المساعد الشخصي الرقمي

مشاهدة النسخة كاملة : صلاله 2006



عيون الدخيل
14-08-06 ||, 01:50 PM
هذه مشاركتي الأولى بمناسبة افتتاح واحتكم الجميلة

وهي صور لصلاله صورتها لما سافرت السنه 2006

اتمنى تعجبكم
http://upload.bindubai.com/download/uae_echo/Picture015.jpg
بحرهم عجيب يا جماعه وروعه بس مش حق السبوح لأنك ممكن تروح فيها!!!!

http://upload.bindubai.com/download/uae_echo/Picture150.jpg

عين عندهم يسمونها صحلنوت اللي لفت نضري فيها السمش !!!

http://upload.bindubai.com/download/uae_echo/Picture058.jpg

وادي يسمونه دربات وادي خضاره يبهر العين !!!
http://upload.bindubai.com/download/uae_echo/Picture057.jpg

وادي دربات متيمع فيه الماي :kcl:

http://upload.bindubai.com/download/uae_echo/Picture116.jpg

شير الناريل اللي تشتهر به صلاله :fa35:
http://upload.bindubai.com/download/uae_echo/Picture082.jpg

هذ الصوره من منطقه مرتفعه يسمونها عتير فها المنطقه تشوفون البحر من فوق مع الخضار منظر عجيب ؛؛
السموحه يا جماعة اذا الصور مضببه شوي ما ادري هو الجو ولا كامرتي الدجتل :kkk:

بس اللي لفت نظريه انه هل الامارات تارسين البقعه هناك وشبابنا الله يهديهم حتى في صلاله مشاكسين ومشاغبين @ ويقحصون ويلات !!!!:cop:
__________________

http://www.9q9q.org/index.php?image=FU0ILGJhfZ1W
@عيون الدخيل@

أمواج
14-08-06 ||, 02:10 PM
خـــاطري اسـير صــلاله والله . . .
كــلٍ يمدحــها . .
تسلمين على هالصور الحلوه إختيه
.
.
:kcl:

مجموعة إنسان
14-08-06 ||, 02:13 PM
واااااو
والله حلوه صلاااله ما اتوقتها جذي !!
بس يقولون كلها بعووووض...!!

ثااانكس عيون الدخييييل على الصور

بحر الموده
14-08-06 ||, 03:26 PM
مرحبا والله

يسلمووو خيتوو على الصور الحلو صراحه صلاله حلوه وايد
انا رايح لها من كم سنه اتمنى ازورها مره ثانيه لووول المشكله لى فيها ناقصتنها الخدمات وايد
قلة الفنادق والغلا الزايد لى صاير هناك .. الشوارع مشكله ضيقه .. والباعووض الله المستعان حشره صغيره وخطيره ... ومشكووره

خيال الحب
14-08-06 ||, 03:41 PM
عين عندهم يسمونها صحلنوت اللي لفت نضري فيها السمش !!!


zzzzzzz

شو يعني سمش؟

u mean fish?

ومشكوره ع الصوور العجيبه,,


الكل يمدح صلاله السنه,, لانهم حولو اتجاهم من لبنان وسوريا لصلاله .. وحليلهم

انامل
14-08-06 ||, 03:46 PM
يا سلام:kcl:
منظر جميل فعلا جنه
خليجنا يا كثر المناطق المبهرة فيه
بس للاسف غافلين عنها
عيون
تسلم عيونج وكامرتج اختي
الصور واضحه والتعليق طيب
اقول
ماشي حلوى وبخور واليقط اللي أحبه:ttmasha:
مشكوره ع الصور
وحيالله بعيوووونج وبعيون
كل الود
مساء جميل كصلاله
عفوا
هل لاسم صلاله معنى ام مجرد اسم!!

الشحية
14-08-06 ||, 03:46 PM
ولا مرة رحت لهـــــــــــا ..
بس يقولون طبيعتهــــــــــــــــا حلــــوة ..

