المساعد الشخصي الرقمي

مشاهدة النسخة كاملة : الحملة الإماراتيه أطـفالهم أطفالنا


دمعة شوق
28-07-06 ||, 06:39 PM
http://www.dubaitv.ae/images/lebanonPopup/top1.gif


السـلام عليـكم ورحمة الله وبركـاتـه

مـاقـصروا في ذمتيـه كـل اللي تبـرعـوا واللي بيتـبـرعـون
حملـة الإمـارات لمداوة الجـرح اللبـنـانــي
يـزاهـم الله كــل خيــر ؛ وجـعـله الله في ميـزان حسـنـاتهـم
؛
ومـن خـلال هالمـوضـوع أحب أدعـو كـل اللي يـبـا يآزر ويـساعد الشعب اللبناني الشقـيق
سـواء بالتبرع حتـى ولـو بـ درهـم والله صدقونيه هذا الدرهم بيسـاعد وايـد
نـاس راقـدين في الطريج وأكـثر من خمسمية شـخـص راقـدين في مـدرسـة
والمـكان الله لا يـرويـكم كيــف .؟!
؛


اللي حــاب يـساعـد الشعب اللبناني الشقـيق
يمـكنـكم التـبرع بالإتصـال على هـذا الـرقـم :
0097143670011
وصـل مبـلغ التـبـرعـات للآن :
21 ملــيــون درهـــم إمـاراتــي
واللي حـاب يـشـوف الـبـث المـبـاشـر
على جميـع قـنـوات دبــي والإمارات وبـوظبـــي


والآن
المؤسسة الاميريكية للمصادر الطبيه
تتبـرع بـمبـلغ
15 مليون دولار مساعدات طبيـة
:)


؛؛


الله يـصـبرهم ويعينـهم على ما ابتـلاهــم
والله يـقدرني وأوافـيكم بآخـر الأخبــار
يزاكم الله كــل خيـر
عنود الريف
28-07-06 ||, 06:51 PM
الله يصبرهم ويعينهم على بلاهم ..
والله ينصرهم على العدوان
هاي الحملة تثبت ان القيادة الرشيده تبني اجيال وشعب انساني يساهم
ويساعد المنكوبين في اي مكان كانوا

الله يحفظ اماراتنا وشيوخنا .. ويجعل كل اعمالهم في ميزان حسناتهم

تسلمين اختي دمعة شوق ويجعله ربي في ميزان حسناتج الغاليه
دمعة شوق
28-07-06 ||, 07:08 PM
تبـرع دامـاس بـربـع ملـيـون درهـم إمـاراتـي
وتـبرع السـيـدة / آمنـة محمد حسن
مديرة نـادي نـد الشـبا بـ ملـيـون درهـم إمـاراتـي
يـزاهـم الله كـل خـيـر
وجعله الله في ميزان حسناتهـم
؛؛

عنـود الريـف

يزاج الله خيـر يختــي
وماعلى رمستج زود
يزاهم الله خيـر
:)
أمرين
28-07-06 ||, 09:11 PM
الله يصبرهم ويعينهم

تسلمين دمعه شوق
بنت الدلع
28-07-06 ||, 10:14 PM
الله ينصرهم ان شاء الله
والحمدالله شعب الامارات مب مقصرين
التبرع وصل 42 مليون وان شاء الله يتظاعف
راعي الزعـامه
28-07-06 ||, 10:44 PM
http://upload.bindubai.com/download/asheq/salam.gif
بادرة رائعه من مؤسسة محمد بن راشد للاعمال الخيريه
ووصل المبلغ 43 مليون درهم
وربي يزيد ويبارك ،،
و ايضا في السعودية وصلت التبرعات 60 مليون درهم
يعني ميزانية كبيره هي التبرعات .. و ان شاء الله توصل للمحتاجين في لبنان
شكرا دمعة شوق على الموضوع
ويزاج الله الف خير
http://upload.bindubai.com/download/asheq/bye.gif
الحساس
28-07-06 ||, 11:33 PM
مب المشكله بالرقم الي يوصل..

