طــلاسم

[المزوحي]

مايخصنا بالناس وأكيد اللي يسوي لك هالأمور حد عارفنك .. لكن شو غرضه ؟؟
طــيب .. انصدمنا اليوم يوم لقينا معلقين هاسورة اللي مكتوبة على شكل كف في شيرة جدام باب بيتنا ..
وفوقها بشويه شي ورقة كاتبين فيها حروف مش مفهومة ...

http://s2.supload.com/free/tlasem.JPG/view/

لكن مادري هالحروف تدل على خير وإلا شر .. يعني هل واحد يبغي يتقرب .. هل وحده مسوية جيه تبغي تتزوج مثلا حد من أخواني ... هل في فرق بين طلاسم تجرب الأنسان وطلاسم تبعد الانسان ..
شو المقصود بهالشي ؟؟

حسبي الله ونعم الوكيل ...

[نجمة دبي]

اعوذ بالله من الشيطان الرجيم

انا لاحظت ان مكتوب سورة الفلق على هالشي .. لكن اللي اعرفه ان العيون ورسومات العيون عباره عن خرافات من اصل مصري .. ويوم بغيت اشتري سلسله وفيها عيون قالوا لي لا تشترين لان مب زين .. والسبب مادري الصراحه

اما بخصوص الورقه فأكيد عمل لكن شو المقصد منه محد يدري ..

لو اتودي هالاشياء لمطوع زين بتسوي.. عسب يعرف منو اللي مسونه وشو السبب

حسبي الله عليهم من ناس


لي عوده ..


نجـــــ دبي ــــــــمة

[ريم العين]

ماتطلع الصور

[المزوحي]

هالصورة أحيد يبيعون منها في الملا بلازا بالهبل ... ووايدين يقولون خرافات
لكن الورقة مرسوم جدول وحروف مثل ووو ج ه ر ووو

حاولت أدور في النت عسب أعرف شو القصد !

http://rokya.free.fr/modules.php?name=News&file=article&sid=22


يعني هذاحجـــــــاب الــتوسّـــل المــزعـــوم




http://www.alroqia.com/zawiyah1/aa.gif


ان هذا النوع من الأحجبة مما يستخدمه الجهلة بالعقيدة الاسلامية الصحيحة ويزعمون انهم يتوسلون بالملائكة كونهم كرام ومقربين من الله ،وكذلك بالأئمة مـن آل البيـت كالحسـن والحسين وغيرهم رضي الله عنهم . والبعض منهم يسمونها تعويذة الخمسة ، ويقصدون بذلك الله والمـلائكة الأربعـة جبرائيل وميكائيل وعزرائيل واسرافيل ، وبأن هـؤلاء الـخمسـة هم الحاكمـون للكون تعالى الله عن ذلك علوا كبيرا. و حاشاه أن يشرك في حكمـه أو ملكه أحدا . وبالطبع فـان الناس الذين يعملون هذه الأمور هم شر الناس والعـياذ بالله ، لأنهـم مشركون وان سموا أنفسهم مسلمين ، لأن الله سبحانه وتعالى لا يرضى أن يكـون له شريك لا نبي مرسل ولا ملك مقرب . بل هو الله الواحد الأحد ، الفرد الصمد ، كما وصف ذاتـه سبحانه في مئات من آي القرآن الكريم كما في قوله عز وجل( قل هو الله أحد * الله الصمد لم يلد ولم يولد* ولم يكن له كفوا أحد) ، وفي قوله ( من كان يرجو لقاء ربه فليعمل عملا صالحا ولا يشرك بعبادة ربه أحدا) . والآيات في هذا الباب كثيرة جـدا .فبعض الناس يتوسلون ويطلبون من الأنبياء والصالـحين ومن الأموات في قبورهم المـدد والـرزق وغيرها من الأمور التي لا يقدر عليها الا الله سبحانه . فبدلا من أن يطلبونها منه عـز وجل مباشرة فهم اما يطلبونها عبـر هؤلاء الوسطـاء مـن الأنبياء والرسل أو يطلبونها منهم مباشرة من دون الله سبحانه وتعالى . ومـا الشكل المرفق الا أكبر دليل على ذلك وهو ما يروجه بعض الناس بين العامة مـن الناس، فتأمـلوه يا رعاكـم الله .


