إلـى مـتـى ؟!

[تنينه]

قـــــووول لا إلـه إلا الله ,,



قـــووول لا إلـه إلا الله ,,





أتـشـهد يا ولدي قول أشـهد أن لا إلـه إلا وأشـهد أن مـحمد رسوول الله ,,




هـاي كـانت آخــر كـلمات أتذكـرهم وسـمعتـهم بـعد مـا ظـهرت من البيت ,, آخخخخخ راااااااااااااسي أحـس بألـــــم فضييييييييييع في راااااااسي ,,

آآآآه وآآآآآه تــأن في قلبي ,, أبـى أصرخ بــأعلى صوتي وأقولـها بس مـب قــادر مـب قــادر حـتى أحـرك أيـيدييني وأحطـه على راااسي أللي أحـس إن أشوااك لاااء مـب أشوواك سجاجين يغرزونها في راسي ويظهرونها بــكل بروود ,,

حـااولـت أفتح عيوني شووي شووي ,, أبـى أعرف أنـا ويين ,,


ياا الله حــاس بـثجـل غير طبيعي عـلى جـفووني مـب قاادر أفتح عـيوني كـامله , ,

وبعد محاولات قـدرت أفتح عيوني بـنصف جـفن ,,




مـا أقدر أحرك راسي لا يمييين ولا يســار ,, رقبتي ثـابته وكأنـهم لاافين عـليها شـي ,, وويـهي رطـــــــب ,, لـكنه ملفوف بالـكامل بـشااش أبيض انتبهت لـه وحسيت بـه ,,


يــا ربي شـو استــوى آخخخ راااسي بينفـجر ,,



خاااااااااااااااااااااااا ااااااالد ولــــدي ,,

دكتوووووووووور خااااااااااالد نـش صحى دكتووووووووووور تعال جوف ولــدي عـايش ولدي خاااااااااااالد فتـح عيووووووووووووونه ,, يماااا ولدي انا أنـا أمـك غـناتي حمد الله على سلاامـتك ,, بـشو أتحس ولدي حبيبي ,, ما تـحس بألم حياتي الحمد الله على سلاامـتك ,,

كـانت هـاي الجمل أللي ما فهمت نـص كلـماتها بسبب شـدة صيااح أمـي قبل ما يـظهرها الدكـتور من الغرفـه ,,


أكـتشفـت عـقب إنـي توني صـاحي من غيبووبـه طـويله لـمدة شـهرين ,, أطراافي أنشلت وركبتي اليـمنى بتروهـا ,, وويههي أتـشوه سـبة الحـريق أللي أصاب سيارتي بـعد ما أنجلبت على الخـط الـسريع ,, سـبة سرعتي الزايـده :no0: ,, والحمد الله عـشت ونـجوت بـصعوبه من الحـادث ,,



كـنت أسـوق السياره وكـني في حلبة سـبااق ,, كـنت صـدق حـاس بأني يالس أطـير في السياره ,, شـعور وحماااس كبييير تـملـكني في هاللحـظه وخلاني أعـاند عـداد السياره كنت مـعاندنـه وأبى أوصلـه لآخـر شي ,, وصـوت تنبيه السـرعه ما أكـترثت لـه أبـداً ,,

مـا فكرت ولا يـى على بالي أنـه بيستوي بي أللي أسـتوى ألـحين ,, ما فكرت في أمـي ابوي مستقبلي دراستـي صـحتي ,, شـسوي ألحين بـقدم وحـده والثانيه مشلوووله ,, ويـههي وملامـحه راحـت ,,


كـل هـذا بسبب لـحظه طـيش وتـهور ,,



إلـــى مــتى هـذه السـرعه؟! ,,

إلـى متى سـنفقد شـبابـنا > مـستقبل هـذا البلـد بسبب الحـوادث :sadwalk: ,,

كـم فقدنا عـزيزاً وقريباً بسبب الحوادث :bye2:

وكـم أم تـألـمت وفـجعت لفقدانـها أبنـائـها:no0: ,,



قتيل كل 27 ساعة في حوادث السير في دبي

ظهرت احصائيات ادارة المرور في شرطة دبي ان شخصاً يقتل كل 27 ساعة عة على طرقات دبي كما اوردت صحيفة "غلف نيوز"، وفي اول 120 يوماً من السنة الحالية سجل مقتل 105 اشخاص في حوادث سير على طرقات دبي، منها 26 وفاة في ابريل نيسان وحده، كما اصيب اكثر من 1000 شخص بجراح في الحوادث الـ 472 التي سجلت في هذه الفترة.


