الزواج من..... ماعرف شو احط عنوان الموضوع ؟؟..!!

[شهوووودة الأمورة]

السلاااام عليكم ورحمة الله وبركااااااااااته

بالبداية اسمحولي لاني ما عرفت كيف اصيغ عنوان الموضوع احترت والله :fa36:
واسمحولي بعد اذا سردي للموضوع مش اوكيك :kcl: ( اللي بقدر عليه بكتبه )

الموضوووووووع بالنسبة لي وااايد حساس ..
وهو الزواج من البنت البيضه للريال الخال أو البنت الخاله من الريال الأبيض

انا اقصد من كلمة الخال أو الخاله اللي هم ناس باللون ( البني ) ..

بخبركم بسالفه صارت لي .. تقريبا في شهر 6 ربيعتي اتصلت بي ..

أموني : شهوودة شحالج ؟؟ ويينج اتصل بج ما ترديين ؟؟ مريضة ؟؟ زعلانه ؟؟
شهوودة : لاااااا أموني شو تقولين ما فيني إلا العافيه ومش زعلانه منج بس انشغلت شويه اسمحي لي يالدبه :harhar1:

أموني : شهوودة اباج فسالفه ضرورية
شهووده : خير اموون شو فيج زيغتيني

أموني: شهوودة في واحد يبى يتقدم لج .. وهو ما شاء الله عليه ريال ملتزم وهو يشتغل وحالته المادية الحمد الله وااايد اوكيه والكل يمدحه .. وكان خاطب قبل بس البنت رفضته

شهوودة .: .......... ( ساكته وشوي بتصيح من الصدمه :shock: )
أموني: بس شهوودة هو عيبه شي وااحد .. انه ابوه خال .. عسب جي البنت رفضته ..

شهوودة : ........ ( ساكته)
اموني : شهووده لاا تسكتين ..شوفي اختي شافت صورته وقالت لي انه مووول ما يبين عليه انه فيه ملامح تدل على انه خال..

شهوودة : ممممم انزين امون انا خاايفه .. ( والدمووع اربع اربع )
اموني: لاا تخافين حبي اللي الله كاتبه بيصير .. انتي خبري اهلج وردي علي بخبر .. اوكيك

شهوودة : ان شاء الله ..

هني عاد شهوودة سكرت .. وكانت خايفه بس من شوووه ما تعرف :fa36: وتصيح ليش بعد ما تعرف:fa36:

المهم .. شهوودة خبرت اختها .. لانها مستحيل تخبر امها وابوها بهالسالفه ( تستحي :kcl: :harhar1: )

بعد يومين وصل الخبر لأهل شهوودة .. وطبعا الجواااب كان ( الرفض ) لأنه ابوه خااال ..

أما عن شهودة فأبد ما كان عندها اي مشكله لأنها بعد فترة شوي شوي صارت تتقبل الموضوع .. لأنها ما تعرف بشو الله كاتبه لها .. او يمكن يكون هالشخص من نصيبها ..

بالنسبه لرأي شهوووودة .. ما همها انه الريال خاال .. لانها اهم شي عندها شخصية الريال وسمعته واهم شي انه ملتزم وخايف ربه ..وبس توته وتوته وخصلت الحتوته ....

هاي السالفه جد صارت لي ..

.......................................

بخبركم بسالفه ثانية .. من سنتين اعرف وحده خذت ولد خالتها واهيه ما شاء الله عليها حلوة وبيضه والف من يتمناها .. وخطبها ولد خالتها ( ولد خالتها مش خال بس كااان وااايد اسمر)

بعد فترة استوت مشاكل وانفصلوا عن بعض .. وسمعت هالبنت الله يذكرها بالخير انه في ناس مطلعين عليها اشاعه انها قايله لولد خالته ( شوكلاته بالبن) يعني انه هو لونه بني وهو الشوكلاته .. واهيه البيضة يعني البن.. :nono:

واهيه انصدمت من هالشي مع انها مووليه ما قالت له هالكلام .. بس الحين الحمد الله تيسر حال البنت واهيه الحين مرتاحه .. الله يوفقها:fa35:

.......................................

بخبركم بسالفه ثالثه ..

ربيعتي امون قالت لي انه ولد خالها خذه وحده خااله .. وواااايد يحبها لدرجه انه يتغزل فيها يدام اهلها .. قلت لها كييف..؟؟ قالت الحب ..

الله يهنيهم ..:fa35:

......................................

اظني الحين الكلام اللي كتبته انفهم واظني انه وصل صح ؟؟ :kkk:

اوكيك .. سؤالي هو :

يا بنات هل بتوافقون اذا تقدم لكم ريال خال؟؟ :kkk:

يا شباب هل بتوافق تاخذ وحده خاله؟؟:no0:

والسمووووووووووووووحة منكم واااااااايد اذا اي وااحد تحسس من الموضوع :sad4: :sad4:

واتريا ردودكم وآرائكم .. :yes:

[بنت الدلع]

وعلــــــيكم السلام والرحمه

>> بالحل <<

هممم موضوعج شوي حساس :fa39:

لانه فيه تفرعات كثيره

وانا بختصر الطريج وبجاوب على سؤالج

يا بنات هل بتوافقون اذا تقدم لكم ريال خال؟؟

الصراحه صعبه
اول شي نحن ما ننسى حديث الرسول صلى الله عليه وسلم
وماننسى ان اهم شي في الريال سمعته واخلاقه ودينه
وبعد ماننسى ان السلاله وايد مهمه

