مــجـــلـــس الـــســـيــارات

[مجموعة إنسان]

ليش؟؟

زين شو تنصح

[المزوحي]

سيارة فخمة أول ماتشوفها ويوم تسوقها تستانس عليها، لكن سيارة ممله مع الوقت .. يعني وايدين

اشتروها وردوا يبيعونها .... صح في شباب يحبون التغيير .. لكن عاد هالموتر بسرعه يغيرون عنه ..

ومن غير صرفية البترول، حتى لو بتقول وايد سيارات تصرف بترول ..

ضيجه من وراء .. وعلى هالسعر في بديل لها ..

أما على النصيحه عندك الجماعه مابيقصرون وياك ..

بس هو قبل كل شي يبغي سيارة أوربية وإلا يابانية وإلا أمريكية .. صالون وإلا فورييل ؟؟

ومن عقبها ممكن ننصحه بسهوله ...

[ذنـيـنـي]

الـ انفينيتي حلو و النيسان لا غبار عليه
موتر الكل يشهدله بالكفاءة "بغض النظر عن وجهة نظري الشخصية فيه"

خله يصلي استخارة و يلف على الوكالات
و يشوف السيارات الي بهالسعر و يختار الي تناسبه

بالنسبة لي اختيار السيارة مثل اختيار الحرمه،،
لأنك بتعيش ويا هالسيارة و بتكون فيها اكثر مما تكون ويا اهلك !
لهذا السبب افظل انه الواحد يسير و يشوف السيارة بروحه و يقتنع فيها بنفسه لأنها في النهاية بتكون سيارته، مب سيارة الي شاروا عليه
بس هالشي ما يمنع انه الواحد ياخذ راي الاخرين

[ذنـيـنـي]

المزوحي مشكور على ردك

راويته كلامك و يقول انه بياخذ الـ 3.8
بيصلي استخاره و ان شاء الله خير

[مجموعة إنسان]

هذا عنده مشكله
ما يقتنع بسرعه
وعادي باجر بيدخل بسيارة

..

الحمدلله زادوا راتبه واللي كان بياخذ الدراجه الأسبوع اللي طاف

[المزوحي]

ذنــيني 3.8 طبعا أقوى .. بس يقدر يختار 3 مواتر ومن عقبها يحدد، عسب مايستعيل ..

الشكل اليديد انتشر مثل ما الجديم منتشر بشكل كبير .. حتى السودء خبال، لكن تعرف مشكلتها !

لون العودي فنان ...

مجموعة انسان .. هزرك مايبغي اللاند اليديد ؟؟؟

[الاسطوري]

بعد عشرة 5 سنين ويه الصالون صرت من مؤيدين الفورويل
وخاصة مكاين V8 الجبـارة ،، لكن لابد في
يوم بيرد الصالون ياخذ مكانه
كـ سيارة ثانية
:h_daleel:

[ولد الشحوح]

مجموعة إنسان عند اللكزس Gs موتر فخم وحلو وقيمته فيه

[مجموعة إنسان]

المشكله
يبي فوروييل
وبعد
عدنا gs و is وال es
و lx

عسب جذي بيغير ...

شكله شكله اخر شي بيااخذ نيسااان ..

[ولد الشحوح]

ما انصحه في النيسان

[الهيثــم]

خله ياخذ شفروليه تاهو أو جمس يوكن

أو يترياا الكروز الشكل اليديد ..

[ذنـيـنـي]

يااااااااااااار الله هوندتي

امس دقت مكينتها =(
اليوم دخلتها الكاراج و قالوا ما تتصلح،، لازم ابدل مكينتها
يبالي 2.2 فيتك P=

[الاسطوري]

سلامات ماتشوف شر السيارة ،، ماحيدك راعي خرشه في السواقه كيف دقت .. ماعليه الخير في اللي حصل
بس أحس السيارة من تتغير مكينتها ماتترقع ودايما تطلع فيها مشاكل يعني الله
يعينك في الفترة اليايه على الخطه اللي
بتمشي عليها

[ذنـيـنـي]

السالفة مب سالفة خرشة
الي صار يا طويل العمر انه السيارة طلعت تليّك آيل
لبق عندي ليت الآيل و قلت بوديها المحطه عسب يشوفون شفون
بس انا من هيازتي قلت بوقفها الحين و باجر بوديها،، ما ادري انه الايل تم يتسرب طول الليل !
يوم مشيتها قامت تنتفظ بشكل مب طبيعي و عقب شميت ريحه شي يحترق !
قلت اقرب شي لي حاليا هو سيتي سنتر عيمان و سرت وقفتها هناك،، من دخلت دخلة السيتي بندت السيارة لول

قبل شوي راد من الكاراج،، حصلت مكينتين مستعملات،، باخذلي و حده و ان شاء الله خير

[شرجاوي]

نصور .. سر اي سكراب من سكاريب الافغانيه .. بتحصل مكاين هوندا مزوده ع كيفك

[ذنـيـنـي]

شرجاوي

وين يا رياااااال
مابا مكينه مزوده
ربيعي عنده مكينه 2.2 فيتك قالي شلها ببلاش، قلت ماباها
أدري بعمري اني لو ركبت مكينه قوية بتعيبني السالفة و بيلس ازود لول

حصلت مكينه نظييفه على 1800 درهم
خلاص خذتها و باجر الصبح بيركبونها

[الاسطوري]

قبل أقل من شهر مريت بنفس الحالة كنت طالع وقضيت كم شغله ومره وحده ولع لي ليت وكتب لي ان الايل
ناقص مع انه اول مره يظهر لي قلت عادي تصير في بعض السيارات انه ينقص شويه
وقلت بزيده وانا راد البيت المهم الموتر مره وحده حسيته
يسحب ومشيه اوكيه
وعيبتني السالفه يلست ادوس وانا راد جنه حد يلحقني ومن وصلت المحطه اشوف دخنه تظهر من السيارة
المهم وقفتها بسرعه ونزلت ولا السيارة من تحت كلها آيل والدخنه تظهر من الايل
اللي ياي على الاقزوز وشليتها بونش ووديتها
الكاراج وطلع الآيل بمب
خربان غيرته واضطريت اغير التايم بلت مع اني مغيرنه من سنه وشي وكانت آخر مره أصلح فيها السيارة
والحمدلله بفتك من شي إسمه تصليح وكاراجات الفترة اليايه ،، على العموم
مبروك عليك المكينة اليديدة تتربى في عزك
وهالله هالله فيها اول
فترة اونك عاد مرنها عشان تحس انك مسوي شي يديد وتهتم في السيارة شويه بس في شي لازم
تاخذ احتياطك فيه إنك بتحتاج تغير وايد قطع في المكينة اليديدة وأقصد القطع
اللي تتبدل بشكل دوري عشان ماتعبك
وياها عقب

[مايهزك ريح]

السلام عليكم ..
انا ابغي ابدل تواير موتري .. واخوي شار عليه بتواير ميشلان .. شو رايكم في هالتواير .. !!!!
انا مجرب يوكوهاما ودنلوب و بريجيستون على الموتر القبلي ..
بس اخويه قالي انه الميشلان اهدى وأحسن ..
الحين ابا أعرف هل الوكيل عنده ورشه يبدل فيها التواير مثل ورشة دنلوب اللي في بردبي مالت القرق .. ولا لأ ..
واذا هيه وين مكانها ..
افيدوني ..

[المزوحي]

هو السبب لأنها تليك آيل، وإلا إنه مابدلت الآيل في الموعد ؟

ولازم اتدلعها السيارة عسب ماتعذبك ..

شوف الرابط

http://www.traidnt.net/vb/showthread.php?t=402798

[المزوحي]

مايهزك ريح انا على موتري تواير الوكالة اللي هي يوكوهاما

وخلال تصفحي النت شفت استشارة عن الاطارات، شوف الرابط، وبنشوف رد الجماعة


http://www.gulf4cars.com/vb/t701.html

[مايهزك ريح]

مشكور اخوي المزوحي ..
وبشوف رد الباقين ..

[ذنـيـنـي]

تواير ميشلان بالنسبة لي من افضل الاطارات على الاطلاق
ميشلان و بيريلي

انا كنت مركب على الاكورد تواير ميشلان،، بدون مبالغه استعملتها سنه و نص و لعنت خيرها الين ما تسحتت و مع هذا ثباتها كان مب طبيعي و كانت متماسكه جدا على المنحنيات

و يوم بدلتها بتواير بريجيستون اصبحت السيارة مش متماسكه شرات قبل و رديت ركبت ميشلان مره ثانيه

[ذنـيـنـي]

المزوحي على فكره هالمنتدى منتدانا و انا مشرف في القسم الفني لوول
بتحصلني خبير الانظمه الصوتية

=========

المهم

بالنسبة لسيارتي لا مبدل الايل من اسبوع
بس الظاهر انه شي ضرب السيارة من تحت،، خاصة انه الكفر الي تحت المكينه عندي مب موجود اصلا من يوم سويت حادث فيها آخر مره

[الاسطوري]

"ذنيني"


وياك إن الميشلان يعيش تخيل اخوي ركبهم على الاستيشن ومشى فيهم أكثر من 90 ألف حوالي
سنتين ونص لثالث وبعدهم الشكل الخارجي أوكيه والثبات جيد بس طبعا
عمرهم الافتراضي انتهى من زمان فبدلهم
عشان ماتحلو السالفه
أكثر


بس شوف كل سيارة وكل استعمال له تواير تناسبه يعني انت ترتاح في الميشلان وانا كنت في سيارتي
ارتاح في اليوكوهاما ثبات وهدوء ويتحملون سرعات عاليه وعندك البريدجيستون
في انواع بوتنزا وتورنزا وكل نوع له سرعه وتحمل وهدوء
وجيه بس من أخس الانواع الدنلوب
مال كلك بصراحه

[الهيثــم]

سلامات نصووور ..

بصرااحة من وجهة نظري حسن شي الميشلاان ..

سياارتي عليها ميشلان من الوكالة وبصرااحة ما فيها حشرة وثاابتة
والبارحة بدلت توااير الاستيشن وحطييت ميشلان بعد .. احس انه الموتر تغير لول

يعني هدووء وثباات ..

والدنلوب ماااا عليه كلااااااااااااااام لوووول ... 5 شهووور واسمممع الاصوات من كل مكااان .. ما ينفع لشي هالتاير

[مايهزك ريح]

مشكورين اخواني .. على الردود الحلوه ..
بس وين وكيل ميشلان .. او ..وين احسن مكان عشان ابدل التواير .. فيه .. ويظبطون الميزانيه ..و ما يبهدلوني .. !!!! :ohboy:

خطاب .. الدنلوب ما ايواحيلك اتركبه إلا والأصوات تطلعلك .. من كل صوب .. :fa44:
صدقه الأسطوري .. تواير مال كلك .. :k_no:

اليوكوهاما .. مركب على الموتر من الوكاله .. مول ما ينفع ويايه .. مادري وايد ايطلع اصوات .. وحشره .. فعشان جيه ابغي ابدله ..وفكرت في الميشلان .. :whistling:

[شرجاوي]

ما يهزك ريح .. احسن تواير للومينا .. تويو .. صدق فيهن ثبات مب طبيعي .. و ما تقول لا اذا اخترشت و بغيت اتشم ريحة دخان .. اخوي مركبنهن من سنتين تقريبا و لين الحين اوكي والله .. الدنلوب كجره مثل ما قالوا .. البريدجستون كجره بعد .. يوكوهاما اوكي .. ميشلان مول مب شي للومينا .. ما انصحك بالميشلان .. يا تويو يا تمشي عالرنقات ههههههههههه

[المزوحي]

شكلك بتحتار مايهزك ريح والحين عندك إطارات ميشلان وإلا يوكوهاما .. ودام إنه بتبيع موترك جريب، ليش تغير التواير

[مجموعة إنسان]

تواير الدنلووب تنفع يوم تبون تسوون ملعب ..
تحددووون الملعب بتواير دنلوب

[مايهزك ريح]

مرحبا شرجاوي ..
الموتر عليه يوكوهاما 235/45 ZR 17

بس كملن جريب السنتين على الموتر .. وانا كل يوم اظرب خط جبل علي واتعرف .. ما اقدر امشي شوي شوي .. كل شويه احس انهن بينفجرن من سواقتي .. عشان جيه ابا ابدلهن .. >> زايغ يموت في الشارع الأخ ..