حتى لو كان مليارات..

المهم هل توصل الاشياء الي يحتايون لها؟؟

القافله الاماراتيه قصفوها ولا وصلت
القافله السوريه قصفوها!!
بنت الدلع
28-07-06 ||, 11:45 PM
الله يعين والله

ان شاء الله توصل هذي المساعدات للمحتاجين

لان خلاص قلوبنا تقطعت عليهم
الواحد مايقهر يجوف جذه
غيره في حرب ويشقى ومب لاقي لقمه ياكلها ويأكل عياله
ومتشرد من بيته مب لاقي له مكان يحتمي فيه

الله يكون في عونهم وينصرهم
ولد الحكومة
29-07-06 ||, 11:11 AM
وعليكم السلام

التبرعات وصلت لين اللحينه 50 مليووون .. ومثل ماقال اخويه الحساس مب المهم كثرة البيزات .. المهم توصل الاحتياجات لهم ونطمن عليهم :fa36:

يـزاهـم الله كــل خيــر ؛ وجـعـله الله في ميـزان حسـنـاتهـم


تسلمين اختي دمعه شووووق عالموضوع


قايد الريم
ريم العين
29-07-06 ||, 12:50 PM
ان شالله توصل الاحتياجات

والله يكون فعونهم

الله يصبرهم ويحميهم وين ما كانو
الــــوردة الحمــــرة
29-07-06 ||, 02:23 PM
الله ان شاء الله يصبرهم

وان شاء الله بس توصلهم التبرعات
مملوح الوصايف
29-07-06 ||, 02:37 PM
أطفالهم أطفالنا
الحمدلله دايما الامارات الأولى في المساعدة
هذا اللي عودنا عليه أبونا زايد الخير الله يرحمه
شكرا لكل من ساهم ولو بدرهم لنجاح هذي الحملة
والشكر موصول أيضا لمؤسسة محمد بن راشد الخيرية
وان شاءالله توصل كل التبرعات لأخوانا في لبنان
جزاك الله خير أختيه دمعة الشوق ع الطرح والتواصل
خويتج مملوح الوصايف
طفلة من هذا الزمان
29-07-06 ||, 04:08 PM
رغم الجهــود الجبــارة لجمع أكبر مبلغ للتبرعــات للشعب اللبنــاني الشقيق مازلت اعتبــــــــر المبلغ اللي وصلولــه في الحملــة قمـة الإحبــاط و الخـذلان

المبلــــــغ جُمـــــــع بفضل من الله تعــالى ثم الأفــــــراد و المؤسســات البسيطــة في الدولــة .. صحيح أن بعضها تبرع بما يقــارب المليونين .. لكن هنــاك مؤسســات عقاريــة و استثماريــة ما سمعنا عن تبرعهم أي شي .. رغم قدرتهم بالتبرع بمبالغ توصل للعشر ملايين و أكثــــــــر ،،

و هنــاك رجــال أعمـــال في دولتنــــــا .. اولئــك اللذين يحتلون المـــــــراكز الأولــــى في أغنــــى أغنيــــــــاء العـــــــالم .. كذلك لم نسمع بتبرعهم ؟؟

رددهـــــا جابر عبيـــد .. و معــه علي خليفــة الرميثي .. أينهــــــــم هؤلاء من التبــــرع ؟؟

و المخزي أكثــــر أن الفنانين اللي"أونــه" بيشجعون الشعب على التبرع ما سمعنا عن أي مبــالغ تذكر تبرعــوا فيها هم .. او يمكن حسبــوا مجرد تكرمهم بالحضـور و الظهــور على الشاشـــة تبرع و مسانــدة كــافيين ؟!!