> فلنفرض < خذت ريال خال :no0:
والريال وايد طيب وخلوق وانسان له شخصيه والكل يشهد له بالخير
بس كيف بتكون حياتنا بعد مانكّون اسره
احس واايد صعبه > بالنسبه لي <
ان يكون لي عيال خوال
ما بقدر اتأقلم ويا الوضع
وغير هذا رمست الناس >> الام بيضه والعيال سود << (( لاتقولون ماعليج من الناس لان نحن عايشين في وسط هالناس ))

وغير هذا رفض الاهل

وعن رايي
ما اظن اني اوافق مثل مابيّنت توه

وبعدين كل واحد ياخذ من جنسه
ليش نغير ونجلب الموازين :kkk:

واحس ان اغلبية الناس ما توافق على هالشي
هذا مب معناته اني اقلل من قدر الخوال
بالعكس الخوال ناس طيبين وحبوبين
بس مجتمعنا يفرض علينا هالاختلاف
بس الحمدالله نحن ماعندنا هذي العنصريه الي موجوده في اماكن ثانيه

والسموحه:fa35:


--------

من حسن حظي ان اكون اول من يرد على موضوعج

[شهوووودة الأمورة]

لي عووووودة ..

[ريم العين]

طال عمرج على حسب

في اهل يرفضون من اللون

يعني من اللون بيقولون الاهل
البنت ما تصلح له لانه اعيالها بيطلعون خوال ونحن نبا بنتنا عيالها بيض
ولانه نحن ما نباها تعيش طول عمرها ويا واحد خال وجي ..



وفي اهل يخلون الراي للبنت وبس

يعني يعرفون مصلحة بنتهم وبياخذون رايها فيه وبعديين بيقررون ^_^

بس لو ياني خطيب خال اضني برفضة مادري اول شي بقولهم ابا اشوفه بعدين بقرر..مع اني ما ضني بيينيي واحد خال

موضوعج مخجل:kcl:

وتسلمين على الموضوع
وان شالله يخطبني واحد اسمراني هههههههه
بس

[الهيثــم]

لــي عودة إن شاء الله ..

[ولد الحكومة]

وعليكم السلام والرحمة ،،

قال تعالى (( يا أيها الناس إنا خلقناكم من ذكر وأنثى وجعلناكم شعوبا وقبائل لتعارفوا إن أكرمكم عند الله أتقاكم‎ )) صدق الله العظيم

اول شيء بالفعل موضوع جداً حساس .. وصاير كثير عدنا في الامارات :fa39:

المهيم .. نعود لمحور الموضوع ..:ice:

الصراحه انا عن نفسي مابا ازوج وحده خاله .. مب عشان شيء أو انها خاله .. بالعكس والله في خالات حلوات .. بس جذه انا أمنيتي من يوم أصغير .. يوم بكبر ابا ازوج وحدة بيضاء و حلوة .. وبعدين كل انسان يدور على راحته .. :cop:

المشكله عدنا في الامارات وخاصه هالطبع شفته عند البنات بالذات >> :nono: <<<< انهم يوم ايشفون واحد حليوو ومزيون مزوج ( خاله ) يستغربون ويتمون يطالعونه با استغراب :shock: ( جنه الريال ياي من الفضاء ... )

والسموووحه عالمداخلة البسيطة


اخوكم/ قايد الريم

[الاسطوري]

السلام عليكم ..


المشكلة هاي موجوده من زمان والعادات هي اللي تحكم وسبق انها
انطرحت في احدى المسلسلات الخليجيه وكانت اول مره
تنعرض على مستوى واسع وعلى اساس
ان البنات كانوا يتامى فالكبيرة
رضت فيه لأنه
ريال ويعتمد عليه وقد المسؤولية بس هاي نسبتها أقل من 1% لأن
مثل مانحن نشوف ان صعبه ناخذ من غير لونا في هم نفس
الحاله بعد وايد منهم مايرضون ياخذون من غير
لونهم وهالشي يثبت تمســـك
كل طرف بعروقه
:fa36:




المشكله عدنا في الامارات وخاصه هالطبع شفته عند البنات بالذات >> :nono: <<<< انهم يوم ايشفون واحد حليوو ومزيون مزوج ( خاله ) يستغربون ويتمون يطالعونه با استغراب :shock: ( جنه الريال ياي من الفضاء ... )



هالجمله ضحكتني شويه يوم تخيلت الموقف مع انها ماتصير إلا نادرا
ويمكن العكس يكون اكثر ان الخال ياخذ بيضه بس طبعا
ماتكون مواطنه وواحد من ربعي المقربين
أسمر اللون قد ماأحاول
اني اقنعه ياخذ وحده من أهله مب طايع يقول ماعندي سالفه آخذ
مواطنه لعوزه وعوار راس باخذ لي سوريه مثل فلان
وبفك عمــــري لا بترمس ولا بتقول
شي وبترضى بنصيبها
عكس المواطنه اللي تشيب الريال قبل يومه وفي النهاية الواحد
اذا مقتنع بشي صعب ان الواحد يغيره بين يوم
وليله وكل واحد بياخذ
نصيبه

الاســـطـــوري
أخوكم

[ولد الحكومة]

السلام عليكم ..


