:: .. توافق على اختلاط البنات مع الأولاد ؟؟ اقربوا انتوا بس ؟؟ .. ::

[المقاتل]

السلام عليكم ورحمة الله وبركاتـــه ..

شحالهم العرب .. عاده اسمحولي يالربـــع تراني مقصر فـحق الواحــه المفتوحه :kcl: .. وصارتلي فتره طويلــه ما كتبت فيهــا موضوع ، وهذا وكوني مرافق عليهـــا دايمــا كل ما اكتب موضوع امسحه اقول ما بيعيبكم .. :doh: بس آخر شي قلت خلني اتوكل على الله واكتب .

::: ..

بس بصراحه يبتلكم موضوع ، يمكن يسخن على حسب ظني .. :kcl: والله كشخه اقفط القى بس ردين .. المهم .. موضوع .. :doh: بس هاه لحد يدعي علي .. هاه كل يوم المدرّسه ( المس ) إلي عندنا تناقشنـا فيه .. بس نحن مخبلينها مره انقول هيه ومره انعارض الفكره .. وطال عمركـم الفكره أو بالأخص القضيه تقول :-

هل توافق على دراسة الفتيات مع الشباب في صف واحد في المدارس ؟؟

brgll: هاه اشوف كل واحد منكم اشتغل مخه ويفكر ويبا يكتـب رايـــه .. :kkk: بس إلي يوافق يكتب انا موافق ان الشباب يدرسون مع البنات .. مع ذكر الأســـباب .. و العكس نفس الشي .

طبعـــا دينيــــا .. لا يجوز .. والله أعلم .. بس حاليا مدارسنــا يالس يحصل فيها نوع من الاختلاط سواء جامعات - كليات - مدارس أو بالأخص صار وخلص بعد .. ( اختلاط كامل ) .. عذرا لمراقبي واحة المدارس بس افضل الموضوع يكون مفتوح .

:: ..

انقضي وقـــت في نقاش brgll: لعلّـــه مفيــــــد .. وإن كان العكس خلنا انقول ثرثره واحاتيـــة .. شرايكم .. ؟؟

تبون رايي ؟؟ بقولكم إياه عقب ما اسمع رايكـــم ؟؟ هاه وشقلتوا ؟؟

[ريم العين]

هو لا يجوز بس انا احسة شي عادي ^_^

بقرا الردود بعدين بقول رايي ^_^

[دمعة شوق]

وعليـكم السـلام والرحمـه

وأخيـرا ً مقاتلـنـا هنه
يامرحبابك ياخوي
وياحي بـ مواضيعـك
:fa38:
؛؛

اممم موضوعـك في غـايـة الخـطورة
انا مـن رأيـي وبصـراحـه ماا أوافـق على اختـلاط البنات والأولاد معـا ً
يعني مااتخـيل انهم يختـلطـون ويدرسـون ويأ بـعـض ؛ لأن وايـد سلبـيـات بيتعرضون ألهـا
مثـلا ً لأن عيـالنـا ( البعـض ) مب شايفـيـن خيـر فـ كيـف تبـاهم يدرسـون ويأ بنـات
هـذي بالنسـبـة ألهم حلـم حيـاتـهم ؛ وبيـخـلون الدراسـة وبيـجابلون البنات ؛ والبنات بيجابلن الشباب وبيتعدلن وبيتكشخن حـق شـوه ( حـق فـلان يشـوفنـيه ويـعـيـبـيـه :boxed: )
؛
بـس في الـبـعـض أنا أقـولك لأ يعني كـل واحـد ونيـتـه ياي يـدرس ولا يـاي يـتعـرف
وهـذا اللي نيتـه صـافيـه بيـجابـل دراستـه وما عليـه من فـلانه وعـلانـه ؛ بس يمكن اتيـه هفـات
والشـيطـان يلعـب بـراسـه ويـلف يـميـن ويلقـالـه مزيونـه ويـقـول ليـش لأ ؟!!
:nono:
؛؛
بـس تعـرف يـاخوي فـي فـي ايجابيـه وحـده لـ هالموضـوع كلـه
إن اللي كـان مـودر دراسـتـه ومب مكملـنـها بيـكملـهـا الحيـنه
brgll:
//

هـذا رأيي بـإختـصار ويعطيك العـافيـه ياخوي
ولـي عـودة إن شاءالله لمتابعة الردود
والسموحـه

[الحساس]

بليا اي فلسفه....

مااوافق ولا نص يوم يدرسن مع الاولاد..

اما عن الاسباب من كثرها ماعرف اكتب شو واخلي شو...

[المزيوونه]

وعليكم السلام ورحمة الله وبركاته ..

حيالله المقاتل .. زين يوم ما مسحت الي كتبته ها المره وتوكلت ونزلته brgll: ..

همم .. طبعا ضد ونص انا ..

ونفس ماقال الحساس .. الاسباب وايده .. من كثرهم مانروم نجمعهم ..

بس نفس ماتقول .. خلوة البنت ويا الريال اصلا حرام .. كيف يوم البنات ويا قروب شباب
يعني عنا نحن .. دكتور ايدش الكلاس يلغي المحاظره ونحن متلومين ومش ماخذين حريتنا
فما بالك لما يكون الكلاس خلط !

وبعدين .. ليش نفتح أبواب لانحراف الشباب والشابات .. ها الزمن كل شي ينخاف منه ..
وعند واايد ناس التهاون نشوفه .. والتساهل فأمور كثيره ..

ماعرف ضحكت ع شي تخيلته توي brgll: ..

تبون تعرفونه !

رفع شاب التلفون واتصل ع رقم بيت ..
الشاب: لو سمحتوا بيت فلانه!
الام: هي .. منو يتكلم ..
الشاب: همم خالوه انا زميلها فالكلاس.. بغيت أسألها عن كوز باجر..
الأم ::puppyeyes:

تخيلوا بس .. الله يستر .. عادي والله يصير ها الشي ع أيام عيالنا ..

وتسلملنا اخويه المقاتل ..
قو اهيد

[راعي الزعـامه]

http://upload.bindubai.com/download/asheq/salam.gif
شي اكيد اني ما وافق على الاختلاط
يقولون ان الدراسه المنفصله تخلف و نحن فعصر التطور ولازم نخلط ..
لكن بدون ذكر الاسباب الاختلاط له سلبيات مالها اول ولا اخر
و نحن جيه بدون اختلاط والدنيا خربانه
ومانبا انزيد الطين بله ،،
http://upload.bindubai.com/download/asheq/bye.gif

[قرموشة]

امممممممم ..
ما أدري .. أحـس انـه عادي .. انا شخـصيـا درست مع شباب .. وكـان الامـر عادي جـدا وبكـل بساطـه *ما يخـصنا فيـهم .. *
عندي وحـده من الاهـل كانت تدرس في الامـريكـيه والحـينـه هي متـخـرجـه وتشتغـل ..
تقول على أيـام الجامـعه الشبااب موول مـب متفيجـين حـق هـ السواالف وخـاصـه الامريكـيه يكرووفنهم بالبروجكـتات والاسايمنتس وجـيه .. تقول حتى نحن البنات لمـا ما نشتغـل زين يهزبونـا ..
لكـن الحـينه على أيـام الشغل تقـول الكـل مكـيف وعادي تحـصل الشاب في مكتب الموظـفه ويدقون سوالف عـ الصبـح .. أو في وقت البريك ..
أعتقـد انـه نحن بعد التخـرج أوردي هـ الاختلاط بنعيشـه .. والشغل أساسـا مكـان لاازم نبدع فيـه
ونكون واثقين من عمـارنـا .. فلازم من البدايـه أو من قبل نتعود على هـ الاختلاط عشان بعدين ما نواجـه مشاكـل ..
هذا رايي ومن وجـهه نظري انا ..
بس أكـيد ما أقـدر أنكـر هـ الزمــان اللي بيدرس مـع البنات أو العكـس ما بيفلح في المذاكـره الا اذا مخـه مشغول في الدراسـه لا غير..

[ريم العين]

انا عن نفسي قلت شي عادي

في ام تخلي بنتها ترمس وتلعب ويا اولاد ويوم سالوها ليش قالت اخاف تسوي شي من وراي هههههههههههههههههه

ندش في محور الحديث...

طبعا ما بخلي عيالي يدروس ويا اولاد >>>>>احم احم اوني عاد لين ما اعرس هههههه

لو كان المدرسة مشددة للاولاد والبنات يعني مراقبة عالخفيف ما بيستوي شي طبعا

وشي ثاني الواحد بيتنبة فالكلاس للاستاذ لانه هذا شي يخص مستقبلة فما بيتفيج للبنت طبعا مب عند الكل

والبنت بعد نفس الشي بتنتبة و بتسوي طاف للولد اذا كانت طبعا محترمه واذا الولد سوالها حركات تبلغ علية المدرس

ونفس الشي عند الولد

وبرع الكلاس كل واحد بطريجة الا المخترب لانه قبل لايسوون شي يكون السبب الاول التربية على حسب التربية يعني مثلا الولد اهله مربينه تربية مب اوكي بيخترب وتقدر المدرسه بنفسها توقفه او تسوي شي

واذا تربيته وايد حلوه بيحترم نفسة وبيخاف على بنات الناس مثل ما يخاف على اهله

وثانيا يرجع للصحبة يعني على حسب الربع ربع اوكي بيمشي وياهم ربع مب اوكي بيخترب وياهم والانحراف

وثالثا المدرسه هي وطريقتها بتوقف الاولاد والبنات عند حدهن لانه المدرسه بعد لها دور بهالشي

اما اذا كان عند الاثنين شي عادي فهذا شي عادي ههههههه

تفلسفت وايد ادري

تسلم عالموضوع الحلو ^_^

[المزيوونه]

همم تعرفون وجهة نظر اختيه قرموشه حلوه .. شغلت لمبتيه الي فوق راسي ..

لكن .. بعده الاختلاط احس فيه شي ما ينبلع (بالنسبه لي)

يعني اختيه مهندسه كهربا .. وحاليا تشتغل بين مهندسين وشغلها اغلبه ميداني يعني
تزور مواقع وجي ..اقولها كيف تتعاملين وياهم .. انا لو كنت مكانها ماابعرف أبدا اني أتعامل
ويا أي ريال .. سواء مواطن .. أو وافد .. وفي الشغل نفسه .. ايوون المراجعين والعملاء
وطبعا اغلبهم رياييل .. وفي منهم الي نعرفهم وفي منهم الي مانعرفهم .. يعني احس صعبه
عليه أشوف ولد الجيران داش المكتب عندي يستفسر عن شي .. مابعرف أتعامل وياه ..


