مشاهدة النسخة كاملة : فضفضة:I miss you
المزوحي
08-08-06 ||, 03:24 PM
افتقدت أختي ... أحب أهلي .. لكن ماعرف أعبر عن حبي لهم ... هل بكلمة هل بهدية هل بقربي منهم ؟
الليل وعيونك وانا كل بكى وقت الوداع ... الحب أنواع ... وأنا كل مأ أكبر أحس بإني ما أعطي هلي حقهم ... أساعدهم .. أكون وياهم ..
بنت الدلع
08-08-06 ||, 03:59 PM
خصص وقت لاهلك
وحاول تكون وياهم كثر ماتقدر
عاملهم بالطيب
اظهرو ظهرات عائليه
اليلسه العائليه واايد حلوه
والمناقشه في امور حياتكم وايد بتقربكم من بعض
------
ما ادري اذا فهمت الي تقصده !!
المزوحي
08-08-06 ||, 04:00 PM
فهمت ...
صدى جوفي
08-08-06 ||, 04:12 PM
السلام عليكم،،
صير بيتوتي أكثر......:unlock: أقعد معاهم ،، القعدة مع الأهل كم تسوى .. شــاركهم بسوالفكـ :vertag: أو أعزمهم ع طلعــة .. جي بيحسون أنكـ جريب منهم
ولو حــاب تاخذلهم هديـة .. فاختــار شي تعرف أنهم يحبونــه :hade: ....)
ان شاء الله أكون أفدتك.. صدى
المزوحي
08-08-06 ||, 04:17 PM
صدى جوفي
كل مره نقول بعدين ومره ثانية وباجر ...... بس إن شاء الله خير
المزوحي
08-08-06 ||, 04:18 PM
صدى جوفي
كل مره نقول بعدين ومره ثانية وباجر ...... بس إن شاء الله خير
صدى جوفي
08-08-06 ||, 04:29 PM
خلاص هالويكند للأهـــل :unlock: لــو صدق you miss them
على كيفي :doh:
>
>
>
اللي أقصده لو أنكـ تريد هالشي بتسويـه .. يمكـن كـنوع من التجربــة - لو أنت مب جريب منهم- بس عقب بتحس أنك بديت تقرب منهم أكــثر .. وراح تعطيهم فرصـة يكونون جريبين منكـ أكثر :yes:
السموحة....)
شمعة أمل
08-08-06 ||, 05:58 PM
الى انا اسويه يوم أتوله على ربيعاتي ولا ماجوف ابويه وايد اطرشلهم مسج miss u
واذا احس اني انا الى مقصره .. اشتري هديه ويا كرت مكتوب عليه missing you واطرشله لهم ويا الدريول
:fa35:
it works
تحفه
08-08-06 ||, 07:00 PM
سو الي اترومه بكل لحضه ..
اذا مثلا كنت تروم تتصل بهم اتصل لهم واسال عليهم وقولهم متوله عليكم
اذا كنت ظاهره وياهم وشفت امك او اختك عيبها شي خذلها اياه وسولها سبرايز
اذا كنت راجع من الدوام وشفت يهال عايلتكم يبون الدكان ودهم الدكان خمس دقايق وبتلحق ع الغدا والشبريه Xp
مثل ما قلت لك .. قدم لهم الي تقدر عليه .. وراوهم مكانتهم عندك .. ترا مافي شي بالدنيا باقييي ..
الجنيه
09-08-06 ||, 01:59 AM
ببساطه كون عندهم متى ما احتايوك واذا تقدر خذ لهم هدايا من دون مناسبه وحط وياهم بطاقه مكتوب عليها
أحبج حق ماماتك واختك
أحبك حق باباتك واخوك
المزوحي
09-08-06 ||, 04:43 PM
همم
كلام كبير وأفكار حلوة
وانا بديت أفضى ليهال العايلة بنات وأولاد أخويه وأختي واوديهم السينما أحيانا .. مع إنه حشرة
صدق ينبسطون ...
انامل
13-08-06 ||, 01:41 PM
سلام عليكم
تعدد فنون التعبير وتختلف تعابير البشر
يا أخي ما أجمل ان نعبر عن شوقنا وولهنا للي نحب
انته
كيف تحب معاني الشوق لك
كلمه
مسج
نظره
لمسة يد
اهتمام
سؤال وعتاب
قرصة اذن
مكالمة عابره بس اثرها كبير
يلسه في السيارة حتى لو للدكان
اشياء كثيره تقدر تعبر فيها عن حبك واشواقك
ابسطها الهدايا
السؤال
والمسج
كثير من الاخوان يتغاضون عن التعبير عن الشوق والوله لاهلهم
انا اعاني ها الشي من اخواني
بس
صدقني
اثره لا يوصف على مسامع وقلب اللي تعزه
لحظه من وقتك لهم
تعني لك الكثير
خصص تذكير بهاتفك
كل يوم او مرات تدق تسال او تزور
وان لقيتهم
لا تنسى تقول
شو ناقصكم انا احبكم
المزوحي
الله يجمعك باحبابك دوم ع الخير عزيزي
كلي ود
أنامـــــــــــــــل:kcl:
المزوحي
13-08-06 ||, 01:48 PM
كلامج كبير ..
وقبل ماعندي أي نوع من اللي ذكرتيه فووق .. لكن الحين حتى لو اشتري شي .. لأنه الكلام مانقدر نظهره ونعبر بالكلام .. المهم ... حتى لو الرضيعة متزوجة وهي تعزني ماعرف شو أقول وشو أسوي
غير إنه يوم تطلب مني خدمة أسوي لها ولو تعبان ... لأنه ماعرف أقول كلاااام .. :kcl:
اما عن الصغاااار فأمس خذناهم على مول الإمارات :fa34: انبسطوا .. لكن اسميهم حشره
( ماشاء الله عليهم )
اما عن اللمسة .. لاحظت شي ماكنت أعرفه .. يوم أمسك يد حد من الصغارية ... أعطيهم صبعي الصغير .. ياااه كيف أحبهم ..
مايهزك ريح
14-08-06 ||, 01:23 PM
المزوحي .. مرحبا ..اخويه ..
بالنسبة للأهل ..حاول انك اتخصص يوم في الأسبوع يكون لطلعة عائلية .. :sad4:
مثلا انا واحد عادي.. شال الوالدة ابرقعها.. ويا الرضيعةو مودنهم سينما :harhar1:
وقبل لا يدخلون السينما عادة ادور مطعم اتكون فيه كبينه أو مكان متذري ويلسهم وناكل ونسولف.. :kcl:
وساعات اذا امر مثلا اشتريلي شي وهم ويايه اقولهم اتنقوا على ذوقكم ..واشتروا اللي يعيبكم .. جي وايد يستانسون .. :fa35:
من غير اني ساعات اذا اعرف انه الرضيعة شي يعيبها واحطه في بالي يوم اتكشت ويا ربعي في السناتر .. ادخل اشتريه واييبه لها ..عشان تستانس.. :yes:
احاول - يوم اكون ويا ربعي- اني احصل وقت اتصلهم اسأل عنهم .. :terms:
واشوف اذا يبون شي عشان اخذه في دربي وانا راد .. :kkk:
في وايد اشياء اتسويها .. تقدر اتخليهم يفهمون انك اتحبهم بدون ما تتكلم :yes:
انامل
14-08-06 ||, 01:26 PM
الله لا يحرمك خلانك أخي الكريم
شفت نحن البشر كيف نتأثر بالحرف
ان صعب عليك الكلام
خط الرسايل بخطك
ما تتصور اثرها في قلب قاريها
المحبة نعمة
والأهل هم الأقربون بكل معروف
الله يسعدك
ويخليك لهم أخي الكريم
كلي ود
أنامــــــــــــل:kcl:
المزوحي
14-08-06 ||, 01:38 PM
ماشاء الله عليك .. مايهزك ريح ... أظن بهالطريقة مب إنك توصل لهم ( حبك لهم )
إلا بعد هم يحبونك حتى لو مايرمسون ..
بس في فئة كبيرة يستحون يظهرون هلهم ... حتى لو يوم غابوا ربعه عنه بيتم ملان ولا يطلع هله ..
المزوحي
14-08-06 ||, 01:39 PM
انامل كلج ذوووق ...
وأنا الحين بس اشتري حق الصغارية أكثر عن الكباااار ... أحب اشتري لهم لبس على ذوقي
سواء للأولاد أو البنات