طلاب جامعة الشــارجة .. ممكن مساعدة ؟؟

[لمّــاح]

السلام عليكم ..:yes:

بعض الاسئلة و ابغي مساعدتكم، بخصوص كلية البزنس ..

متى ينتهي موعد التسجيل .. و اذا انتهى متى كان آخر يوم للتسجيل للكورس الياي .. ؟؟

متى يبتدي الكورس الياي .. ؟؟

شو التخصصات المتوفره .. ( محاسبة، فايننس ...الخ ) ..

كيف نظام الدوام هل هناك اوقات مناسبة للي حاب يدرس مسائي ولا كيف بالضبط ؟؟

و اذا ممكن بغيت اسم مدير الجامعة و عميد كلية البزنس ..

و بشكل عام .. تنصحوني ادش هالجامعة ولا ... ؟؟ و اي ملاحظات حابين انكم تعطوني اياها .. الدراسة صعبه ولا سهله و هل الطالب يكون مظغوط فيها ؟؟
يعني بغيت معلومات عامه و اتحسون انها بتهمني خصوصاً و اني بنقل اوراقي لهالجامعة عشان اكمل البكلوريس و الماجستير فيها ..

والسموحه منكم ..:kcl:

[دمعة شوق]

الله يـوفقـك ياخوي
وإن شاءالله يـساعدونك طلاب جامعة الشارجـة
الله يوفقك ويسهـل عليـك
:)

[خيال الروح]

وعليـكم السـلام



متى ينتهي موعد التسجيل .. و اذا انتهى متى كان آخر يوم للتسجيل للكورس الياي .. ؟؟



التسجيل بعـد ما انتهى ,,
التسجيل الحين على النت لين بدايه 8 ,,


متى يبتدي الكورس الياي .. ؟؟


لين الحين ما ادري بالضبط متي ,, بس الى سمعته في نهايه شهر 8


شو التخصصات المتوفره .. ( محاسبة، فايننس ...الخ ) ..


اداره اعمال ,, نظم معلومات هـالى اعرف ( لاني مب بزنس )


كيف نظام الدوام هل هناك اوقات مناسبة للي حاب يدرس مسائي ولا كيف بالضبط ؟؟

في مـسائي ,,


اسم مدير الجامعة و عميد كلية البزنس

مدير الجامعه شي البشري ---->> ما اذكر اسمه بالضبط


:

[خيال الروح]

http://www.sharjah.ac.ae

وهـذا موقع الجامعه

:

[قرموشة]

وعليكـم السلااام

:fa35:


متى ينتهي موعد التسجيل .. و اذا انتهى متى كان آخر يوم للتسجيل للكورس الياي .. ؟؟

التسجـيل بدا من نـص شهر 7 وبينتهـي في نـص 8 بس الاحـسن انك تسجـل ألحـينه لان الشعب ممكـن تتسكـر أو تغلق ..


متى يبتدي الكورس الياي .. ؟؟
أول يـوم دوام بيكـون 27-8-2006 دوامنــا نحن قـبل طـلاب المـدارس .. والاسـبوع الاول هـو اسبوع الحـذف والاضـافـه ..


شو التخصصات المتوفره .. ( محاسبة، فايننس ...الخ ) ..

Management Information Systems
Accounting
Executive Master's of Business Administration

Business and Public Administration







هاي هـي التخـصصــات المـوجـوده في كـليـه اداره الاعمـال

وممكـن تقـرا عنها أكـثر في موقـع الجامـعه ..



كيف نظام الدوام هل هناك اوقات مناسبة للي حاب يدرس مسائي ولا كيف بالضبط ؟؟


يعتمــد على المـواد اللي بتنزلــها .. وأوقات المـحاضرات ..
يعني انت بنفسك ترتب جـدولك بالطـريـقه اللي تحـبها ..


و اذا ممكن بغيت اسم مدير الجامعة و عميد كلية البزنس ..





هـذا عميـد الكـليه Dean


Ibrahim, E. Mohamed, Professor, Ph.D., 1985, University of North Texas, USA, Accounting.