بس تدرون .. كل شي يعتمد ع الشخصيه .. والعزيمه .. وبعد تربية الأهل الها أكبر دور ..

تحمست للموضوع مادري شياني كخخخ ..

الله حيهم ..

[المزيوونه]

رمسنا عن الشغل والموضوع الاختلاط فالمدارس .. معلشي .. تكملة موضوع ..

[منصوري الدوله]

من واقع تجربتي احـس عادي وهذا اللي قااااعد يصيـر يعني اغلب الجامعات اللي بتفتح ف البلاد بتكون مختلطه وعباره عن فروع لجامعات كبيـره ف الخارج ؛ بس البنت لازم تتحمل الكلام اللي بييهـا والرمسات الزايده ؛؛ من اصحاب ( المخوخ ) المغلقـه ؛؛ وحتى الشاب يعني اذا كان من النوع الخجول تحصيلـه العلمي واايد بيقـل ؛؛ وفيه شباب اغبيـا ساعات يوم يشوفونك ترمس ويا الدكتور بزياده وتشارك ف الكلاس يقولون انك تسوي جذا عسب تغري البنات وتجذبهـن وتصيدهـن وتفر عليهن شباك ويطيحن ف المصيده ويدخل القفص حشا مب بناااااات هاييلا فيــران ...
مدري من واقع تجربه احس هذا اللي يصيـر ...

بـس الواحد شو يسوي اذا بغى يأمـّــن مستقبل لبنتـه يباها تشتغل احسن شغله ولازم يعلمها احسن تعليم ويمكن ساعتها يحطها ف جامعه مختلطه وعلى نيــّـاتـكم ترزقون ...


المقااااااتل : موضوعـك حلوووو والكلام فيه ذووو شجوون ...

[منصوري الدوله]

واعتقد جامعة السلطان قابوس مثال ع الاختلاط المحترم.. وهالاختلاط زين احس به يقلل نسبة العنوووسه هههه شدخـّـل بس الموضوع والله ذوو شجون يخليك تفكر ؛ وتعقيبا ع كلام الاخت ريم ريم احب اقول لها ان الرقابه ماتفيد الله وكيلج حتى ف الاصانصيـر يقـع المحظور اذا لعبت ف مخ الاثنينه ؛؛ وقولو حق المزيونه ترى الكل عنده موبايل مافيه داعي الاخ يستخف دمه ويتصل ع البيت ...
الله يحفظنا جميعـا

[مجموعة إنسان]

موضوووع جمييل ..

انا اشووف لو خلو الأختلااط في البلاااد بتشووفوون الأولااد يدرسوون ويشدوون حييلهم عسب يجذب النظر ..
والبنت تشوفها كاااشخه وتبي تثبت وجودها
..

بس لو خلوا الأختلاااط لااازم يسوون مستشفى ولااده عند المدرسه او الجااامعه !!!!

[وعد]

الصراحة انا اشتغل بمكان خلط,,,,ما شفت شئ من حد الصراحه لانه معظم الي معاي 35 وطالع
يعني ناس ناضجه ويتعاملون بادب واحترام ,و الي يتجاوز حده يعرف ايش بيصير له :narr: , وفي النهاية هالشئ يعتمد وايد بعد علي شخصية البنت واحترامها لنفسها
وفعلا راح افضل اعمل بمكان ما فيه خلط بس علي حساب شهادتي :no0:

ام بالنالسبه للجامعه فالمنافسة علي اشدها بين الشباب والبنات ,,,,,يا الللللللله اشكثر الصبيان ينقهرون يوم نجيب حنا البنات grades اعلي منهم تقولون ذابحين حد من اهلهم هههههه,,فالتحدي يكون شديد:cop:

والخلط بالعمل او الدراسة مو قضية,,,,,,يعني الي يبي يلعب يقدر يخربط حتي لو كان مجتمعه كله من بني جنسة ,
هذا راي والسموحه ومشكور اخوي المقاتل :bye2:

[شمعة أمل]

السلام عليكم

همممم

انا ما أوافق ويا الخلط بين الأولاد والبنات في المدارس لانه في هالوقت:-
- هاليهال يالسين يكبرون والهرمونات تلعب دور .. ولا تي البنت وتنعجب في واحدbrgll:
- مابيدرسون عدل .. الولد لازم يخلي عمره غبي عشان يكون كوول .. والبنت لازم تتكشخ بزياده عشان ينعجب الولد فيها:hist:

باختصار .. وايد مشاكل واشيا مب زينه بتستوي:doh:


لكن

انا مع الخلط في الجامعه والأسباب
- كلهم أعقل في هالسن!
- البنت تكون مثقفه وتعرف الفرق بين الغلط والصح
- يعوّد البنت او الولد على الاختلاط عشان يوم يسيرون الشغل مايستحون
- يوم يكون الصف في بنات وأولاد وايد احسن عشان نحن البنات *غير شكل* مرات:harhar1: ومرات وايد نكون (مودي:boxed: ) ف يوم يكون شي أولاد البنت بتستحي على ويهها وبتيود عمرها وبتعق مودها في البيت < طاعو التفكير خخخخخخخ
- حلووو يوم يكون شي موضوع والبنات والأولاد يتناقشون فيه ويجوفون راي بعض .. مثلااااا اذا يرمسون عن "شو رايكم في البنت الى تسوق" البنت من هالموضوع تروم تعرف راي الريال في هالشي وهو بشو يفكر عن هالموضوع وvice versa .. يعني مثلا .. يمكن البنت ماتحط مخفي على سيارتها والريايل يجوفونه عيب لو البنت ماتحط مخفي لانه العالم كله يجوفها ف تعرف شو الغلط وراي الناس في هالشي << مجرد example:harhar1:
همممممم وانا عن نفسي بسير جامعة مختلطه مع انه كل هالأسباب من أسبابي بس عندي أسباب ثانيه .. بصراحه مرات يوم تدرسون في مدرسه بس فيه بنات تتعقدون نفسياَ وعقلياَ ... في مدرستنا نادراَ تحصلون بنت تبا تشتغل .. يعني كل سوالفهم تخص العرس والخطوبه والشوبينغ وكل سوالف البنات .. وانا بنت ممنوع أرمس عن شي يخص العرس لين ماخلص دراستي:harhar1: ..
يعني تخيلو انا سايره المدرسه ولو قلت حق البنات يوم بكون 18 بسوق كل وحده جي تجوفني >>O_o نعمممممم عيييييييب منقووود كيييف اهلج يخلونج!! ... كله ولا يوم قلتلهم بسير جامعه مختلطه .. خلو هالشي في صوب ... حصلت خمسين ألف محاظره .. كنت surounded by girls مب متفيجين يدرسون عشان في رايهم شو فايدة الدراسه اذا انا اخر شي بيلس في البيت ومابشتغل؟؟ :doh: *طبعا مب كلهم بس معظمهم*
ف مثل ماتجوفون .. تعقد نفسيا وبسير جامعه اعرف مستحيل يسيرولها لانها مختلطه:harhar1:

بس


بعد أجوف انه مب كل بنت يناسبها المختلط .. البنت الى شخصيتها ضعيفه والشخص يروم يستغلها بسرعه مالها مكان في الجامعات المختلطه .. وطبعا البنت الى تبا تلعب حطوو اكس عوود عليها ... صح انه في الجامعات الخاصه يمكن مانداوم كل يوم .. بس الشغل واااااااااايد:smartass:

[مجموعة إنسان]

انا اذكر ان مره صارت مجادله بيني وبيين وااحد على هذا الموضووع ..
ردييت رد وااحد

ما بني على بااطل فهو بااطل
والأختلااط اسااسه حرااام
وما اجتمع رجل بأمرأة اللا كان الشيطان ثالثهما ..

بس الحيين ما في مكاان ما في اختلاااط
!!

[راعي الزعـامه]

كل شي يؤدي الى الفتنه هو حرام
و الريال لو لقى البنت يالسه حذاله على كرسي الدراسه فهالشي فتنه
فالدراسه االمختلطه امر غير - عادي - مثل ما ذكر البعض

[حلم الطفوله]

السلام عليكم ورحمة الله وبركاته

أخوي المقاتل ....

والله من وجهة نظري كفرد في هالمجتمع ... أشوف وأسمع وأعيش الواقع بكل أحداثه وتطوراته ...

أكيد ما أوافق ... مب لأني مال أول ! ولا لأني أحب أتفلسف ! ولا لأني معقده:doh:

لكن هالشيء ما ينفع بمجتمعنا بالذات ...

مع إنه الأيام اليايه تبشر بتغيرات كثيره ...بس بعد أرفض هالشيء ...

موضوع حلو وممتع ...واختلاف الرأي لا يفسد للود قضيه ... كل انسان له راي ...

واحترم وجهات نظر كل الأعضاء سواء مع أو ضد هالاختلاط

تسلم المقاتل على هالموضوع الحواري :yes:

[خيال الحب]

:yes: اكتــفي بقراءة الردود..


واسجل اعجابي بالموضوع..

[المقاتل]

:shock: لا لا انا قلت بس بشوف ردين .. ماشاء الله وصل فوق الـ 10 .. :kcl: لا لا زين والله شكل الموضوع عيبكـــم .. وجان نشوف في تقدم في موضوعنـــا .

عالعموم .. من رأي ..

أعارض الاختلاط .. ولو إني في مكان مختلط .. ومكان فيه الروسيات والايطاليات والاستراليات والشاينيزيات .. إلي من يوم ما دشيت الكليه .. زين ما صارلي شي من كثر ما اتم مبحلق في البنات .. بس ربكم ستر .. مليت من كثر ما اشوفهن وعـ قولة الوالده يوم شافتهن ( خسهن الله مسودات لرقاع .. فاصخين الحيــا ) .. ههه هب جني ظهرت عن الموضوع .

نتائج الاختلاط :-

انعدام شي إسمه الحياء .. يعني نحن عندنا عادات وتقاليد وعندنا إسلامنـــا .. يوم انشوف بنت الناس نستحي ونصد .. وإلا يوم نبا نتزوجها ولا كذا ساعتها نتطالع .. وكل الموضوع نظره ونظرتين وبس .. بس إلي صار .. ان ويهنا صار لوح .. يوم اتمر البنت .. انشوف ويهها .. ونشوف عيونها ونحلل جسمها .. وما نخلي شي ما انشوفه .. يعني مخلصين الموضوع بالتمام 100 % .. ولا يوم بنسير عند الناس ويوم نبا نخطب لبنيه بتم تتطالعني ولا فيها ذرة حيا شبابها هاي :shock: الله يستر من إلي ياي .

الشي الثاني .. أسألهم وشـ فايدة الاختلاط .. يقولون يصير تنافس .. وان البنات شطار وإذا مزجنا البنات والشباب .. يصير في تقدم في الدراسه .. أنا بصراحــه ودي اعرف يعني بنخترع الذره يوم بحطونا ويا بعض .. ولا بنستوي علمــاء الأمــه ؟؟ :doh: للشباب إلي يدرسون في اماكن مختلطــه .. في يوم ما تكلمتوا عن وحـــده ؟؟ في يوم ما سرحتوا في وحــده وشفتوا مفاتن جسمهـا ؟؟ وبصراحه عندي سؤال لبعض من إلي ردوا .. البنت اتكون مثقفـــه فـ إيش ؟؟ :smartass: في الحب وعلاجـه .. ؟؟

لي عــــودة عقب لكلاس .. اتحمست للموضوع ( وإعذروني على الاخطاء اللغويه كتبته على الماشي .. هههه ) .

[هزاايم]

:puppyeyes: انا خلاص احتااج نظااره احتااجها

يابويه تسلم عالسؤاال والله يعين مستكم
عنيه اشوف بالمداارس لا..إلا إذ بدى بالخلط من الإبتدائيه أو روضه وماينطري عليه تغيير>>هاللي اشوفه الوحده تطري وااحد يوم اسألها من هذا تقولي كان وياي بصف رابع مثل أخويه:doh: خااوته البنت..المهم يعني مش فجأه..وعن الجامعاات مدري انا ارفض الفكره بكبرهااا لكن لونرجع للواقع الدنيا صارت خلط بلط,,يعني الخلط من ااياام الدرااسه يعود الواحد عالمستقبل الياي

ومتاابعه للردود :puppyeyes: اروح اتسلف ليه نظااره

[شمعة أمل]

:shock: عندي سؤال لبعض من إلي ردوا .. البنت اتكون مثقفـــه فـ إيش ؟؟ :smartass: في الحب وعلاجـه .. ؟؟

لي عــــودة عقب لكلاس .. اتحمست للموضوع ( وإعذروني على الاخطاء اللغويه كتبته على الماشي .. هههه ) .


طبعا السؤال حقي:fa35:

انته بنفسك قلت انكم انتو الشباب الى اتمون اتبحلقوون في البنت!! لكن في الأخير تلومون البنت... ليش انزين؟؟؟
وقصدت من مثقفه انتها تعرف الفرق بين الصح والغلط .. البنت المحترمه مهما استوى بتم محترمه! ونفس الكلام للشباب .. في الأخير كلحد عنده اختيارات .. وعلى الشخص يختار .. ومشكلته اذا اختار يسلك في الدرب الغلط ويسوي أشيا مب زينه .. بس مب معناته كلحد غبي وبيسلك الدرب الغلط

وثاني شي والى يقهرني زياده

شمعنى .. انتو ك شباب .. تخلون خواتكم يشتغلون في مكان مختلط بس تعارضون فكرة الدراسة المختلطه في الجامعه؟؟؟ وشمعنى .. انتي البنت .. تعارضين الدراسة المختلطه لكن تشتغلين في مكان مختلط؟؟؟

وبعدين

انتو تقولون لانه شي رييايل وحركات تستوي وكل شي .. أوكي .. في الجامعات والكليات الى بس للبنات هني في الإمارات .. تستوي علاقات في الجامعه من بين البنات .. ولا نسيتو شي اسمه بويات؟؟

والله ارحملي أداوم في جامعة مختلطه ولا أجوف هالأشكال الى بتعقدني .. كله ولا يوم ودونا رحله التقنيه .. أعوذ بالله

ونفس الشي في الشغل .. اذا تقولون البنت يمكن تحب واحد في الجامعه .. عيل نفس الشي يستوي في الداوم ..كم قصه وقصه سمعنا من مدير ياخذ سكرتيرة ولا مادري منو ياخذ مادري منو في الداوم كم مره سمعتو من هالقصص؟؟؟



في الاخير
كل مكان فيه الشين والزين .. وكلحد وكيفه في وين يختار يدرس لكن في الاخير لازم يتحمل نتايج اختياره وعواقبه

والسموحه

[تحفه]

امممممم على حسب التربيه .. اذا كانت البنت او الولد إمربايين عدل أوكي وبين قوسين بين ( الوااااااااااااااازع الديييييييييينيييييييي ) .. بس اذا لا .. بيتاثرون بمغريات وملذات وصداقات الزمن لومهما كيف كانو وعيال منو ومحتاجين حنان وهمتمام ولا لا..

[تحفه]

على فكره ..ليش ماتقايسون هالموضوع ( موضوع العلاقات ) بالبيوت .. ترا بعد شي ملايين من البيوت الريّال يتزوج البشكاره او يسوي وياها علاقه .. ومب شرط دايما الحرمه اتكون امقصره .. ترا الريال مرات اذا الشيطان ركب راسه بيخون سواء بالحلال او بالحرام

من نظرتي الخاصه .. انا اقول ان الاختلاط هو مش سبب للخروج عن طاعة الله .. لان السبب هو ضعف الوازع الديني والاختلاط الي انتوا اعتبرتوه سبب .. بنظري هوّ مجرد ظاهره من الظواهر الاجتماعيه .. يجوز يكون موضوعها حلال الف بالاميه يجوز يكون موضوعها حرام الف بالاميه ..

[تحفه]

فهمتوا شو اقصد؟

[ولد الحكومة]

وعليكم السلام

انا عن نفسي لا أوافق >> والاسباب معروووفة >>>

والسموووحه



قايد الريم

[الثعلب الرمادي]

أنا ضد هذا الشي ...

أحاول أتخيل هذا الشي في الثانوية إللي كنت أدرس فيها ... شو كانوا الشباب بيسوون في البنات بس :)

و لو كانت المدارس و الجامعات مختلطة ماكان في أحد بيخلي بنته أو أخته تدرس في هالأماكن ... نص الشباب منحرفين و في قتلة و مغتصبين و حرامية و حثالة المجتمع كلها في المدارس الحكومية و حتى في الجامعات ... فالواحد لازم يخاف على أخته أو بنته من هالأماكن أو غيرها إذا كانت مختلطة ... و إللي بيقولي نحنا دولة إسلامية و مادري شو الواحد ما يخاف على بنته وين ما تكون بقولة قول هالكلام حق إمام خطبة العيد و لا تنسى تاخذ العيدية :)

بنات أو أولاد أو شاذين جنسيا أو حتى حيوانات هالشي ما يهمني المهم إني أدرس و أكون الأول ...

[الهيثــم]

أعــارض وبـ شدة .. والأسبـاب معـروفة وغنية عن التعـريف ..

[الشيـــن]

بسم الله الرحمن الرحيــم
.
.
بالنسبـة لي .. فـ المدرااس اعارض الاختـلاط لان و ماشالله اليهال
هالايـااام مشتطيين أكثر من الكـبااار ..
وعيـال المدارس تكون عقولهم مب ناضجه لـ هاك الزود .. الا القلة القليله
فـ بهالمرحلـة الاختلاط صعــب ويفتح عيونهم عـ أشيا وايد
عندي وحده من الاهل فـ صف 6 تدرس فـ مدرسة مكس ..
يوم سألتها شـ حال المدرسه \ بطيب نيه .. قالت لي كشخه ، عدنا أولاااد ..
يعني طاعوا اليهال كيف صار تفكيرهم فـ المدرسة المختلطه !!


أما فـ الجامعــات ممكن ان النسبة الكبيرة تكـون للـ عاقلين و اللي نضجـوا ..
صح بتـم في نسبه تفكـيرهـا بيكون منحصـر فـ الاختلاط من ناحيه سلبيـه ،
لمـجرد علاقااات وضحك وو و الخ .. ،


بس فـ معظم مجالات العمل الاختـلاااط موجوود موجووود ..
يعني اذا ما كان في الدراسه ـ في الشغل لااازم في .. الا فـ مجالات تنعد ع الاصابع ،


لكن اللـي يصير فـ بعض الجامعــات فـ البلاااد .. يخلي سمعة الاختلاط فيهـا فـ القااااع !!
لان وايد مب شايفين خير \ ولان وايد يفسرون الاختلاط بـ هالطريقة فـ يتوقعون وينشرون اشاعات
و الخ من الأسبـاااب


واللي بيدخل مكان مختلــط .. لااازم يتحمل الرمسه اللي بتيـه \ منصوري الدوله اتوقع طرى هالنقطه
لان البنـت وهي قاعده فـ بيتها اتييها الرمسه ، كيف اذا كانت فـ جامعة ولا بعد مختلطه ..!
وها كله من أصحـاب العقـول المتحجـره ، يعني ان شافوا البنت تتعامل ويا واحد ف الجامعة
أو ابتسمت له ، طلعوولهـا قصــص و اساااطير !!


،

المحترمه محترمه لو وين سارت
يمكن مراات تخضع للمغريـااات أو ما شابه
بس فـ النهايه أكيد بتصـحى وبترجع عن غلطهـا

،
وبعدين الاختلاااط فـ كل مكااان حتى فـ المولات و الاسواق
يعني يت على اختلاط المداارس والجامعاات ؟
يا ما سوالف وخراب بيوت صااار من ورى المولات والأسواق و الخ ؟!
يعني ان مادرسوا فـ مكان مختلط ، وكان فـ خاطرهم ينجرفون ورى هالسوالف والانحراف
تـرى الخيـاارات متوفره مني ومناااك
!!


بالنسبـه إلي ..
كنت بـرووح جامعة مختلطــه ، والأهل موافقين كلهم
وسجلت وجـييي
بس ماصار نصيب لول ، زواج مب جامعه ههه
فـ حولت الحيــييين مكــااان ثاني ،


أحس فـ بالي وايد كلام بس مش مرتب لول ، وأحس ها يكفي
والسمــووحه لو طولت


اختكم
الشيــن


.
.
.

[شمعة أمل]

^
تسلميييييييييييييين على هالرد العجيييييييب بصراااحة:fa35:
واخيرا حصلت حد راييه في هالشي نفسي!

[أم خالد]

لي عودة بإذن الله

[تحفه]

انا اذكر ان مره صارت مجادله بيني وبيين وااحد على هذا الموضووع ..
ردييت رد وااحد

ما بني على بااطل فهو بااطل
والأختلااط اسااسه حرااام
وما اجتمع رجل بأمرأة اللا كان الشيطان ثالثهما ..

بس الحيين ما في مكاان ما في اختلاااط
!!

أخوي "هواجيس مشتاق" ممكن افتح معاك حوار؟ .. واتمنى نكون ثنينتنا موجودين online في الواحات علشان اناقشك اثناء ما احاورك بنظرياتي الشخصيه ..

بس قولي لوسمحت متا يناسبك تدخل الواحات .. لأني طول اليوم فاضيه في البيت

[تحفه]

أوه ماشاء الله توني الاحظ الاخ موجود في الواحات .. أتمنى انه ينتبه ويدخل الموضوع ..

[تحفه]

مابي اتريا لين ماحد يلاحظ ان شي رد على رده . . ابي اقول الي ابا اوضحه >.<

ليش تعارضون على الاختلاط اذا كان له سبب مفيد وواثقين بالاشخاص ؟!

شو الي يمنع؟

الدين ما منع الاحتكاك .. بالعكس وضع له شروط مفهومه لكلا الجنسين ( بنات وللاولاد .. لا بعد ما اكتفى بالاشخاص . .إنما للمكان نفسه بعد )

سمعتوا عن الصحابيات؟ .. كيف صارو صحابيات وهم ما انتقل علمهم من الرسول صلى الله عليه وصلم لـ هم شخصيا "مباشره؟ .. الحرام هو سوالف الدلع والتمييع فالبنت .. وحركات الشباب .. اذا كان المكان فاضي مافيه الا هما او اذا كان مشبوه ..

صراحه انصحكم تفكرون بهالسالفه اكثر ..

ياما بنات من جامعات مختلطه ما عندهم سوالف ..
وياما بنات مدارسهم وجامعتهم مسوين سكشنات او فروع مخصصه لكلا الجنسين حالتهم قايمه ..

دينا حضاري .. قبل لا لا نستلم هالانماط الدراسيه من الغرب ..

peace

[بنوته صغيرونه]

مابي اتريا لين ماحد يلاحظ ان شي رد على رده . . ابي اقول الي ابا اوضحه >.<

ليش تعارضون على الاختلاط اذا كان له سبب مفيد وواثقين بالاشخاص ؟!

شو الي يمنع؟

الدين ما منع الاحتكاك .. بالعكس وضع له شروط مفهومه لكلا الجنسين ( بنات وللاولاد .. لا بعد ما اكتفى بالاشخاص . .إنما للمكان نفسه بعد )

سمعتوا عن الصحابيات؟ .. كيف صارو صحابيات وهم ما انتقل علمهم من الرسول صلى الله عليه وصلم لـ هم شخصيا "مباشره؟ .. الحرام هو سوالف الدلع والتمييع فالبنت .. وحركات الشباب .. اذا كان المكان فاضي مافيه الا هما او اذا كان مشبوه ..

صراحه انصحكم تفكرون بهالسالفه اكثر ..

ياما بنات من جامعات مختلطه ما عندهم سوالف ..
وياما بنات مدارسهم وجامعتهم مسوين سكشنات او فروع مخصصه لكلا الجنسين حالتهم قايمه ..

دينا حضاري .. قبل لا لا نستلم هالانماط الدراسيه من الغرب ..

peace

أم خدود أول مره احس اني اتفق وياج ههه

[اصايل]

هلا و الله المقاتل الموضوع وايد حلو

انا اشووف انه عادي يكون في اختلاط :kkk: بس لازم يكون في وعي بين البنات و الاولاد ان يعامل الولد البنت زي اخته :fa38: و البنت نفس الشي:daleel: ..و البنت اكثر شي لانه اذاهي احترمة عمرها الكل بيحترمها:negab: .. و بعدين حتى اذا ما كان في اختلاط في الكوليج او المدرسة لازم بنشتغل بعدين و بنتعامل مع شباب حتى اذا مكان خاص للحريم لازم يكون في كم ريال .. فنكون متعودين من قبل احسسن من انه ننصدم عقب و ما نقدر نتاقلم ..
بس عني انا شخصياً يللا يللا اتحمل كلاس في سير تبون بعد مخطلت :nono: مب عشان شي بس عشان الشيلة اتلعوز brgll:
و دمتم سالمين:fa34:

[طرفشانه]

بسم الله الرحمن الرحيم
في البدايه احب اشكرك لطرحك مثل هالموضوع

بالنسبه لي
ما اوافق على الاختلاط
لاسباب وايد ومنها
اولا ان البنات يكونن في سن مراهقه ولا يقدرن يتخذن اي قرار يكون صايب
وبعدين الشباب نفس الحال

ثانيا الحين البنات ما ينقبظن لاني شفت وايد مواقف مب عدله يعني بنات صغار ما يتعدن ال17 وفي سناتر لين الساعه 1 او 2 وبدون ريال
وغير هذا المواعد شغال 24 ساعه


والشباب ما يقصرون من يشوفون بنت كانهم اول مره يشوفون هالكائن يعني الحق ما تلحق منو بيسبق
والبنات نفس الشي بعد الحين (راح الحيا)

وبعدين تخيل /تخيلي
بنتك/ج متصل واحد ويقول لو سمحت/ي ممكن اكلم فلانه
تسال /ين انت منو يرد انا زميلها في الصف وابا اسألها عن الواجبات لاني غايب اليوم
ويالله اسمع منهالاعذار لين ما تشبع



وفي النهايه اتمنى انه محد يزعل من كلامي

والسموحه ان غلطنا في حق حد

[الـيـاه]

سلاااام

قضية الاختلاط كانت الشغل الشاغل عن أهل الدين أن كان في وسايل الاعلام
والمحاضرات وغيرها !!


وأغلبهم يكتفي بكلمة ( حــــرام ) :boxed:

ويرفضون أي رأي يخالف رايهم .. على أساس الفتاوي اللي كانت قبلهم


خل نرجع ورا شوي على ايام الصحابه ؟ عندهم الحرمـه كانت تركب الخيول وتحارب وكان لها دور بارز ,, تختلط بالرياييل من دون ما حد يقولها > حرام تسوين جي !


أنا من مؤيدي الاختلااط
اصلن ما احس ان الاختلاط حــرام .. بس حرموه لانهم جافو أسباب كثيره ممكن تخليه حرام ..

:kkk: تدرون ؟

كل شي في الحياه أو أغلب الاشيا اللي نسويها ممكن تكون حـرام
فـ ليش نخص سالفة الاختلاط بالذات .. صح أن في ناس (ماعندها دم) ماينفعلهم هالشي
بس بعد البنت اللي تكون في مكان مختلط مب يعني هاي ( Free ) وبنت مش اوكي :smile:

دام البنت صاينه عمرها ومتربيه تربية سنعه
ماعليها من شي :fa38: لانها عارفه حدودها وين ؟


وسمحولي


.
.
.:fa38:

[الهيثــم]

بـــراااافو .. كـــلام جميــل ^^

[وحي القلم]

أعارض الإختلاط ،،

خصوصا للى يدرسون

[الحساس]

شي موقع على النت موول مادانيه....

ياليت حد من الحبايب يحرم هذا الموقع عشان خاطري ... ..

====================================
اشوف كل من ييي قال اشوف او احس او جزم .. الخ ان الشي الفلاني حلال او حرام!!

ليش؟؟؟

جي الحلال والحرام بيدكم ؟تحرمون الشي متى مابغيتوا ا و حرمتوه!!!

استغفروا ربكم ولا تفتون احسن..

اي شخص يقرا معلومه منكم ويتبعها ... بيكون اثم هذا الشي برقبتكم...


يعني ماشي شغل ؟؟ لان نحن بالصيف وبالاجازات انيي ونفتي؟

خيبه تخيب العدو!!! خافوا ربكم

شو هالحاله ... ناس تتقتل.. وناس تنشر الفساد!! عالم غريب



عندكم ادله ييبوها هني...

بس سوالف اشوف او سمعت او احس .. هب موجوده بدار الافتاء ياحلوين...

[الهيثــم]

صــدقت يا اخـوي الحســاس
ويمكــن هــا المصـدر الثـالث للتشـريع
وهو الإجمـــاع ..

بس هـا مب إجمـاع علمــاء المسلـمين
بل إجمــاع أعضـاء واحـات بن دبــي

استغفروا ربـــكم يا نـاس .. وما حرمــه الشـرع والديـن فـ لا مجـال للمنـاقشـة فيــه
الحــرام حـرام وإن اختلـفت المسميــات ..

[المزوحي]

إذا ييت وجهة السؤال .. 99.9 % بيقولون مانوافق طبعا من الشباب مايرضون هالشي ..
لكن لو هم عايشين هالشي بيقولون عادي عادي شو يعني اختلاط وشو نسوي ثرنا نحن !
لكن ممكن تستوي أمور بدون مانحس .. سواء كنت انا أو انت او حتى هي ...

بعد مايستوي اجاوب عن البنات .. بترك لهم المجال

[راعي الزعـامه]

لو اتلاحظون الاولاد رافضين القضية .. والبنات بعضهن موافقين
ليش :kkk:

الحساس شو هو الموقع ؟؟

[الهيثــم]

أخــوي عـاشق القلـم ..

في واحـد خبـرني بـل سنـة
إنــهم جــامعتـهم سووا استفتـاء وخــذوا راي الطـلاب والطـالبات في موضـوع الأختـلاط
تعـرف شو كـانت النتيــجة يا خـوي !

يقــولك إنه 5 % من الطـلاب كـانوا معــارضيـن فكــرة الاختـلاط
ومــا يقــارب الـ 97% من الطـالبــات موافقــات على الإختـلاط ...

سبحـــان الله ..

[المقاتل]

:smartass: .. :: عـــدنا من جديد :: .. :kcl: يا سلام على الحمّــاس ..

:unlock: أنا أستغرب من إلي يوافقون على الاختلاط وعقب يقولوك ترا البنت محترمه .. بصراحه عندي تساؤلات ..

أحيــن البنت المحترمه ما فيها نفس تأمرها للحرام ؟؟ ولا هيه معصومه ومخلوقـــه ما تغلط ؟؟


ثنين ..

كرم الله الصحابيات وأمهــــات المؤمنين عن الكلام إلي ذكرتنّه .. واخبركـــن شي لا إنتوا يا بنيات ولا غيركن توصلن لمرتبة الصحابيات .. ويوم بتقولن كيف صارو صحابيات وهم ما انتقل علمهم من الرسول صلى الله عليه وصلم لـ هم شخصيا "مباشره؟

خل نرجع ورا شوي على ايام الصحابه ؟ عندهم الحرمـه كانت تركب الخيول وتحارب وكان لها دور بارز ,, تختلط بالرياييل من دون ما حد يقولها > حرام تسوين جي !



