موبايلك ماذا يعني لك....؟

[طير الحب]

السلام عليكم:k_smile2:

من بعد غيبة طويلة عن الواحة الأكثر جماهيرية حالياً:thumbup1: عدت بموضوع خفيف snacks
http://www2.0zz0.com/2006/09/19/04/491843487.jpg



المهم سبب الموضوع هاتفي المعطل على الدوام بسبب إهمالي وعبود وولد اخوي ما يقصرون فيه آخرتها انغمس في عصير ليمون...نرجع لمحور الحديث :6:

موبايلك ما مدى اهميته في حياتك....؟

وكم مرة تحب تغيره ولماذا...؟وهل انت على على تواصل مع آخر التحديثات في مجال الموبايلات ...؟





الأسئلة الي بالأحمر جاوبوني عليها...وبجاوب أنا بعدين.

[ألم ترى]

بسم الله الرحمن الرحيم ..

هلا ام عبدالله ..

يبتيها ع الجرح هيه هيه :woot: ! ..

موبايلك ما مدى اهميته في حياتك ؟
والله واااايد مهم ولكن ايام الأعياد و المناسبات اغلقه لجل غير مسمى :fa52: !

كم مرة تحب تغيره ولماذا ؟
اغيره ع حسب اليديد ومش اي يديد
يعني عندج الأي ميت بي سي او ماينزل اشتريه ودواليك دواليك وحاليآ تركته لـ عيوبه وعندي تلفون تايلندي :look: !

شكرآ ع الطرح اختي ..

[ذنـيـنـي]

مب وايد مهم

يعني مثلا اذا نسيته في البيت ولا في مكان مستحييييل عندي ارجع عسب الموبايل،،،
بالعكس استانس لأني بفك عمري من الصدعة


و مرااات اتيني حالات اغلق فيها تيلفوني لمده اسبوع او اسبوعين و اشغل رقمي الثاني الي محد يعرفه غير اقرب المقربين مني




بالنسبة لتغيير التيلفون،،

شي حلو انه الواحد يكون عنده تيلفون فيه أحدث المواصفات
بس طبعا التغير يكون بعقل،، يعني مب كل شهر مثلا اغير تيلفوني ولا كل شهرين

[شهوووودة الأمورة]

يقولون من طول الغيبات ياب الغناايم .. :h_mar7aba: :m_mar7ba:


عني أنا بالنسبة لي الموباايل واااااااااايد مهم ..
استخدمه >>>>
منبه يوعيني للجامعه..
اتصالات ضرورية وقت الحااجة وخااصة يوم اكوون طفرانة وضاايجه ..:fa43: :h_terms:
أسأل عن أهلي وعن أحوالهم لأني بجامعة الإمارات .. :h_terms:
مسجاااااات .. للي احبهم واشتاق لهم .. وللي يسأل عني..:fa41:
مراات يوم اضيج ايلس اكتب بالوساايط فضفضتي ..:fa52:
وبس .. عسب جي واااايد مهم ..:thumbup1:

وناااادر ما اغلقة .. وحتى اذا غلقته ما اطول يمكن ساعة بالكثير او أقل .. وهييه صح ما أحب أحد يمسك موباايلي إلا باستئذاااااان ولاا ع طووول بهااي :h_qor9anah: :h_qor9anah: :a046:

للحين ما غيرت موباايلي وخااطري أغيره .. بس بعد ما يهوون علي اغيره لأنه هدية من باباتي ..
اتريا أتخرج عسب أغيره ..:h_ttmasha:


ثانكس سيسووتي ع الموضووع ..:thumbup1:

[الهيثــم]

لـي عـودة ان شاء الله ،،

[طير الحب]

يا سلام على هالغيث ردود تشرح القلب:k_smile2:


أولا بجاوب عن الأسئلة


موبايلك ما مدى اهميته في حياتك ؟

موبايلي مهم جدا كان أيام الملجة والحين مفرور في زوايا البيت:k_harhar1: ووايد أنساه وحاليا ريلي يذكرني به ودوم أقوله حطه بجيبك يوم ما أكون شاله شنطه ....أخبركم عن موقف صار من فترة قريبة...كنا بمحل في دبي بوعبادي عطاني موبايله ايوده المهم...طير التهت مع الأغراض وحطيت موبايله وشنطتي على طاولة وأنا بطلع من هالقسم شليت الشنطه بس...وتمينا نتحوط في المحل ساعه تخيلوا يوم وصلنا الكاشير ... قلت رديت عليك موبايلك ...قالي لا...جان أقوله ضيعته عاد نسبيه كان ويانا قال ليكون السوني اريكسون قلت هيه قال وانا الف في المحل واقول منو الغبي الي مودر موبايله...المهم عدت على خير بس شكله حرم يقولي يودي شيء.