فالحذر الحذر يا أخوة الأسلام من هؤلاء الأشرار الذين يقذفونكم في النار باسم العلاج بالقرآن وهـم مـن عبدة الشيطان أعاذنا الله و اياكم مـن أشرارهم وأشـرار أعوانهـم مـن الانس والجن وصلى الله على محمد و على آله و صحبه و سلم تسليما كثيرا.

[المزوحي]

ريم ريم سوي رايت كليك .. كوبي للعنوان وحطيه عندج بتشوفين الصورة

[نجمة دبي]

هذي الصوره للي ما طلعت لهم

http://www.9q9q.org/index.php?image=tCITVRXWvuvQ


نجــــ دبي ـــــــمة

[المزوحي]

هالكف حاطينة في الشيرة وضاربينه بمسامير كبار ...

[هزاايم]

:boxed: اعوذ بالله من الشيطاان,,أخويه مزووحي..ابويه حتى تردعوون هالسواالف..داوموووا على قرايته سورة البقره..تحصن الواحد..أخويه سألوا مطوع..لأن بعييد شر يمكن يكوون عمل..وخله إيماانك بالله أقوى من هذي السوالف
ربي يحفظكم ويحصنكم من هذوول الجهله..أخويه عليكم بالبقره..ماراح تااخذ منك وقت ساعتين بكل يووم هب كثير على كلام الله

قمت أخاااف..الدنياا مافيها أماان..أمسات ربيعتيه بعد تقول جداام بيتهم راميين خيشه بها عشب و صخر و و ورقه ملفوفه..
ربي يحفظ الجميع ياارب

[المزوحي]

هزايم

الحمدلله إنه شفنا المربوط والطلاسم والله الحافظ ... لكن راسي دار وأنا أفكر من اللي مسوي هالشي ؟

[تحفه]

اقروا قران وهاتو مطوع

[المزوحي]

بوظبي ... القرآن زين .. لكن مطوع ما أثق بهم .... يعني نحن نقرأ ونشغل في البيت ...
لكن في خاطري صدق في خاطري أعرف من اللي مسوي هالشي
لا تقولون فضووول من حقي أعرف

[تحفه]

اكيد من حقك .. انا اعطي احتمال بشكارتكم

[المزوحي]

بوظبي هي روحها متروعه وتقول يمكن حد مسوي لها ... لكن ماظن .... وثانيا هي اللي خبرتنا عنه ..

[قرموشة]

واي قلبي ! وجـان أزيــغ

تعرفوون ليـن قبل شوي ما كنت أصدق انه في ناس ممكـن يسوون هـ الاشياء!
وأصلا كـيف تستوي .. كلها خراافاات ..

بس الحينه صدق ترووعت !:bye2:

[المزوحي]

قرموشة .... هالامور بدت تزيد ... ومع إنه الناس تعرف إنها حرام وشرك ... لكن يسووون ..
بس كيف معلقين هاااي في الشيره .. أحيط هاي يعلقونها على اليدرات ...

[جيز كيك سنيكرز]

السلام عليكم

هذي يحطونها عن الحسد والاروح الشريره :ice: الاروح الشريره من عندي

بس جد هذ مب سو بس فيها شرك على اساس ان هذي بتحفظكم

والله خير حافظ

انا مستعيله الحين لي عوده ان شاء الله :bow:

[المزوحي]

وييييييييه .. يحبونا يعني ..... زين وشو عن الورقة ؟؟؟

إذا تبون بحطها لكن مب واضحة ..

[ريم العين]

الله يستر بس


يمكن عشان جي انت نفس ما كنت فالدوام مارقووك يمكن هههه


انزين روح عند مطوع معروف وشوفه شو بيقول

[المزوحي]

حــم ..،

ممكن اتصل اسأل شو يعني هالشي .. وواحد موثوق ..

