انـــا وحقيبتي المدرسية

[الشوق]

الســــــــــــلام عليكم ورحمة الله وبركاته
طبعا بمناسبة مفاجآت العودة الى المدارس .. ومع اقتراب ايامها .. حبيت اطرحلكم موضوع خاص باحد المشتريات الاساسية اللي لا يد وان يقتنيها الطالب قبل ذهابه الى المدرسة ...
http://img.123greetings.com/eventsnew/esep_backtoschool/8361-001-08-1052b.gif
طبعا مع اول يوم دراسي .. انلاحظ ان في كل بيت ابتدوا يختارون لعيالهم حقيبه مدرسية ..
واتحصل الكثير من الحقائب المدرسيه باشكالها والوانها واحجامها المختلفه ... وانحس اب فرح وسعاده لما انشوف عيالنا
ركبوا باصتهم .. وشنطهم على ظهورهم .. وهم على استعداد لمواجهة مما قد يواجهونه في التعليم .. لكن لما انشوف الطالب
.. يشتكي .. من الام الظهر او الكتف :fa56: .. نقف عند هذي النقطه .. ونتساءل ..
ياترى !!! :daleel:
هل من الممكن ان الكتب او الاشياء اللي تنشال في الحقيبه هي السبب في هالالام:bow: ..
ام اختيارنا للحقيبة نفسها هي امسببه الألم هذا ... ..

بعد بحثي في احد المواقع ..
وجدت هالكلام اللي ذكره احد الاطباء عن الاضرار اللي ممكن تنتجه هذي الحقيبة المدرسية
.يرى الأطبّاء أ نّ حمل ثقل زائد في الحقيبة المدرسية
يعرضّ الأطفال لآلام في الرّقبة والذّراعين والكتفين والظّهر وحتّى القدمين .
وقد تسبّب أحياناً ضغطاً على القلب والرّئتين نتيجة تشوّه الهيكل العظمي والعمود الفقري الذي يصبح على شكل حرف C ممّا يستلزم عملاً جراحيّاً ولذلك يحذّر الأطبّاء من حمل الأطفال لتلك الحقائب الثقيلة خاصّةً على أحد الكتفين , إذ إ نّ احتمال إصابتهم بأمراض الظّهر حينها 30 % في حين أ نّ الاحتمال يتناقص إلى 7 % فقط في حال حملها على كلا الكتفين:boxed:
.
.
فانتوا اتخيلوا كل هالامراض . اتيكم والسبه الشنطه المدرسيه :nono: ( بعيد الشر عنكم طبعا ):sad4:
.
يوم كنت اصغيره .. كنت اشوف ( هالحزام اللي يشيلون فيه الاولاد كتبهم ) كنت اقول في بالي ..والله فاكين عمارهم من الهم .. بيشيلونه بيديهم ويفتكون .. :fa38: لا جتوفهم بتعورهم ولا ظهورهم :kkk: يعني حقيبتهم سلسه وتستوعب الكتب والدفاتر اللي يحتاجونه حق الحصص الدراسيه . :unlock: وكنت اقول حق اميه ( امــيه انا ابي شراتهم ... :fa34: وبلا صدعة من هالشنط اللي تكسر الظهر )):nono:
.
.
لكن لاحياة لمن تنادي .. ( في النهايه هذيل خاصين حق الاولاد وانتي ابنيه :kcl: .. عيب اتشيلين من هالاشياء ) :sad4:
.
.
اب رايكم انتوا يا اعزائي الكرام !!!
- كيف يتم اختياركم للحقيبة المدرسية؟
-هل تعتقدون ان الحقيبة المدرسية هم .. ثقيل عليكم ...؟؟
-هل واجهتوا هالمشكله في ايام دراستكم ؟
- كيف تم حل هذي المشكله العويصه عندكم ؟

.
.
انـــــــــا وشنطــــــتي المدرسيه :qor9anah:
هيههي حلوه هاي شنطتي .. معكم الان في موضوعنا ..
وانتظر تفاعلكم .. كل ما زاد هالتفاعل . بتحصلون مني مواضيع يديده وحلوه .. brgll:
لكن لو ما شفت تفاعل منكم .. راح :bye2: اقول لواحة الجامعات:smartass: على الدنيا السلام ..
لكن ما ترضونها صح . عسب جي راح اشوف هالتفاعل عندكم ..
ونسيت اخبركم ترى (( حقوق الطبع محفوظه فقط عند
الشــــــ:fa35: ـــــوق وفي واحات بن دبي ) حصريا
31-8-2006
:fa35: :fa35:
http://jrnas.org/uploader/uploads/m-B2S.gif

[مخاوية الامل]

السلام عليكم ورحمـة الله وبركــااتـه .. ،

فديتج يالشـــووق .. :fa35: أحس خاطرج تردين لأيامـ المدرسـة مادري ليش .. :bye2: ..