كم مرة تحب تغيره ولماذا ؟

ما احب أبدا أغير موبايلي بسرعه لأني أخزن تواريخ ميلاد ربعي ومناسبات خاصة ك reminder ...وما أحب اتعود على موبايل وأرد أغيره وأرد اتعلم من أول ويديد...الموبايل الي عندي الحين من سنه ونص...وبس حاليا حبيت نوع من الموبايلات بسبب تصويره وأفكر آخذه.

لي عودة للتعقيب على الردود:thumbup1:

[بوزايد]

موبايلك ما مدى اهميته في حياتك ؟

اممم انا الموبايل كل شي بحياتي

شرات الهواء الي اتنفسه

وايد وايد مهم عندي


كم مرة تحب تغيره ولماذا ؟
اغيره يعني بالكثير كل ثلاث شهور
احس انه ماله لزمه اني اغيره بس ما اقدر لازم اغيره





وانتي اكيد بتنسينه الحين لانج مش محتاجتنه معرسه وخلاص :k_harhar1:
الله يوفجكم يا رب


تسلمين ع الموضوع

[وعد]

هلا بطير الحب

تراني مثلج صارت لي غيبة طويلة عن المنتدي :(
طيب بالنسبة لاسالتج
1) مدي اهمية التلفون

الصراحه مهم وووووووايد :a049: ولازم دايم يكون معاي

2) اشكثر اغيره
والله علي حسب المود يعني ممكن تلفون يتم معاي سنه ما اغيره وممكن تلفون بعد شهرين اغيره


تشكرات

[حركات]

مرحباا طير :k_blush-anim-cl:


موبايلك ما مدى اهميته في حياتك ؟

مرات احسبه مهم وبعد على حسب المزاج مرات يكون 24 ساعه ف ايدي ومرات طول اليوم ماافتكر فيه مااتصل وايد مره فاليوم ولامره كل يومين اتصل منه انا اكثر شي المسجات بس يعني طول اليوم اطرش حق ربيعاتي بالذات وحده طول اليوم اطرشلها واطرشلي ماتصلبها الا يوم اصبوعاتي تعورني ---> (اعاني من هالشي) من المسجات .. بس انا وايد اتحمل منه اخافه يضيع ولا ينسرق .. ومااخاف عليه الا يوم اشوفه ف ايد ياهل :d014:



كم مرة تحب تغيره ولماذا ؟

نادر مااغيره مايعيبيني وايد اغير الموبايل لاني اكون امخزنه فيه اشيا وجي واكون متعوده عليه اللي عندي الحين من 3 شهور لوول واللي قبله تم عندي اكثر عن سنتين ماغيرته
الا عقب مااخترب :sad: كانوا دوم يعلقون عليه لاني من زمان عندي
مرات يعيبني تلفون افكر اشتريه وعقب اغير رايي مابا اغير... انا لاحظت كل ماافكر جد اغيره يخترب اللي عندي كل هم جي من اقرر بخذ يديد على طول يخترب اللي عندي :crazy:

[شرجاوي]

التلفون الصبح يكون وااااااايد مهم .. بالاوقات الثانيه ما ادريبه وين ..

و تلفوني و الحمدلله كمل سنتين ما غيرته

[قرموشة]

طـيير الحـب شكـراا عـ الموضـووع الفتووكـي
:thumbup1:


السـؤال الأول ..


أنـا شخـصيــا مـب متعلـقه بتيلفوونـي ذاك الزود .. عادي أعيش مـن دوونـه .. :h_qor9anah:
صـح انـه ماخـذ حـيز في حـياتـي بس يعنـي لو ضــاااع ما أعطي للأمـر أهميـه
ويتنـي فتره كنت فيهـا من دون تيلفوون لأنـه ضااع منـي لوول ..
أصلا كـل تيلفوون يطييح في ايدي لازم يضيييع !!
والحيـنه عندي هـ الصغيرووني مال تاايلانـد .. وعاايبني واايـد .. وشكـله على وشك الضيااع بعد وخخخ :woot:


السـؤال الثــاني
اممممم مـن دخـلت الجامعه خـذوولي التيلفوون وخـلال هـ الفتره غييررت تقريبـا 3 ..
أصلا لو تمـوا عندي ما كنت بغييررهن بس للأسف يضييعوون مني .. !!
وما أهتم بالموضـه انا أبداا .. بس يعجبني الشي الغريب وما أحـب حـد غيري
يكـون عنده شرات اللي عندي p=

[الامير الحزين]

موضوع جيد ورائع
وانا حاب اجاوب عليه
السؤال الاول:
انا التفلون بالنسبة لي مشكله لان عملي كله عن طريقه وين ما رحت حتى وانا خارج الاردن يضل يرن
و ما اقدر اوقفه لحظه ابدا او اتركه من يدي ابدا

