المساعد الشخصي الرقمي

مشاهدة النسخة كاملة : سؤال عن الماجستير في التقنية؟؟؟


لبن مثلج
30-08-06 ||, 08:18 PM
السلام عليكم ورحمة الله وبركاته

حيبت استفسر اذا في حد من الاعضاء يكمل الماجستير MBA في كليات التقنيه؟؟

يخبرني عن النظام الدراسي ؟؟؟ :smartass:

اللي عنده فكرة ممكن يخدمني..

وبس :bye2:
ابن الخطاب
30-08-06 ||, 08:33 PM
بسم الله الرحمن الرحيم

حياالله باللبن ... أخيرا شفناك بعد غيبه طويلة ...

تصدقين نفس السؤال كان ودي أسأله ...

وأنا بعد حبيت أعرف إذا يقبلون واحد يكمل عندهم الماجستير وعنده دبلوم عالي ...
لبن مثلج
30-08-06 ||, 08:43 PM
بوعبدالله ...... نورت الموضوع اشحالك ؟؟و شخبار عبدالله

اذا عندك دبلوم عالي من الكلية ماعتقد لانك لازم تاخذ البكلريوس من عندهم وعقب اتكمل الماستر ؟؟؟

بس اذا عندك البكلريوس من برع الكليه ؟؟؟ مادري اذا يقبلون الشهادة

بس انا سمعت ان الماستر في الكليه مختلط (بنات + اولاد) شو صحة هالكلام؟؟؟؟

افيدوني افادكم الله !!
ابن الخطاب
30-08-06 ||, 11:36 PM
بسم الله الرحمن الرحيم

بس اللي سمعته أنا شي ثاني ، قالوا لي إن اللي عنده دبلوم عالي وخبرة خمس سنوات يسوون له مقابلة وإذا نجح يقبلونه .

والدراسة تكون مختلطة .

شو رايك تتصلين بالكلية نفسها يوم الأحد ...؟
المزوحي
31-08-06 ||, 12:15 AM
والله انا اعرف واحد من الاهل ... متخرج من التقنية من 7 سنوات تقريبا دبلوم عالي والعام كمل البكلريوس .. طبعا يسوون اختبار ويقبلون فئة من الطلاب ...
ابن الخطاب
31-08-06 ||, 10:36 AM
بسم الله الرحمن الرحيم

المزوحي :

البكالوريوس عادي تكمله لأنه له شروط محدودة وهي : 1- الGPA مب أقل من أظن 2.5

2- تكون عندك شهادة ILETS ما يقل الBand عن 6 .
لبن مثلج
31-08-06 ||, 10:31 PM
ابن الخطاب ،، انت خريج الكلية؟؟؟
ابن الخطاب
31-08-06 ||, 11:30 PM
بسم الله الرحمن الرحيم

بعد أربعة شهور إن شاء الله بتخرج ، على شهر 12 ، عندي ألحين وورك بليسمنت .
المزوحي
31-08-06 ||, 11:50 PM
ابن الخطاب الله يوفقك
لمّــاح
01-09-06 ||, 02:37 PM
السلام عليكم ..

بخصوص الماستر في كلية البنات الشهادة مش من التقنية نفسها، هاذي جامعة من برع متعاقده ويا التقنية و تدرس عندهم .. و هيه نعم الدراسة مختلطه ..

هو المفروض يكون عندكم بكلوريس عشان اتكملون الماستر لكن يستوي اتكملين بالدبلوم العالي اذا كلمتيهم بس بشرط 3 سنين خبرة او سنتين ( هذا بالنسبة لنا نحن طلاب ال Finance and banking ) ..

