المساعد الشخصي الرقمي

مشاهدة النسخة كاملة : دياكيه مواطـــن !


كـلـكـلـووش
21-08-06 ||, 03:03 AM
الســلام عليــكم

وصــلني خبر اكيــد بنســبة 80 % ان ابراهيم دياكيه تم تجنــيسه ..

و التجنيس تم من اتحاد الكره مش من نادي الجــزيـرة .. و اللي عرفته ان تم اعطائه الجنسيه فــعـلا .. !!

بس خاطري اعــرف .. ليش هالقــرار ! ليش يـــطلع مثــل هالقرار و نحن تونا فراحنين بعــيال بــلادنا و هم فايزين على الاردن .. ليش ما نعطي هاللــعيبه فرصــتهم و هم وعدونــا بالنتــايج الطيــبه !

فـتتــحنا باب و ما اعتقــد انه بيتســكر ! اليوم دياكيه و باجر غــيره !

الله المســتـعان من اليــاي ..

و اتمنى اتمنى اتمنى ان يكون الخــبر مش صحيح .. و الـ 20 % اتكون هي الصحيحه ..

هاردلك لكرة الامارات ..

ســلام
كـلـكـلـووش
راعي الزعـامه
21-08-06 ||, 08:24 AM
طبــعا لو كـان هالخبر صحيــح ،، فأنـا اشوفهــا خطوة مثل مــاقلت بتفتح أبــواب كثيـرة .. وهالأبــواب نحن ما نبــاها تنفتــح عندنا في الامارات ،،
دياكيه لو اتجنس ما بيكون أول لاعب يتجنس في الامارات .. فمثال على التجنيس أذكر أحد لاعبي منتخب الامارات لشباب الطائرة كان افريقي مجنس .. يعني هالشي مب ايديد على الرياضة عندنا ..
ليـــش نلجأ للتجنيس .. بعــض الناس يقولون شوفوا فرنسا .. المانيا .. انجلترا كلهم جنسوا لعيبة و شوفوهم هم في مقدمة المنتخبات العالمية حاليا ..
لكن اللي سووه هالدول هو تجنيس لاعبين ترعرعـــوا في البلاد ويعرفون اللغـــة والعادات ..
أمــا تجنيس لاعب ما يعــرف النشـــيد الوطني !!
صح انه بيخدم المنتخب بشـــكل كبير .. لكن شو عــن اللعيبة الشباب اللي يتـــريوون فرصــــهم ..
نحـــن نبا انجنس عشان نوصـــل لمستوى المنتخبات العالمية .. و هالشي ما بيتحقق بالتجنيس .. الخلل هني هو تنشئة الاعبين من بدايتهم .. الانظمة هني غلط ،،
الحل هــو احتــراف لاعبينا في الخارج ،، هالشي بيرفع من ليــاقتهم و مســتواهم الفني ،، والا اصلا ما في فرق بينا وبين الدول المتقدمه الا التنشئـة السليمة ،،
وديـــاكيه لو اتجنس ،، انتظروا بعده الكثير و الكثير من الاعبين المجنســـين !!
ولد الحكومة
21-08-06 ||, 08:52 AM
وعليكم السلام ،،
والله توني اسمع منك هالخبر يا كلكلوووش :nono: وصدق جااان انصدم ...

شرات ما جنسوا العنزي .. بيكون شيء عادي لو جنسوا دياكيه .. بعدين بيلعب في المنتخب أو النادي أو كيف :fa36: ؟؟

اذا هذا التجنيس بيخدم المنتخب احنا راضين عليه بس اذا بيخدم نادي الجزيرة بيخلق نوع من الحساسية بين اندية الدولة والكل راح يجنس ع كييفة.

في قطر عندهم مشاكل والسبه التجنيس .. وين عيال بلادهم ماعرف:fa36: ؟؟


تسلم شيخي عالموضوع
كـلـكـلـووش
27-08-06 ||, 08:44 PM
طبــعا لو كـان هالخبر صحيــح ،، فأنـا اشوفهــا خطوة مثل مــاقلت بتفتح أبــواب كثيـرة .. وهالأبــواب نحن ما نبــاها تنفتــح عندنا في الامارات ،،
دياكيه لو اتجنس ما بيكون أول لاعب يتجنس في الامارات .. فمثال على التجنيس أذكر أحد لاعبي منتخب الامارات لشباب الطائرة كان افريقي مجنس .. يعني هالشي مب ايديد على الرياضة عندنا ..
ليـــش نلجأ للتجنيس .. بعــض الناس يقولون شوفوا فرنسا .. المانيا .. انجلترا كلهم جنسوا لعيبة و شوفوهم هم في مقدمة المنتخبات العالمية حاليا ..
لكن اللي سووه هالدول هو تجنيس لاعبين ترعرعـــوا في البلاد ويعرفون اللغـــة والعادات ..
أمــا تجنيس لاعب ما يعــرف النشـــيد الوطني !!
صح انه بيخدم المنتخب بشـــكل كبير .. لكن شو عــن اللعيبة الشباب اللي يتـــريوون فرصــــهم ..
نحـــن نبا انجنس عشان نوصـــل لمستوى المنتخبات العالمية .. و هالشي ما بيتحقق بالتجنيس .. الخلل هني هو تنشئة الاعبين من بدايتهم .. الانظمة هني غلط ،،
الحل هــو احتــراف لاعبينا في الخارج ،، هالشي بيرفع من ليــاقتهم و مســتواهم الفني ،، والا اصلا ما في فرق بينا وبين الدول المتقدمه الا التنشئـة السليمة ،،
وديـــاكيه لو اتجنس ،، انتظروا بعده الكثير و الكثير من الاعبين المجنســـين !!
اخوي منتخب الامارات للشباب ما في و لا لاعب مجنس .. اعتقد انت قصدك تراوري .. اللاعب اللي شعره طويل و اسمر .. هذا مش مجنس .. هاللاعب يلعب في النادي الاهلي .. و هو مواطن ... بس الشباب يلقبونه بتراوري لإنه يشبه محترف العين السابق تراوري .. لكنه مش مجنس ..

و اذا عن تجنيس دياكيه امسات تلاقيت مع محسن مصبح .. يقول دياكيه بيجنسونه لكن في شي ماسكنهم عن التجنيس الله اعلم شو هو .. و اذا تم تجنيس دياكيه فأكيد سانجو بيكون وراه .. لإنه عاش اكثر من سنتين في الدوله و لين الحين ما انضم إلى منتخب بلاده ..

التجنيس له سلبيات .. و لازم نقارن سلبياته مع ايجابياته .. و اعتقد ان الايجابيه الوحيده هي جلب البطولات ! لكن شو السلبيات اللي بتتبعها !

الله يكون في العون ..
كـلـكـلـووش
27-08-06 ||, 08:48 PM
وعليكم السلام ،،
والله توني اسمع منك هالخبر يا كلكلوووش :nono: وصدق جااان انصدم ...

شرات ما جنسوا العنزي .. بيكون شيء عادي لو جنسوا دياكيه .. بعدين بيلعب في المنتخب أو النادي أو كيف :fa36: ؟؟

اذا هذا التجنيس بيخدم المنتخب احنا راضين عليه بس اذا بيخدم نادي الجزيرة بيخلق نوع من الحساسية بين اندية الدولة والكل راح يجنس ع كييفة.

في قطر عندهم مشاكل والسبه التجنيس .. وين عيال بلادهم ماعرف:fa36: ؟؟


تسلم شيخي عالموضوع

العنزي حالته استثنائيه .. لإني اللي سمعته انه متزوج مواطنه و كان عايش بين قطر و الامارات .. و بعدين هو لاعب في منتخب قطر .. يعني استحاله يلعب مع المنتخب .. و غير هذا .. العنزي لاعب واشك على الاعتزال ..

حتى لو يخدم المنتخب يا خوك .. ما نبى هالتجنيس .. لعيبتنا فيهم الخير .. و اذا تكسنا لفتره .. لازم بيي يوم و بنرجع فوق مره ثانيه ..

ســلام
الوحيدة
29-08-06 ||, 04:59 PM
ما ادري الصراحه بس قريت في جريده الامارات اليوم أن دياكييه ينكر هالشي .. الصراحه مب متأكده لاني ما إهتميت للموضوع .. بس اذا الخبر اكييد بنتحر ..

والله لعيبتنا فيهم الخير وما قصروا صح انهم خذلونا واايد بس بعد فيهم الخير وهذا يقلل من شخص اللاعب المواطن وبدال لا يعطيه دافع بينقص من معنوياته ..

انا من أشد الرافضين لفكرة التجنيس .. بس أأأأخ لو لي راي وقرار جان لغيت هالشي وشليت هـ الفكرة من بال الكل ..

بالتوفيق للكل .. وشكراً لكلكلووش .. !
كـلـكـلـووش
09-09-06 ||, 10:43 AM
http://img201.imageshack.us/img201/9538/dyakyno4.jpg

دياكيه فــعــلا اســتــلم الجــواز و الجنســيـه , , و اصــبــح إمـــاراتــيــا

و يا قــلـبي لا تـحــزن !
قرموشة
09-09-06 ||, 02:30 PM
لا بالله رحـنــا !
مـره وحـده يعطونـه الجـوااز والجنـسيه !
مجموعة إنسان
09-09-06 ||, 02:38 PM
شو يعني لو اتجنس ؟؟
المهم بيلعب في المنتخب وبيساااعد الشبااااب ..
انا مع هذا القرااار ..
قطر جنسوا وخذوا كاس الخليييج .. في حد قااال ان منتخب السنغال اخذ كاس الخلييج ..
لا قالوا ان منتخب قطر اخذ كاس الخلييج ..

وانا اشوووف ان هذا اللاعب زييين وبيفيد المنتخب وااايد ..
صدقوني شبابنا امباراة بيلعبون اوكي ومباراة لا ..
كـلـكـلـووش
09-09-06 ||, 03:11 PM
شو يعني لو اتجنس ؟؟
المهم بيلعب في المنتخب وبيساااعد الشبااااب ..
انا مع هذا القرااار ..
قطر جنسوا وخذوا كاس الخليييج .. في حد قااال ان منتخب السنغال اخذ كاس الخلييج ..
لا قالوا ان منتخب قطر اخذ كاس الخلييج ..

وانا اشوووف ان هذا اللاعب زييين وبيفيد المنتخب وااايد ..
صدقوني شبابنا امباراة بيلعبون اوكي ومباراة لا ..

حبيب قلبي ..
السالفه مب سالفة نتيجه . . او سالفة بطوله . . او سالفة فوز و فرحه
السالفة سالفة مبدأ قبل كل شي .. تخيل انت دياكيه تعور .. منو بيكون البديل ؟ تتوقع بعد المجنس ايي المواطن ! شي مش متوقع .. اكيد بيي غيره مجنس .. و بعد ما يستوون ثنين و بعد ما نادي الجزيره جنس دياكيه .. تتوقع نادي الوحده ما يطالب بالتجنيس ؟ العين ؟ الاهلي ؟
كل نادي بينقز و بيقول ابى اجنس لاعب ..

أولا يا خوي نحن عندنا خلل في التركيبه السكانيه .. عندنا فئه اسمها بدون لين الحين ما لقينا لها حل !! .. و الحين تطلع فئه جديده اسمها مجنسين !

و اذا قطر خذت كأس الخليج بالتجنيس ترى الكويت خذتها 9 مرات بلاعبيها و السعوديه خذتها 3 مرات بلاعبيها ..

و اذا عن شبابنا يلعبون مره اوكي و مره لأ .. ترى إذا نحن ما بنثق بشبابنا .. تبانا نثق بأفريقي مجنس ؟!؟؟!

ما قدرت تثق بولد بلادك .. بتثق بولد افريقيا ؟

نحن بدينا بالاحتراف و ماشين صح .. ليش نخرب و نجنس !!

بس السؤال الحين .. منو بيي بعد دياكيه ؟
عفاريتووو
09-09-06 ||, 03:38 PM
السلام عليكم

يالله !! مادري لين متى بنتم عايشين بهل عقلية و هل تفكير
ماشي ثقة بعيال البلاااد موووليه
لازم يدخلون الاجانب في كل شي عشان يحسون بالامان !!

اخاف باجر منتخبنا يصير شرات منتخب قطر

قهرني هالخبر واييييد :no0:
شوق القلوب
09-09-06 ||, 10:27 PM
الســـلام عليــــكم..


يا ســـلام... والله ورحنـــا !

والنعم باللي سووه.. يعني هذا بدل لا يطورون من قدره لعيبة البلاد اييبـــولهم واحد و يجنسونه..

و طبعا الكل بيستهوي هالسالفه.. و يلا .. افتحوا الباب حق كل حد...

يعني بروحنا كشعب ضايعين في هالعماله الوافده في بلادنا.. هالمره بيخلطونهم فينا ..!!

..

هالنادي و المسؤوليـــن.. ما همهم بلادهم.. بس تفكيرهم منحصر في فوز نادي أو منتخب .. و خسارته..

يحسبون انه جي بيرتفع علم البلاد..؟؟

و هالمواطن اليديد بيكون مخلص لوطنه اليديد...؟؟

مساكيــــن... شبابنا يفرفرونهم على الحدود.. وفي حقول الالغام.. ومحد مفتكر .. و بكل سهوله اييبون الغريب و يقولوله اطلب و اتمنى..

...


قهـــــــــــــــــــــــ ـر .. :narr:
ألم ترى
10-09-06 ||, 11:15 PM
بسم الله الرحمن الرحيم ..

صح إن التجنيس يلعب دور لكن ف الامارات اعتقد لأ ! ..

احيد من فتره نزل قرار بأن ما يجوز المواطن ياخذ وحده من برع البلاد ..

وإذا خذ من برع ف بيسحبون جوازه وبيفنشونه من شغله ..

اونه السبب نسبة العنوسه والتركيبه السكنية ف الدولة ! ..

نحن ما بنستعيل وبنشوف شو اللي مستخبي إذا الله مد بعمارنا ..

بحفظ الله ..
الوحيدة
10-09-06 ||, 11:21 PM
والله قهههههههههر .. شوووو هاااااااااا .. انقهرت يوم شفته في جريدة الخليج ولا بعد مسويين له استقبال حااااار ..

بس يالله الله يستر .. وربي يصبرني ويعيني .. !!
إسهر معي ليله
11-09-06 ||, 12:31 AM
وفرحانين فيه بعد... !

طلعوا قوانين عالمواطنين اللي خذوا اجنبيات
طلعوا قوانين عالمواطنات اللي متزوجات اجانب
ناس قبل الإتحاد هني وما حصلوا جوازات بس !

هذا حصل الجواز والجنسيه مره وحده!.. شي غريب والله

ما بنطلع خارج الموضوع.. لأنه رياضي.. والسموحه
كـلـكـلـووش
11-09-06 ||, 07:33 PM
http://img245.imageshack.us/img245/9594/fghnu9.jpg

ســـامــت الــولــد :boxed:
مــهــابه
11-09-06 ||, 07:46 PM
لاتحســدون الريــال ع رزقــه
ع الأقـل هذا سوالنــا شي ، او بيسـوي لنا ان شاء الله

غيــره راقديــن فـ بيوتهم وعندهم الجواز والجنسيـــه
عـــادي..

بس في اعتقــادي انهم درســوا الموضوع قبل لايسوونه
شرجاوي
11-09-06 ||, 08:10 PM
اي دراسه اللي تتكلمين عنها ؟؟؟

ما سووا دراسه عن اللي انولدوا فهالبلاد من 40 ولا 50 سنه و ما شموا ريحة الجنسيه و واسطه صغيرونه و هالافريقي استوى مواطن .. والله ما يستحقها لا هو ولا غيره
الحساس
11-09-06 ||, 08:12 PM
ان الله يرزق من يشاء ..



...

تدرون شو .. لا تعورون راسكم ..

سمعوا هالاغنيه وريحوا اعصابكم...

Rapido y Furioso (Reto Tokio)-Teriyaki Boyz
ألم ترى
11-09-06 ||, 10:03 PM
بسم الله الرحمن الرحيم ..

هههه يا جماعه حرام عليكم والله ! ..

ليش معورين راسكم ؟ ..

نحن ف دولة مش الدولة فينا وهي لها الحق ف كل خطوه تتخذها ..

ونحن شعب ولازم تقول رأينا ولكن الشيء صار وكلامنا ما بيودي ولا بييب ! ..

والسموحه خلاني :kcl: ..