الدعوة عامة

[المزوحي]

الدعوة عامة ... يعني خليطي .. في مكان حق الحريم ومكان حق الرياييل
الدعوة هاااي ... من منو زعلان ... مزعل أمك أبوك أو حد من هلك ...
حد من الصغارية ... خذ له هدية بسيطة ...
مب شرط تاخذ هدية لحد منهم وانته مزعلنهم ...
بس إن كان هالشي فعلا مستوي .. فياليت لو تاخذ لفة في السوق
وتاخذ غرشة عطر .. وردة .. على أساس نصفي النية
حق الحرمة .. حق زوجج .. للعيال اللي عاقين والدينهم
وشاغلتنهم الدنيا ..

الصغارية لو تشتري لهم شي من المحطة ( ميني مارت ) وتاخذ لهم حلويات
وتعطيهم ....



************************************************** ******

خلنا نبتدي صفحة يديدة .. الدنيا .. الدنيا .. مابقول الدنيا ماتسوى ..
بقول إنه نحن كلنا بنموت .. لو تحسبونها .. بس !!

زعلان من ربيعك .. زعلانه من ربيعتج ... من اختج او حتى اخوج ..
كونوا أحسن عنهم ... ارضوا ضميركم ..

دعوة .. اللي يبغي يترك التدخين ومب قااادر .. خله يبتدي من هاللحظة ( وتدريجيا )
كلنا نغلط ومافي حد منا كامل .. لكن في مجال إنك تتحسن أخلاقك .. معاملتك ...

في يوم حقدنا على بشر .. ذمينا فلان .. ليش ماننظر لعيوبنا أول ..
ندخل في شؤون الغير ...

[وحي القلم]

(( بالفعل.. جميعنا بحاجة لمثل هذه الوقفه ))

شكرا ً يالمزوحي

في ميزان حسناتك ان شا الله

:yes:

..

[المزوحي]

وحي القلم

انا تاخذني الدنيا ... لكن يوم أفكر اندم .. ومايفيد الندم .. إلا إني أجدد مافي قلبي ..
وأبحث عن الخير ..

[الاسطوري]

السلام عليكم ..


مشكور ياخوي على هالدعوه الطيبــه وكل واحد لازم يراجع
حساباته بين فترة والثانية وصدقك المفروض من
الحين نتحرك والواحد مايضمن
إنه يعيش لباجر
وخلنا نصفي النوايا ونبعد الحقد والكره والزعل ونفتح
صفحه بيضه ونزخفرها بألوان الطيف ،،
ماخبرتنا لمتى العرض
ساري ؟


السموحه


الاســـطـــوري
أخوكم

[عيون الدخيل]

صدق يا المزوحي الدنيا صغيره وما تستاهل نكدر نفسنا على شانها
شو ما خذين منها غير عملنا الصالح
الله يعينا على عمل الخير
والمفروض انا نسامح ونعذر وما فيه حد كامل
ونحن مش ظامنين عمارنا ..............

ماشي مثل راحة البال والضمير
ورضى رب العالمين
تحياتي
@ عيون الدخيل @

[ولد الحكومة]

مشكور اخوي المزوجي على هالدعوه ..
وصدق الدنيا ما تسوى واثنيين مزعلانيين من بعض :sad4:

[المزوحي]

الاسطوري ... آخر يوم كان بالجمعة تاريخ 25/8/2006 لكن جددنا .. لعل الجمهور يقبلون الدعوة

[المزوحي]

عيون الدخيل .. لو تمينا نقول صح صح بدون مانتحرك .. ماشي فايدة ..
مع إنه تيني فترة اتذكر ... لكن يومين وأرد .. وكأنه ماتعلمت شي .
تخيلو بس تفقدون انسان بالكون .. كنتوا قاسين عليه ..

