طلااب وطالباات جامعة الإمارااات .. محتااجه لكم ..!!

[شهوووودة الأمورة]

السلااااااااام عليكم ورحمة الله وبركااااااااته .. شحالكم عساكم الا بخييير :fa35:


ممم بخبركم بسالفتي :harhar1:

الكوورس اللي طااف استأجرت لاابتوب من الجامعه .. لأني كنت محتاجته لمتطلب عندي في الخطه الدراسيه .. وفي نهاية الكورس ردييته لهم .. وقالوا لي تبين اللابتوب الكورس الياي ولاا ؟؟
أنا قلت لهم لاا مش محتاجه .. بييب من خارج الجامعه ..:yes:

وفي الصييف استوت عندي ظرووف وما قدرت اني أشتري لاابتوب من بره .. :no0: :no0:
فقلت خلااص بشتري من الجامعه بالأقساااط..
( يستوي اشتري بالاقساط ولاا ؟؟؟ :kkk: أبا اعرف الكوورس الياي محتاجه لابتوب ضرووري )..

انزيين الجامعه لييش تاخذ دبل ؟؟ :kkk:
يعني قيمة اللابتوب من بره أرخص من دااخل الجامعه .. :kkk:

انزيين النوعية اللي نستخدمها اهييه (DELL ) .. يعني نوعيته زينه ولاا؟؟:kkk:

اختي تقولي اشتري من بره الجامعه أحسن لج وشي نوعيات أحسن من نوعية دل.. ونوعية ( دل) مش واايد زيينه ..:kkk:

أبوي يقولي لأ .. اشتري لج من الجامعه أحسن و أضمن لج .. البرامج بتكوون موجوده و البرمجة مالت الوايرلس بعد بتكوون موجوده .. :yes:

يعني الحيين شو الحل برايكم .. محتارة أنا ..:sadwalk:

اتصلت للجامعه عسب يدبرولي لابتوب .. قالت لي تعالي بداية الكورس وقولي لهم ..
قلت لها انزيين أنا محتاجه للاب من بداية الكوورس .. وبدبرولي من البدايه ؟؟ :kkk:

قالت انا ما عرف في سوالف الابتوبات تعالي بداية الكوورس عند موزة الكتبي لأنه اهيه الحينه ماخذه اجازة واهيه المسؤوله عن الابتوبات ....

فشوو الحل الحييين برايكم .. ؟؟
محتارة أخاف من بداية الكوورس ما يدبرولي لابتوب :no0: :no0:

أبا نصيحتكم يا طلااب وطاالباات جامعة الامارات :fa35:

[المزيوونه]

وعليكم السلام والرحمه ..

هممم شهووده اذ كليتج تربيه - هندسه - اي تي - اداره .. فأصلحلج تاخذين اللاب من عندهم
مب عشان انه لابتوباتهم اوكي .. بس عسب تضمنين .. تعرفين نظام امتحاناتهم اليديده .. وهم
مستنذلين اشووفهم .. لان لو اخترب عليج اللاب وانتي فامتحان اون لاين وكان اللاب مب من عندهم
والله يقولون مشكلتج.. لكن لو اللاب من عندهم بيكون لج وضعيه ثانيه ..وبعدين لما بيخترب وجيه عليهم التعديل ..

لكن اذ انتي اي كليه ثانيه سوي شراتي وفكي عمرج وخذي من برع الجامعه .. حتى لو بالاقساط
ولا يقصون عليج جامعتنا ويلهفون بيزاتج ..

وعن سؤالج .. هي ياخذون بالاقساط هم .. واحس عادي من اول يوم اداومي فيه راجعي المبنى اليديد فوق عند مال الانشطه وشوفي شو بيقولون لج .. واذ مب المبنى اليديد سيري صووب الصاله الرياضيه
وركبي فوق الطابق الاول اظن بتلقين موزه الكتبي ورمسيها عن اللاب..وعلى طول بتقولج هاتي الدفعه
الاولى وبتاخذين اللاب بالباجر .. سهله العمليه خخ ..

وان شاءالله تنحل مشكلتج ..

اي استفسار ثاني؟؟
حاظرين للطيبين

وحيهم ^.^

[جيز كيك سنيكرز]

شهوده يعينج الله

اتمنى يفيدونج الاعضاء

بس لو حاطه الموضوع في واحة الجامعات والمدارسه

مــوفقـه ان شاء الله

[شهوووودة الأمورة]

مزيوونووه .. أم غماازاات حلوة :harhar1: ( افف أغاار منج أبا غمازاتج :harhar1: :fa35: )

انزين أنا كليتي ( كلية الأغذية والزراعة) والابتووب ضرووري واايد عندهم ..يعني برايج اشتري من الجامعه ؟؟:kkk:


وهييه صح الكل يقولي لو كان عندج امتحان واخترب لاابتوبج وانتي مشتريه من الجامعه عاادي بدبروون لج بعديين.. بس اذا ماخذته من بره فذييج السااعه مشكلتج :boxed: ..

وتسلمييين ام غمازات .. :fa35:



نسيتك.. مرحبابج اختييه .. الله يكون في عوون الجمييع :yes:
وانا حطيته في هالواحه لأنه شي يخص الأجهزة .. مادري حسييت انه مكان الموضوع هنييه أنسب له من وااحة الجامعات والمدراس:yes: .. وتسلميين حبوبة ع المروور :fa35:

[المزيوونه]

شهوووودوووه خخخ اخاف اني انش فيوم من الايام وما القاااهن ها الغمازات..
كله من عيووونج:harhar1:

همم اذاجيه توكلي وخذيه من عندهم .. لان بعد في برامج بتحتاجينهم ما يطيعون ينزلونها
الا ع لاباتهم ..
وشدي الحيل خيتووو :fa35:

[شهوووودة الأمورة]

:harhar1: :harhar1: :harhar1:


فدييتنتي والله عيووني باارده :fa35: خخخ لاا تخاافيين مب حاارة شراات عيونج :harhar1:

ويااالييت يطيييرن هالغماازات وييين فيني .. :fa35: :fa35: ( أحلام فقااره :boxed: )

وشكلي خلااص بشتري من عند الحرااميه اووووه :nono: أقصـــــــــد من الجامعه .. والله يوفق الجميييع ان شاء الله :smartass:
.. تسلمييييييييييييين حبوبة ع الرد :fa35: :ice:

[خيال الحب]

لو تبين تشترين لاب توب من الجامعه وانتي بعدج مكمله في الجامعه وعندج مساقات كثيره يحتاج لها لاب توب

انا انصحج تشترين من الجامعه

الجامعه تضمن لج اللاب توب 4 سنوات
اي عطل فيه يصلحونه وببلاش
شوتبين اكثر عن جيي

بس لو انكسرت الشاشه ولا كسرتي الكيبورد طبعا انتي تصلحينه وبنص القيمه بعد

يعين شاشة اللاب توب لو كسرتيها تصلحينها ب80 درهم بس ... هاا وين بتحصلينه بعد

من غير اي برنامج تبينه تقدرين تنزلينه من الجامعه وببلاش

فانا نصيحتي تاخذين مال الجامعه

ولو كان عندج مساق بس يحتاج لاب توب

ما يحتاي تشترين
روحي عندهم وخبريهم انج تبينه اعاره وخلاص

على طول بيعطونج اياه

بس احسن من الحين تتصلين فيهم وترتبين
ولو في اي شي

نحن حاضرين

وام غمازات ما قصرت خخخخخخخ

[العيناويه]

اذا عندج بس مساق واحد ,,, خذي اعارة او اشتري من برع ترى صح الجامعه يعطونج ضمان بس هب اي برنامج ابا انزله ينزلولج اياهن ,,,
خربلات المهندس الي عندنا ,,
قلتله نزلي الشامل مافيه اوديه محل الكمبيوترات عسب انزله ,,, قاليليه لاااااااااا ,,,
انا انزل برامج الجامعه وبس اي برنامج ثاني تنزلينه انتي مسؤوله عنه ,,,
اذا انتي هب من الكليات الي يبالهن لاب توب ,,, انصحج تطبين كمبيوترات الجامعه ,,,
تراهن خرابه والله ,,,
من اخلص من الجامعه ان شاء الله بفره الكمبيوتر الي عنديه بطول ايديه ,,
وباخذلي غيره احسن وارخص ,,,

