والله شي عجيب

[قلم احمر]

الســـــــــــــــلام عليكم يا اخواني وخواتي
:fa35:
في خاطري شي ما قدرت اخليـــه في خاطري:no0:

وهو الموظفين المواطنين والغير مواطنين والفرق بينهم

كل ما اتذكر الدوام اتذكر اشيا حلوة فيه واشيا مب حلوة وكل ما ادخل مكان فيه موظفين ما اشوف مواطنين الا قليل يمكن 4 او 5 والباقي كله هنود اتم واقفه واطالعهم :puppyeyes:
والقـــــــــهر ان معاشاتهم اكــــثر بكثير عن معاشات المواطنين الي يكرفون كراف
تعالوو شوفو فالدوام عندي مثلا شي باكستاني من داومت وانا ماشفته يسوي شي غير داش عن النت ويسولف في المبايل ولا تلفون المكتب وان سوا شغله بتكون مال خمس دقايق ولا بيقول كلمتين
وتعرفوووون كم معاشه 21.000 واحد وعشرين الف والله قهر اوكي بنقول هو مدير علاقات عامه بس حراام يعني انا وياه في نفس القسم والله ساعات يطلب مني الشغل الي هو لازم يسويه ومن الهيازه الي فيه يتصل فيني ويقولي اتصلي فالمكان الفلان واسأليهم عن وعن ... الخ .. والله ساعات البسه لاني مب سكرتيرته عسب يسوي شي وترا فالنهايه انا مسؤوله يعني تحته بشوي..

ولا وحده مواطنه وواحد باكستاني وياها في نفس القسم واثنينهم نفس الوظيفه بالضبط بس ليش المواطنه معاشها 5000 درهم والباكستاني 10.000مب حرام مب حرام
ولا المواطنه تكرف اكثر عنه تنزل تحت وتسير فوق وتعدل الكمبيوترات وهو اربع وعشرين ساعه في اجازة وان دوام بيوصل متاخر شووو هالقهر ...؟؟

انا ماكتبت جذه عشاااااااان المعاشات لكن شووفوو الفرق يالي ما تداومون والي تداومون
ليش يعني ترا نحن نعرف انجليزي نفس ماهم يعرفون نحن عندنا شهادات عاليه مثل ما هم عندهم
نحن متدربين وجامعات وكلياتنا ما قصروا ويانا ماخلو مكان ما دربونا فيه
ولا بعد سمعت ان الموظف الاجنبي لو كان يعرف عربي عدل يزيد معاشه :boxed: عيـــل ليش نحن يوم نعرف انجليزي عدل ما يزيدونا ..:sadwalk:

والله العظيــــــــــم تعالو شوفو المواطنات والمواطنين يالـــي يقولون انهم كسالى وما يعيبهم شي كيف يشتغلون من قلبهم لو كان هالشي حق بلادهم كيف يبتكرون اشيا ويحطون افكار بس طبعن الاحتلال الاجنبي مسكر عليهم وما يعطيهم مجـــــــــــال ..

صــــــــــــح كلامي ولا ؟؟

يمكن حد يعارضني ولكل واحد فيكم وجهة نظره الخاصه فيه

بــــــــــــــس واخيرا طلعت الي فخاطري
:fa34:
والسمووووووووووحه
اختــــــــــكم قلم احمـــــــــــــــــر

[المزوحي]

