المساعد الشخصي الرقمي

مشاهدة النسخة كاملة : أبغي حل بخصوص المواصلات !


المزوحي
27-08-06 ||, 11:55 PM
يمكن تتحروني امزح ... بس انا جاد .. لكن مب في الزواج :hist: بموضوع ثاني ...
مب خليفة :hist: :hist: ويايه عل الخط انتوا ؟؟؟ :kkk: هممم

الصراحة الصراحة .... تعبت من سواقة السيارة ومن غير الزحمة والأرف والناس اللي صايرة ماعندها أخلاق كان مواطن وإلا غيره .. حرمه وإلا ريال .. لازم كل يوم اتضارب مع حد ..

تخافون إني أنا مافيّه اخلاق .. !! :shock: لا ...
يوم تحترمهم وتضرب إشارة يدعسون على البنزين عسب مايعطونك درب ... عيب عليهم
السواقة ذوووق .. لكن بهالطريقة أكثر يسوون عرقلة ومن غير ما الشوارع بيوسعونها ..
بتقولون انته مب دريووول ...

حتى يوم تحط لك ( دريول ) يطفح ويتم يجس بريكات ... وتغصص من سواقته ..
بس صدق اليوم فكرت بإنه حد يوصلني دوامي .. وانا أقولكم اللي بيوافق أعطيه شهريا 500 درهم بدل مواصلات ... :harhar1: هاااا شو قلتوا ؟؟؟

وإذا محتجين .. دوروا لي دريول .. حق الدوام بس .. او عطوني حل ... مليت والله مليت ...

حتى قلت بسير في باص المواصلات يوصل اسرع .. برايه بتحمل الهنووود :narr:

أدري بكم بتطيحون تعليقات .. لكن بسمع آرائكم :fa34:
الحساس
28-08-06 ||, 12:16 AM
الله يعينك...

الحمدالله ان جهة دوامي عكس تيار الزحمه الصبح والظهر...

بس بقولك شي..

روق بالك.. وافتح الراديو واسمه اغاني ولا قران ولا اناشيد اي شي المهم.. اشغل نفسك لين توصل البيت..

وماشي حل ثاني مول

وودمت سالم..
المزوحي
28-08-06 ||, 12:19 AM
الحساس .. تراني أجلب القنوات من نور دبي لين الخليجية لين إذاعة الشارجة ...
وأقول استهدى بربك .. بس والله يقهرووون في السواقة .... كم يغلطون عليك
اوكي طولت بالي .. مره ومرتين وثلاث ...
لكن مب من تطلع من البيت ... وانته تكلم عمرك ..
حتى في الفريج يجاوزونك بطريقة جاهلة ... لو كنت واصل جريب الدوار ماتوعى إلا واحد دخل ..
كانهم في حلبة سبااااق ..
مشكور الحساس ..
الاسطوري
28-08-06 ||, 01:45 AM
عن المواصلات شوف انا بوصلك يوم هيه ويوم لأ عشان أريح أعصابي
من الزحمه لعقب يومين بس 500 شويه حراق الأعصاب
بروحه يسوى أكثــر وصدقني زحمــة دبي
مايبالها إلا دراجــه وشوف الهنود
يوم يمرون عليك وانت
واقف وبتتأكد
:fa36:
ولد الشحوح
28-08-06 ||, 02:27 AM
ارضى بالواقع ... والله يعينك
المزوحي
28-08-06 ||, 09:50 AM
الاسطوري .. زين بين يوم وترك .. اليوم اللي عقبه بشوف حد ثاني ...

