:.:.أطـفـالـنـا.:.:

[طير الحب]

http://www2.0zz0.com/2006/09/19/03/629799174.bmp

أحباب الله وأصدق البشر في عواطفهم...تذهلنا عفويتهم..ونترقب ضحكاتهم..ويحز في نفسنا بكاءهم...هم الأطفال الأصدق إن حكوا وبالنسبة لي أهتم كثيرا لرأي الأطفال فقط لأنهم لا يكذبون..أنقياء من الدرجة الأولى:fa41:

ومن هنا نود أن نتحدث عنهم...نذكر مواقفهم في حياتنا...فهم بالنسبة لنا أبناء...أخوة ...أقرباء.
نتحدث عن سلوكياتهم وكيف يمكن تقويمها إن وجد خطأ ما...نتحدث عن اهتماماتهم في مختلف الفئات العمرية ونتذكر مواقف لنا معهم رسمت البسمة على شفاهِنا...

ربما لأني أكبر شقيقاتي فهذا يمثل مسؤولية القدوة لهم...تذكرت هذا الموضوع ببالي منذ أعوام عندما همست لي خالتي: شقيقاتك عندما يريدون أن يقارنون بين شخص وآخر تكونين أنتِ أحد الأطراف هذا الكلام ولد لدي احساس بالمسؤوليه بإن أفعل الأفضل قدر المستطاع حتى يكون تقليدهم لي في مسار صحيح..

وأقرب مثال: عندما يتحدثون عن شقاوتهم في المدرسة وأتكلم معهم بحيث لا تصل هذه الشقاوة لقلة أدب مع المدرسات وعدم إحترام فيقولون:طيب إنتِ واختي الثانية كنتوا شياطين ...هنيه انحرج وأقولهم كانت شقاوتي ما تحط من قيمة المعلم والدليل نحن للآن على تواصل مع بعض مدرساتنا رغم مرور السنين...أقولهم الشخص لازم يترك أثر طيب يتذكرونه الناس.


هذا موقف وعندي موقف آخر تذكرته الآن...يوم كان عمري تسع سنوات أمي يابت لنا بنوتة صغيرة هالسنه ما شاء الله عليها صارت ثانوية عامة...المهم لظروف والدتي المرضيه كنت اهتم بأختي بين الحين والآخر فكنت أنومها بطريقة معينة وما جـد قلت لها إني كنت أرقدج بهالطريقة...المهم أختي هاي أكثر وحده تساعدني بعبود يوم اكون ببيت أهلي وساعات تنومه مع انه عبادي نادر ما يرضى ينام عند حد مرة دخلت وشفتها منومتنه بنفس ما كنت أرقدها فحسيت بغبنة وفرح قلت لها تدرين:يوم كنتِ صغيرة انا كنت أنومج بهالطريقة.

http://www2.0zz0.com/2006/09/19/03/901712815.bmp


هو موضوع للفرح وللذكريات فأدلوا بدلوِكم... الموضوع للشباب والشابات أكيد عندكم اخوان عيال أخوان وأخوات وأقرباء قولولنا مواقفكم معاهم...وشو احساسكم عقب الموقف


تقترحون علي اسم ثاني للموضوع احس اسمه مش جذاب:surrender:

[أمواج]

:h_mar7aba:
.
.
منـو منّـا مايحــب اليهــال . ؟!
عن نفســي مب أي ياهل أحبــه و أمســات أتناقش ويا ربيعتي في هالشــي
أقــولها مب أي ياهل بيجذبني صوبــه و ربيعتي عكسي تماما اي ياهل تموت عليه المهم إنه ياهل
أحــب اليهـال اللي فيــهم شطـانه و حركــاتهم غريبــه
. . .
اممم فالصــيف المـاضي اضطريت اروح عند إختيه الكبيـره اقعد عندها اســبوع وحليلها حامل و عندها
بنتين و ماعندها شغــاله فرحت اساعدها شوي ،
فـ بنتها الصغيــره ( هند) نادرا ماتعامل وياها لانها صياحه
بس فهالاسبـوع كان كل شغــلي ويا هنوده يعني اكلها ، انومها يعني هالشغــلات
وعلى فكــره كنت وايد اتذمــر بس مابين لاختي عشان مايحز فخاطرها
وبعد ماطاف هالاسبوع ورجعــت بيتنا حسيت بولهه كبييييييييير لهند
حسيت إنه في شي ناقصــني
واول اختي ماطبت البيت على طووول شليت هنوده عنها ،
فديتها أحس تعلمت اشياا وايد من هنووده
أول شي إني مانافخ واايد p: ، تعلمت كيف أتعـامل ويا اليهـال ،:a050:
تعلمت كيف اصبر على صياحهم مب اول مايصيحون:d010: احتشــر :fa46:
. . .
وفي موقـف وايد أثــر فيني لدرجــة إني صحــت لوول
انا وايد متعــلقه بولد إخوي ( حميد ) يعني ماتتخيلين إني اتوله عليه اكثر من امي وابوي
أول ما اوصل البيت على طول اقوولهم هاتوولي حميــد
ويوم السبت خلاص انا طالعه لابسـه عباتي وشيلتي بروح الســكن وحميد يشوفني ويصيييح
يبا يسيـر ويااي وانا قلبي متقطع اقول حق مرت اخوي لو مسموح انيب يهال السكن جان يبته ويااي
ومن كثر ماحميد يصيح صيحنــي ويــاه
فديته والله
_ - _ - _ -
بالصــدفه
إكتــشفت إنه انا وحمــيد لنـا طريــقه معيــنه فالرقــاد
:fa46:
الحمدلله خذ مني شي هالولد
:icecream:
.
.
* مادري اذا هذا الرد اللي تتريـنه ولا قصدج شي ثاني *