صدى جوفي
14-08-06 ||, 04:43 PM
~ حلوة صلالــة ~

كان فخــاطري نروح لها هالسنــة بس شوابنــا مب طايعين :no0:

~ تسلمين ع الصور الجميلــة والمنــاظر الأجمل ~
عيون الدخيل
:fa35:
.
.
صدى

هزاايم
14-08-06 ||, 04:58 PM
الله على صلاله و جو صلاله وهواااها وخضرهااا:fa35:
يا الله تشرح الخااطر,,يبيلنا سيره لها
ياابوج سلمت يمنااج,,ذكرتينيه بأياام الأوليه,,كل صيف لابد لنا ننزل لها:fa34:
سلمت يمنااج عالصور لامضببه ولاحااجه غاوياات لاهنتي عليهن
مرحبابج يالشيخه

قرموشة
14-08-06 ||, 05:00 PM
مـا جـد ســـرت صــلالــه بس في خـاطريه أسيرلهـا مـن كـثر ما يمدحـونــها
تسلمـين عـ الصــور
عيبتنـي الصـورة الثانـيه .. واايد حـلوة الصراحــه :)

عيون الدخيل
15-08-06 ||, 10:20 AM
اتمنى للي ما سار صلاله يسير انشاالله وهي حلاتها في شهر 8
وبالنسبه للبعوض ما شي بعوض بس فيه حشره صغيره يسمونها( كت)
هذي موجوده بس في الاماكن اللي يتيمع فيها الماي ^_^
وانتي يا أنامل بعدين بتفاهم معاج @_@

تحياتي للكل
مع كل الود

منــاوي
15-08-06 ||, 12:28 PM
.
.
رووعه ما شاء الله المناظر
والله انا بعد فخاطري اسيرها
تسلمين اختي عـ الصور وما قصرتي
.
.
:)

تنينه
16-08-06 ||, 09:06 PM
روووعه الصــور ^_^" ,, تسلم أاناملج الغالـيه ,,

حتى انا والله بخااطري أسيرها صلاله :/ ,,


دمتي بود

تنيييينه

المزوحي
16-08-06 ||, 09:17 PM
انا سرت لها مره في حياتي .... يوم صغيروني ... في خاطري ازورها

راعي الزعـامه
16-08-06 ||, 09:21 PM
صور حلوه ،،
واتولهنا على صلاله من زمان ما سرنالها
مشكووره اختي :)

أمرين
16-08-06 ||, 09:27 PM
انا اخوي راد من اسبوع

اسميها حلوة

هو بعد متصور هناك ... الارض كلها خضره


تسلمين حبوبه عالصور

دلع امونتي
17-08-06 ||, 11:14 PM
تسلمين حبيبتي عالصور

^_^

مب جنكم كلكم تبون تروحون لها خلاص حددو اليوم وانا وياكم >>اخطط كيفي:fa34:

وايد متحمسه حليلي خخخخخخخخ

الاسطوري
18-08-06 ||, 06:10 AM
السلام عليكم ..

ماشاء الله مناظر روعه بس حرام ماصورتي أكثر ،، مريت صلاله خطافي
هالصيف وصدق تفاجأت انه ماشي بعوض مثلما كل الناس
تقول وأظن لأنهم يستخدمون بعض المبيدات
لفترة المهرجان وبصراحه فيها
مناظر روعه وتستاهل الواحد يروحها وصارت لنا مواقف هناك (لانحسد
عليها) أقرب للمغامرات وغير درب ضلكوت الجبلي المهلك
بس عادي شباب ندبر أمورنا ولا
تحريمنا من يديدج
:yes:

الاســـطـــوري
أخوكم

الشوق
18-08-06 ||, 06:59 PM
خاطري اسيرها
والله يمدحونها بس ماادري ليش الاهل ما يعزمون ع السيره
.
.
.
في النهايه ..
اشكرج يالغاليه ع الصور الغاويه . ترها اتسر النظر
والتصوير جدا جميل وراقي
خويتج/ الشوق

دمعة شوق
19-08-06 ||, 04:06 AM
:nono:
يالله ياحر قلبي حراه
محلى صلاله وفديت صلاله انا
ياحسـافـه ماسـرنـا هالسنـه
:sadwalk:
بصراحه جوها غرااااام يغرم بالواحد
:kcl:
مشكوره فديتج على الصور الغاويه
وبنتظار ايديدج
ويامرحباني