ولد الشحوح ... ياليت زحمة بنسكت .. لكن زحمة وكل واحد يالله نفسي
الشوق
28-08-06 ||, 11:37 AM
المزوحي ..
هيههي اكتب موضوع اعلان في الجريده في جلف نيوز وحدد الراتب
وبتحصل ادريوليه بالهبل ...
.
.
عيل لو شفت اللي صارلي اليوم صدق يقهر :narr:
كنت راده من العياده اقولك كنت طالعه من شارع فرعي ... على شارع رئيسي
وكان شي مسافه بيني وبين الهندي اللي يسوق الباص ..
اتخيل قمتطلعت من الشارع كون ان شي مسافه واروم اطلع:fa38:
الا .....فجأه اشووف الاخ يالس ويجدم:shock: وانا اهرنله عسب يوقف وشكله احول:puppyeyes: ما يشوووف ولا يسمع .. وجيه ما يدوس ويدعمني :cop:
وانا جذي صرت :narr:
مقهوووووره صدق انقهرت :shock:
من الصبح يالسه اهرنله واهوووو يا غافلين لكم الله :nono:
.. الحبيب امشغل المسجل وامعلي ع الصوت وشالنه الهوى الهندي ..
نزلت اجيك الضربه اللي يت ع سيارتي ..
جان اقوووله شو انت مااتشوووف :argue:
ولا بعد يالس في السياره :6: ما يسمع ( من الطرب اللي وياه )
جان ينزل وانا مقهووووره حيل وهو ( سوري سوري ) وين اصرفها هذي السوري
والله كان خاطرررررررررررررررري احط حرتي فيه .. :bash:
بس قلت يا شوق هدي هدي ..
.
.
قتله لازم ما بتسمع الناس اتهرن يوم انك امشغل امسجل وامعلي عليه الين هالدرجه
في النهايه ..
ودرته وطلعت لان الضربه يت على باصه اكثر من سيارتي ..
صح اشويه صبغ طارن من السياره
بس الحمدلله يت سليمه
.
.
وقولوليلي :12: الحمدلله على سلامتج يالشوق
:fa35: :fa35:
جيز كيك سنيكرز
28-08-06 ||, 12:20 PM
السلام عليكم ...

يوم بتركب السياره سم بسم الله وقول دعاء ركوب السياره

الزحمة تزيد لان كل حد يقول يالله نفسي

اذا كنت ضارب اشاره وما عطوك مجال تمر لاتفكر انهم مايبغون يعطونك مجال على شان تمر عطهم اعذار يعني نحن مانعرف كيف حالة الناس ((يمكن تعبان منهد حيله يبغي يرجع البيت ويرقد... يمكن معصب ومتضايق من شي ... يمكن ماشافك .. يمكن حرمته موصل وبتربي يمكن حد من عياله مريض ..))جي انت بترتاح

من تجربه يوم بتعطي حد درب وين ماكنت الزحمة اللي مضيجتبك هذي مابتحسبها يوم بتسهل على غيرك سبحان الله الله يسهلها عليك
زحمة الشارجه فضيعه زحمة دبي ارحم ..سهلها لغيرك الله يسهلها عليك

السمـــوحـه
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــ

الشوق

الحمد لله على السلامه وماتشوفين شر ان شاء الله
المزوحي
28-08-06 ||, 01:32 PM
الشوق الحمدلله على السلامة .. بس الهنود كله يخلون عمارهم مايشوفون حتى يوم تديمين نفس الشي .. مرات ايتمون على اليو تيرن .. يوم توصلين جريب يطلعون ...
المزوحي
28-08-06 ||, 01:32 PM
يالله على زحمة الشارجة ( مانسيتك ) الله يعينا
اعطيهم اعذار .. لكن اليوم واحد من اقصى اليسار لين اليمين كان بيشلني وبدون إشارة
يعني فاجأني ... ويتكلم في الموبايل ..
ألـم
28-08-06 ||, 05:22 PM
الله يعـــينكم ..
ويعيــنا يوم بنـســوق ســياره أن شاء الله يـكــثرون من الشوارع عسب ما أتغصص ..
في هالزمن كل واحد يباله شــارع ألـه بــروحه بــس ..
قدر ومكتوب ولازم ترضابه يالمزوحـي ..
والله كريــم ..
المزوحي
29-08-06 ||, 03:13 PM
ألم .. قبل كنا نقول نبغي نسوووق ومستعيلين .. والله أرف .. ودنا حد يودينا وإيبنا
صدى جوفي
29-08-06 ||, 04:30 PM
روق بالك.. وافتح الراديو واسمه اغاني ولا قران ولا اناشيد اي شي المهم.. اشغل نفسك لين توصل البيت..