[مــهــابه]

واللـــه ان اليهـــال عسل

لــي عــوده مع مغــامرات عبدالله والهــنوف عيال اختيــــه ، واللي مــلو علينا البيـــت بعد فراغ دام 9 سنيـــن في البيــت من صوت الأطفــــال

[طير الحب]

أمواج...فهمتيني...هذا الي حبيت اوصله من خلال الموضوع علاقتنا مع الأطفال ونذكر مواقفهم لي عودة للتعقيب على ردج.

[طير الحب]

http://www3.0zz0.com/2006/09/20/15/757694861.jpg


من خلا ل تجربتي البسيطة في تربية عبادي توصلت لعدة نقاط واهمها أنه اول طفل يحتاج إلى رعاية تامة من الأم...يعني صعبة يكون عند الخدامة هذا طبعا من خلال مقارنتي بسلوكيات طفلي مع أقرانه...لأنه الأم بعد السنة الأولى بتبدأ تلاحظ اهتمامات طفلها ولازم تكون ذكية بحيث تنمي هالإهتمامات لديه مثلاً...لاحظت اني يوم أعصب على عبادي يعاند وما يستجيب لطلباتي وهذا طبع كان فيني وانا صغيرة...بس اذا سايسته وشجعته يفعل كل ما اطلبه من خلال هالموقف قريت انا في كتاب عن التحفيز الإيجابي للطفل يعني دوم أمدحي سلوكياته الزينة واذا حسيت أنه مثلا بيضرب حد لا تصرخين وتهزبينه لا...أقول مثلا...لا عبادي حبيبي شاطر ما يضرب حد يحب كل حد هذا كمثال...وعلى فكرة كنت مرة اتكلم مع الأخت حلم الطفولة على الماسنجر فقلت له عبادي الطفس...قالت لي لا تقولين له جي عقب خلاص بيحط بباله أنه مشاغب...وهالجملة دائما أذكرها.

ومن بين الأشياء الي حبيت أذكرها بعد...حبيت اني اعرفه على عالم التلفزيون فقمت احط له قنوات الأطفال وأشوف شو يشد انتباهه...الي شد انتباهه توم وجيري...وبارني وبارني هذا برنامج تعليمي مفيد له يوم بيكبر شوي فقمت أشتريت له Dvd بارني عشان يتعلم وقام هو بروحه يأشر عشان أشغله له(ما شاء الله عليه) فقلت ببالي الحين ليش ما أشتري له افتح ياسمسم والمناهل هالبرنامج نحن تعلمنا منها وأحسن عن رسوم هالأيام الي كلها غزو ثقافي يعني قناة mbc3 فيها برامج موجهه للطفل العربي مثل رسوم شفته من فترة عن البنت ما أعرف شو أسمها صديقتها اونها يهودية وطيبة ...يعني بالله عليكم شو تعلمون الأطفال.



http://www2.0zz0.com/2006/09/20/15/818883364.jpg

شيء ثاني جداً مهم لازم ألعاب الياهل تنمي مهارته ومب لازم تكون ألعاب غالية الثمن بقدر ما تكون تفيد هالطفل وشخصيته وتكونيه...مثلا يوم كان عبادي شوي صغير يمكن 6 شهور كان يحب يطبل أو يضرب على أي شيء جدامه...وكنا في مركز التعليم المبكر فشفنا لعبه عبارة عن طفل وفيها عدة كبسات يعني في كسبة للحروف باللغة الإنجليزية كل ما يضرب الياهل اللعبة تسمي له حرف...وفي للأرقام وفي للموسيقى...وهاللعبة جدا فادت عبادي ترفيهيا وتعليميا...