اممــ .. ، عنــي أنــا ..
آخذ شنطــة اللي ع كتف وااحد ..، ولازم تكون طويلـة توصل لين تحت ركبتيــه .. تتخيليــن .. !
بس ما أعانــش مشكلــة حمل زائــد ..!
لني الحمدلله إذا شفت إن علينا موواد واايد بالباجــر .. ، أحط كم من كتااب فدرج المدرســة .. محد يزخــه .. !

بس الحمدلله .. يقولج هالسنــة المقبلــة عليــنا إن شــااء الله بس 5 حصص فـ اليومـ ..
بس إن شـاء الله ماتكون الكتبــ هي الثقيلــة .. !

تسلمين غنااتـــي ..
ربي لا هانـــج ..
ويعطيج الله عافيـة ..

مخاوية الامل

[قرموشة]

:mar7aba:

مـرررحـبا السااااع ..
اممممم شنطـتـي .. كـيف أخـتاررهـا .. !
أول شي لااازم تكـوون حـلووووه ألوااانـها فنكـي والصـرااحـه يعيبوونـي شنط اليهال لووول .. :harhar1:
أحـيد في ( ثالث ثنوي ) خـذت كـل شنطـي مـن * تويز آر أس * * عليهـن رسـومـات برااادز * وانا مـن النــوع اللي أشــل الشنطـه على الجتفيــين* شرات اليهال *:ice: لأنـي ما أروم على جـتف وااحـد ..
ولمـا تـزيـد الكـتب عن الحـــد .. أحـطــهن في الدرررج .. شرات مخـاويـه الامـل لوول

وعـن حـزام الاولاد .. هههههه ذكرتييني أحـيد في ثالث اعدادي سرت عـند ولد خالي وقلت لــه أبا شرات هـذا اللي عندك * الحزام *
حـليلـه ما قـصر وعطـانـي واحـد .. المهم اليوم الثانـي سررت المـدرسـه وانا شاله الكـتب بـ إيدي
أسميني اتبـهـدلت .. ما عرفت ويـن أحـطهــن ! وكـنت ناسيـه كـمـن كتاب بعـد وحـصلت يعني هزاب محترررم .. والبنات يغايضـن فيني أونه * استويتي بوي * هههه :qor9anah:
هـ السنـه في الجـامــعه والسنـه اللي طافت خـذت لي لوكـر لان كـتب الكمستري والكالكيولس ما تررررحـم :nono: .. ومـا أشـل معايـه الا النوتاااااااااات ..
:smartass:

وشكـراااااان على المـوضووع يالشــوق ..
اشتقـت للمـدرسـه وسوالفهــا :bye2:

[هزاايم]

وعليكم السلام ورحمه

والله إنيه افتح منااحه,,مااريد الجامعه,,تعودنا نكوون عياال مدااس,,وكتبنا بيدنا وشنطتنا على جتفنا,,ولا يهمنا الفايرووس ولا آنتي فايرووس:harhar1:

يا الشوق,,موضوع عالعوق,,انا من هذوول إلي صابهم تشنجاات بالرقبه,,وألبس هذا الطووق,,فكنت اضطر ابهدل ربعي عسب اشيل الشنطه,,

اممم كيف كنت اختارها,,انا استسلم لو شفت شنطه ألواانها برتقاالي على فوشي على أخضر,,يعني هذوول الألواان:fa35: ,,وانا كنت اكره ثلاث ايام بالإسبووع طول هالثلاث سنواات إلي طافن وهم السبت والإثنين و الثلاثااا,,اثقل عن شنطناا ماراح تلقين,,وخاصه أول ثانوي صدق عانيت من الشنطه,,بس على آخر سنه ربج رحمناا,,الشنطه خفت,,والحل للشنطه خخخخخخخخخخ أحيد مره برمضاان تأخرنا بالمدرسه عسب يوم الوطني,,فيوم طلعنا تميت ازحف شنطتيه على الأرض,,لين ماهزبتني المدرسه:qor9anah: وخذت الشنطه من يدي:kcl:

ذكرياات والله مع الشنط
بس أحيانا الثقل الزاايد يكوون من الطالب,,,يعني اضحك على عمري ليه كنا نشل عطرين وقوطي لباان ولي تزجم قوطي كلينيكس,,يعني في اخترااع اسمه اشيااس بس حنا :harhar1: حدث فلاحرج

سلمت يالشيخه عالموضوع لاهنتي
وربي لاتقطعيناا,,حلو كل يوم الثاني مواضيع يديده:fa34: :fa34: :fa34:

[ريم العين]

وعليكم السلام والرحمه

موضوع حلو

- كيف يتم اختياركم للحقيبة المدرسية؟

وانا حتى احين اشتري شنطة مال كتفين لانه تناسبني وايد واختيا يوم تقولي اشتري مال كتف اقول لالا
انا بعدني بيبي واشتري مال كتفين هههه واحب شنطيتها تلفت النظر فالمدرسه بس هالشنطه لونها كله بنفسجي وكتكوته يعني ما تنتفخ الا لما تكون فيها كتب

-هل تعتقدون ان الحقيبة المدرسية هم .. ثقيل عليكم ...؟؟

على حسب الجدول يعني احيانا اوكي واحيانا ثجيلة

هل واجهتوا هالمشكله في ايام دراستكم ؟

نعم لقد واجهناها

- كيف تم حل هذي المشكله العويصه عندكم ؟

انحطها فالدرج مع اني مب من النوع اللي يحطها بالدرج البنات خربوني خخخخ كنت احب اشل كل الكتب بس السنه اللي طافت قمت احط الكتب فالدرج ... واذا نسيت كتاب معين اقول للابلة الشنطه ثجيلة واتفلسف عليها عسب ايلس خخخخخ

تسلمين حبوبه عالموضوع:fa34:

[تنينه]

الــسلام عـليكم والرحـمه ,,


http://img.123greetings.com/eventsnew/esep_backtoschool/8361-001-08-1052b.gif

غـمـضني الولد حـلييله ههه brgll:

الصـراحه مـن جفت أسـم الحقيبه وأحـدر الموضوع علـى طوول :kcl: أنــا عـاد كل شي ولا حـقيبتي المدرسيه قبل ,, الشي الوحييد أللي في السـوق آخـر شي آخـذه لأنه ما كان يعيبني أي شي لوول ,, لازم الشنـطه تدخـل مزااجي وأتكون جي كيووت ولا رسومات البنات لول :qor9anah: ,, وألوانها بعد أتكون فـنكي شرات ما قالت قرموشـه :kcl: ,,

وحـتى ألـحين في الجـامعه شـنطة الاب توب لازم نـفس الشي ههه وايد أهـتم بالشنطه لأنـها بـتشل كل أسراري والكتب :doh: ,,

من بداية دراستي في الصف الأول أو الروضه ألين ما أنتهيـت من مرحلة الإعـداديـه وأنـا أشل الشنط أللي ع الظهر ,, بس من دخلت أول ثـانوي يعني كبرنا :doh: قـمت أشل الشنط أللي ع الجتف وتعيبني يوم أتكوون نـازله واايد لول :ice: ,,

وبالنـسبه لـثقل الحـقيبه الصرااحه نـادراً ما كانت أعـاني من هالشي :boxed: ودوم كـنت أحسها خفييفه عـلي إلا مراات يـعني يوم ما أكون مرتبه جدولي وشاله كل الكتب :doh: ,, أحـيد أمي على أياام المدارس كل يوم الصبح كانت أتقوولي أتريقي عـسب تقدرين أتشلين الشنطه ع الصبح brgll: ,, أخويه الصـغير في الصف الخـامس حلييله صـدق يعاني من ثـقل الشنـطه أحس كتـبه واايد :boxed: غير جمن فاايل على الدفاتر :fa36: ,,

أحـيد ربيعتيـه في فتره من الفترات كانت أتعااني من آلاام في جـتفها وعقب يوم ساارت المستشفى قالها الدكتوور السبب أنـها أتشل يوميا شي ثجيل يعني قالت أنها ما أتشل غير الشـنطه جان ينـصحها أنها أتشل الشنطه أللي ع الظهر أحـسن لها :yes: يـعني الشـنطه شي أكييد لها أضرار اذا زاد حجمها ومحتواها اكـيد :yes: ,,


الله يـحفظ الجميع يا رب :fa35:


عـزيزتي الشوق تــسلمييين يالغلااا ع المــوضوع الحلووووو :kcl: وتسلم هالأنـامل ولا عـدمناج يا رب ولا عـدمنا أبداعاتـج ومواضيعج الحلووه في هالوااحـه صدق منورتنها :fa35:

[الشوق]