مطربــة مثل أحــــــلام .. تتبرع ب100,000 فقــط و تدعي أن هذا اللي القليـــــل اللي قدرت عليه؟!!! يوميــا تطالعنا الصحف بقيمـة الحفلــة الوحده أو الطقم الواحد اللي بتلبسه مرة وحده حق حفلــة معينـة و بس ...... معقولــة هذا اللي قدرت عليه؟؟

و نور الشريف و حسين الجسمي و نجلاء فتحي .... وجودهم او عدمــــه ما كان بيأثر في قيمــة التبرعـــــات ..

لأن اللي فيه بذرة خير ما يحتــاج هؤلاء عشان يحثــونه و يشجعونـه على عمل الخير ..........

الله يجعلــه في ميزان حسنــات الجميع و يجعلـه عون حق اخوانا في لبنــان الجريح ..

طفلــة ،،
راعي الزعـامه
29-07-06 ||, 04:17 PM
اختي طفله
يمكن بعض الفنانين اتبرعوا بس مب حابين يذكرون اساميهم
ويمكن بعض الشركات هي الاخرى عملت بالمثل
مابنحط في ذمتنا نحن ،، والمتبرع من الافضل ان بتستر عن اسمه ويرجوا الثواب من الله ،،
طفلة من هذا الزمان
29-07-06 ||, 04:28 PM
صحيح اخويــه ما بنحطي في ذمتنـــــا ..

لكن اذا تابعت الحملـة بتشوف ان علي الرميثي حتى تبرع الفريق ضاحي خلفــــان قــاله ع الهـوا مباشـرة بعد حتى ما ضاحي تردد في البدايـة يقولــه .. و تبرع أحـــــلام كذلك انقـال ع الهــوا ..

تبرعــات الجميع من معـالي وزير العمل علي الكعبي حتى الشخص اللي تبرع بـ10 انحط ع الشاشــة ...

هزرك إذا هم تبرعــوا كانو بيخلونــه ســـــر ؟!! الحملـة كانت محتاجـه أكبر قدر من الدعايــة و أكيد بيستخدمون تبرعاتهم للدعــاية ...

يمكن تبرعــــــــوا فعــلا .. لكن بمبالغ زهيــدة ....هذا اللي اقــــصده ياخوي ،،
ولد الحكومة
30-07-06 ||, 09:10 AM
مرحباااا

الحمدالله بلادنا فيها خير والبركه في أهلهاااا ويد الخير موجوده عدنا .. البارحه حاطين في التلفزيون اطفال يتبرعون ( بحصالات فيها بيزات ) والله مشهد يفرح القلب ... والشيخه فاطمه بنت مبارك اتبرعت بخمسة ملايين ...

الحمدالله ع كل حاااال


والسموووحة
هزاايم
30-07-06 ||, 11:33 AM
.. البارحه حاطين في التلفزيون اطفال يتبرعون ( بحصالات فيها بيزات ) والله مشهد يفرح القلب ...




صدق ماشا الله عليهم..ونعمه التربيه,,وربي يجزي الجميييع كل الخير على مبادرااتهم وجعله في ميزان حسناتهم
اخت اختي
30-07-06 ||, 12:05 PM
أم الإمارات اتبرعت ب 5 ملايين درهم..
دمعة شوق
30-07-06 ||, 05:41 PM
السـلام عليـكم

يزاكم الله خيـر ياخواني
والله يبارك في كل المتبرعين سواء المواطنين او غيـرهـم
وماقصـروا
؛
بـس عاده إن شاءالله يوصلن التبرعات للمحتـاجيــن
الله يعينهم ياربيه
ويصبرهـم
؛
هزاايم
30-07-06 ||, 08:02 PM
لأهل دبي
مدرسه دبي الدوليه-قرهود إلي متأكده منها-يجمعوون التبرعاات من كافاات الأشياا
سارعوا يا إخواان وربي عسى توصلهم المعووونه