[المزوحي]

قايد الريم .. وايدين يزعلون من ربعهم وعقب تلقاه يفقده ..
مب قضية إني حساس .. أو أبالغ

[هزاايم]

كم رااح نعيش فيهاا:kkk: صدق الواحد لابد يرااجع عمره وحساباته الغبيه:narr:
خلاص بطلع شطووره ونرد للأيام الحلوه
سلامي عليك شيخي عالدعوه وجعله ربي في ميزان حسناتك

[ريم العين]

دعوه جميلة

بس مستحيل اراضي حد من اللي يزعلون او ازعل منهم احس فيها مذله

تسلم اخويه عالموضوع الحلوه والدعوه الاحلى ^_^

[المزوحي]

هزاايم .. يمكن البعض منا مابيرضى إنه يبتدي في هالشي
لكن مابتعرفون قيمة كلامي .. إلا إذا تماديتوا باللي فيه
واستوى لكم موقف تندمون عليه ...
شكرا لج ... :)

[المزوحي]

ريم ريم .. انا ما أقووول .. دقي باب بيت فلانه وحبيها على راسها ..
ولكن لو صادف إنه حد فيكم زعلان من شخص ومايكلمه .. وصدفة شفتوا هالشخص
في مكان عام ومد إيده .. فلازم نرد السلام على الأقل ..

الله يعين شو بقلوب البشر .. يمكن حد صح .. مايبغي يبتدي السلام عسب مايرجع الآلام
ويرد مثل قبل ...

[قلوب دبي]

تسلم عزيزي عالدعوه ..

[المزوحي]

قلوب دبي الله يسلمك ..

[وحي القلم]

يمكن أوقات تكون نيتك صافيه و ما فقلبك شي على حد

بس غيرك يكون زعلان عليك

أعرف وحده قاطعتني من شهرين تقريبا ً .. تأسفت لها كمن مره بس ماشي فايده

مادري شو لازم أسوي :no0:

[المزوحي]

أدري .. في واحد سولى ويايه نفس الحركة .. زعل مني على موقف سخيف وماقدر ظروفي ..
اتصلت به مارد .. طرشت له مسج مارد ... خليته وعقب 3 اسابيع طرش مسج ...
على أساس إن عادي ...

المهم سويتي شي .. تأسفتي وخلااااص .. فيج الخير .. وقتها مابتحسين بتأنيب الضمير ..

[طير الحب]

بالصراحه وقفة جميلة والمفروض كل انسان يتخذ هالشيء مبدأ بحياته ما يزعل من حد لأنه الدنيا ما تستاهل وبالعكس بيعيش مطمئن البال

[المزوحي]

طير الحب .. شكرا على الحضور
يمكن قبل ماكان يهمني شي ...
لكن الحين عرفت قيمة وايد أشياء ومن جيه .. حبيتكم تحضرون ..
وتشوفون وتستفيدون ...

صح في ناس مثلا تنقهرين من تصرفاتهم وتقولون لو اقطعهم احسن
لكن خلينا نحن هالمره اللي نتغير ونتقبل الشخص بحلوة ومرة ..

[بنت الدلع]

مشكور عالدعوه الحلوه
ماتوقعت انها بتكون خفيفه وحلوه ^_^
ويوم تكون زعلان من حد ,, اتحس ان الحياه ناقصنها شي ,, (( طبعا مب اي شخص , للي يستاهل ))

[المزوحي]

صح للي يستاهل .. لكن بنت الدلع في أخو مابكلم اخته سنه وسنتين وفي خوات مايكلمون خواتهم

[ولد الشحوح]

في حديث مب حافظه بس بما معناه "إعمل لآخرتك كأنك تموت غدا واعمل لدنياك كأنك تعيش ابدا "
وفي قصة انه ريال الرسول قال انه في الجنة فاثنين من الصحابة ساروا ورقدوا وياه كأنهم ضيوف وما جافوا إنه يسوي شي زيادة عنهم فسالوه فقال انا قبل لا ارقد ادعي ربي اني مسامح كل من غلط فحقي وادعو ان الكل يسامحني ها اللي اتذكره من القصة
ولكل رحلة محطة راحة ... ليست العبرة بالوصول بسرعة بل بكيفية الوصول

[المزوحي]

شكرا على الإضافة ..

[صدى جوفي]

المزوحي .. دعوة طيبــة:yes: واحنـة محتــاجين لهــا

.. الدعوة عـامة ..

