.. عيــــــــون .. [الأرشيف] - -:: واحات بن دبي ::-

شوق القلوب

24-08-06 ||, 10:43 PM

الســـلام عليـــكم..

شخبــار أهل الواحات الطيبيــــن..؟؟

..

ممم.. الله يسلمكم.. حابه أسوي عمليه لتصحيــح النظـــر...

طفرنا من النظارات.. و ما أحب وايد ألبس العدسات..

فمافي غير عملية تصحيح النــظر..

..

في حد منكم يعــرف مركــز / مستشـــفى... شغلهم مضمــون..؟؟ // في البلاد.. أو في دول برع..

أو اتعرفون حد سوا عندهم.. و ما اشتكى بعديـــن..؟؟

..

ســؤال ثانـــي..

بعد عملية التصحيـــح.. هل في امكانيه انه النظر ينقص مره ثانيه.. و خصوصاً للي دوم ييلســون جدام الكمبيوتر..؟؟

.
.

أمواج

24-08-06 ||, 10:54 PM

:mar7aba:
. . .
وعليــكم الســلام والرحمه
اممم انا إختيه و مرت إخويه مسوين عمليــة ليزك لعيونــهم
كلــهم مسوين في مركز المغربي في بوظبي و يمدحونهم

إختيه بعد ماسوت العمــليه تنفــخن شفايفــها و بصــراحه ريــلها شك إنها مسويه سلكون مب ليزك
brgll: .. brgll:
ومرت إخويه عيونها تمت تحرقــها واايد . . بس على حســب يعني مب شــرط هالاعراض تصيــبج بعد العمــليه يعني إنتي وحظــج وإن شاء الله مايصيــبج شي

ونظــرج مابينــقص و اذا نقــص بيكون بســبت العمر مثل الشواب لانهم كبار فيكون نظهرهم ضعيــف أمــا أنه ينقص لانج مجابـله الكومبيوتر وإنتي توج مسويه العمليــه ما أظــن

على العمووم إنتي تقدرين تســألين اي دكتوور متخصص في هالعمــليه في مركز المغربي و إن شاء الله بتلقين الجواب الشافي عندهم
.
.
:bye2:

المزوحي

25-08-06 ||, 12:28 AM

عيال عمي مسوين في الهند ليزر والنظر شويه رد ... ( خف ) ومرة خالي مسويه في البحرين يمدحون الدكتور ... بس في امكانيه إنه يرد .. ربيعي مسوي في الاردن .. على اساس إنه ارخص .. لكن بعد خذوا منه على اساس من الخليج ... بس مب مضمون .. لأنه لو هالشي زين جان دكاترة العيون هم أول ناس سوووه ..

والوالدة سوته في دبي ( جميرا ) بدأ يخف النظر ... وخالي بعد مسوي نفس المكان ...

وسلامتج

تحفه

25-08-06 ||, 12:35 AM

عمي مسوي في روسيا في " الثمانينات " < سوّا اول ما ظهر الليزك
وبعده عادي يعني احسه ما يحتاي نظاره

المزوحي

25-08-06 ||, 12:37 AM

سيري روسيا

حلم الطفوله

25-08-06 ||, 12:40 AM

السلام عليكم

شوق القلوب ....شكلج بالنظاره أحلى :smartass: ....

ما ادري أحس الليزك مب مضمون :fa36: ....

مشغووووب

25-08-06 ||, 01:58 AM

السلام عليكم ورحمة الله وبركاته

الله يسامحج ذكرتينا بأيام الشقا :wacko:

أنا شخصياً عشت معاناة النظارات والعدسات سنين بس أخيرا
الحمدلله سويت العمليه في أمريكا ( كاليفورنيا ) في مركز متخصص لعلاج و جراحة العيون

وأدعي للدكتور اللي أنقذني من خوفي ومن حكمتي المشهوره (( نص العمى ولا العمى كله ))

بالنسبه للمضاعفات تتعتمد على الحاله الصحيه العامه للشخص وطبيعة النظر عنده
ويمكن الشي الوحيد اللي يضايق الإحساس بجفاف العين لكن هذا يعالج بإستخدام القطرات لفترة شهر أو شهرين وبعدها تكون الأمور :thumbup1:

إمكانية إن النظر يرجع يضعف بعد العملية:no0: هذا شي قليل الحدوث وإذ صار بيكون لأسباب محددة وأغلبها ترتبط بالحاله الصحية للشخص ( عندي خبره لأني يننت الدكتور وأنا أسأله :puppyeyes: )

توكلي على الله وسويها وبترتاحين إن شاء الله

0

0

0

شوق القلوب

25-08-06 ||, 02:03 AM

.. أمـــواج ..