هيه والله يالمزوحي .. صدق محتار .. ارد اركب مره ثانيه يوكوهاما نفس اللي على الموتر .. ولا آخذ ميشلان ..

مجموعة انسان ضحكتني والله ..
..
ومشكورين اخواني على الردود .. ان شاء الله عقب العيد بسير ابدل التواير

[المزوحي]

مايهزك ريح، خلاص، يوم بتحصل العيدية بدل تواير الموتر :vampire:

سوااااااااااالف :k_blush-anim-cl:

[ذنـيـنـي]

تواير تويو الي يطريهن شرجاوي بعد زينات

عندك برجيستون بونتيزا بعد زينات

و ميشلان بايلوت بعد اوكي

[مايهزك ريح]

مشكورين يا حلوين ..
المزوحي .. ده كان زمان يوم كانوا يعطوني عيديه الحين انا اللي اعايد خخخخخخخخ

[مايهزك ريح]

اقووووووووووول حد سامع عن تواير كومو .. واحد كان يمدحهن بس انا اول مره اسمع بهالتواير ..
يقولي صناعة اليابان ..
اذا حد عنده معلومات عنهن لا يبخل علينا ..
وينك شرجاوي ..

[ذنـيـنـي]

ما جد سمعت عنها بصراحه

بس لو انا مكانك بمشي على المظمون احسن
لا تنسى انه هذه تواير و هي الشي الوحيد الي ملامس للطريق من السيارة
يعني اختيار نوعيه ممتازه شي ضروري جدا للتماسك و لسلامتك

[شرجاوي]

الاسامي الغريبه ابتعد عنها

[مايهزك ريح]

مشكورين اخواني .. ذنيني .. وشرجاوي ..
هالريال شككني في عقلي .. وهو يرمس حسسني اني ما اعرف شي اسمه تواير .. وكان يالس يقنعني ..
وانا اقوله يا اخي اول مره اسمع بهالتواير .. وهو ما شي لا هذا من احسن الأنواع ويعاييني .. ويقولي كيف ما اتعرفه ..
وانا طبعا مبطل حلجي .. قلت خلني اسألكم .. واشوف الرد ..
بس اسميه ايعرف يسوي دعايه للشي اللي يباه !!!!!!!!!

[المزوحي]

يمكن كان يتمصخر، او إنه تواير من الصين !

[مايهزك ريح]

لا قالي يابانيات .. وحاطنهن تقريبا على كل المواتر اللي عنده .. جيب.. نيسان .. ستيشن كرورز ..

[المزوحي]

مايهزك ريح، يمكن تقصد إطارات كومهو، ويمكن تكون إطاارات كوريه ..


وممكن تتابع مواضيع لها صلة

http://arabic.korea.net/news/press/press_view.asp?serial_no=20070919018&part=114

هذا طبعا إذا كان الاسم صح ..

http://business.maktoob.com/ArNews-20070220064727-%d8%b4%d8%b1%d9%83%d8%a9_%d9%83%d9%88%d9%85%d9%87% d9%88_%d8%aa%d8%b2%d9%88%d8%af_%d8%a5%d8%b7%d8%a7% d8%b1%d8%a7%d8%aa_%d8%a7%d9%84%d8%ac%d9%8a%d9%84_% d8%a7%d9%84%d8%ac%d8%af%d9%8a%d8%af_%d9%84%d9%85%d 8%b1%d8%b3%d9%8a%d8%af%d8%b3_%d8%a8%d9%8a%d9%86%d8 %b2.aspx

[مايهزك ريح]

ايوااااااااا يعني طلعن كوريات .. وحاشرني ويقولي يابانيات .. حصلت هاللنك ..شوف التواير ..

http://shopping.yahoo.com/s:Wheels%20&%20Tires:4168-Brand=Kumho

[المزوحي]

يمكن يكونن كوريات بس درجة أولى، بس نحن غير اليباني والفرنسي بنقول لا وخصوصا الشي يوم يكون صيني

نتروع اكثر منه في اي شي .. والسوق 99% مستوي صيني ..

المهم الحين

عقب ماقريت عن التواير، شوف شو تبغي .. واقرأ الردود مره ثانيه واتوكل ..

[ولد الشحوح]

انا ولد عمي حط تواير يوكوهاما عالأكورد

[الهيثــم]

أصحااب الخبررة ... وبالأخص شرجااوي إلي له خبرة ف هالمجاال ...

عندي ضرربة خفييفة ف الرفرف يدااام ... وابا اصلح الضربة بدون صبغ
ما عرف كيف اشرح لك .. بس الرفرف دااش دااخل شوي .. يعني بالدق ولا أي شي ..

ما اتعرف كرااج شغله نظيييف ويعرفله عدل في الشارجة طبعا ! ..

[المزوحي]

لله يسلمك خطاب ...

أنا اعرف كراج شغله نظيف، لكن في دبي .. إذا حبيت بطرش لك على الخاص رقمه وبخبرك عن مكانه ..

[المزوحي]

شو رايك بالاودي كيو 7 ؟؟؟؟

( لانه واحد من الربع، خبرني بأنه حجزها ) لكن مادري كم سلندر )

بشكل عام .........

[مجموعة إنسان]

تصد المزوحي

مراات اشوف شكلها حلو ومراات شكلها عااادي

بس مادري
احس الX5 اليدية احلى بوااايد

واحد من ربعي عنده 4.8
بيضاا وعليها رنجات سود 22

شو طاالعه طررررررر ..



اللي يبي شي من مصفح يقوول ..
في انسان يصبح على الصناعية ؟؟!!

[الاسطوري]

مصفح .. الله يعينك على جو الكآبه ، هات لي وياك 2
يونيجب مع دقوس وواحد كت باك
بارد بدون شقف
:k_harhar1:

[المزوحي]

الاكس فايف حلوة ... بس انتشرت قبل انتشار رنج سبورت واختفت والحينه ردت ظهرت ...

كل سيارة فيها شي سلبي ..

[مايهزك ريح]

وجان ابدل التواير .. :icon_rr:

حصلت ميشلان بايلوت سبورت .. PS2 .. اربع تواير بـ 2400 .. ركبتهن في الشارجه .. ستوك 2007 :whistling:
التواير القبليه كانن هيهي .. ماكولات من داخل .. ما اعرف ليش .. اظني الموتر كان يوعان خخخخخخ :fa56:

http://www.michelinman.com/images/pic/tires/detail/pilot-sport-ps2.jpg

[المزوحي]

الله يحفظك ويبارك لك في التواير

[مايهزك ريح]

الله يبارك في حياتك ...والله يحفظ الجميع :love:

[عيماني وكلي فخر]

السلام عليكم

حد منكم عنده فكرة وين ممكن احصل رافات نظيييييفــة ..؟

[مايهزك ريح]

اذا حد فيكم عنده ظربه خفيفه في الموتر ويحتاي يصلحها .. بدون ما ايدق لين الوكاله .. عندكم دنت ماستر
http://thedentmasters.com/default.htm

[المزوحي]

مايهزك ريح، يعني القصد إنه مابيكلف مثل الوكالة او الكراج ؟؟

انا من فتره دعمني واحد، رد عليّه ريوس، والضربة يت ورا، سرت كراج نظيف قالوا بيكلف 500 درهم

ومن ايام واحد شحف موتري عند الاشارة ومع هذا بلغت عليه في المركز، خدش بسيط، شويه طار من الآيل ..

[مايهزك ريح]

اللي اعرفه انه ما يكلف مثل الكراجات .. يكون ارخص بوايد لأنه عندهم مكينة شفط للعفص .. ويعدلونه لك ..

هم موجودين في البرشاء وتقدر تتصلهم واييونك لين البيت او اي مكان انته واقف فيه ..
انا ما تعاملت وياهم بس سألت وقالولي هالمعلومات .. وانا حطيتهن هنيه عشان الكل يستفيد ..

[المزوحي]

تسلم مايهزك ريح

[مجموعة إنسان]

ابي اسألكم

اذا واحد مسوي حادث والغلط مب عليه
بس ليسنه منتهي
والحين البيمه تقول لازم يجدد ليسنه عسب يطلع السيارة من الوكاله !!

سمعتوا بهالشي

[الهيثــم]

مشكور اخوي ما يهزك ريح ... اسميني كنت ادور هالكرااج .. ما قصرت الغالي ...

[المزوحي]

وقف موتري عليّه اليوم، لانه من البارحه حسيت البطارية ضعيفة، زقرت واحد يشحن لي البطارية على اساس اودي

الموتر وابدل، مريت محطة الامارات ( فاست تراك ) عندهم اي سي دلكو 505 درهم

خلاف سرت كراج، وحطو لي نوع مادري شو اسمه 290 درهم ويوم بغيت اتحرك بندت عليّه 4 مرات وخلاف رديت البيت

المشكلة احس بثجل في الموتر ..

لكن يباله تبديل بلكات وصيانه وغيره، لأنه ابدل الآيل وفلتر باستمرار ..

في شي ثاني بعد يحتاج له الموتر بما إنه كمل 30 ألف ؟؟

[مايهزك ريح]

يسلم غاليك المزوحي ..

العفو اخويه خطاب ..

مجموعة انسان .. اول مره اسمع بها الشي ..

[ملاك الروووح]

::

هاااااااااي قااااااااااااايز


توني أشوف هالموضوع والله ..


ثانكس ذنيني :a070:


بغيت آخذ رايكم في الأكورد اليديده ..

أمسات كنت في الوكاله .. وعيبتنيييييييييي

http://oasis.bindubai.com/bin/uploaded/472_11195209673.jpg (http://oasis.bindubai.com/bin)


تنصحوني بها ولا ؟!

دخيلكم قولوا هيه عايبتني تراها :bash:


باخذ الذهبيه .. فل أبشن .. :fa47:

[مجموعة إنسان]

الأكورد حلوة
انا عندي ال2007
بس مشكلتها
السفايف تروح بسرعه شوي
يعني كل 25 لين 30 الف

واذا قالوا تأمين المشرق العربي ,,
نصيييييييييييحه لا تأخذين عندهم
لا الحين انا اعاني منهم ,,

اليديده عيبتني
وايد

موصفاتها احلى من القديمه

بس مثل ما قلت السفايف لج عليها شوي ,,

[مزن هتان]

حللللللوه ملاك
أول مره أشوفها

ماعرفت انها هوندا
متنكره السياره!!

[شرجاوي]

مجموعة انسان .. ليسني منتهي و الملكيه منتهيه و صلحت الموتر عالتأمين .. عند اي شركه مأمن موترك ؟؟

[ملاك الروووح]

::

هلا مجموعه

هيه اليديده غاويه .. واااااااااايد مغيرينها !

انصدمت يوم شفتها !

بس مقتنعه فيها وايد ..

:fa56:


ما عليك من السفايف .. بحافظ على موتري

وبوديه التجييك دوم .. :fa34:


وتسلم عالنصيحه ما قصرت ..

:

مزونه

لوووووووول

صج انها متنكره

اقولج تطورت العزبه وايد لوووول :biggrin:

[ذنـيـنـي]

توكلي على الله اختيه ملاك
السيارة وايد حلوة و اعتمادية و سواقتها ناعمة و مريحه
انا عندي اكورد و كملت عندي 5 سنين و الحين دخلت في السنة السادسة

و مبروك عليج السيارة مقدماً

[ملاك الروووح]

::

ماشاء الله .. بتكمل 6 سنين !

ياااااااااحيك والله

::

أشكرررررررررررك بصراحه

أنا هاللي كنت أباه .. حد يشجعني .. ويقولي توكلي على الله ..

أخوي عيبه الموتر بعد .. مع انه ما يترس عينه أي شي ..