السموووووووووووووحه
عيناويوووو طويلة العمر

[شهوووودة الأمورة]

خياال الحب..
.. وأنا اتصلت للجامعه وقالولي تعالي الجامعه ويصير خيرر.. وان شاء الله بشتري من الجامعه اذا الله اراد .. تسلم أخوي ع الرد وما قصرت


العينااويه .. تسلم حبوبة ع الرد وما قصرتي .. وانا كليتي محتااجه اللابتوب ضروري عسب جي نوييت اشتري من عندهم ..

[ماوحشتك]

هلاا

تعالي من كتى بخبرج وما اشوفج


احين بيغيروا الابتوبات

وبيكونن توشيبا ( تابلت ) تقدرين اتشخبطين

وو وجييييي بيكون سعره 7267 درهم خخ عاد ما ادري ليش ال سبعه وستين ! ؟

وشاشته تفتر ! خخ يوم ياايبنه ايراونه لنا قاعدين يشخبطون لنا ويفرون الشاشه وروحوا
يحسبونا يهال عسب نستانس خخخخ

الحمدلله اهم شي غيرولنا الماركه ويابولنا واحد مثل الناس ؟



زين فادة حنه هيج السنه والبنات خخخ

[دانة حتا]

شهودة انا نفس كليتج وقالو لي لازم من الجامعه
ومارضوا بالاقساط قالو عن طريق البنك
اونه البنك يدفع لهم كاش وانتي تدفعين للبنك بالاقساط
بنشتري سيارة مش لاب توب
والنوعيه دل والسعر 6500

ع العموم انا رحت لموزه محد مكانها سودانيه وقالت لي تعالي يوم الاحد
(وانا احتاج اللاب الحين عشان مساقاتي)
شهودة لا يكون انتي بكلاساتي وانا ما ادري؟؟؟؟!!!!

[شهوووودة الأمورة]

ماوحشتكوووووه يالقااطعه .. حلوة ماركة توشيبا .. وزين انه غيروا لكم الماركه .. بس نحن جامعتنا تتطلب ماركة دل .. موفقه حبوبة وشدي الحييل .. وما وصييج

دانة حتا .. والله انتي بنفس كليتي ..
تدرين انا يوم رحت عند موزة الكتبي قالت لي روحي عند رقشااء ( السودانية) .. فيوم رحت لها وقلت لها اني بشتري الابتوب بالأقسااط .. قالت لي اذا شريتيه بالأقسااط وخلاال سنتين بتدفعين قيمةاللابتوب كأنج دافعه قيمة لابتوبين يعني 12000 ( بسبت الفواايد اللي عليه عسب جي دبلللل )

قلت لها انزين واذا دفعت خلال 6 أشهر .. قالت بيكون عليه فواايد بس مش واايد ..
وانا خلاااص خبرت ابوي وقاالي خلاص بنشتريه كااش .. اسبووع اليااي بستلم الابتووت

وهييه صح قيمة اللابتوب 6396 اهيه جذي قالت لي ..

دانة حتا والله يمكن أكوون بكلااسج لييش لأ ..

[دانة حتا]

اهااااا جذا السالفه يعني
زين انا باخذه عن طريق البنك وعقب شهرين بعطيهم الدفعه الباقيه
بعطيهم كامله ... اذا كنتي بكلاسي بدورج عقب باجر
استانست الحين الكل كان يقول كليتي مب حلوه

[شهوووودة الأمورة]

لاا ما علييج كليتنا حلوة .. ولاا تسمعيين كلاام غيرج تراهم يحبطوونج .. اهم شي انج وااثقة من كليتج ومن التخصص اللي داخلته او اللي بتدخلينه .. يالله ان شاء الله اشووفج اذا كنتي بكلاسي .. سي يووو

[ماوحشتك]

بس غريبه ؟؟ المفروض ايغيرون لكل الجامعات ؟؟
ولا نحن ما الكليات سبشل :)

يالله اهم شي غيرولنا :؛ خخ