المشكلة هاي موجوده من زمان والعادات هي اللي تحكم وسبق انها
انطرحت في احدى المسلسلات الخليجيه وكانت اول مره
تنعرض على مستوى واسع وعلى اساس
ان البنات كانوا يتامى فالكبيرة
رضت فيه لأنه
ريال ويعتمد عليه وقد المسؤولية بس هاي نسبتها أقل من 1% لأن
مثل مانحن نشوف ان صعبه ناخذ من غير لونا في هم نفس
الحاله بعد وايد منهم مايرضون ياخذون من غير
لونهم وهالشي يثبت تمســـك
كل طرف بعروقه
:fa36:



هالجمله ضحكتني شويه يوم تخيلت الموقف مع انها ماتصير إلا نادرا
ويمكن العكس يكون اكثر ان الخال ياخذ بيضه بس طبعا
ماتكون مواطنه وواحد من ربعي المقربين
أسمر اللون قد ماأحاول
اني اقنعه ياخذ وحده من أهله مب طايع يقول ماعندي سالفه آخذ
مواطنه لعوزه وعوار راس باخذ لي سوريه مثل فلان
وبفك عمــــري لا بترمس ولا بتقول
شي وبترضى بنصيبها
عكس المواطنه اللي تشيب الريال قبل يومه وفي النهاية الواحد
اذا مقتنع بشي صعب ان الواحد يغيره بين يوم
وليله وكل واحد بياخذ
نصيبه

الاســـطـــوري
أخوكم

اخوي الاسطوري لا يكون انا قلت نكته عشان تضحك :boxed: ..

[هزاايم]

احم السلام عليج
موضوعج صدق يبيله مستحى
تصدقين فكرت بها يعني لوتقدم واحد اسمر أو على قولتج خال وماصار عندنا هذيج القيود من الأهل هل بواافق..؟؟
لا ..هب عيب ولا حاجه لكن حنا بالمجتمع مايرحم لاباللسان ولا بالعين
يعني عنا العيب فينا,,عند الأجاانب عاادي,,ودكتوره ماخذه خاال وبنتها ميكس,,عاادي عندهم أقول بخااطريه لو إنتي بالبلاد ماراح تبروزين صورة بنتج عالمكتب..
يعني مااظني حد خاال رااح يتقدم لوحده بيضه,,واكيد هو رااح يعرف إن هذا الشي هب العيب لكن يخالف تقاليد الوهميه بالمجتمع,,بس الحين اشووف واسمع ان هب مشكله باللون المشكله بالإسم و وش عندهم من...يعني اذ اسمه يهزك هز عاادي البنت تواافق>>وياما سمعنا ليش خذيتيه ؟؟ترد ولد فلان الفلاني اسمه كفايه وش عليه من لونه:boxed: <<عجب عجااب والله بهالدنيا
مااقول غير على الدنيا السلام
سلمتي عالموضوع الحساس
وطرحج جمييل لاهنتي يالشيخه

[ولد الحكومة]

صدقج هزااايم <<< مجتمع مايرحم لاباللسان ولا بالعين :boxed: >>>>> والله بس يتروين ايشوفون او يسمعون .. على حد .. الله يعيينه :nono:

[شمعة أمل]

مــاعرف.. =s

[الاسطوري]

محشوم ياخوي الضحكه ماكانت عليك أو إنها ضحكة إستهزاء بالعكس
بس يعني الموقف اللي وصفته ظريف ويصير لأنه شي
غريب وعيبني التشبيه الفضائي وكيف
يتعجب منه الطرف
الثاني لا أكثـر ،، وعن إجابتي ممكن الواحد يغير من النسل شويه
يدخل سلاله يديده بس طبعا هالشي وايد صعب مثل
ماتشوفون وأكيد الطرف الثاني بعد
صعبه بالنسبه له
:yes:

[تحفه]

انا عادي عندي .. بس المجتمع له راي غير عن راي الدين الاسلامي ;)

[الثعلب الرمادي]

السلام عليكم ...

العرب الأصليين أساسا لون بشرتهم أسمر مائل إلى الإحمرار و هذا الشي معروف و الباقيين يعرفون من وين يوا ... إللي يا من أفريقيا يا من افريقيا و اللي يا من ايران و باكستان بعد المسألة مالها أية أهمية ... فلوا رحت أخطب بنت لون بشرتها أبيض و قالي أبوها ليش لون بشرتك أسمر :) ... بولع لي زقارة و بقوله شكرا على حسن الضيافة و مع السلامة ... الناس مب جلاب أو حيوانات نزوج السلالات من بعض حتى نطلع السلالة إللي نريدها ... و هذيلا الناس إللي يشتغلون بهاي الطريقة و يزوجون بناتهم اللي لون بشرتهم أبيض من شباب لون بشرتهم أبيض ... عيال البيض اللي مفتخرين فيهم لأن لون بشرتهم أبيض هم الحين مب أكثر من شباب فاشلين و منهم المغتصبين و المجرمين و القتلة في السجون و الشوارع و إللي يعتبر إن كلامي مبالغ فيه يجرب يشوف صور المجرمين في ملفات الشرطة أتوقع عدد البيض منهم أكثر من الخوال أو إللي لون بشرتهم أسمر.

بالنسبة لي هذي مسألة عديمة الأهمية ... البنت بنت سواء كانت خالة أو بيضة أو حتى لونها أزرق :)
شو هي سيارة بشتريها حتى اختار اللون و المواصفات :)

[أمواج]

يا بنات هل بتوافقون اذا تقدم لكم ريال خال؟؟ :kkk:


لا مابوافق
حلاة الثوب منه وفيــه

[شهوووودة الأمورة]

تسلموووون ع الردوود .. :sad4:

وكل شخص له وجهة نظر تختلف عن الشخص الآخر..

أمواج .. هدي اختي ليش معصبة :nono: تسلمين ع المرور :sad4:

[أمواج]

أمواج .. هدي اختي ليش معصبة :nono:
الحين انا معصبــه . .؟! :boxed:
am relaX

انا بس قــلت راي في الموضووع . .
لا هو عيب ولا حرام الوحده تاخذ واحد خال بس من راي الافضل تبتعد عن هالزيجــات

[شهوووودة الأمورة]

[QUOTE=أمواج][CENTER]
الحين انا معصبــه . .؟! :boxed:


آسفه:yes: بس مادري حسيت جي من طريقة ردج انج معصبة :fa36: ع العمووووم
:sad4: I'm so sooory

[راعي الزعـامه]

http://upload.bindubai.com/download/asheq/salam.gif
عن نفـسي أنا مـابفكـر اخذ وحده خــاله و هــاي لها اسبابـــها
أول شي شــور الأهــل هــو الأهم
يعـــني لو انا ما كنــت مفكر فوحده وابــا اخذهــا .. بشاور الأهل و بخـــليهم يختارونلي البنـــت اللي يشوفونـــها هم مناسبـــة ،، وما عتـــقد في هالحالـــة بيختارولي وحدة خــاله ،،
أما لو أنا حطيـــت عيني على وحـــده خاله وعيبتنـــي وشفت انها منـــاسبة لي شخصيـــا ما عتقد اللون بيوقــف حاجز بينـــي وبينهـــا ،،
كلنـــا بشر ،، ولكـــن من الافضل الكل يــاخذ و يتزوج من نـــوعه و جنســه و أقصد هني ( الأبيض للبيضة ) و ( والأسمر للسمره )
وهـــاي معادلة الحياة اذا تبون تشـــذون عنها فكــل شخص وحريته و رايه ،،
والله يرزقكـــم ان شاء الله بالزوج او الزوجـــه اللي تتمنونه ،،
:)
http://upload.bindubai.com/download/asheq/bye.gif

[حلم الطفوله]

السلام عليكم

أحسبها خطوة صعبة وااايد ....فيها تحدي للأهل وللنفس ....مستحيل الأهل يوافقون بسهولة

ومستحيل البنت أو الولد يغضب والدينه عشان هالشيء! مب حلوه الحياة بدون رضا الوالدين

وبعدين ... كلام الناس ماشاء الله عليهم ...ودامني وحده من هالناس يوم بشوف بعيني أكيد برمس:kkk:

في النهاية كله قسمه ونصيب ....

[شهوووودة الأمورة]

صحيح اللي قلتوه اخوي عاشق قلم واختي حلم الطفوله ..

تذكرت سالفه من شوي .. وحده تقدم لها خال .. ووافقت عليه .. بس بعد شهر تقريبا .. الناس تمت تعاير أهل البنت ليش وافقتوا عليه .. ؟؟ اليييين أهل البنت اتخذوا قرار انه البنت تنفصل عن ريلها .. :bye2:

اذا تمينا نسمع كلااام الناس ما بنعيش :sadwalk: ليش جي الناس ما يرحمووون :sadwalk:

[الهيثــم]

عـدنـا


من وجهـة نظـري يا إخـوان
أشـوفهـا صعبة شوي .. إنه البيـضة تاخـذ الخـال
ومستحيــلة ونادرا ما نشوفـها إن الأبيـض ياخذ الخـالة


ومثـل ما طـرحوا اخـوانا واخواتنـا قبـل . حـلاة الثـوب رقعتـه منه وفيـه
ونظـرة النـاس بتختـلف والنســل بيطلـع برونزي والأهـل بيعـارضون
فـ الأفضـل إنه الواحـد يفكـر ويحسـب حسـاب كـل شي


وفـ الأخيـر إنقـول إنه لـ كل قـاعدة شـواذ
ويمكــن الريـال الخـال يكون أفضـل واستـر وأرحـم على هالبنيـة من الريـال الأبيض ( يمكن يكون انسان فاسق )


بس إنه الريـال ياخذ وحـده خـالة اشووفـها صعبـة جــدا ..


. . .


والسمووحـة


:yes:

[ذنـيـنـي]

الين الحين يمكن كتبت 4-5 ردود و مسحتها
لأنها ردود يمكن حد يزعل منها

و شد انتباهي رد المتفيزرة عالعرقووب
خير الكلام ما قل و دل :yes:





لا مابوافق
حلاة الثوب منه وفيــه

[فركوشه]

اهو صعبه شوي اني انا اخذ واحد خال..:no0:

بس اذا كان ملتزم وينشد الظهر فيه ليش لا..؟؟.

بس تدرون كلام الناس.. مايرحم..:fa39:

وعلى طاري السمر ..

انا اخواني ولا واحد منهم ابيض ..كلهم سمر..مب يعني سووود.. :boxed:

واحس انه عادي.. حلوين تبارك الرحمن..:kcl:

وترا خال عن خال يفرق.. في خال ابيض وفي خال اسمر وفي خال زايد عن اللزوم..

[لمّــاح]

السلام عليكم ..

الموضوع جداً حساس و عيبني في نفس الوقت و اشكر كاتبة الموضوع على هذا الطرح :yes:

انا هالضاهره ماحسبها منتشره وايد في البلاد عندنا لكن برع البلاد وااايد حصلت ناس جيه ..

بغض النضر عن اللون و الاصل ...الخ في النهاية هاذي حرية شخصية و الواحد حر يختار شريك او شريكة حياته على كيفه ..

و صحيح ان هناك بعض الآيات و الاحاديث التي وردت في الدين مثل الآية الي كتبها الاخ قايد الريم
يا أيها الناس إنا خلقناكم من ذكر وأنثى وجعلناكم شعوبا وقبائل لتعارفوا إن أكرمكم عند الله أتقاكم‎ لكن في النهاية للإنسان الحرية في الاختيار و للدلالة على ذلك (بما معناه) في مرة من المرات تقدم الرسول لخطبة احدى النساء لكن اعرض عنها في الاخير وغير رايه ... ليش ؟؟
شاف علامه او شي فيها و ماعيبته ف غير رايه ...
اسمحولي القصة كتبتها بإختصار شديد و بدون التفاصيل لأني ماذكرها عد ..

و في النهاية انا اذا سئلوني عن رايي تراني افضل اني آخذ وحده من نفس لوني ... مع كل احترامي لباقي الالوان ... :yes:

[خيال الروح]

السـلام عليــكم

المـوضوع شوي حسـاس ..

وبالنسبه لسـؤالـج :-

يا بنات هل بتوافقون اذا تقدم لكم ريال خال؟؟

لا مـا بـوافق ,,

بس في نـاس عـادي عنـدهم .. ايوزون بنـاتهم بخوال ..
ومن يومين تقريبـا شفت خال مـاخذ وحده بيـضه .. ما استغربت بس الى استغرب أخوي
وسالني كيف هـاي مـاخـذه خـال وهي بيضـه ..

قـلتله كـل واحـد حـر .. :)

:

[قرموشة]

لا مابوافق
حلاة الثوب منه وفيــه



وهـذا رايي انا بـعد :yes:
صعبـه .. ما أتخـيل انـي آخـذ واحـد * أسمرااني ( غامـج )*

[ولد الحكومة]

السلام عليكم ..

الموضوع جداً حساس و عيبني في نفس الوقت و اشكر كاتبة الموضوع على هذا الطرح :yes:

انا هالضاهره ماحسبها منتشره وايد في البلاد عندنا لكن برع البلاد وااايد حصلت ناس جيه ..

بغض النضر عن اللون و الاصل ...الخ في النهاية هاذي حرية شخصية و الواحد حر يختار شريك او شريكة حياته على كيفه ..

و صحيح ان هناك بعض الآيات و الاحاديث التي وردت في الدين مثل الآية الي كتبها الاخ قايد الريم لكن في النهاية للإنسان الحرية في الاختيار و للدلالة على ذلك (بما معناه) في مرة من المرات تقدم الرسول لخطبة احدى النساء لكن اعرض عنها في الاخير وغير رايه ... ليش ؟؟
شاف علامه او شي فيها و ماعيبته ف غير رايه ...
اسمحولي القصة كتبتها بإختصار شديد و بدون التفاصيل لأني ماذكرها عد ..

و في النهاية انا اذا سئلوني عن رايي تراني افضل اني آخذ وحده من نفس لوني ... مع كل احترامي لباقي الالوان ... :yes:

تسلم الغالي .. موضوعك مفهوم . ويعطيك العافية

[الجديدة]

تسلمين أختي على الطرح لمثل هذا الموضوع
كلامج صحيح أن الأهل ما يزوجون بناتهم لواحد خال أو أسمراني
بالنسبة لي أنا شفت كثير من هالأمر
على سبيل المثال وحدة من الأهل خطبها واحد أبيضاني بس أمه خاله
ما شفتوا كيف صارت الأمور معظم الأهل رفضوا الموضوع بعدين قالت هذا أمر يخصني
و تزوجت من الريال بس بعدهم الناس ما نسوا أن الريال أهله خوال

بالنسبة لي أنا ما أشوف فيه أي شي
عادي الأمر بس حسب تقبل الأهل
للعلم أنا متزوجة من رجل أسمراني و انا بنت بيضة ما شفت أي مشكلة
وولدي أسمر على أبوه بس عادي معي
بس هذا الرجل من أهلي و على قولة المثل (حلاة الثوب رقعته منه و فيه)
بعدين الرجل بأخلاقه و دينه و احترامه للمرأة مش بلونه

شكرا على الموضوع

[ريم العين]

احس انكم دمجتوو الاسمراني ويا الخال ...

الاسمر مافيه شي ولا فيه شي غلط ليش دخلتوه فالموضوع انا من النوع اللي احب اللون الاسمر صح انه مب لوني بس حلو ^_^


ولا انا غلطانه

[بنت الدلع]

انا وياج في هالنقطه
الاسمراني غير عن الخال
بس يمكن البعض مايحب يقول كملة خال عشان ما يسوون حساسيه

وفي احيان كثيره تلقين الاسمر يجذب اكثر عن الابيض

[الشيـــن]

فكرت وفكـرت وفكــرت ، ماعرفت بـ شوو أرد
لان الواحـد يوم ينحط فـ الموقف يفكر غــير .. ويوم يفكر قبل لا يصيير الشي
تكـون أفكاره غير ..
\
\
بس بغيــت أقول .. لبعض الي ردوا
ممكــن احنا نوصل الي نقصده بـ طريقه ماتجـرح الناس المعنيين ..
يعني اللي تقول ماتخيل عمري ماخذه خال ، واللي تقول واللي تقول ..
احس مب شــي .. صح ماتقصدين شي .. بس سبحان الله
اللي يقرى كلامج يـتحسس من هالـشي .. أو يظايـج مب شي بعــد ..
والسمـوحه جان ظايجـت حـد ..

[منصوري الدوله]

صعـب.

[الشحية]

أمممممممممم ..
ما أدري ..

[دلع امونتي]

الاسمراني غير عن الخال وبالنسبة لي احب اللو الاسمر اكثر

اتمنى ريلي يكون اسمر ومب اي اسمراني

موضوعج حلو اختيا وشو بقول اكثر عن اللي قلتوه

بس اكون حرمه لخال احسها مب حلوه مووووول

[مزن هتان]

تعبت و أنا فكر
وبالأخير قلت ما راح اوافق<<< بصراحه

للعلم في بعض الاهالي يكونوا موافقين بس
البنت ماتكون موافقه لأنه - خال -

أحس ان لو الزوج يكون -خال- عادي بس انها
الزوجه راح تتعقد حتى لو كان زوجها يحبها
:no0:
عشان كذى البعض يبتعد في حال اختلاف اللون

موضوع :puppyeyes: محرج

[المزوحي]

يمكن الحين أنا أرفض وأقول ماباخذ لكن مادري شو المكتوب لي .. لكن عنا أهلا أكيد رافضين كليا بهالفكرة والواحد يتخير .. لأنه العرق دساس .. حتى لو هم أحسن عنا في الأخلاق .. وفي وايد ناس راقيين وأخلاق لكن .. لو أنا مثلا شفت مصرية بنت ناس باخذها ... مايستوي .. انا ما اعايب لكن أقول راي ... وايد عوايل زينة في مختلف الجنسيات .. لكن هذا مش معناه مابلقاه في بنت البلاد ...
مع إنه أنت تبين نقول راينا لشخصين من نفس البلاد ...

في ناس كانت رافضة الفكرة نهائيا لكن البعض بدأ يتقبل ...

[اصايل]

هللااا شهوودة اشكرج عالموضوع مع ان بعض الناس يشوفونه صعب
بس انا شخصيا افضل ان اللي يخطبني يكون نعرف اهله و نعرفهم سواء خال او ابيض
و اهلي ما اعتقد انهم بيعارضون يعني يتفهمون الوضع يعني اذا كان ريال زين و خوي شمه :fa34:
و انا نفس الشي اهم شي عندي اخلاقة و انه يخاف ربه و يكون عنده شهادية و يشتغل في مكان زين :daleel:

[دانة حتا]

موضوع صدق حساس بس هذا اللي صاير الحين
انا بعد وايد اسمع هالكلام من البنات ((ما باخذ خال))
انا شخصيا اكره هذي الكلمة ومالها معنى يمكن اتكون الطف من كلمات
ثانية بس بعدها غلط لانه اللون ما يعطينا الحق انا انميز بين الناس
ودام الواحد اخلاقه توب الصراحه انا ما يهمني لونه
وو شو بيستوي يعني لو ارتبطت البنت في واحد اسمر او ابيض بيزيد منها شي
والا بينقص ..لا ما اظن
الواحد باخلاقه ودينه مثل ما قال الرسول عليه السلام
وهذا رااااي و السموحه

[ولد الشحوح]

لو خال خذ بيضة او ابيض خذ خاله ... عيالهم ما بينظلمون لان بشرتهم بتكون برونزية

[ألـم]

هوه الموضوع حساس شوي مثل ما قالوا البعض ..
عني أنا ما أبى آخذ واحد خال ..
بس ترى فيها شويه من الختلاف ..
انا ما اريد أكبر هاه الموضوع بس كنت من فتره أرمس عن هاه الموضوع وقالولــي أنه ربي قال من الافضل انه ما نآخذ منا وفينا والله أعلم بهاي العباره ..
بــس أذا كان واحد أسمراني أوكي مب مشكلــه عندي ..

[الشوق]

السلام عليكم ورحمة الله وبركاته ...
الانسان باخلاقه وطيبة قلبه وكرمه ...
الانسان موقف .. ورجوله ..
كفايه يكون الانسان بالقلب .. وكريم الاحساس ..
بغض النظر ان كان ابيضـــاني او خـــــــال ( سواء الاسمر / الازرق )
كلنا عيال ادم وحواء ...
وكلنا ابونا ادم
وامنا حواء ..
.
.
مع احترامي الشديد لكل الاراء ..
انا عندي اربيعتي بيضا ( لكن اتموت في الخوال - الزرق ) وخاطرها اذا ياها واحد يكون خال خال ..
ليش نستغرب من هالاشياء ..
نحن وين عايشين في غابه ..
اذا الامريكان احينه بدت تنفتح عقولهم وما قام الكثيرين منهم يسوون هالتفرقه
فشو بتقولون عنا نحن العرب ..
.
.
نحن مختلطين ..
امي بيضا وابوي اسمراني .. يعني طلعنا النص بالنص ..
والحمدلله الانسان عايش حياته ..
المهم في النهايه الاقتناع ..
واذا الانسان بيكون مقتنع من داخله ما بيهمه كلام الناس ولا كلام العذال ..
.
.
احينه لو البنت كملت الثلاثين وما ياها نصيبها باجر بتقول ياريت لو اتزوجت الخال اللي اتقدملي ..
.
.
اصلا صرنا في مجتمع ما يقبل :- الريال الاسمراني - هذا من دون شهاده - هذا امه هنديه / مصريه - هذا من بلاد ثانيه .... / هذا فقير ..وهذا وهذا وهذا ..
والا الولد بقوول ( ابا وحده تشتغل - ابي مدرسه - ابي وحده بيضا - ابي شعرها طويل . ابي وابي وابي ..
.
.
واذا الله تعالى قال في كتابه الكريم :-
قال تعالى ( *يأأيها الناس إنا خلقناكم من ذكر وأنثى وجعلناكم *شعوبا وقبائل لتعارفوا *إن اكرمكم عند الله اتقاكم " صدق الله العظيم ... ) *
فهل هناك افضل من كلام الله تعالى
.
.
والرسول صلى الله عليه وسلم قال:
(لا فـرق بيـن أعجمــي وعـربــي إلا بالتقــوى)
وهل هناك اسمى من كلام الرسول صلى الله عليه وسلم
.
.
.
والرسول صلى الله عليه وسلم عندما سمع احد الاشخاص يعاير بلال بن رباح في لونه ..فقال له (( انك امرؤ في جاهليه )) . بلال كان انسان اسود .. لكن كان فيه قوة في ايمانه ..
.
.
اخواني ...
للاسف نحن انعيش في مجتمع للاسف ان الين يومكم هذا يفكر في هالشي
ويفرق بين الناس في هالشي ..
حتى وصل بنا الحال ان الكثير منا مقتنع اب هالشي ورافض المساله رفضا باتا ..
.
.
الواحد يوم بيرفض علشان سلوك الانسان
علشان يمكن هذا ما يقوم بفرايض ربه
علشان سمعته مب زينه ..
مب علشان لونه او مكانته او امه منوا والا ابوه منوااا
.
.
شهوووده اسمحيلي الغاليه
بس حبيت اضيف ردي لموضوعج ..
اتذكر اني طرحت موضوع من هالقبيل ..
والحال نفس الحال يالغاليه
الله كريم ..
يمكن اراء الناس تتغير .. في يوم من الايام ..
وسلامتكم / الشوق

[سفير الخيال]

كلـــهم طيبين وحبـــوبين ومنـــا وفيــــــنا :yes:

لكن بما إن هذا الشي بيعكر حياتي وحياة حرمتي فليش ألعوز عمري

أفضل آخذ وحده من قريب من لــوني http://www.cheesebuerger.de/images/smilie/boese/e060.gif

شكرا على الموضوع

[أنامل قلب]

وايد مستغربه .. !
.. .

[مايهزك ريح]

" حلات الثوب رقعته منه وفيه .. "

[جنون امرأة]

ما يهزك ريح كلامك صحححححح 100%

[قلم رصاص]

مالي عودة ...

[الا انا]

الي الله كاتبه بيصير ..

كل شي قسمه ونصيب ..

..


!!!!

[بنت ناس و عرب]

يا بنات هل بتوافقون اذا تقدم لكم ريال خال؟؟

لا و خاصه بيصير قبايل فيها و المعاير فهالزمن ببيزه .. و الله يكفينا شر القول و الحريم و الناس ،،،

[الـيـاه]

شهودة
تسلمين ع طرح الموضوع اللي ماجد تكلمت فيه :k_icon9: *اظني*
وقبل ما ارد اقول آسفه للي ممكن يجرحه ردي او يضايجه بس ابا اقول الصراحه


---


يا بنات هل بتوافقون اذا تقدم لكم ريال خال ؟


بصراحــه .. لا
مجتمعنا وايد متشدد خاصه عنا هني في لبلاد
إذا اهالينا مايرضون حتى بالابيض إذا كان فيه عرج .. او حتى بالاماراتي *قح* إذا كان من عايله مب من نفس مستوى العايله اللي سار يخطب عندها ويكتفون بكلمة - مب من مواخيذنا -
فـ ما بالج لو المتقدم خـال :k_special2: ( ما اقصد الاهانه طبعا ً ) هم وايد طيبين وكل شي لكن عاداتنا جي! S:


رغم أن الدين قضى على التفرقة العنصرية والقبلية الحمدالله
لكن لين الحين الاغلب ينظرون للريال اول شي للنسب والاصل وعقب اتي الاخلاق والدين .. الخ >.<
لانه عنا هني مايجوفون الشي بمنظور ( الحرام ) يجوفونه بـ ( عيب أو منقود عند العرب للاسف )


ادري كلام الناس مايهم
بس ماننكر تجنبه :fa52: وما اعتقد ان في بنت بتتزوج حد بدون رضى اهلها عليه حتى لو كانو على خطأ


.
.
.

[عذبة الروح]

يا بنات هل بتوافقون اذا تقدم لكم ريال خال ؟

بـ اختصار ..
صعب .. ومن سابع المستحيلات




مع اعتذاري

[أنامل قلب]

ماكنت أبــي أناقش بالموضوع ،، يمكن لـ حجم الـ (( ؟!؟!؟!؟!؟ )) من عدة نقاط لقيتها فيه // وما أطري الآراء لأنها خاصه ابـ أصحابها ..
بس لـ أسباب أخرى كثيره كذلك ،، من فتره وانا أفكر بطرح إضافه ،، ولا تسئلون ليـــش !

:

بالبدايه ،، أحب أقول إن رايي خاص فيني ،، وما بطرح راي الاهل فيه ،، لان سبحان الله ،، ربي أعلم !
مع العلم إني ماظن بإن رايهم بيفرق عن رايي ،، أو يمكن يتركون الخيار لي دامهم سوو اللي عليهم ..
لأن أنا اللي برتبط بالنهايه ،، وابـ شخص بيلتحم فيه نبضي ابـ نبضه طول العمر دنيا وأخره ،، وبالتالي من حقي أبدي كلمه !
وابـ معنى ثاني ،، إذا اهمه رافضين شخص من الأساس "مش لمظهر" لكن لأمور اخرى كبيره ،، فاحتمال كبير ما يعلموني بالمتقدم أساسا !

وعن شخص المتقدم وخلقه وغيره ،، فـ ما له داعي أتحدث عن هالأمور لـ علم الكل عنها ..

:

برايي ،، مثل ما إن في رجال بيض يتم رفضهم من قبل الفتاة لـ مجرد النظر إليهم ،، مش لجمال أو قبح حاشا لله ،،
ولا حتى لـ سوء ظن أو فكره سيئه // خاصه إن لم تشأ الاستخاره حتى ..
بس جي من الله ،، بغض النظر عن رفض الفتاه أحيانا لـ مجرد الرفض ،، أكان لـ حياء أو ذاك الاحساس الغريب .. . !

هذا إن سمحت بالنظره الشرعيه من الأساس !!!!

بالمثل دون زياده أو نقصان ،، ممكن أرفض أو أوافق على صاحب البشره الداكنه ،،
حاله حال الأبيض تماما ،، ولـ نفس الأسباب .. . !

:

استفهام ..

لا أدري لما لا يأبه الإنسان لـ رأي الناس بكثير من الأحيان عند ابداء المنكر وغفله لا يرضا به الرحمن ..
بيد أنه يخجل كل الخجل ،، يفكر ألف مره ،، يحاسب ،، يتردد ،، يعمل كل استطاعته لـ تجنب كلامهم ..
لمجرد معتقدات وآراء يدرك عدم صحة أساسها .. . !

فاللهم لا تجعلني لا من هؤلاء ،، ولا من هؤلاء ..

:

همسه : الموضوع وايد ضايقني ،، فمابالكم ابـ أصحاب البشره الداكنه إن قرو اللي قريته !
فعلا كنت أتمنى يتم مراعاة بعض الألفاظ واسلوب ابداء الرأي قليلا ،، جدا كنت أتمنى ذلك .. .

.. .

[تحفه]

السلام عليكم ...

العرب الأصليين أساسا لون بشرتهم أسمر مائل إلى الإحمرار و هذا الشي معروف و الباقيين يعرفون من وين يوا ...


فقط للتصحيح


العرب الاصليين لونهم ابيض ... السمر يكونون مخلوطين! الرسول كان لونه ابيض مشرب بحمره مب اسمر محمر :wink:

[الهيثــم]

همسه : الموضوع وايد ضايقني ،، فمابالكم ابـ أصحاب البشره الداكنه إن قرو اللي قريته !
فعلا كنت أتمنى يتم مراعاة بعض الألفاظ واسلوب ابداء الرأي قليلا ،، جدا كنت أتمنى ذلك .. .

خيـر ما نطق به لسانج إختي أنامل ..

[بن دبي]

السلام


موضوع جداً حساس ..

وشكرا للكاتبة .,.

الحين الموضوع عن الخوال (شديد السواد) او عن السمر (بجميع درجاته)؟؟

من قال ان ماشي عرب بيض ؟؟؟ محد ينكر ان اكثر العرب سمر وهل شي بسبب الشمس موب بسبب العرق ؟؟

وفي النهاية ناس اتقول حلات الثوب رقعتها منها وفيها ^_^ و (( العرق دساس )) عن الاهل هل مقوله ^_^

وشكرا

[المياسه]

حبيت أشارك برايي لأنه هالظاهره انتشرت وايد في الآونه الأخيره في البلاد..

وااااااايد شفت حالات واستغرب منها بصراحه مب إهانه بس مثل ماقلتو الموضوع له علاقه بالعادات والحسب والنسب وبلا بلا بلا... مجتمعنا مايتقبل هالشي.. ورمسة الناس ماترحم.. أنا لاحظت إنه الموضوع هذا واييييييييد عادي في بعض من دول الخليج مثل الكويت والبحرين..

بس بالنسبه لي ..لااااا...طبعا برفض عالرغم من كفاءة الريال ودينه و أخلاقه بسسس...شويييه صعبه..

والسمووووووحه