أمل
15-10-06 ||, 12:18 AM
السلام عليكم ورحمة الله وبركاته

نجمة الخليج .. هممم .. رايي في هالمسلسل؟؟

يرمس عن الواقع .. لكن .. واقع مبالغ فيه..!

فعلا نحن عندنا بنات مواطنات مايلبسون شيل .. لكن نسبتهم صغيره مقارنة بالبنات الى يلبسون شيل وعبي .. والى لاحظته انه في المسلسل بينوو عكس هالشي ..
من قبل كنا نتحرى الكويت دوله متحرره .. مايلبسون عبي وشيل .. بس تدرون انه هالشي غلط؟ .. هم مثلنا .. حتى البحرين مثلنا .. كلهم يلبسون عبي وشيل .. بس شي فئه صغيره ماتلبس..

انا ادرس ويا بنات على قولة وحده westernized مايلبسون لا شيله ولا عباه .. بس مهما كان هالبنات مستــــحيل .. يطلعون ويا شلة بنات وأولاد .. حالهم حالنا .. يرابعون بنااااااااات وبس

والشي العجيب.. يوم الأم ودتهم منتجع .. القروب بنات وأولاد .. ويترقصون ويغنون وكل شي O_o مهما كان .. ولا عايله اماراتيه ترضى بهالشي!!! .. تخلف بصراحه


الغلط في هالمسلسل انه ماكان شي رقابه .. شمعنى يوم يصورون مسلسل سعودي ولا قطري يتأكدون انه يوم الحرمه تطلع من البيت تلبس عباتها وشيلتها؟؟ .. لانهم يراقبون المسلسلات قبل ليعرضونهم


والياه .. صح انج صديقتي واعزج بس أخالفج الراي يوم قلتي انه وداد الكواري تعالج مشكلات المجتمع بهالمسلسلات ..
الشي الوحيد الى وداد الكواري تسويه هو انها اطلع الفضايح والى يستوي في الدول الخليجيه .. لانه نحن دايما نستر ونستر .. بس في الأخير .. محد يعالج المشكله .. بس فاااالحيين فالفضايح بصراحه
الدول الأجنبيه هم الى يعالجون هالمشكلات .. مثلا ..امريكا .. صح انها متخلفه .. بس على قل عندهم support groups وrehab.. مثلا .. اذا وحده مدمنه عالمخدرات .. تسير الرييهااب عقب يوم تخلص من هالمده .. تسير السوبورت قروبس كل اسبوع .. تتيمع ويا ناس كانو مثلها .. مدمنين .. وهايل يساعدون بعض يتخطون هالفتره الصعبه ..
اما نحن .. ماعنا شي من هالقبيل للناس .. بس نستر ولا نفضح .. مانساعد
عنا وايد مواطنين يشربون ويتعاطون المخدرات .. ولا اشيا بسيطه .. مواطنين حياتهم صعبه وعايشين في كآبه يوميا يشوفون ابوهم يظرب امهم .. هالشي يأثر في نفسييتهم .. يحتاجون مساعده ..
لو الدوله تسوي هالsupport groups والشعب يشجع هالشي بتحصلون وايدين يتعدلون شوي شوي .. بس نحن لا .. نعتبر كل شي فضيحه ولا فشيله .. ف انتم ساكتين ونستر الشي

مرات وايد يساعد ترمسون الغريب عن مشكلتكم بدل ماترمسون حد قريب .. لنه هالغريب مابيقدر يحكم عليك ولاشي.. لانه مجرد غريب!
ولد الشحوح
15-10-06 ||, 12:46 AM
support groups وrehab

حلم نتمناه يتحقق عندنا ..........
شمعة أمل
15-10-06 ||, 01:21 AM
يمكن عقب عشرين سنه!!! >_<
طير الحب
16-10-06 ||, 12:49 AM
أنا مستغربة كيف سما دبي تنتج مسلسل بهذا المستوى...هذا مسلسل سياحي ونقل صورة غلط عن بناتنا ...غريبة بنات الامارات ما يلبسون العباه الي في الاحزان
شمعة أمل
16-10-06 ||, 03:33 PM
هممم اظني عادي مايهمهم
لانه في الأخير كل قناه تتنافس في رمضان منو عندها اكثر مسلسلات واحلاها ..
وبعدين
المسلسل عن دبي.. ف القناه الأنسب هي قناه من قنوات دبي =s
قصايد غلا
16-10-06 ||, 04:11 PM
ترى المصيبه يوم إنه ما عندنا حد يرمس بالحق .. كلّن خايف على عمره ما يبا يعارض

شو هالدناءة اللي تسمح للممثّلين إنهم يمثلون ويصورون شباب وبنات الخليج بهذي الصورة بالرغم من إنه هم منهم

قلّت المونه ماشي مهرة غير إنهم يظهرون الفضايح وياليت هالشي واقعي

ودي أتصل أبارك لوداد الكواري لقدرتها على إبراز الأفكار الهدّامه اللي بتنشرها بين اليهال ولأنها شوّهت صورة بنات الإمارات ...
أمواج
16-10-06 ||, 04:16 PM
.
.
حد يقــولي وين وصــلة احداااث هالمسـلســل الهابط . ؟!
لاني بصــراحه ماتابعه
:Oo:
.
.
بنت ناس و عرب
16-10-06 ||, 05:53 PM
لو تجوفون المسلسل هذا بطرسقه ثانيه

انه لو كان نجم الخليج مب نجمة الخليج ..

ترا نفس الشي .. مقصده انه كيف اللي يشتهرون يتكبرون

و كيف الحاشيه او البطانه تفكيرهم للشخص
أمواج
16-10-06 ||, 07:07 PM
ترا نفس الشي .. مقصده انه كيف اللي يشتهرون يتكبرون

.
ماختــلفنا في هالشــي
يعني لو كان نجـم الخليج بدل نجـمة الخليج كان اهـوّن بوايد
بس اللي مخلتفين عليه كــلنا إنه بأحداثه بكل شي يصير فالملسلسل بمثــل الامارات
ياليت بصـوره زيــنه بالعكـس بصــوره تبين للمشــاهد إنه هذا واقع الامارات فالحقيقه
ونحن مب جيــه ، يمكـن هالشي يصير عدنا بس بعدنـأ احسن عن غيرنا
.
دانة حتا
16-10-06 ||, 09:24 PM
اممممممم يمكن يكون الافكار اللي فيه غلط شويه
بس مب معناتها انه ما في ناس متحررة وايد
وفي ناس ضايعه عاطيه عيالها الخيط والمخيط

مممممممم ما ادري بس انا اتابع
قصايد غلا
18-10-06 ||, 08:16 AM
الغلط مب من وداد الكواري بس .. الغلط من عينه في شعب الإمارات

أمسات يالسه أفكر ، أقول في خاطري "ماحيد بنات بلادنا مطربات" بس خلاف يت في بالي "اليــازيــه محمد" وقلت : ما تنلام وداد الكوّاري دام اليازيه ابوها واقف حذاها ولا يحس بالغيره عليها :glare:
ولد الشحوح
19-10-06 ||, 07:11 PM
نوعية اليازية فكل مكان مب بس فالامارات وانا اللي قاهرني بعد مثل ما قلت فيديو كليب ميامي يابويا ليش صوروه على انه مواطن يغازل وحدة ....