كأنج تقولين كلام معاد .. مب لأنه موضوع جديم ولكن نشوف وننقهر .. وبعدين ..؟!!
حتى قبل الوافدين كانوا يموتون ويحصلون جواز الإمارات .. الحين كله يقولون " خلي يولي "
كلمتهم هاااي اللي ينطقها الهندي والباكستاني والفلبيني .. انا ما حط من مستواهم ولا جنسيتهم
بس شو الفرق مثل ماذكرتي يوم انا وهو نفس الشغلة وهو راتبه أكثر
البارحة في الإذاعة كانوا يتكلمون بموضوع الموظف والوظيفة ... أحيانا المواطن يكرف
ويسوي جهد معين ومسؤوله الوافد ياخذ شغله وينسبه لعمره ... والامتياز له ...
هالشي ظلم ... وبتكلم عن دوامي دوووم يعايرون المواطن ... قلت لهم لا تعممون ...
إذا شفتوا شخص واحد ... تقولون هل البلاد كلهم جيه ... والله هم كله يمثلووون
وخاصة الهنود
يحطون خمس ورقات على المكتب .. يسوون وحده الصبح وهنتين الظهر وهنتين يخلونهن حق الأوفر تايم .. عسب يحسبون لهم .. لو هم يشتغلون عدل ... مابيحتاجون اوفر تايم اللي شغااال على طول السنة ...

[ولد الحكومة]

وعليكم السلام والرحمة ،،

.. متأكدة هذا كل إلي في خاطرج خخخ brgll: دوري يميين شمال يمكن في شيء !!!

- هالمواضيع وااايد حاصله وخاصه على رأس المواطنيين الي دووووم محد معبرنهم ولا مسولهم سالفه ؟؟

- المواطن يدرس اسنيين ويحصل على شهادة ويوم ايروح ايدور على شغله ما يحصل :fa36: أما الوافد وهو برع البلاد محصليله شغله محترمة وجاهزة وما عليه الي ايي من بلادة ويستلم وظيفته لا فيها صدعة راس ولا هم يحزنون والي قاهرني ايحطونه سنير على المواطن أو مدير او الخ .......... :narr:

- عالعموم أختي قلم أحمر .. حلو الواحد يعبر عن نفسه ويظهر كل الي في خاطرة .. والصراحه احنا المواطنيين من استوينااا مظلوميين ومحد حاس فيناااا ودوووم يبدون الاجنبي .. لا وإلي قاهرني أكثر يقولون ان المواطنيين مب مال شغل :fa36: ، بالعكس والله المواطن يشتغل اكثر عن الاجنبي .. وعنده شهادات أحسن عن الاجنبي .. بس ماعرف ليش يبدووون الاجنبي ع المواطن ؟؟ هل هي مجاملة أو عنده جواز أمريكي ولا بريطاني :kkk:

الي قاهرني وميت من الغصه منه ؟ ان يوم اييك مواطن عنده شهادة ونفس الشيء الاجنبي عنده شهادة اتحصل الامتيازات والراتب اتصب في مصلحة الاجنبي ....

والسمووووحه عالمداخلة البسيطة مع ان في داخلي اشياء واشياء ..



قايد الريم
:boxed:

[قلم احمر]

هلالالالالالالالا المزوحي : هو صح موضوع جديم و وايد ينعاد بس الواحد يوم تجيسه غصه من شي ما يفتكر به جديم ولا يديد بس تصدق ماعليـــه اخر شي بيعرفون ان كل هالمجاملات ماتنفع ..الاجنبي نص معاشاته برع البلاد ..من فتره يتني فكره وكنت مسويه برنامج يديد حق الدوام ووايد مهم والله اني زغت حد يعرف عنه من هالهنود والباكستانيه يشوفونه جان اقفل عليه الكبت بالمفتاح وثاني يوم الصبح طرت عند المدير لكن لو قلتلهم واعلنت عنه جان المشروع فالهوا والحمدلله هاذو جاري الشغل عليه ولو تون تشوفونهم كيف اشكالهم تستوي يوم المدير ايي يشوف شو مستوي فالمشروع .. احس هالافكااااااار عن المواطنين بتتغير في يوم من الايام احساس فيني لان الشي الزين لازم يطلع في يوم من الايام...