انا شخصياً تخرجت بالدبلوم العالي و قالولنا ماشي بكلوريس اطلعو من الكلية ( هذا و نحن داشين عساس أول دفعة بكلوريس، يعني داشين عساس ندرس 4 سنين و نتخرج بالبكلوريس) ف دورنا جامعات ثانية ( معترف بها من قبل التعليم العالي ) على سبيل المثال امريكية دبي قالولنا لازم تدرسون سنتين ونص - ثلاث سنين عشان اتحصلون البكلوريس بس ( هذا و انا ماخذ الدبلوم العالي يعني دارس 3 سنين من قبل ) و عندج جامعة دبي من أصل 43 مادة حسبولنا 11 مادة و نفس الكلام 3 سنين زيادة .. المهم صارت اشيا و نزل أمر من الادارة العليا بأنهم يكملون دراستنا في الكلية و فتحلونا كلاسات للبكلوريس و بنبتدي دراسة يوم الاحد الياي لكن مسائي و على سنتين .. الفايده من هالشي اني باخذ البكلوريس و في نفس الوقت خلال هالسنتين انا بكون اشتغل أصلاً ف باخذ خبرة سنتين ( يعني ثنينه في واحد ) هذا بدال ما ادرس و عقب الدراسة اشتغل ( بخسر 3-4 سنين من عمري ) .. و اذا حبيت اكمل الماجستير بقدر اكمل في اي جامعة ثانيه ( مثل الامريكية - مدل سكس - جامعة دبي ...الخ ) و بكون مستوفي الشروط كلها ( البكلوريس - الخبرة ) ..

و هناك نوع ثاني من الماجستير ( غير عن ال MBA ) ماجستير عادي يكون في الاقتصاد ولا التمويل ..الخ .. هذا مايحتاج خبرة عمل وتقدرون اتسوونه في اي جامعة ثانيه مب لازم التقنية ..

اتمنى اني فدتكم :yes:
ابن الخطاب
01-09-06 ||, 09:35 PM
بسم الله الرحمن الرحيم

المزوحي : وربي يوفقك .

لماح :

تبا الصدق كان المفروض نكمل بكالوريوس السنة ، لكن أنت تعرف الكلية وينانها ، راحوا زادوا علينا مادة ولازم ناخذها ها الكورس ، وضيعوا علينا سنة كاملة .

وبالنسبة لي أنا بصراحة أفكر آخذ الماجستير في استراليا وعلى حساب الدوام إن شاء الله ... لأن نحن عندنا شرط واحد وهو أنك تكمل أربع سنوات على راس عملك .

وأنا كملت ثلاث وداخل في الرابعة ... يعني على ما نكمل ها الكورس أكون خلصت نص سنة ، وبقى النص الثاني .

ومشكور على المعلومة .
لمّــاح
02-09-06 ||, 01:47 AM
ياخويه هالكلية غريبه و مايمشون الا بضرابه .. حرام تضيع على عمرك سنة كاملة بس عشان مادة وحده ..

تقدر تقولهم مثلا تبغي تكمل دراستك و المادة هاذي تدرسها على انها اوفر تايم ولا تدرسها في مكان ثاني و اتيبلهم الشهادة .. و اذا مانجحت فيها مايعطونك شهادة الي يالس تدرسه ( البكلوريس ) لين ماتيبلهم شهادة نجاحك في هالمادة ..
لبن مثلج
03-09-06 ||, 11:52 AM
ماشاءالله عليكم

ابن الخطاب :: يعني انت خريج الكليه .. بس والله فكرتك احسن بانك اتسير استراليا :smartass:

لماح::انا كنت ناويه اكمل الماستر عندهم لكن دام السالفه فيها اختلاط ماااااااااينفع ،، بلاها من شهادة ،، كفاية عليه البكلريوس الي ضيعت من عمري سنه ونص ،،،

لكن بخبركم هاي الكليه مادري كيف ،، يعني اتخرج الطلاب بدبلوم عالي (4 سنين) وعقبها بكلريوس (سنه ونص) ،، مب ضياع وقت وميزانيه ،، لويخرجونهم مثل باقي الجامعات بكلريوس على طول مب احسن ،، يعني المفروض شهادة البكلريوس الي عندنا اتكون ماستر ... نظامهم غلط ،، وعقب يقولون ماعدنا ميزانيه ،، هذا غير الانجاز والدبلوم... احس حرام ضياع من عمر الطالب ومن ميزانيتهم :no0:

الصراحة لماحكو الله يعينك انت والشباب الي وياك على سالفة الميزانيه :kkk:
لمّــاح
03-09-06 ||, 11:32 PM
مرحبا ..