اما السؤال الثاني :
فأنا احب اغير تلفوني كل فترة وليس السبب الموضه انما احاول ان اجد ما يساعدني
على تأدية عملي على النت و خارج المكتب و جميع الاوقات و ليسا امس اشتريت واحد جديد :woot:

[مــهــابه]

موبايلك ما مدى اهميته في حياتك ؟

مــب وايــد مهم بالنسبــه لي انــا يوم اكــون فالبيــت ، يعــني عادي اغلقه لمده اسبوع ، شهر ، البطاريــه أغلـــب الوقــــت مفضيــــه

امــا فـ الجامعـــه فصــرت احتــاجه وايد ، اسأل عن ربيعــاتي ف الكلاسـات ، يــوم اكون مــلانه اقــعد ارمس فيــه


كم مرة تحب تغيره ولماذا ؟

انــا مب من النوع اللي احب اغير تلفوني عـــادي ، لأن كــل تلفوناتي للحيـــن كانــت هدايــا ماجد اشتريــت موبايل بروحي


تحياتـي لج طير الحــب


مــهـــابه

[قــبقــوبـه]

عجيييـــب الموضـــوع ..
شكــراً طيــر الحــب ع الطــرح ..

موبايلــك ما مـدى اهميتــه في حياتــك....؟


انا واايـــد متعــلقه بموبايــلي .. لانــي مااروم اقضــي معظم أشغــالي بدونه .. يعني هوه الي يوعينــي حق الــدوام .. ويـوم أظهـر الســوق مااحـب حد يكون ويـايه وانا اتشــرى :boxed: .. فيـوم اخلـص اتصل فـ اهليـه عسب اتلاقــى وياهـم .. وبعـد وسيـلة تواصـل باللي اعرفهــم .. بس المشـكله اني مااروم ايـود شي فايـديه .. فدوم يضــيع عنييـــه ..
احييــد مره كنت يالســه أتعبـث فالاكـواد مال الموبــايل وقفلــت البطــاقه .. اسمييــني إتأزمــت .. وصـدق حسيــت بقيـمة الموبايــل :k_nono: ..


وكــم مـرة تحــب تغيــره ولمـــاذا...؟

انا مب من هـواة التغييــر .. دام المــوبايل صاحـي ويشتغــل .. فما اعتقـد اني لازم اغيــره .. :fa46:


...
..
.
:bye2:

[كـلـكـلـووش]

الســلام عــليكم

طــرح جميل اخــتي طير الــحـب ..

الموبايــل مش شي اسـاسي بالنسبه لي .. بس ما اقدر اقول انه مش مهم .. في اشغال و في اشيا ما تنقضى إلا بالموبايل ..
و غير هذا انا انقهر لما ابى من شخص شي ضروري و القى تلفونه مغلق .. فـ حتى لو انا حاط في بالي اني ما ابى شي ضروري من اي شخص و بغلق تلفوني .. ممكن ايي شخص ثاني محتاجني ضروري بشغله .. و يلاقي تلفوني مغلق .. و يتوهق و السبب اني غالق تلفوني ..
بس بعد هذا ما يمنع اني اغلقه في الاوقات اللي احتاج فيها لهدوء و سكون ..
حتى بطارية تلفوني دمرانه من كم شهر و البلوتوث ما يشتغل عندي و لين يومج ما سرت ابدلها .. وخخخ

انا مش من هواة التغيير .. لكن اذا تلفون دخل مزاجي و عيبني باخذه .. اهم شي انا اكون مرتاح بالتلفون اللي عندي .. ما يهم جديم و لا يديد ..

ســلام
كـلـكـلـووش

[حلم الطفوله]

السلام عليكم

الموبايل ...آخر شيء أفكر فيه ....يعني منساي بالشنطه لأيام وأيام:boxed: ....

وساعات لما احتاجه اكتشف إنه مفضي فأتوهق:7:

وبسبته أحصل فتنه معتبره من إلي يدقون وما أرد عليهم ...والسبب إنه المكالمات امكوده:surrender:

بس أحب التغيير ....كل سنتين لازم موبايل يديد :thumbup1: ....

[لمّــاح]

السلام عليكم ..

سبحان الله توني كنت اكلم واحد و اقوله عن الموبايل و شكثر مهم عندي لأنه من يومين ياني واحد و قال لي شكلك ماتقدر تعيش بدون تيلفونك :boxed:

انا شخصياً التيلفون واااااااااايد مهم عندي و ماقدر اكمل يومي بدون التيلفون .. و الاسباب كثيره !!

نص اشغالي تعتمد على التيلفون .. الريمايندر و هو اهم شي ايضا عندي لأني وايد انسى ف استخدمه و تقريبا بشكل يومي عندي لستة طويلة في الريمايندر كل شويه يرن الجرس يذكرني بالمواعيد او بالاشيا الي لازم اسويها ..