مـن رايي تـدخـل مـوقع الجــامـعه وتـشوف التخـصصـات اللي في كـليـه اداره الاعـمـال وتقرا عنهن أكـثر ..


جـامعه الشارجــه .. جـامعه ممتازة من ناحـيه التدريس وخـصوصـا انه المناهـج تينـا من بررع .. والصراحـه انـصح اللي يبون يكـمـلون دراستهم العليا انهم يدرسون في هاي الجامعه ..
.. ما أقولك انه المنـاهـج سهلـه .. لا.. فيها نوع من الصـعوبـه بس أكـيد مـن البدايـه لازم تـشد حـيلك ..
ومـن ناحـيه المدرسيـن ترا كـل مكـان فيه الشين والزين .. لكـن اللي أعرفهـم ومـن كـليه اداره الاعمـال انـه تدريسهـم حـلو وفناان ..

وووو أي شي ثااني ترانـا حـاضرين يا لمـاح :) وبالتوفيـج يا خـويـه

[خيال الحب]

ولد عمي مسجل في الجامعه الامريكيه الي بالشارجه.. فالاسبوع الي طاف يوم اتصلنا فيهم كان مافي تسجيل بس يوم رحنا اليوم عادي خلوه يسجل

فاعتقد انه الامريكيه نفس جامعة الشارجه

وبالتوفيق ان شاء الله :)

وخيال # 2 ما قصرت وياااك

يعطيها العافيه

[خيال الحب]

اختي قرموشه الدوام بيكون 26-8 وبيكون يوم السبت

جامعتنا بتداوم بهالتاريخ مادري عاااد جامعتكم كيف

على ماعتقد القرار اليديد بيتطبق فيعني مافي دوام يوم 26

[قرموشة]

اممممم

عندي الجـدول السنوي للجـامـعه ومكــتوب انه الدوام بيكـون يـوم الاحـد 27-8 -2006

على العمووم بتأكـد وبرد عليكم خـبرر :)

[لمّــاح]

دمعة شـوق ..

شكراً اختيه و الجماعة ماقصرو :yes:

خــيال الـروح ..

شكراً اختيه عالمساعدة :kcl:

و مشكوره على اللنك اسميني عيزت و انا ادوره في الياهو مادري ليش مايطلع :kkk:

الاخت قرموشه..



التسجـيل بدا من نـص شهر 7 وبينتهـي في نـص 8 بس الاحـسن انك تسجـل ألحـينه لان الشعب ممكـن تتسكـر أو تغلق

ها اهم شي ... بحاول اسجل الحين ولو اني ماتوقع لكن بشوف .. لأني اتريا حد انا الحين ..

و بخصوص التخصصات بدش الموقع و بشوف ..

و عن اوقات الدراسة يعني الي اقصده شي كلاسات على الساعه 7 مثلا ولا تسكرون من وقت .. :yes:

عموماً انا بشوف و برجع اسأل اذا عندي اسئلة ثانيه .. شكراً على المساعدة و الحين انا مايحظرني شي في بالي ..

خيال الحب ..

الامريكية اسميها لعوزتني و ثاني شي ادري بعمري اذا دشيت الامريكية مابدرس ف خلني في المظمون اخيرلي :ice:

[قرموشة]

امممم لا ما أعتقـد .. بس اللاباات تكـون في هـذا الوقت ..
وحـتى انهـا تخـلص 5 او 6 بالكـثييييير ..

وحـاضرين لأي سؤال :)

[لمّــاح]

يعني ماشي دراسة مسائية اللهم في الفترة الصباحية و التكملة لين 5-6 ..

[شوق القلوب]

الســلام عليــكم..

هلا لمـــاح.. :)

زين ما اخترت يا اخوي.. :yes:



...



الله يسلمـــك في الجامعه يخلون الدراسه المسائيه من الساعه 2 و آخر كلاس يكون من الساعه 16:00 - 16:50 ..


يعني اذا مثلا بتقدم تشتغل في مكان.. شوفهم اذا بيخلونك تستأذن قبل الدوام عشان تلحق الكلاسات..


وشوف .. هذا جدول المواد لكليه ادارة الاعمال..


http://www.sharjah.ac.ae/admission/registration/schedule/course_schedule/fall_20062007/Fall_En_M.pdf


ابدا من الصفحه رقم 6 .. ولاحظ انه ارقام مواد كلية الاداره تبدا بـ 03..


..


نصيحه.. سير الجامعه .. و اسأل كثر ما تبا..
بيفيدونك .. وفي نفس الوقت عشان تلحق اتسجل و اتشوف شو بيعادلولك من مواد .. ع اساس انك ما تدرس من اول و يديد.. :)


..



موفق ياااااااااارب
^_^

[شوق القلوب]

هلا لمــاح..

اوه... توني انتبهت اني مارديت على باجي اسئلتك..!

..

الله يسلمك.. كليه الاداره معروووفه انها من اسهــل الكليــات و التخصصات بشكل عام.. و خاصه تخصص نظم المعلومات او الـ Mis ..

و الدكاتره مثل ما اسمع عنهم .. زينين.. و تعاملهم طيب ويا الطلاب..

.
.

عشــان تسأل و تستوضح أكثر..

يبالك تتصل بالجامعه..و تطلب مُسجل كليه اداره الاعمــال.. عشان اتشوف موضوع نقل الاوراق و هالسوالف..

و اذا بغيت واحد متخصص اكثر.. اتصل بمدير القبول و التسجيل.. ممم.. يسمونه بو (.... ).. والله نسيت اسمه ..!!

لانه هالفتره يمكن غالبيه الدكاتره في اجازه.. يعني الموجودين هم الاداره و القبول و التسجيل..

بس برد أقولك.. سير الجامعه أحسن.. جيه بتستوضح الوضع أكثر ..

وربي يوفقك.. :)

[خيال الروح]

الدراسة صعبه ولا سهله و هل الطالب يكون مظغوط فيها ؟؟


الدارسه مب سهله ولا صعبه ,, يبالك اتشد حيلك من البـدايه وتدرس اول باول ,, لانه ان فوت شي
بتحس عمرك ضايع

:

[طيــــــوف]

للاخذ بالاعتبار .... الجامعه الامريكيه في الشارقه نظامها و تدريسها غير تماما عن جامعه الشارجه

او بالاصح ... امريكيه الشارجه نظام امريكي بحت ... تسمى هارفرد الخليج ...
لا تربطوا الجامعتان ببعض حتى ولو انهم في نفس الحرم الجامعي

[عزيزة النفس]

بلى اخوي لماح في دوام مسائي يعني من 4 لين 5 او 6 للابات

لاتخاف بتحصل مسائي لانه الصباحي يسكرون بسرعه


ربي يوفقك

[لمّــاح]

مــــرت الأيــــــــــــــام و كملت دراسة و تخرجت و الماجستير بإذن الله عقب ارمضان ....


أيـــام والله !! :yes:

[بنت الدلع]

^ لماح ماغيره هووون

[لمّــاح]

نعم هوووون و موجود و متواجد و كل شي بعد ^_^

[بنت الدلع]

ياا ميّة مرحبا وسهلا ومسهلا
وبالتوفيق بدراستك ان شاء الله

عقباال ما انبارك لك بالدكتوراه !

[العجيبة]

مبرووووك يا لماااااااااح ... تستاااااهل ... وعقباااالنــا ان شاء الله



هههه بنت الدلع ... شو فيج .. هيه صدق لماااااح موووجود


لماااح اثبـت لنـا وجودك اكثــر ونزل صـورك مثل ما كنت تسوي قبل !!!

[بنت الدلع]

^ هالبنت ماتخليني اتنفس في الواحات !


p=

[شوق القلوب]

السلام عليكم..




هالشي مب غريب على لمــاح.. :yes:

اموفق يا رب..

[مــهــابه]

~ سبحان الله ، الأيام تمضي ~ . .


ألف مبروك أخويه لماح . .

وعقـبال مانزقرك الدكتور لماح :)