يـكفينا ما فقدنـا من شباب في ريعـان أعمارهم :no0: ,, فـ لنترك الطـيش ولنـفكر بأنفسنا وبـكل غـالي مـن حولنـا ,,





تنييينه :bye2:

[المزوحي]

انا مرات اسرع لكن مب سرعة جنونية ..أو في فريج .. لانه ممكن أ أذي غيري قبل ما أذي نفسي واليوم كنت امشي في شارع سرعته 80 وسرعتي 60 واشوف 2 يتسابقوون شكلهم مايعرفون بعض يعني لو واحد مسرع الثاني يخترش والله يسوقون طرررر ... ماعرفت اسير يمين وإلا يسااار تشوو
طيران ( لا إاله إلا الله ) ويتخششون بين المواتر ... شطارة !

لا

لأنه السيارة حديد ... كل ماتعطيها ريس بتمشي بسرعة .. يعني ما يبالها اختراع او كاهن !!
بنقول إذا شارع مفتوع ممكن وبحدود القانون ..

ههه ... أمشي في فريج يديمون لي أمشي على شارع عام يديمون لي .. اظن انا اللي ماعرف اسووق مب هم ..

إلى متى ؟!

[هزاايم]

:no0:

لاحول ولاقوه
وكم وكم بنقوول لكن من يسمع
أو بالصح من يستوعب
جمله يردوونها ولايدركووونها
قمنا نكره الفتك و الكلوزر و الرنجاات>>عااد هذي على الدنيا السلام
فقدناا عدد كبير وبالأخير يردوون على العين:nono: متى يدركوون إن الغلطه غلطت عياالهم وسرعتهم

ربي يحفظ الجمييع ياابوج
وعسى ياتنينه ياراعيه ال:ice: تووصل رساالتج للجميع
عسااج عالقوه يالشيخه

[راعي الزعـامه]

الله كريم !!

[ذنـيـنـي]

الله يهدينا و يهدي شبابنا لما يحبه و يرضاه

و يبعد عنا شر الحوادث


يثبت الموضوع

[شوق القلوب]

الســلام عليــــــكم..

تسلميــن يا تنيـــنه على هذا الموضوع..
والله حال الشباب يعور القلب.. صغار في عمر الـ 19 و الـ20.. توهم ما شافوا من الدنيا شي.. في لحظه.. و نسمع عنهم أخبار ما اتسر..
لا حول ولا قوه الا بالله ..


..


الســـرعه... ما يحس بلذتــها الا الشبــاب الطايـــش.. هي نعم طـــايش.. و أنــاني بعد..!!

مــا فكـــر بأمه اللي ان شافته محموم و تعبان دموعها ما توقف.. عيل شو حالها لو سمعت انه امسوي حادث و حالته خطيـــره.. ولا انه راح في غمضه عين..

ما فكر بمستقبلــه.. بحيـــاته..

بــوقفته باجر جـــدام ربـــه... اللي عطاه هالجسد أمــانه... يحافظ عليه.. مب يضيعه في رغبات تقطع النفس.. ، و اللي ما يعرف.. ترا الموت في حاله السرعه.. هو انتحار.. و الانتحار محرم في ديـــنا.. يعني الواحد شو يتـــريا.. يوم نهايتة النار و أعوذ بالله منهــا..

اذا مستعيل و تبا تلحق موعدك.. رتب عمرك و اطلع من وقت..!
مستمتع.. و الشارع فاضي و مافيها شي جان اسرعت.. ضامن شو بيجابلك ؟؟؟.. واثق بـ تواير سيارتك..؟؟ و لا متأكد من ثبات سيارتك..؟؟

..


اذا روحك رخيـــصه... ودك تحـــرق قلب أمــك و أحبــابك .. وتنحشر آخرتها في النــار

أســـرع !

[مجموعة إنسان]

الحمد لله ..
ـنت قبل كنت أسرع واايد ..
يعني من كثر ما اسرع من مطبه لين الثانية ريس كااامل ..
ما استفدت شي والله .. اللا السيارة اتكسرت وانا الحين بدون سيارة ..
وريلي والله انها .. ما اقدر العب كوره .. كل اسبوع علاج طبيعي ..
والسبب السرعه ..
الله يهدينا ويهدي كل الشبااب ..
وكل يوم أسمع عن واااحد يمووت والسبب حادث ..
اذكر السنه اللي طافت على اخر يوم في الكورس .. مخلصين دوامات وكل وااحد ساير بيته ..مستانسييين خلصنا دوااام ..
وثاني يوم من الأجازه واحد اتصلبي يقولي فلاان بن فلاان توفى بحااادث
وهو وحييد امه وابوووه ..
شو ذنب أهله ؟!
والله حراااام

والكلام مو بس للشبااب ..
حتى البنااات .. ترا هالأيام البنات يسرعن واايد ..
ترا والله مافي فايده من السرعه ..
شو يكوون شعوورج وانتي مسرعه وسويتي حادث لا سمح الله .. وايي واحد غرييب يطلعج من السياره وانتي بدون شيلع وجسمج مقطع والدم بكل مكااان
..
بلييز اذا انتوا ما تحبون عماركم ترا غيركم يحبكم ..

[تنينه]

المـزوحـي ::


واشوف 2 يتسابقوون شكلهم مايعرفون بعض يعني لو واحد مسرع الثاني يخترش والله يسوقون طرررر

يـا كـثر مـا أنـجوف هالسـباقات في الشـارع :boxed: وحـتى مرات واحـد يـكون مـسرع وأتـجاوز الثاني ,, يسير الثاني مـعاند أنـه يبى يسـبقه ولا يترايسون شرات ما يقولون :nono: ,, ومـا فكروا بأنـفسهم ولا بالأرواح أللي حذالهم وفي وسـطهم ,,

الله المسـتعان يا خويـه ,, ومشكوره ع التواجد :mar7aba:




هــزايم :ice: ::



فقدناا عدد كبير وبالأخير يردوون على العين متى يدركوون إن الغلطه غلطت عياالهم وسرعتهم

هــيه والله صـدقـج هزوووم الولد يكون مـسرع وهـو الغلطان والأم في الآخـر أتـرد الغلـط على الـعين ,, تـخيلي أمـسات ولد عموتي كـان في بيتنا وجـه وتم يـرمـس عـن عـمره وعـن الحـوادث أللي سواها ,,

يقـول إنـه مـره كان مـسرع صـدق وكان يـسوق بـطيش وتـهور وهـو عقب موول ما حـس بـعمره يوم دعـم شـاحـنه ع الخـط ,, يقولـنا ما أتـذكر شي غـير ليتات المـطافي والشرطـه وأصواااااات وااااااايده وريال واقف حـذال راسي يقولي قـول لاإلـه إلا الله ويقولي أني اقول الشـهاده ,, يقول يـعني حااااااالتي كـانت واااااايد صـعبـه ونفسي يعني أنفاسـه كـانت خلااص بتنتـهي لـدرجه أنـهم كانوا فـاقدين الأمل أنـي بـعيش يعني خلاص انـا ميـت عـسب جي كانوا يـطلبون مـني الشهاده :no0: ,,

نـادر أللي يـصحى ونـادر أللي يسـتوعب :nono: ,,

مشكوووووره الغاليه ع التواجـد ولا عـدمناج يا رب :fa35:

[الهيثــم]

الحمــدلله إنه ما فيــني خبــال السـرعه
لأنـــه ما شي فــايـدة من الســرعة

وربيـعي خبـرني قبل فتـرة إنه واحـد من ربـعهم سوا حـادث ..
وهم كانوا هنــاك مكـان الحـادث .. يقوول والله غنه ربيعنــا يالس في الموتر ويرمسهم
يقوولهم طلعووني ما فيني شي .. والسيارة كانت تحترق شوي ..
قال طلعووني .. الباب ما يتبطل انا ما فيني شي .. ومحد يقدر يجرب من الموتر

لين ما انفجرت السياارة .. ومااات ربييعهم يداامهم .. واتفحم .. وما تم منه شي ..
اتخيــلوا الموقف .. انا الي ما عرف الريال .. يوم خبـرني السالفة .. حسيت اني مب قادر اوقف وهو يرمسني

اتخيلـوا حال أمه .. وابووه .. وربعه الي كانوا وياااه دوم .. يشوفونه يموت يداامهم وما يرومون يسوون شي ..

واشكرج اختي تنينـة .. وان شاء الله يتعضـون شبــابنـا ..

[المزوحي]

يالله يا خطاب قلبي عورني ...

في شباب يشوفون لكن يتمادون ...

أنا جربت شغله !

أدوس 120 وإلا 80 أوصل نفس المكان نفس المدة يمكن فرق دقيقتين ...بس

خاصة يوم الإشارة توقفك كل شوية ..