[بنت الدلع]

اميه باسم الله
هذيل شو من بشر

بس اللي احيده انه يعلقونه في البيت عن الحسد وعن العين وهالسوالف
بس ليش هم حاطينه لكم !!

يمكن يبون يحفظونكم من عين الناس

وعن طاري اخوانك يمكن يكون صح
لان وااايد من الاهالي يحطوون عيونهم على الاولاد الي في البيت
الوالده زين ماكلووها من كثر مب حاطين عيونهم على عيالها

الله يحفظكم من الشر يارب
واقروا آيات وحصنو نفسكم
واتأكد ان هم مايرومون يسوون شي وهذا كله تحت تصرف الرحمن
اهم شي انكم ما اتعبون عماركم واتفكروون واايد

[المزوحي]

بنت الدلع ...

ترانا مستغربين كيف معلقينة في الشيرة وضاربين مسامير ... وفوقه بشويه الورقة مربوطة بخيط

[المزوحي]

http://www.9oar.com/up/uploads/323dd3425e.jpg

[بنت الدلع]

الصوره الثانيه ماتظهر ..

[شمعة أمل]

أميــــه:no0:

هممم يمكن الى مسوي هالشي شخص يعبد الشياطين؟؟

ذكرتني في موقف صارلي
من سنتين كنت عالنت ووحده حطت صورة ورقه شافتها في البيت .. شكت في الورقه لانه الكتابه ماينقراا وجي تحسونه انه كاتبين الشي بالبترول! يعني لوونه جي اصفر على برتقالي على احمر فاقع يعور العيون .. يابو المطوع وطلع انه هالشي من جني!!
عقبه بفتره كنت ويا امي انجوف بيوت للبيع .. دخلنا بيت شكله حمام عوود .. ماشي يدار .. كله كاشي من الارض لليدار للسقف .. سرنا فوق ولااجوف نفس الورقه الى هالبنت حطتهاا .. الكتابه بالعربي بس مخك مايروم يقراه.. وجان انقز وامط امي واركض برع البيت < كنت أركض من الزياغ
بعدين يوم خبرنا ربيعة امي قالتلنا الناس الى كانو يسكونون في هالبيت معروفيين انها يعبدون الشياطين .. الخ

اتحملو عن ليكون شي جني ولا شي في بيتكم:boxed:

أو

يكون شخص يعبد الشياطين يبا يلعوزكم =s

نصيحه
هاتو مطوع!

[المزوحي]

شمعة أمل .. لا مب جني .. بس السالفة حد يسوي شي وله قصد وياليت أعرف هالشخص
وأكيد اللي يسوي حد يعرفك .. يعني مب راعي الدكان ...
انا اتصلت بشيخ من مساعه وقلته عن اللي شفناه ..قال اقروا آية الكرسي والفاتحة 7 مرات
وبس

[ريم العين]

انزين روح لمطوع ثاني وعطه اللي فالصورة وشوفه شو يقول واقرا اآية الكرسي والفاتحة 7 مرات نفس ماقال

انزين حط صوره الورقه ^_^

[المزوحي]

حطيتها فوق مادري ليش ماتظهر لو حد يقدر يحطها أو الأخت نجمة دبي ...

[نجمة دبي]

وهذي صورة الورقه للي ما ظهرت لهم

http://www.9q9q.org/index.php?image=8ouEGCfcbwYT


الصراحه يبالك تسال مطوع ثاني


نجــــــ دبي ــــــــمة

[نجمة دبي]

مافيها شي الغاليه .. كل اللي في الموضوع ان الصور تظهر لي
ونحن هني كلنا اخوه :)

[المزوحي]

نجمة دبي .... خلاص .. نحن خلينا الرموز تمتسح وطرينا الورقة ... لكن للحين أبغي أعرف غرض الشخص ومن هــو ؟ تــصدقون دايما نسمع لكن ما أشوف .. ماكنت أتوقع ...

