شو رايكم بالرنج ؟؟ [الأرشيف]

المزوحي

04-09-06 ||, 08:06 PM

http://www.pickerwood.co.uk/Range_Rover.jpg

ربيعي متصل بي .. ويبغي يشتري موتر يديد ... :ttmasha:
قال خلاص بحجز الرنج اتش اس اي .. شو رايك ... لكن باخذه وارد أمريكي .. يعني يديد ..
قلت له يمكن تتبهدل عند الصيانة هنيه .. قال لا .. انترناشيونال وارنتي عليه

عيل لو هو ياخذ البي ام الفئة الخامسة 530 مابتكون أحسن ؟؟؟ :yes:

أمواج

04-09-06 ||, 08:11 PM

:mar7aba:
.
.
ســلام
اممم انا اعتبــر الرنــج غير عن باقي السيــايير
مادري من الله أحبـــه ووايد ويجذبنــي حتى لو في سيايير احــلى عنه واكشــخ بعد
بس هوو غييييير :fa35:
.
.
:bye2:

المزوحي

04-09-06 ||, 08:14 PM

امواج شكرا على رايج ...

بحر الموده

04-09-06 ||, 08:53 PM

مرحبا والله

المزوحى .. الرنج مال سمته وقوه
بس يخترب قطع غيار نار

والسموحه

المزوحي

04-09-06 ||, 08:56 PM

بحر الموده .. تعيبني الردود ... اللي جيه ... عسب الواحد يعرف كل واحد ووجهة نظره ..
مشكووور ...

اللي يعرف بديل مثلا ... شو رايكم لكزس جي اس

شمعة أمل

04-09-06 ||, 09:26 PM

my sis 3ndha range rover w wayed et7bha w et7b sowagat'ha .. tmd7ha wayed

ولد الحكومة

04-09-06 ||, 09:50 PM

والله موتر فخم وما عليه كلام ،، وخاصة السبورت اليديد روعه الصراحة !!

المزوحي

04-09-06 ||, 10:59 PM

شمعة أمل ... يمكن إذا الرنج عند البنات غير عن الشباب
أقصد هل الرنج مابتخترب عند البنات ... ولا مايخصه !

قايد الريم .. سبورت انتشر بشكل كبير .. لكن هو يبغي اتش اس اي .. شو رابك به ...
أنا اشوفه كلاسيكي واحلى عن السبورت .. لكن كسواقة وصيانة وغيره ماعرف ...

إسهر معي ليله

05-09-06 ||, 12:45 AM

السلام عليكم

الرنج مووتر غير،، شخصيه واحلى ما فيه ارتفاعه
طبعاً هاللي انت حاط صورته.. اما السبورت اشوفه عادي

سواقته كشخه.. يحترمونك في الشارع،، عالخطوط من بعيد يخوزون عنك
خدمة الوكيل زينه.. وقطع غيارها غاليه.. يعني سيارة لازم تحافظ عليها

عيبها في السواقه اذا لفيت وانته مسرع.. السكّان يثقل.. بس مشيها حلو

يعني اذا ربيعك بيحافظ عليها خله يتوكل وياخذها.. وانصحه اذا
بياخذ HSE يزيد عليه شوي ويخليه بشكل Vouge من برع

والسمووحه

المزوحي

05-09-06 ||, 02:57 PM

هي هو يبغي Hse وبياخذها من امريكا مثل ما قال

اسهر معي ليلة ... ماعندك فكرة عن الوارد ؟؟؟

ذنـيـنـي

05-09-06 ||, 04:02 PM

أسأل الوكيل اذا يقدر يسويلك عقد صيانه "سيرفيس كونتراكت"

ربيعي عنده عقد صيانه, تخيل, حتى الشاشة الي هو كسرها بالغلط تبدلت على الضمان
و الحين بيبدلون له السكان الي تقطع بسبب العطر الي يرشه على ايديه يوم يركب السيارة

ممنوع الزعل

05-09-06 ||, 04:58 PM

امممم لازم ع حسب اذا خذاه من منطقه حاره بامريكا بيكون في نظام كوليق لآيل و اذا خذاه من منطقه بارده ما بيكون فيه ,, نظام التبريد و تقريبا يكلف تركيبه 5500 و بعد عند الوارد معروف شويه تشوف الجامات الخلفيه اللي هي مالت الركاب عليها مخفي ,, مظلمه ,, يعني اول ما ياخذه بيسير يظربه مخفي ,, لازم لانه يبين ,, انه وارد و بالتوفيق بالسياره و مبروكين قدما

ممنوع الزعل

05-09-06 ||, 05:00 PM

بياخذ سبورت HSE ولا Vouge??

المزوحي

05-09-06 ||, 08:43 PM

ذنيني ربيعك اللي عنده عقد صيانة .. من برع قصدك شاري الموتر وإلا من عند الطاير ؟؟

ممنوع الزعل هو مفكر ياخذ Hse

ذنـيـنـي

05-09-06 ||, 08:57 PM

ماخذنه من الطاير

و ليش الزعل,, شو فيه الـ HSE !!!??

الـ Vouge وايد غالي و مب اي حد يقدر يشتريه

المزوحي

05-09-06 ||, 08:58 PM

زين ماشاء الله ....

إسهر معي ليله

05-09-06 ||, 09:30 PM

المزوحي

الوارد مثل ما قال بدون زعل.. فيه مشاكل مثل ما يقولون.. والسبب انه مب مواصفات خليجيه
بس سعره واايد ارخص على ما اعتقد

ومثل ما قال ذنيني.. على عقد الصيانه تسوق السياره وانت مرتاح.. كل شي يتبدل.. حتى الطبلون
لو تقطع من الشمس يبدلونه لك.. يعني مب لازم تحط مخفي

المزوحي

05-09-06 ||, 09:41 PM

يعني نسبة وتناسب

إذا وارد أرخص وتم تدفع عسب المشاكل وإذا تبغي مشاكل أقل عن الوارد تدفع أكثر

"اسهر معي ليله"

تسلم على الرد الطيب

المزوحي

09-09-06 ||, 02:45 PM

قبل ربيعي ماخبرني عن الرنج كان ناوي على أودي Q7 واتردد لانها بعدها ما انتشرت .. يعني خوفه من الخرابات .. ورغم إنه وايدين يشتكون من السيارات الألمانية بشكل عام .. إلا إنه فئة كبيرة مستمرة في شراء هالنوعية ..

من مساعه شفت أودي Q7 واقفة في باركات مول الامارات .. شويه واشوف يايبيين ري كافري
مب مدعومة .. ولا من عيني ( خخخخ ) لكن مادري شو اقوول عن اعطال المواتر ..

وو وصح بالنسبة للبيع أكيد بينزل سعرها ... بس ليش نفكر دام إنه نحن تونا شارينها !!

وكان ربيعي يكلمني يشتكي من جامات الاكس فايف .. وشي بعد مخترب عنده تصليحه بــ 17 ألف

الرحيل

10-09-06 ||, 01:23 AM

هلا المزوحي...

انا اشوف الرنج الحين عاادي لانه كل حد عنده ووااايد تشوفه ع الشارع..

وخاصة انه ييبوونه من برع...

يعني اعتقد بعد فتره بيكون شي عاادي الرنج..وتقدر تحصل بالشارجه

موديل 2002 معدل 2006 ب 120 الف بس

وتطيح جيمته بسرعه وفيه واايد خرابات..انا عن نفس اذا

بشتري سياره واارد ف احسن اشتريهاا مستعمل..حرام ادفع هالجيمه وبالاخير على سياره وارد من الوكاله

وعن الجي اس..

واايد حلو وسعره مناسب على مواصفاته ل 8 سلندر

المزوحي

10-09-06 ||, 03:19 PM

الرحيل

على أساس المستعمل ممكن يكون مضروب .. وليش ياخذونه من برع ( وكالة ) لانه ارخص

مقارنة باللي عنا .. والعبرة مب في إنه الكل عنده رنج .. العبرة شو علتها

الرحيل

13-09-06 ||, 07:28 PM

بس لو تحسب التعب وسوالف الجمارك ومابيطلع فرق واايد..

خذ المضمون احسن لك..

الرنج بعد ال 90 الف تطلع العلل فيه..وحتى لو تكون اشياء بسيطه بس سعرها غالي..

وانت مستحيل تودي رنج عن بابو يصلحه..

انا اشوف من الاحسن انه ياخذه من الامارات بيكون اظمن له واذا كان هو محافظ

لانه الرنج مايباله سواقه دفاشه...

بس انا اقول يتريا لين الشكل اليديد احسن له..لانه هذا خلاص يعتبر جديم

يعني مافي فرق بين الجديد والقديم..

الجديد بيكون صاروخي يعني بيكون احلى عن هذا..

المزوحي

13-09-06 ||, 09:00 PM

الرحيل

الرنج يباله تحافظ عليه .. لكن اعرف واحد يحافظ على المواتر .. وخذ له رنج Hse أول شهر

والكهرباء اختربت عنده ( اللي في الباب )

المزوحي

20-09-06 ||, 06:59 PM

حتى لو خذه من الإمارات بعد بتطلع عيوبه بعد التسعين تقريبا

المزوحي

03-10-06 ||, 05:49 PM

كم صرفية الرنج .. أقصد تبديل السفايف .. الآيل والفلتر .. هل أغلى عن المرسيدس

المزوحي

26-12-10 ||, 11:27 PM

هو خذ أودي وأشوفه أمس يتشكى من الجامه !

بالنسبة للرنج ، انا احاول ايمع مبلغ محترم على اساس آخذ لي موتر على السنة اليديدة بإذن الله

افكر بلكزس استيشن

بس اخويه كان يكلمني عن الرنج، يمدحها وانا للحين ما اقتنعت بها

مايهزك ريح

27-12-10 ||, 07:20 AM

مرحبا مروان .
اللكزس فيها مشكلة البريك اللي لين اليوم ما عدلوها ..
هالمشكله موجوده في الكروزر بس على اخف ..

الموتر موووول ما يمسك بريك .. وسعره 350 ألف على شو !

المزوحي

27-12-10 ||, 08:38 AM

مايد والله الواحد يحتار في المواتر !
عيل اشتري موتر بنص المبلغ والنص اخليه

مايهزك ريح

27-12-10 ||, 08:55 AM

والله ما اعرف شو اقولك..
حتى انا يوم فكرت اغير الموتر .. كنت حاط في بالي موتر فورويل .. وعليه سيرفس ورنتي وكل شي على الوكاله .. عشان بس اصب بترول وامشي ..
وكان حظي حلو انه الايسكاليد نزلوا سعره بسبة الأزمه الماليه وخذته بسعر فنان .. !

ذنـيـنـي

27-12-10 ||, 10:30 AM

اللكزس عبارة عن ستيشن فل اوبشن
عندنا واحد و اسمحلي اقول انه مقارنة بالرنج و الاكس فايف اشوفه زبااااااااله
سواقته مب شي و مكينته كبيره عالفاضي, ما فيها قوة

طبعا لو الشخص بس ساق اللكزس و ما جرب موتر غيره بيعيبه و بيعيبه المشي
بس لو جربت غيره من المواتر بتكرهه لأنه وايد تعيس و سعره غالي عالفاضي

ذنـيـنـي

27-12-10 ||, 10:32 AM

الاكس فايف بالمكينة اليديده ما عليه كلام :)

المزوحي

27-12-10 ||, 11:01 AM

من چيه الواحد مايستعيل

مايهزك ريح احس مثلا مثل وكالة البي ام يسون كونتراكت ويفرحونك بالآيل والفلتر ومايخصهم في الاشياء الثانيه

ويرفعون سعر الموتر ومافيه كل المواصفات

ذنيني ابغي موتر فنان واحترت الحين شو آخذ لأنه البيمه بتنتهي ومابغي اجدد الموتر

مايهزك ريح

27-12-10 ||, 11:11 AM

بصراحه الإختيار صعب .. !