شـاريـة شريط أنــاشيد يديد .. بخاطري أتم أسوق بس عسب أسمعـه brgll: :ice: :doh: ..برايها الزحمة .. لحتى الحين قبل دوامات المدارس.. الزحمة لـ دوامي بس تكون عـ دوارين ومن عقبها الطريق سالكـ :laugh: مــا يندرى عقب كيف:fa36:

لأنكـ مو مجرب مذلـة اللي يوديكـ واييبكـ تبى ســايق .. خذلكـ ســايق وعقب شوف اذا صدق محتاي حد يسوق بكـ أو روحكـ اللي بتسوق......:kkk:

وعلى طاري الهنود .. يبــالهم قوانين تصلبهم.. أول ما تصير الاشارة خضرة ايدهم علهرن :doh: الدنيـا ما بتطير.. وأي سيـارة ما تعطي مجال نجـاوز أكيد سيــارة هنود .. نفوسهم ××××× !!!
شرجاوي
29-08-06 ||, 08:44 PM
شوف المزوحي ... لا تسوي سالفه ل حد ... لف عليهم و لاتعبرهم .. انا فالشارجه و اداوم ف دبي .. اوصل الدوام ف ربع ساعه بالضبط ... اذا حد هرن لي و تم يديم اطلع له ايدي و اقول له روح روح ... اما انك بتمشي ف سيدك و و بتضرب اشاره كل ما تبا تلف هالكلام ما يمشي
المزوحي
29-08-06 ||, 08:47 PM
صدى جوفي .. الهنود يوم تضربين لهم إشارة ماعيطونج درب .. وإذا هم بغوا الدرب يلفون عليج ..
وكلهم الحين مايعطون درب الهنود والمواطنين والزلمات
المزوحي
29-08-06 ||, 08:49 PM
شرجاوي .. أمس ضربت إشارة .. من شافني حضرة المواطن المحترم دعس عسب ما آخذ الدرب
فتحت له الدريشة وقلت له مافيك صبر
هو طبعا ماعيبه ... تم يديم ومتنرفز .. ولف عليه وخذ اليسار .. خليته يولي وسرت عنه سيده وهو تم وراء
لكن مايسوى حرقة اعصاااب
تحفه
29-08-06 ||, 09:21 PM
^ انا اكررررره النااااااس الي جيييييه يا ربيييييييييييه .. مول ما اصبر عليهم عادي اطفرهم خاصه اذا ياكم واحد ملتعن
الـيـاه
29-08-06 ||, 09:54 PM
أنـا ما ينرفزونـي ألا التكاسي ( الله يغربل التكاسي ) بس مب كلهم لول !

دريولنا ها يديد أول مايبناه كان هادي ومسالم
بس عقب - استخف - و يـنّ ؟
وقام يطير لدرجـة إني قلتله اليوم : ساجـد أنا في 18 years old مايبغي موت اليوم , انا مافي يسوي شادي , تم يضحك العنز ! لوول

بس
بعد مالومه على هالسرعـه
زححححححححححمـه مش طبيعيه وأوادم ( اللهم يا كافي ) دريوليـّه chــــولـه وهو يبا يتفكك منهم
بأسرع وقت وبأي طريقـة ؟

لان صـدق ماشي احـترام ومايعطون مجال حق الغير
ما يحاولون يساعدون بعض < ياخي كلنا عنـّا دوامات مب بس انتو XD

ساعات اقول ياربـي
لو الشارع 6 7 حارات فكككككككه افففف .. بس حمدالله احـين افتكيت شويـه

جامعتي فالشارجـه وع طول وين ممطار الشارجـه
احيد أول يوم اقول في خاطري زين زين محد هني وماشي زحمه , يعني أهون عن دبي فـ شتا بي ألقط حمـّـاض لول

لآ مابنوصلك
ألا في هاااااااااااي شوفلك الباص احسن هههه انت وصلنا
راعي الزعـامه
29-08-06 ||, 10:02 PM
الحمدلله لين الحين ما تعرضت للزحمه ابدا أقصد وقت الدوام الصبح
ساكن انا في المزهر وهي منطقة جريبة من كليتي اللي في الروية
يعني خط فاضي ودرب هادي جدا ،،
الله يعين في المستقبل ،،
المزوحي
29-08-06 ||, 10:55 PM
بوظبي لو كل واحد يتعاون نص الزحمة هاااي بتخف
المزوحي
29-08-06 ||, 10:56 PM
الياه .. ترى البلدية الحين تسوي مشروع راس الخور .. اللي هو 6 مسارات لجسر القرهود يوصلج على منطقة فيستفااال سيتي .... عسب تخف الزحمة ولين مايخلصون المشروووع بتلقين مليون شخص عنده ليسن ..
المزوحي
29-08-06 ||, 10:57 PM
عاشق القلم يااااااااه ياليت دوامي جيه ماشي زحمة .. جان انا مابنترفز كل يوووم
العتيج
30-08-06 ||, 04:00 AM
والله فكره يالمزوحي .. ليش ماتتصل مواصلات الإمارات وتقترح عليهم ..

على فكره .. مافي داعي تقترح اتصلبهم واتخبرهم ابكم هذي الخدمة لأنها موجودة أصلاً .. كل يوم الصبح بتحصل السيارة تترياك بتشلك من الدوام وبتردك ..

طبعاً بتقولي لين متى .. ؟؟

أكيد لين مايفتحون المتروووو ..
تنينه
30-08-06 ||, 07:43 AM
العـتيج ,, فـكرتك حـلوه وكلامـك منطقي ^^".


والله المـسـتعان ...
الشوق
30-08-06 ||, 08:39 AM
هيههيههي اتوقع الكل عطاك .. حلول ..للمشكله اللي اتعانيها
خذلك ابسط الحلول وخبرنا عقب ..
المزوحي
30-08-06 ||, 12:36 PM
العتيج مايصرفني كل يوم ادفع 50 درهم .. 25 ساير و 25 راااد

بيطلع عليه في الشهر او هالعشرين يوم 1000 درهم وانا بدل مواصلات 500 يدفعون لي

وهذا بعد إذا مب أكثر

الحين العتيج بيقول .. ادفع مقابل عدم حرقة اعصاااب
خيال الحب
30-08-06 ||, 01:12 PM
الله يعينك اخوي المزوحي.. هي والله في بعض الناس مول مافيهم اخلاق

بقولكم موقف صارلي قبل كم يوم..


كنت رايح مكان المهم .. فانا كنت اتجاوز شاحنه وانا سرعتي 130 ماشوف لك واحد وراي قاعد يديم وحالته حاله... عاد انا ماحب حد يديم لي انقهرر .. وشاحنات عدالي وسرعتي معقووله.. تدري شو سويت فيه.. قعدت امشي 80 لين ما انا خلاص طلعت القهر كله وعقب لفيت عنه يمكن 10 دقايق وانا مشي 80 خخخخ والحبيب يهرن وكل ما يديم لي اضغط بريك ..

دواااه السبال
المزوحي
30-08-06 ||, 01:24 PM
خيال الحب
أنا إذا اعرف عمري ماشي على القانون ما اقوووم
إلا إذا ما كنت ابغي اسرع واشوفه مستن اعطيه طريج
يعني السبوع اللي فات كنت على شارع المطار
وخذت اقصى اليسار وواحد عنده اكورد ( هندي ) في النص يبغي يدووس ويسير جدامي
كله مايعطي ريس اللي جدامه مايسووووق وانا اسوق ومب قاادر هو
تم معصب
وآخر شي ظهر يبغي الجسر اللي صوب المطار ( اقص اليمين )
عيل ليش هالحشرة كلها
بنت الدلع
30-08-06 ||, 02:51 PM
خذ لك دراجه حق الدوام
ومن جدام حط لك مراوح ,, اذا ماتبا تخسر وايد وتاخذ دراجه مكيّفه

بتوصل الدوام وانته مرتاح
لا زحمه ولا حرقة اعصاب ^^
المزوحي
30-08-06 ||, 03:04 PM
بنت الدلع
والله إني جاد
المزوحي
30-08-06 ||, 10:41 PM
إذا كنت في منطقة المزهر ( دبي ) وتبغي تسير زعبيل ( دبي )
شو أحسن طريج اسلكه ؟؟؟

هل آخذ شارع الاتحاد .. دناتا .. جسر المكتوم
آخذ شارع المطار .. الرمول .. جسر القرهود

شارع المطار .. نفق المؤدي إلى الستي سنتر ..
شارع المطار .. جسر المطار ومن صوب فندق البستان

او شارع الإمارات .. رأس الخور .. الطريق المؤدي إلى مستشفى الوصل

في طريج من المدينة الجامعية يودي وإلا مايسوى الواحد يسير له وبعيد واااااااايد

وإذا عندكم اقتراح غيره يالله
مزن هتان
30-08-06 ||, 10:59 PM
اهلا

اخوي اذا تقصد المزهر اللي صوب الخوانيج

خذلك خط المدينه الجامعيه وعقبه دوار الورقا العود
سيده و الدوار الثاني يمين وانت رايح الين الوصل

احسه اسهل طريق وماكو عليه زحمه
المزوحي
30-08-06 ||, 11:17 PM
مزن هتان الحين نسيت الشارع ... لأنه أول مانسير وين مكتوب المدينة الجامعية ...

