لحــظه لحــظه... خلــوني أصــوّر !

[شوق القلوب]

الســـــلام عليــــكم..


التصـــوير.. صار له مكانه و وجود في أيامنا هذي و بشكل كبيـــر..و احتــل مراتب متقدمه في لستة هوايات أي شخــــص..


و صاحــب الكاميـــرا.. يحاول يقتنص أي صوره يشوفها مميـــزه.. بغض النظر عن الظرف و الزمــن..


و أتـــوقع انه لكل مصـــور.. صاحب لقطاته الكثيــر من المواقف.. و حبيــنا اتشاركونا بهـــا.. :yes:


..



الموضوع لكــم.. يتريا سوالفكم و مواقفكم .. :yes:

[شوق القلوب]

لي فتره طــويله.. كنت المسؤوله عن التصوير العادي و الفيديو.. و كنت جداً مستمتعه.. ^_^ كون هاللقطات تجمــّد لحظــات حلوه بنذكرها على مدى العمـــر..
بس عاد ويــــــــن.. ما اسلم من التعلــقات... :boxed: ويااااماااا يقولولي.. صدق انج متفيجه :fa44: .. او مالهم بارض خصوووصاً وقت تصوير الفيديوو :doh:


و مرات.. الواحد في الشارع.. أو في المطعم.. يطالع حواليه مليون مره عشان يتأكد انه محد يشوفه :look: و ياخذ اللقطه اللي يباها ..


..

[الاسطوري]

وعليكم السلام ..

عن المواقف اللي تصادفنا (حدث ولا حرج) مثل مايقولون بس في أشياء
لازم نخليها مستوره ،، في موقف دايما يتكرر ويه واحد بأن
كل مره نشوفه لازم نكون نصور بكيمرة
فيديو مب مره ولا مرتين
ولا ثلاث وآخر شي قام يسألنا (شو أنتوا مولودين في استوديو) مل من
كثر مايشوفنا بالكيمره وفي ناس يقهرون (على طاري
الرحلات) من يشوفون الواحد يصور
بسك تصوير ذليتنا
أنت كله تصــور ومن وهالجمل وعقب مانخلــص كل يوم والثاني نبى
نشوف التصوير نبى نشوف التصوير وليش انا ما صورتني
وايد يعني على كل شي يتحرطمون
وأكيد في منهم في
الواحات
:harhar1:

موضوعج ياشوق القلوب شيق ونبى
نسمع مواقف الأعضاء
يثبــت

لي عودة

الاســـطـــوري
أخوكم

[تحفه]

علـــــيكم السلااام ..

صراحه التصوير شي جدا جميل .. حتا للاشياء الجامده مب بس خلق الله !!

المشكله إن كل الصور مالت الذكريات الحلوه تفضح وفيها بنات هبل لوووووول ,,..

وع فكره انا عكس الاسطوري عندي كلحد يحشرني وين كيمرتج جان صورتينا وليش مايبتيها ضاعت علينا الذكريات اونه ,,,

واهلي كله يقولون صوري اي شي يشوفونه ويعيبهم ( اكثره مناظر طبيعيه )

[صدى جوفي]

وعليكم السلام،،

صـراحـة .. تجربـتي مع الكاميرا مب لين وين .. بس الشهر اللي طاف شفت موقف تصويري :nono: عجيب!

المكـان .. طـريج خصب بالتحـديد عـند الصعـدات بين الجبـال .. وكــان الوقت عـ السـاعـة سبع ونص .. ثمـان قـبل العشــا .. الطريج مظلم لأنـه ما فيه انــارة & الشـارع سيدين رايح راد ..
وغمـضني راعي المستبيشي - اذا ما خاب ظني- شكـلهـا السيـارة معلـقـة - كمبيوتر مب سيـارة- عالصعـدة وضـارب اشـارة خطـر :no0: .. وأنـا متــابعـة الـموقف ..:shock: ومن وصلــنـا صوبــه الأخ مودر السيــارة ويصــور:doh: .. كلـه عسب التصوير يهون >> ذكرني بصريح الله يذكره بالخير
تحياتي .. صدى

[طير الحب]

أنا صار لي موقف سخيف في ماليزيا

أنا ما أودر الكاميرا فنحن نمشي سايرين التوين تاورز مرينا على دراجة صاحبها مطقم لبس الدراجة مع كمية كبيرة من القطاوة فوقها المهم وقفت بصور جان ألقى لي فتنة معتبرة زلزلتني أونه لازم ندفع بس مب بهالأسلوب من الصدمة والزيغة الي زيغنا إيها الدموع من تحت النظارة مصدومة حد يتعامل معاي جي عاد الوالد وبوعبادي عصبوا بيردون له ...بس ما يستاهل ومن هاك اليوم عندي خوف أني اضغط على زر الكاميرا وكل ما امر حذاله ما اداني أشوفه...وانا من النوع الي ما أحب ادعي على حد بس دعيت انه محد يصور عنده وقطاوته يموتون...ياهل لا :)

[عفاريتووو]

.
.
.

السلام عليكم

هاي الصورة يوم صورتها صارلي موقف محرج شوي لول

http://upload.bindubai.com/download/3afaretooo2/bernnn.jpg

كنت في بيرن في سويسرا
وكنت ارمس بالتلفون يعني مب منتبهة للي حولي
و اخوي كان وياي اشرلي ع النحلة يعني صوريها

المهم

النحلة الحلوة تطير و بعدني ارمس بالتلفون يعني ما انتبه وين تطير النحلة
فأخوي كان يراقبها ويقولي وانا الحقها
ناس فاضين لول

المهم

شوي الا يون جي قروب كبير شكلهم مال سياحة
عيبتهم السالفة ,, واييدين يوو صوبنا و يقولونلي راحت هني لا راحت هني
و الباجين يطالعون و يضحكون

فضيحة brgll:

.
.
.

[لمّــاح]

مرحبا ..
موضوعج وايد حلو ... لي عودة أكيد، وايد مواقف عندي :ice:

[ألم ترى]

بسم الله الرحمن الرحيم ..

شوق القلوب ..

منوره ف كل مكان تروحينه :kcl: ..

اللهم لا حسد عن تقولين ياي يحسدني هيه هيه ! ..

عفاريتووو ..

ضحكني موقفج هههههه brgll: ..

فعلآ مبدعه ف التصوير ماشاء الله ..

بحفظ الله ..

[قلوب دبي]

السلام عليكم ورحمه الله و بركاته

الصراحه موضوعج عجيبه انسه شوق ..
ذكرتيني بمواقف وايد طبعا مرت عليه ..
وانا اقري الموضوع اتذكر بعض المواقف و اظحك ..
صدق مواقف وايده و كل فتره بحاول احط الكم سالفه
ترى السوالف ما بتخلص ..

------
-----

الله يسلمكم بين ربعي معروف عني اني المصور
يعني من كثر ما قمت اصور اول الايام طفروا مني
و عقب اتأقلموا و اتعودوووا

السالفه كنا في بروكسل هالسنه في محطه القطارات
نتريا القطار اللي بيودينا الى كولون في المانيا
المهم وحضرتي معلق الكاميرا في رقبتي و صورت سكه الحديد
ومر عدالي ظابط و شرطيه
من شافوني قالي no photo here قلت له اوكي
و حطيته في الشنطه
سارووو بعيد و ردوا عقب
اكسيوزمي باسبورت بليز وانا :puppyeyes: اوكي قلت
:fa39:
عطيتهم و القطار باجي له 5 دقايق وبيوصل
( ها طبعا بعد احداث بريطانيا و اغلاق المطار)
و تم يحقق ويايه :cop:
وربعي من ورايه يعلقون عليه
اللي يقول اول ما ايروحون بنظربه
واللي يظحك و يعايب عليه
واللي يطنز ..
واللي يقول بنروح و بنخليه بروحه ..
وانا بداخلي :narr: و على شكلي جي :yes:
بعدين وصل القطار و ربعي اتوجهوو صوبه
:bye2:
والظابط قالي لا اتخاف ..
بعدين قالي ها عشان الارهاب وجي
وقالي اتقضل خخخ و جان استانس طلعت مب مطلوب
واعتذرت منه و دسيت الكاميرا طول اليوم خخخخ
وركظت صوبهم و شرشحتهم عقب

توته توته خلصت الحدوته و هم تموا يظحكون خخخخخ
brgll:
هذربت وايد ..

بس طول عمري ما بنسى الموقف
لا وانا اركظ شنطه عظهري و اير شنه بيديه و اربع خخخخخ
:bow:

[مايهزك ريح]

ذكرتوني بموقف .. كنت في الـLong wood garden
يالس الحق الفراشة من مكان لين مكان احاول اصورها .. بهدلتني .. آخر شي صورتها .. بس عقب ما رابعت وراها شرق غرب واختي اتقولي ..وايد شي فراشات في الدرب خل هاي عنك.. وأنا .. إلا اصورها هيه .. :narr:

بحط الصورة بس مب الحينه :harhar1:

[الشوق]

هيههيه سوالفكم كلها اتضحك ..
طير الحب كسرتي خاطري ابصراحه هيههي دعواتج حلوه هيههي
.
.
انزين موقف تصويري ..
يوم رحنا بانكوك كان ولد اختي ويانا يعني عمره امم 20 تقريبا . رحنا السنتر الكبير مالهم بو ست طوابق حتى نسيت اسمه .. هيههي لو اتذكرته بخبركم ..
المهم سرنا صوب الميك اب والعطور وهالسوالف .. جان يشووفلكم هالباروكه الذهبيه ...
وقال :- خالوووه يلا صوريني ..
اتخيلوا واحد حنطي اب باروكه ذهبيه وازقرت بعد ويا الجينز ..
.. والناس مستانسين يطالعونه .. وهم فاجين حلجهم ..
ونحن اقوول فلاااااااان : تعرف شو يعني طاااااااف .. هو يقوول هيه . قلناله طاااف طاااف
يت الحرمه عداله وهي مستانسه تتحراه ..بيشتري
جان اتقوله شو حبيت الشعر المستشار تباه : جان يقولها هيه حبيته .. بس مب ناوي اشتريه ..
عليكم بالصوره هيههيه
.
.
والله سوالف ..

[شمعة أمل]

موقف استوالنا في صلاله

نحن ال*يهال* عاطينا 2 سويتس عدال بعض وفيهم بلكونات اطل على الحوض والبحر .. كل صبح شي عايله سعوديه *حريم وريايل* يتسبحون في الحوض .. الحريم يتسبحون بالعباه والشيله والنقاب brgll: هم يجوفونا كل يوم نوايج عليهم ونيلس نضحك وندش داخل الغرفه .. بصراحه الموقف كان يضحك .. يوم من الأيام طلعنا عالبلكونه بكيمراتنا .. على أساس بنصور البحر .. الحوض عاليسار والبحر عاليمين .. ف يعني نصور عالصوب اليمين والكيمره مووول مب على صوبهم .. وهم من تحت يالسين يصارخون علينا مادري يسبونا .. والله ماكنا نصورهم:hist:

[الاسطوري]

يلغى التثبيت