على شو نادمين في حياتكم؟

[تحفه]

دخولي لجامعة زايد لدراسة الاعلام .. أكبر ندم في حياتي .. تخطيط فاشل الف بالاميه


شاركونا بمآسيكم

[تحفه]

ندمانه لأني رفضت عرض بابا يوم قالي آخذلج البيجو اليديده .. ونا حضراتي متفلسفه .. لأ ابي أفالون أو جيتي وبس ..

توني يوم اشوف البيجو اليديده .. قلبي عورني وقلت .. لو كانت عندي احينه جان ظهرت وتونست بدال قعدة البيت البايخه ..

[صدى جوفي]

أنــا ندمــانــة لأني دخلت علمي .. مع أنه ميولي علمي

وندمــانة لأني تخصصت تربية انجليزي .. مــا أداني هاللغــة:no0:

والسموحــة....)

[تنينه]

أنـا بـعد ندمـت ليش دخـلت عـلمي ,, كـرفنا وذبحنا عمارنا سنتين ولا فـادني بـشي في الجامعه:fa36: والأشـيـا أللي خـذتها ودرستها كـلها طبعاً نسيتها :fa36: ,, وأكـثر شي ندمانه عليه في حيااتي أنـي أتـعرفت ورابعت وحـده كـرهتني وعقدتني حياتي :boxed: ,,


ومشكوره ع الموضوع المآساوي لوول :ice:

[ألم ترى]

انا ندمان لئن ما اعرف اختار ربع شرات الناس !
وصدق اللي قال ربيعك يبيعك
:no0:
الحمدلله ع كل شي

[مجموعة إنسان]

انا ندماااان اني في يوم ماكنت اصلي ..
بس الحمدلله الحين اصلي بالوقت ..
بس لييين الحيين ندمااان على شي .. ندمااان ان السنه اللي طافت طلع اسمي في كلية الشرطه وماسرت ودخلت الجااامعه
ووكرهت اليووم اللي دخلت فيه الجااامعه
بس الحمد لله على كل حااال

[الثعلب الرمادي]

ندمي الأكبر إني سافرت ألمانيا حتى أدرس تخصص الهندسة الميكانيكية لكن دناءة اللغة الألمانية فوق كل تصور و الدراسة باللغة الألمانية شي بشع و مجرد إنك تحاول تكتب أو تتكلم تتلخبط الكلمات و القواعد اللعينة مع بعضها البعض ... قبل ما أسافر ألمانيا كنت في العين و في جامعة الإمارات بس والله شو أقولكم ماكنت أدرس و كنت أسكر الدرجات بكل راحة و هدوء هني حسيت إن في شي غلط و هو إن الجامعة سهلة و مريحة و شغل على البراد من البداية حتى النهاية لكن ألمانيا هي العكس لعب في قمة الخسة و الدناءة من أول يوم و حتى تفارج ويهم ... لازم الواحد يدرس كل يوم أقل شي 12 ساعة حتى ينجح بس و بدرجات جيدة لكن مستحيل و من رابع المستحيلات إن الواحد يسكر الدرجة النهائية و لا حتى لو تم صاحي طول مدة الكورس ما ياكل و لا ينام و لا يشرب بس يدرس و يصرف كل الوقت على الدراسة بعد مستحيل ... الدراسة في ألمانيا صعبة لأن الدراسة باللغة الألمانية لكن كثافة المعلومات اللي لازم الطالب يتعامل معاها بعد ما أقدر أوصفها ... حتى تدرس في ألمانيا و تنجح لازم تكون طالب دقيق و قلبك كبير و صبور في نفس الوقت و ما تعصب و تكون عندك إستراتيجية طويلة الأمد ... لكن ما أقدر أقول غير كلمة وحدة أنا ورطت نفسي و الحين مالي غير أكمل اللعبة و لو درست في الثانوية العامة مثل دراستي اللي أدرسها الحين في ألمانيا كنت بكون و بكل سهولة الأول على الدولة و كنت بدرس في بريطانيا أو أمريكا باللغة الانجليزية و الحياة بتكون حلوة و سهلة :)

الحياة بتكون حلوة سهلة :( Just Bring It Along

[منصوري الدوله]

حــُـبـي لإنســان كـان يخونـّـــي

[عافك الخاطر]

هلا ..
انا ندمانة لاني تسببت في ضياع انسانة قريبة جداً مني بدون ما ادري..كانت قريبة مني..اتقولي كل شي .. في الفترة الاخيرة كانت تقول كلام خطير وانه لو ما استوى جي هي بتسوي اللي فـ راسها .. وانا بغبائي كنت اتحراها بس اتفضفض كعادتها .. خليتها اتكمل وانا ساكتة :fa36: حتى ما نصحتها او قلتلها عواقب التفكير في هالشي ! والحين خلاص الرمسة ما تنفع :( اليوم انا ندمانة بشكل كبيير .. لكن الله يوفقها ان شاء الله ..

