بارك الله فيكم [الأرشيف] - -:: واحات بن دبي ::-

كـلـكـلـووش

11-09-06 ||, 07:34 AM

السلام عليكم

أعلنت دائرة الاوقاف في الشارقه عن منعها عن بيع السجائر و المجلات الخليعه و الالعاب الناريه عن محلات مدينة الشارقه .. و قد وضعت اعلان على جميع محلات الشارقه ينص على الابلاغ عن اي محل يقوم ببيع السجائر في المدينه و يعد هذا القرار مكملا لقرار منع الشيشه في المدينه

و اللي يشوف اي محل مخالف ما عليه الاتصال إلا على هذا الرقم 065683338

و يزاهم الله خير الاخوان في دائرة الاوقاف

ســلام
كـلـكـلـووش

راعي الزعـامه

11-09-06 ||, 07:46 AM

والله خطوة مميزه في امارة الشارجه
والله يهدي الجميع

قرموشة

11-09-06 ||, 01:54 PM

يعنـي السجـايـر والشيشـه ممنووعـين !؟
الله زيــن والله ..
وامرره لا تحـااتي .. أسمييني الا بتـصل وبفتن علييـهم بعد لوول ..

الهيثــم

11-09-06 ||, 01:57 PM

أفـــا ... شو هـ الحاله ..
شيــش ومـا عنـدنـا .. حتى السجاير بعد ممنـــوعة

لا حول ولا قوة الا بالله

مشكوور أخـوي ^__^

ألم ترى

11-09-06 ||, 01:58 PM

بسم الله الرحمن الرحيم ..

ياخي تعيبني هالأماره لكن الشرطه ماله ما يتفاهمون :doh: ! ..

يزاهم الله خير والله يوفقهم لما يحبه ويرضاه ..

شكرآ بو شهاب ع الطرح :kcl: ..

حلم الطفوله

11-09-06 ||, 02:37 PM

وجان استانس .... عقبال باقي الإمارات

الله يوفقهم لما يحبه الله ويرضاه

الاسطوري

11-09-06 ||, 02:37 PM

خطوه حميده لإمارة الشارجه بس تتوقعون دبي
ممكن تسوي نفس الشي في
يوم من الأيام
:whistling:

قــبقــوبـه

11-09-06 ||, 02:39 PM

:daleel:

ياا حيـــهم والله شـــرطة الشــارجه .. يوم انهــم منعــوا السجاير والشيــشه ..
الحينه قمــنا نشـوف يهال يدوخــون :nono: .. وراعي الدكـــاان هب مقصــر .. ماعنده خلاف عــود ولا صغيير ..
المهم انه يمشــي بضـــاعته ..

مشكـــوور الشييــخ ع الخبــر .. وعقبال بااقــي الامــارات brgll: ..

بحر الموده

11-09-06 ||, 02:55 PM

وعليكم السلام ورحمة الله وبركاته

فكه يوم منعوووو هذا السم القاتل صراحه

اتمنى يمنعونه فى باقى اماراتنا الحبيبه ... ويعطيك العافيه اخوى على الخبر

الشوق

11-09-06 ||, 03:03 PM

اويه اول مره ادري ان الشارجه مانعين عنهم الشيشه
تدرون لو في دبي سوو هالشي ...
جااااااااااااان الدنيا بعدها ابخير ..

.
.
وجهد تشكر عليه الاماراه وحكومتها
والله يوفج الجميع لفعل الخير

تنينه

11-09-06 ||, 04:05 PM

بس تتوقعون دبي
ممكن تسوي نفس الشي في
يوم من الأيام

:fa56: :fa56: أنـا مـا أتوقـع الصـراحـه :doh: ,,

,, أسميـهم أهـل الشارجه بيخلصون شـلق عيمان :harhar1: ,, وبـعدين كـيف بيحتفلون بـ مهرجان الشارقه الرمضـاني :tounge: ,,

الـصراحـه خــطوووه جـميله جداً والله يبارك لـهم إن شـاء الله ,, دومـها حكومـة الشارجه ما شااء الله عـليها خـطواتها جـميله وللـصح :yes: ,,

الله يـحفظ الشيخ سلطان القاسمي :yes: ,,

تسلم ياخويه ع الخبر الحلوو :fa35:

لمّــاح

11-09-06 ||, 04:48 PM

السلام عليكم ..

