هل العرس مهم.. اتفضلوا.. [الأرشيف]

اخت اختي

16-09-06 ||, 12:54 AM

السلام عليكم ورحمة الله وبركاته،

هل العرس مهم؟
بوجهة نظري، أنا سابقا" كنت أقول لازم البنت اتسويلها عرس حلو.. لأنه أحلى يوم وأهم يوم لها :kcl:
لكن هالأيام فكرت فيها :kkk:
ممكن اتكون حفلة بسيطة.. ومب عرس كبير لأنه أنا ما أحب أخلي الإنسان إللي :fa35: أحبه :fa35: وبعيش وياه يعيش في ديون :no0:
أبا الله يباركلنا.. ونصرف هالبيزات في أشياء ثانية مثل السيارة، البيت، الصحة، التعليم..

وإنتوا شو رايكم؟ وبكل صراحة.. :kkk:

المزوحي

16-09-06 ||, 01:06 AM

يوم تقولين حق الأم هالرمسة تقول انا مابغي ولدي يعيش في ديوون لكن لو حد خطب بينتها بتقوا ابغي
يسون لها عرس غااوي .. صح الواحد يكون مبسزط خلال 4 ساعات يعيش فيها في ديون لمدة 10 سنوات أكثر أو أقل ..

المفروض المجتمع يغير فكرته عسب الغير يبطل هالشي .. في فئة تقدر على المصاريف وفئة ماتقدر
في البداية الوحدة ماتفكر .. لكن عقب ماتعرس وتحس بنفسها بحاجة لسيارة .. أو للبيت .. الخ تقوول لو هالمبلغ أنا مسافرة فيه او اشتريت الشي الفلاني أو لأقساط المدرسة على سبيل المثال

أبرك إني حطيتهم في قاعة وكوشة .. على فكرة .. يخبرنا واحد إيراني قال نحن نرفع سعر الكوشة على الموتطنين لانه عندهم فلووووس وهي ماتكلف .. لانها قطعة خشب ويزينونها .. والتزيين ما يباله بآلاااف ...

اخت اختي

16-09-06 ||, 01:16 AM

مشكور اخويه عالمرور والتأييد..

أصلا" الواحد ليش يبا العرس؟ عشان كلام الناس؟؟!! ليش أنا بتزوج الريّال أو الناس؟

ولد الشحوح

16-09-06 ||, 01:33 AM

الناس صارت في الملجة تسوي حفلة واشتري لي حلاوة غالية باتشي وربعها عسب الناس ياكلونها و اسراف ع الفاضي وكلها مظاهر للفشخرة بمصطلح عامي

شوق القلوب

16-09-06 ||, 01:40 AM

الســـلام عليــــكم..

ذكرتيني بوحده من ربعي.. كنت أسألها وين ان شاء الله بتحجــز لعرسها.. قالتلي في القاعه الفلانيه.. استغربت.. قلتلها و ليش ما اتعرسون في هذاك الفندق.. قالت وليش الخســـر..؟؟ العرس كمن ساعه و القاعه حلوه و مافيها شي.. وبعدين احنا اللي بنستفيـــد من الفلوس.. بنسافر بشهر العسل و بنستمتع فيهم أكثر من لو صرفناهم على الفندق و هالسوالف..

..

بوزايد

16-09-06 ||, 01:49 AM

موضوع حلو

صح انها ساعات بس هيه ساعات ما بتتكرر كل يوم

هي مره وحده في العمر

صح يمكن اي بنت اتقول ليش اخسر ريلي وجيه

بس احسه الا كلام

اول ما تختلط بس بربيعاتها او اهلها

بيقولون لها

ليش جيه انتي تسوي

شوفي بنت فلان وبنت فلان شو سوولها

ليش هي احسن عنج

ووو.........الخ

بعد هالرمسه منوه بيتوهق

نحن

حليلنا

والله مساكين

ومن رايي بعد احسه انه الانسان الي ما عنده حد يساعده

يعني شرات ابوه او ما عنده شي

ما اظن انه بيجمع من الشغل عشان العرس يعني لازم يتسلف

بس ماشي بالايد تبى اتعرس لازم جي وانا احس انه اغلب الشباب

في الامارات جيه

والله يعينا

تسلمين اختي ع الموضوع

اخت اختي

16-09-06 ||, 02:00 AM

مشكورين عالمرور..

بس اخويه بو زايد.. أنا متمسكه برايي.. وإن شاء الله الله يثبتني على هذا الراي.. قولوا آمين..