أنا بقولكن شي .. ياخذون العلم من منو يا حضرات يا كرام ؟؟ من الرسول صلى الله عليه وسلم .. وبعدين .. خبريني يالشيخـــه الكريمه بوظبي .. جانج ذكرتي هذا المثـــال .. كيف كانن ياخذون العلم من الرسول صلى الله عليه وسلم ؟؟

:yes: تختلط بالرياييل من دون ما حد يقولها > حرام تسوين جي ؟ ( لأســـف .. ما قول الله يهدينا ويهديكم )

بس احب أقول شي .. لأن مثل ما قالوا ( كلام ميمّـــع تعال وأستمّــع ) .. كل الكلام يرد إلا كلام صاحب هذا القبر .. ( قبر الرسول صلى الله عليه وسلم ) ..

{وَقُلْ لِلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلا يُبْدِينَ زِينَتَهُنَّ إِلا مَا ظَهَرَ مِنْهَا وَلْيَضْرِبْنَ بِخُمُرِهِنَّ عَلَى جُيُوبِهِنَّ} ( شو ردكن ) ؟؟

{وَإِذَا سَأَلْتُمُوهُنَّ مَتَاعًا فَاسْأَلُوهُنَّ مِنْ وَرَاءِ حِجَابٍ ذَلِكُمْ أَطْهَرُ لِقُلُوبِكُمْ وَقُلُوبِهِنَّ} ( شو ردكن ) ؟؟

{يَا أَيُّهَا النَّبِيُّ قُلْ لِأَزْوَاجِكَ وَبَنَاتِكَ وَنِسَاءِ الْمُؤْمِنِينَ يُدْنِينَ عَلَيْهِنَّ مِنْ جَلابِيبِهِنَّ ذَلِكَ أَدْنَى أَنْ يُعْرَفْنَ فَلا يُؤْذَيْنَ وَكَانَ اللَّهُ غَفُورًا رَحِيمًا}[3] والجلباب هو الرداء فوق الخمار بمنزلة العباءة . قالت أم سلمة رضي الله عنها : ( لما نزلت هذه الآية خرج نساء الأنصار كأن على رءوسهن الغربان من السكينة وعليهن أكسية سود يلبسنها ) ( الله يهدي من ذكر إن الصحابيات يختلطون بالرجال ) .. ( وهذا غير النقاب المفروض إنكن تلبسنه ) .

وقد ثبت في الصحيحين عن عائشة رضي الله عنها قالت : كان رسول الله صلى الله عليه وسلم يصلي الفجر فيشهد معه نساء متلفعات بمروطهن ثم يرجعن إلى بيوتهن ما يعرفهن أحد من الغلس وقالت : (لو رأى رسول الله صلى الله عليه وسلم من النساء ما رأينا لمنعهن من المساجد كما منعت بنوا إسرائيل نساءها) فدل هذا الحديث على أن الحجاب والتستر كان من عادة نساء الصحابة الذين هم خير القرون وأكرمها على الله عز وجل ، وأعلاها أخلاقا وآدابا وأكملها إيمانا وأصلحها عملا ، فهم القدوة الصالحة لغيرهم .
( ردا على الشيخــــــــــه بوظبي كيف صارو صحابيات وهم ما انتقل علمهم من الرسول صلى الله عليه وصلم لـ هم شخصيا "مباشره؟ )

قال الرسول صلى الله عليه وسلم :-

((إياكم والدخول على النساء))

((لا يخلون رجل بامرأة إلا مع ذي محرم))

((لا يخلون رجل بامرأة فإن الشيطان ثالثهما))

:: الخلاصــــــه : صحيح إني فتحت باب للنقاش بشأن الاختلاط الحاصـــل في الجامعات وغيرهــا .. لكـــن لم أتوقع إن يصل النقـــاش بذكر صحابيـــات .. عذرا .. لمّــا بتتكلمون عن صحابيات مره ثانيه ييبوا الدليل .

[الهيثــم]

يــزاك الله خير بو علي

[الـيـاه]

( لأســـف .. ما قول الله يهدينا ويهديكم ) ؟

الله يهدي الجميع ..

خـــير ؟ شالسالفه ؟

ماجوف ردي فيه أي قذف أو استهزاء بالصحابيات .. عسب تقول ماتوقعت ان النقاش
يوصل للصحابيات ..

بالعكس انا كنت اذكر عن دور المرأة في زمنهم وكيف كان لهن دور بارز .. حتى فالحروب


وبعدين الحمدالله الله هادنا من زمان مانتريا حد يشفق علينا وعلى حالنا لان حاشمين عمارنا
ونعرف السنع .. بس انت طلبت راينا وكتبناه ؟

اني ما اعارض الاختلاط فـ بعض الاماكان شرات العمل أو الجامعات
لاني اعرف حدودي ويـن .. وشو اللي لاازم اسويه وشو اللي اوقف الناس عند حده ..

يعني رديت على موضوعك
لاني ابا اقول رايي وعن تجربة مريت فيها !
وما رديت لاني ابا حد ينتقد راي ويعارضني عليه ( لان ها الشي راجعلي انا )

وبس

.
.
.

[الـيـاه]

هيه صح

يعني انت كان ممكن تناقشني عن راي بطريقة لبقه ! عسب اقدر ارد عليك بطريقة احسن منها


ومش لانك متمسك برايك
تشوف الراي اللي يخالفك غلط .. انا ما اخالف الدين بس لي نظره بخصوص موضوعك

وشرات ما قلت ؟ شو ردكن وشو بتقولن ؟؟؟

ممكن تناقشني في هالشي بس ماطلبت انك تقنعني بهالطريقه << وانت اصلن مش مجبور على هالشي

[الهيثــم]

اليــاه ..

أولا : عمري ما توقعـت إن الهـداية سبـة أو شتيـمة عسب ننفر منـها
وبعـدين الريـال يدعيــلج بـ الهـدايـة .. المفـروض تستـانسيـن

وثـانيا : إذا هـاي وجهـة نظـرج فـ الموضـوع ، ما يحتــاي إنتي اتقولين له ما بتنـاقش ويـاك
أو ما با حـد يعـارضني لأنه ها شي راجع لـي .. ،، تعرفيـن ليش !!
>> لأن هو من الأسـاس ما بيتنــاقش ويــاج .. ( دام انج اتشـوفين موضـوع الاختـلاط شي عـادي )

وثــالثــا : الصحــابيـات رضي الله عنـهم كــانوا فـ زمــن ، ما نقــدر إنقــارن الزمـن إلي كـانوا فيـه بـ زمننا الحـالي ، ولا نســـاء الصحــابة رضي الله عنـهم أجمعيـن بـ نســائنـا .. والأخ بو علـي قـال رجــاء لا تتكلمـون عن الصحــابة لأنه ما نبــا نفتــح موضـوع آخــر وندخـل الحـابل بـ النابـل ،، الموضـوع واضـح ( الاختـلاط في المدارس والجـامعـات )

...

[عيون الوله]

شدني تصعبك برايك
ما اشوف انه فيها شي لو البنت اختلطت مع الاولاد
كل مكان الحين فيه بنات واولاد
في السوق والشارع والمدارس واماكن الشغل
واهم شي انه البنت تكون محترمه نفسها
واذا كانت مب محترمه هي الى بتتحاسب مب انت
وشو تقول عن الى البنات الى ما عندهم حد يعيلهم مثل المطلقات والارامل والى عندهم اخوان صيع وبطاليه ويدورون حد يصرف عليهم ( وياكثرهم )
والى عندها6 و7 عيال .. منو بيصرف عليهم اذا هي ما اشتغلت .. ولا تتريا حد يصدق عليها

وفي جمله بالمره ما عيبتني


أنا أستغرب من إلي يوافقون على الاختلاط وعقب يقولوك ترا البنت محترمه .. بصراحه عندي تساؤلات ..

أحيــن البنت المحترمه ما فيها نفس تأمرها للحرام ؟؟ ولا هيه معصومه ومخلوقـــه ما تغلط ؟؟


المحترمه بتم محترمه لو كانت ويه عشرين ريال .. لانها أهلها مبريه على الاحترام
وصبوع ايدك هب كلهن سوا

وكل واحد له رايه وهاي حريه شخصيه

:)

[الـيـاه]

خطــّـاب : انا ما انفر من الهدايه ولا عمري بقول هالشي .. بس يوم حد بيناقشني باسلوب حلو
بتقبل هالشي بكل رحابه صدر ..

بس يوم حد بييني وبيسوي عمره افهم مني ويبين من البدايه ان انا الغلط وهو الصح
باسلوب جدا ً مش حلو .. انا ما بتقبله ابـد


وبالعكس انا اتمنى كل الناس تدعيلي بالهدايه وبالتوفيج
لكـن مش تدعيلي وكأنها متشفقه على حالي لاني ما افكر مثلهم .. انا يوم برمس , برمس عن وجهة
نظري انـا مش لاني مش واعيه وماعرف الصح من الغلط


وبس

[الاسطوري]

السلام عليكم ..

تلاطم الأمواج بالصخور بدأ يحدث ضجيجا ،، لا تعكروا المزاج وتحلوا
بالأخلاق الطيبة والأسلوب الهادئ بارك اللــه فيكم
وإلا ستجبــرون البعـــض على عدم
دخول الموضوع للقراءة
مرة أخــرى
:bye2:

دمتم إخوة

[المقاتل]

:: .. عــدنا .. ::

:fa35: الشيخــه الياه : الأختلاف في الرأي لا يفسد من الود قضيــة ، وأنتي لج رايج وحره فيه وأنا لي رأيي وحر فيه .. وردي مجرد إنتقـــاد !! ( وأتمنى ما يكون بين النقاش زعل ) وليش ما الإنسـان يدعوا لأخوه أو لأخته بالهدايه ؟؟ بالعكس لو أنج بتدعيلي بستانس !!

ثنين يوم أكتب شو ردكن هل الكلام موجه لج إنتي ( بالعكس كلامي عام ) أما بالنسبة ليش إني ذكرت شو ردكــــ ( ن ) كان قصدي إنتوا يالبنات كون أن أغلبيتكن توافقون على الاختلاط .. :kkk:

ثلاث يزاج الله خير على المرور ياليـاه ورايج مرغوب فيه و ونظرتج محترمينـهـا :kcl: أما بالبنسبة لطريقة الحوار أو الأسلوب أحيانا الشخص يتحمّس أو بعبارة أخرى كلّن له أسلوبه الخاص وطريقته ومش إنّي أقصد إني أفهم منج أو كذا .. أتمنى يالشيخــه الياه إنج تقرين ردي بشكل حوار ساخن وإنتقاد مش لغرض آخر .

