كم سعرها .. [الأرشيف] - -:: واحات بن دبي ::-

شمعة أمل

16-09-06 ||, 04:00 AM

السلام عليكم ورحمة الله وبركاته

كم سعر الvolvo ل2007 .. بالدرهم الإماراتي لو سمحتو.

http://autoreview.belproject.com/media/1/20060410-2007-volvo-xc90.jpg

ألم ترى

16-09-06 ||, 08:41 AM

بسم الله الرحمن الرحيم ..

إن شاء الله الأخوان يساعدونج ..

بالتوفيق إن شاء الله :fa41: ..

المزوحي

16-09-06 ||, 09:21 AM

في
xc70
xc90

تقريبا من 125-170 على حسب المواصفااات

لكن ماعرف بالضبط

شرجاوي

16-09-06 ||, 01:48 PM

اللي اعرفه انها ب 195 الف رقم واحد

إسهر معي ليله

16-09-06 ||, 01:56 PM

الأسعار اعتقد مثل ما قال المزوحي،، هاللي لقيته في موقـــع

اما بالنسبة للوكالة فـ ما ادري كيف اسعارهم،، واللي اعرفه
فيه فئة يديده نزلت باسم سبورت..

المزوحي

هيه الموجوده نوع واحد اسمها XC 90... اما الثانيه XC 70
فـ هاي بو دبه بس مرفعّه.. يسمونها Cross Country أظن

المزوحي

16-09-06 ||, 02:02 PM

اسهر معي ليله

والله كل شي برع غيير

مادري بلاااه الوكيل

وعقب يقول لك لاااااااا نحن متعمدين مانييب هالمواصفات لانه سعرها بيكون أغلى ومحد

بيرضى يشتري سيارة بهالسعر !

إسهر معي ليله

16-09-06 ||, 02:14 PM

لا حتى برع موجوده بنفس الأسم

يمكن انته تطري Xc60 .. هاي بعدهم ما انتجوها
بس فيه نيه يسوونها.. و راح تكون اصغر.. يعني قد الـ X3

المزوحي

16-09-06 ||, 02:21 PM

أدري بها ...

لكن اللي اقصده ... خلنا ناخذ مثال على البرادو او كامري .. مثلا تييك بشاشة برع وسعرها يكون

نفس السعر اللي عندنا بدون شاشة ... والفول اوبشن برع غير عن اللي عندنا !!

شمعة أمل

16-09-06 ||, 10:41 PM

^
لانه هني نحن ما عنا الوكااااله الوكاااله يعني مثلا .. وكالة مرسيدس مب وكالة مرسيدس الأصليه .. هي مجرد شخص يشتري سيارات من مرسيدس ويبيعهم بس بسعر اغلى عشان هو يحصل profit .. بعد عشان جي مايعرفون يصلحون السيايير عدل >_<

مشكورين عالرد والسعر .. ماقصرتوو

شمعة أمل

16-09-06 ||, 10:43 PM

اسهر معي ليله
كيف شكل الى نازله ع شكل سبورت؟؟ عندك صورته؟

إسهر معي ليله

16-09-06 ||, 11:30 PM

المزوحي..

هيه صدقك،، شو بتقول.. دوم يدورون فايده اكبر!

::
::

شمعة امل،، هاي السبورت

http://www.worldcarfans.com/news/2060712.004/2060712.004.mini10L.jpg

http://www.worldcarfans.com/news/2060712.004/2060712.004.mini9L.jpg

ما فيها وايد اشياء غير،، بس مغيرين رنقاتها وشوي زايدين القطع الفضيه
وما ادري اذا نزلت في الإمارات او لاء

شمعة أمل

16-09-06 ||, 11:42 PM

ماظني نزلت

ماشي فرق كبير في الشكل .. غير انه هاي معفوصه شوي

المزوحي

16-09-06 ||, 11:48 PM

شمعة أمل من في خاطره يشتريها ... :woot:

شمعة أمل

17-09-06 ||, 12:04 AM

انا طبعاااا:k_harhar1:

لانه لازم من الحين ابدا اقنع ابويه .. من كم شهر فجيت عيوني شويــه واكتشفت انه سياير البيت ال *مب مأخوذه* ماحبهم .. يعني يوم احصل ليسني مابيشترولي سياره حلووه بيخلوني اخذ سياير البيت .. والى بقن النيسان ولا الكزس < احس مب شي مال دريوليه ورياييل .. ولا الكورفت بس ماتخيل ابويه بيخليني اسوقها