[طفلة من هذا الزمان]

بوظبـــــــــي .. ما من شـــر ،، شو هالمــآسي اللي اطلعيلنا اياها كل يومين .....

أنا و بــلا فخــر ندمــانه على يوم طــاف و ما عشتــه صح :kkk: .. و على يــوم مــر و ما حسيت بحلاوة الدنيـــا فيه .. و يــوم كان موودي فيه أي شي .. و يــوم رقدت ثلاث ارباعــه و ما سويت فيه شي ينفعني :boxed:

بس في النهايــة إيمانا إن كل شي صار و بيصير في حياتنــا مقــدر و مكتـــوب .. و يستوي لنا لسبب يخلينا نقــول الحمدلله على كــل شي ،،

و ما ننـــدم :yes:

طفلــــ:ice: ــــة

[طفلة من هذا الزمان]

منصــــــــوري دولتنــــــــــا ..

خــــــــــل عنــــــــــك و لا تعدل كلامك .. كشفنــــــــــاك خلاص:fa34:

[وعد]

مو ندمانه علي شئ :smartass:

[خيال الروح]

عـلى الشو نـدمـانه :kkk:

مب نـدمـانه على اي شـي ,,
لانه كـل الى سويته وندمت علـيه ,, تعلمت منه درس

الحمدلله على كـل حـال
:fa35:
:

[خيال الحب]

انا ندماااااااااااااااان لاني دخلت شي اسمه جامعه الامارات>>> يعلها الحراق ان شاء الله


ولازم الانسان يوم بيسوي شي وبيندم.. اكيد بيتعلم منه دروووس واشياء كثيره هو ما كان يعرفها او يحسن التصرف فيهاا,,

بالنهايه مانقول غير هذا المكتوب لنا :)

[الاسطوري]

"خيال"
ياخي كل ربعنا اللي وياك تخرجوا إلا إنت
أشوفك مغرز للحين شو
تسوي ؟
:harhar1:

[خيال الحب]

lo0o0ol

ياخي يمكن ربعك يدرسون شريعه وقانون

اما انا ادرس هندسه الغالي خخخخخخخ

وتعرف الهندسه كم سنه يبالها

5 سنوات ونص ولو تاخرت بتخلصها ب6

انا الحين بالنص يعني 5 ونص ياحليلي والله


يلا ماباجي شي ^__*

[منصوري الدوله]

اذا بتسمح لي ( بوظبي ) .. بس حبيت اقول لطفله : ندمان اني طلــّـعـت اللي ف خاطري هنيـه بعد ...

[طفلة من هذا الزمان]

إذا بتسمح لي بوظبي :: أفــــــــــــا .. و لا تزعــل و لا تندم و لا تتعب شعــورك ياخوي .. اعتبــرني ما شفــــت ،،

[حلم الطفوله]

بعد إذن بوظبي: انا شفت بس بعد بسوي عمري ماشفت !

[طفلة من هذا الزمان]

حلـــــــــــم // و انتي تشوفينــه ينــزاد عشان تقوليلــه شفت:boxed: ..

سمي عمرج ما شفتي بس طرشيلي ع الخاص استنتاجاتج و تعليقاتج :fa34:

بوظبــي // امسحي عقب اي شي تشوفينه ماله علاقة بالموضوع .. بس ردودنا ترى جزء من ندمنـــــــــا :kkk:

[بنت الدلع]

ندمانه على ايام ظاعت من حياتي بدون سبب مقنع
بس الحمدالله الواحد يتعلم من هالشي

ثانكس ام خدود ..

[تحفه]

عادي عادي .. فضفضو على كيفكم .. بصفتي بـوظبي .. أعطيكم مطلق الحريه للتعبير :fa38:

[شهوووودة الأمورة]

ندمااانه على اني كنت غبية في واااايد أشيا وياااليت اقدر اني اصلحها

[شمعة أمل]

اتوقع لو قلت الصراحه .. انا ندمانه على شو في حياتي .. بقدر اكتب لسته طويله طولها خمس امتار:hist: .. بس بعد .. لو قسمت الصفحه لقسمين .. وقسم *على شو انا ندمانه في حياتي* والقسم الثاني *شو تعلمت من هالأخطاء او "مطبات في حياتي"* .. القسم الثاني بيكون اطول بوايد

في رايي ... هالأشيا العبيطه الى نسويها ونندم عليها هي الىshapes our personality ... الحمدالله ننصدم ونندم ونصيح ونتأثر .. هالاشيا الى تكبر عقلنا .. بدال اللعب والسخافه والناس يعتبرونا تافهييين

[هزاايم]

^^^^:fa34: عجبتنيه نظرتج

انا الصرااحه ندماانه على شي:هو إنيه على آخر ايام المرحوومه يدووه ام الوالد كنت اخاف اقعد معاها لأنها كانت مشلوووله وشكلها :no0: ... كنت اروح المستشفى بس ماادخل علقت صورتها عنديه ماكنت احب اشوفها كذى دومها كانت الزعيمه الله يرحمها ..واكبر غلطه كنت اكذب على ابويه إنيه دخلت وسلمت عليها
واشيا كثيره نندم بس لابد نتعلم

[سيدة الحب]

اشيا وايد ندمت عليها بحياتي

وفي اشيا تعلمت منها واشيا للحين اتعلم منها

كلمه دوم كنت اقولها (الحب يعز ما يذل

وتخليت عن هاي المقوله في يوم من الايام

وندمت لاني سامحت انسان على كذبه واثر حياتي

معاه كلها اكاذيب واقول ما عليه ربي كريم

ندمت اني اذل نفسي يوم واقول ما عليه هذا الحب

وللحين اتنازل واتنازل ادري اني انا الغلطانه بس

استاهل انا اللي سويته بنفسي

واشيا واشيا وايد

والسموحه

[جنون امرأة]

ندمت اني دخلت الجامعة لكن ما اتخصصت التخصص اللي كان في خااااااااطري ..

[الامير الحزين]

انا على ماذا ندمان
ندمان على كوني ما بيدي شيء اقدمه او ادافع بيه
عن الاطفال في قانا وغزة و ندمان ويحرق قلبي صور الاطفال اليموت كل يوم
وانا ما بيدي شيء هذا هو ندمي الحقيق وكل شيء كنت اندم عليه لاقيته لعب اطفال
ما هو بندم

[شمعة أمل]

اكتشفت اني ندمانه على شي اليوم

على أخسف نعال اشتريته في حياتي وعععععععع وكعبه طويل .. الله يعين
:puppyeyes:

[رعد]

- ندمان .. لأنني ندمت على ندمي ..... وقد أتمنى أنني لم أندم !!

[تحفه]

ندمانه .. لأني اخترت هالشي .. والحين مقيدني "نوعا ما" و "بشكل اكبر من كبير"

[هزاايم]

اكتشفت إني ندماانه..لأني اهملت صحتي واهملت حالي وهمي الأكبر كاان شوفت إلي يعزووني ويحبووني وارفض العلاج غباااااااااء وانا باشد الألم
وماينفع الندم:no0:

ندماانه..لأنيه كنت اطرد الصغاريه من بيتنا..كنت احرمهم من لعبهم عسب اوني اذاكر وانا بصوب الثاني خامدتنها رقااد:doh: ..وتفلسفي إنيه اروح خوانيج بالمزرعه اذاكر وارجع البيت ويدي متقرصه ومنفخه من البعووض <<<ذكرياات الثنويه:hist:

[تحفه]

ندمانه على اختياري .. اتمنى إنه ما يأثر علي

[الجنيه]

اذا بصفف لسته الاشياء الي ندمانه عليها ما ضني بيسدني المكان ,,,

ندمانه باختصار شديد على غبااااااااااااااااااااااا ااااااااااااائي وتسرعي وعصبيتي الغبيه


بوظبي .,, أشكرج ع هالموضوع لو اني ما اقدر اطلع الي في خاطريه

[مجموعة إنسان]

ندمااان اليووم لأني بدلت اللااعب في البلي ستيييشن وحسرت !!

