المساعد الشخصي الرقمي

مشاهدة النسخة كاملة : المدفعجيه vs الشياطين الحمر


ألم ترى
17-09-06 ||, 07:13 PM
السلام عليكم والرحمه
من 10 دقايق بدت مبارات الأرسنال العنيد والشياطين الحمر المان شستر يونايتد
تيري هنري غايب عن صفوف الارسنال وغيغز غايب عن المانشستر
اتوقعها مباراه ناااااار
لا تفوتونها وانا بدوري بحاول انقل لكم اللي اشوفه !
لـ العلم منقوله ع ال art ال 4
ألم ترى
17-09-06 ||, 07:15 PM
اسف ع التأخير
بلنتي لصالح الأرسنال
شاته جلبيرتو
افا ضيعها وصدها الحارس
ألم ترى
17-09-06 ||, 07:17 PM
المدرجات بتنهد من كثر المشجعين ! ..

الصراحه حارس المان شستر اليديد والله متألق وصد كم كره ..
ألم ترى
17-09-06 ||, 07:20 PM
ركنيه لـ المدفعجيه ! ..

طلعها الحارس ..
ألم ترى
17-09-06 ||, 07:24 PM
انتشار غير طبيعي لـ الأرسنال ..

وركنيه مره ثانيه لـ المان شستر ..

بعد طلعا ليمن الالماني ..
ألم ترى
17-09-06 ||, 07:25 PM
روني هاجم من نص الملعب ..

شوت شوت ! ..

ضيعها ع يسار حارس الارسنال ..
ألم ترى
17-09-06 ||, 07:26 PM
خروج مدافع مان شستر لـ الاصابه
ألم ترى
17-09-06 ||, 07:30 PM
فاول لـ المان ..

بيشوت كرستيانو ..

ف الحيطه وعقب لـ الحارس ..

ردت لـ كرستيانو وصدها الحارس ! ..

والله مبارات حرااااس هاي ..
ألم ترى
17-09-06 ||, 07:34 PM
50 % لـ الفريقين ف امتلاك الكره
ألم ترى
17-09-06 ||, 07:43 PM
والله خطير كرستيانو رونالدو ..

شكله بييب قول ! ..

وايد ضيع والحارس كم شل من شوتاته القويه ..
ألم ترى
17-09-06 ||, 07:47 PM
اصابة حارس الارسنال ليمن الالماني ..

يمكن ما يكمل المباراه ..

لا لا بيكملها اكوه قام ..
ألم ترى
17-09-06 ||, 07:50 PM
شات المدفعجي كرستيان وطلعت ركنيه ..
ألم ترى
17-09-06 ||, 07:51 PM
انتهى الشوط الأول لـ صفر صفر
ألم ترى
17-09-06 ||, 08:09 PM
بدت المباراه ب الشوط الثاني وضغط من المدفعجيه
ألم ترى
17-09-06 ||, 08:23 PM
كره ضايعه من لاعب فرنسا و المان شستر ساها ..

وردو عليها الارسنال بكره رأسيه ضايه ..

الدقيقه ال 60 ولين اللحين 0 : 0 ..
ألم ترى
17-09-06 ||, 08:27 PM
ياااااه ..

شو ماضيعوا الفريقين ..

الدم لين الركب ولين اللحين ماشيء اهداف ..
عفاريتووو
17-09-06 ||, 08:33 PM
ماشالله عليك اخوي متحمس
تسلم على نقل احداث المباراة اول بــ اول
ألم ترى
17-09-06 ||, 08:36 PM
الدقيقه 73 ولين اللحين تعادل صفر صفر ! ..

والله ناقصنها الاهدف هالمباراه ..
ألم ترى
17-09-06 ||, 08:39 PM
هههه لا والله مب متحمس لكن قلت بعلمك عليها بس !
ألم ترى
17-09-06 ||, 08:42 PM
تبديل روني و سكولز ودخول كاريك والثاني ما اعرف اسمه عدل هيه هيه ! ..
ألم ترى
17-09-06 ||, 08:48 PM
باجي 5 دقايق ولين اللحين صفر صفر ! ..

شو هالملل والله ..
راعي الزعـامه
17-09-06 ||, 08:48 PM
الله عليكم يالارسنال
الحين المباراة بتحلووو
ألم ترى
17-09-06 ||, 08:49 PM
قووووووووووول لـ المدفعجيه الارسنال من التوقولي مانويل ..

جان استانس ..
راعي الزعـامه
17-09-06 ||, 08:49 PM
قلتلكم بتحلوو
شوفوا المان الحين
ألم ترى
17-09-06 ||, 08:50 PM
عاد تحلو ع الدقيقه 86 مول هالقول مب مسروق هيه هيه
ألم ترى
17-09-06 ||, 08:51 PM
خروج صاحب الهدف لـ تبديل تكتيكي ع اخر وقت
راعي الزعـامه
17-09-06 ||, 08:56 PM
اسميه بيستانس ارسن فينجر اليوم
كل الجماهير ينتقدونه والسبه النتائج الاخيره
بس الفوز عالمان روحه انجاز وبطوله
ألم ترى
17-09-06 ||, 08:57 PM
انتهت بفوز الأرسنال بهدف مقابل لا شيء !ّ

مبروك لـ الأرسنال وهاردلك لـ المان شستر ..