و بخصوص تغيير التيلفون .. انا شخصيا ماحب اغير تيلفوني لأني يوم اتعود على تيلفون ماحب اغيره .. التيلفون الي عندي الحين 6233 و الي قبله N70 لكنه ماكان عملي عشان جيه خذت ال 6233 ..
عملي و كيمرته زينه و خفيف و لونه اسود ..:thumbup1:

[الملهم]

السلام عليكم

انا ما احب اغير موبايلي الا بعد ما اشبع منه .. والموبايل اللي عندي صارله سنة عندي ويمكن يتم لين سنتين ^__^

والموبايل بالنسبه لي اداة اتصال .. يعني لازم اشل ويايه الموبايل
الى اي مكان .. بس عشان الاتصال او مرات استخدم التصوير .. وما احب وايد
ارمس بالتلفون الا في اشياء مهمة فقط ..

الف شكر على الموضوع ^__^

[شمعة أمل]

موبايلي وايد مهم بالنسبالي .. ماعرف كيف اعيش بدونه:fa41:
هو مب مجرد للاتصالات استخدمه لاشيا كثيره
همم ساعات شي يستوي جدامي يخص حد فأصورلهم الصوره واطرشلهم *ويدبرون الأمر*:boxed:
المنبه.. وااااااااااايد مهم .. يوعيني يوميا الساعه اربع ونص الفجر .. بعدين 8:45 .. بعدين على حسب متى ارقد العصر واحط المنبه لساعه وشوي:m_atmasha:
الكالندر وايد مهم .. لتواريخ مهمه المفروض مانساها:fa52:
رقمي vip :k_harhar1: اذا اتصل لأبويه من رقم البيت مستحيل يشل التليفون بس اذا اتصله من رقمي سيده يشل التليفون:cool:
اذا ابند موبايلي هاللي احصله من ربيعاتي >>>>:a046: :a046:
واهم شي المسجاااات .. يعني ساعات أبا اخبر حد شي بس مايباله اتصال .. مجرد شي بسيط .. ولا اذا أبا ارمس ربيعتي نص ليل .. ممنوع اتصل .. ف نرمس بالمسجات:k_smile2:
لو ماكان عندي موبايل ماكان بيكون عند ربع:crazy: .. ربيعاتي غير شكل *معظمهم* .. مستحيل يتصلون عالبيت .. لازم موبايل
بعد الموبايل وايد مفيد .. انا مب حافظه غير كم من رقم فيه:k_harhar1: .. على قل ويا الموبايل كل الارقام مخزنه فيه


من قبل ماكنت احب اغير تليفوني وايد .. بس الحينه تغيرت وااايد .. بسرعه بسرعه اغير موبايلات ..

[الدلووووعة]

موبايلــك ما مـدى اهميتــه في حياتــك....؟

انا عن نفسي هب وايد وايد مهم عندي المبايل
واصلا مرات يوم اسير المول ولا مكان ماوديه وياي اخليه فالبيت واسير لنه احسه مامنه فايده
دام انه امي واختيه عدهم يعني برايه بس اشله يوم اسير الجامعة والحينه مبايلي مفرور فالكبت ولا دري عنه ^_^

وكــم مـرة تحــب تغيــره ولمـــاذا...؟

هههههههههههههههههههههه
انا من شهر 7 لين الحينه مغيره 4 مبايلات
وآخر شي استقريت على ال lg
وخلاص مافكر اغيره بس ماعرف لين متى

وتسلمين اختيه عالموضوع

[الغاليه]

موبايلي ايام الاجازات مايكون له اهميه عندي ودومه ضايع في البيت واخس شي يوم اتفضي البطاريه يوم يكوون ضايع ... اتم ايام وانا ادوره ...

وعادي يتم شهر عالسايلنت ... معوده ربيعاتي ماتصل .. ولا استقبل ! الا نادرا .. ماعرف شو خانته في الحياه :boxed: .. كارهيني ربيعاتي في هالشي ..

وماحب ارمس فيه وايد ... ياالله ياالله خمس دقايق او عشر دقايق بالكثير يوم احتاجه

اتواصل بالمسجات اكثر ..

ايام الجامعه يزيد نشاطه وحيويته وترد له الحياة طشونه .. لانه يلازمني طول الوقت

ومب دووم اغير موبايلي .. يمكن كل سنه او سنه ونص .. اهم شي انه يكون حلو وصغير وكيوت وشكله ولونه عايبيني ..

[طير الحب]

بوعبدالرحمن غريب أمرك...العيد الي الناس تتواصل فيه...تغلق موبايلك...غير هالعيد


ذنيني...كلنا نمر بفترة ما نحب نرد على مكالمات حد ...أنا علاقتي شبه مقطوعه بالموبايل إلا في المناسبات وبين فترة والثانية اطمن على صديقاتي.


