مشاهدة النسخة كاملة : ابن الخطاب . اتفضل الباكوره ..
الشوق
06-09-06 ||, 10:10 AM
السلام عليكم ورحمة الله وبركاته
اخوووووي ابن الخطاب بما انك طلبت مني طريقة الباكوره .. حبيت اعطيك طريقتها..
طريقة عمل الباكوره
المقادير
-دقيق حمص (( هالطحين .. مال الحمص .. مب طحين رقم واحد ولا اثنين بتحصل لونه اصفر طحين النخي ))
خضار حسب الرغبه (( والفلفل البارد والكزبره # الجنجلان- البقدونس ))
-ملح وبهار حسب الرغبه
-بيضه واحده
البصل
-بيكنج بودر
-قليل من الماء
الطريقه
تخلط جميع المقادير وتترك مده ربع ساعه ثم تقلى في زيت وتقدم ساخنه
وسلامتك ..
ها جرب الوصفه رود علي خبر اوكي
واي شي ماتعرفه من هالمقادير اسالني عنه
وسلامتك
.
.
بس اتسير واتجرب واتريا النتيجه
خويتك/ الشوق
:fa35: :fa35:
ابن الخطاب
06-09-06 ||, 11:22 AM
بسم الله الرحمن الرحيم
الشوق :
تسلمين على المقادير ، والله وايد مستانس ، بتعلم على الأقل اسوي شي ... :ice:
بخصوص البهارات ، شو الأنواع المفضلة ...؟
والفلفل البارد : هذا الخضر المكور ...؟
وبغيت أعرف الكمية المطلوبة إذا ممكن ، مثلا الماء اشكثر ...؟ كوب .؟ نص كوب .؟
باجر إن شاء الله بروح الجمعية آخذ أغراض للبيت ومرة وحدة بشتري المقادير وبسوي الخلطة .
الشوق
06-09-06 ||, 11:27 AM
هيه اخوي ابن الخطاب الفلفل البارد المدور المكور ..
الماي على حسب العجينه .. يعني بخصوص عجينة الباكوره المهم انها مااتكون ثقيله وايد ..
اتكون عجينتها خفيفه لا باس فيها ..
انت اخلط المقادير كلهم على بعضهم ..وجرب بالماي .. لو شفت العجينه يت وايد متماسكه زيد الماي شويه ..
اممم جرب نص كوب .. واذا طلعت ثقيله وانت حاطنها في التاوه ..
اتروم اتزيد اشويه ماي في العجينه واخلطها .. وجرب شوفها كيف راح تطلع في التاوه
بس ها اذا نجحت الطريقه اتحط الصور اوكي
.
.
بخصوص العجينه ( بتحصل العجينه موجوده في اجياس صغار ) انت جرب نص الجيسه .. مب كلها واتخرب العجينه
وجرب عليها الماي .. المفروض العجينه مااتكون واايد غليظه ولا اتكون وايد خفيقه يعني نص نص المهم اتروم تمسكها يوم يتحطها في التاوره
في الانتظار
خويتك/ الشوق
ابن الخطاب
06-09-06 ||, 12:07 PM
بسم الله الرحمن الرحيم
كيف بعرف إذا العجينة ناقصنها ملح ولا مالحة ...؟
يعني لو ناقصنها ملح يمكن يكون عادي ، وبزيد الملح ...
لكن لو طلعت مالحة ...؟
المهم أنا بجرب وبحط الصورة إن شاء الله .
يا توفقنا ويا هببنا .
بس لازم تشاركوني الأكل :)
الشوق
06-09-06 ||, 12:18 PM
اخوي لا تكثر من الملح اممم حط ربع ملعة شاي ملح اوكي ( تعرف شو هي ملعقة الشاي .. اللي هي اصغر ملعقة من ملاعق الطعام ))
وعقب اتطعم العجينه اذا ملحه قاصر او شياته ..
ابن الخطاب
06-09-06 ||, 01:01 PM
بسم الله الرحمن الرحيم
إن شاء الله بجرب وبشوف شو بيصير .
شوق القلوب
06-09-06 ||, 01:02 PM
السلام عليكم..
زيـــن ماشاء الله .. الشوق ما قصرت..
لاني كنت ناويه أسألهم في البيت عن طريقتها...
باكورتنا يسوونها حلوه.. و سبايسي بعد.. :fa37:
ابن الخطاب
06-09-06 ||, 01:09 PM
بسم الله الرحمن الرحيم
شوق القلوب ،
إنتي والشوق لا تسوون باكورة يوم الخميس ، أنا بسويها وبطرشها لأهل الواحات ...
بسوي الباردة ، والسبايسي على قولتك ...
بخليكم تاكلون صبوعكم وراها ...
صدى جوفي
06-09-06 ||, 03:09 PM
تسلمين الشوق ..)
بخـاطري أسوي الباكــورة أنــا بعد ..
فـي غير هـالباكورة تكـون محشيــة بالبطاط .. تعرفين لهـا الشوق
جرّب رمضــان .. و معاه موسم البــاكورةbrgll: مانحصلـه واايد هالوقت بالمطاعم
شوق القلوب
06-09-06 ||, 05:13 PM
صدى جوفي..
هي احنا الباكوره اللي يسونها عدنا غير... فيها وااايد خربطان داخلها...
المزوحي
06-09-06 ||, 10:08 PM
نحن نسوي باكورة لذيذة ... لكن مانحط بيض
الشوق
07-09-06 ||, 02:43 AM
المزوحي منوا يحط بيض:kkk: في الباكوره
الشوق
07-09-06 ||, 02:44 AM
صدى جوفي افا عليج بس انتي اتريي علي قبل رمضان بتحصلين وصفتج جاهزه وبمقاديرها ..
بس خليني اسال عنج الوصفه قبل اوكيه