ف

اذا اييب سياره رخيصه شويه في أمل انه يشترولي السياره اول ماحصل الليسن:k_devil2: طبعا خواتي معارضين الفكره لانه على قولتهم اعع شو هالسياره وكيف ياخذولي السياره يوم ماخذو لاختي .. بس انا اذكى .. لاني ماباخذ سياره غاليه:a049:

شمعة أمل

17-09-06 ||, 12:05 AM

هيه صح
واخترت هالسياره

لانه اذا لاسمح الله اسوي حادث *ترا وايدين مايعرفون يسوقون فدبي* مابموت سيده .. هالسياره ماتتكسر بسرعه < ذكيه صح؟

المزوحي

17-09-06 ||, 12:31 AM

يعني أون .. إنها أ امن سيارة في العالم .. مال أوووول .. :woot:

خبريني في حدود كم تبين

سيارة فورييل للبنات .. لكزس ار اكس 350

سعرها 175 ألف وإذا الميزانية أقل ...

http://eur.news1.yimg.com/eur.yimg.com/xp/dennis/20060420/17/3782312819-lexus-rx350.jpg

عندج راف فور 100 ألف تقريبا لكن 4 سلندر والاربعة ماتمشي في الحر ...

شمعة أمل

17-09-06 ||, 12:36 AM

هيييييه أأمن سياره في العاللم احممممممم

يا هاي ولا المورانو .. سياره اقل عن 200 ألف :k_smile2: اما اللكزس لاااااااااا .. من نزلو هالسياره وانا ماحبها .. وماحب لكزستنا العوده .. وماحب اللكزس الصالون .. ماحبهم ماحبهم < تعقدت منهم:fa52:

احس فيي امل لو وحده من هالسيارتيين:k_harhar1:

شرجاوي

17-09-06 ||, 01:08 PM

خخخخخ .. اختي ما طحتي الا على هالسيارتين .. والله مب شي ... الفولفو بسرعه تخترب و قطع غيارها نار ... و المورانو سواقتها مب شي و فاضيه من الداخل ( حلاة السياره يوم تكون ممزوره فصوص خخخخخخخ )

اختي شوفي الجيب جراند شيروكي فل اوبشن ... يمدحونها وايد .. عني انا ما جربتها بس مثل ما قلت وايد اللي يمدحونها

المزوحي

17-09-06 ||, 03:13 PM

شمعة أمل بالعكس لكزس أفضل عن مورانو من وجهة نظري ...

لكزس أفخم عن مورانو وثانيا من تويوتا ... مواصفاتها أحلى عن مورانو .. وكليا من الداخل أحلى

لكن لو تبين غير لكزس ...

شوفي البي ام الفئة الخامسة 195

شمعة أمل

17-09-06 ||, 09:17 PM

لالالالا مايستوي بي ام .. حتى لو سعرها رخيص .. خطتي مابتنجح جييي

ترا اختي عاطينها الرنج الفووق .. هي تبا السبورت .. قالولها لا مب اول سنه

اذا انا اخذ سياره مب راقيه مابيقولوون لاااا .. بس اذا خذت بي ام .. مابيخلوني بيعطوني الرنج الفوق وبيشترون لاختي سبورت .. وانا مابا الرنج .. ماحب لونها :shutup:

المزوحي

17-09-06 ||, 09:23 PM

شمعة أمل الحين بذبحج .. احمدي ربج بيعطونج رنج ... غيرج مب محصل تايرها :k_harhar1:

شوووفي

استخيري ...

شمعة أمل

17-09-06 ||, 09:28 PM

انا انسانه متخلفه .. دايما عكس الناااس:k_harhar1: .. لو تكون عندي فولفو عجييب .. ماجد جفت وحده مواطنه في فولفو

شو ابا في الرنج .. زرقا مب شي >_<

شمعة أمل

17-09-06 ||, 09:30 PM

اوه صح

لعلم

صدقك

محد محصل تايرها لانه الوكاله اصلن ماعندها تواير رنج خخخخخخخخخ لازم يسون اوردر من برع ههههههه < والله صدق .. مره مسمار دش في التاير وماشي غير السبير .. الوكاله ماعندهم

المزوحي

17-09-06 ||, 09:34 PM

تبين فولفو خذيها ولا تحطينها في خاطرج ... :6:

وإذا تحسين الاهل مب مقتنعين منها ...