رسالـة موبيل لـ نـاس اختلفت معاهم
رسالـة موبيل لـ نـاس كنت تعرفهم والحين ما تعرف عنهم شي
رسالـة موبيل لـ أسماء ما كنت تلاحظهـا بقائمـة الأسماء

طرش الرسالـة & أنسى انكـ طرشتهـا
.
.
.
وعسى بعدهـا خير

[عنود الريف]

مزووحي .. يوم قريت العنوان .. قلت انا امسية شعريه ..

بس على ما اعتقد ان هاي الدعوة تسوى كل الامسيات الشعرية

الحمدلله انا من صوبي مب زعلانه على حد ولا اعتقد حد زعلان علي ..

واذا حد في الواحات ماخذ على خاطره مني .. فالسموووووحة منكم كلكم ...

تسلم اخويه على هالبادرة الطيبه

[ألـم]

المزوحي :
زين منك أنك أتحطي من مثل هاي المواضــيع تآخذ الاجر من وراها ..


وعن أني أراضي الزعلانيــن مني ..
من حــقي أني أراضيهم مهما انا سويت فيهم ومهما هم سووا فيــني ..
بــس في منهم ما يقبلون الأسف يقولون شو يفيد الأسف ..
وصـح في أشياء لازم أنسويها غــير التأسف عسب يــرضـون ..
وبـعد ولا منهم فايده ..
بــس ما أنقول غيــر ربي يــهديــهم خلــه تنفعهم كــرامتهم ..... الخ
مثــل ما يقولون كرامتي فوق كل شيء والثانيه ما أدري شو أتقول ..
ويــا حبـذا أنكم تــصـلحون اللي في الواحات قــبل لا تصــلحون العلاقات الثـانيه من ربع وغيرهم ..
لانه أعرف وايد أعضاء ما قـاموا يـدشون الواحات بــســبت الزعــل ..

[المزوحي]

صدى جوفي ..
بادرة طيبة منج ...

عنود الريف .. محد زعلان منج في الواحات ..

ألم .. شي حلو الصراحة منج .. اما اللي مختلف مع أي عضو في الواحات .. هاي دعوة مني لكم

قبل ما يقبل رمضان

[طرفشانه]

تسلم اخوي على هالمبادره الحلوه
ويعلها ان شاء الله في ميزان حسناتك

بس شو ممكن اسوي اذا في حد زعلان منى
وانا حاولت ارضيه بس ما شي فايده
يعني حتى السلام ما يسلم عليه

واذا في حد زعلان مني اومتضيق مني في الواحات تراني استسمحه منه

[المزوحي]

طرفشانه سلمي مره ..مرتين وثلاث .. وغن مارد .. لاتتضايجين ... لأنه انت بديتي ...
وحاولي تبتسمين ... عسب ترضين من صوبج
أما عن الواحات إن شاء الله محد زعلان منج

[مخاوية الامل]

اممــ .. ،

ماجد حد زعل منـيه .. ، إلا وحدة الله يذكرهــا بالخيــر ..
والمشكلــة .. إنهــا هي اللي غلطــاانــة هب أنــا .. !
تعذرت لها . ،
بس مالقيت منهــا لين ألحينهـ جواابــ .. !
وهي زعلانـة تقريــبا من شهر1 .. ولين يومـكمـ ماتغيـر شيــ ..

يلا ..
نخليها ع الله ..

[المزوحي]

مخاوية الأمل .. اعتذرتي لها ... بس هي ماتقبلت ... المهم من طرفج تحركتي ..
برايه خلها تراجع عمرها

[انامل]

وعليكم الســـــــــــلام يا أحبه
المزوحي
لفت نظرنا لشي جدا مهم الله يذكرك بالشهادة أخي الكريم
ومن جانبي كلمة شكر معطره بالوفا والمودة لانك فكرت فينا كلنا

وحــــــــــــــــي القلم
غاليتي...لو أعرف ها الأخت جان قلت لها غلطانه
حد يعرف وحي ويزعل منها
ولا تزعلين روحج عزيزتي
بي يوم وبتحس خلج مثل ما إنتي
قلبج أبيض وروحج نقيه
لا خليت منج

مساء المحبة

[المزوحي]

مساء الخير والسرور

[دانة حتا]

مرحبااا
موضوع جميل
وما قدرت امنع نفسي من المرور
تسلم المزوحي في ميزان حسناتك يارب

[المزوحي]

الله يخليج ...