نـورت *الواحات* بـوجودي ، واظلمت لي عدت مب فيها ..!

[الشيـــن]

السـلام عليكم .. فردا فردا ، نفرا نفرا ..

انا عضـوه يديده ..

يا ريت لـو تصفون طابور بالدور عسب ترحبون فيني .. \ هاللي قاصات على اعمارهن ههه

المهم ..

اسمـي معناه \ حرف الشين

مش \ الشين اللي هو عكس الزين ..

وادري اني بعاني وايد .. لان وايد بيتحروني ولد

بس شـ سوي .. هالنك اللي رسيت عليه عقب رحلة بحث طويله ومحاولة لـسرقااات
نك نيمات من مواقع ثانيه لول ههه لالا اسولف ..!

وان شالله ماكون ثجيله عليكم ..

.
.
.

اختكم الصغيرونه

حرف شين

:fa41:

.
.
.

[مجموعة إنسان]

يا هلا ومرحبا فييج اختي (ش)
تشرفنا بوجوودج معانا
يللا عااد شدي حييلج
ونبي مواضييع حلوه
وان شاء الله تفيدين وتستفيدين..


اخووج
هواجيس مشتاااق

[تنينه]

يــا مرحبا بج حرف الشيييين وبكل الحروف الأبجديه :mar7aba: ,, منوريين الواحات وان شااء الله بـس اتنورونها أكـثر بإبداعاتكم وتواجدكم :smartass: ,,


والسمووحه ختيه :kcl:

[بنت الدلع]

مرحبااا ملايين مايسدن

حي الله حرفناا ^_^
شحاالج وشخباارج وشحاال عربانج
عساهم طيبين ^^

حياج الله ياختــــيه ويانا
وان شالله نشوف مواضيعج الربشه ^^

[طير الغرام]

http://upload.bindubai.com/download/6eer/6eer-S-oasis-New.gif

يا مرحبا بج ختيه
نورتي الواحات
>> احساس قلبي يقول إني أعرفج :kkk: (( يسموني أم احساس من كثر ما اقول احس واحس :ice: ))

وإن شاءالله نتواصل ع الخير ^_^

http://upload.bindubai.com/download/6eer/6eer-L-oasis-New.gif

[ألم ترى]

بسم الله الرحمن الرحيم ..

حياكم الله وبياكم ويانا ف الواحات ..

إن شاء الله تفيدين وتستفيدين ..

اتمنى لكم اسعد الاوقات واطيبها ..

[قلوب دبي]

:)

صباح الخير ..
يا مرحبابج معانا بالواحات ..
و ان شاء الله تستانسين معانا ^_^

[الهيثــم]

مرحبــا اختي .. ويــا هـلا فيــج
ان شاء الله تستــانسين ويـانا

وتقضيــن معـانا أحلى الأوقات

وانا بعــد حـاس اني أعــرفـج ...
إذا تبيني أقـول شـاك فـ منـو بقول مب مشكلـة

عـ العموم حيــاج الله اختي ويا هلا فيـج ..

[قرموشة]

>> عنـدي احـساس بأنـي أعرفـج بـعد لوول * حشررن مع الناس عييد *:harhar1:


أسوولف طال عمررج :ice:
المـهم حـياااج الله بينــا وان شاء الله تستفيـدين وتفيديــن ..
وانشوف تفاعـلج الحـلو معانــا في الواحـات ..
ويا مـرحـبابج
:)

[صدى جوفي]

حرف الشين عيا بي :harhar1:
...
مالـ أول :doh:
،،،
يــاحيّج ويــانــا .. :mar7ba:

أحس أنج تذكريني بليتات وبلاوي :fa36: ما أدري ليش>> لا تاخذين بكلامي :unlock:

.:.
’’شين‘‘
~ الواحات ~
.:منورة بوجودج بين أهلهــا:.
أختج .. ’’صاد‘‘
...
:

[الهيثــم]

صــدى جــوفي

brgll:

[ريم العين]

يا مرحبابج حبوبة

وان شالله تستفيدين واتفيدين ^_^

[هزاايم]

ياهلا ومرحبا بللي لفاانا وسجل عندنا
اشهد لج إنها أحلى حركه قمتي بها
تستااهلين ال:fa34: :fa34: :fa34: :fa34:
مرحبابج يالشيخه
وش اسمه عجبتنيه حرف الشين يا بنيه:yes:
يا الله ان اشا الله تستفيدين وتفيدين وتتونسين

[بحر الموده]

وعليكم السلام ورحمة الله وبركاته

** الشيـــن **
هلا وسهلا نورتى واحات بن دبى بطلتج الميمونه علينا

ويامرحبابج مليون ترحيب ... وان شاء الله اتفيدين وتستفيدين وتستانسين بين اخوانج واخواتج الكرام

ربى يوفقج للخير ونشوف كل ابداعاتج الحلوه فى المنتدى


خويكم/ بحر الموده

[الثعلب الرمادي]

hallo

[الشيـــن]

الثعلب الرمادي
هلـوو فيك والله:ice:

بحر الموده
يا هلا بك اخويه
مشكور عـ الترحيب الغاوي

هزاايم
لول .. بلاج مشتطه خخخ
مشكورة غلايه ع الترحيب

ريم ريم
مرحبابج زود الغاليه


صدى جوفي
تصدقين كنت بحطها عنوان حق الموضوع
عقب قلت ماااال أوّل .. ههه
ليتات وبلاوي .. شو يخص هذا بـ هذا وشو يخص الاثنين فيني ؟ :boxed:
فهميني عـ الخاص ، اوكي حبوبه :kkk:


قرموشه
يا هلا بج الغاليه
وان شالله اكون عند حسن ظنكم ..
وبلااااكم كلكم استويتوا تعرفوني هههه !!


خطـّاااب
لـ حّــووول .. كلكم تعرفوني وانا مادري ههه
خلاااص من باب الفضول خبرني ع الخاص شاك فـ منـووو !!
مع اني ماتوقع لان توها الا أول مشاركه وياكم !!
الأسـاااليب كلها متشابهه هالايام .. بلاك انته ؟ ههه


قلوب دبي
مرحبابك زود اخوي
وان شالله اكون خفيفه عليكم


محب الشيخين
ان شالله ماتشوفون مني إلا كل خير
شكرا اخوي


طير الغرام
حتــى انتي !! ههه
كلكـوووا عليّـاااا لييييه :no0:
يخلأ من الشبه أربعيييين ..
مشكورة الغاليه ع الترحيب


بنت الدلع
انا طيبه طاااب حالج
جيف حالج انتي الغاليه ؟
لول ههه خشمج خشمج ..
ان شالله اكون عند حسن ظنج


تنينه
مرحبااابج الغـلا ..
مشكورة ع الترحيب الغاوي ..



هواجيس مشتاق
مشكور خيـّـوو ع الترحيب الغاوي
وان شالله اكون عند حسن ظنك ..

[الثعلب الرمادي]

صح الحين بس تذكرت ... تعرفين أبو الحروف :)

أقوى من الشدة أحد من السين أهدء من السكون أسرع من لمح العين إنه الرجل الطائر إنه أبو الحرووووف ...

مال أول :)

[منــاوي]

حياج الله اختي .. :)

[دمعة شوق]

:fa56:
وأنـا بعـد شـاكـه في حـد هييهيهي
؛؛

يـامرحبابج السـاع ياختيـه
مرحبابج في الواحات ويـانـا
وأرقب مواضيعج الغــاويـه
:fa35:
ومرحبابج مره ثانيه من بيـنـا
؛
خويتج
دمعوه

[راعي الزعـامه]

يا هلا ومرحبا فيج اختي ويانا
وان شاء الله تقضين اوقات ممتعه :)

[المزيوونه]

مرحبابج اختيه .. منوره بوجودج ..

هيهيه انا بعد اشتغلت عندي الحاسه ..
ذكرتنيني بعضوه طلعت من فتره ..

حياج من بينا اختيه ..

[كـلـكـلـووش]

ولــــكم بــــاك .. و حيالله بالشـــين ..

[تحفه]

إختيار موفق للنك نيم ..و أبدا مش مالوف..

يا اهلين وسهلين

[خيال الحب]

هلا بحرف الشين والسين

شحالك وشخبارك خخخخ>>> استعباط من اولها لووول

حياج طال عمرج

نورتي وشرفتي :)

[الشيـــن]

مشكــووورين مشـكوووريين

ها كله حقي ، لوول
:ice:
.
.
بس شو هااا لهالدرجه أسلووبي مألوووف إلكم !!
يالله يخلأ من الشبــه أربعيييين :fa36:
.

.

[أمواج]

.
تشــرفنا
.
.

[عاشق الليل]

تحياتي الك ياشين ..من بحر ما حوى شين ..من شوك ملا الدنيا وبوجودك صبح بحرين تحياتي وهلا بك بحضورك مو بغيابك عسى دومك فرح وسرور من قلب البحر ومرجانه من صدى اللؤلؤ والدانة من عاشق البحر :fa34:

[مخاوية الامل]

فديتــج الشــين ، ..
مرحبــــاابج غنـــاتــي بين هلج وداارج ..

هالله هالله فـ المواضيـــع ..
وفيدينـــا ولا تبخلين باللي عنــدج علينــــا ..

ختج ..
مخاوية الامل ..

[الـيـاه]

امنو انتي ؟ :nono:

لااا لاااا شو ها تحسون ما تحسون .. انا مول ما حسيت ولا عرفت !! موووول ما اعرفج ههه


حيااااااااااج الله يا عسل
وان شاااء الله تستانسين ويانا

:harhar1:
فالجو غيم وألا فالغيم جو هههه

خلاص خلاص

بشرد

سلموا على امي بنشنق :bye2:


.
.
.

[الشيـــن]

مرحبـااابكم والله
مشكوريــن عـ الترحييب
بلااااكم مشتغليــن نفس شلة قوم بوكونـان .. كيكيكي ..
.
.
يا ناااس ياا عااالم هاي أول مره اشـااارك فـ الوااحات
بس كنت اتاابع من بعيـــد لـ بعيييد ..
كيف اقنعــكم ؟!
.
.
.

[شوق القلوب]

يـــــــــا حـــيالله الشيـــــــــــــــن..:fa35:


مرحبـــابج ان كنت شيـــن يديده... :fa34:

و الحمد الله ع السلامه.. جانج شيــن الجديـــمه... :sad4:

..


أدري.. ردودنا رافعتلج الضغط.. :boxed:
بس شو انسوي.. مستانسيـــن فيج .. :ice:

[الشيـــن]

انا بس لو أدري ان في
حــد أسلوبه يشابه أسلوبي
جـاااان ما فكرت انزل هالموضوع أو أشترك
ههه
،
مرحبابكم والله
.
.
.