خبريني عسب آي أكلمهم ( سوالف ) :woot:

خبريني عسب نعطيج راينا

شمعة أمل

17-09-06 ||, 09:43 PM

اذا مب فولفو بيكون نيسان ولا لكزس < بيتحروني واحد >_<
واذا اكسر خاطرهم شويه .. بياخذون لاختي سبورت وانا بيعطوني الفووق
واذا اكسر خاطرهم وايد وايد .. بيشترولي الفولفو
واذا وايد يحبوني بيشترولي لامبورغيني < بس بعده يعني في الاحلام هالشي .. وبيتم في احلامي .. مادري متى بيستوي *واقع* >_<

المزوحي

17-09-06 ||, 10:07 PM

شمعة أمل .. ليش يعني بيعطونج الفووج ويشترون لها السبورت ... :shutup:

عسب هي أكبر منج وإلا ليسنها أجدم ؟؟

إذا لكزس خذي الفورييل اللي شفتيها فوووق .. هاااي بنوتية .. :thumbup1: وإذا تبين لكزس

صالون بعد حلوة GS

بس تقولين ماتحبين لكزس :look:

مايهزك ريح

20-09-06 ||, 03:26 PM

مرحبا شمعة أمل ..
الـ XC90 تتراوح ما بين 170 ألف للسته سلندر ..وحتى 245 ألف للثمانيه طبعا المواصفات تلعب دور... انا شخصيا جربتها ووايد حلوه بس قالوا انه قطع الغيار شوي اتبهدل ..
عن الجيب جراند شيروكي الأسعار تبدا من 120 الف وتوصل لـ 156 الف للهيمي ثمانيه سلندر ..
وعن استعماله .. ما في احلى ..
حرمة اخويه عندها الهيمي 5.7 وايد حلو وما فيه مشاكل قطع الغيار مثل الفولفو ..
اتمنى اني اكون فدتج .. :thumbup1:

المزوحي

20-09-06 ||, 03:57 PM

مايهزك ريح انا خالي كانت عنده شيروكي وايد يتشكى منها وباعها ... لكن انا اتكلم عن موديل

تقريبا التسعينات .. يمكن تحسنت ..

شمعة أمل

20-09-06 ||, 07:20 PM

المزوحي
مب لكزس >_<

مايهزك رييح
يعني السياره اوكييييه؟
وسعرها اجوفه اوكيييه

المزوحي

20-09-06 ||, 10:37 PM

شمعة أمل شو اللي اوكيه ؟؟

شمعة أمل

21-09-06 ||, 12:30 AM

الvolvo

مايهزك ريح

21-09-06 ||, 08:03 AM

مرحبا شمعة أمل ..
الفولفو وايد حلوة .. سيري سوي test drive وايد بيتعيبج.. مشكلتها قطع الغيار بس ..
اما السيارة وايد حلوه ..
اللي انا سقتها كانت ..سبع ركاب انتبهي انه في نوعين وحده خمس ووحده سبعة ركاب ..
تسارعها ما شي احلى منه لأنها سبع غيار اتوماتيك على ما اعتقد .. فتخبلت وانا اسوقها .. وبالنسبة لج كبنت .. ما اعتقد بتبهدلج مثل ما اتبهدل الشباب .. كل واحد على حسب سواقته ..
والحلو انه ما شي وايد ناس ايسوقونها ..يعني اتحسين انها unique نوعا ما ..
توكلي على الله .. واذا عندج حد يشتغل في الجمارك .. ترى لهم اسعار خاصة ..

المزوحي

21-09-06 ||, 04:38 PM

هيه

زين ماشاء الله .. صح مب منتشرة .. حتى أقول ليش مب منتشرة يعني هي سيئة لهالدرجة

شرجاوي

21-09-06 ||, 08:24 PM

شمعة أمل

06-10-06 ||, 12:30 AM

شمعة أمل

06-10-06 ||, 12:31 AM

الفولفو بتاخذنها اليوم ب 170 الف و سيري بيعيها بعد نتين و اذا يابت لج 80 الف اعطيج اللي تبغينه .. نحن جربنا الفولفو الصالون .. والله سامانها ضوووووووو و وااااااااااااايد تخترب .. نصيحه ابعدي عنها

=s
يمكن الصالون جي .. بس المعروف انه الى انا اباها وايد وايد اوكيه .. وماتخترب بسرعه.. وحتى في الحوادث ماتتكسر وايد