ضحكتني اختج.. وصدقه ريلـــها..! سبحان الله .. :ice:

عيل اتقوليلي المغربي... مممم..

..

.. المــزوحـــي ..

بعد وحده من ربعي كانت امسوتنه في الهند.. بس عيونها كانوا دوم حمـــر.. اتحس ان الاعصاب مشدوده.. :no0:
وربيعتي بعد سوته في الاردن.. و اتقول انه الحمد الله ..

الوالده وين سوته في جميرا ..؟؟

..

.. بوظبـــي ..

عاد شو بيــوديني روووووسيـــا..!! :boxed:

ما سمعتي في مكان هنيه ؟؟

..

.. حلم الطفوله ..

لا اتعقديبي..انت مثل ربيعتي.. :doh:

ربيعتي ايام الجامعه و للحين.. كل ما اتشوفني بدون نظاره اتصد عني.. اتقولي ماااا اعرف اشوفج بدونها..!! خلاص اتعودت علي من أيام المدارس :boxed:

شوق القلوب

25-08-06 ||, 02:09 AM

.. مشغوووب..

يا حيــا الله مشغـــــــــــوب... و الله و نورت المكـــان..

لو أدري.. جان امنزله الموضوع من زمااااااان..

..

بصــراحه.. رفعتي معنـــوياتي وااااايد... :yes:

انا خــاطري اســـويها.. و متشجعه وايد..

بس خايفه اخاطر و اسويها في البلاد..

و ماشاء الله عليـــج.. دام سويتيها بأمريكا طبعاً بيكون من أفضل الامــاكن..

لو تذكرين اسم المركــز و الدكتور.. خبريني.. يمكن تطلع للوالد سفرة هناك و اسير وياه.. :smartass:

عافك الخاطر

25-08-06 ||, 02:14 AM

وعليكم السلام
هيه والله مب شي النظارات :fa36: > اساليني ..المعاناة كلها عندي :boxed: خاصة ف الصيف والرطوبة .. تطلعين برع وتشتغل المشاشات عقب :doh:
الحين كله البس عـدسات .. لان النظارات تخرب العيون >يقولون .. و تصغرها :nono: ..بس بعد بهدلة العدسات .. لالازم تنظفين و تشيلينهم قبل ما ترقدين .. شي بعضهم يقولون عادي اتمين راقدة فيهم .. بس مرة رقدت فيهم ونشيت الا هم رادين ورى :no0: ها من غير الجفاف اللي يجيسهم مرة وحدة :puppyeyes: ..واخس شي يوم يطيحون في مكان انتي في امس امس الحاجة لهم ..مرة طاحوا عني ف السينما بغيت اتخبل والله .. وتميت ادورها بليت الموبايل :no0: > عشان جيي لازم اخ1 النظارة احتياط وياي في الشنطة:sadwalk:

سـألت عن عملية تصحيح النظـر.. الدكتورما نصحني فيها ما ادري ليش :no0: > شكله مستانس على حالتي هاي :narr: يمكن لانه يعتمد على الشخص..انا عن نفسي نظري وايد وايد ضعييف ..كل شي اشوفه مضبضب ..ساعات اقولهم اخاف مرة اكون راقدة وحد يبا يجتلني مااشوف ملامح ويهه عقب :no0:

فـ اسالي الـدكـتور .. اضمـن لج :yes:

موفقة ان شاء الله خيتو
..
.

شوق القلوب

25-08-06 ||, 02:33 AM

.. عــافك الخــاطر ..

و الله الحال من بعضـــه عزيزتي.. :boxed:

بس مووول مب زين اتميـــن طول الوقت بالعدســـات..!!

أذكر في الجامعه كانت ويانا وحده.. مول ما اداني النظارات.. ومن ايام المدرسه كللله تلبس عدسات.. بس يت عليها فتره عيوونها حمـــر من الخاطر.. كنا انقولها ارحمي حالج ما الله كالف تلبسينهم طول الوقت.. آخر شي لما راجعت المستشفى الدكتور منعها من العدسات..و انجبرت اترد تلبس نظاره ..!! :no0:

..

العدسات.. خليهم للمناسبات.. طلعات السوق.. او حتى للجامعه.. بس في البيت ريحي عيونج و البسي النظاره.. لانه العدسه تضغط على اعصاب العين...

وعن سالفه انج ترقدين فيهم.. هي اللي من جونسون الاسبوعيه و الشهريه.. هي عادي يستوي ترقدين فيهم.. وحده من ربعي كانت تلبسهم اسبوع كامل .. ( احس هالشي تعذييييييب :boxed: ) و كمن مره انا جربت أرقد فيهم.. بس ما اتعدى اكثر عن يوم brgll:

بس الاضمن من حيث نظافة العدسه.. العدسات اليوميه.. تلبسينها مره و حده و اتفرينا..

انا من جريب مشتريه منهم.. و جربت وحده طول النهار.. حسيتها مريحه لاني كنت اشتري الاسبوعيه قبل و مرات عقب 5 ساعات وفوق احس انهم يصدعوبي..

..

وفي قطرات يبيعونهم في الصيدليات عن الجفاف... بس يوم بتشترينهم قوليلهم ابا مرطب للعدسات.. لانه مال العيون غير عن مال العدسات..

أوتار القلب

25-08-06 ||, 02:43 AM

آه ذكرتيني بمعاناتي .. والله أرف

النظاراة تطلعلي سواد تحت عيوني يوم أيلس وايد عالكمبيوتر
ف الحين كله أحط عدسات << والله بلشة وماقدر احطهم وقت طويل *عيوني يعورنّي*
أفكر اني اسوي ليزك بس ابويه ما يخليني .. يقول اونه بعدج صغيرة عالعمليات ويتم يخوفني :boxed:

سوري ما افتدج بشي .. بس انا سامعة ان مركز المغربي اوكي

أوتار القلب

25-08-06 ||, 02:45 AM

عافك الخاطر انتي شراتي انا بعد نظري وااايد ضعييييف .. بدون نظارة ولا عدسات ماشوف شي بالمرررررة واذا شفت يكون شرات الشادو .. الله يعين

شوق القلوب

25-08-06 ||, 02:50 AM

.. أوتــار القلـــب..

صدق..! انه النظاره هي سبب السواد تحت العيون..!!

معلومه يديده .. أحيد السهر و هالسوالف هي الي اتسبب هالشي...

..

الليزك.. ينفع للي أعمارهم فوق 21.. يعني في الوقت اللي يستقر فيه النظر تقريباً و ما يتغير وايد...

الظاهر بعدج صغيرونه.. و ان شاء الله بتسوين العمليه و بتفتكيـــن .. :)

حلم الطفوله

25-08-06 ||, 02:57 AM

الحمد لله على نعمة البصر ....صدق الله يعينكم ....حسيت بمعاناتكم

الشوق

25-08-06 ||, 01:47 PM

الله يعينكم يا اصحاب النظارات ...... والعدسات ..
الحمدلله على نعمة البصر ................................. اتمنى لكل اللي شارك في معاناته ويا العدسات والنظارات والعيون وسوالفه انهم يشفوووون .. الصراحه غمضتوني ..
.
.
الغاليه شوق القلوب ..
ااسالي عن دكتور مختص بالعيون
واكتبي لسته كامله بالاسئله اللي في بالج ..
واذا راح يفيدج اتوكلي على الله ...
والسموحه
خويتكم/ الشوق

الشيـــن

25-08-06 ||, 03:38 PM

انا اختي مسوتنهـا
فـ مركز الليزر لطب العيون اتوقع هذا اسمه ..
اللي فـ مركز مزايا فـ دبي ..
و الحمدلله اوكي ..
واختي الثانيه سوتهـااا .. وشوي تمت تدمع عيونها وتحمر
ردت سارتله وعطاها قطرة والحمدلله الحين اوكي .
و ولد اختي سواها بعد ف نفس المكان ..
وماعليج اختي سوت دعايا عند الكل وكل الي ساروا مدحوه .. ههه
ان شالله اكون أفدتــج ..

شمعة أمل

25-08-06 ||, 06:14 PM

طير الحب

27-08-06 ||, 10:21 PM

شوق القلوب...ما انصحج ما ادري ليش انا مش مقتنعه...وعايشين على العدسات...كل مرة اقةل عقب ما تسوي فلانه بسوي ...بس أتراجع وايد سوو وعادي نظرهم صار في وحده سوت في عمان ووحده وثنتين ببانكوك ووحده بمستشفى زايد ووحده بدبي...بس اذا معزمة وايد صلي استخارة والخيرة فيما اختاره الله

الحساس

29-08-06 ||, 06:46 PM

توكلي على الله وسوي الليزك ... ( اليزك هب شرات الليزر)
ونسبه فشله تقريبا معدومه.. وهاي من العمليات السهله والسريعه والي اتيب نتيجه فعالع وفي اقصر وقت

روسيا معروفه رقم واحد في العين من بد جميع دول العالم.. بس بعيده طبعا..

مافي اي اشكال اذا سويتيها بالبلاد لان فيها دكاتره زينين والمعدات موجوده فمايحتاي السفر..

سمعت وايد عن المغربي انه اوكي..

شوق القلوب

29-08-06 ||, 07:07 PM

هلا دكتـــور...

ممم... و الله كنت اتريــا تواجدك في الصفحه...

بس بغيـــت أسأل.. العمليه كيـــف يسوونهــا..؟؟

الشيـــن

29-08-06 ||, 11:25 PM

انا كنت اطري الليزك
اللي الاهل كلهم سووها لـوول ^^

حلم الطفوله

29-08-06 ||, 11:27 PM

السلام عليكم

والله جان بتسوينها بالمغربي بدبي ...بيقولج الدكتورمحمد علي ...عشر دئايئ يا أختي:fa35:

وبعدها تستخدمين قطرات للعين ...وبس وكان الله غفورا رحيما

كل إلي سووها عنده قالولي جيه:yes:

بس أحسن تسإلين عن الدكتور الزائر إلي ايي المركز بين فتره وفتره ...عملياته أضمن:smartass:

بس والله شكلج بالنظارات أحلى:kcl:

قلوب دبي

29-08-06 ||, 11:46 PM

السلام عليكم

على حسب علمي انه في تايلند مستشفى متخصص في العيون
و 3 من هلي سو الهم عمليات في العين اهناك هالصيف و مدحولنا المستشفى
وانا من رايه انه العين شيء مهم و لازم الانسان ما يجازف فيها
انا الدكاتره مانعين عليه انه البس عدسات و ممنوع عليه اني اسوي عمليه الليزك
و الحمد الله انا مقتنع من عمريه صح اتمنى و الامنيات يا محلاتها و اطفر من النظاره
بس شو اسوي ما اقول غير الحمد الله ..
يا دكتور من اسبانيا و فحصني قالي نفس الكلام و بعد فحصني دكتور روسي و نفس الكلام
ولو اهلي ما تلاحقوا عليه وسولي عمليه في العيون بلندن يوم كنت بيبي جان ما شفتوني اهني ..
الواحد ايقول الحمد الله ^_^
ربي يوفقج و يشفيج ولا تستعيلين في امور العيون ..

فركوشه

29-08-06 ||, 11:59 PM

صدق والله يبالنا عمليه بدال هالكشمه اللي ملعوزتنا..:nerd:

أنشودة المطر

01-09-06 ||, 11:36 PM

شوق القلوب :fa35:

أنا اللي أسمعه أنه مركز المغربي اللي في بوظبي هو الأحسن

"دكتور العائلة" دايما ينصح به :yes:

يقول أنه دكاترتهم زينين ما يوظفون أي حد

و أربعة من الأهل سووا عندهم و كلهم الحمدلله ما يشتكون من شي

"مسوين الليزك"

بس أظني بعد العملية بفترة "تقريبا أسبوع" لازم ما يطلعون في الشمس إلا بنظارة شمسية

بس بعد لا تنسين صلاة الاستخارة

و الله ايسر لج ان شا الله

شوق القلوب

03-09-06 ||, 04:02 PM

.. الشــوق ..

تسلميـــلي عزيزتي على مرورج الطيب.. :)
و ان شاء الله ناويه استقر على دكتور.. و اشوف كيف بيكون الوضع..

..

.. الشيــــن ..

مـــاشاء الله .. دام اختج مدحته لكل حد.. اكيد عيل ارتاحت منه..
ان شاء الله .. يبالنا انمر و انشوفه..

تسلميلي ع المرووور ^_^

..

.. شمعــة أمـــل..

شي طيب.. يكون مواطن.. يعني الواحد بيكون واثق منه أكثر.. :yes:

..

.. حلم الطفوووله..

خـــلاص... عشان ما تزعليـــن .. يوم بشوفج بلبس نظاراتي و بجلع عدساتهم.. :harhar1:

..

.. قلـــوب دبـــي..

الحمـــد الله على نعمتـــك يا ربي..
صدقك.. و الله الواحد يستحملها و يقول الحمد الله .. أحسن بوااايد من ناس ربي بلاهم و يتمنووون يكونون على الاقل مثلنا..

الحمد الله يا رب على نعمة البصر.. و البصيره..

..

.. فــركوشــه..

عـــزمي.. و احنا ورااااااج.. :fa34:

..

.. انشــودة المــطر..

صدقج و الله يا اختي.. الاهم هي الراحه من بعض صلاة الاستخــاره..
احس انه التعامل ويا العيون .. شي جداً حســاس.. و ابد ما يباله تسرع..

الله يسهللنا الخير..

تسلميـــن يا عزيزتي ع المرور و الاضافه.. استانست و الله .. :fa35:

ايه احبك

04-09-06 ||, 12:41 AM

Dar el shafa Clinic
04/34353399

yamd7oonah wayad

حلم الطفوله

04-09-06 ||, 01:11 AM

السلام عليكم

شوق نصيحه لا اتسوينها .....خليج عالنظاره والعدسات أحسن ...عبولة يوم ولا نتايج مب مضمونه دوم

والمغربي بدبي لا تسيرين صوبه ... طفح الكيل منهم اليوم :narr:

قصايد غلا

13-09-06 ||, 12:00 PM

أنا ألبس النظاره حق البيت والكمبيوتر لكن العدسات حق الطلعات والمناسبات والمدرسه وأحينه إن شا الله حق الكليه :fa35:

بدلّــع عمري كل يوم بماركه من النظارات حق البيت و العدسات حق الطلعات وبتجاهل سالفة انه النظاره تلعوزني ولا إنّي طفرت من هالشي لأنه هالشي من عند الله :yes: ==> ومن عيون الناس حسبي الله عليهم يوم يقولون : أففففففففف هاي عينكم ولا عدسات ، ياااااااااالله جان هاي رموشكم مب تركيب ولا مستخدمين المسكارا ، احلفوا انكم مب متجحلين؟! :bye2:
من عقب هالرمسه قام يجيسني صداع ونظري يقل(أعوذ بالله من العين والحسد ، واااايد تعقّدت من الحسد:no0:

شو اللي كالفني أسير عند دكتور يهوّن عليه والذاني يهوّل عليه وأزيّغ عمري (أنا يوم أزجّم اخاف أسير المستشفى ، بسيره حق عمليه ؟؟ ==> الله لا قااااااااال)

نصيحه : أختي شوق لا تخاطرين وتسوّين شي مب مضمون

شوق القلوب

13-04-07 ||, 11:05 PM

السلام عليكم..

ولا زال الموضوع في دائره البحث..

..

بسألكم.. حد سمع عن دكتور اسمه علي زاده ؟؟

الارستقراطيه

13-04-07 ||, 11:29 PM

عزيزتي شوق القلوب،،

توي سألت عن الدكتور وقالوا اسمه حسين زاده مب عي زاده ،، وقالوا عنه واااايد شاطر ،، بس انا ما جد مره سرت له ،،
انا سرت عند دكتور في دبي اسمه محمود حقي ، دكتور ايراني هو وحرمته ماسكين العياده ، بصراحه وايد يمدحونه ، وهواول شخص يشخص حالتي صح (( مالي علالالالالالالالاج ابداً :boxed: )) وعمتي من زماااان تتعالج عنده،،
اذا تبغين رقم العيادة حاظرين للطيبين ،،
والله يعطيج العافيه ويسلم عيونج :k_puppyeyes:

شوق القلوب

13-04-07 ||, 11:33 PM

انت كريمه و احنا نستااااهل يا الارستقراطيـــه .. ^_^

الارستقراطيه

13-04-07 ||, 11:44 PM

الدكتور محمود حقي
اخصائي أمراض وجراحة العيون
تليفون 2229181
ص. ب 4822
دبي
أ.ع. م

((كوبي من العنوان الي على بطاقتي ))

عمة العيم

17-04-07 ||, 11:06 PM

لا تسيرين مكان

هني في دبي في جميرا

اسم المكان المركز الطبي

في دكتور لبناني اسمه ماذكره بس اسمه الثاني جراده....شي جراده

اختي سوت عنده

و النتيجه 100%

و قبل اختي ريلها مسوي...

و عمليه بسيطه جداً

(^_^)
...