إسهر معي ليله

16-09-06 ||, 02:05 AM

السلام عليكم

مثل ما قلتي،، الإسراف في الأعراس ماله داعي.. لكن صدقيني ما نقدر لأسباب:

- اهل العروس يبون احلى عرس لبنتهم
- اهل المعرس نفسه ما يرضون بشي بسيط
- ما يفكرون الا بكلام الناس وبيني وبينكم هيه ليله وكلهم يبون يستانسون
- العروس نفسها اكيد تبغي تكون شرات ربيعاتها او خواتها

::
::

أنا عن نفسي حاط فبالي فكرة.. وان شالله اهلي واهل العروس يرضون brgll:
العروس عليّه.. انا بقنعها خخخ

يعني شوفي يا بنت الناس،، انا عندي مبلغ من المال.. اذا صرفته عالعــرس
بيخلص ولازم اتسلف.. بالتالي عقب الزواج بنتم انا وانتي عايشين نســــــدد
ديون العرس،، هني محد استفاد.. لو كان العرس حلو ترى الناس اتم ترمس
ما يعيبهم شي :doh:

فـ ليش ما تاخذين مهر بسيط،، وبيزات تشترين فيها اغراض حق الحفلـــة،،
يعني ماله داعي ملابس حق بيت الزوجيه وهالسوالف كلها.. نسوي ملجــــه
عائلية وعقبها على طول الحفلة،، يعني ما صرفنا وايد عالمهر ولا سوينــــا
ملجة وليلة حنة وهالسوالف.. وفي نفس الوقت انا ما بتسلف وبتكون عندي
فلوس.. نستانس فيها انا وانتي :kcl: عقب الزواج.. ولا شرايج brgll:

بس بيني وبينكم.. بصراااااحه.. هالحفلات وهالسوالف ما نروم بدونهـا
يعني غير الواحد يوم ملجته،، وعقب يتم فترة لو 6 شهور اونه معرس
ويرتب حق حفل الزفاف.. وايام الزفاف دق وبلاوي.. ويوم حق العيايـز
اللي يعزمن... يعني ايام حلوه وما تتفوت :kcl: فـ يمكن الحل يكون في
التوفير.. مثل فستان العرس وهالسوالف الكماليه

هذا رايي.. والسموحه منكم .. مشكورة عالموضوع

شمعة أمل

16-09-06 ||, 02:51 AM

العرس شي مهم .. كل بنت تبا عرسها يكون احسن عرس ..
لكن
شخصيا
لو اعرس ابا اسوي عرسي في بيتنا اليديد .. احسه بيكون وايد حلوو .. يحطون خيمه في الحوي صوب البحيره و..الخ وعرس الرياييل في الميلس العود < عكيفي لول

بس صدق

ابويه بروحه قال

العرس في البيت وكل شي شعبي وبس .. ماله داعي لهالخرابيط

هيه هيه

وشي مستحيل مستحيل يكون في عرسي .. رقاصات يعععععععع وايد قحط

يوم الشخص بيعرس .. لازم يسوي العرس على قده .. عشان مايحط نفسه ديوون .. لو مثلا .. بدال مايسوي الملجه في فندق يسويها في بيت العروس *اصلن ماعرف ليش ناس يسون ملجه في فندق مب شي .. حلاته يوم في البيت* .. وبدال مايسوي عرس في فندق يسويه في قاعه .. هممم وبس

الـيـاه

16-09-06 ||, 03:13 AM

سلاام

هممممم

هيه حتى انـا اقـول ان الملجه فالفندق مالها داعي وحلاتـه يوم فالبيت .. احلى بوايد وتحس البنت
بتغيير يوم عرسهـا :boxed: .. وانا عن نفسـي بسوي ملجتي فالبيت

لكــن !!!

في ناس مايكون عندهم مكان مرات فالبيت والمعازيم وايد :kkk: فـ مجبورين حليلهم

وعن العـرس ؟ جوفـوا
إذا الريال قـادر انـه يدفـع وماعنده مانع باللي اطلبه فـ اوكي
لكن إذا هو مسوي ميزانيه محدده حق العرس انـا بقـّـدر ظروفـه وبسويه ع قد اللي يقدر عليه
:fa35: ومافيـها شي لـو اسوي شي من عندي
ترا هو بيستوي ريلي .. والريال وحرمته ما مبينهم كلفـه

هو مب سالفة مهم والا مب مهم ؟
بس حلاتـه يوم يكون هاليوم ( ممـيز ) وكل حـد يطريـه
والاهـم ان الاثنينـه يكونون مستانسيييييين :kcl:

.
.
.