عقب بيي دوار ... إذا لفيت يمين بيوديني الورقاء ... وسيده بيوديني على شارع ند الحمر وهنيه
( الصكه ) الصبح ...

بس إذا سرت من المدينة الجامعية وودرت أول دوار .. ثاني دوار وين بيطلعني ؟

إذا الدوار الثاني بيوديني ... بجربه !
مزن هتان
30-08-06 ||, 11:47 PM
ظني الا بيظهرك ع خط دبي - العين؟ قبل ند الشبا ؟!!

لا تاخذ برمستيه بتضيع
المزوحي
30-08-06 ||, 11:50 PM
تراني قبل .. جربت .. شارع الإمارات ... من عقب المحطة الكبرى .. سيده .. محطة إينوك
عقب ... مخرج .. مكتوب سوق الخضار والفواكة .. خذته ... بس أقصى اليمين .. طلعني على شارع راس الخور .. اللي يودي على مخرج مستشفى الوصل ... المشكلة في هالدرب .. الزحمة اللي عند محطة البترول ( إينوك ) ووايد شاحنات .... وجربت

بعد إني ما ألف يمين .. أكمل طريجي سيده ... مخرج وداني على ند الشبا ... ومن عقب فرني على دوار عود ميثاء اللي يوديج صوب القصر
ابن الخطاب
30-08-06 ||, 11:53 PM
بسم الله الرحمن الرحيم

المزوحي ، دومك جذه راعي مشاكل في الواحات ...

حبيبي أنت ،

عاد كله ولا ريحة الهنود في باص المواصلات ...

تبا الصدق أنا شراتك ، قررت إني أركب القطار بعد ما يخلصون منه ولا إني أسوق ...

بس سالفة ال500 هذي عجيبة ...

جيه شايفنا مليبارييين ...!

حتى المليباريين يحصلون في الشهر 800 درهم ...

أنا بوصلك بس عطني 1500 شرات الباكستانيين شو رايك ...؟
مزن هتان
30-08-06 ||, 11:55 PM
تبيه مره سالك !!!
لازم تحصل ولو زحمه بسيطه
صكة اينوك ولا جسر قرهود صدقني
المزوحي
30-08-06 ||, 11:57 PM
مزن هتان مشكورة وبجرب باااجر

ابن الخطاب .. مابعطيك ولا ربيه .... بدور لي حل
ابن الخطاب
31-08-06 ||, 10:39 AM
بسم الله الرحمن الرحيم

اتحمل شراتي ، ويوم بيي القطار إن شاء الله بنركبه .
المزوحي
31-08-06 ||, 10:41 AM
ابن الخطاب

يعني انت بعد تعاني .. اتحرى روحي اللي ابالغ ومسوي يوله في الواحات
ياليت زحمه وبس .. جان ماكتبت في الواحات
لكن زحمة وماشي أخلااااااق ... وحوادث
هنيه القهر

لين القطار بيخلص 2009 او 2012
وحي القلم
31-08-06 ||, 12:56 PM
و حتى يوم بيزهب القطار

الهنود ما بيخلونكم تركبونه .. بتلقونهم حاجزينه قبلكم brgll:
المزوحي
31-08-06 ||, 02:37 PM
وحي القلم بيسوون Vip وحق الحريم روحهم بعد

وثرني بتريا المترو
شرجاوي
31-08-06 ||, 03:39 PM
المزوحي انت من وين ؟
المزوحي
31-08-06 ||, 03:43 PM
من باكستان

قصدك الدولة . وإلا الإمارة وإلا المدينة والمنطقة ؟؟
شرجاوي
31-08-06 ||, 03:55 PM
يعني لهالدرجه تتحراني عبيط ما اعرف انت من اي دوله ؟؟؟ و لا عبطك ما خلاك تفهم سؤالي
المزوحي
31-08-06 ||, 04:04 PM
وانت ماتعرف إني امزح
شرجاوي
31-08-06 ||, 05:06 PM
و انا مزحت وياك .. بس الظاهر انت ما تميزالمزح و الجد
ابن الخطاب
01-09-06 ||, 12:34 AM
بسم الله الرحمن الرحيم

أنا محد حارق أعصابي غير هذيل الهنود ...