عيون الدخيل
22-08-06 ||, 12:51 PM
عشان خاطر الاسطوري
واللي كان حاب احط صور زياده لصلاله
لبيه هذي الصور .........:puppyeyes:


الضباب

http://upload.bindubai.com/download/uae_echo/Picture156.jpg
http://upload.bindubai.com/download/uae_echo/Picture010.jpg
لعبة الطيرات احلى لعبه يلعبونها اليهال هناك :harhar1:

من العيون :puppyeyes:
http://upload.bindubai.com/download/uae_echo/Picture141.jpg

:6: سيارتنا وااااااااااااايد نظيفه :hist:
http://upload.bindubai.com/download/uae_echo/Picture166.jpg

الموز .......يم يم :ice:
http://upload.bindubai.com/download/uae_echo/Picture122.jpg


حصا بحر صلاله العجيب :yes:
http://upload.bindubai.com/download/uae_echo/Picture106.jpg

بحرهم في منطقة مرباط احد المناطق التجارية:fa35:

http://upload.bindubai.com/download/uae_echo/Picture086.jpg





شوفو معايه هالصوره العجيبه :fa34:
http://upload.bindubai.com/download/uae_echo/Picture031.jpg



البحر شكله رهيب مع الحصا
http://upload.bindubai.com/download/uae_echo/Picture008.jpg


النوافير الطبيعية عند الساحل الحصوي في المرنيف ......
http://upload.bindubai.com/download/uae_echo/Picture029.jpg

:10:

http://upload.bindubai.com/download/uae_echo/Picture011.jpg

تحياتي للجميع

قلوب دبي
25-08-06 ||, 02:57 AM
:)

ما شاء الله عالجو و الطبيعه
مع انه خاطري اسير الها من متى
للحينه ما سرت ..
اتمنى اروح اهناك ..
تسلمين عالصور الحلوه ..

أوتار القلب
25-08-06 ||, 03:09 AM
الله روعة الصور .. خاطري اروووووح

تسلمين خيتوو

شوق القلوب
25-08-06 ||, 03:16 AM
الســـلام عليـــكم...


يـــااااربـــــــــــــــ ــــــي... ذكرتيني بأيام جديــــــــــــــــــمه..

ممم.. يمكن سنة 1989 !!

طبعا أنا كنت صغيــروووونه... بس أذكرها من الالبومات اللي صوروها...

كانت رحله.. فوتوها بعض الناس... :hist:

..

بس رحله ما تنســـى... خصوصاً البحــر .. و نوافيـــره..

و سبحان الله .. كان هايج بشكل غير طبيعي...

و البحيرات ما ادري العيـــون.. ما اكثر ما يتيمع فيهم البعوض.. لدّغنــا لين ما قال بس...

..


و اللي ما انساه.. كنا في الفندق.. ننزل السوبر ماركت تحت.. محينا من الوجود شي اسمه فاين فير ( صح .. ليش ما يبيعونه هالايام :kkk: .. كان كاكاو حلوو )

و اذكر.. كان فيه لعبه دواريه جدامه انحط فيهم كوينز و تشتغل..


..

و يا سلام.. لما رجعنا.. رجعنا صوب طريج مسقط.. ومرينا مصنع الحلوى... يمي يمي.. حلللللوه وحاااااااااااره..

..

و كنا وقت الغدا.. ندخل مزارع.. اذكر كان عندهم من الحمامات.. بس مفتوحين من تحت ع بعض.. و يمشي فيهم الماي و السمج... شي عجيـــب..

..


ربي يعطيج العافيه.. و الله رجعلتينا ذكريات حلوه..

:fa35:

حلم الطفوله
25-08-06 ||, 03:31 AM
السلام عليكم

ما شاء الله جنة الله بالأرض .... تسلمين إختيه على هالصور

ذكرتوني بناس اشردوا عني وساروا بدون ما يخبروني ....بس شكلهم وهم املدغين يجتل:boxed:

إن شاء الله أروحلها :yes: