المساعد الشخصي الرقمي

مشاهدة النسخة كاملة : مسجات عيبتني ^_^


شمعة أمل
10-08-06 ||, 12:07 AM
السلام عليكم ورحمة الله وبركاته

كنت أدور ومسجات وجفت هالمسجات ونقلتهم لكم
---------------------------------------------------------

ما فيه عين إلا وتبكي لها أحباب..

ولا فيه قلب إلا من البعد خايف

والكل من جور الزمن ألف كتاب..
ودموع عينه فوق خده ذرايف
وأنت وأنا مهما الزمن سار غلاب..
نبقى بإذن الله دايم حبايب
©§¤°^°¤§©¤ ¤©§¤°^°¤§©
رافق أصيل في زمانك يصافيك
لا شاف زلاتك عن الناس غطاك
ترى الصديق اللي يحبك ويغليك
تلقاه هو عونك بالشدو ويمناك
يفزع لحاجتك وبالكربة يواسيك
وبغيبتك يتمنى شوفك ولقياك
©§¤°^°¤§©¤ ¤©§¤°^°¤§©
مثلك قليل ونادر لا عدمناك
معذور أنا لو ما تخير بدالك
بك فرق مثل الشمس عن كل الأفلاك
ياحظ من هو لا تضايق عنالك
ما تجتمع بإنسان واحد مزاياك
يا جمع "ن" كل المعالي لحالك
©§¤°^°¤§©¤ ¤©§¤°^°¤§©
أبيك تعرف!!
إنه لا يمكن أحساس قلبي يخليك
لو الشعور بداخل القلب مات...
العمر يمضي!!
ونصفه يناديك
والنصف الأخر يمسح بدموع الآهات...
مستحيل!!
أتخلى عنك وأقول ناسيك
" أنا " لأخر يوم في عمري بأكون وياك...
©§¤°^°¤§©¤ ¤©§¤°^°¤§©
كثر انشغالي ما يقلل غلاك
الشاهد الله («»حبــــــــــــك«») داخلي حي..
أعيش أحلى أيام من عمري معاك ..
يا غالية وأغلى من نفسي علي..
يامنية الروح عيا القلب ينساك..
بعدك ظلمة وقربك للبشر ضي..
©§¤°^°¤§©¤ ¤©§¤°^°¤§©
أغليك لو أنك بعيد عن العين
دام المشاعر في غرامك رهينه
الحب عند الناس كلمه وحرفين
والحب عندي له معاني ثمينه
وحبي أنا ياناس ماله موازين
مثل البحر لا ماج تحت السفينه
©§¤°^°¤§©¤ ¤©§¤°^°¤§©
تمنيتك على بعدك تجي وتجلس معي
"-- ساعة --"
أبي من وقتك الغالي دقايق تسمع
"-- أخباري --"
عليك الشوق يا خذني ولو طيفك
"-- مخاويني --"
ولو طالت ليالي البعد ترى ما غاب لك
"-- طاري --"
©§¤°^°¤§©¤ ¤©§¤°^°¤§©
أدري تحسبني نسيتك يا بعد حالي
وتحسب إن البعد ينسيني هواك
إسمع ترى بقولها بصوت عالي
أعزك وعمر القلب ما ينسى غلاك
ونسيت أقولك: آسف على قلة سؤالي!!
بس إعرف إن المشاعر على طول وياك
©§¤°^°¤§©¤ ¤©§¤°^°¤§©
أنساك كيف أنساك والله ما أنساك
باقي على وعدك وعهد قطعناه
أبكي على قلب تلوع بفرقاك
وأبكي على وقت تسارع بممشاه
أجمل حديث الوقت لا حل طرياك
أسج بأشواقي ودمعي بمجراه
الناس واجد مثل طبعك وشرواك
لكن شقيق الروح يا صعب لقياه
©§¤°^°¤§©¤ ¤©§¤°^°¤§©
المعذرة..!!
دنياي صارت شحوحة
" كيف ابتسم..؟ "
وأحباب قلبي بعيدين
" كيف العمر يزهى..؟ "
بليا طموحه
" وكيف العبير"
يعيش دون الرياحين
العفو ثم العفو ثم العفو!!
ثم السموحه
" قــلـــبــــي "
المهموم في بعدك حزين..
©§¤°^°¤§©¤ ¤©§¤°^°¤§©
آسف على الغيبه ما كنت ناسي
آسف على التقصير لا كنت قصرت
رجعت لك حاضر ماني بماضي
أبعتذر يمكن عليك تأخرت
حطيت في غيبتك الشوق قاضي
وحكم عليّ أرجع لوما تصبرت
رجعت قانع بحبك وراضي
ما حد جبرني يوم أرسلت واشتقت
©§¤°^°¤§©¤ ¤©§¤°^°¤§©
ياويل قلبي
كل ما جيت ابنساك..!!
ألقاني اتعلق بك أكثر وأكثر..
واللي خلقني
ما قوى البال ينساك..!!
لا نامت عيوني لك القلب يسهر..
وكيف ابنسى
أحلى الأوقات وياك..!!
أصير بلا ذوق إن قلت أقدر..
©§¤°^°¤§©¤ ¤©§¤°^°¤§©
" أتعب "
في دنيتي دون طاريك..
" وتتعب "
حياتي كل ما غاب صوتك..
©§¤°^°¤§©¤ ¤©§¤°^°¤§©
يا عين هلي صافي الدمع هليه
و الى انتهى صافيه هاتي سريبه
و يا عين شوفي زرع خلك و راعيه
شوفي معاويده و شوفي قليبه
يا من له الخاطر شفوق يراعيه
اتبع هوانا و غيرنا وش تبي به
اللي يدارينا ترانا نداريه
واللي تنكر جعل ربي حسيبه
اللي يبينا عيت النفس تبغيه
واللي نبيه عيا البخت لا يجيبه
©§¤°^°¤§©¤ ¤©§¤°^°¤§©
دري بتقول بنفسك ما بغيت أطري في باله..
هذا قاطع وبايع العشرة وشايف حاله..
بس وربــــــي كل ظنونك مجرد ظنون..
وقلبي يحبك لحد الجنون..
‏كل الحكاية إني أدور لك رسالة..
تليق بمقامك يا أغلى حنون..!!
©§¤°^°¤§©¤ ¤©§¤°^°¤§©
تظن انه يعدي يوم ومالك بقلبي
..همس..
لاياقلبي..عمرك شفت صبح تخونه
..شمس?!
©§¤°^°¤§©¤ ¤©§¤°^°¤§©
صدت بي الدنيــــا عنكم يالأحباب..
والقلب مايصبر عن أغلى الحبايب..
مشتاق للغالين والشوق غلاب..
يغلب رفيــع الراس ولو كان شايب..
تصد بي الدنيــــا وتبقى لي " أسباب "
تردني عن وصل أغلى الحبايب..
©§¤°^°¤§©¤ ¤©§¤°^°¤§©
يهون طول البعد مادمت سالم..
مهما بعدنا (ندا صوتك) يرجعنا..
تسرح طيوفك في عالمي الحالم..
وتصحى الحقائق في غيابك تلوعنا..
ولازلت ~الغالي~ والله العالم..
ولازلت أدعي عسى الله لايفرقنا..
©§¤°^°¤§©¤ ¤©§¤°^°¤§©
صدقيني إني اسعد لو ذكرتك.!
وصدقيني إني احزن لو فقدتك.!
واعذريني نادرا" في الكون مثلك
في حلاتك...
في صفاتك...
حتى في معنى غلاااااااتك...
©§¤°^°¤§©¤ ¤©§¤°^°¤§©



والسموحه
شمعة أمل
:fa35:
قرموشة
10-08-06 ||, 12:14 AM
وعلييم السلام والرحمـه

وانا أقوول في شي غير طبيعي لوول :ice: .. 3 مواضيع مسجات ورا بعض .. كـح كـح

حـلوييييييييين المـسجـــااااااااااااااات يا شمـعه أمـل
شكرااان :kcl:
بنت الدلع
10-08-06 ||, 12:17 AM
تسلم يدّينج

وعسااج عالقوه

--- جلبت قطريه
خيال الحب
10-08-06 ||, 02:38 AM
تمنيتك على بعدك تجي وتجلس معي
"-- ساعة --"
أبي من وقتك الغالي دقايق تسمع
"-- أخباري --"
عليك الشوق يا خذني ولو طيفك
"-- مخاويني --"
ولو طالت ليالي البعد ترى ما غاب لك
"-- طاري --"

جان اسرق هالمسج:)


تسلم ايدج ع النقل
تنينه
10-08-06 ||, 03:09 AM
مشكوووووره شـمعه ع المسجاات الحـلوووه ^^
شمعة أمل
10-08-06 ||, 01:56 PM
Ur Welcome ^_^
بحر الموده
10-08-06 ||, 02:03 PM
وعليكم السلام
شمعة أمل
تسلمين على المسجات الفل كشخه
وماقصرتى
الشحية
13-08-06 ||, 05:50 PM
يسلموووو ..
شاه
17-08-06 ||, 04:22 PM
ما احلى مرسال الغرام والعتاب بالمسج ولو انه صامت تكفي تعابير الحروف والمعاني ومشكوره على الذوق شمعة امل
شاه
17-08-06 ||, 04:26 PM
:sad4: ما احلى مرسال الغرام والعتاب بالمسج ولو انه صامت تكفي تعابير الحروف والمعاني ومشكوره على الذوق شمعة امل........
دلع امونتي
17-08-06 ||, 09:03 PM
تسلمين حبيبتي عالمسجات الحلوه
شمه
18-08-06 ||, 11:37 PM
عجيبـه الصراحــه..
تسلمين الغاليـــــــــه...
المزوحي
18-08-06 ||, 11:58 PM
شمعة امل مشكورة امايه .. زين سويتي حطيتي مسجات
ماوحشتك
22-08-06 ||, 01:57 AM
حلوييييييييييييييييييييييييييييييييين
اناستازيا
27-08-06 ||, 02:46 AM
رووعه ..

تسلمين على المسجات ..
عيون الدخيل
27-08-06 ||, 12:46 PM
مشكوره الغالية على المسجات :fa35:
أظني خذن منج وقت وااااااااايد وانت تكتبين
تسلم صبوعج وعيونج
تحياتي
@عيون الدخيل @
حنان الحمادي
08-11-06 ||, 02:33 PM
يسلمو شمعه على المسجات
شكررررن الف
بنوتة جميرا
08-11-06 ||, 02:48 PM
تسلمين الغلا
مسجات غاوية
أوتار القلب
08-11-06 ||, 02:58 PM
حلوين المسجات
تسلمين شمعة :)
جيز كيك سنيكرز
23-11-06 ||, 12:10 PM
السلام عليكم ورحمة الله وبركاته

كنت أدور ومسجات وجفت هالمسجات ونقلتهم لكم
---------------------------------------------------------
أدري تحسبني نسيتك يا بعد حالي
وتحسب إن البعد ينسيني هواك
إسمع ترى بقولها بصوت عالي
أعزك وعمر القلب ما ينسى غلاك
ونسيت أقولك: آسف على قلة سؤالي!!
بس إعرف إن المشاعر على طول وياك
:fa35:

عليكم السلام ورحمة الله وبركاته

شكراً على المسجات ....يكفي ان من بينها اسمي :a018:

ان شاء الله المره اليايه تكون عندج مسجااات تقطيع
شمعة أمل
23-11-06 ||, 04:10 PM
مشكورين عالرد .. ماقصرتو