إسهر معي ليله

16-09-06 ||, 03:16 AM

عندي مداخله سخيفه،،

اشوف البنات يقولون ( انا يوم عرسي ) :kcl:
شو هالثقة الزايده،، جيه انتوا اللي تخطبون brgll:
خخخ اسوي سوالف.. لا تزعلون الساعه 3 احين :ice:

شمعة أمل

16-09-06 ||, 03:20 AM

لووووووول

عاد انا ردي كان غير p= "لو اعرس ابا اسوي عرسي "

ذنـيـنـي

16-09-06 ||, 03:26 AM

شوفوا فستانها كيف عنقاش :boxed:

شوفوا مكياجها كيف يلوع بالجبد, :boxed:

شوفوا المعرس كيف نعاله خخخخخ صدق انه كجره :boxed:

شوفوا خوات المعرس كيف قاصات على اعمارهن :boxed:

شوفوا خوات العروس شقايل يرقصن خخخخخخخ, عفانا الله شوفي هالدبه كيف قاصة على عمرها :boxed:

شوفوا الكوشه, صدق انها شغل cheap :boxed:

شو هالـدي جيه التعبان / الفرقة التعبانه ما حصلوا حد احسن :boxed:

فلانه مدي ايديج, لا اسمحيلي اختيه مسويه رجيم >> و ما اكثرهن الي مسويات رجيم :doh:

===========

هذه أمثلة من الرمسة الي بتحصلونها من ورا العرس الغالي الي بتسوونه

و بعد تبغون تخسرون فلوسكم على شي ما يستاهل :narr:

انا لو ودي, ما بسوي عرس
لكن المشكلة انه غصبا عني, مب كيفي :fa39:

صريح

16-09-06 ||, 04:12 AM

http://upload.bindubai.com/download/e7saas/mrhf_hearts.gif

اخت اختي

تسلميــن ع الموضـوع القيّم
:)

انا في رأي انه كل شي يكون بعتدال حتى لو المعرس عنه خيـر
لانه حتى لو الواحد صرف واايد ع الملجه و العرس مب شرط
يستمر العرس و يدووم

يا ما سمعنا عن اعراس كلفت مئات الالوف و يمكن ملايين
و العروسين يتطلقون بعدها بسبوع ولا ايام
:fa36:

شو بيستوي بالدنيا اذا الواحد سوى العرس بتكاليف معقوله ؟ .. كلام النااس ؟
لو الواحد سوى عرسه ابـ 100 الف الناس بترمس عنه
و حتى لو سوى عرسه بمليون بعد بيرمسون عنه
"ما يملي عيون الناس غير لتراب"

و اغلب الاعراس اللي سرتلها هالفتره ما يسون عرس ريايل حتى
بس عزيمه بسيطه حق الاهل و ربع المعرس بس ...
و ما شاء الله نااس عندهم خير و من كبار التجار فلبلاد
بس ما يهمه كلام الناس و ما يحبون التبذير
صدق و النعم فيهم
:yes:

و في ناس تسوي الملجه و العرس في يوم واحد
و يصرفون الباقي ع شهر العسل
بدال حفلتين حفله وحده بس تكفي

و اذا عني انا ..
اشوف انه العرس و الملجه في يوم واحد
و اسوي عزيمه حق ربعي و الاهل فالبـيت و الحربيه و العياله جدام البيت
:m7tar:

و يمكن
لــي عــوده

http://upload.bindubai.com/download/e7saas/mrhf_hearts.gif

الـيـاه

16-09-06 ||, 04:39 AM

إسهر معي ليله
هههههه لا يعني نرمس عن المستقبل < ويا راسك يعني بنتم عوانس :narr: لول

عندي مداخله على رد صريكوو
أقصد يعني سؤال لـه ؟

:ice:

هممم
كلامك حلو و ميه بالميه

بس انت قلت آخر شي :

و اذا عني انا ..
اشوف انه العرس و الملجه في يوم واحد

وجااان استغرب :kkk:

يعني تملج في يوم العرس ؟
انزيـن يعني انت مايهمك تعرف مرتك كيف ؟ اطباعها وافكارها وجي ؟
يعني ماتبا الفتره اللي بتكون عقب الملجه اللي ممكن تتعرف على زوجتك اكثر ؟

.
.
.

صريح

16-09-06 ||, 04:48 AM

http://upload.bindubai.com/download/e7saas/mrhf_hearts.gif

اليااااه

كلامج صح ..
بس داام العيـوز هي اللي بتختارها فأكيــد البنت بتكون زينه
و اذا ع اطباعها و افكارها فالاهل ما بيقصرون و كل شي بعرفه
مب شرط اكلم الشخص عسب اعرف كل شي عنه ..
لانه معروف فتره الخطوبه و لا الملجا كل واحد بيحاول يبين للثاني انه Perfect
و لا شو رايج ؟
:)

http://upload.bindubai.com/download/e7saas/mrhf_hearts.gif

الـيـاه

16-09-06 ||, 04:56 AM

صـريـح

:yes: هيه صح !
واكـثر مـن مره يدوه ترمسني عن هالموضوع وكيف كانو قبل , واقتنع ؟
انـه يكون جي شي حلو إذا بيعرفني فـ اول يوم عرس
بس ها يعتمد إذا كان زين < زين مب بس انه ريال نظيف وماعليه كلام .. زين تشمل
( اطباعه اسلوبه ويا الناس طريقة كلامه افكاره )