قايـــــــــــد الريم لا خلالالالاص ظهرت كل الي في خاطريه وصح كلامكم وصدق نحن مظلومين

[المزوحي]

قلم أحمر ... مب مغرور .. لكن بوضح لج شي ..
تدرين شو يقولون عني في الدوام ؟؟
أونه انته مب مواطن .. أول مره نشوف مواطن يشتغل ..
قلت لهم لأنكم انتوا تعممون وماتعرفون ترمسووون
هم بعد شغلهم من تحت لتحت ..
انا اشوفهم

[ولد الحكومة]

brgll: الحمدالله اختي قلم ..

والصراحه مثل هالمواضيع المفروظ تنعاد 100 مرة .. لانه الي الي حاصل مب شويه .. فيه مواطن ولد البلد الي محد بيشل البلاد غيره هو ....

والسموووحه

[قلم احمر]

المزوحي انا ما اعتبر هالشي غرور لان في هالزمن يوم الواحد يسوي شي لازم يقول انا سويت لان محد يفتكر فينا .. وحتى انا كل حد يقول من دوامتي تغيرت وايد اشيا والمدير نفسه يقولي انتي عطيتيني انطباع حلوو عن بنات البلاد ..

قايد الريم الواحد شو بيقووول لا التفكير السائد في هالفتره ان الاجنبي يقدرون يكرفونه بس المواطن محد يقدر يقوله شي ..هيه اكيد محد بيقوله شي لان هاي البلاد بلاده مب ايي واحد من بنغلاديش ويتحكم فينا وان قناله شي عفدوا علينا المواطنين والمواطنين ..

[هزاايم]

صدق قهر,,من يسمع

[الجنيه]

السلام عليكم ورحمة الله وبركاته ..

هي يا قلم أحمر أسميج ييتي ع العوق ..
عاد بتصدقين لو أقولج أنه الوافد صار يأمن ع مستقبله المهني والوظيفي في البلاد أكثر من المواطن ولد البلاد !!! لا تستغربين ان شفتي شباب الدوله او بناتها يغتربون عشان الوظيفه عقب كمن سنه ..

وقرار التوطين هالي نسمع عنه قول من دون فعل ما في حد يحاسبهم ع تقصيرهم في هالشي ..

يقولون المواطنين ما يشتغلونه وكسالى وكله لعبان تعالي شوفي كيف كنا نكرف كراف اليهد يخلص الداوم واتصير الساعه 6 . 7 . 8 ونحن بعدنا ما طلعنا نبي انخلص الشغل الي في ايدنا وفي الاخير أييج المدير الهندي وبكل بروده في التقييم يقول والله انتي مش فلكسبل اونه وينزلج كم درجه وربعه الي مثله يكونون هم الكريفين مع انهم اربع وعشرين ساعه طايحين في هالمطبخ الا بيتريقون والا جاي الضحى والا غدا والا سويت العصر والا والا ونحن حرام يا أنه اتمر علينا أيام قلاص الماي بالحسره نشربه وان طلعنا بريك صلاه يدوب ربع ساعه وردينا ع الكراف وفي الاخير يقولون المواطنين ما يشتغلون .. هذا غيض من فيض ع قولتهم والي عندي ازود بس شو الفايده ؟؟ محد يسمع ولا حد يشوف ولا حد يدري ..

عيل يسكنون الاجانب في بيوت كشخه واجاراتهم بالميات والمواطنين ع تجلى برنامج الشيخ زايد الله يرحمه لا وبعد في هذا بيمنون عليهم

الله المستعان اختي لا تستغربين من الي اتشوفينه

[اصايل]

هلا قلم احمر الموضوع وايد مهم اللي طرحتيه و انا اشوف ان في تقدم يعني بدو يوطون .. بس انا اشوف اكثر التوطين في الشركات الخاصة و المستشفيات و هالاماكن بس الوزارات و المؤسسات الكبيرة اكثرها وافدين يعني انا مرة رحت فندق في دبي و شفت بنت مواطنه بعباتها و وقايتها تتشتغل في فندق!! صدق انصدمت يعني بتحصلين وافد نفس شهادة هالبنت و يشتغل شغلة محترمة.
الله يعين بس

[قلم احمر]