الله يوفقك يالشيخ سلطان و يسدد خطاك .. والله انك رجل ابن رجل، صدق القواسم من يوم يومهم شديدين :harhar1:

و على فكرة احيد مره واحد لبناني زخوه الشرطة في الشارجة و طلعوه بكفاله لأنه كان لابس شورت في مكان عام، ترا يت فترة منعو فيها الشورتات .. :ice:

خطوه حميده لإمارة الشارجه بس تتوقعون دبي
ممكن تسوي نفس الشي في
يوم من الأيام

خلهم يسكرون محلات ويسترن آفركان اول شي و عقب خلهم يمنعون الجقارة و الشيشة ..
الي مايعرف هالمحل يخطف على سبينس مردف ( في مردف اب تاون ) او جميرا او دناتا الي عند الستي وبيعرف محل شو ، او يخطف على المطاعم الي عند جليز في مول الامارات ( المطاعم الي ورا، الي تطل على سكي دبي ) و يشوف شو يبيعون داخل هالمطاعم .. :nono:

حبوبه دبي

11-09-06 ||, 05:32 PM

شــي حلـــو والله

:fa35:

هزاايم

11-09-06 ||, 05:40 PM

خلهم يسكرون محلات ويسترن آفركان اول شي و عقب خلهم يمنعون الجقارة و الشيشة ..
الي مايعرف هالمحل يخطف على سبينس مردف ( في مردف اب تاون ) او جميرا او دناتا الي عند الستي وبيعرف محل شو ، او يخطف على المطاعم الي عند جليز في مول الامارات ( المطاعم الي ورا، الي تطل على سكي دبي ) و يشوف شو يبيعون داخل هالمطاعم .. :nono:

لمااح صح لساانك,,والله شو هالحركاات,,يعني حشااكل أو مراهقين الأجانب على 18 و19 يدخلوونه وشوفوا المنااكر إلي تصير بالمكاان,,الله يرحم مردف كيف كاانت وكيف صاارت,,وشوفوا كيف غدت:no0:

وخطووه جد مهمه باارك الله فيهم وعقباال البقيه يارب

دانة حتا

11-09-06 ||, 06:34 PM

يزاهم الله خير
فديتها الشارجه دوم تتخذ خطواات رائعه للشباب
والوطن والمواطنين
ويزاك الله خير اخوي كلكلوش

كـلـكـلـووش

11-09-06 ||, 06:53 PM

مشكورين على ردودكم الطيبه ..

بس حبيت اخبر الاخوان اللي يتكلمون عن الشيشه في امارة الشارجه ..
الشيشه من زمان ممنوعه في امارة الشارجه .. بس السجاير الحين منعوها كخطوه مكمله للخطوه الاولى ..

لماح .. بالنسبه قانون الاحتشام .. القانون خلاص شبه ملغي حاليا .. و ميت و الجماعه كلهم نسوه .. ردينا نشوف الهنود اللي يلبسون الوزره و ردينا نشوف الشورتات و ردينا نشوف اللبس الفاضح للبنات ..

و الشيخ سلطان يزاه الله خير ما يقصر .. و يحاول قد ما يقدر انه الفساد ما ينتشر في الشارجه .. بس العوق في اللي تحت .. و اللي ما يطبقون القرارات بشكل صحيح .. و الواو اللي تدخل في المواضيع هذي ..

مشكورين كلكم ع المرور ..

