[!||! مـطبـخ رمضــان !||!]

[دمعة شوق]

السـلام عليـكم ورحمة الله وبركــاتــه


أول شـي ؛ كـل عـام وأنتوا بخيـر بمناسبـة قرب شهر رمضان الكريم
وينـعاد علينا وعليكم كل حول ياربيـه ؛
؛؛


مابـقـى شـي عن رمضـان ألا كمن أسـبـوع ؛ وبـديـنـا نجهـز عمارنـا للعيشه ؛
ونخـطط شـو نـطبـخ سـواء من طبق رئيسـي ولا شي حلو ولا شي مالح ولا ولا
:fa37:
؛؛
فـ هنيـه في هالموضوع تخبرونا شو ناويين في رمضـان ؛ شو ناويين اطبخون
الأطباق الرئيسية وسوالف الدلـع ؛ ناويه أدش المطبخ واعاونهم طشونه وأسوي شي يديد
غيـر :
الفطاير ؛ والبيتزا ؛ والهريس ؛ والثريـد ؛ ووالسوالف الباقيـه ؛
؛


تفضـلوا وقولوا اللي عندكم
وبرجعلكم إن شاءالله بالاشياء اللي تعلمتها لـرمضـان
:fa34:
ويالله شدوا الهمـه ويمدحونه الطبـخ ؛
..


ويـامـرحبــانــي

[المزوحي]

مبارك علينا وعليج .... لكن بعدنا مانعرف شو بنسوي ...

وإذا غير اللي طريتيه ... بيخبرونج الاعضاء .. إن شاء الله ..

نحن طبقنا الرئيسي ثريد ومن عقبه على طول العيش .. وجان نسوي عرسيه .. اما الهريسه

يطرشونها لنا ..

[دمعة شوق]

حـي الله بالمزوحي
امممم شـي طيـب ؛ بس أنا ابا اغير هب كـل يـوم عيـش عيـش
بيدعون عليه عقـب ؛ متنـتنـا
brgll:
؛؛
شـي أسـاسي الهـريس والثريـد
بس إن شاءالله بحطلكم هنيـه أشـياء حلوه وبسيـطه لـرمضـان
وأنتوا لا تبخلون عليـنـا
:fa38:
؛؛
شـكرا ً يالمزوحــي

[بنت الدلع]

هلااا بدمعتي

شحااالج دبووه

يقولون اني ولهت عليج

وجان عندج اكلات يديده خبريني
لوول
حدي اسوي سلطه وسويت
واحيانا اسوي اسباقتي عالطريقه الاسبانيه

[دمعة شوق]

مـرحبــــــا الســــاع والله
مرحبا بأم سـعيـــــد
:harhar1:
رقييص فديتج ومن صوبج ربج بخيـر ؟!
وين هالغيبه يالقاطعـه ؟!
تعاالي ماقالولـج
:boxed:
انيه انا انا دمعوه مشتاقتلج
:kcl:
؛؛
امممممم يختي إمره عنديه ذيج الاكـلات الغاويه
وإن شاءالله بقولكم ماعليـج
وانتي بعد ماشاءالله عندج شي تسوينـه ؛ امممم سابقتي بالطريقة الاسبانيـه
امممم كـيف هـاي ؟
ام سعيدووه انا ماابا رمسه ؛ اللي تعرفينه كتبيه مابيج شـي
ولا ألا عيـازه
:harhar1:
؛؛
يالله ومشكوره على ردج الغاوي
:fa35:

[دمعة شوق]

أول ماتـعـلمـتـه لـرمضـان ؛
وهـو عباره عن شـي حلـو ؛
وشـي يتواجـد في السـوق ؛

بس أحلى صـنـع البـيـت لزيزوون
:fa37:
الـسـيـنـــبـــون

مقـاديـر العجـيـنـة :
3 كـواب دقـيـق
ربـع كـوب حليـب أو ماي
بيـضـة
فنـيـان *فـنجان* شـكر
ربـع زبـدة
شـويـة مـلح * بس رشـة *
فنـيـانيـن زيـت
ملعـقـة ونـص خميـرة
//
مقـاديـر الحشـوة :
زبـدة ذايـبــه
شـكـر مطحون ويأ قرفـة مطحونـة
نخلـطـهن ويأ بعض
؛؛
تـيـبـون الحلـيب أو المـاي تحطونه في غوري وتـضـيـفون عليـه الزبـدة والـزيـت ؛
وتحـركونه ليـن ما تـذوب الـزبـدة ؛
العجيـنـة : تحطون الطحيـن والبـيـض وشويـة ملـح والشـكر والخميـرة في طـاسـة وعقـب
تضـيـفـون عليـه الحلـيب ؛
؛؛
تخـلون العجيـنـة تتخمـر تقـريـبـا ً ســاعة كاملـة ؛
عقبـهـــا تقطـون العجينـة لـ ثـلاث كـور ؛
وتفـردون كل كوره وتخلـونـها طويـله ؛
//
عقـب تيبـون الزبـدة الـذايبـة وتمسحـون على العجيـنـة
وعقـب تـرشـون عليـها الـقرفـه والشـكر
وتـلفـون هاللفـه ووبتـكون طويـله ؛ وقـصـوهـا بالسجيـن
؛
تيـبـون صيـنيـة الـفرن وتـدهـنـونـها بشويـة زيـت تحـطون العجينة
وتدخلونها الفـرن خلوها تتحمـر من تحن ، وتحمر شووويه من فوق
//
تطـلعونـها وتــرشـون عليها من الحليـب المـركـز بحيث انها تشـربه
وعقب تزينونها بالمسكـرات إذا تبـون ؛
\\
أنا سويت الجوكلـت : ثلاث ملاعـق شوكلاته بودره ، وثلاث ملاعق حليـب ، وثلاث ملاعق شكر، وماي
تحطونه على النـار ليـن ما يثـور بس لا تخلونه يتعقـد ؛ وعلى كيفكم إذا تبونه حار أو بـارد
وتصبونه على السينبون
//
وهـاي الصـوره موضحـه أكثــر :
http://www.66n.com/pics/hosted/9g4fgx4hehf23gqgqejkipmhy5e5xdnb.jpg
؛
جربوها والله سهلـه ولزيييييييييييييزه
:fa37: :fa37:
؛
جربوها وقولوليه شرايـكم