كم هذيل اللي يسرعون ويديمون وانته على اليمين ومطفح ..

عقب ( عند الإشارة ) انا أكون ثاني موتر وهو يكون سادس موتر

[تنينه]

خـطـاب ::

لا حول ولا قـوة إلاا بالله :no0: ,, يا ربي السالفه صــدق أتـعور القلب :bye2: ,,

الله يـرحمـه برحمـته :no0: ونـسأل الله حـسن الخـاتمـه :bye2: ,,

صـدق ان السـرعه خـبال شي مب طبيعي والله :boxed: ,, والحـمد الله أنـك بـعيد عـن هالجنون:yes: ,,


مشكووور ياخويه ولا عـدمناك :bye2:

[تنينه]

عـاشق الـقلـم ::

هــيه الله كـريم ,,,




ذنيـني ::


الله يهدينا و يهدي شبابنا لما يحبه و يرضاه

و يبعد عنا شر الحوادث


آمــين يا رب :yes: ومشـكور يا خويه ع التواجـدوالتثبيت :unlock:




شـوق القلوب :kcl:

صـحيح كـلامـج عـزيزتـي ,, طـيش وأنـانيـه ,, غـريب حـال هالتـهور والجنـون أللي يـصيبـهم فـجأه ويـفقدهـم التفكير في أنفسهم واقـرب النـاس لـهم ,, سـبحان الله جـنهم ضامنين السلامه 100% وضامنين أنـهم ما بيصـيبـهم شـي ,,

بالرغـم من القصص والسوالف والأعزاء أللي فقدنـاهم سـبة الحـوداث مـا شي ,, يمكن يـتأثرون لـفتره عـقب يردون عـادي ,,



مــا فكـــر بأمه اللي ان شافته محموم و تعبان دموعها ما توقف.. عيل شو حالها لو سمعت انه امسوي حادث و حالته خطيـــره.. ولا انه راح في غمضه عين..




تـخيلي شووق أعـرف وحـده من الأهـل ولـدها كان عـمره يمكن 19 مـات وكـان وحـيدها ,, يـوم عـزى الولد يقولون مــوول مـا كانت أتـصيح بس الدموع تنزل بسكااات ولا كانت تتـكلم مـع حد ولا شي ,, بـس جي يالسـه ,, تـخيلي بـعد فـتره حـصلوها طـايحـه يعني يقولون يـتها جـلطه في القلب وهـي من قبل كـان فيها أصلاً القلب .. مـن التفكير ومـع ارتفاع الضغط وما كـانت بحالها ولا تـاخذ أدويتها :no0: ,, الله يـرحمهـا ,,



بــوقفته باجر جـــدام ربـــه... اللي عطاه هالجسد أمــانه... يحافظ عليه.. مب يضيعه في رغبات تقطع النفس.. ، و اللي ما يعرف.. ترا الموت في حاله السرعه.. هو انتحار.. و الانتحار محرم في ديـــنا.. يعني الواحد شو يتـــريا.. يوم نهايتة النار و أعوذ بالله منهــا..


صـدقـج اختي شوق ,, ( ولا تـرموا بأنـفسكم للتـهلكـه) يعني ديننا الإسلامي مـنع ونـبه لهالشي والسـرعه عواقبها المـوت أو الشلل وهـاي التهلكـه بـعينها :no0: ,,


مـشكووره عزيزتي ع التوااجد الرائـع ولا عـدمناج يا رب :yes:

[تنينه]

هـواجـيس مـشتاق ::

الحـمد الله ع سـلامـتك ياخويه ,, وأهـم شي أنـك اسـتفدت من هالتـجربـه وان شااء الله مـا بتعيدها:yes: ,,

الله يـرحم ربيعك ويرحـم كل شبابنا وكـل موتـى المسلمـين ,,

صـدق يعني نـحن بروحـنا أقليه في هالبلاد والشـباب عددهم أقـل من البـنات والحـوادث والسـرعه مـب مقصره في سلـبـهم مـنا ,,



شو يكوون شعوورج وانتي مسرعه وسويتي حادث لا سمح الله .. وايي واحد غرييب يطلعج من السياره وانتي بدون شيلع وجسمج مقطع والدم بكل مكااان

صـدقـك يـا خويـه :yes: ,, كـل عواقب الـحوادث وخـيمـه ,, سـواء المـوت أو الشلل أو شرات مـا قـلت
وايي واحد غرييب يطلعج من السياره وانتي بدون شيلع وجسمج مقطع والدم بكل مكااان ,,,

الله يــحفظ ويــهدي كل شبابنا وبـناتنا يـا رب :bye2: ,,


تـسلم ياخويه هواجيس ع التواجد الجمييل :yes:

[خيال الحب]

الخميس الي طاف.. كنت قاعد بالحلاق اتحلق.. وكان ربيعي يتحلق..