لاحظت انه يحب الحيوانات فقمت ادور أفكار من الإنترنت يعني تعرفون محلات بدرهم ودرهمين في ألعاب وايد راقية ممكن ندور أفكار للطفل من خلالها...الحين أفكر أشتري له حيوانات وأبدأ أعلمه أصواتها والأسماء لأنه هو يحب الحيوانات الأسبوع الي طاف ودرنها متحف التاريخ الطبيعي مكان نظيف وآمن للطفل خليناه يمشي ويشوف الحيوانات جدا استمتع ونحن ...وقام يأشر على صور الحيوانات يوم يشوفها بالتلفزيون فقلت بسير هالمحلات وبدور أفكار للألعاب وأنا مستعيرة كتاب من مكتبة الشارقة اسمه ألعاب الأطفال لكاتبة أجنبية( بذكر اسمها في موضوع إذا تقرأ) ...وأفكر اشتريه واحتفظ به بمكتبة البيت لأنه مرجع حلو...ومن خلال هالكتاب أدور أفكار لأنه الكاتبة تعلمج كيف تلعبين طفلج بأشياء موجودة عندج بالبيت...بس تعرفون أدور شيء مب لاقتنه كتاب من قماش للأطفال فيه حيوانات ما لقيت الي أباه لا في كارفور ولا تويز آرص.


ولي عودة

[الدلووووعة]

حلو الموضوع تسلمين اختيه عالموضوع

انا عندي اخو اخت صغيره

اختيه الصغيره الحينه استوالها سنتين

المهم طبعا كانت دوم تنش وياينا يوم بنش حق المدرسة
وتم تصييييح يوم تشوف ابويه لابس ثيابه عسب يوصلني
المدرسة طبعا مرات ابويه يشلها وياه مرات لاء ويوم ابويه يسير عنها اتي عندي
انا وتم اطالعني يوم البس جوتيه عزكم الله وانا ماروم اسير عنها بتم تصيح زود
شو اسوي فيها اقولها سير حق امي قوليلها خليها تلبسج الجوتي طبعا
هي تربع عند امي وانا اسرد عنها ومره عرفت انه انا دوم اسوي
فيها الحركة عسب اسرد عنها عاد شو سوت تم تصيح إلا انا البسها جوتيها طبعا هاك اليوم
ماكان باليد حيله إلا وان انشلها وياينا يوم يت ويانا فالسياره وانا وصلت المدرسة ابا انزل
وهي بعد نشت من مكاناها تباني اوديها وياي عاد انا ماروم اوديها تمت تصييح وانا روحت عنها
وخليت ابويه يبتلش فيها ^_^

بس الصراحة هاي اختييه عجيبه

تخيلو هي عمرها سنتين واخويه عمره 5 سنوات هي تظربه وهو بس يصيح ^_^

اونه مايبا يظربها لنه يحبها حركات

وان شاءالله الياي اكثر

[شمعة أمل]

هممممممم للأسف ماعنا يهال في البيت:sad: احس صدق اليهال يغيرووون جووو .. ف ماعندي سوالف

انا انسانه اتخبل عاليهال:fa41: بس اخاف منهم:k_harhar1: خصوصا اذا بعدهم بيبي .. صدق صدق صدق اخاف اشلهم :boxed:

[قصايد غلا]

نحن ما عندنا يهــاااااااال في البيـــت .. أحب اليهال بس لاحظت إني وااايد أغار منهم إذا كانوا في بيتنا :smile2:

أحب اليهال اللي دومهم يضحكون ويسمعون كلامي :devil: ، وما أحب اليهال اللي امبّزينهم :fa55: وعلى أي شي يشغلون الونّانااااا:fa43: ااات ...

[طير الحب]

أجمل ما في العلاقة الي تجمع الأم بطفلها أن تكون قريبة منه جدا وأقصد من هذا التفرغ التام له لأنه يمنحها شعور وفطرة واحساس قوي بإحتياجاته .... فليست كل الأمهات قادرات على ترجمة أسباب بكاء الطفل فقط الhم القريبة جدا منه ومن اهتماماته قادرة على ترجمه انفعالاته ومعرفة هوايته.

مثال على ذلك...

ليست كل الألعاب قادرة على جذب الطفل فطفلك عندما يكبر أمام ناظريك ستعلمين ماذا يشده من جميع النواحي ماذا يحب ومالا يحب...والكثير من الأمور التي أود صياغتها لاحقاً.