[أوتار القلب]

شكلهـا لذييــذة

خاطـري أجربهـا بس اخـافها ما تضبـط :boxed:
تسلميـن حبوبـة .. ان شاء الله انا بعد بشــارك ويـاج بكيكتي العجييـبة بـس ع شـرط تجربينهـا :smartass:

[مزن هتان]

هلا والله بدمعة

مبارك عليكم قرب رمضان
الأطباق على سماط رمضان هي:
العيش والثريد واللقيمات<<< أهم شي عند الشباب والشيبه
الفطاير السمبوسه واللفايف
و الشوربه كذلك كل يوم نوع
الهريس عدنا مو شرط
---------------
مشكوره ع الوصفه
باكر راح اسويها :fa38:
--------
راده لكم إن شاء الله بأنواع الشوربه
:yes:

[مزن هتان]

هلا والله
سويت السينبون مرتين والحمدلله
ضبطت معاي، أوتار
جربيها :fa37:
-------
تخسبقت بسالفة القرفه
استحي اسال الخدامه شو القرفه
رحت سألت الوالده قالت
انه نفسه الدارسين
brgll:

[طير الغرام]

http://upload.bindubai.com/download/6eer/6eer-S-oasis-New.gif

كـــل عام واليميع بألف صحه وسلامه

:

عاده انا ارمضان ولا غيره >> سويتات X سويتات
>> زين انه الوالد يحب هالسوالف فـ نتفنن عشان خاطر اعيونه :ice:

واممم ان شاءالله بتفلسف بالخفايف >> فـ السكن :no0:
وفـ البيت سويتات

وعندي كمن طريقه بس مواضيع قبل حطيتهن >> عادي أشارك ابهن :bye2:


http://upload.bindubai.com/download/6eer/6eer-L-oasis-New.gif

[المزوحي]

انا حصلت لــج هالسويت :ice:

المقادير:

--------------------------------------------------------------------------------


1 علبة دايجستف (100 جم)
1 قالب زبده (113 جم) سائحه
نصف كوب ماء
8 مربعات جبن كيري
1 علبة حليب مركز ومحلى (297)
الزينه: شوكولاته سائحه
الطريقة:

--------------------------------------------------------------------------------



يطحن البسكويت حتى يصبح ناعم ثم يضاف اليه الزبده السائحه والماء ويعجن جيدا
ثم يفرد في قالب فرن مربع 20×20 سم

يخلط الجبن مع الحليب المركز بالخلاط الكهربائي حتى يمتزج ثم يسكب على البسكويت المفرود
وتخبز في فرن منخفض الحراره 120 درجه لمدة 45 دقيقه ثم يترك ليبرد تماما ثم يوضع في الثلاجه.

يقطع الى مربعات صغيره وتزين بخطوط من الشكولاته السائحه.

:look:

[بنت الدلع]

عيل ام سعيد هاااه :k_harhar1:

اليوم يبت لكم سويت

مب سويت سويت بس شرا سويت :a116:

:: اناناس بالكريما ::

المقادير :
2 قوطي اناناس
2 دريم ويب
6 جبن كيري
ماي الأناناس >> الي في القوطي .. شويه مب وايد يعني على قياس استكانة الشاي
2 ملعقة حليب بودر .. (( تخلطوونه ويا الماي )) يعني الكميه تكون كوب واحد

http://upload.bindubai.com/download/dala3/DSC00754.JPG

الطريقه:
تخلطون دريم ويب + جبن + ماي الاناناس + حليب بودر كلهم ويا بعض (( بالخلاط ))
تصفون الاناناس في مله او اي شي تبون تحطونه فيه

http://upload.bindubai.com/download/dala3/DSC00755.JPG

وبعدين تصبون الخلطه فوق الاناناس وتحطونه في الثلاجه لين مايبرد

http://upload.bindubai.com/download/dala3/DSC00756.JPG

وهنى وعاااافـــيه

جربووه وخبرووني تراه واايد سهل :fa42:

الاناناس شكله واايد يممي

[المزوحي]

يالله تعيبني هالسوالف

يم يمي دريم ويب