من زمان مب شايفنه..

المهم .. بعد ما خلص قالي تامرنا شي.. قالي الحين رايح بوظبي ..

قلت له ربي يحفظك

هالكلام كان بعد صلاة المغرب..

بعد صلاة العشاا كنت رايح المطار عسب اييب اخوي .. شفت حادث فضيييييييييع وقلت يالله تسترر..

ومن قوة الحادث تميت امشي 100 -80 ما سرعت اكثررر

مادري شو صار بريلي احس ماقدر اسرع زياده من جي من الحادث الي شفته


وباليوم الثاني .. اشوف ربعي متصلين فيني يقولون لي فلان توفى..

يالله يالدنيااااااااااااااا امس كان قاعد وياي..

لاحول ولا قوة الا بالله

الله يرحمه ان شاء الله


الواحد صدق ما يعرف متى بيي يومــــه.. بس لازم الواحد ياخذ بالاسباب وما يسرع ويتهورر..

بيعرض نفسه وغيره للخطـــر..

شو ذنبهم هالناس الي ماشي بسبحانيتهم


وتسلم ايدج ع الطرح :)

والسموحه ع الاطاله

[تنينه]

لا حـول ولا قـوة إلا بالله :( ,,


الله يـرحـمه بـرحمتــه ,,



الواحد صدق ما يعرف متى بيي يومــــه.. بس لازم الواحد ياخذ بالاسباب وما يسرع ويتهورر..

بيعرض نفسه وغيره للخطـــر..

شو ذنبهم هالناس الي ماشي بسبحانيتهم


صـدقك يا خـويه صـح إن كـل شي قـضاء وقـدر بس بـعد الواحـد لازم يـاخذ بالأسـباب ومـا يرمي نـفسه بالتهلكـه وأعـتقد الـحين الكل صـار واعي وعـارف شـو هـي نتايج التـهور والسـرعه ,, يعني شو بيكون عـذرهم ؟! ,,


مـشكور يا خويه بـن الحـب ع التواجـد الرائـع :yes: سـعيده بـردك :fa35:

[إسهر معي ليله]

بصراحه،، انا مينون سرعه :sadwalk:

بس في نفس الوقت يعتمد عالمكان،، يعني مب فأي مكان اسرع
اذا كان الشارع مفتوح،، بس والله مرات احس بتأنيب ضمير.. !
اقول ليش اسرع؟.. اصطلب فترة،، وعقب ارجع مره ثانيه

الناس اتيهم ردارات 200 درهم،، بس انا 400 (طيش وتهور)
مادري شو هالحاله اللي انا فيها :doh:

بصراحه،، ما استفدت من هالسرعه اي شي .. وفي الفتــــــرة
الأخيره كله اسرع وايدي على قلبي لا يستوي شي،، يعنـــــــي
الواحد في نفس اللحظه يحس بالخطر بس بعد فيه شي يخليـــه
يزيد ويدوس عالريس،، :narr: صدق غباء !

مشكورة عالموضوع تنينه،، اسلوبج وايد حلو :yes:

::
::

خطاب




وربيـعي خبـرني قبل فتـرة إنه واحـد من ربـعهم سوا حـادث ..
وهم كانوا هنــاك مكـان الحـادث .. يقوول والله غنه ربيعنــا يالس في الموتر ويرمسهم
يقوولهم طلعووني ما فيني شي .. والسيارة كانت تحترق شوي ..
قال طلعووني .. الباب ما يتبطل انا ما فيني شي .. ومحد يقدر يجرب من الموتر

لين ما انفجرت السياارة .. ومااات ربييعهم يداامهم .. واتفحم .. وما تم منه شي ..


حرام والله،،، ليش ما تجدموا وحاولوا يسوون شي !.. المفروض واحد يتشجع ويشوف
تراه لو هوه تجدم او مال الدفاع المدني،، لازم فيه حد بيتجدم.. فـ ليش التأخير ! :no0:

الله يرحمه ان شالله

[تنينه]

إسـهر مـعي ليـله :fa35:



بصراحه،، ما استفدت من هالسرعه اي شي .. وفي الفتــــــرة
الأخيره كله اسرع وايدي على قلبي لا يستوي شي،، يعنـــــــي
الواحد في نفس اللحظه يحس بالخطر بس بعد فيه شي يخليـــه
يزيد ويدوس عالريس،، صدق غباء !