فقط ببالي تساؤل...ألا تشعر الأم التي تترك طفلها عند الخادمة بالغيرة منها أثر تعلق طفلها بها...ولسؤالي هذا حادثة سأرويها لاحقاً...؟

[قصايد غلا]

فديــــت عبــّــادي الله يحفظه ويخليه لج ولأبوه ولا يحرمكم منه ولا يحرمه منكم :)

أنا وايد احـــب ان تكون الأم وااااااااااايـــــــد قريبة من ولدهـــا لأنه من هاللحظه يحس بها ويكون متعلّق بها واااااااايــد

لكن لو تم على تجلى الخدامات يصبح الياهل همّــه الخدامه متى ترقده ومتى تلعبه ومتى تبدّل لبسه وتكون هي الأم بالنسبة له وما يحن لأمه كثر ما يحن للخدامه ويحبها

وإذا حد قال إن الخدامه بتسافر أو شي من هالقبيل يتنرفز الياهل ويعصّب ===> وهالشي موووول ما أدانيــه

يعني مثلا : أميه كان عندها من سابع المستحيلات إنه الخدامه تشل واحد منّــا (أنا وأخويه)
والحمدلله أحس إنه هالشي واايد وايد زين لأنه هالشي والله له تأثير في نفس الطفل من يوم صغير وهالتأثيـــر يبقى لين يكبر الطفـــل يعني يخلّيج تحسين بأهلج أكثــر وتتعلّقين بهم أكثــر وتحبينهم أكثر عن اللي أمهاتهم اعتمدوا على الخدم في تربيتهم

مثال ثاني : بنت عمّوتي عندها ولديـــن : عبادي عمره 5 سنوات وعلاّوي عمره 3 سنوات
عبادي متعلق فيها واااايــــد لأنها ما اعتمدت على الخدم في تربيته
لكن علاّوي اعتمدت على خدامتها في تربيته ، وعلاّوي واااااااااايــــــد متعلق بالخدامه أكثر من أمه ويحبها وعادي عنده يشرب من وراها :oh: ويبوسها .... إلخ وأشيــــــا تخلّيج تتنرفزيــــن
وطبعا هالأشيا مب كل حد يدري بها
بس يوم يشوفونه يحرجون عليه لكن ما يهمّه

وهالشي وااااااااايد يقهرني ، يعني انا أمـــه وأخليه في حضن خدامه ؟!
لو ولدي بحطه في عيونـــي

السموحه منج أم عبـــادي ...

[طير الحب]

أحب عالم الأطفال بكل صدقة وبراءته...

في موقف وايد استانس يوم اتذكره
من فترة عبادي مب راضي يدخل الفيلا ببيت اهلي يبا يتم في الحوش...المهم وسلطان ولد اخوي الي ما تعدى السنتين ونص وياه...وانا من النوع الي احب أحسس الانسان بأهميته لو كان طفل واعطيته ثقة بنفسه ...المهم قلت له يود عبادي وتحمل عليه وكان كان اخوي وابوه في الحوي بش مشغولين قلت ما منه خوف بروح بسرعه وبرد...المهم يوم رديت تخيلوا شو شفت سلطان فديت عمره ميود عبود ويمشي معاه ويركبه شوي شوي الدري مال الفيلا...وقفت اطالعهم فرحانه وما هد يده ويوم وصل عندب قالي عموه هاذوه عبود...تخبلت عليه هاللحظة ربي يحفظهم ويبارك فيهم

[طير الحب]

خوف...ضعف...انكسار هو كل ما تشعر به االم عندما يمرض طفلها بصورة لا تستطيع مساعدته...هذا ما شعرت به بلحظة مرت عليها شهور..أحسست بشلل وخوف من ان انزل من السياره لأدخل المستشفى معه..تعلثت بتعبي...لم أقوى على المشيء تركته بين يدي والده ألقيت بالمسؤولية كلها عليه هربا من ان اراه يتألم...ضعف كبير شل اطرافي...الى ان عاد والده واخبرني ان علينا المكوث معه...هو كرجل لم يتحمل الم طفله وهم يبحثون عن وريد ليغرزوا ابره الجلوكز..فكيف سأتحمل انا...في تلك اللحظة شعرت بالعجز...لكن رايته نائما مسترخيا ربي يحفظه ويبعد عن اطفالنا الشر يارب....ااااااااااه كيف حلوة الأمومة ربي لا يحرمني هالضحكة والحب الي معيشني فيه هالعبادي...فديت كلمة ماما من شفاته وفديته يوم يزقرني باسمي ويذوبني يوم يزقرني حبيبي...ربي يحفظه ويكبر في طاعه الرحمن يارب.