واللي يقهربي زيادة إنك على شارع الإمارات ... السيد واقف ... زحمة ... ما تدري شو السالفة ... الوقت يمر ... وما بقى شي وتتأخر على الدوام ...

أخرتها شو ...؟

سيارة تايرها امبنجر وواقفه في الرمل ... ولا وفي الشارع الثاني ...!

وبعد ما تبا أعصابي تحترق ... والله أخاف ماتمت لي أعصاب
المزوحي
01-09-06 ||, 12:40 AM
ابن الخطاب

لانهم لازم يتفرجون ...

ابن عمي لقيت لنا حل ... :)

المهم الله بيفرجها ... تدري خاصة عاد في رمضان زحمة فضيعة والناس أكثر تتنرفز
المزوحي
15-09-06 ||, 12:38 AM
هه .. كأني نزلت الموضوع عسب أزيد عدد المواضيع اللي عندي

لا والله

لكن ماحصلتوا لي حل .. لانه ماعندكم حل لعماركم ..

أو شو الحل النهائي ..

المفروض المواطنين ما يتنرفزون يوم يقولون لهم لازم تركبون باص عسب تسيرون الدوام

واللي يبغي يطلع من الدوام يسير بتاكسي أو موتر الدوام .. الخ

لكن إذا الدوامات في نص البلاد .. وكل الناس متجهه هناك بين ديرة وبر دبي ..

شو تتوقعون المكان يكون .. مب معقولة انا أطلع الساع 6:45 وأشوف الشوارع زحمة ..

وين قبل يوم كنت اطلع الساعه 7:15 وأوصل 7:30

الحين يالله عااد لازم أطلع قبلها بساعه إلا ربع :narr:

بس لين الساعه 4 الفجر بعد :negab:

مب مشكلتكم صح ؟؟!!

لكن الناس اصبحت تعصب بسبب الزحمة .. ولاحظوا عاااد لو حد بيعطيكم درب ..

خلااااااااااااص ماشي صــبر
المزوحي
05-10-06 ||, 01:46 AM
صدق الناس ساءت اخلاقها في رمضان عن الفطر ... بس عسب السواقه وكل واحد منهم يبفي الدرب له .. وكل واحد يحب يخالف .. يودر خطه ويدخل عليك عارضه ... عسب يمشي قبلك ..
واللي تلقاااه ياي على الخط ويدز عمره غصب ويعطلك عن اتطوف سيده .. لازم يوميا نعاني .. سواء سايرين الدوام وإلا رادين .. أو حتى وقت ثاااني ... كله صوب ويوم يديمون لك قوم ويوم تعطيهم درب يسرع وياخذ اقصى اليمين بالرغم إنه اليمين فاضي .. بس استهبال ..

حتى قمت مب أي أحد اعطيه درب ..
مزن هتان
05-10-06 ||, 02:44 AM
يعني اكو غيري يمر بنفس معاناتي :k_nono:
أنا عندي طريق السيره اهون بس ربع ساعه
و حزت الرده يا لطيف شلون زحمه اخذلي
40 دقيقه على ما اوصل :tounge:
*****
قبل بارحه عـ شارع ندالحمر تصادم 5 سيايير (و) وانيت
والبارحه بنفس المكان وبنفس الوقت شاحنه و سياره
الحمدلله اني مادخلت تحت الشاحنه :fa46:
*****
الله يحفظنا من شر الحوادث
ويصبرنا على أخلاق السائقين
اللي ( جداً عاليه ) :glare:
والله تغمضني احس بك تعاني جداً
من سوء أخلاقيات السائقين

المعذره ع الأطاله
المزوحي
06-10-06 ||, 11:32 AM
مزن هتان ..

أخويه أمس معزوم على الفطور ... وعو طالع من البيت يلقا لج واحد كل شويه يدح بريك مع إنه محد جدامه .. يوم كان بجوازه شخط موتره ..
الجنيه
15-10-06 ||, 03:04 AM
المزوحي ما يندرا جان اني متاخره وايد والا كيف ع العموم بقول لك عن طريج سهل صدقني بتدعي لي عقبها ...