انا كنت ناويه اكمل الماستر عندهم لكن دام السالفه فيها اختلاط ماااااااااينفع

تبين رايي .. انا شخصياً اشوف طلاب الماستر ناس واعين و كبار في العمر .. ف ما اتوقع بتكون هناك مضايقات مثل الي نشوفه من طلاب البكلوريس ...


لكن بخبركم هاي الكليه مادري كيف ،، يعني اتخرج الطلاب بدبلوم عالي (4 سنين) وعقبها بكلريوس (سنه ونص) ،، مب ضياع وقت وميزانيه

السبب واضح .. لأنها كلية مش جامعة !!

و الدبلوم العالي مب 4 سنين .. 3 سنين ، الا في حالة وحده اذا خذتي فاونديشن ..
و نحن يوم دشينا الكلية عساس اول دفعة بكلوريس ( 4 سنين ) لكن صار الي صار ..



الصراحة لماحكو الله يعينك انت والشباب الي وياك على سالفة الميزانيه

بالعكس انحلت المشكلة حتى المدرسين مستغربين كيف رمنا انحل المشكلة بهالسرعة .. لأنهم وزعو الجداول و كل شي قبل الدراسة بإسبوع و شويه كل شي استوا عالسريع بدون مايخططون من البداية :ice:
لبن مثلج
07-09-06 ||, 02:13 PM
لماح :: مبروك عليكم الدراسة :smartass: والواسطه القويه الي ردت المياه لمجاريها :fa38:

وجان على الماستر بفكر السنه اليايه :kkk: ويصير خير :fa34:
طفلة من هذا الزمان
15-10-06 ||, 12:04 AM
أنــــــــــــا ييـــــــــــــــت ،،

مادريبج ادورين ماستر في التقنيــة .. جان من زمان ييت و خبرتج ،، استوت عندي خبرة في برامج الماستر في الدولــة بعد عملية البحث المضني اللي سويتها عشان احصل برنامج يدخل مزاجي و يكون بعيد عن تخصصي الأصلــي ،،

مثل ما قالج أخــوي لمــــاح ،، برامج الماستر الموجودة في تقنية البنات في دبي برنامجين الأول MBAاللي تبينه و على فكــرة هالبرنامج ينصحون فيه اللي يشغلون مناصب إداريـة عليا في أماكن عملهم و تكون عندهم خبرة ما تقل عن 4 سنــوات .. الجامعه اللي مسويه هالبرنامج اسمها غريب من جي ماذكـره .. و أكيد مختلــط ،،

البرنامج الثاني خاص للبنــات و مسوتنه جامعة ديكن و يعطون ماستر في التربيــة .. يعني لو البكالريوس اللي عندج في التربيـة ادخلي هالبرنامج إذا تبين مكـان ما فيه اختلاط ..

هذا عن تقنيــة دبي ،،
في تقنيـة بوظبي طلاب .. أعتقد قالوا بيفتحون برامج ماستر .. و طبعا مختلــط ،، و رسومهم تقارب ال100 ألف ..

إختيارات ثانيــة عندهم MBA لكن مختلط للأسف،،
الجامعـة الأمريكية / الجامعة البريطانية في قرية المعرفة / جامعة ولنغونغ في قرية المعرفة/

ياختي صعبـة تحصلين مكــان ما فيه اختلاط .. إلا معهد العلوم الإسلامية و العربية في دبي ..

إذا حابه تعرفين عن تخصصات ثانيــة وأماكن زيادة بس خبريني و إن شالله بحــاول افيدج ،،

موفقــة دوووم يا ربي ،،

أنفــع اسوي دعايــة حق التعليم العــــــالي لا :tongue:
ابن الخطاب
15-10-06 ||, 01:36 PM
بسم الله الرحمن الرحيم

أختي طفلة ...

دام عندك خبره في برامج الماجستير ، عيل لازم يكون عندك جواب على سؤالي .

يصير أكمل الماجستير وأنا عندي شهادة الدبلوم العالي ...؟

لأني الصراحة احترت ، في ناس يقولون يصير وفي ناس يقولون ما يصير ، وجهة عملي تقول يصير ...!