بس افكـر عدل واقول لااااااا :no0:

ساعات يكون الريال ماعليه كلام
بس ماتحس ان افكاركم تتفق , وغييييييييييييير عن شخصية الحرمه تماما ً

يمكن هو جدام اهله وفي عينهم انسان مثالي
بس بطبيعته شي ثانـي وانصدم يوم اخذه
احس اني لازم اعرفه في فترة الملجه :kkk: .. مب لاازم تكون الفتره طويله
بس ع الاقـل اعرف شقايل هالإنسان اللي بعيش وياه طووول عمري

.
.
.

صريح

16-09-06 ||, 05:09 AM

http://upload.bindubai.com/download/e7saas/mrhf_hearts.gif

اليااااه

ساعات يكون الريال ماعليه كلام
بس ماتحس ان افكاركم تتفق , وغييييييييييييير عن شخصية الحرمه تماما ً

مستحيل الانسـان يلقى الشخص المناسب ابـ نسمه 100%
عسب جيه يقولون الزواج تنازلات و الانسان الذكي و الواعي
هو اللي بيقدر يغير هالشي باسلوبه و بيصير التفاهم امبينهم

يمكن هو جدام اهله وفي عينهم انسان مثالي
بس بطبيعته شي ثانـي وانصدم يوم اخذه

هو الشي الاكيـد انه بتسألين عن الشخص اللي تقدم لـج
و فـ هذا الزمن ما فيه شي ينخش و من اسم الشخص تقدرين تعرفين
حتى وين يتعشى فالويك اند و و يا منو بعد
:)

http://upload.bindubai.com/download/e7saas/mrhf_hearts.gif

نور الإيمان

16-09-06 ||, 09:55 AM

حلو النقاش ^_^

احم .. راي أبوي من راي الأخ صريح ^_^ ملجة و عرس في يوم واحد!!

اما من ناحية ان تكون هناك فترة ملجة عسب كل طرف يفهم الثاني .. امم يمكن تكون مفيدة لكن ان نظرنا لحال آباءنا و امهاتنا ما كانت هناك فترة ملجة!! و الحمدلله صابرين على بعض و متمسكين ف بعض لين الحين - اللهم لك الحمد و الشكر -

و على نيتكم ترزقون .. كلن بياخذ على قد نيته و الحمدلله رب العالمين ..

^_^

اخت اختي

16-09-06 ||, 11:04 AM

مشكورين كلكم عالمرور والنقاش الحلو..

ريم العين

16-09-06 ||, 11:13 AM

ذنيني ..مب كل الاعراس يرمسون عنها ^_^
عرس حلو ومتعوب عليه وجي محد يقدر يقول شي عنه
اما عرس مب حلو بس متعوب عليه بيرمسون
يعني على حسب العرس

...

العرس حلو يوم تتكشخين وتكوني حلوه وجي
بس على حال المعرس هل يقدر على التكاليف وجي؟؟
واكيد حد بيساعده من اهله يعني باختصار على حسب الطروفه
تساعد ولا ماتساعد

يعني الريال عنده بيزات ليش يبخل على عمره وما يسوي عرس حلو
شي حلو يوم تكون الناس مستانسة وهو مستانس ومب ناقصنه شي
يعني عنده بيزات للعرس وجي

اما الريا اللي على قد حاله بيسوي اللي يقدر عليه
وبيحاول قد ما يقدر انه يفرحهم بهاليوم

المهم انه الريال اللي على قد حاله اول اللي عنده ما يكونو مديونين

هذا رايي

اخت اختي

16-09-06 ||, 12:16 PM

مشكورة المرور اختي ريم

إسهر معي ليله

16-09-06 ||, 01:42 PM

بالنسبة لفترة الخطوبه اللي يتعرفون فيها على بعض أكثر
فيه ناس تملج في المحكمة،، وعقب يسوون حفلة العـرس

يعني نفسها فكرة الملجة والعرس في يوم واحد :thumbup1:
من ناحية التوفير

::
::

بالنسبة لـ اختلاف الأفكار وهالسوالف.. هاي شوي صعبــه
اذا كل بنت قالت هذا أفكاره غير وصرنا شرات الأجانـــــب،،
اللي كل يوم ويا واحد.. وما تتزوجه الا يوم يتفقون بالأفكار!
فـ ما بنشوف بنات عرسن :fa52:

مثل ما قال صريح:
مستحيل الانسـان يلقى الشخص المناسب ابـ نسمه 100%
عسب جيه يقولون الزواج تنازلات و الانسان الذكي و الواعي
هو اللي بيقدر يغير هالشي باسلوبه و بيصير التفاهم امبينهم

والسمووحه

ولد الشحوح

16-09-06 ||, 01:52 PM

انا محتج صراحة على سالفة الملجة ... ملجوا فالمحكمة وبعدين حفلة صغيرة لاهل المعرس والعروسة وبس ليش الاسراااااااااااااااااااااف
وبعدين سعادتي ووناستي بوناسة الناس لا بالعكس اذا البنت تحب زوجها صدق ما بتكون انانية وهمها انها تكون حلوة وكاشخة فعرسها والريال يتلعوز فالديون من وراها... اوكيك العرس حلو وذكرى بتظل طول العمر بس في كماليات نحن مش محتاجينها ....

اخت اختي

16-09-06 ||, 02:16 PM

مشكورين عالمداخلة اسهر معي ليله و ولد الشحوح..

مزن هتان

16-09-06 ||, 02:32 PM

أهـلاً
احممم
أنا اعتبر إن العرس مهم ، وحلاته لي صار من دون تكلف
بس في ناس عن جد يقهرون يتفشخرون على لاشي مثلاً:
يوم الحناء يسونه بفندق مهوب بس يوم
الحنا حتى الخطوبه واللـه :fa52:
*****
و عن الشبكه والمهر ومن هالخربطان
استغرب من ذول اللي يقارنوا، يعني
فلان قال دبلتي خطيبتي بـ5000
يجون هله ويقولوا مايصير
فلانه دبلاتها كانت اغلى
ذول هله وجذه يضغطوا عليه :crazy:
****
أنا رايي ماعرفه، ماحب اتكلم
بسوالف العرس

تحفه

16-09-06 ||, 03:07 PM

لا مش مهم ..

انا لو بكيفي خاطري امشي على برستيج الكويتيين لأني اشوفه احلى واحسن ..,,

وايد احب اسلوبهم في العرس . .

اول شي يوم يخطبون سيده يعلنون الخطبه للمجتمع و طبعا يخلونهم يتعرفون على بعض
ويوم يملجون يسوون حفله حلوه حق الناس الجراب من المعاريس ويسافرون شهر العسل
ويوم يرجعون يسوون عزيمة عشى ( وهذا مب كلهم يسوونه ) .. بس انا احس ليش ما يسوون .. أللهم حفلة عشى لول

تحفه

16-09-06 ||, 03:09 PM

لكن لا تنسون العرس مهم علشان الرسول امرنا بإعلان العرس

المزوحي

16-09-06 ||, 03:17 PM

صح العرس اشهااار .. لكن تقدرين تتنازلين عن أمووور .. تعزمين الناس أوكي

لكن مب ماتسوين الكوشة الفلانية .. أو التصوير الفلاني ... الخ

اللي يخف من نسبة المصاريف

نحن عايشين في غلا .. وعسب نرضي الناس لازم نستلف

ما اختلفنا ممكن آخذ شي بسيط .. مب مبلغ كبير يخليني اعاف الحرمة من أولها ..

تحفه

16-09-06 ||, 03:20 PM

^ وايد صح

المزوحي

16-09-06 ||, 03:24 PM

:m_afaker:

مزن هتان

16-09-06 ||, 03:40 PM

بوظبي مو الكل الكويتيين جذه

في كويتيين حتى بفترة الملجه ما
مايرضوا البنت تظهر
مع زوجها
******
اعراس الكويتيين حلوه وما فيها
اي مظاهر تبذير
بس مادري الشي اللي موعاجبني فاعراسهم
إن العروس ماتتحنى :crazy: << أهم شي عند
العروس الامارتيه

تحفه

16-09-06 ||, 03:42 PM

مادري اكيد الملتزمين .. بس تدرين شي ناس ما اتداني الحنى

مزن هتان

16-09-06 ||, 03:47 PM

ممم يمكن ملتزمين
---------
وعن الحنا
يمكن كنت بقتنع اذا شايفه عروس وحده بس الصراحه
حاضره جمن عرس ولا عروس
كانت متحنيه

إسهر معي ليله

16-09-06 ||, 03:48 PM

ليش ما يحبون الحنا،، أحلى ما في العروس حنتها
الواحد يحس انه توه معرس لوول

ولا شرايكم :k_smile2:

المزوحي

16-09-06 ||, 03:52 PM

اسهر معي ليله تراك ما بتاخذ كويتيه .. :look:

بنيوزك إماراتية أصيلة :a049:

شو قلت :woot:

مزن هتان

16-09-06 ||, 04:02 PM

السالفه مو انهم مايحبون
بس هم مايعتبرونه شي مهم

قصايد غلا

17-09-06 ||, 09:13 PM

أنا بالنسبه لي أهم شي الفستان وهو الشي اللي ببالغ فيه (بس مب وايد لأنه نهايته في الكبت ومحد بيلبسه)
والمهر مب مهم وايد دام الرسول عليه الصلاة والسلام ، قال : "أقلهن مهرا أكثرهن بركة"
المهم بالنسبة لي إن عرسي يكون في البيت يعني في خيمة واليوّيلة برع البيت:thumbup1:
وما ببالغ وااايد في عرسي لأني ما أحب أكون في يوم من الأيام سبب في كدر وهم وضيج حد من الناس ، خاااااااصة "إذا هذا الإنسان بيكون أقرب الناس لي في يوم من الأيام :m_atmasha: "

صح إنه أميه وأبويه يبون يفرحون بي دام ما عندهم بنت غيري ،
بس مستحيــــل يتشرّطون على الريال اللي بيناسبهم لأنهم يحسّون بحجم المسؤوليه والخساير اللي تكون على المعرس:fa36:

ومب مهمة الفرقة وإزعاجها في العرس ، خاااصة هاللي يرقصن ودّي أجتلهن
لكن في عرسي بوكّل حد من ربيعاتي ===> بقول لها : لو شفتي وحده بترقص عندج إياها بالخيزرانه أدبيها:d014:

والفلوس اللي بنصرفها على الخرابيط اللي مالها داعي ، بنتهنى بها أنا والمعرس :fa35:

اخت اختي

17-09-06 ||, 10:06 PM

مشكورين كلكم عالمرور والنقاش.. أحترم رايكم..

أمواج

17-09-06 ||, 10:39 PM

ذنـيـنـي

18-09-06 ||, 09:10 AM

بصــراحه
الريـال بروحـه يســوي حق عمره ديون و يضرب سـلفيات لعرســه
الواحـد قبل لايفــكر بس فالزواج مجرد التفكيـر لازم
يكون جاهــز و مزهــب بيـزاته :k_harhar1:
عشــان مايقــول الحرمــه سوت ديــون على ظهري
أبســط مثـال
إخوي العود لمـا عرس الحمـدلله ماتدين ولاخذ سلفيه كان مجهـز عمره
يعني بس بتخطيــط من الريـال كيف ايود بيـزاته و مايلعب بهن بيســوي أحــلى عرس
ولا بيعيش فديون عقب العرس

:thumbup1:

صح كلامج

حتى اخويه الي اكبر مني جهز نفسه من البداية

يوم خلص دراسته حط في باله انه يبغي يعرس و ما شاء الله عليه وصل لهدفه بدون ديون و سلفيات و خلال سنتين بس

اولا شي سواه هو انه يود عمره و ما خذا حق عمره سيارة يديدة, قال انه عنده هدف اهم من الرنج في الوقت الحالي و الي هو تكوين نفسه من الناحيه المادية

ثانيا كان يدخل في حسابه مبلغ 10 الاف درهم شهريا و يصرف من راتبه 2000-2500 على الاشياء الضرورية
و خلال 3 سنوات بالضبط كان عنده تقريبا نص مليون لأنه من ثاني سنه بدأ يستثمر فلوسه في الاسهم و يوم حس انه يقدر يحدد هدفه اشترى حق عمره سيارة يديده و تزوج و الحمدلله مرتاح و ما عليه ديون و الاهم من هذا كله هو انه ما اعتمد على الاهل في كل هذا لأنه يعتبر الزواج مسؤولية و ما كان مؤيد لفكرة انه حد يساعده في بناء حياته و فوق هذا بدأ يبني بيته اليديد :thumbup1:

و انا ناوي اتبع نفس طريقته لأنه المظاهر هذه كلها زايله، و عبارة عن شكليات :m_atmasha:

طير الحب

18-09-06 ||, 11:17 AM

تعرفون اهم شيء يكون وعي كبير عند الأهل...ويتفهمون انه هذا زواج مش مظاهر مالها داعي يعني يفكرون بنظرة الناس قبل لا يفكرون ببنتهم وزوجها وانا الحمدلله نظرة الوالد وافكاره تشابهت معاي في موقف ويمكن الكل استغرب بس انا كنت واثقه ودامي أرضي ربي واهلي الناس مالهم خص ...وصدقوني كل الي استغربوا من اليوم عقب مرور اكثر من سنتين على زواجي شافوا نتيجة موقفي الأولي وحتى الي عاتبوني قالوا لي أنا صرت افكر مثلج...

لازم اي فتاة تكون واثقة من قراراتها ويكون نصب عيونها رضا الله مب رضا المجتمع وسبحان الله ...الله يبارك في رزق الانسان الي ما يبذر ولا يقصر على عمره...الوسطية في الأمور اهم شيء.

الياه...أهم شيء فترة الملجة لأنه هذا زواج وتترتب عليه أسرة ومستقبل مجتمع ولازم الطرفين يكونون صريحين...وأنا يمكن من أول يوم كنت صريحة في كل شيء عشان ما كنت أبا أي موقف يأثر على حياتنا مستقبلا فكل شيء واضح ومافي أي أسرار وهو نفس الشيء.

صريح...بالعكس مب الجميع يتعاملون بشكل مثالي اثناء الملجة...وانت تقدر تعرف البنت من تعاملها ...ثانيا وصف الاهل ما ينفع ...تخيل قالوا أشياء بعيده عن شخصيه زوجي بس الاخت غير تشوف اخوها والأم غير والزوجة غير...وثانيا مب قاعده اذا الاهل زينين يعني البنت زينه واذا هم مش زينين يعني البنت مش زينه ممكن البنت بروحها تربي نفسها انا شفت ناس اهلهم الله يراويك بس ما شاء الله عيالهم بنوا نفسهم بنفسهم...فمن نحاسب هنيه..؟

وتقارب الشخصيات شيء ضروروي جدا...يعني انا ممكن احب هوايات زوجي عشانه وهو يتنازل ويسير اماكن انا احب اسيرها بجي نحقق توافق يعني التنازلات شيء مهم بين الاثنين ما ينفع من طرف واحد.

بوظبي...أنا معاج بس بحدود وعلى فكرة بعض العوايل قامت تسمح لبناتها بفترة خطبة قصيرة قبل الملجة تكلم فيها الشاب تفاديا للطلاق أثناء الملجة...وأنا قريت انه شرعا مسموح بس ما يكون من ضمن كلامهم ما يغضب الله لين ما يملجون وهالكلام الأهل ما يسمحون به وأنا ما أفتي أول قريت وتمثلت لدي قناعة.

ذنيني...نحن سوينا مثل أخوك...والحمدلله مرتاحين والحين ان شاء الله أدعوا لنا بنضع اللبنة الأولى لبيتنا...حلاته الواحد يعيش بدون ديون مرتاح والله مبارك له في رزقه.

نصيحة لكل البنات فرطوا في مظاهر العرس ولا تفرطون في شهر العسل.

دموع قلم

18-09-06 ||, 05:46 PM

مـا شـاء الله الأعضـاء كلهـم مـا قصـروا فـي الرد
والإضافـة.. وإبـداء آرائـهم الحلـوة والمختلفـة

بس عندي تعليـق من اللي أشوفه في شبـاب أهلنــا..
للأسـف فـي وااايــد شبـاب يفكـرون في الـزواج, لكنهـم ما يـدرون معنــاه الحقيقــي.. !!
يعنـي أغلبـهم يـوم يستعـدون للـزواج ايمعـون البيـزات ويتعـرفون لأهـل البنيـة وبــس,
تنـاسـوا أمـور ومواضيـع مهمة لازم يعـرفونهـا قبـل الدخـول في إطـار الـزواج..

يعنـي بنسبـة لـي.. الـزوج المثـالي..
يهتـم بالجـوانب الدينيـة, وأخـلاقـه عاليــة..

وبعدهـا اتيي الأمـور اللي أغلـبهم يغفلـون عنهـا, مثـلا.. المعـاملة الطـيبـة للزوجــة,
المجـاملات لكـن في حـدود, كلمـات الحـب والرومـانسيـة, بعـض الحـركــات أو أفكـار
لازم يعرفهـا لتغييـر الروتيـن, تربيـة الجيـل تربيـة صحيحـة مميـزة, إدراكه ومعرفـتـه
للمواضيـع الحساسـة اللي تخــص الـزواج, والأمور اللي تخـص البنـات بعد.. لأن في
يـوم من الأيـام بيكون له بـنت.. وأمور وااايـد بعــد لازم يعــرفها الرجــل والمـرأة قبـل
الإقبـال لهــذه المرحلـة المهمـة

والـزواج.. شـي كبيـــر وااايــد, يعنـي ماحـد تعـرّف على جوانبـه كلهـا, حتـى المتزوجـون.. !!