شهوووودة الأمورة ...انا بعد استخدمه منبه للصلاة في برنامج حلو عندي وقت كل صلاة يأذن الموبايل الآذان كامل وايد مفيد هالشيء...حسيت كيف الموبايل مهم لج لأنج بعيدة عن اهلج.


بو زايد...تفهمها وهي طايره...أكيد مب محتاجتنه إلا للمسجات والوسائط ...ربي يوفق الجميع.


وعد...نور المنتدى عزيزتي.


تنويه...هالموضوع نزل بالأول في واحة الأصدقاء ثم تم نقله وقد وجب التنويه اني أقصد بالواحة الأكثر جماهيرية واحة الأصدقاء والتعارف.

[تحفه]

عليج السلام والرحمه


موبايلك ما مدى اهميته في حياتك....؟

مش مهم .. اروم اعيش من دونه ..
حتى يوم يظيع ولا ينسرق وابويه ما يظهرلي بسرعه رقم .. عادي عادي عندي بس ربيعاتي يصير بينهم وبين الجنون شعره لول

وكم مرة تحب تغيره ولماذا...؟وهل انت على على تواصل مع آخر التحديثات في مجال الموبايلات ...؟

نعم انا على اخر التحديثات .. وبين فتره وثانيه اغير بس "ما اهتم لهم" ما ردلي لـ موبايل واحد وهو من نزل لين احينه معلقه عليه كوده P910i من سوني اركسون ..

btw ما يهمني .. بس اكون متواصله على اخر التحديثات لانه محل خالي لوول .. فيعني مش قضيه اروم اغير اي ساعه بس مش شي صدقوني احسن موبايل موبايلي .. احسن بسوي دعايه لول

[ولد الحكومة]

السلام عليكم ورحمة الله وبركاته

موضوع مميز وحلو :thumbup1:

الصراحه من زمان ما شفنا مثل هالمواضيع الحلوة :b015:

بخصوص الهاتف المحمول انا بالنسبه لي مهم وايد واتحدى كل واحد ايقووول ان الهاتف مب مهم في حياتنا اليومية ... الهاتف بالنسبه للانسان اللحينه مثل السياره بدون بترول ما تمشي .. بغض النظر عن الحاجات الي يغطيها في مجالات الحياة..


بخصوص التغيير انا مب دوووم اغير التلفوووون .. يعني آخر مرة كان عندي تلفووون الي مثل (( الدمعه )) وانجبرت إني أغيرة عشان انجب عليه الحليب واخترب :a116: وحاليا عندي نوكيا إن 73 الصراحه عايبني واااايد :m_atmasha:


والسموحه

[أمواج]

:h_mar7aba:
.
.
موبايلك ما مدى اهميته في حياتك....؟
اممم تلفووني أحـسه وايد مهــم لي ، مب عشـان الـ Calls ولا الــ msGs
بس انا فيني طــبع إنه احب اكتب ملاحظــات فتــلفووني ، يعني أسيـر للـ calendar و واكتب عند التاريخ الحدث اللي صارلي ، حتى لو كانت كلــمه وحده ، احب اسوي هالشي فــتلفوني ،
وكم مرة تحب تغيره ولماذا...؟وهل انت على على تواصل مع آخر التحديثات في مجال الموبايلات ...؟
مب كـل ماينزل تلفوون اسير اشتريه
بس اذا حسيت إنه التلفوون صدق صدق دش خاطري اشتريه
.
.
:vampire:

[هزاايم]

موبايلك ما مدى اهميته في حياتك....؟
مهم ليه لأني سنه لين مااحفظ الأرقاام,,فسهل عليه المهمه,,ومااحب اشيله معي لو ظهرنا بس احيانا اتندم عسب اكوون ضايعه ويا الضغااريه:fa52: واتمشكل ماانسى وش صاار بنا صدق وهقه,,و لو نسيت الكيمراا فهو مايقصر

وكم مرة تحب تغيره ولماذا...؟وهل انت على على تواصل مع آخر التحديثات في مجال الموبايلات ...؟
خخخخخخخخخ آخر وحده تفكر تغيره من ذاتها,,انا من نووع إلي إذ تعود على حااجه صعبه يتواالم على شي يديد,,احب اتاابع بس مااحب آخذ حييلوه:k_harhar1: ,,ولي يغير جهازيه أخوي لأن هو يعرف الزين من الشين

وسلامتج:thumbup1:

[طير الحب]

هلا حركات...تشبهيني في السبب الي يمنعج من تغيير موبايلج أنا حتى في أشياء وايد اخزنها في موبايلي مهمة بس هاليومين كرهته وايد صار يخترب والسبب اليهال يلعبون فيه وانا جدا بادرة من هالناحية.