في الانتظار .
طفلة من هذا الزمان
16-10-06 ||, 08:05 PM
أنــــــا ييــت ،،

ردا على سؤالك ياخوي ابـن الخطــاب ..

من كم سنـة كان يصير و تجاوزا عن البكالريوس كانت بعض الجامعـات تقبل شهادة الدبلوم العـالي و فوقها عدد من سنوات الخبرة ..

ربيعتي مثلا متخرجه من كم سنة من التقنية و عندها دبلـوم عــالي بس .. و لكنها درست كم سنـة قبل لا تنتقل لوظيفة إداريـة .. و لما قدمت البريطانية قبلوهــا على هالأســاس ..

الحينه هالشــرط حسب الجامعة اللي بتقدم عليها ياخــوي .. مثل البريطانية و ولنغونغ ما يقبلون إلا البكالريوس .. لكن بعد لكل حــالة تجاوزات .. يمكن يشوفون سنوات الخبرة اللي عندك و مستوى لغتك و على أساسها بيحددون ...

اختــار الجامعــة أول شي و خبرني و بقولك عنهــــــا ،،

موفق يا خــوي،،
ابن الخطاب
17-10-06 ||, 01:38 PM
بسم الله الرحمن الرحيم

جزاك الله خير على التوضيح .

شو عن جامعتي الشارقة و عجمان ...؟
طفلة من هذا الزمان
21-10-06 ||, 03:55 PM
السموحـــة ع التــأخير،،

جامعــة الشارجــة اتوقع انها تشترط بكالريوس .. اما عن جامعة عيمان يبالي أتأكد ،،

عمــوما ياخوي .. بتأكدلك أكثر عن الجامعتين و برد لك خبر بعد إجــازة العيد بإذن اللــه ..

على فكـــرة ،،
انا اوردي ادور جامعــة حق اخويه و هو نفسك مخلص دبلوم عــالي بشوف له مكــان يقدر يكمل فيه ماجستير و إذا بيتغاضون عن البكالريوس او ممكن ياخذون سنوات الخبرة .. هذا عسب اطمنك ان الموضوع مافيه كلافــه يعني ،،

صـــح ،، شو التخصص اللي تبــاه؟

و كــل عام و انتوا بخير مقدمــا،،

طفلــة
ابن الخطاب
21-10-06 ||, 08:51 PM
بسم الله الرحمن الرحيم

مشكورة أختي وما قصرتي ... إذا حصلتي جامعة لأخوك عطيني خبر ، يمكن أقدم أنا بعد ... لكني أفضل إما جامعة الشارقة أو عجمان .

والتخصص اللي أباه هو واحد من أثنين :

1- إدارة نظم المعلومات .

2- Mba

وكل عام وإنتي بخير .

وجزاك الله خير .
طفلة من هذا الزمان
29-10-06 ||, 09:30 PM
أنــــــــــا ييـــــــــــت ،،

إجابــة على أسئلتك ياخويــه .. يبت لك الخبر الأكـــــــيد من عنــد جهينــة ،، :boxed:

كلمت شخص في جامعـة عجمـان و قالي أن ماظني في جامعـة تقبل طلاب في الماجستير بدون شهــادة البكالريوس .. لأنها تغييرات من وزارة التعليم العــالي .. و فقــط في حــالات شـاذة يقبلـون لكن يدخلونهم برنامج تأسيسي مثل pre-course ..

بالنسبــة لجامعــة عجمــان ..
برامج الماجستير المطروحــة هي
MBA.. مطلوبـة جـدا فيه شهادة البكـالريوس و رسومــه تقريبــا 66 ألــف ..
عندهم كذلك Information system
و تخصص في المياه و الطاقـة ..

و شروط القبـول .. شهادة توفــل (530) او آيلتس (Band 6 )

لأي معلومــات او توضيح زيــادة تقدر تتصل في د. سيــد عبــــــاس على رقم 3639718-06
Business Coordinator

انته توكــل على اللــه و قــدم ،، و شووف كيف ممكن يساعدونــك،،

بالتوفيــق ،،