المزوحي

06-10-06 ||, 01:20 AM

فولفو سيارة سويدية وهالسيارات ماتنفع عندنا .. لا وكيل ولا خدمة ... بس يمكن بديها أوكي لكن فيها اعطال .. بس القرار الأخير طبعا لج والله يوفقج

شمعة أمل

06-10-06 ||, 01:22 AM

=s

كيف جي؟
انا الى سامعه عنها انها واايد اوكيه وماتخترب =s

المزوحي

06-10-06 ||, 01:54 AM

في طراز S.80 و Xc.90 لقوا بها عيوب في شبكة الأسلاك الكهربائية.
كل سيارة لها عيوب ... لكن هااي من غير السعر يدق وتحر يمكن سواقتها حلوة بس ..

شمعة أمل

06-10-06 ||, 01:57 AM

>_<
شو هالحيااااااااه

وانا اتحراها زينه

كيف جي طلعت كجره!!!!

الحين شكلي ماباخذ سياره >_<

المزوحي

06-10-06 ||, 02:01 AM

لا شمعة أمل .. انت لاتاخذين راي بس .. أسألي وااايد .. صح يمكن تحتارين ..
لكن مثلا قولي حد من هلج سواء حرمه ريال .. شو رايك بالمرسيدس ؟؟
مثلا يعني .. خذية اي كلاس .. شو رايك بها شوفي شووو يقول .. وعن نفس الفئة أسألي شخص غيره وشوفي شو الرد .. قولس انا محتارة وابغي سيارة ..

خذي فكرة بشكل عام .. وانا اقولج ماشي غير لكزس ...

شوق القلوب

06-10-06 ||, 03:57 AM

السلام عليكم..

انا متعقده من الفولفو.. لانه امي مووووووووووول ما ادانيها..جنه من زماااااااااااااااااااان حد سوا حادث فيها و اتوفى و جنه السبه كان من السياره نفسها.. :boxed:

..

شمــعة أمـــل

لا تستعيلين في الاختيار.. و دوري سياره مضمونه و الكل يستعملها و يمدحها.. لانج بعدج ما اتعودتي ع السواقه.. فدوري الامان قبل الشكل.. و ان شاء الله لاحقه ع الكشخه و هالسوالف.. المهم في البداية سلامتج..

:)

المزوحي

06-10-06 ||, 11:27 AM

شوق القلوب ..

شمعة أمل اختارت هالسيارة حق الامان ومب حق الكشخة ...

شرجاوي

07-10-06 ||, 02:08 PM

من ناحية البدي .. الفولفو معروفه ب انها أأمن سياره فالعالم .. بس اعطالها مالها نهايه .. و قطع غيارها نار ... يمكن ف فترة الضمان بتكونين مرتاحه . لان كل شي ببلاش .. بس عقب الضمان بيطلعون عيونج خخخخخخخخخخخ

شمعة أمل

07-10-06 ||, 10:32 PM

ياربييييييييي عورتولي راسي خخخخخخ

والله صدق

يعني الحينه

انا كنت صح يوم قلت انها أأمن سياره في العالم؟؟ والله زييين .. هاللي ابا اعرفه وبس ههههه .. والله صدق .. اخاف على حياتي .. اي حد يسوق ع شوارعنا مايعرف اذا بيكون حيي بعد خمس دقايق ولا ميت >_<

المزوحي

08-10-06 ||, 04:54 PM

شمعة أمل

مرات يوم أشوف الناس وااايد تسرع .. ويتسابقون .. أقول كانهم مستعيلين على الموت

المزوحي

29-10-06 ||, 03:29 PM

على شو استقريتي ؟

طير الحب

02-11-06 ||, 05:35 PM

أنا جد سمعت ان الفولفو من السيارات المفضله عند اليهود...ومن وجهه نظري اخذي لج كبنت سيارة فورويل صغيره...والحافظ الله..آىمن سيارة في العالم ما ترد قضاء الله...أنا سقت سيارة تعبانه وسويت بها حادث خطير وربي كتب لي عمل وأعرف ناس وايد عندهم كانت سيايير آمنه ومن حادث بسيط الله خذ أمانته.

شرجاوي

02-11-06 ||, 05:40 PM

خذيلج اوبل فيكترا و انتي و الخير رباعه .. حلوه و صغنونه و فخمه و اقتصاديه .. سعر ال4 سلندر رقم واحد 95 الف مع ضمان سنتين بدون تحديد الكيلو