هزايم اشكرك على مرورج
الجنيه هيه والله قهر الا بيوت في المرابع العربيه ولا مرسى دبي ونحن حتى مانقدر ناخذ ربع بيت هناك
كل شي يعطونهم ونحن حتى كلمة شكرا ماشي على المجهود الي نسويه ..
بس ابا اسأل سؤال هو صحيح الموطنين فيهم بعض الاخطاء يعني واسطه ما واسطه والتفرقه بس حد فيهم كان مسؤول وما سوا شي زين اكيد لاااا عمري ماشفت مواطن كان مسؤول الا وسوا شي زين
على عكسهم هم تعالوو شوفو مدير القسم عندنا الا ضرب جاكره في المكتب مع انه ممنوع وشاي ورمسه فالتلفون مالها والي عمــــــــري ما شفته يسوي جذه واغلب الهنود والباكستانيين عندنا بنفس الاسلوب .. الله يعينا والله
اصايــــــــــــل يالغاليه الشغل مب عيب بس في شي اسمه عادات وتقاليد بس الي قاهرني البنات الي يشتغلن كاشيير في السوبر ماركت مب حرام عليهم الهنود ةالباكستانيين يالسيين على مكاتب وما يفيدون البلاد بشي وهذيل البنات حليلهم ضاقت عليهم الدنيا وسارن يشتغل في هالاماكن ..لا حول الله ولا قوة الا بالله..

[ولد الحكومة]

عدنااا من جديد .. :ice:

السلام عليكم ..

أنا إلي قاهرني يوم يظهر مسؤوول في الجريدة ويصرح أن في البنك فلاني فيه نسبة التوطين 30 % أو 40 % أو الخ ..... ويوم اتروح هناك ما تلقى مواطن واحد .. كيف ما ادري :fa36: . الهنود مسيطرين على البنوك :nono: لا والمشكله حتى ايكون مدير البنك هندي .. أكيد بيعيين كله هنووود.

توطين .. توطين .. توطين ملينا من كثر ما نسمع هالكلمة :doh: ولين اللحينه ما شفنا شيء .. الوزارة الوحيدة المتقيدة بالتوطين هي وزارة التربيه والتعليم وكذلك الاتصالات ..



ولي عودة إن شاء الله

والسمووووحة

[قلم احمر]

هيــــــــه والله صدقك يا قايد الريم بس الواحد شوو بيقول
هذيل الهنود والباكستانيين يستكثرون حتى فينا وظيفه من بينهم يشوفون ان الي من اهلهم واقاربهم اولى بالوظيفه الي نحن ماخذينها ..هذاك اليوم يتحروني ماعرفت هندي وطايحين قرض فيني
اونه( هاذي لو حطيت ولد اختي مكانها احسن ما تعرف شي وتسوي عمرها فاهمه كل شي ) عاد انا ما رمت اسكت جان ارد عليهم بالهندي وعطيتهم من هذاك الزين وتموا مستغربين ساعه:boxed: اني كيف رديت بالهندي عليهم ( لاتستغربون ترا من كثر اليلسه ويا المهنده قمنا نرمس لغتهم)
:nono:
دشيت مره بنك من البنووك الله يستر عليه من زماان كنت مقدمه فيه وتموا يقولولي والله نحن ماعندنا مكان نوظفج ولو كان عندنا جان وظفناج على طول ( تعرفون الجذب بعد غير):kkk: وفي يوم من الايام كان عندي اجتماع في نفس البنك ودخلوني اسلم على الموظفين بقيت:puppyeyes: عيوني الا ماشي ولا واحد عربي ولا واحد .. قلت فخاطري هذيل هم الي تارسين المكان وتكسرون خاطر عيال البلاد وتحطمون احلامهم عشانهم هذيل الي تفكرون ان المكان بيكون للافضل بسبتهم ...
حتى الباركات مال الدوام المظلله حق الهنود ونحن سيارينا تغيرت الوانها بسبت الحر والجوو الجميـــــل الي عندنا :yes: