توعيه للعالم.. "هيدااا لبنان"

[شمعة أمل]

توعيه للعالم.. "هيدااا لبنان"


تحيدين يوم سرنا لبنان؟؟ تحيدين كيف خفنا أول ماطلعنا من المطار؟؟
شفنا البنايات فيها رصاص من الحرب الى طاف .. شفنا شرطه كل مكان .. تمينا شوي على أعصابنا
وصلنا الفندق .. طلعنا من الفندق .. يا الدريول .. يحليله كان يفتحلنا الباب وكان ينقهر اذا فتحنا الباب بنفسناO_o
بس الشي الى كان يقهرنا كلنااا ... ياربيييه كيف كان يدووووووووخ!! كل مارحنا مكان نقز برع يدوخ جقاره ,, وععععع ..
يحليلهم اللبنانيين .. تحيدييين رمستهم .. تسلم يالشيخ .. تكرم عينك!!! ... تسلم حبيبي .. ياربيي كيف رمستهم غزل في غزل!!
ويوم سرنا الفريااا لأول مره وطرت من فوق الجبل .. تحريت اني بموت!! بس الحمدالله بعدني عايشه صح؟؟ .. وهذاك الشيبه ويا السياره *القرمبعه* الى يبيع مكسراات من دبة السياره؟؟
آآآه ياحلاة الهوت جوكلت الى في فندق الانتركونتننتل الى عالجبل .. ياربييي عجييييييييب .. ويوم يعنااا والدريول ودانا *بربر* ويابالنا شورماا .. تحيديين
صدق أيااااااااام
ويوم سرنا الشانزليزيه .. و ABC والكهووف!!

.
.
.

وبعد مرور سنين

.
.
.
لبنان الحين
http://upload.bindubai.com/download/mama/DSC07327.JPG

http://upload.bindubai.com/download/mama/DSC07328.JPG

http://upload.bindubai.com/download/mama/DSC07330.JPG

http://upload.bindubai.com/download/mama/DSC07331.JPG

http://upload.bindubai.com/download/mama/DSC07332.JPG

http://upload.bindubai.com/download/mama/DSC07333.JPG

http://upload.bindubai.com/download/mama/DSC07334.JPG

http://upload.bindubai.com/download/mama/DSC07335.JPG

http://upload.bindubai.com/download/mama/DSC07336.JPG

ابتدت السالفه ويا لبنان واسرائيل .. نجوف الأخبار .. نقرا جرايد .. قلوبنا تعورنا .. هذيل يهال .. حريم .. شواب .. ناس .. عوايل .. عرب!!

وايد أثر فيني .. حلمت فيه .. حلمت في وحده يابوها من الحرب للإمارات .. يلست ترمسني .. وتقولي كيف انا محظوظه لاني إماراتيه وانولدت في هالبلاد..

اليوم .. ردت أمي من السفر .. يلست تقرا الجرايد .. تجوفونها منصدمه .. شو السالفه؟!

طول الوقتت وهي في لندن .. تجوف الأخبار.. قالت .. يرمسون عن لبنان وجي .. بس ما جد حطو صور .. انصعقت من هالصور!!

وصدقهاااااااا

من كم يوم بغيت أحط موضوع عن لبنان .. بس وين الصور؟؟ يلست أدور في النت .. ماحصلت شي!! كيف جي؟؟ الصور تارسه التلفزيون .. والجرايد .. ليش النت مافيه شي؟؟؟


مالاحظتو عدم تدخل أمريكا ولا لندن بشكل كبير؟؟؟ ماستغربتو من هالشي؟؟ لانهم أصلن مايعرفون شي

مابالكم اذا لندن جافت هالصور؟؟؟؟ مابالكم؟؟ شو بتسوي؟؟؟؟؟؟؟ في لندن اذا الأم ضربت ولدها بيسجنونها!!!!!!! وفي أمريكا ويا حقوقهم الانسانيه مادري شو

ماستغربتو ليش هالدولتين مادخلت وايد؟؟ .. يحليلهم .. طلعو مايعرفون شي

الله يكون في عونج وينصرج يا لبناااااان

ساعدوا لبنان!!
http://upload.bindubai.com/download/mama/DSC07329.JPG



ابااااااا أفهم شي .. أبا أفهم شي واحد .. ليش الناس يحبون يكون مجرمييين .. ليش يحبون يجتلون هاليهال؟؟ لييييييييييش!!!!!!
ليش دول العالم ماتشتري جزيره عوده ويسمونها جزيرة الحرب والقتال!! ليش مايسيرون يتضاربون هناااك .. لييييش يعني لازم يدخلون في الدول ويهدمون البيوووت ويجتلون اليهال والحريم والشواب والشباب والعيايز ليييييش .. شو القصد من هذااا .. حرام والله!!!!

والسموحه!
مجرد فضفضه

[المزوحي]

الله يرحمنا برحمته ويدمر الأعداء آمين .. مرات يوم أفر على الاخبار وأشوف المنظر أجلب .. بس لانه أحس بألم ونحن مانقدر نسوي شي .. مب لأنه ماشي أحساس أو اهتمام ... صح الكثير تبرع بالاموال والبغذاء .. لكن أتمنى فعلا يوصلهم هالشي .. ومايفيد لو يعلنون عندنا كل واحد بكم تبرع ومايوصلهم شي ... شو ذنب الأطفااال ..

[شمعة أمل]

شو الفايده

ولو عاشو هاليهال .. مابيكونون يهال .. نفسيتهم ادمرت!!! كله من اسرائيل .. منو الارهابيين الحين افففف

[حلم الطفوله]

السلام عليكم

تدرين شمعه ! والله كل ما أفرر القنوات قلبي ينقبض ...وكل ما يحطون مشاهد اغمض عيني!

والله حرام ....شو ذنبهم ؟ ناس يالسين ببلادهم وايون هاذيلا ( حتى الحيوانات ما ترضى تتشبه فيهم)

يسوون سواياهم بناس ما لها ذنب ...مستحيل انسان من دم ولحم يسوي هالسوايا بانسان مثله:fa36: ...

الصور إلي عرضتيها تتكلم ...تحتج ... شو ذنبنا ..من كبار لصغار ! لكن ما لنا غير الدعاء

اللهم رد كيد الظالمين في نحرهم

[سفير الخيال]

سكتي عني روحي منقهر :narr:

والله ول بيدي جان جلعت ارقبتهم واحد واحد الامريكان والإسرائليين بس ما بيدي شي :fa36:


اتعرفين كيف...

العرب مع العرب جـــــــــي :madd:

والإسرائليين مع العرب جي :bash:

والامريكان مع العرب لما تزعل جي :sad4:

وانا جــــــــــــــــــــــــ ــــــي :narr:


:3:

[عافك الخاطر]

في الحرب
لا لغة


ولا انسانية
فقط دمـاء تُراق بكل برود



..
.

كان الله في عونهم
..
.

[شمعة أمل]

:narr: قهــــــــر . . .

[لمّــاح]

السلام عليكم ..

ذكرتيني بلبنان يوم سرتلها في التسعينات كيف كانت .. و بلبنان العام كيف كانت حلوه ..

شارع الحمرا، ال ABC ، زيت و زعتر و المطاعم الثانيه و الشوارع الحلوه و فريا و الارز و بعلبك و برمانه و غيرها من المناطق الحلوه و الشعب الحلو ..

لبنان الجريح ... الله يرحمج برحمته يا أمه محمد ...


اليوم .. ردت أمي من السفر .. يلست تقرا الجرايد .. تجوفونها منصدمه .. شو السالفه؟!

طول الوقتت وهي في لندن .. تجوف الأخبار.. قالت .. يرمسون عن لبنان وجي .. بس ما جد حطو صور .. انصعقت من هالصور!!


هالشي طبيعي .. حتى في اسرائيل نفسها الاعلام مغطي عليهم و مايعرفون شو يستوي في لبنان و كل الي يقرونه جذب في جذب ..

[تحفه]

بمناسبة إنّـا في واحة الفضفضه ..
أحب أطرح سؤال .. شو فايدة الاحساس يوم مافي أفعال تعكسه ؟!


والسموحه ع المشاركه الي يخص الموضوع ومايخصه ! :s

[خيال الحب]

فديـــــــــت لبناااان والله..

بس انا عندي ربع في البرازيل .. يقولون لي شو هالمجازر الي في لبنان.. ويسبون اسرائيل.. يعني عارفين شو يستوي..

مانقول غير الله ينصرهم

وصدقج ..

والله قهرررررررر :(..
مشاهد تعور القلب.. يهال صغاريه ياحليلهم

[الشحية]

أنا إدمعت عيني من شفت هالأشيااااااء ..
لبنااااااااان .. أأأأأأأأأه يا لبنان ..
ذكرتيني بكل شبر في لبنااان ..
كنت أحب أروح عاليــــــــــــه وااااااايد ..
الله يعينهم ويصبرهم ..
الله وياااااااااااااهم ..
إدعولهم .. >> دعاء المظلوم مستجاااااب

[الامير الحزين]

لبنان

تلك الدوله الصغيره ذات الموارد المحدوده
التي استطاع سكانها بنائها من الصفر بعد الحرب الاهلية
و كدوا وتعبوا ولكن يد الغدر تبقى
ملوثه بالغدر ودماء الضحاية و الغريب ان كل ما يحدث تجد بعض الدول العربية
لا تحرك ساكن ولا حتى بأي شيء ولا اعرف السبب ام يكون هو الخوف على المناصب
و الكراسي و المدخول من موارد
لا اعلم ولكن اتمنى من هؤلاء الناس ان يجدوا الجواب المناسب امام رب العالمين ودماء هؤلاء الاطفال الذين يموتون كل يوم
وشكرا لك على هذا الصوره المحرجه لعروبتنا

[شمعة أمل]

الله يعينهم =(

[الشيـــن]

ابااااااا أفهم شي .. أبا أفهم شي واحد .. ليش الناس يحبون يكون مجرمييين .. ليش يحبون يجتلون هاليهال؟؟ لييييييييييش!!!!!!




ليش دول العالم ماتشتري جزيره عوده ويسمونها جزيرة الحرب والقتال!! ليش مايسيرون يتضاربون هناااك .. لييييش يعني لازم يدخلون في الدول ويهدمون البيوووت ويجتلون اليهال والحريم والشواب والشباب والعيايز ليييييش .. شو القصد من هذااا .. حرام والله!!!!




ليش لهالدرجــه قلوبهــم متحجره !
ليش ما يهتــزون يوم يشوفون هالـيهال قبل الكبـار ؟
كانوا يتريـون بس شـي ع لبناان عسب يسوون ها كله ..
واحنـا العرب من زماااان يذبحونـا ويجتلــونا والجهااات المختصه ولا افتكرت تسوي شي
بس ترمس ترمس ترمس ..
تبـرعـوا ، وسووا حمله عشان هالتبرعـات
لبسـوا بدلة ووقفوا جدام التلفزيون قالوا *نطالب بـوقف اطلاق النار*
لبنان مايبون بيزااات ،
يبـووون حريتهم اللي انتزعت .. يبون الأمان اللي كانوا فيه
يبــووون جوهم اللي كانوا فيييه ..
اللي سـووا حزب الله واللي خذ اليـزااا الشياب والحريم والاطفال والشباب واهل لبنان !!
قلبج يعـورج يوم تشوفين الأم جدام عينها تموت بنتهــا ..
والولد يصحى فجأة عسب يعرف ان كل اللي حوله ماتوا
ومايفهم شو يعني استشهدوا ولا ماتوا ، بس الي يفهمه انه ساروا فوق عند الله
متى بيردون ؟ بيتم يتريـا ليما الزمن يفهمه ..
صار الياهل يكبر قبل عمـره .. يفهم أشيــاء وتتفتح عيونه على أشيــاء
وااايد أكبر عنه .. الكبير ما يتحملهـا .. كيف هالصغير ؟
:bye2:
\\
أحيد يوم كنا سايريلهـا آخر مره شهر 12
كانوا توهــم يرممون البنايات ويبنون ويطورون
كم سنة ردت ورا خلال هالـ كم يوم !!
:no0:
\\
في شي أرخص من دم العربي فـ هالفترة ؟