ســـلام

قرموشة

11-09-06 ||, 07:09 PM

بس حبيت اخبر الاخوان اللي يتكلمون عن الشيشه في امارة الشارجه ..
الشيشه من زمان ممنوعه في امارة الشارجه .. بس السجاير الحين منعوها كخطوه مكمله للخطوه الاولى ..
أول مـره أعـرف بهـا الشي !!
بس بالرغـم مـن هالقوانـييين .. يستوي كـل شي مـن ورا الكواااليس ..
:boxed:

قــبقــوبـه

11-09-06 ||, 08:12 PM

.. عـــدناااا ..

:ttmasha:

سمعـــت مديييح عن امـــاارتنا .. :kcl:
اول مره اعــرف عن قانون منــع الشيشــه .. بس القهـــااوي الي ع الكورنيش يشــربون فيها شيــشه ولااا !!!

على الرغـــم على كثــر القــوانين الي فالشــاارجه .. ماانشــوف تطبيــق ,,
يعني مثــلا قانــون الاحتشــااام .. البنــات الي عندنــا فالجـامعه يلبســون الي يبــونه .. وهب مســوين إعتــبار لحــد ,, :nono:

الحيـــنه لازم ينصـون قانـــون احتشــاام ع العبــاااه بعد :doh: ,, العبــاه الحينه تلفــت آكثــر من اللبــس المرصص ..

طير الحب

11-09-06 ||, 08:22 PM

وااايد زين ...ان شاء الله عاد يطبق القرار وانا بخبر إن عرفت عن دكان يبيع هالسم

لمّــاح

11-09-06 ||, 11:40 PM

مرحبا ..

أول مـره أعـرف بهـا الشي !!
بس بالرغـم مـن هالقوانـييين .. يستوي كـل شي مـن ورا الكواااليس ..

على الأقل الشيخ سلطان سوا الي عليه و برأ ذمته امام رب العالمين و الباجي على المسؤولين انهم يكونون قد الامانه و المسؤولية ..

لماح .. بالنسبه قانون الاحتشام .. القانون خلاص شبه ملغي حاليا .. و ميت و الجماعه كلهم نسوه .. ردينا نشوف الهنود اللي يلبسون الوزره و ردينا نشوف الشورتات و ردينا نشوف اللبس الفاضح للبنات

ماعليه .. عالأقل هالقرار جد طبقوه و يمكن يرجع في يوم من الايام .. الواحد يعين خير ويصبر ..

لبن مثلج

12-09-06 ||, 01:11 PM

الله يبارك فيهم وفي حكومتهم واوقافهم.... الله يهدي حكامنا ..... امين

جان زين لو اوقافنا مثل اوقافهم ،، او يضمونهم ويا بعض

لا من دبي ولا من الشارجة.... فرق السما والارض

لماااااح::: هالمحل الي طريته او المخزن الشيطاني ،، ودي افجره باللي فيه ... لكن العتب على راعيه اللي مايخاف الله ......

اتمنى هالخراب ينتهي من البلاد ،، والله يرضى علينا دنيا واخرة

كـلـكـلـووش

12-09-06 ||, 03:39 PM

ماعليه .. عالأقل هالقرار جد طبقوه و يمكن يرجع في يوم من الايام .. الواحد يعين خير ويصبر ..

صح .. بس انا دايما اقول . ما شي قانون افضل من انه شي قانون و يخترق هالقانون !

و على الله يـرد القانون و يطبق ..

ريم العين

12-09-06 ||, 10:26 PM

بتصل عليهم بشتكي على دكان فريجنا خخخخ

بس المشكله الرقم بس للشارجه اهئ اهئ..

ألـم

17-09-06 ||, 06:35 PM

والله شيء يفرح جان زين لو يتنشر هاه الشي في الأمارات ..
يوم في السجون يبيعون جقاير ما بيبعون برع ..
الله يهدي كل من يدوخ ..
مشكور أخوي على الخبــر ..