شرجاوي..على كثرة التقنيات الي تظهر صار لازم نغير موبايلنا بين فترة والثانية.

قرمووشة...وايد حبيت هالموبايلات الصغار بس عيبهم ما فيهم كاميرا امس شفت موبايل ما تبان شاشته إلا إذا رن حبيته.

الأمير الحزين...عيل تابع السؤال اليديد أكيد بتكون عندك إجابة.

مهابه..صدقج على أيام الجامعه وايد كنا نحتاج الموبايل.

ريف الصبا...حلوة سالفه أنج ما تحبين تتسوقين إلا بروحج أنا بعد اغلب الوقت من هالنوع بس الحين احب أتسوق مع زوجي بس تعرفين يوم تكونين مع حد ممكن يغير ذوقج ويفرض عليج شغلات بدون ما تحسين ويوم تردين البيت تندمين على الي شريته...ظهرنا من صلب الموضوع أنا بعد صعبه يكون الموبايل بيدي وما انساه مكان.

كلكلووش...انا أحس ان اهم شيء يكون الموبايل عملي وفي مميزات تفيدك في حياتك وعملك.


السؤال الحين

من منكم تفرض عليه طبيعه عمله أو دراسته إستخدام هذه النواع من الموبايلات..؟؟

http://www2.0zz0.com/2006/10/05/00/20129340.jpg

[بنت الدلع]

السلام عليكم ..

تسلمين عالطرح الجميل

التيلفون بالنسبه لي شي اساسي
مااروم اعيش من دونه
- لاني دايما in call
- واايد مهم للريماندر
خاصه لنشة الصبح ..و يذكرني باعياد الميلاد
لان ماشالله مكثرهم كل شهر لازم في مناسبه

والاهم الكيمره الي فيه
ما استغنى عن الكيمره .. اعشق التصوير (( مسميني مصورة العيله ))

-----

يوم امل من التيلفون اغيره
وانا ما اخذ التيلفون الا اذا ارتحت لمواصفاته ^

----

[فركوشه]

انا صرت ما اداني موبايلي.. مزعج.. حتى فنصاص الليالي..

واحب اغلقه.. او اخليه فمكان بعيد عني..

ومن ناحية التغيير ما احب اغيره.. لاني ما احب التغيير..

وسوالم..

[مجموعة إنسان]

انا موبايلي العجيييب مل مني
الحيين 3 سنييين
عاش معااي ونام معاي وضاع عني وياما شفته يدور تحت سيتات السيايير يدور عني
مسكين يالبوليزر
ايامك خلصت
شو بنسوي بعد لازم نغيرك
نتعولم شوي !!

الحين مفكر اخذ السوني كي800أي
عجييب بصراحه ..

وسؤالج الثاني يا طير .. انا ادرس يعني مافي حاجه استعمل هذا الموبايل
يكفيني دفتر وقلم وفايل و لابتوب
بس ..

شكراااااااااااان على الموضوووع وحان الان موعد الفطووور
نشوفكم بعد 3 ايااااام !!
مع السلامه عليييكم

[خيال الحب]

السلام عليكم ورحمة الله وبركاته:1:
موبايلك ما مدى اهميته في حياتك....؟
انااا بدون تيلفون مااااااااابعرف اعيش بهالدنيا:10: .. ماعرف لازم العب بالتيلفون .. اتصل.. اطرش مسجات .. العوز خلق الله(ربعي, اخواني, عيال عمي,خالاتي)..
وكم مرة تحب تغيره ولماذا...؟
انا من النوع الي ماحب اغير موبايلي.. احس يغمضني اغيره:3: ,, ماعرف ليش.. وماتهون علي العشره:k_harhar1:


وبــس

[الـيـاه]

سلام


موبايلك ما مدى اهميته في حياتك....؟


هو مهم لان يخلصلي وايد اشيا , وأكثر الاتصالات تكون بيني وبين الدريول هههه ساجد تعال الجامعه
الو ساجد سير بيت فلانه , الو ساجد , ساجد :boxed: ؟ آخـر شي بيشنقني هالمخلوق :a046:


وربيعاتـي طبعا ً

لكــن هالايـام من كـثر ما انا مضغوطـه
وااااااااااايد اسوي طاف حق الموبايل
تلقون 50 مس كول وانا مادري فارتنه في الحجره .. مول ماتحمل الحشره انا ( اللي وايد يرمسون )
راسي يعورني :d014: !!!!!



وكم مرة تحب تغيره ولماذا...؟
وهل انت على على تواصل مع آخر التحديثات في مجال الموبايلات ...؟

هممم
هيه أحب أغـير موبايلي , مب عن شي
بس انا الموبايل ما يسلم في يدي , ألعن بو خامسه من الطيحات :doh: ههه فـ مجبـوره اغيره
وهيـه أحب اشوف شو اليـديد بس مب دوووم


.
.
.