المـشكلـه ياخـويه انـه نحن فـي بعض الأحـيان نغلط ونـصر على الـغلط :fa39: ,, واصـرارنـا في النـهايـه راح يـخسرنا الكـثير والكـثير ,, :yes: ,,

خلااص ليش ما أنفتـح عقولنا أكـثر ونـفكر أكثر ونـوسع أفكـارنـا ,, ما أنكون أنـانيين ونخلي الشيطان يسيطر عـلينا ,, نـفكر برضى ربـنا والوالديـن :yes: ,, نـفكر في المسـقبل شي عزيز وغالي عـليـنا أرواحـنا وصـحتنا :unlock: ,,


اخويه اسهر مـعي ليله خلااص أعـقد العـزم أنـك ما بتفكر في السـرعه وراح اتـحاول تتخلص من هالـجنون :sad4: ,, مـب عسب حـد بـس يوم بـاجر بتلقى ربـك أيكون راضـي عـليك قبل والـدينك ,,


مشكور ياخويه اسهر معي ليله ع التواجـد الحلووو :kcl: وربي يحفظك ويسعدك دووم :fa35:

[عفاريتووو]

السلام عليكم


ذكرتيني بــ ولد عمتي الله يحرمه ,, كان ضحية من ضحايا تهور الشباب و السرعة

كل ما اجوف اخوه عيوني تدمع
تصدقين من يوم هو توفى الله يرحمه و هالولد ما ضحك
مع انه مر 4 سنين بس بعده هالولد يتألم

لحظة طيش مب بس تنهي حياة المتهور
تحطم قلووب اهله و اللي حوليه :no0:

الله يهدي الشباب ان شالله و يرحم جميع موتى المسلمين

[شوق القلوب]

وربيـعي خبـرني قبل فتـرة إنه واحـد من ربـعهم سوا حـادث ..
وهم كانوا هنــاك مكـان الحـادث .. يقوول والله غنه ربيعنــا يالس في الموتر ويرمسهم
يقوولهم طلعووني ما فيني شي .. والسيارة كانت تحترق شوي ..
قال طلعووني .. الباب ما يتبطل انا ما فيني شي .. ومحد يقدر يجرب من الموتر

لين ما انفجرت السياارة .. ومااات ربييعهم يداامهم .. واتفحم .. وما تم منه شي ..



لا الـــه الا الله .. والله عيوني دمعت..!

ما ادري شو حال ربعه وهم يشوفونه جدام عيونهم.. وهو شو كان حاله وهو يحترق

لا حول ولا قوة الا بالله ..

:no0:

[ألم ترى]

بسم الله الرحمن الرحيم ..

واحد مني اسرع لكن بحدود ! ..

هي والله كم شفت وكم عشت ف هاي الأجواء :no0: ..

كم ميت شلت وكم جريح وكم محترق وكم وكم ! ..

اللهم ارحم موتانا وشفي جرحانا وجبر خواطر والدينا واحبابنا ..

بحفظ الله :kcl: ..

[ألم ترى]

ربيـعي خبـرني قبل فتـرة إنه واحـد من ربـعهم سوا حـادث ..
وهم كانوا هنــاك مكـان الحـادث .. يقوول والله غنه ربيعنــا يالس في الموتر ويرمسهم
يقوولهم طلعووني ما فيني شي .. والسيارة كانت تحترق شوي ..
قال طلعووني .. الباب ما يتبطل انا ما فيني شي .. ومحد يقدر يجرب من الموتر

لين ما انفجرت السياارة .. ومااات ربييعهم يداامهم .. واتفحم .. وما تم منه شي ..
اتخيــلوا الموقف .. انا الي ما عرف الريال .. يوم خبـرني السالفة .. حسيت اني مب قادر اوقف وهو يرمسني

اخوي هالحادث ف رأس الخيمة ؟
لئن امسات شالين واحد محترق فما ادري هو ولا واحد ثاني
الله يرحمه ويتجاوز عنه

[الهيثــم]

اعتقد فـ ام القيوين .. مب متأكد والله

بس اعتقـد ربيعي قالي صوب الحلبـة .. او شي من هالقبيل

[ذنـيـنـي]

ينزل من التثبيت :)