ويـا عسـى ربـي يـرزق للعضـوات بالريـاييل الصالحيـن, وللأعضـاء بالبنـات المطيعـات :laugh:

تحفه

20-09-06 ||, 10:48 PM

بالعكس شي وايد ناس اتداني الحنى .. مثلا ابويه ما إيداني الحنا وماما من بعد ما توفا اخويه ما تحنت غير مره ..

تحفه

20-09-06 ||, 10:51 PM

تدرون قمت افكر انه صح .. المفترض مايصير احتكاك ..

اذا الولد او البنت فيهم شي .. مابيبان الا بعدددددددد فتتتتتترررررررررره طووووييييييله ..

علشان جيه العيايز ما يحبون يطولون في فترة الملجه .. لان كل المشاكل تطلع

الاسطوري

20-09-06 ||, 11:45 PM

السلام عليكم ..

العرس مهم حتى لو كان على قد الحال وبخصوص ان الواحد يتعرف على
زوجة المستقبـل قبل العـرس هذا شي مهم وايد وايد وغلط
ان الواحد يتسرع في هالموضوع لانه زواج
مب صفقــه إذا نجحت
نجحت فشلت فشلت وحرام تصير البنت مطلقـه عقب بسبب إنه ماكـان
يعرفها قبل الزواج يعني لو ماتفاهموا من البداية كل واحد
يروح في درب وبعدين مستحيل حد
يقدر يعرف أطباع
الطرف الثاني عدل غير الطرف الأول وإذا كانوا متفاهمين ومتقاربين في
الافكار وممكن يستمــرون ويتوالفــون ولا لأ وكثير من
اللي تسرعوا في الزواج ندمانين
اليوم ويقولون ليتنا
ماتسرعنـا وصبرنــا شويه عشان نعرف نختـار وخاصـه لما يشـوف فتـاة
أحلامه في وحده ثانية كان يتمنى زوجته تكون مثلها
وفي بنات يتحلون بالصفات اللي
يباها بس عقب
ماطاح الفاس في الراس والعيال دخلوا في الموضوع خلاص مافي فايده
من الكلام وانا رايي من راي ذنيني الواحد يحط له اولويـات
ويحاول يحققها ويترك المظاهر لاحق
عليها عقـب بس
حبه حبه إلا اذا كان متمكن وأهله بيساعدونه في كل شي يسوي اللي
يباه ويستعيل بالعـرس عشان ماتغره الدنيـا وتلاقيه وصـل
35 ويقـول بعدني صغيـر وادور لـي
وحده تناسبني !
:birgits_giggle:

السموحـه يمكن طلعـت
من الموضوع
:k_special2:

الاســـطـــوري
أخوكم

حبوبه دبي

21-09-06 ||, 12:10 AM

مــرحبـــااا

هممم

استــانست ع رااي اخــويه ذنيــني :yes:

صدق انـه العرووس والمعرس يتقطعـــون صح من كلااام النــاس !!
الا هذا قصيـــر ولا شكلــه غلــط ولا الميكب اب مب راكب عليها
:boxed:
انزين وبعدين !

لااازم بيرمســــون !!
:k_devil2:

انا اشــوف لازم يكـون العــرس حلــو بــس مب معنـاته ديــون وسلفيــات وخرابيـط
يعني يكــون ع قــد الحـــال
:fa35:

لــيش الخســـر ع الفــاضي !!

نبراس الليل

21-09-06 ||, 12:56 AM

قال رسولنا الكريم محمد عليه الصلاة والسلام ...

(خير النكاح أيسره )........

الآن يتباهي المقبل على الزواج بإقامة الحفلة في أفخم القاعات ...وما إلى ذلك .....

ويدخل القاعة وكيف لرجل أن يدخل بين نساء .....

الكوشة ..بالآلاف ....وهناك من يريد عشرة دراهم ..كي يطعم أولاده ..

وليته يمتلكها ...بل لعدة ساعات ....

وكيف يبارك الله لزوجين والزواج تم على ذنوب ومعصية ....

نسأل الله أن يوفقنا ...ولايجعلنا ديوثين .....!!

هزاايم

21-09-06 ||, 03:50 PM

اخت اختي
اختيه اشكرج عالموضوع:thumbup1:
وحلوو الوااحد يقول وش بخااطره
ويوم الواحد مقبل عالزواج لازم يكووون متجهز من كل النوااحي ولازم يعرف رااح يصير رب أسره ويدخل نطاااق كل راع وكل مسؤول عن رعيته
وعن العرس ترى كل مظاااهر لاتقدم ولا تأخر
وانا اشووف ماشاء الله في نااس يعتمدوون على الأهل أو إن الأهل معتبرين مخاسير العرس هديه للمعاريس,,خخخخ لو يحطووونها بيدي احسن آخذ ليه وكااله همر :thumbup1:

واستمتعت بالقراايه
لاهنتوا