خخخخ

انا ندمااان لأن فيي يووم كنت مرااابع ناااس للأسف ان كنت معتبرهم أكثر من أخوااني
وطلعوا .........
ربع ما يهم اللا البناات والمظااهر والمصلحة ..
تخيلوا ربع 6 سنين يطلعوون جذي ..أخواني كانوا يقولولي لا ترااابع هذييل ترااهم ما بينفعووونك ..

بس الحمدلله ان الحيين ربعي أحسن ربع ..

[تحفه]

ندمانه على كل لحظه ضاعت من دون ما اقول حق يدوه اشكثر انا احبها قبل لااتطيح مريضه

[حلم الطفوله]

بوظبي ... بدون ما تقولين...يدتج حاسه بحبج بدووون شك:fa35:

[نجمة دبي]

ندمانه لاني ما كملت دراستي من زمان .. الناس وصلوا الكليات والجامعات وانا بعدني في الثانويه
وبهالشي كل اهدافي وطموحاتي انهدمت ..

لكن ..

لا يأس مع الحياة ولا حياة مع اليأس

بكمل دراستي وبوصل بإذن الله المكان اللي ابغي اوصله :)


مشكوره الغاليه بوظبي



نجـــــــ دبي ـــــــــمة

[الـيـاه]

همممم

- ندمانـه اني ابتعدت فـتره جريب الـ سنـه عن أقرب قريب .. وأكثر أنسانه قربتها مني
ما كنت السبب ؟ .. بس ما حاولت اغير الوضع
بس استانست اليوم لاني جفتها اون لاين من اخر يوم امتحانات وعادت المياه لمجاريها
فـ من كثر ما انا مستانسه , ندمانـه اني ابتعدت عنها السنه اللي طافت ..


- ندمانـه إني جرحت شخص ( ومستحيل انسى فيوم إني سويت هالشي ) صح ماكان قصدي !
ومب من خاطري , لكن ما بسامح عمري ابـد لان صدق مستحيل ألقى روح طاهره شرات روح هالشخص ..


تعرفين بوظبي موضوعج خلاني اعيد النظر في كمن سالفـه
مشكووووره ^_^

[قرموشة]

نـدمـانـه على هـ الطيبـه اللي أعطـيها للنـاس !
بس في ناس يستاهـلون حرام ما أكون طيبه معاهـم
ندمـانـه على ثقتي الزايـده في الكـل !
بس أنـا في أمـس الحـاجـه لحـد أوثـق فيـه

[الشيـــن]

- ندمـانه لاني فـ وايد موااقف أعصب بسرعه لول
مع ان المواقف أبد أبد ماتطلب مني عصبيه
بس كنت اقدر اجلبهـا سوااالف لانها من الأساس سوالف
بس انا هبله .. لـول ..

[بنوته صغيرونه]

ندمــانه لاني كنت افضفض لانسانه ماتعرف معنى الصداقة و حاطه على ويها مليون قناع " منافقة "
بس الحمدلله الله عوضنــي باللي أحسن منها و اتعلمت اني ماكون صريحه ويا اي حد و ماشتكي لحد غير رب العالمين لانه محد بيساعدني غيره ...

ندمانــه لانه فيه ناس خذوا منى اكثر من مايستاهلون كان برضايه ف هذاك الوقت بس الحين اتمنى انه الأيام ماتجمعني وياهم ولا ألتقي بهم لاني معتبرتنهم أموات

[تحفه]

متعلقه بشخصيه شكلها بتاثر على مستقبلي ونا ماحب حدياثر على شخصيتي فمابالكم في مستقبلي !! ..

[الـيـاه]

ندمانـه اني عشت 18 سنـه وشهر وماسرت ايطاليا لول

[شمعة أمل]

I DON’T regret what I say >> BUT << I regret the way people CONCEIVE what I say….

[طير الحب]

أنا بالعكس ما اندم على موقف لأنه عندي يقين ان الله بيعوضني عنه خير وهالشيء فعلا صار...ما اني خسرت أشياء وايد تعقلت فيها بس مب ندمان الحمدلله.

يمكن ندمانه على الأيام الي فرطت فيها في العبادة وبالتحديد بصلاة الصبح الله يهدينا.