:: .. ونعود لموضوعنــا هيهيهي .. :: :qor9anah: الياه شكلها بتناولني بالمخمه هههه ( سوالف )::

عيون الوله .. وشو تقول عن الى البنات الى ما عندهم حد يعيلهم مثل المطلقات والارامل والى عندهم اخوان صيع وبطاليه ويدورون حد يصرف عليهم ( وياكثرهم )
والى عندها6 و7 عيال .. منو بيصرف عليهم اذا هي ما اشتغلت .. ولا تتريا حد يصدق عليها

أحينه إلي يسمعني يقول خواتي ما يشتغلن بالعكس يشتغلن ويدرسن في مكان مختلط و ظروف هالزمان تجبر الشخص وفي ذمة المسؤول .. بس لو تسمع رأي البنت إلي تشتغل ( وتقدر إتقول نسبه منهن ) إنهن ما يوافقن وما يحبن شي إسمه إختلاط .. ويتمنون لو في أماكن مناسبة ضد الاختلاط .. نعم وهذا إلي صاير .. !!

الزبــده يا جمــاعة المسأله مش مسألة إن عادي أو هب عادي ، الزبده إنكم ليش توافقون على الاختلاط .. يعني كمثال أو خلنا إنقول سؤال .. لو خيروكم بين ثنين مكان مختلط أو غير مختلط شو بتختارون وشو السبب .. !!

[الشيـــن]

خطّـاااب
واللي سألوا
ليش البنـات يوافقون ع الاختلاط أكثر من الشباب
لان البنـاات يشوفون الموضوع من ناحيه وحده
أمـا الشباب من عدة نواحي
البنـااات .. يشوفون المسألة اختـلاط دراسة ولها حدودها و و والخ
بس الشبـاااب .. من ناحية بعيدة عن الدراسة والعمل
يشوفون المسألة فيها .. ان حد بيتحرش فـ خواته
حـد بيرمس عنهن .. و بتستوي وايد سـوااالف ..
يعني بنظرهم سالفة الاختـلاااط اتير سوااالف وسوااالف ..
نفس سالفة الطلعه .. البنت اتشوف انها بتطنش الحركات و بتشتري وبتتمشى وبترد
بس الولد .. يشوف انه بتستوي سوااالف مغاازل و ملاااحق ولاااازم فـي حد بيرمس
على أهله و بيتبـلى .. و و الخ
فاهمـييين علي ؟!
*أتوقع جـي يعني*

[الثعلب الرمادي]

أعتقد في شباب و بنات يحبون الإختلاط و لو إن بعضهم ما جرب هالشي لكن عندهم فضول و رغبة شديدة لتجربة هذا الشي ... بالنسبة لي أنا أكره الدراسة في جو مختلط لأن عندي حساسية من البنات و أكره أتعامل معاهم زيادة عن اللزوم يعني سوالف و هالأشياء ... اللي يقهرني أكثر شي يوم أكون في الكلاس و تكون على اليمين بنت و على اليسار بنت و جدامي بنت و أشم ريحة الشعر و العطور النسائية و أنا بروحي أريد أركز على المحاضرة شي والله قذر الله يعيني بس ...

[تحفه]

:smartass: .. :: عـــدنا من جديد :: .. :kcl: يا سلام على الحمّــاس ..

الحماس حلو ماقلت لأ .. بس مب لدرجه إنه يزعج الطرف الآخر" يا الـشيـخ :kkk: "


:unlock: أنا أستغرب من إلي يوافقون على الاختلاط وعقب يقولوك ترا البنت محترمه .. بصراحه عندي تساؤلات ..
قصدك الي وافقو مب محترمات!! :kkk:


أحيــن البنت المحترمه ما فيها نفس تأمرها للحرام ؟؟ ولا هيه معصومه ومخلوقـــه ما تغلط ؟؟
بنظرري ونا مايخصني بطريقة تفكيركم يا اخواني .. إنّ الشي الي يميز البنت المحترمه هوّ المبادء والقيم الي تردعها ,, واذا صار .. وغلطت البنت المحترمه "مره وحده أو مره ثانيه " تبقى محترمه غصبن عن خشم الف آدمي لـكـن " وأطالب القارئين بعدم محاوله لمحورة كلامي وتطبيقها على افكارهم المريضه" إذا غلطت هذي المحترمه وكان غلطها "فاحش" يعني مب سماع اغاني ولا تسوق سياره ولا تشتغل ولا تدرس ولا اتييب حق اهلها اكل من مكدونالز ولا الملاح ولا ولا .. اقصد بالغلط الي مايخليها محترمه " الفواحش" مثل الزنا لطلاب الابتدائي " إن وجدوا" في هالموقف انا برمس شرات رمستك .. والله يبعدنا منها



ثنين ..

كرم الله الصحابيات وأمهــــات المؤمنين عن الكلام إلي ذكرتنّه ..
1) ليش دايما تحسبني أكرهم وإكيد لهم وأبي انزل من مكانتهم!! ( لو كانت نيتك صافيه وتحب لنا الخير جان ما رمستنا جدام الكل بهالاسلوب ) كنت تروم إتيبها بألف طريقه احسن مثل ( لو مسحتي اختيه ممكن توضحين لي اكثر معنى كلامج )

2) ممكن توضح لي وين مكان الغلط ؟.. ماعتقد اني غلطت عليهم ( لا سمح الله ) .. قلت وقائع ( ياحبكم حق التشميت إنتوا )


واخبركـــن شي لا إنتوا يا بنيات ولا غيركن توصلن لمرتبة الصحابيات ..
أكبر !
شو شايفنا كافرات ما انعرف الدين ووين نحنا ووين هما ولا شوه بالضبط!؟
ممكن تحدد لي الكلمه الي خلتك تاخذ هالفكره عنّـا؟


ويوم بتقولن كيف صارو صحابيات وهم ما انتقل علمهم من الرسول صلى الله عليه وصلم لـ هم شخصيا "مباشره؟

خل نرجع ورا شوي على ايام الصحابه ؟ عندهم الحرمـه كانت تركب الخيول وتحارب وكان لها دور بارز ,, تختلط بالرياييل من دون ما حد يقولها > حرام تسوين جي !



أنا بقولكن شي .. ياخذون العلم من منو يا حضرات يا كرام ؟؟ من الرسول صلى الله عليه وسلم .. وبعدين .. خبريني يالشيخـــه الكريمه بوظبي .. جانج ذكرتي هذا المثـــال .. كيف كانن ياخذون العلم من الرسول صلى الله عليه وسلم ؟؟

:yes: تختلط بالرياييل من دون ما حد يقولها > حرام تسوين جي ؟ ( لأســـف .. ما قول الله يهدينا ويهديكم )

بس احب أقول شي .. لأن مثل ما قالوا ( كلام ميمّـــع تعال وأستمّــع ) .. كل الكلام يرد إلا كلام صاحب هذا القبر .. ( قبر الرسول صلى الله عليه وسلم ) ..

ما وصلن لي الافكار الي تبي اتقولها !! ,, وممكن ترد بردود مترابطه!!
ما أعتقد إنك قاعد تستخدم كلام ألله في محلّه إلا آيه وحده وهي الثانيه بلاترتيب الي انته وضعته .. وأنا ردي كان وافي بس انت تحب ضن السوء ! :fa36:



{وَقُلْ لِلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلا يُبْدِينَ زِينَتَهُنَّ إِلا مَا ظَهَرَ مِنْهَا وَلْيَضْرِبْنَ بِخُمُرِهِنَّ عَلَى جُيُوبِهِنَّ} ( شو ردكن ) ؟؟
ردي ان الموضوع الآيه ما يخصه في موضوعنا لأنا بكل وضوح وبساطه وافقنا على الاختلاط بوجوب موافقه دينيه ألا وهي يوم قلت في ردي السابق


الدين ما منع الاحتكاك .. بالعكس وضع له شروط مفهومه لكلا الجنسين ( بنات وللاولاد .. لا بعد ما اكتفى بالاشخاص . .إنما للمكان نفسه بعد )

أعتقد إن ردي كان واضح لكل العقليات ! .. يوم وافقت ما وافقت من عبط .. وافقت مع وجود أدله !



{وَإِذَا سَأَلْتُمُوهُنَّ مَتَاعًا فَاسْأَلُوهُنَّ مِنْ وَرَاءِ حِجَابٍ ذَلِكُمْ أَطْهَرُ لِقُلُوبِكُمْ وَقُلُوبِهِنَّ} ( شو ردكن ) ؟؟
إقرا الآيه عدل ,, وبعدين مادري شو أرد عليك لأنك تعرف إن هنالك الكثير من الصحابيات كانن مثلا يجاهدن في الغزوات .. وما اعتقد انك تتجرا وتقول انهم مش محترمات لأنهم تخالطو مع الرجال وهم في وضعية جهاد ! واذا تحب توضح لي كلامك اكثر .. فـ أبدا ما امانع بالعكس احب اعرف الناس شقايل تفكر!


{يَا أَيُّهَا النَّبِيُّ قُلْ لِأَزْوَاجِكَ وَبَنَاتِكَ وَنِسَاءِ الْمُؤْمِنِينَ يُدْنِينَ عَلَيْهِنَّ مِنْ جَلابِيبِهِنَّ ذَلِكَ أَدْنَى أَنْ يُعْرَفْنَ فَلا يُؤْذَيْنَ وَكَانَ اللَّهُ غَفُورًا رَحِيمًا}[3] والجلباب هو الرداء فوق الخمار بمنزلة العباءة . قالت أم سلمة رضي الله عنها : ( لما نزلت هذه الآية خرج نساء الأنصار كأن على رءوسهن الغربان من السكينة وعليهن أكسية سود يلبسنها ) ( الله يهدي من ذكر إن الصحابيات يختلطون بالرجال ) .. ( وهذا غير النقاب المفروض إنكن تلبسنه ) .

وقد ثبت في الصحيحين عن عائشة رضي الله عنها قالت : كان رسول الله صلى الله عليه وسلم يصلي الفجر فيشهد معه نساء متلفعات بمروطهن ثم يرجعن إلى بيوتهن ما يعرفهن أحد من الغلس وقالت : (لو رأى رسول الله صلى الله عليه وسلم من النساء ما رأينا لمنعهن من المساجد كما منعت بنوا إسرائيل نساءها) فدل هذا الحديث على أن الحجاب والتستر كان من عادة نساء الصحابة الذين هم خير القرون وأكرمها على الله عز وجل ، وأعلاها أخلاقا وآدابا وأكملها إيمانا وأصلحها عملا ، فهم القدوة الصالحة لغيرهم .

مره ثانيه ! .. تطرقت للحشمه وكنت ذاكرتنها في ردي الي انته عارضته !!