الله يسلمك ادخل الورقا وخذ الدوار الثالث يسار هالدرب على طول بيطلعك ع شارع الخيل وطبعا ما في زحمه ابدن المهم كمل دربك سيده وبتيك شيشه اينوك ع يمينك وعقب الشيشه اول مخرج ع اليمين يطلعك على دوار زعبيل الي قبل القصر ومنها تقدر اتروح صوب المركز التجاري وابراج الامارات من ورا ..

ما ادري اذا افدتك او لا بس اتمنى اني افدتك لانه الصراحه طريج مختصر ومفيد وما فيه زحمه ... الحين عادي اخبر الناس عنه بس قبل لو الموت ما اخبر حد لاني كنت استخدمه والحين نظرا لمكاني شغلتي اليديده ما اظطر لاستخدامه ودمتم سالمين
المزوحي
15-10-06 ||, 01:17 PM
الجنيه

السبوع اللي فات سرت هالدرب والكل عرفه .. بس شو سويت لأني اصدكيت في الزحمة خذت شارع المدينة الجامعية وكملت على ند الشبا وخلاف ييت من صوب القصر ...

عند السيرة آخذ شارع المطار أو وراء ادخل النفق واسير صوب خزان الراشدية ..
وعن الردة .. أسير طريج القصر وأمر على طريج دبي - العين وأكمل سيدة لين الورقاء - الشارجة
إذا حسيت زحمة أكسر حتا - عمان .. وبس !
مزن هتان
16-10-06 ||, 06:58 PM
المزوحي الصكه الليي تصير على مخرج
ندالحمر سببها الشاحنات؟
المزوحي
17-10-06 ||, 01:35 AM
مزن هتان .. يالله .. هالشاحنات كل مكان ...

بس بعد بقولج إنه في ناس تبط الجبد في السواقة .. وخاصة المهنده اللي كل ثانية تلقينه يضرب بريك

بدون سبب وهو محد جدامه
مزن هتان
17-10-06 ||, 09:13 AM
يعني لو يحددوا مثلاً من 7 ونص الين 9
انه الشاحنات ما تاخذ هالطريق
راح تخف شوي الزحمة
****
اففف يالمهنده منو غيرهم يوترني
ع الصبح والله انه من شوي
كان بخاطري انزل واصفع
ثلاث :Oo: ، طريقه يمين
ويجاوز للخط الاخير
المزوحي
29-10-06 ||, 03:26 PM
اليوم أول يوم دوام من بعد إجازة العيد .. لو تشوفون الزحمة .. في كل الشوارع زحمة ....
بسم الله الرحمن الرحيم
توكلنا على الله والرب حافظ
بلاااااااااهم يمشون عكس القانون .. انته في دربك .. سيارات تدخل عليك من على ينب .. كلنا واقفين في السيد ... وعقب عشرات الطريج .. المهنده .. لعانه فيهم بزيادة
وكيف يلفوون عليك تقولون حد موصنهم
اقصد هل بالباصات ..
انا امشي في سيدي في الوسط .. ما اوعى اللي لاف عليّه ويدق لي هرن :6:
أوه :k_shock_1: انته من وين بعد ظهرت لي .. وتم يضرب :5:
شو السالفة يبغي يدور في الوسط
زين جيه عاااااااد والله ماعطيته لأنه قهرني :h_negab:

شويه واشوف بص ثاااني ... :look: والله إني اضرب إشارة وابغي انتقل .. بس شاف الاشارة قام يدوووس على الريس ويضرب هرن يعني لاتدور جدامي .. انا كنت ابغي اقصى اليسار وهو مايبغي يعطيني درب .. قلت ماعليه مب مشكلة .. ييت جدام السيارات اللي جدامه وعقب ماخطفوا .. دحيت بريك وتم متنرفز .. وامشي شويه وادح بريك .. ترك مسافة 4 سيارات .. وانا اخف السرعة واتم على راحتي

كم بشتكي كم ...
المزوحي
01-03-07 ||, 09:06 PM
لو اتصلت في تاكسي المواصلات وإن قلنا أقل شي بياخذ 25 في الشهر أو نحن انداوم عشري يوم

بيطلع 500 درهم ... وأكيد عند الرده .. بيستوي 500 يعني المجموع 1000 درهم

مايسوى !

بدل مواصلات = 500 أصلا

شو الحل ؟؟

فكرنا مع الربع إنه كل مره واحد يمر علينا كلنا .. اونه عاد بتخف الزحمة .. المشكلة في الثواره طال

عمركم ... ماحصلت حل للحين ..