[قصايد غلا]

ندمانه على كل لحظه كنت أقول فيها اللي في خاطري لإنسانه ما تقدّر ولا تبالي:sadwalk:

ويوم هي تقول شي أوقف وياها وطيبة قلبي تسبق عنادي والقسوة :fa36:

وندمانه على كل لحظه تضيع وما أذكر فيها ربّي أو أصلي على النبي أو كل لحظه أأخر فيها فرضي:no0:

ندمانه على الوقت اللي يمر وما أحسس اللي أعزهم بإني أعزهم وأحترمهم وأقدّرهم (أوني أستحي حتى لو كان هالشخص من أهلي ) ===> مالت عليّه :negab:

[الملهم]

انا ندمان على عدم اختلاطي بالناس من الصغر ..
فرص كثيرة ضاعت علي بسبب تهوري واختياراتي الخاطئة ..

شكرا على الموضوع النفسي الجميل ^_^ ..

[عفاريتووو]

نادمة ع التخصص اللي ادرسه الحين ,, يمكن وقتها ماكت اعرف شو ها و شو ها
سمعت كلام الناس و دشيت التخصص اللي هم يبوني ادرسه

الندم ما يفيد الحين ,, حمدالله ع كل حال

[المرعب]

انا ندمان على اني اتعرفت على انسانه لبسه قنع الطيبه وهي من دون قلب ولا احساس
ولا افكر فيوم ارجع لها لني اعتبرها من الاموات ويحد يسالني عنها اقولهم ماتت والحمدلله على كل حل ...

[الملهم]

انا ندمان اشد الندم على الكسل اللي ضيع كل شيء حلو في حياتي ..
اول ما طلعت لي الكرشة الله ياخذها استويت كسول .. ابا احذفها من الوجود .. واكون نشيط ما اتهايز مووووول ..

شكرا مره ثانيه على الموضوع ^_^

[نجمة دبي]

انا ندمانه في يوم اللي توفى ابويه الله يرحمه .. ما كنت موجوده حذاله :(

الله يرحمه ويغمد روحه الجنه يارب


نجـــــ دبي ـــــمة

[أمواج]

.
.
ندمــانه إنــي صيّحــت ماماتي
و السبب عنــادي
.
.

[تحفه]

ندمانه لأني ما شديت حيلي السنه الي طافت ..

هالسمستر ناويه اعوض الي الخراب الي سويتيه في الجي بي إيه مالي ..

ماخذه 19 كردتس أورز هالسمستر .. تعتقدون اروم ولا بخبص الدنيا؟

[كـلـكـلـووش]

ندمان على كل لحظه زعلت فيها امي و ابوي ..

عسى الله يقدرني اني اخليهم دايما مستانسين و راضين علي

[ناصر الخالدي]

الحقيقة موضوع أكثر من رائع ........

شخصيا أنا ندمان على جميع الخطايا والذنوب التي ارتكبتها في حياتي أسأل الله ان يغفر لي ولكم ولجميع المسلمين والمسلمات .......

[الـيـاه]

هممممم
نـدمـانه على إنـي ما قدرت احافظ ع الناس اللي كان لاازم احافظ عليهم فيوم من الايـام ..

[تحفه]

الدنيا خايسه

[صريح]

http://upload.bindubai.com/download/e7saas/mrhf_hearts.gif


ندمــان لاني دخلت التقنيـه و ما دخلت كليه زايد الجويـه
و كل يوم اندم اكثر و اكثـر !
:k_sadwalk:


http://upload.bindubai.com/download/e7saas/mrhf_hearts.gif

[تحفه]

إنته عود ,, اتوقع تخرجك بيكون جريب .. ادخلها بعد ما تتخرج ولا تعيش طول عمرك ندمان

[تحفه]

انا داشه بزنس معني اكره دراسة البزنس .. بس داخلتنها لانهم قالو لي ادخليها ..

يوم بتخرج بكون كبيره .. افكر أسير قطر ادرس art في الجامعه الي فتحوها مالت الارت او يمكن برع .. لأني ما اتوقع اني بعيش مرتين علشان احرم عمري من شي ابيه واتمناه :)

[صريح]

http://upload.bindubai.com/download/e7saas/mrhf_hearts.gif


هاي اخر سنه لـي فالكليـه HD ..
اذا السـالفه جيه كنت طلعت من اول سنه فالتقنيه و سرت الكليه الجويه
بس العيوز حالفه عليه ما ادرس طيران و ما قادر اردها دامها حالفه
تقول بتخليــن احاتيك طوول الوقت و دوم بكون خايفه عليك
فـ طبيت هاي السالفه عشانها مع انه ليـن الحين ابـ اكون طيـار
الله كريم بـس
:smile:


http://upload.bindubai.com/download/e7saas/mrhf_hearts.gif

[الـيـاه]

اففف
ندمـانه على اشيااااااااااااااااء وايـده .. بس يالله .. الدنـيا بعدهـا بخـير !