[ريم العين]

^_^ لاعادي انا ما قلت شي

المزوحي احسن لك تسال مطوع ثاني

الصراحه هذي الورقة وااااااااايد تزيغ حتى اني يوم ابا اشوف الحرووف اخاف يدخل فيني جني

اذكر ربك وين ما كنت واسال مطوع اوقرا قرآن

[المزوحي]

اتــزيق ؟؟؟ عــيل نــحن شــو نــقول .. اللي مــستقــصدينا ؟!!!!

[نجمة دبي]

ان شاء الله ما ييكم الا كل خير
وربي يبعد عنكم العين والحسد


قولوا امين

[المزوحي]

آمــين .. اللهم احفظنا يارب ومن أرادنا بسوء اشغله في نفسه ..

[جيز كيك سنيكرز]

انا ييييييييييييييييييييييت وايد مصدقه عمرج

اول شي من لعيله ماشفة ان في ورقه

وبعدين اذا تبغي تعرف من مسوي لازم تسير عند ساحر بتسير عند ساحر
كل اللي يقولك اقدر اعرف من مسولك هذا مش مطوع هذا لاتثق فيه
كيف يعني بعرف من مسولك

انشد حد يعرف

خذنا بحدود 6 شهور خواتي المتزوجات ما يدخلن البيت ليش ما ادري
السلام عند الباب او اشوفهم في بيت يدوه
اخر شي بصدفه كنت اسقي الزرع الصدق اللعب واسمع اخويه يكلم اربيعه خاري من دخل رشيته بالماي اون بالغلط اقوله ما سلمت وبعد معركه حاميه

اشوف شي لونه اصفر شر الكركم يصب على الباب من اعلى الباب حصلنا شر لصراي
احيد ان صبو عليه ماي البحر

ومن عقبها انتهى هذا الشي بس خواتي كان يقولن شي يردنا عن البيت شو ما ندري ونحس بضيج من ندقرب بندخل البيت
وقبل هذا وايد كل بشكاره تي البيت لازم تسوي لحد بس كل وحده غير عن الثانيه
وكل وحده افضع من الثانيه
اذكر ان كنا نقرا صورة الصافات يومياً هذا اللي اذكره لان ماكنا نعرف مكان السو
الله يحفظ الجميع ان شاء الله

المهم وده عند حد يعرفه

[المزوحي]

نسيتك .. ليش الناس جيه صايره ؟؟؟ مسلمين .. لا .. وتلقين اللي يسوي ناس يعتمرون كل سنه ...
حتى أمس يوم بديت أنسى الموضوع وأتوكل على الله وإن شاء الله محد بيضرنا .. بس يخطر على بالي من هالشخص ...

[نجمة دبي]

نحن اللي نقرا السالفه مقهورين ونبغي نعرف منو اللي مسونه وشو السبب .. عيل كيف انتوا !!

توكلوا على الله ولا تحاتون .. والحمدلله انكم شفتوه ..

واذا تبغي تبرد اللي بقلبك .. اتصل في مطوع ثاني ..

لا حول ولا قوة الا بالله .. هذيل ناس ضعاف النفوس والايمان



نجــــ دبي ــــمة

[المزوحي]

نجمة دبي .... يستوي مثلا حد مسوي هالشي عسب يتقرب ( أقصد على أساس شي خير )
ولو إنه حرام ... لأنه استغربت من سالفة الكف وفيها آيات ...
ماضرينا حد .. ولو حد غلط علينا مانرد عليه ... غريبه والله

[نجمة دبي]

ممممممممممم صدق غريبه !
يمكن وحده حاطه عينها على واحد من اخوانك او عليك انته :fa39:

نجـــ دبي ـــــمة

[المزوحي]

أنا مالي علاقة بحد عسب يسون بي

[نجمة دبي]

ما علينا ..

اهم شي ان ما صار لكم شي .. والاهم انكم شفتوه