مخاوية الأمل :-
لا اتذكريني يا مخووووي تدرين .. والله نصيحه مني استانسي قد ما تبين ..
ايام ما تتعوض .. صداقات حلوه .. ذكريات احلى .. لان من عقبها بتحصلين كل وحده والتهت اب اشغالها ..
انرد للموضوع .. جلبتي علي المواجع ..
تدرين مره سويتها قمت احط كتبي في الدرج ..
مره من المرات نسيت الكتاب في الدرج ويوم كنت اروح المدرسه كنت اتابع ويا اربيعتي .. والابله تسالني الشوق وين الكتاب .. وانا (( ابله نسيته )) واتسامحني (( يوميا على هالموال )) كملت اسبوع وانا ادور على كتابي ما امحصلتنه .. فتشت الدرج ما حصلته ..
واخر مره وقفتني الابله ... اتحرتني مهمله .. وحليلي رغم اني شطووره ..
بس باسبوع اتخيلوا وين حصلت الكتاب ..
في درج ثاني محد كان يستخدمه ..
.
.
الحمدلله انج ما عانيتي من الحمل الزايد لان له اضرار كثيره غير اللي ذكرناها بس تابعي ردودي مع العضوات . راح اتحصلين نصايح حلوه عن حمل الشنطه المدرسيه ..
وتسلمين يالغلا على التواجد
الشوق
:fa35: :fa35:

[الشوق]

قرموشه ...
سوالف المدرسه سوالف حلوه يا حيكم بعدكم تدرسون
خاطري ادري واكمل واخذ الماستر ..
قرموشه يقولج الاطباء ينصحونج اب اشياء :-
علشان تبعدين نفسج عن الامراض اللي اتصيب الجسم ( في الرقبه او الجتف وغيرها )
حاولي تنقلين شنطتج .. ساعات من الكتف الايمين الين الايسر .. يعني علشان يصير عندج توازن في الحمل
.. بس تدرين الافضل انج تلبسينهم على ظهرج اريح لج من التعب ..
.
.
بس بما ان كبرنا احينه في اختراع اسمه الشنطه ابو عجلات هيههيهه دزيهم وفكي عمرج ..
تسلمين يالغلا ع التواجد الحلو والرائع
ولا هنتي وجود شرف كبير بالنسبه لي
خويتج/ الشوق
:fa35: :fa35:

[الشوق]

هـــــــزايم :-
سوالف هيههيه يوم قلتي عن الاشياء اللي تاخذينها اتذكرت عن لبس الرياضه اللي كنا انشله في الشنطه المدرسية
.. غير الكتب والدفاتر .. الله يعينا .. بس تدرين ايام حلوه والله اذا اتخرجتي واشتغلتي بتشتاقين لهالايام ..
.يقولج علشان تتخلصين من المشاكل اللي في الرقبه .. عليج اب (( لزقة بو فاس ))
تراهم يمدحونه يومين وانتي والصحه رباعه .. هيههيه (( اسالي مجرب ))
.
.
الله يبعد عنج يالغلا .. المرض
واتكوني جوم اب صحه وعافيه
خويتج/ الشوق
:fa35: :fa35:

[الشوق]

الريـــــم ... ماادري اي سنه انتي الحينه بس ..
تدرين ..بما انج من النوع اللي يواجه ثقل الشنطه عسب عليج بالتمارين الراياضيه ...
تدرين ليش لانها مفيده .. الانسان يوم يشيل شي ثقيل يحس اب عوار في بدايته لكن يوم يتعود على هالشي عقب يكون عادي .. بس بعد حاولوا اتخففون الاشياء اللي تاخذونها لكم
.
.
وتسلمين يالغلا ع المشاركه الحلوه
على فكره اسمج حلو ..
خويتج/ الشوق
:fa35: :fa35:

[الشوق]

تنيـــــــــــــــنه ..
صدق الشنط اللي ع الجتف حلوه .. والبنات صارن يحبن يلبسن الشنط اللي على الجتف
من يوم ما كبرن بس انها اتكون على الجنب ..
وسوالف الفنتك والدلع مال البنات
ذكرتيني كان امهاتنا يدلعونا يوم كنا اصغار اب شنط الباربي ونحن اكثر شي كان يعيبنا لون الشنطه وشكلها لان هالشي كان يغرينا ..
وما كنا نفتهم اب حجمها ... ولا بعد مع بداية كل فصل دراسي ناخذلنا شنطه يديده يعني في السنه كلها كنا ناخذ شنطتين ,،،،

تنونه ..
تحياتي لج: الشوق
:inlove: :inlove:

[الشوق]

واخليكم مع احد الكاريكاتيرات الخاصه بالحقيبه المدرسيه
http://www.alwatan.com.kw/cartoon/080914/nq1.pc.jpg

[شمعة أمل]

أحيد على أيام الاعداديه أكثر وحده فنكي ومعنقشـه هي أحلى وحده:4: بس من دخلنا الثنويه كبرنا خلاص.. قمنـا نشل شنط ماركات للمدرسه وكبااار.. كتب وفايلات المدرسه ماترحم.. مارمنا نمشي عدل من ثقلهم >_<