اليوم كانوا يرمسون عن معرض السيارات .. جان أتذكرك :biggrin:

الشباب كلهم كارهين مواترهم يقولون لووووووول

مب من شي من اللي شافوه هناك .. :biggrin:



ثااااااااااانكس ذنيني :a070:

[مجموعة إنسان]

شرجاوي


المشرق العربي !!

الله ياخذه من تأميييييييييين

[الهيثــم]

ملااك الرووح .. :: توكلي على الله .. والسياارة حلووة ، بس من وراا لج عليها شوي أحسها غبية

بس من جدام فظييعة ومن دااخل حلووة ومرييحـة ...
واناا بععد عندي أكورد وأنصحج فيــها .. سياارة عملية وتنفع لكل شي الا البر لول
بس مثل ما قالوا فيها مشكلة السفاايف إنها ترووح بسرعه ... ( بس طبعا على حسب السوااقة )
يعني يمكن عندكم انتوا البناات وعلى سوااقتكم الناعمة ( بعض البنات طبعا ) السفايف ما اتخلص بسرعه

ومبرووك علييج مقدماا .. والذهبية ما شاء الله حلووة .. أشوفها أحلى عن اللؤلؤية ...

بس ما خبرتينا كم سعر الرقم وااحد !!!

[ملاك الروووح]

::

هلا خطاب ..

الله يسلمك على 92 ألف ..

حتى أنا عيبتني الذهبيه وايد ..

شي فظيع .. وايد مغيرين في المووووووووووتر

ما صدقت انها هوندا والله !

::

ما عليك سواقتي ناعمه :biggrin: مب شرات البعض منا لووووول

ما بتروح فيها السفايف .. وببدلها دوم ..


شاكره لك نصيحتك والله

حمستووووووووووووووووووووو وووووووووووووني

:fa56:

[الهيثــم]

هههههههه ... الله يوفقج ..

[مجموعة إنسان]

انا بعد ترا السفايف طولت عندي
بس انا لعنت خييييييييرها عالعيييييييد

ماصدقت شفت ماي جدام البنت
وانا رااايح عرض وانا راجع عرض

[شرجاوي]

امممممممم .. تأمين الفجيره اوكي ( مرات يستهبلون ) .. و عمان للتأمين واااااااايد اوكي .. العين الاهليه بعد ترتوب

[مايهزك ريح]

انا مجبور في العين الأهليه لأنهم الوحيدين اللي يأمنون موتري .. وضد الغير بس .. قهرررررررر

[ملاك الروووح]

::

نحن من فتره ..

اختي دعمت بموتر اختي الثانيه ..

ليلة العيد .. والحادث كان غبي ..

بدل ما تدوس البريك .. داست الريس .. :glare:

بس السياره وايد تعورت .. وطاحت في الكاراج فتره طويله ..

والمشكله انها ما كانت مأمنه والملكيه مخلصه ! اتخيلوا

وهي أوردي دعمت المصري اللي جدامها وهو دعم الهندي اللي جدامه

ف لازم تصلح 3 مواتر .. !


بس دواهم عشان يصطلبون مره ثانيه ويأمنون المواتر .. :d014:


وأخوي بعد توه من يومين ثلاث مسوي حادث وموتره بعد بس ضد الغير ..

ومادري كم دفع عسب يصلح موتره


مادري ليش هالاهمال يعني .. :3:


أنا أول شي بسويه بأمن الموتر ..

لأنه أكيد أول ما أسوق .. بكسر وبشخط وبشمخ فيه .. :fa34:

<< ليش مستانسه انزين :m_afaker:

[إسهر معي ليله]

سمعت انه حد بياخذ سياره يديد

يعني فيه عزيمه :icecream:

مبرووك مقدماً

[إسهر معي ليله]

::

<< ليش مستانسه انزين :m_afaker:

هههه لاحظت هالشي

[ملاك الروووح]

:

هلا اسهر معي ليله ..

منو بياخذ موتر ؟

شو يعني عزيمة ؟

شو السالفه ؟


:biggrin:

لووووووووول جست كدنغ

أفا عليكم والله ..

خلاص بسوي عزيمه عوده .. بمناسبة الوظيفه

<< صباح الليل بتكملين سنه الحين توج تذكرين العزيمه :a058:

وبمناسبة السياره ..

اليوم يابوا لي الكتيشن .. باجر ان شاء الله بسير البنك وبخلص الأوراق وجيه ..

وفااااااااااااالكم طيب ..


حاضرين للطيبين .. :fa34:

:

لوووووووووول

زين مب بس انا اللي لاحظت هالشي يعني :k_harhar1:

[إسهر معي ليله]

^
^

وظيفه بعد.. اووووب ... عزيمتين

[ملاك الروووح]

لوووووووووووول

معقوله ما تدري عن الوظيفه ؟!




أحس اني ذليت الأعضاء .. من كثر ما أرمس عن الدوام

لوعت جبودهم ..

أحس بهم يقولون ف خاطرهم .. عنبوه محد داوم غيرج شو !

:biggrin::biggrin:

:

بس لاعت جبدي من الدوام .. كراف من الخاطر ..

خلاص بقدم استقالتي شكلي .. :glare:

:

تجييكات الأكورد مب غاليه وايد شرات الفولكس وولغن صح ؟

<< ما أعرف انطق الاسم صح :biggrin:

<< اونه تطري شي عن السيايير عشان ما يقولون انه نسولف ويهزبونا :hysterical:

[إسهر معي ليله]

توني ادري.. مبروك مؤخراً

:
:

الياباني تجييكاته حسب علمي ما تكلف وايد.. بس اظن الهوندا اغلى تجييكات

بس من ناحية الخرابات اكيد الهوندا ما بتكلفج شرات الفلكس ولغن لونغ <<< جامعة استوت

[ملاك الروووح]

:

انك تدري مؤخراً .. أحس من انك ما تدري مول ..!

<< رتب الجمله .. هع هع :k_harhar1:


الله يبارك فيك ..

تسلم ..

:

زين الحمدلله ..

لأنه اختي عندها باسات .. وأحس تجييكاتها وايد غاليه

وأنا حليلي راتبي على قدي .. مافيني أدفع مادري كم حق الوكاله :d014:

:

لووووووووووول

لاحظت تراني هالشي :k_harhar1:


النسيب دارس ف هالجامعه

<< سبحان الله :d014:

[خطايــا]

لول ما يخصني ف المواتر بس داشه اقرا سوالفكم من خلف الكواليس يعني لول

[ولد الشحوح]

اختي انا ما دام بعدج ما خذيتي الموتر خذي الأكورد اليديد بس ستة سلندر بتنزل شهر واحد
انا عندي اكورد ستة سلندر 2007 مشيه حلو وما يشرب وايد
واذا ع السايف كلنا نعاني بس انا بدليتها فالكراج الوكالة قالت لي 850 انا خذت سفايف الوكالة ب 250 وركبيتها فكراج نظيف ب 100 درهم وكان الله غفورا رحيما وكالة هوندا تاخذ وايد ع شغل ايدها ...
انصحج فالاكورد وانا خاطري فالكوبي ...

[المزوحي]

ربيعي مبسوط وياي بكتالوج مرسيدس ام ال، اللي وياه حطوا عليه وقالوا له خذا لك لاند افي جي ...

هو يبغي المرسيدس " رزه " وهو يقولون له اف جي احسن وقويه وانتشرت وووو .. الخ

عيل يتم باللي عنده ابرك، دام إنه تشتت الحين ...

[الهيثــم]

المزووحي :: ما شي مقاارنة بين المرسيدس والـ FJ
الأولى فخاااامة والثاانية كرااف ولعاان ..

البارحة سررت الوكالة وشفت الـ FJ مرة ثاانية بتمعن أكثر ..
أحسهااا واايد دفففشة .. وصغيييييرة .. يعني ما فيها مكان حق الي بيركب ورا ..

وبشكل عااااااااااام الأسعااااااااااااااااااار نااار ف كل السيااارات
وغلااء الاسعاار ذبحنــــا يااا ناااااااااااااااس بس خفووواااا علينا

[المزوحي]

خطّاب أدري والله أدري مافي مقارنه .. هو أصلا يبغي موتر كشخه .. واللي مدحوا له الثانيه يقصدون إنها

ماتعّول، يعني مابتلقى خراب مثل المرسيدس .. يقولون له حتى التجار خذوا منها، عسب يقتنع ..

انا ما انكر إنها قويه وزينه حق البرور .. لكن باب واحد وضيجه وسعرها مرتفع مثل ماذكرت ...

بس انتشرت خطاّب ..

انته ناوي تاخذ موتر ؟؟؟

[الهيثــم]

صح كلاامك اخووي .. هيه والله ادور سيارة حق البيت بدال الاستيشن إلي تكنسل ...
وحااط ف بالي التاااهو حالياا ... وبصرااحة عجييبــة .. ما عليها كلاام

[المزوحي]

وايدين خذوا التاهو ... ردوا على الامريكي بشكل عام ...

http://www.chevrolet.com/tahoe/

[المزوحي]

واحد من ربعي حجز له GMC Acadia بيضاء

http://www.auto123.com/ArtImages/83348/gmc-acadia-slt-awd-road-test-i005.jpg

مايبغي يتريا زيادة ويفكر ... حد عنده خلفيه عنها

[الاسطوري]

هــــــــــلا ..


"المزوحي"


شوف هالسيارة فيها مواصفات حلوه وزوينه بس انا احس سعرها وايد على مكينة 6 سلندر، أعرف ناس ماخذينها ومن
اول اسبوع القيجات اختربت ماتشتغل بس زين ان الجامه الاماميه تظهر فيها السرعه وبعد
احس كواليتي الاشياء المستخدمه داخل مب لهناك حتى
النفقيشن شكله تعيس واستخدام
الاوبشن وايد معقد فيها والسويج الاصلي أي كلام تقول مسوينه في سطوة عند محل مال سويجات لو أنا مكانه مول
مابفكر في هالسيارة شوف هو شو ميزانيته وشو الغرض اللي يباه من السيارة عقب خله
يقرر يعني انا من الناس اللي يشجعون على مكاين
8 سلندر قبل كل شي
:fa52:


الاســـطـــوري
أخوكم

[المزوحي]

الاسطوري، هو كان متردد بين لكزس ES وهاااي .. وأدري ماشي مقارنة من بينهن ..

مادري ليش ربعي، يختارون سيارتين بالتضاد .. يوم يفكرون ياخذون موتر ... لوووووول

اليوم جربنا المورانو في البر كانت حلوه واللاندكروزر والنيسان مغرزين، مع إنه الرمله مب غزيره ..

وين السواقيييين ...

زين شو رايك عيل في حدود 160 فورييل ...

[الاسطوري]

ترا قلت لك على حسب إحتياجاته ورغبته بس جان بغيت رايي إذا هو يحب الدفاشه وعنده عايله أو دوم
يركبون الشباب وياه ياخذ له أرمادا اليديده فيها أغلب المواصفات اللي ممكن
يحتاجها وإستخدامها ممتاز وسعرها منافس
لمثيلاتها في السوق

[المزوحي]

الاسطوري .. مشكور على الملاحظة ...

[راعي الزعـامه]

160 خل ياخذله فتك شو يتريا بعد P:

[المزوحي]

مب من محبي النيسان .. للأسف ..

[مزن هتان]

اللومينا لين كم معطاي فيها ؟!
:smile2:

[شرجاوي]

260 و 300 للــcr8

[ملاك الروووح]

شو رايكم في الفولفو الفورويل اليديده ؟

[مزن هتان]

260 و 300 للــcr8

شي طيب

[الهيثــم]

عندي استفسار .. للي يعرف للمواتر الأمريكية ... وبالأخص الشفر ...

أبا افتح الكمبيوتر في التاهو .. لأن الآر بي إم مقفول عالـ 4 يوم الموتر واقف يعني فـ الـ N
وف المشي يروح لين خمس ونص ... والسرعة طبعا 180 أو 185

ف ليبرتي موتورز سبورتس قالوا لي بألفين وشي بنفتح لك الكمبيوتر ... وطبعا الضمان بيكون موجود
بس أنا احس انه الموضوع بسيط .. وما يسوى ألفين ...

شو راايكم إنتوا !

[مجموعة إنسان]

عيل تخيل ان الدينالي بس 180 انزل فيه
مع انه يعطييييييييك اكثر بوااايد

[مايهزك ريح]

اخويه فاتح الدينالي ويعق لين 230 مادري اكثر ..
شاري هالكمبيوتر اللي اسمه ديابلو على ما اعتقد يوم كان ساير امريكا ما اتذكر بكم شراه !

[الهيثــم]

مجموعة إنسان :: هيه صدقك .. تحس انه في مشي ، الموتر مستعد إنه يعطيك ويكمممل .. بس للأسف قافلينه ...

ما يهزك ريح :: يعني بدل الكمبيوتر !! ولا كيف بالضبط .. لو تستفسر منه بتسوي خييــر ..

[شرجاوي]

سر برمج موترك ف كراج سب زيرو .. القوه بتزيد 30 - 50 حصان .. و الكتمه بيشلونها .. شكلك وايد اتنفل عالــ n

البرمجه ب 3000 و اضمن لك انها احسن من برمجة ليبرتي ب واااايد

[الهيثــم]

هو قالي بعد انه القوة بتزيد بين 30-35 حصاان ...

لا يا ريال ما أنفل .. بس ترا كل شي مرتبط ف بعض ..
بس كيف عن الضمان .. الموتر توه يديد ما شي 5000 ... ما فيني يتفلسفون ف الوكالة عقب ..

[شرجاوي]

امممممممممم .. اتصل الكراج .. و اطلب ماريو .. و اسأله اذا فالوكاله بيعرفون ولا لا .. لان ربيع اخوي امبرمج كورفت من كم شهر و لين الحين ما عرفوا

[الهيثــم]

هم جي ما بيعرفون .. بس إذا طلع خلل فني ف الجير ولا المكينة لا سمح الله .. عقب بيجيكون وبيعرفون إنه لاعبين ف الموتر .. وإذا جيكوا ف ملف الموتر وشافوا إنه الشغل أو البرمجة مب من عندهم ( ليبرتي موتورز سبورتس ) .. بيقولك ها ما يشمل الضمان ..

[شرجاوي]

ركب يوني جب .. جب صغير يركب على كمبيوتر الوكاله بيعطيك مشي حلو و بيفج الكتمه .. و يوم بتسير الوكاله شله .. سعره 3500 و بتحصله عند كراج بن عمر

[الهيثــم]

مممممم أفكــر أسوي جي .. بس شكلي بييب الجب من أمريكا ... لأن ولد خالتي هناك وهو قالي مرة عن هالسالفة ... وأكيد بيكون أرخص لو يبته من أمريكا

[مايهزك ريح]

هذا اللي عندنا .. من امريكا جان بتطلبه !

http://www.jcwhitney.com/autoparts/Product/Pr-p_Product.CATENTRY_ID:2016531/c-10101/Nty-1/p-2016531/Ntx-mode+matchallpartial/N-10101/tf-Browse/s-10101/Ntk-AllTextSearchGroup?Ntt=tuning

[شرجاوي]

لا ياخوي الجب ما بتركبه و بتروح .. هنه يوم بتسير اول بيجربون موترك عالداينو .. و عقب التجربه بيركبون الجب و بيبرمجونه و بيردون يجربون موترك عالداينو عسب يشوفون كم الفرق .. خذ من هني احسن لك

[ذنـيـنـي]

خطاب

شوف الوطنية للسيارات وكيل الجمس
عنده سوالف تزويد و ما ادري شو و ربعي يتعاملون وياه

[شرجاوي]

الشركه الوطنيه عندهم واحد فلبيني يمدحون برمجته .. ما ادري ف اي ورشه

[ذنـيـنـي]

في المنطقة الصناعية الي صوب شارع الخيل
اول ما تدخل على شارع الخيل من شارع الامارات خذ يمين و عقب سر سيده اين آخر الشارع و بتكون الوكاله يسارك

[الهيثــم]

ما يهزك ريح .. مشكوور الغالي .. ما قصرت

شرجــاوي :: مممممم ... الظاهر اهنه احسن ..
وشكلي بسويه ف الوكالة ... ( يمكن )

ذنيني :: الوطنية وليبرتي مب نفس الشي ف التزويد ؟

[المزوحي]

في خاطري اجرب تويوتا FJ بس مش امتلكها ، ومن أيام دق في بالي هوندا سيفك ( مووول مايخصه )

بس ذكرتني بأيام أول، بعيد عن الزد

[الهيثــم]

الـ أف جي حلووة ، أنا جربتها وعيبتني سواقتها ..

[المزوحي]

خطاب يمكن سقتها شويه، فحسيت بتغيير وعيبتك، يبالك اتجربها مره ثانيه عسب تقتنع حلوة وإلا لا

[الاسطوري]

^
أنا سقتها سواقه عاديه في الشارع كانت اوكيه ماعرف كيف أوصف لك هي زينه وفي
نظري انها تجمع بين الرانجلر والراف ولكن ماحبيتها وايد واشوف
السعر غالي على سياره جيه كفايه
عليها 100 الف
:fa44:

[الهيثــم]

من ناحية السعر مثل ما قال الاسطوري .. كفاية عليها 100 ألف
لأنها بدون مواصفات .. يعني عند الشمسية إلي فوق راسك ما فيها منظرة
وما فيها ليت في السقف جدام .. ومن غير الفتحة والسيتات الكهربا ..
يعني إنت دافع 130 فـ سيارة ما فيها هالسوالف ،، أحس حرام يعني ..
خذلك برادو رقم واحد ووباب واحد أخيير لك ..

وبالنسبة لكلامك يالمزوحي ، أنا جربتها في الوكالة أول مرة ومثل ما إنت قلت يمكن يكون تغيير
بس بعد عيبتني ، لأنها قوية وخفيفة ..
وجربتها مرة ثانية وأنا ساير الذيد ، وعيبتني كذلك في الخط ، وأحلى شي فيها الجامه الأمامية
إتحسسك إنك فـ همر ..

يعني بالمختصر سيارة زينة بس سعرها مبالغ فيها ، ييبلك وارد من أمريكا بتحصلها بسعر محترم ..

[أنامل قلب]

الموضوع يخوف ><"

بس سؤال عالسريع //
شو يعني ان واحد يبي يركب Full stroker أو شي جي ..

.. . !

[الاسطوري]

^
الستروكر شي يخص بطن المكينة تقدرين تقولين المعدة وتوابعها فعشان ماييها مغص يغيرون
فيهم ويركبون سوالف في الغالب تكون أكبر وتتحمل ضغط عالي فتعطي
السيارة أداء أفضل ولكنه يكلف وأظن مب كل
سيارة لها ستروكر، هذا
والله أعلم

[المزوحي]

خطاب، مرات تعيبك سيارة بس صدق تحس السعر مبالغ، يعني باجيرو 3.0 - 6 سلندر ، ثلاجه - ليتات ضباب

وكفايه إنها فورييل بــ 80 ألف موديل 2006 تحس سعرها زين

[أنامل قلب]

شكرا أخوي الاسطوري ^^"

[إسهر معي ليله]

قولوا كلولولوش

خذت لي رانجلر من كم يوم، قير عادي

اي نصايح؟

[الهيثــم]

سكــون // ناويه تزودين موتركم !! لول

----

المزوحي // صدقك يا خوي كل الأسعار مبالغ فيها ، الفتك وصل قريب الـ 220 على كلام واحد من الشباب 2009
بذمتك مب حرام تدفع هالمبلغ في سيارة مثل هاي ، مع احترامي لكل إلي يحبون النيسان
بس بصراحة السيارة ما تسوى ، سياارة خفيفة وما اتحس بثبااتها ويوم تسوقها ما اتحس بجيمة البيزات إلي دافعنها في هالموتر ...

على عكس ذلك بهالسعر تقدر تاخذ لك الدينالي والدينالي أرخص بعد
وغير إلي ياخذون استيشن VX-R بـ 250 ويمكن أكثر الحين .. والله بزيد شوي وباخذ كاديلاك
ع الأقل الموتر إلي راكبنه له اسمه وفخااامته وقوته ،،
والأول بيتم استيشن وبينظرون له على اساس إنه استيشن لأنه صار بيد كل حد ..

------

إسهر معي ليلة // مبرووك ياخي ،،، والله يعطيك خييرها ويكفيك شرها
عاد النصايح بتيك من سفير الخيال ، لأني أحيده خذله رانجلر قبل سنتين تقريبا وضبطها تضبيط محترم ..

[إسهر معي ليله]

احيدها الصفره مالت سفير الخيال..

وانا ناوي ان شالله انها من تخلص الضمان او آخذ لي سياره ثانيه.. اخليها بس حق اللعب واصبغها لون اصفر بعد :P

بيني وبينك عيزني القير العادي في الزحمه خاصه اني آخر مره سايق قير عادي قبل 4 سنين.. فـ يبالي اتعود عليه

بس مافيه احلى منه يوم الشوارع فاظيه.. يخليك تحب السواقه

[إسهر معي ليله]

عندي كذا سؤال بخصوص القير العادي

شو الأحسن في الزحمه.. قير 2 او 1 ؟

واذا كنت مسرع وييت صوب مطبه.. اردّه 2 ولا 1 ؟

وفي حالة اني داخل مكان كل خطوه مطبه شرات باركات الدوام وخاصه انه طوابق.. اتم ع قير 1 ولا 2؟ .. لأنه حسيت انه 2 وايد مثقل عالمطبات.. خاصه انهم مطبه ورى مطبه وكل لفه اصعد طابق فوق

واذا كنت واقف.. شو الأحسن؟ اقومه من 1 ولا 2 ؟ لنه واحد قالي 2 احسن بي واحد ثاني يقول لااا حرام تفوح كلج عالفاظي

فـ راسي عورني من هالسوالف.. انا كلهم عندي واحد.. بس ابغي اعرف الأحسن للسياره والقير

[الهيثــم]

وناااسة الجير عاادي ،، بخصوص الاستفسار

ممممممم ،، أنا يوم أسوق الجير عادي أقومه بـ جير واحد ..
بس عادي فـ الحالات إلي ذكرتها تمشي حالك فـ جير 2

لكن بعد نتريااا آراء الخبرة في هالمجال أحسن ..
لأني ما عرف شو الأحسن حق الموتر ..

[قصايد غلا]

هيه صح أنا بعد وايد أسمع أخويه يقول فل ستروكر يعني مب بس سكون مب عارفة الكلمة :4:

[المزوحي]

خطاب، ترى هاي هي إنك تاخذ موتر بمبلغ موتر، الفترة الاخيرة وايدين اتجهوا للأمريكي ..

والله انا كان خاطري في الاكس فايف، نصحوني إنها مب ثابته عسب الجامبيلات .. اتم تناغز على الشارع من توصل 120

بس هم مخلينها جيه كونها سيارة رياضيه

[مايهزك ريح]

^
نفس السالفه في الكايين

[الاسطوري]

"إسهر معي ليله"


أول شي مبروك على السيارة الديدة تتربى في عزك وعقبال مانشوفك في البر والشي الثاني هدي أعصابك محد يرد غيار عكسي للقير الأول شو تبى تطيح القير انته! الثاني كفايه عشان تخف سرعتك به وعن الزحمه ماينفع دوم على الأول لأنك مرات بتمشي لمسافه فبتضطر انك ترفع الار بي ام وعقب اذا هديت الريس بيخف بسرعه وجان دست على الكلج ورديت شليت ريلك بتنافز السيارة شويه فالأفضل انك تلعب بين الأول والثاني طول الوقت << هاي ضريبة اللي عنده قير عادي، وبالنسبة للقومه لو عندك نيسان بقولك قوم على الثاني مرات يكون أريح لأن القير صغير وبسرعه تبدل للثاني ولكن الرانجلر أظن الأول أفضل كون القير الأول عود شويه هذا والله أعلم، وخلنا نشوفك جان بتروح البر



"المزوحي"


الظاهر اللي خبرك قبل كان يسوق نيسان منزل أرض ومن خذا
الاكس فايف راح نزله في الشارجه وطلعت
له هالمشكله!
:fa44:

"مايهزك ريح"

هالمشكلة حسب علمي ماتصير إلا في بعض شوارع دبي السريعة في حالة إنك نزلت السيارة
بالهايدروليك لأن الجامبينات تنضغط حزتها بس لو خليتها على
المستوى الطبيعي بيكون كل
شي عادي

[مايهزك ريح]

الأسطوري موتر ربيعي .. كايين اس ..
متملل منه ...
ويسوق الشبح اكثر كله بسبة انه الموتر سبورت ووايد يناقز .. على الشارع !

على قولته ارد البيت متكسر يوم اسوقه >> انا اظحك عليه واقوله .. وين بتحصل موتر يسويلك تدليك خخخخخخخخ

موتري يوم اوصل جريب النفق اللي قبل القرهود ..يتم يناقز وعقب يمشي عادي .. الظاهر انه الشارع في هالمكان فيه مشكله مادري اذا لاحظتوا هالشي ..

[الهيثــم]

شوارعنا متأثرة شوي ، يعني ما تقدر تعق اللوم ع السيارة ..

كثرة الشاحنات والأطنان إلي تخطف عليها اتخليها مب على بعضها ..

[إسهر معي ليله]

مشكور عالمعلومات اخوي الإسطوري

والبر.. ان شالله خله يعتدل الجو بنتلاقى هناك

[أنامل قلب]

أخوي خطاب ،، لا ^^"
أصلا هذي الكلمه سامعتنها خارج نطاق المنزل .. !

اختي قصايد غلا ،، طلعنا بالهوى سوى عيل ^^"

.. .

[الاسطوري]

"مايهزك ريح"


إذا على الكايين ترا هو بدون مايناقز يهلك الواحد يلسته مول مب مريحه وحتى
سيتاته جيه ماعرف كيف صايره يابسه أكثر من اللازم
جنك يالس على طابوق
:h_waa:

[مايهزك ريح]

^
ههههههههه هيه والله يبتها صح ^_^!!

[الاسطوري]

شباب منو يعرف كاراجات للسيارات الامريكية في دبي؟ أبى حد يفهم لأن الكاراجات العادية يتفلسفون يقولك
من هذا ويغير وعقب يقول لأ من هذاك وعقب يقول لا لا اكيد من هني
وعقب مايغير نص المكينه يقولك ماعرف
ودها الوكاله!

[المزوحي]

سير الرمول كراج السويدي ... بتحصل عدة كراجات داخل .... وايد سيارات امريكيه اشوف هناك ...

بغيت اعرف سعر الاكس 6

[الاسطوري]

يالمزوحي رحت لهم مايعرفون للموتر هاييل مايعرفون غير للنيسان
المفروض يحطون لافته برع ويكتبون
للفتكات فقط


X6 ام 8 سلندر اول ماطاحت في بوظبي كانت حبه وحده يايبينها بالطيارة
وعارضينها بـ 525000 بس اتوقع الحين
السعر نزل شويه


X6 50 V8 مكينتها 4.4 توين توربو نفس اللي بينزلونها على الفئة السابعة اليديده بقوة 400 حصان تقريبا بس للحين
ماشفنا مشيها على الشارع عشان نحكم لأن الكايين GTS مكينتها4.8 والاحصنه بعد
حدود فوق 400 ولكن مشيها مايعكس هالارقام والمرسدس
ML500 والرنج سوبرجارج برع
الحسبه هاي
:h_daleel:

[تحفه]

WATCH THIS

http://www.youtube.com/watch?v=bZ2EKswyTao&eurl

[تحفه]

AND THIS

http://www.youtube.com/watch?v=Lb5q_YYpxB0&feature=related

[إسهر معي ليله]

تحفة،،

الفيديو الثاني غمضني

[تحفه]

لووول ها تعويض للغميضه http://www.youtube.com/watch?v=ron8saK8It4&feature=related

[المزوحي]

الاسطوري شو سويت عيل الحين، عسب الكراج ؟

[الاسطوري]

^
ماسويت شي للحين، الموتر سبير ومخلنه على حالته يمشي عند الضرورة ولكن
عقب العيد بوديه الوكاله يكتشفون علته ويعدلونها
قبل ماأثور في حد
:fa32:

[المزوحي]

بس في الرمول شي كراجات وايده وتقدر تشوف اللي تباه، بس إذا مب مستعيل وبتوديه الوكاله زين

[المزوحي]

ندور على موتر يديد من الوكالة ( مايهم اي شركة ) المهم في حدود 30 ألف مادري لو الطلب ماصخ شويه

لأني قلت 30 ألف أو 35 ألف مب أكثر .. من المواتر الميني .....

اي شي كيا -- هايونداي -- دهاتسو ... المهم مايكون غالي ولو الاسعار اكثر عن جيه خلاص بنصرف النظر عن الموتر

[مجموعة إنسان]

تحصل ديهاتسو او شفرليه وكالة على 30

[المزوحي]

عندك الصور لو سمحت

[صريح]

امس سرت وكاله الرستماني اتخبر عن النيسان 2009


اللي قهرني الشاشه اللي حاطينها فالسياره جنه مركبينها فالروله لوول


نيسان سوبر سفاري فل اوبشن 199 الـف
نيسان سوبر سفاري بدون جلد 193 الف

نيسان سفاري فل اوبشن 166 الف


و بنسبه للفطيم

الاستيشن السته اب 194 الف
الثمانيه ابـ 245 الف




محتاار شو اخذ لول
:7:

[الاسطوري]

في رايي إنها أسعار مبالغ فيها نوعا ما على مكاين ضعيفه ومواصفات
محدوده، ليش ماتفكر في الامريكي مثل
باقي الشبيبه؟

[المزوحي]

صريح .... شوف اللاند 6 سلندر

[صريح]

اتوقع تقصد الدينالي صح ..
بس المواتر الامريكية بشكل عام ما تدخل راسي خصوصا البيكبات
الموتر الامريكي بس مكينه 8 سلندر و قويه بس ما ينفع للبر و تقطيع ( ثجييل و نازل وايد )
سعره يطيح بسرعه + في حاله البييع اييلس دورلك شراي

بعكس النيسان ولا الاستيشن من تعرضه للبيع
التلفون ما يسكت من اللي يبغون يشترونه و السعر دوم ثابت

و حتى التصليح متوفر كل مكان


بس الموتر اللي باخذه اهم شي عندي يكون قير عادي و ينفع حق البر
:6:



مزهب الدوا قبل الفلعه .. التوربو زاهب و الموتر ما خترته بعدني
:4:



بعدنا ما رسينا ع شي و البحث مستمر

[مايهزك ريح]

حق البر امسات اخويه شاري موتر فوق اللي عنده..(الدينالي )
نيسان موديل 98 حصله عند عيوز .. ما اتسير به مكان وايد ..
ونظيف ..
عطته اياه بعشرين ألف .. خخخخخخخ

وهو مثلك مرتب التوربو .. وكل التظبيط جاهز .. !
امسات ساير وياه امودي الموتر عند السويدي .. عشان يركب السامان .. !
كان عنده واحد اجدم بس مقرقع .. عاد الحين يبا ايغير خخخخخخخخ

[مجموعة إنسان]

ما يهزك رييييح

هالكلااام جااان بعض الناااس يسمعووونه وما ياخذووون مواااتر منتهيه
خذلك موووتر من عيوووز احسن


صريييح
دام السالفه فيها برر
خذ نيسان بلدون جلد
احسن عسب ما اتحيييس يوووم تلف ولا تقطع

[المزوحي]

إذا تبغي موتر حق البر ليش تاخذ موتر يديد،، خذ لك راف باب واحد موديل جديم احسن عن اي موتر ....

وإلا تبغي تركب الاهل وإلا ربعك خذ لم نيسان استعمال نظيف

[الهيثــم]

خذلك دينالي ، وحط الياباني في السدة وانت والخير رباعه ..

عيل بذمتك هاي أسعار في هالموااتر .. ! والله ما تسوى ..

[الهيثــم]

اووه .. السموحة ما شفنا الردود إلي عقب ..


عيل دام جي ما يصلحلك إلا الياباني ...
واستخير وتوكل على الله ..

بس خذلك استيشن أخيير .. لأنه توه شكله متغير ،، والنيسان ما تدريبه متى بيغيرون شكله ..

[صريح]

الاستيشن الـ 6 واايد حاكر .. و انا راعي خطوط فبضطر اخذ الثمانيه بس واايد غالي 245 الف


النيسان بيتغير في 2010 ( ياا اول 2010 ولا اخر 2010 ) حسب كلام اللي فالوكالة

بينزل ابمكينه 8 سلندر و الشكل بيتغير كامل .. بس ما فيه اتريا سنه و نص

فان شاء الله باخذ نيسان و بسير احجزلي واحد هالاسبوع لانه يباله شهر و نص لين ما يوصل
الفل اوبشن قير عادي ايي ابطلبيه و كل اللي عندهم الحين تيبترونك

[مزن هتان]

مبروك مقدما أخوي صريح
توقعت بترسي عـ النيسان :fa34:

ختيه الصغيره بتستلم النيسان شهر 11
اول ما خذنا الليسن انا و خواتي
ختيه العوده كان عدها نيسان 97
انا 2006
و الحين الصغيره 2009

مادري شو جاينه عـ النيسان

[الاسطوري]

النيسان في رايي مابينافس الكبار إلا إذا نزلوه بمكينة الارمادا ومواصفاتها
من المصنع مب شغل شارع الزينة وبسعر
معقول مب يزيدونه
:smile2:

[صريح]

الاسطوري بينزل بالثمانيه سلندر .. مب مكينه الارمادا ... نفس المكينه 5.6 بس يابانية بتكون
اعطيك قرنتي بيكون بحدود ال 250 الف


عسب جيه ما فكرت اتريا لين 2010


:k_wheelchair:

[الهيثــم]

مبروك مقدمااا عيل .. والله يعطيك خيرها ويكفيك شرها ..

[شرجاوي]

صريح .. النيسان سعره فيه ؟؟؟؟؟

غير بدل

شوف مكثر النياسين اللي احترقن فالبداير و عوافي

اذا تبا نيسان يكون مشاي من الخاطر .. خذلك بدي نيسان .. و ركب lsX و ستروكر و برمجه زوينه .. 500 حصان و انت فالسليم

شوف النيسان كيف ياكل اللكزس http://www.youtube.com/watch?v=9JLl5gqFuEo&feature=related
النيسان مو مزود .. بس مكينة اللومينا ls1

[صريح]

شرجااوي

يوم قولت سعره فيه ما اقصد سعره يوم الشراا ..
لانه مباالغين واايد على موتر 280 حصان و ياباني

بس اللي قصدته انه في حالت البيع ممكن ايبلك سعر حلو ع البرااد


و ماخذله t78 .. و الموتر بيكون استعمال يومي فالبوست ما بيكون عالي .. و كلج مكلاود
يعني حق وناسه بس مب ريسات فما بلعنه




بنسبه لـ ls ... عندي نيسان 98
في بالي بروجكت انه اركب عليه هالمكينه ..
بس المشكله ماشي وقت اراكضله

[شرجاوي]

قصدي اللي تقصده .. النيسان سعره اول 3 سنوات يطيح وايد .. بعدين ينزل عالخفيف

يبالك انجكترات .. انتيك .. بساتن النيسان ما اتفور دله .. الكرنك ما بيتحمل .. دبل فيول بمب .. و كمبيوتر ..

اقل شي ممكن اتخسر عالنيسان 40 - 60 الف .. بالسامان اللي خبرتك عنه والله ما بتخسر وايد و بتحصل مشي حلو

المكينه و يالتركيب المضبوط 25 الف تقريباً .. ستروكر 427 يمكن 12 - 17 الف .. كام ب 2000 ( من تكساس سبيد ) .. انتيك 4000 ... برمجه عند واحد فنان 2000 - 3000

500 حصان و تورك عالي ..

قبل فتره واحد ياي الكراج عنده فتك مطلع 800 حصان على 1 بار .. يعني المكينه شغل عدل و مخسر فوق ال150 الف .. موتره احترق .. يقول كان يتمشى عالراحات بس طرمبة حل البريك سخنت و احترقت و حرقت الموتر بكبره .. ب حكم مكان التوربو على مكينة الفتك ... نصيحه مني لك .. ابعد عن التوربو .. تراه مشاكل و بتتعب وياه وايد

[صريح]

شرجاوي

المشكله هاي هيه النقطه اللي ملعوزتني .. انه بتم اتالي فالجراج ع طول لو ركبت تيربو
عسب جيه قلت البوست ما بيكون عالي ...
عسب جيه يمكن اركب T70 بدال T78 خصوصا انه مابا اطلع اكثر من 400 ولا 500 حصان بالكثير
يصير خير لين ما يوصل الموتر

طلبته و بيوصل عقب شهر و نص شهرين .. يعني في ديسمبر
سوبر سفاري فل اوبشن بدون ABS - قير عادي طلع علية ابـ 183 الـف


و التوفيج من الله
:thumbup1:

[الاسطوري]

"شرجاوي"

مشكلة المكينة انك ماتروم تجدد فلازم تنزلها وتفحص وترد تركبها مره ثانيه يعني شغلانه اما بالنسبه لصريح فهو بيكون مرتاح سنتين مادري سووها الحين يمكن 3 سنوات مايفحص يعني يركب مره وحده لكم سنه جدام وهو مرتاح بشرط محد يوقفه ولا بياكلها خاصه في دبي احيد يت فترة حتى سيارات مرسدس AMG يقولون لهم انتوا مزودين هاتوا مواتركم للحجز، الحلو في الامريكي ان التزويد موجود في الوكاله ومرخص (حسب اللي سمعته) والاحلى ان المكاين جباره يعني بصراحه دوج رام 10 سنلدر وحش خطير يمشي في الشارع

[شرجاوي]

3 سنوات ف ابوظبي بس و مب كل السيارات

صريح .. صدقني مشي موترك ما بيكون اوكي اذا ما بتعدل المكينه بس توربو و بوست 7 اعتقد .. صوت عالفاضي

خل موترك وكاله و ترايس ويا تيدا و يارس اخير لك عن عوار الراس ويالتوربو .. و الشارجه الحين وااااااااااايد مشددين على هالسوالف

[الهيثــم]

ههههههه .. الشرجاوي عليه تعليقاات حلووة ..

[مزن هتان]

نريد قلص, منين ناخذ

[شرجاوي]

من محطات البترول

[الهيثــم]

ما شي أسرع من أجوبة شرجاوي ع الاستفسارات .. كل عام وانت بخير يا خي ^__^

[شرجاوي]

و أنت بألف صحه و سلامه

[الاسطوري]

^
مال المحطات ماينفعون إلا حق الدراجات ينطرون من أول سحبه خاصه الصفر، خذي لج واحد من
(ايه سي هاردوير) او على الاقل من كارفور + الحدايد ماله من هاييل اللي
يتحملون 7 و 9 طن يعمرون ويه الواحد ويخدمون
وقت الحاجه مايخونون
:a108:

[المزوحي]

الاسطوري زاده كل ما نسير ونشوف واحد بيخدم العرب ينقص القلص، من أول سحبه، والموتر ما يظهر .. !

[شرجاوي]

الاسطوري .. على حسب اللي بيقلص .. اذا بتطلع الموتر مال دفاشه بينقص .. اي قلص بينقص

[صريح]

قوولوو ما شااء الله
:m_9afgah:

http://oasis.bindubai.com/bin/uploaded/508_01230891872.jpg (http://oasis.bindubai.com/bin)



شرجااوي اكييد بيستانس و الباقين بينصدموون لول
:vampire:

[مزن هتان]

خيانه :k_shock_1:

[خيال الحب]

الله يعطيك خيره ويكفيك شره ان شاء الله :)

[مزن هتان]

صح بالبركه عليك .!

[ذنـيـنـي]

أحسن شي سويته

اظني انصدمت بشكل النيسان اليديد لول

بالبركه بو جاسم، عقبال ما تشربنا كرك فيه

[صريح]

هو صح انصدمت من النيسان نوعا ما لووول ..
بس ما نقدر نحكم لين نشوفه فالوكاله بشكله النهائي
بس مب هذا السبب الرئيسي

انا اهم شي فكرت فييه انه سعر الاستيشن في after market sale يتم مرتفع
و انه الاستيشن شكله بيتم لين 6 سنيين جدام و ما بيتغير

و حاليا مواصفاته+ سعره مناسبيين
اذا بتقارنه بالمواتر الثانيه خصوصا الالمانيه من ناحيه الفخامه من داخل


خذته من دينا تريد ابـ 247 الف .. 8 فل اوبشن


و حاضريين امره متى ما تبا الكرك خبرنا و بنخطف عليك
:thumbup1:

[المزوحي]

بغيت أسأل الجماعه، بخصوص الأودي كيو 7

أخويه ناوي يشتريها، وداخله خاطره من متى، إلا اليوم يقولي وايدين قالوا له مب شي، وخذ رنج سبورت أحسن عنها ..

بالرغم إنه مايحب شي اسمه رنج

هاذيج عوده وعائليه ... لأنه في سيتات زياده ..!

شو رايكم .. وبعدين حصل في معارض العوير على الزيرو أرخص عن الطاير ....

بس انا قلت له يمكن ماشي ضمان ... !

[الهيثــم]

ما شاء الله .. صرييح الله يعطيك خيرها ويكفيك شرها إن شاء الله ..
وبالبركة عليك ..

عاد تصدق .. أنا ما حبيت الاستيشنات اليديدة واايد
لكن هالشكل بالذات يعيبني .. وداش خااطري واحس إنه امررتب ..

VX-R فل اوبشن على مواصفات البريمي .. تخطيط [ هالشكل بالذات ] وبدوون شنب ومدعمية على لون البمبر

يعني بالمختصر ونعم الاختياار .. زين انك ما خذته من الفطيم ..

[مايهزك ريح]

مبروك صريح على الموتر .. والله يعطيك خيره ويكفيك شره

[صريح]

خــّطاب و ما يهزك ريح


الله يبارك في حياتكم و تسلموون
:m_m7tar:

[المزوحي]

انا بعدني عندي باجيرو، بس مادري ليش احس إني مليت منها، مع إنها سيارة نظيفه ومب ماشيه وايد ...

خلنا نسولف عن المواتر، ونمشّي الموضوع، من زمان ما حدرنا الميلس .... كح كح

زين

بغيت اتخبركم، اللي عنده فكره عن سعر البرادو باب واحد ، ترى ما فيّه اتصل الوكاله ...

يعني على السريع .. هيه وبعد ابغي اعرف مرسيدس C200 موديل 98 كم تستاهل ؟ ( بالتقريب )

[الهيثــم]

تعرفون مكان يفصلون تلبيس للسيتات شغل نظيف !!
وإذا عندكم فكرة عن أسعارهم تسوون خير

،، بغيت ألبس سيتات موتر البيت ،، عسب اليهال وعفففستهم ..

[المزوحي]

جرب يلو هات

[الهيثــم]

ما عندك فكرة عن أسعارهم .. ؟

[ذنـيـنـي]

المزوحي يلو هات مب مال هالسوالف احيده محل زينه سيارات بس على ارقى شوي لول

خطاب سولي تيلفون و بدليك محل شغله 10/10

[المزوحي]

السموحه عيل ... يعني قصدك محل ايراني بحت

[الهيثــم]

ذنيينـي // طرشلي رقمك ع الخاص بن عمي ..

المزوحي // إذا محل إيراني بحت أتوقع ما ينفع ، هااييل شغلهم مب لـ ذاك الزود ..

[مزن هتان]

مزن + SRT = خبال
لزقت بالسيت، بس ما تنفع لـ بنات


خطاب
شي محل شفت وين مخبز السندباد بـ طوار مقابله من الشارع
الثاني وين محطة الامارات "مسكره" بعدها موجود واحد شغله تمام بس ما عندي
فكره عن الاسعار بـ سألك الوالد

[ولد الشحوح]

شو رايكم ف cls 55 ربيعي ناوي على واحد من امريكا ؟!
سألني وللأسف ما يدري اني طمطمة فهالسوالف هخهخ

[المزوحي]

CLS أحس بها ممله نوعا ما .. أنا عن نفسي ما حبيتها ... لكن بنشوف راي البقيه ...

[ولد الشحوح]

ما عندك معلومات عنها وسواقتها قطع غيارها يعني الموتر بشكل عام

[شرجاوي]

قطع غيارها دفان هههههههههههههههههه .. بس اذا ربيعك دفيع بيروملها .. و على فكره .. ترا الكمبريسور يخترب وايد

[المزوحي]

ولد الشحوح بشكل عام المرسيدس مب مثل أول ... طيب ماشي على الأقل خيارات ثانيه، وإلا بس اغتر بسعرها مثلا ؟؟

[ولد الشحوح]

لا الحبيب عايبنه شكل الموتر
احاول فيه ياخذ موتر امريكي هخ مب طايع
شكرا ع النصايح

[المزوحي]

ولد الشحوح الله يبارك له في الموتر إن شاء الله

[ذنـيـنـي]

الـ ٥٥ ما ينفع

مثل ما قال شرجاوي الكومبرسر فيه مشاكل

خله ياخذ ٦٣ احسن
او 500 مع كت اي ام جي

[الهيثــم]

عندكم فكرة عن الجي أم سي إنفوي ؟؟

وشو السيارة كـ استعمال وقوة ؟

وشو الأفضل ،، هي ولا التريل بليزر من شفروليه ؟؟

[المزوحي]

خطاّب انفوي يمدحونها، بس شوف أكاديا بعد ...

[الهيثــم]

انا شفت الأسعار في الجريدة ، إنفوي بـ 98 ألف ، ، غررني السعر ، فـ حبييت اسأل عنها ،، لأنه واحد من الشباب سألني عنها بعد ...

[ذنـيـنـي]

هي زينه بس انا عن نفسي
الامريكي لو ما كان في بطنه ٨ سلندرات تنابح في الشارع
ما اعترف فيه !!

[مايهزك ريح]

^
هيه والله ^_^
الثمانيه غييير !

[صريح]

شو اللي يعيبكم فالامريكي ؟ ..
فااشل و الدليل مصانعهم قامت تسكر واحد ورا الثاني
:biggrin:

[الهيثــم]

ذنيني ،،، صح كلاااامك والله ،، أمرييكي بس 8 ... والإنفوي دينالي 8 سلندر .. 5300 سي سي

[المزوحي]

بس من كثر ما يسون عروض الواحد يتوجه صوبهم ....

يمكن انا احب الموتر الاوربي لكن ماعندي ماده عسب اقتني سيارة أوربيه، ولو إني اعرف إنها سيارة كذا وكذا ...

[شرجاوي]

شو اللي يعيبكم فالامريكي ؟ ..
فااشل و الدليل مصانعهم قامت تسكر واحد ورا الثاني
:biggrin:

و كيف تحكم ان الامريكي فاشل و انت اصلاً ما جربته ؟؟

اثبت سياره فالعالم امريكيه .. اقوى سياره فالعالم امريكيه .. اسرع سياره فالعالم امريكيه .. و اثبت صالون فالعالم سياره امريكيه .. شو تتكلم انته ههههههههههههههههههههههههه هههه .. و بمكينة الكورفيت z06 اللي يعتبرها بعض الفاشلين انها فاشله .. سياره امريكيه وصلت ل2500 حصان .. ستريت ليجال .. من 0 - 400 km/h ف 17 ثانيه .. سر اضرب تواير موترك باليس و اتمشى ولا اتحط راسك ب راس الامريكي .. تراك خسران ههههههههههههههههههههههههه هههه

خطاب .. شوف الاكاديا احسن لك .. انفوي و تريل بليزر خلاص الغتهن جنرال موتورز .. و اذا مصمم على واحد منهم .. دورلك TB Ss

[صريح]

و كيف تحكم ان الامريكي فاشل و انت اصلاً ما جربته ؟؟

اثبت سياره فالعالم امريكيه .. اقوى سياره فالعالم امريكيه .. اسرع سياره فالعالم امريكيه .. و اثبت صالون فالعالم سياره امريكيه .. شو تتكلم انته ههههههههههههههههههههههههه هههه .. و بمكينة الكورفيت z06 اللي يعتبرها بعض الفاشلين انها فاشله .. سياره امريكيه وصلت ل2500 حصان .. ستريت ليجال .. من 0 - 400 km/h ف 17 ثانيه .. سر اضرب تواير موترك باليس و اتمشى ولا اتحط راسك ب راس الامريكي .. تراك خسران ههههههههههههههههههههههههه هههه
خطاب .. شوف الاكاديا احسن لك .. انفوي و تريل بليزر خلاص الغتهن جنرال موتورز .. و اذا مصمم على واحد منهم .. دورلك TB Ss



تصدق شرجااوي كنت ادري انك بترد عليه هههههههههههههه

شووف انا قلت الامريكي فااشل من واقع انه المصانع قامت تسكر ..
ما رمست عن الاداء و القوه .. ألخ


و انا مجرب الامريكي و من عشاق الكاديلاك و خصوصا الـ STS ! ..
الموتر الامريكي الوحيد اللي يستاهل الواحد يشتريه


شو راايك بالـ Hennessey Challenger SRT600 ؟

امساات يالس اجربه مال واحد من الشبااب شو يطييير
:14:

[شرجاوي]

تصدق شرجااوي كنت ادري انك بترد عليه هههههههههههههه
شووف انا قلت الامريكي فااشل من واقع انه المصانع قامت تسكر ..
ما رمست عن الاداء و القوه .. ألخ
و انا مجرب الامريكي و من عشاق الكاديلاك و خصوصا الـ STS ! ..
الموتر الامريكي الوحيد اللي يستاهل الواحد يشتريه
شو راايك بالـ Hennessey Challenger SRT600 ؟
امساات يالس اجربه مال واحد من الشبااب شو يطييير
:14:

قلة المبيعات مب معناته ان الشي الفلاني فاشل :k_no:

نيسان خسايرها فالربع الاول وصلت و اعتقد تعدت المليار دولار .. هل هذا معناته ان سيارات هالشركه فاشله ؟؟

اذا النجاح ما يكون فالاداء و السلامه .. و جودة المواد المستخدمه ف تصنيع السياره .. وين يكون عيل ؟؟

لعلمك .. فورد تستخدم اجود المواد لتصنيع سياراتها .. استوت اجود عن الهوندا حتى ..


بخصوص الجالنجر .. ما اعترف بها كــ مصل كار .. سياره مبنيه على شاصي جارجر .. الثبات فيها 0 .. سعر مرتفع على لا شي .. قوة كبيره و اداء متواضع .. ب سعرها الواحد يقدر ياخذ GT500 او Camaro Ss ..

بنشوف فيات شو بتسوي ف سيارت دودج

[مايهزك ريح]

صريح ..
يظل الأمريكي غير للي مجربنه ^_^
والياباني بالنسبه لي موتر موووووول مب مريح ..
لأني اذا ما ارتاح في اليلسه ما اشتري الموتر .. >> كاسر كرسي النيسان اللي توه شارنه اخويه في البر الأسبوع اللي طاف خخخخخ :k_harhar1:
واذا ما فيه السحبيه اللي ادورها بعد ابتعد عنه ..
واذا ما كان مكيفه بارد ما آخذه ..
ووووووو وايد اشياء .. فكل ما ادور موتر ارد علي اللي عندي .. ^_^!!
لأني ما احب اكون متعود على شي ويوم اغير لليديد ما القاه .. !
ويقولك .. لولا اختلاف الاذواق لبارت السلع

[الهيثــم]

صح كلامك ما يهزك ريح ،، أنا بالنسبة لي عقب تجربتي للأمريكي ، ما أفضل الياباني عليه ..
يعني بالمقارنة مع الامريكي إلي عندي مع نظيراته من السيارات اليابانية من تويوتا ونيسان .. الفرق كبير وواضح

النيسااان مب مريحة ، وصرفية بترول ، وقوة عادية ،

والتويوتا // سعر غااالي بمواصفات متوفرة ف الامريكي بسعر أقل عن الياباني بـ 70 ألف تقريبا ، وبمكاين أقوى وراحة متناهية في السواقة والخطوط وعزم قوي في البر .. واستهلاك رائع للبترول ..

يعني ما شي مقارنة ..

[المزوحي]

يمكن عيب الامريكي يطيح سعره، في حد يهتم من هالنقطه وحد ما يهتم، يقول المهم ارتاح له، يعني انا ما ببيعه باجر لو

اشتريته اليوم ، المقصود مب تبيعه بسرعه، لا

يعني لو خذت موتر ياباني وخذت امريكي، في نفس الفترة وسرت بتبيع الموترين في نفس الفترة يتم سعر الياباني

افضل في البيع مقارنة بالأمريكي، بغض النظر عن نظافة وقوة ومواصفات الموتر . !

ربيعي البارحة سألني عن سعر اللاند، يبونه حق الدريول، قلت له ماعرف عن المواتر بتصل الوكالة وبسأل، المهم

سألت عن سعر المواتر ، جيمة اللاند 6 سلندر 192 عقب واحد من الربع اقترح عليه باث فايندر ، قال لا الأهل ما يحبون

شركة نيسان ... ويوم قلت له شوف الأمريكي ... قال هاي مول بعد ما يحبونها ... وجهات نظر تختلف ...

[الهيثــم]

من ناحية السعر وياك ، لكن إذا انت خذت السيارة وفي بالك تستخدمها خمس سنين .. الفرق ما بيكون كبير
وكفاية إنك استخدمت موتر ارتحت له مش مجرد اسم .. أو لأنه ياباني ..

بس يا خوي مروان ، بذمتك الـ 192 ألف مب واايد على سيارة ست سلندر بمكينة 4.0 ليتر .. ؟؟

بس مثل ما قلت تبقى الآراء مختلفة من هالناحية ..

[المزوحي]

الاسعار مستويه نار وهم يقولون خلاص الاسعار داقه ... يوم البرادو 174 ألف

ربيعي يدور موتر حق البيت اتغاضى عن اللاند، ومب عارفين شو ياخذون ...

[شرجاوي]

منو قال سعر التويوتا ما ينزل ؟؟

اللكزس 460 فالوكاله 330 الف تقريباً .. عقب سنه مب اكثر من 230 الف

[الهيثــم]

هاي سيارة فخمة ، وسعرها غالي وواايد .. فـ لازم النزول يكون وايد

لكن في حالة الكروزر والأف جي والبرادو .. أسعارهم ما تنزل واايد على حسب إلي شفناه في المعارض ..

[شرجاوي]

بس هالموترين ..

و عندك الــأكاديا .. سعرها ما ينزل .. عندنا موديل 2008 و يابت 142 الف عند ليبرتي ... و نحن ماخذينها قبل سنه و نص تقريباً ب 159 الف

[الهيثــم]

ما شاء الله .. وايد زين والله ..

[المزوحي]

ربيعي عنده اكاديا بس للأسف امس داعم بها ويبالها وايد شغل، تبديل القطعه اللي جدام

[شرجاوي]

ربيعي عنده اكاديا بس للأسف امس داعم بها ويبالها وايد شغل، تبديل القطعه اللي جدام

اي قطعه بالضبط ؟؟ و موتره مأمن ولا بيصلح على حسابه .. و وين يبا يصلح موتره

[المزوحي]

من الليت اليمين

http://oasis.bindubai.com/bin/uploaded/3336_01243711955.jpg (http://oasis.bindubai.com/bin)

موتره مأمن .. لكن مادري وين بيصلحه، أول بادي قاله اخوه بيودونه كراج ربيعهم، لكن بما إنه الشي مكلف، فأخوه قال

مايخصني

[شرجاوي]

قصدك المدقار و البمبر ؟؟ ولا المدقار بروحه

اذا البمبر ما تكسر .. خله يصبغه ... و المدقار اذا انشحف خله يوديه قراج مضبوط .. قوله يسير كراج البندري فالشارجه .. شغله احسن عن الوكاله و اضمن لك هالشي

[المزوحي]

انا كانت عندي صورة الموتر، لكن في الموبايل الجديم ... وإلا كنت بحطها عسب تشوف !

[صريح]

جنرال موتورز الامريكية لتصنيع السيارات تشهر افلاسها

[ تلفزيون الشارقة ]



توقعت انه الحكومه الامريكيه بتساعدهم، بس لبسوهم بطريقه غير مباشره
:rock:

و الحين بيستحوذون على 60% من الشركه

[صريح]

أعلنت عملاق صناعة السيارات الأمريكية "جنرال موتورز" إفلاسها رسميا الاثنين، بعد أن تقدمت بطلب لحمايتها من الدائنين، بحسب الفصل 11 من القانون الأمريكي.

وطلب إشهار الإفلاس يرافقه تملك الحكومة لأكثر من 60 في المائة من أسهم الشركة مقابل 30 مليار دولار.

وأوردت الإدارة الأمريكية في مستندات كشف عنها الأحد: "اليوم سيعد علامة فارقة أخرى في تاريخ الشركة.. نهاية جنرال موتورز القديمة وانطلاق الأخرى الجديدة."

ويقود جهود إنقاذ "جنرال موتورز" الحكومتان الأمريكية والكندية إلى جانب موظفي الشركة ودائنيها.

وستلتزم الحكومة الأمريكية بتقديم 30 مليار دولار أخرى بالإضافة إلى 19.4 مليار دولار قامت بضخها في وقت سابق لتغطية خسائر الشركة وتمويل عملياتها.

وفي المقابل، ستستحوذ على 60 في المائة من أسهم الشركة الجديدة، بعد إعادة هيكلتها، بجانب 8.8 مليار دولار من الديون وسندات مفضلة.

وستتملك نقابة العاملين في صناعة السيارات 17.5 في المائة من الأسهم، بالإضافة إلى حق شراء أسهم أخرى تصل نسبتها إلى 2.5 في المائة.

وستتلقى الحكومة الكندية و"أنتوريو" 12 في المائة من أسهم "جنرال موتورز" الجديدة مقابل قرض بقيمة 9.5 مليار دولار.

أما حملة الأسهم، فسيتملكون 10 في المائة من أسهم الشركة الجديدة، بالإضافة إلى أحقية تأمين 15 في المائة أخرى، مقابل تقديم 25 مليار دولار والتنازل عن بعض حقوقهم السابقة.

وستعود "جنرال موتورز" التي تعد من أكبر شركات صناعة السيارات ومفخرة الصناعة الأمريكية لعقود، للعمل كشركة صغيرة بعد إعادة هيكلتها.

وتتضمن خطط الإصلاح الاستغناء عن ألفي وظيفة جديدة وإغلاق عشرات المصانع بحلول العام 2010، لتضاف بذلك إلى خطط أخرى أعلنت عنها مسبقاً، منها خفض شبكة محلات التجزئة التابعة، إلى جانب 6 آلاف وكيل أعمال، بواقع 40 في المائة، العام المقبل.

ومن المقرر أن توقف الشركة إنتاج أربعة من موديلاتها هي: هامر وساب وساتورن وبونتياك.

وسيتأثر بإفلاس "جنرال موتورز" قرابة نصف مليون متقاعد، بالإضافة إلى أكثر من 150 ألف عائلة، من المستفيدين بالتأمين الصحي وخطط التقاعد الخاصة بالشركة، فضلاً عن نحو 300 ألف موظف من العاملين في الوكالات التابعة لها.

[المزوحي]

http://news.google.ae/news?hl=ar&q=%D8%AC%D9%86%D8%B1%D8%A7%D9%84+%D9%85%D9%88%D8%A A%D9%88%D8%B1%D8%B2+%D8%AA%D8%B9%D9%84%D9%86+%D8%A 7%D9%81%D9%84%D8%A7%D8%B3%D9%87%D8%A7&rlz=1W1GGIE_en&um=1&ie=UTF-8&ei=bx0kSv21FtqrjAf-qaGwBg&sa=X&oi=news_group&resnum=1&ct=title

[مجموعة إنسان]

بس مبيعاتها في الشرق الأوسط ما بتتأثر مب شي

[الهيثــم]

أهم شي التاهو والسييرا والسلفرادو والدينالي والاسكاليد ما يتأثرون .. ^__^ ..

[شرجاوي]

بونتياك خلاص الغوها .. و هامر بيعرضونها للبيع .. ساتورن اعتقد بعد بتتوقف ..اوبل اشترتها شركه اسمها ماجنا ..

[الهيثــم]

حد عنده فكرة عن الفلتر ، هل له أضرار على الموتر !
وكيف إذا بغينا نغسل المكينة .. لأنه يكون مكشوف مرات !!

وهل الأداء يفرق إذا كان مكشوف أو مغطى !!

http://www.knfilters.com/news/news.aspx?ID=1206

[صريح]

اول شي الفتلر اللي برع اداءة احسن . عن اللي فالبوكس لانه يدخل هوا اكثر


الفلتر فالصيف يذبح المكينه .. لانه يدخل هواا حاار طول الوقت .. فما منه فايده
شوف اذا بتركب فلتر بس ع السياره .. ما بتحس بالفرق نهائيا .. بس صوت ع الفاضي
ركب فلتر و هدرز و ( كمبيوتر ) و ااكد ع الكمبيوتر .. و بتشوف الفرق كيف

بس ما انصح فلتر بس ع الموتر .. لانه بس حشره ع الفاضي
و اذا بيزيدك قوه .. بيزيدك من 1 لين ال 5 هورس بور بس اذا كنت صدق محظوظ


و هذا راايي عن تجربه .. و يمكن حد غيري عنده رايي ثاني

[المزوحي]

ربيعي ظهر له كايين، هو كان محتار بينها وبين الأودي كيو 7 والبي ام اكس 6

[شرجاوي]

الفلتر بيعطيك مشي حلو .. ركب الفلتر ويا النتيك .. و شي قطعه يسمونها الثلاجه ... ما تسمح بدخول الهوا الحار الطالع من المكينه .. و يبالك كات باك و ثروتل .. و برمجه عسب اتحس بالفرق صححح .. مشي موترك وايد بيتغير .. و الهدرز بيزيد بيحسن الادااء بعد .. لا تركب هدرز بدون برمجه .. ما انصحك

و اذا تبا الفلتر الداخلي .. اكيد الاداء بيتحسن .. بس ما بتحس بالفرق .. الا اذا قايست ويا موتر مستواه نفس مستوى موترك ..

كمبيوتر مكينة التاهو او اليوكون ما يحتاج للتبديل .. تقدر اتبرمج كمبيوتر الوكاله .. الا ذا عندك موتر ياباني .. يبالك يوني جب ارخص و احسن حل للمكاين اليابانيه

خبرنا شو المشي اللي تباه و كم ميزانيتك و نوع موترك .. و اذا تبا ضمان الوكاله ولا ما تباه

[الهيثــم]

صريـح // يعني الفلتر لـ حاله ما منه فايدة ،، بس يا خي هااي سالفة ، إذا بنحط الفلتر حق الشتا وبنرد نشله ف الصيف ..

---

شرجاوي // مممممم هالشي كان فـ بالي ،، فلتر + كت باك + برمجة ،، بس الثروتل ما عرفه ،، شو ها !!
بس الهدرز بيشل الضمان ،، وحتى لو مب عسب الضمان ، سمعت إنه يهلك المكينة .. ما عرف عاد صدق ولا لا ..

وأنا البرمجة إلي حاطنها في بالي إني أبرمجه في الوكالة ، عسب كل شي يكون ع السيفتي ،، لأن كذا واحد نصحني أسير عند مراد في دبي ، يمدحون برمجته ، بس ما فيني يا ريال .. واحد من ربعنا عنده همر h3 بدل المكينة مرتين والسيارة 2008 أتوقع ، وربيعنا الثاني عنده سييرا 2009 وبدل الوالات قبل فترة والموتر بعده ما وصل ال 10 آلاف كيلو

يعني أحس موضوعه مشكلة .. خلنا على برمجة الوكالة أخيير ..

وبالنسبة للمشي إلي اباه ، مممم يعني قول 50 حصان ..والله بالضبط ما عرف بس أبا المشي يتغير
والموتر تاهو 2008 ،، لأني أحسه ثجييل في القومة ، بس عقب يفتح .. والميزانية .. مب واايد .. وطبعا ضمان الوكالة مهم .. حتى لو الضمان مب موجود ، ما با أسوي شي سلبياته اتكون أكثر واتلعوز ويا الموتر عقب ..

[شرجاوي]

مراد التركي خربوطي .. لا اتبرمج عنده .. واحد من الربع مبرمج سي ار 8 عند الماني ف دبي ب 6000 .. بس شغل مضبوط الصراحه .. .. و الثروتل ها يحسب كمية الهوا الداخله للمكينه و يرسل اشارات للكمبيوتر عسب يحرق البترول بما يناسب كمية الهوا ..

شوف .. فلتر .. انتيك . ثروتل .. كات باك .. و برمجه عسب الموتر يفتح صح .. و بالتوفيج

[الهيثــم]

ممممممم حلوو ..

إنزين كم بيكلفني كل هاا ؟؟

وشو نوع الفلتر إلي تنصحني فيه ! والكات باك .. !! .. وعن البرمجة أفضل الوكالة ..

[الرايد]

مرحبا خطاب ..

انا بقولك شو تسوي .. عندك فلتر احسن عن الـ K&N .. و الي هو الـ vararam

http://www.vararam.com/tri-power/tri-power.html

هذا لنك الموقع و فيه صورة الفلتر و كل المعلومات عن بيرفورمانس الفلتر و ينباع عندنا فالبلاد بعد ..

و عليك ب كت باك كورسا السبورت .. و Throttle Body spacer هي القطعه نفسها الي قالك عنها شرجاوي .. بس بتعق الضمان .. لانه انا عندي سييرا و معدل فمكينته بطريقه انه الضمان ما يطير ..

و عن البرمجه لا تبرمج عن التركي مراد .. ربيعنا برمج Zo6 اخترب البالانس مال الكرنك و دقت المكينه و واحد برمج التاهو مال البيت راح القير لانه يعطي الموتر اقوا شي يقدر عليه ..

برمجه الوكاله بتعق الضمان عن الموتر .. لانه قبل ما تبرمج بيعطونك ورقه توقع عليها انه يشلون عنك الضمان .. مثل ما استوا بـ ربيعنا عنده سييرا بعد و يوم يا بيبرمج عندهم وقع على الورقه بدون ما يقراها و توهق عقب ..

ف لو تبرمج برع يكون احسن .. عني انا برمجت عند سعود بن عجيل .. برمجه ما عليها رمسه و سعره واايد حلو و كل تعديل برمجه مثلا اذا زدت شي فالموتر يبرمج ببلاش عكس القراجات الثانيه .. يوم ركبت وياه يبرمج موتري .. قالي لشو تباها البرمجه حق استعمال و لا سباق و لا شو .. قتله ابا شي عادي بس على السيفتي .. والله من عقب البرمجه مشي الموتر وااايد تغير على كت باك و فلتر .. مع اني كنت امبرمج عند بدر اهلي صاحب قراج فورملا .. كان مخبص بالموتر و مألف برمجه من عنده .. بس عقب هالبرمجه اليديده الصراحه مشي واااايد حلو و بيعيبك و عن الوكاله ما تسال اذا الموتر امبرمج برع ولا شي .. اللهم اذا استوت مشكله فالموتر ترد عند الي برمجلك الموتر و يردلك برمجة الوكاله و اتدخله الوكاله ولا يدرون عن شي ..

و اذا في شي تراني حاضر ^_^ ..

والسموحه منكم دخلت عرض فالموضوع .. لاني من عشااق الامريكي .. و هالموضوع اتابعه من بعيد لبعيد Pp= ..

[الهيثــم]

مرحبا اخوي الرايد

ما شاء الله هالفلتر أدائه عالي .. تنصحني فيه يعني .. !

وعن الكت باك عزيزي ، الطلقات كيف اتكون !! بالشكل إلي انا أختاره ولا أشكالهم ثابتة ، ومن خبرتكم شو الاحلى على التاهو ؟؟

ممم ،، بخصوص البرمجة ، أنا موضوعي غير شوي ، وهو إني ببرمج الموتر فـ ليبرتي بحكم إني ماخذنه من عندهم
والريال خبرني إنه إذا الموتر من عندهم ما في مشكلة الضمان ما بيطيح ، وربيعي ظهرره قو هنااك ، لأنه من طرف الشيخ .. ودوم يضبطون موضوعه ..

بس يا خي خرشتني ع التضبيط ، وأنا أبا الموتر حق استعمال ، بحكم إنه متعدد الاستخدامات
موتر البيت + استعمالي .. وفـ نفس الوقت أبا مشيييه يتغيير ، لأنه خوييك خرييش شوي ..

بس الغالي ، بما إنك سويت هالأمور في الموتر ، ممكن تعطيني فكرة عن السعر ،، يعني كم كلفك كل ها !!

فلتر + كت باك + برمجة ؟؟ وكم زاد في الأحصنة عندك ؟؟

[الرايد]

هالفلتر عجيب تبا الصدق .. لاني ناوي على واحد مع اني مركب الـ K&N احين ..

اما عن الكت باك في انواع و اشكال .. بس انا انصحك بالكورسا السبورت الي يكون شكله جي

http://scottsmotorsportsperformance.com/images/Tahoe2007sm.gif

والله يخويه هالشي راجعلك .. بس انا قتلك عن شي نحن مجربينه .. و عن برمجة الوكاله تراهم يفتحولك الكتمه بس و زادولك شوية بترول و شويه كهربه و كان الله غفورا رحيما .. يعني برمجه تمشي حالك فيها ..

شوف الغالي .. انا موتري كت باك فلتر و برمجه و مفضي دبات البيئه لانه تحس بفرق وايد بعد .. مشي الموتر وااااااااايد حلو تبا الصدق .. مب انه عشان موتري بمدحه ههههه لا بس انا حسيت بالفرق .. لاني جربت ويا كذا موتر و حسيت بفرق المشي .. الانفنتي G35 ادوس وياها من الـ 100 وياها لين ال 160 خلاف تروح اكيد الانفنتي .. يعني فرق فرق فالمشي ..

و الاستعمال عاادي اعتبر الموتر وكاله .. بيني وبينك انا طار الموتر طر و الحمدلله ما اشتكي منه مع انه موتري سييرا رنقاته 17 و بدلتهن ركبت رنقات الدنالي 20 و ثجال .. مع هذا ماشالله عليه عايش ماشي مشاكل لا فالقير ولا فالمكينه ..

ممم .. عن السعر بقولك عن الي اعرفه .. الكت باك على حسب طبعاً انته شو تبا .. يعني الكورسا ب 6000 و الفلتر اضني ب 2500 بس مب متاكد منه و اذا تباه بسال عن سعره اذا موجود فالمحل ولا لا و بعطيك خبر و البرمجه ب 1800 ..

اما عن الاحصنه ماعندي فكره .. لانه ما دخلت موتري على الداينو .. ف ما اقدر اعطيك كم وصل الموتر بالظبط .. بس عن الفرق فالمشي روحك بتحسبه و بيعيبك المشي صدقني .. اسال مجرب ^_*

[الهيثــم]

كلامك مقنـع عزيزي ..

اتصدق شكلي ببرمجه عند بن عجيل .. إذا ما في تأثيرات سلبية
سعر الفلتر والبرمجة حلوو ، لكن الكوورسااا شكله وااايد ..

يزاك الله خير شيخي وما قصرت ، وعيبتني هالطلقات .. وربك ييسر إن شاء الله
تسلم يالغالي واسمحلناااا ..