( ردا على الشيخــــــــــه بوظبي كيف صارو صحابيات وهم ما انتقل علمهم من الرسول صلى الله عليه وصلم لـ هم شخصيا "مباشره؟ )

قال الرسول صلى الله عليه وسلم :-

((إياكم والدخول على النساء))

((لا يخلون رجل بامرأة إلا مع ذي محرم))

((لا يخلون رجل بامرأة فإن الشيطان ثالثهما))

هالامور كلها انا ذكرت وجوبها في ردي .. بس مره ثانيه بتفهم وجود عقليات "ماتفهمها وهي طايره"!


:: الخلاصــــــه : صحيح إني فتحت باب للنقاش بشأن الاختلاط الحاصـــل في الجامعات وغيرهــا .. لكـــن لم أتوقع إن يصل النقـــاش بذكر صحابيـــات .. عذرا .. لمّــا بتتكلمون عن صحابيات مره ثانيه ييبوا الدليل .

ما ادري ليش انا في كافة اموري الحياتية يوم احب اوازن آراءي .. أرجع فيها لأمور الدين معني مش متدينه ! ..

واسمحولي جان غثيتكم بردي

عرفنا إنرد على منو ومنو ما إنرد عليه ..

تبون صراحه محزنه ولا ابي حد يعتذر لانه سبب احراج "جدام الكل" ؟

إكتشفت انكم تتحرونا نرمس عن عبط ,, وإنزل من مكانة اهل الرسول والصحابه .. معنكم لو تقرون ردودنا بنيه صافيه ..بتشوفون العكس

[الغاليه]

اووه عندكم اكشن اهنيه ..:fa38: ..


بخصوص سالفة الاختلاط .. المرأة في حال التزمت بالحشمة الشرعية في لبسها ومظهرها وطريقة تعاملها يعني حشمة قولية وفعلية وسلوكية و تجنبت الخلوة مع رجل في مكان واحد .. ومع مراعاة أولويات حياتها و ضرورياتها .. تقدرتباشر اي نوع من انواع الأعمال المباحة .. كعمل أو دراسة او أي شي مباح شرعا .. لكن لازم اتكون الحشمة صدقية مب مجرد كلام.... هذا من خلال اللي اتعلمته مب اني افتي في جواز الاختلاط او حرمته..

هذا بشكل عام للمرأة اذا تبا تتجنب الحرام هو انها تتقيد بالضوابط الشرعية اللي تحفظها من الرجال ..

واللي تداوم بكشخة عرس واترابع زملاء العمل وتدق سوالف وياهم الكلام مايشملها طبعا ..

لكن سؤال الأخ المقاتل كان بخصوص الاختلاط في المدارس و الجامعات ..

اعتقد انه مسألة الخلط في المنشآت التعليمية شي حساس جدا ويرتبط بمنهج حياة وبثقافة بلد وبأعراف مجتمع ..

وفي ضغوطات خارجية للأسف تبا اتدرج الاختلاط عندنا من قمة الهرم ابتداءً ببيئة العمل وعقبها الجامعات والكليات وبعدها المدارس ..

نجحوا في الاولى وهم في سعيهم لاكمال االمهمة من خلال زرع تقبل هالشي في عقولنا وقلوبنا _ غزو فكري _ ..

شخصيا ما اؤيد فكرة الاختلاط واشوف انها فكرة مالها داعي .. وخاصة انها مالها ايجابيات واضحة تذكر و تستدعي القيام بهاي الخطوة .. و بعض الدراسات اوضحت ان المستوى الاكاديمي في حالة الفصل أعلى من المستوى الاكاديمي في حالة الخلط ..

وهذا غير عن ان الاختلاط يسرق الحياء من البنت تدريجيا و اقل شي ينتج من خلال هالشيء ان البنت تعامل الريال مثل ماتعامل البنت .. بحكم التعامل اليومي والالفة .. فيوم عن يوم ومع الأيام تسقط الكلفة بينهم وتعده من المحارم .. وهالشي ألمسه واعتقد نلمسه كلنا ( البنات ) في تعاملاتنا مع دكاترة الجامعة .. وكيف نحس انه الدكاتره خلاص مستويين من الأهل .. وهم غير ..والرياييل الثانيين غير ..

اذكر اني اول مرة تعاملت فيها مع ريال غريب او بالاحرى تكلمت وياه فيس تو فيس من غير غشوة ( نحن في بوظبي نتغشى :ice: ).. كانت مع اول دكتور يدرسني في الجامعه .. واذكر كيف كنت خايفة وانا ارمسه وابلع ريجي كل ساعه والثانيه واستجمع كل قوتي بس عشان ارمس وانا مرتاحه .. ومع الايام خلاص تعودت .. واستوى عادي عندي (مب حد يقولي بالعكس هالشي زين وانتي اكتسبتي ثقة في التعامل .. انا متأكده انه هالشي ماله علاقة في الثقة لانه ماكان عندي اهتزاز ثقة قبل لا ادخل الجامعه بس له علاقة بالتعامل مع الرياييل) .. ومب انا بس .. وايد من ربيعااتي نفس الحالة .. دوم نقارن بين اول يوم دشينا الجامعه وبين احين.. ولين احينه مانعرف اذا هالشي ايجابي أو سلبي !!!..

فلو كان الاختلاط بشكل عام اكيد اني في اول ايام بتهيب من الشباب عقب مع الايام بتعود عليهم وبتطيح الكلفة بيني وبينهم .. ( أنا ماعرف الوضع كيف بيكون.. بس اتصور جيه ) .. واللي يدرسون في الجامعات المختلطه اكيد ادرى..


باختصار لو يبون يخلطون في التعليم يبالهم بعد يغيرون في الأعراف اللي يؤمنون فيها الناس .. مثلا يلغون كلمة منقود وغلط وعيب ومايووز عندنا وعند اهلنا .. ويصادروون غيرة الاب والاخو على بنته و اخته يوم يشوفونها بين رياييل يالسة.. ويتقبلون فكرة ان البنت يكون لها اصدقاء ذكور من غير اي همز أو لمز يعنيها..

قد يكون هناك فئة من الأهالي تتقبل فكرة الاختلاط ..لكن في نسبة كبيرة بعد من الأهالي بعدها ماتقبل بدراسة بناتها بين صفوف الشباب.. وهالشي اظهرته نسب الاستبيان عن قبول الاختلاط في ابوظبي .. ماشي بنات مواطنات بيكونن في الجامعات .. او قلة قليلة جدا منهن..

واللي يستشهدون بجامعة السلطان قابوس .. صح انها مختلط .. لكن شي فرق بينا وبينهم .. الشعب العماني شعب كادح وجاد .. وجامعتهم اعتقد مادخل غير اللي نسبته فوق ال 95.. يعني الفئة اللي تدخلها هم الناس اللي يايين حق الدراسه والجد .. لكن الشعب اهني شعب مرفه والدراسة عنده على طريقة مشي حالك .. والاختلاط برايي مابيحقق انفجار علمي ومعرفي في الدولة كثر ماإنه بيزيد الطين بلة ..

والعرب يحاولون يقلدون الغرب في كل شي بحجة التطور .. ومايدرون ان الغرب يالس يكتشف انه تعاليم الاسلام هي اصل الرقي و الحضارة .. في اوروبا مدارس للطبقات الراقية يعتمدون الفصل فيها بحيث يكون في رقابة وتهذيب لسلوك الطلبة.. وشي منها على نظام المدارس الداخلية وشي منها على النظام العادي .. والطبقات العادية يعتمدون الخلط .. فالأرقى عندهم الفصل .. والأقل مستوى عندهم الخلط .. .. نحن كلنا الحين على النظام الراقي ..لكن .. يبون يردونا لورى..


اتم هاي القضية من القضايا اللي تنقسم فيها اراء الناس بين مؤيد ومعارض .. وكلن له وجة نظر في طرحه .. لكن اعتقد ان كان للاختلاط ايجابيات فسلبياته أكبر من ايجابياته .. ومن اللي اعرفه انه شي قاعده شرعية اتقول درء المفسدة أولى من جلب المصلحة .. وتجنب الاختلاط احسن وأفضل وأحمى للمجتمع من الشروع فيه ..


مب جني خذت راحتي وايد في الكتابه brgll:

[فراشه حلوة]

انا اشوف انه البنت لو انحطت في موقف انه ما عندها خيار غير الجامعه المختلطه ممكن تحط لنفسها حدود ما تتجاوزها او تخلي اي حد يتجاوزها و اتم محترمه و حشيم ، بس هذا ما يعني اني اقول " اوافق " على هالشي بمعنى اشجعه . .

و هالشي اذا مشيناه ع الجامعات اظني ع المدارس صعب بما انه مرحلة الثانويه هي اخطر مرحلة

يعني لو تخيلنا المدارس الحكوميه تحولت مختلطه :nono: بتستوي مصيبه . . لانه المدارس الخاصه تختلف عن المدارس الحكوميه من حيث اعداد الطلبه و الكونترول عليهم

و لانه نحن مب محتاجين لهالخلط لسبب وجيه اشوف انه ماله داعي ببساطه :yes:


تسلم ع الموضوع يالمقاتل :fa35:

[راعي الزعـامه]

ماعتقد ان كل البنات يمكن يحفظن حدودهن والا ان يحترمن انفسهن اذا كان في اختلاط
ولا حتى الاولاد
بيكون في نسبة منهم محترمين نفسهم .. بس بعد نسبة كبيرة بتكون تحب سوالف الخرابيط ،،
وعشان نتجنب هالشي .. فاحسنلنا نتجنب الاختلاط ..

[تنينه]

الـغـاليـه ,,, كــلامـج عــين العـقل :yes:



باختصار لو يبون يخلطون في التعليم يبالهم بعد يغيرون في الأعراف اللي يؤمنون فيها الناس .. مثلا يلغون كلمة منقود وغلط وعيب ومايووز عندنا وعند اهلنا .. ويصادروون غيرة الاب والاخو على بنته و اخته يوم يشوفونها بين رياييل يالسة.. ويتقبلون فكرة ان البنت يكون لها اصدقاء ذكور من غير اي همز أو لمز يعنيها..


:yes: :yes:

فـ انـا أجوف نـبتعد عـن الشـبهات ,, شـبهـة الأثـم والحرام وشـبهة الرمـسه لأنه مجتمعنا مجتمع ما يـرحم بالـرمسـه ,, فـليش أنـحـط عـمارنا في هالمواقف وشرات ما قال منصوري الـدوله أللي بتدرس في جامعه مختلطه لازم تتحمل الرمسـه أللي بتيها ,, يـعني لا ديننا ولا عـادتنا وتقاليـدنا تتـقبل هالـشي ,,



وهذا غير عن ان الاختلاط يسرق الحياء من البنت تدريجيا و اقل شي ينتج من خلال هالشيء ان البنت تعامل الريال مثل ماتعامل البنت .. بحكم التعامل اليومي والالفة ..

صـحيح كلامج أختي :yes: حـتى نحن أول يوم دوام في الجامعه أول أسـتاذ يعني يدرسنا كيف كنا نستحي مـنه ومـع الأيـام أستـوى شي عـادي أنـه أنكلم الأسـتاذ وجي وبكل عفوويه بـعكس بقية الرجـال ,, أمـا بالنـسبه للدوام يـكون مـختلط ,, فأنــا أجوف أنـه وضعية الدواام أتـكون غـير عـن الدراسـه ,, البنت بـتسير دوامـها وبتأدي شغلها وأتـرد بعـكس الجامعه أو المـدرسه أللي لازم تتشارك مـع زملائها البروجكتات والواجبات الـخ ,, وغـير يوم البنت أتداوم أتـكون متـخرجه من الجـامعه يعني بتكـون أنـسان كبيره وعاقله وتـزن الأمـور ,, ويااا مـا بنـات ما كانـوا في جامعات أو كليات مـختلطـه وعـقب يوم داموا عـادي أتـعودو عـلى أجواء العـمل ووجود الرجـل ,, يـعني مب لازم البنت أتكون دراستها مختـلطـه عـسب عقب تتـعود يوم بتداوم :boxed: ,,هـاي مب حجـه :puppyeyes:


والعرب يحاولون يقلدون الغرب في كل شي بحجة التطور .. ومايدرون ان الغرب يالس يكتشف انه تعاليم الاسلام هي اصل الرقي و الحضارة .. في اوروبا مدارس للطبقات الراقية يعتمدون الفصل فيها بحيث يكون في رقابة وتهذيب لسلوك الطلبة.. وشي منها على نظام المدارس الداخلية وشي منها على النظام العادي .. والطبقات العادية يعتمدون الخلط .. فالأرقى عندهم الفصل .. والأقل مستوى عندهم الخلط .. .. نحن كلنا الحين على النظام الراقي ..لكن .. يبون يردونا لورى..

صــحيح كلامـج اختيـه :yes: :yes: ,,


الـصراحه أنـا متابعه للموضوع من البدايـه بـس أكتفيت بالقراءه ,, ويوم جفـت رد الأخت الغاليه جـفت أفكاري ورايي في الموضوع :yes:

مـودتي

تنييناني :fa35:

[وحي القلم]

كلام الغاليه مقنع :) ،،

[خيال الحب]

بــعد صمـــت طويـــل.. وقراءة هادئـــة للموضـــوع..

اضـــع هذا الرد بيــــن ايديــــكم..



ان الحاجـــات عادة ترتـــبط بالدوافـــع.. فكـــلما ظهر دافع من الدوافع مهد لظهور حــاجة مناسبـــة له.. فدافع الجوووع يعتبر تمــهيداا لظهور الحاجه للطعـــام.. والدافع الجنسي يمهد لظهور الحاجه الى الاشباع اذا ما اشبعت على نحو سليم كان العائد سليماا اذ يسهم في تكوين وتنشئة الشاب على النحو المطلوب.. أما اذا لم يتحقق هذا الاشباع بشكل سليم ولم يكن هناك البديل المناسب سعى الشاب لاشباعها وتلبية الدافع الخاص بها باسلوب غير سليم يؤدي الى الانحراف والضياع.. الامر الذي يقضي بضروة التعرف على حاجات الشاب والعمل على تلبيتهاا واشباعها طالما كان ذلك في صالح الشباب والمجتمع الى جانب النظر في مواجهة الحاجات الي يتعذر اشباعها بالاسلوب المناسب مع مساعدة الشباب على ان يكون لهم الدور الايجابي بشأن الكشف عن هذه الحاجات والتعبير عنها ومواجهتها بتنمية قدرتهم على التفكير المنطـــقى.. وعلى التعبير عن افكارهم بوضوح.. وعلى القراءة والاستماع لافكار غيـــرهم بفهم..

والسموحه منـــكم:fa35:

[المقاتل]

:: .. الشيخه بوظبي .. :: نانننانانا :harhar1: :: .. :kkk: أنتي كلّــه تفهميني غلط بعـــد !! :: ( سوء فهم لوولز ) ::

:smartass: الشيخـــه الغاليـــه .. كلامج في عيـــن العقـــل :yes: ونعم أنا من مدرسة حكومية وبالفعل درست في كلية مختلطه في الخارج .. وإلي حصــل إني من دشيت لكلاس وبتواجد البنات كنت أخجل من وجودهن أو بمعنى آخر .. ما أتعودت أدرس في كلاس بوجود بنات .. :unlock: فـ البدايه ما اتناقش إلا مع الشباب وإلّي صار إني أتكلم وأتناقش وأسولف وأضحكـ لكلا لثنين شباب و بنات وأصبح الموضوع عـااادي .

و بالنسبالي هالشي سلبي جــدا لأن الحياء شعبــة من شعب الإيمــان ، و بفقد الحياء ممكن إنّــا نتخلى من مبـــادئ أخرى أسلامية كانت أو من عاداتنا وتقــاليدنا ، وللعلم المدارس الاستراليه أغلبها منفصلــه .. مع أحترامي للي يوافقون بالاختلاط بالنسبه لي الاختلاط تخلّـف و تقريبا إلي قلته أو بالفعل يوافق كلام الاخت الغاليه ( same same :12: ) .

وفكرت إن حصل اختلاط في كافة المدراس الحكوميــة ، بتصير كارثة أو مصيبة .. تعرفون ليش ؟؟ لأن في المدراس الحكومية ( للشباب ) فيها مجرمين .. مدمنين مخدرّات .. وغيره .. ( الأم مدرسة إن اعددتها اعددت شعب طيب الأعراق ) وتتوقعون البنات البريئات لما بيختلطون مع الشباب إلي نحن عاصرناهم وشفناهم شو بيصير .. ( الله يستر ) .

:: .. ولي عودة قريبة .. :: ( شكرا على مرور البقية ) :smartass: يزاكم الله خير

[المزيوونه]

حمي الوطيس! ..

مهما انعاد وانزاد الحديث فها الموضوع .. بتظل الفكره مرفوضه..

خلكم كوول جماعة الخير ..

الله يحفظكم ..

[نبراس الليل]

قال الله تعالى

وَمَا كَانَ لِمُؤْمِنٍ وَلَا مُؤْمِنَةٍ إِذَا قَضَى اللَّهُ وَرَسُولُهُ أَمْرًا أَن يَكُونَ لَهُمُ الْخِيَرَةُ مِنْ أَمْرِهِمْ وَمَن يَعْصِ اللَّهَ وَرَسُولَهُ فَقَدْ ضَلَّ ضَلَالًا مُّبِينًا} (36) سورة الأحزاب


وقال ربنا الحكيم


وَمَن يُشَاقِقِ الرَّسُولَ مِن بَعْدِ مَا تَبَيَّنَ لَهُ الْهُدَى وَيَتَّبِعْ غَيْرَ سَبِيلِ الْمُؤْمِنِينَ نُوَلِّهِ مَا تَوَلَّى وَنُصْلِهِ جَهَنَّمَ وَسَاءتْ مَصِيرًا} (115) سورة النساء




لقد نهانا الله ورسوله الكري محمد عليه الصلاة والسلام من الإختلاط وحذرنا الرسول الكريم من الإختلاط لما له من عواقب وخيمة ومهلكة


وقال رسولنا الكريم ( مروا أولادكم بالصلاة وهم أبناء سبع سنين واضربوهم عليها وهم أبناء عشر وفرقوا بينهم في المضاجع ) رواه أبو داود....


إذا كان التفريق بين الإخوان والإخوات فكيف الإختلاط مع الأجانب




لاأريد أن أطيل في الحديث لأن بعض العقول تحجرت خلف التحضر والتفتح والعولمة




سأتحدث عن نفسي نجوم السماء أقرب لأختي من أن تدخل إلى هذه الأماكن المليئة بالفتن



ألا تتفكرون يامن تؤيدون الإختلاط

تقولون إن هذا الإختلاط للدراسة فقط



إذا كان لايجوز للمرأة أن تصلي أمام الرجل الأجنبي فكيف لها أن تدرس معه

إذا كان لايجوز للمرأة أن تصلي بجانب الأجنبي في المسجد فكيف لها أن تدرس معه


إذ كانت في العبادة لايجوز لها الإختلاط فكيف في أمور دنيوية


أين عقولكم أين هي كفاكم الإنجراف خلف التحضر والتشبه بالغرب


من تشبه في قوم فهو منهم أو كما قال رسولنا محمد عليه الصلاة والسلام


الإختلاط أولا وآخرها مثير للشهوات والفتن وكذلك يقلل نسبة الحياء لدى المرأة حتى الصفر


عجبت لرد أحدكم إن في العمل يأتي الرجل ويدخل المكتب ويتحدث مع المرأة والله أحترقت غيرتا


كيف لي ان أرضى بهذا كيف هل نصبح ديوثين أين شهامتنا وغيرتنا من هذا الأمر


هنيئا لمعشر الكفر التغلغل إلى عقول المسلمين وتلويثها
















رفعت القلم حتى أجد ماأريد هنا










نبراس الليل

[ابن الخطاب]

بسم الله الرحمن الرحيم

أوافق على الإختلاط .

بس بشرط .

إنهم يفتحون عيادات للحوامل في كل مدرسة .

وشكرا على الموضوع المميز .

[الهيثــم]

ههههههههههههههههه .. بو عبـــدالله .. عيبــني ردك .. ( لا اتعـور رااسـك ويـاهم )

[فطمطم]

أصلا أولادنا معظمهم ما شايفين خير في السوق ما يصدقون يشوفون بنت!

عيل لو درسوا مع بعض الله يستر شو بيصير!

[فطمطم]

صح كلام الأخ ابن الخطاب لازم يفتحون عيادات حوامل في المدرسة بالإضافة إلى وجود أخصائيين في الإجهاض


و لا تنسون لملجأ أطفال بعد!

ههههههه

استهبل لا تفهموني غلط

[كـلـكـلـووش]

مـعـارض طبـعـا .. و الاســباب اشــوفها جــدامي في الجامعه الامريكيــه و و فــي احدى المــدارس الشــبه مخــتـلطه ( اذا هي شــبه مخـتـلطه و جي لو مختلطــه 100 % كيــف بــتكون ! )