[بوسلطان]

موبايلك ما مدى اهميته في حياتك....؟
بالنسبه لي موبايلي يعني لي كثيـــــــــــر .. لأنه جاتني هديه من شخص عزيز على قلبي .. انا اعتقد مو مهم الشي المهم انه من مين وحتى مب ضروري يكون موبايل .. حتى لو شي بسيـــط .. :a034:


وكم مرة تحب تغيره ولماذا...؟وهل انت على على تواصل مع آخر التحديثات في مجال الموبايلات ...؟
انا موبايلي ما بغيره ابدا .. الا مره انتهى تاريخه .. او تدمر او اي شي .. بس اذا الموبايل انا اشتريته يمكن أغيره على حسب الامكانيه .. * اذا الاقتصاد يسمح * ..:huh:

ومشكوره اختي على الموضوع .. أخوكي بوسلطان
__________________

[قلم احمر]

هــــــ ــــــــــــ ــــــــــــ ــــــــــــلا ...

موبايلك ما مدى اهميته في حياتك....؟

هو صح ان مفرور ومب دووم عندي مره احصل اختي ترمس فيه مره اخوي ومره ابوي يشله اذا ماكان موبايله عداله اذا بيتصل في اخواني ولا حد من الاهل ماخذين راحتهم الاهل .. بــــــــس فوق هذا كله ما اروم استغني عنه :a010: .. مره كنت اتمصخر ويا ربيعتي فالسياره كل شوي اشل الموبايل وافره عليها (دفاشه) :a116: اخـــــــر شي فتحت الدريشه وجان تفر الموبايل في الشارع وروحت .. يتني الصيحه ردينا اندوره ومالقيـــــــــته والارقام الي مخزنات في البطاقه من 7 سنين كلهم راحوا :):boxed:

وكم مرة تحب تغيره ولماذا...؟وهل انت على على تواصل مع آخر التحديثات في مجال الموبايلات ...؟

كل 3 او 5 شهور اغيره والحمدلله انا اتأقلم بسرعه واحين عندي 3 موبايلات N70 . N73 .الموبايل الصغير الي بحجم بطاقة البنك .. بس ساعات تيني حالات كل شهر اغير ..ماعندي تواصل بس اذا شفت موبايل وعيبني اخـــــــذه

والسموووحه

مشكووووووورة طير على هالموضوع الحلووو

[سفير الخيال]

هلا والله بأم عبااادي :smile:


اتصدقين عندي من الأغراض الشخصيه اللي عندي أهم شي التيلفون والساعة ومن دونهم مستحييل يمر يوومي بسهوله :smile2:
في تيلفوني كل الأرقام امخزنه فيه وما أحب اكتبها في دفتر بس مرات اسجلها بالكمبيوتر كمرجع إذا ضاع تيلفوني,,
استخدم التيلفون مرات عسب اتأكد من تاريخ معين واستخدمه اكثر شي الصبح عسب انش من الرقااد,,
وأهم وقت احتاج له التيلفون أيام الأعياد والمناسبات,,
أكثر اتصالاتي اتكون للبداله ^_^

بالنسبه للتيلفون أنا تقريبا كل ما ينزل تيلفون وأحس إنه عملي وبنفس الوقت حلو أشتريه بس بشرط إن تيلفوني الجديم ينكرف كرف :doh: وما اتهمني الموضه وايد أهم شي راحتي


:8:

[طير الحب]

حلم الطفوله...أنتي نفس حالتي بالضبط:a050:

لماح...بالفعل الريماندر من اهم الأشياء عندي وايد استفيد منه.:thumbup1:

الملهم...بالفعل أنا يوم اتعود على موبايل ما احب اغيره بسرعه لأنه مثل ماقلت أداة اتصال مب رفاهية.:k_smile2:

شمعة أمل...صدقج نحن نستفيد من الموبايل في شغلات وايد فهو مهم من حيث لا نعلم.:k_smile2:


الدلوووعه....يالله ان شاء الله تستقرين على هالموبايل بعد اللفه الطويلة:a049:


الغاليه...صدقج ...انا موبايلي ما يرن الا نادرا بس كنت في الجامعه او اشتغل يمكن يرن.:surrender:


بوظبي...أنا وايد حابة السوني اريكسون اكثر من النوكيا:love:

قايد الريم...موبايلي انا شرب عصير ليمون واخترب.:boxed:

أمواج...حتى انا ساعات اكتب بداية خاطره في الموبايل اذا ما لقيت قلم...خصوصا بالليل:k_smile2: .