انزين ما شفت الجيب .. اليديد ..
اخويه مطلع واحد من بوظبي كان الـoverland فل اوبشن .. وسعره في حدود 180 ألف .. وايد فنان .. طبعا في دبي ما نزل ..يمكن ينزل عندنا في شهر 4
وفي بوظبي نزلوا 3 مواتر قبل العيد ..موديل 2011
ابيض .. رصاصي واحمر .. !
الزين انه توه متغير شكله .. فبيتم بها الشكل تقريبا 5 لـ8 سنين على ما اعتقد !

http://www.automotivetraveler.com/images/stories/behthewheel/2010/100619-09-2011_Jeep_Grand_Cherokee_Overland_on_the_PCH.jpg

http://image.trucktrend.com/f/27754577+w750+st0/2011-jeep-grand-cherokee-overland-interior-view.jpg

المزوحي

27-12-10 ||, 03:04 PM

شكلها فنان من داخل ، احيد قبل كم سنة خالي عنده جيب تلعوز وياها ، بس يمكن هاي غير

ذنيني .. ربيعي يعرف واحد عنده اكس فايف يوم باعها خذ لكزس الفورييل ، شو اللي خلاه يجلب من ألماني لياباني !!

خيال الحب

29-12-10 ||, 03:35 PM

البورششش مانصحك فييييييييييييييييه

كشكل بسسس ..بس كراااااااااحه ولاشي الصراااااااااااااحه

خذلك اودي وخل المصخره^__*
الA8 L
ب450 الف
صارووووووووووووووووووخ والله

الرنج الفوج حلوو
االسبورت ما يعيبني انا موول ولا داخل مزاجي

خيال الحب

29-12-10 ||, 03:36 PM

صح ليش ما تاخذلك الستيشن اليديد الي عليه مكينة اللكزس.. الصراحه حلووو اشوفه انااا

ولا نيسااااان

المزوحي

29-12-10 ||, 05:20 PM

والله إنه الواحد يحتار، حتى لو حاط ميزانيه معينة !

لو قلت 250

حد بيقول الموتر الفلاني فنان وحد بيقول مب شي

الرنج الفوج بيتغير شكله اظن والسبورت حد يمدحه وحد يذمه :mf_leia:

فكرت في اللاند، وطبعا كل واحد يقول رايه، يقولون سعره مرتفع ومافيه مواصفات

انا ادري إني بحتار وكل المواتر رافعين أسعارها :crazy:

آخر شي باخذ لي فورد اكسبلورر ولو إنه الفورد اردى السياارت الامريكيه
http://www.youtube.com/watch?v=zrjmbRTQw7c

مابتكلفني غير 120 ألف :fa34:

مايهزك ريح

30-12-10 ||, 12:22 PM

^
لا لا مروان مول لا تفكر في هالموتر .. الفورد مول ما ينفع ..
دام الميزانيه 250 .. عندك ..

جيب .. جراند شيروكي ..
كاديلاك اسكاليد ..
اودي Q7 بس بيتغير شكلها السنه اليايه او اللي عقبها مب متأكد ..
الرنج سبورت .. بعدبيتغير شكله في خلال سنتين .. !!!!

وانا لين الحين اشوف الجيب احسن شي لأنه سعره معقول وموتر مرتب تباه حق شارع او بر يمشي .. وشكله توه متغير .. يعني تاخذه وانته مرتاح !