هزايم...انا مثلج اذا تعودت على شيء ما احب اغيره الا بسبب قاهر:a050:

[عيون الليل]

السؤال الاول :-

همممم مهم أكيد . . . بس طول اليوم ع السايلنت :boxed: وف الاغلب اتواصل بالمسجات لانه أحياناً ما يكون لي بارض ارمس وأحيانا ماشالله الفاتوره " حدث ولا حرج " ودائماً اهليـه ايواجعوني لانه التيلفون ع السايلنت ويتصلون وما انتبه له :look:


السؤال الثاني:-

لا مب من النوع الي ايغير تيلفونه بإستمرار . . صحيح تلفت انتباهي التيلفونات اليديده لكــن ما اتشدني لدرجة اني اغيـر تيلفوني . . . يعني أغيره بحدود المعقول أحياناً التيلفون ايتم معايه سنه وماتكون عندي نيه اغيره . . . لكن من فتره غيـرت للسوني اريكسون لانه الكل يمدحه وبالفعل ما عليـه كـلام

عزيزتي .. .. شكراً على الموضوع
:k_smile2:

[صدى جوفي]

الـسـلام عليكم ،،

موبايلك ما مدى اهميته في حياتك....؟

مـوبيلي آخـر اهتمـامـاتي .. مب سـائلـة عنـه :14: ،، واستخـدماتـه لـ الـضروريـات ومن فترة لـ فترة لازم أسـأل & اتخبر عن ربيعـاتي وأهلي - ما أكون قاطعـة - .. مرات بالأيام مغلق أو ما فيه رصيد ..
بس حزة الـ :6: مهم يكون معاي الموبيل .. يمكن نحتاي فزعـة والا شي :fa39:

وكم مرة تحب تغيره ولماذا...؟وهل انت على على تواصل مع آخر التحديثات في مجال الموبايلات ...؟

مــا قط شارية موبيل على مزاجي .. كلـه من الوالد ما يقصر..(:
وعن الموبيل .. مـا أحب أغيره .. موبيلي الجديم معاي وما يهون علي أودره .. واليديد مـا كان عايبني بـس بعد مــا أفكر أغيره أحس بالانتماء صوبـه :a050: >> عشرة عمر

وعن آخر التقنيات .. أبغي أحط دكشنري فـموبيلي - احتاجـه صراحـة-.. بس ما اتفيجت بعدني ومـا أعرف اذا يركب عليه أو لا

دمتي بخير يـا طير
أختج .. صدى

[الثعلب الرمادي]

أنا شخص بدون أصدقاء فبالتالي استخدامي للموبايل عديم الاهمية لكن لقضاء شؤون الحياة فله اهمية كبيرة و هنيه في المانيا ما يكون الموبايل مهم إلا يوم الأحد تتصل فيني الوالدة حتى تتطمن على شؤوني و يوم أكلم الوالدة أكون فرحان و أسألها عن أخبار أخواني الصغار في الدراسة و أخبار الإمارات و هالسوالف ... أشوف فكرة تغيير الموبايل كل شوي أو لأن موديل يديد نزل إنها فكرة غبية و تضييع للفلوس و المستفيد الوحيد من كل هذا هم محلات الموبايلات و بعض الناس عندها فلوس و ما تعرف شو تسوي فيها فتصرفها كلها على الموبايلات و أنا ما بقول إن هذا الشي غلط لأن كل واحد حر بفلوسه و موبايلي الحالي ما بغيره إلا لو انسرق لا سمح الله او تعطل.

[ولد الحكومة]

الـسـلام عليكم ،،
بمختصر مفيد .. أعتبره مثل " إبني " :10: وما أقدر استغنى عنه.

وبخصوص التغيير : أغيره ما بين شهرين أو ثلاثة أشهر واحينأ يطووول عندي :a018:

والسموووحه



اخوكم / قايد الريم

[ولد الحكومة]

هــــــ ــــــــــــ ــــــــــــ ــــــــــــلا ...

موبايلك ما مدى اهميته في حياتك....؟

كل 3 او 5 شهور اغيره والحمدلله انا اتأقلم بسرعه واحين عندي 3 موبايلات N70 . N73 .الموبايل الصغير الي بحجم بطاقة البنك .. بس ساعات تيني حالات كل شهر اغير ..ماعندي تواصل بس اذا شفت موبايل وعيبني اخـــــــذه

والسموووحه

مشكووووووورة طير على هالموضوع الحلووو

منوووو قدج 3 موبايلات مرة وحده :b050: ، ما شاء الله واللهم لا حسد !!!1

[لبن مثلج]

موبايلي مب شي اساسي في حياتي ...

ساعات اشغله طول اليوم وساعات اغلقه لايام وانساه ....

ماحب اغيره كل يومين ... احب اثبت على نوع معين

مشكوره ياطير الحب