[تحفه]

احتاج ثقه لا اكثر

[الشيـــن]

ندمـانه لاني دخلت هالانسانه حياتي .. أففف مطلعه عيووني لووول .. حليلهااا ..

[الشيـــن]

لول كنت انبش بالمواضيع الجديمه
وذكرت هاا .. وبالعمـاله رفعته ..

[مجموعة إنسان]

ندمان لأني قدمت في(.....) عسب اخذ سكولار شيب
الحين مبتلي معاهم

[خطايــا]

ندمانه اني درست في جامعه زايد ... كانت اسوأ سنين حياتي ...

[تحفه]

لاني تعلقت في هالمنتدى

[مزايا]

على صــراحتي
that's it
just no one deserve

[دموع قلم]

نـدمـانـة ..
علـى كـل لحظـة ضيعتهـا في غيـر رضـى الله سبحـانه >> في شو تنـفعنا الأمور الدنيـوية ..؟!


نـدمـانـة ..
علـى الأوقـات اللي ضيعتهـا بـدون مـذاكرة ولا دراسـة عـدلة ..


نـدمـانـة ..
علـى كـل مـرة جاملـت فيهـا أي شخــص ..


نـدمـانـة ..
علـى عصبيتـي الزائـدة اللي مـالهـا داعـي ..


نـدمـانـة ..
إنـي ما استغليـت النعـم اللي حـولي في شي ينفع دينـي .. مجتمعـي .. حيـاتـي ..


نـدمـانـة ..
علـى الأخطـاء اللي اقترفتهـا ونـدمـت عليهـا .. بـدون مـا اتعلـم منهـا شـيء ..!
.
.



وأقـول ..


الجميـل .. أن يـدرك المـرء الأمـور التـي نـدم عليهـا ..
والأجمـل .. أن نتعلـم منهـا ونستفيــد في حاضـرنـا ومستقبـلنـا ..


^_^

[حلم الطفوله]

ندمانه على تسجيلي بالواحات :glare:

[الاسطوري]

^
أكيد لأنج الحين مب رايمه
تظهرين منها
:icecream:

[حلم الطفوله]

يمكن هيه ويمكن لأ

شكرا الأسطوري:fa35:

[خطايــا]

:

ندمانه اني كنت اعاملها بأسلوب زين وهي بالعكس ما تستاهل حتى الكلمهـ الطيبهـ ..

:

[شمعة أمل]

الشي الى صدق ندمانه عليه من الخاطر الحينه اني خربت رقادي من جي كمن يوم:glare:
كنت ارقد الساعه 9ونص ولا10 وانش 9 ولا 10 ولا 11 :ohboy: .. والحين ارقد 12 وانش 9ونص.. غلط غلط غلط:k_nono: افف!
المفروض ارقد لنص حياتي.. لكن الحين اقل:glare: مايستوي:glare:

[مجموعة إنسان]

ندمان لاني ضيعت أغلى شي عندي ..والسبب عصبية زايدة


ندمان لاني اخاف من الصراحه

[نجمة دبي]

ندمانه اني تركت دراستي هالسنه

[الـيـاه]

ندمانه اني خذت صيفي لول

[مجموعة إنسان]

ندمااااان لأني مب راااااقد لين الحييييييييين
وندمااااااااان لأني خربت رجيميييييييييي (تخيلوا بأسبوعين من 73 وصلت 80 )

[نجمة دبي]

هواجيس !!!
ليش رجيم ؟؟
احيدك مب متين او مربرب !!

ندمانه لاني ماقريت مذكرات اخويه من اسبوع .. ( توني قريته )
حليله يطرش لنا مذكراته كل اسبوع لانه في دورة الشرطه :( الله يعينك اخوي

[مجموعة إنسان]

كيف عرفتي اني مو متين ؟؟؟

لا بس احس 80 وااايد

المشكله أسوي رجييييم وامتن زيادة

[نجمة دبي]

شفتك في اخر تطوع استوى:whistling:

ترى اللي اعرفه ان الوزن والطول لازم يكونون متقاربين تقريبا


ندمانه اني اشتريت اسماج مالت الزينه وكل يوم تموت وحده :fa43:

[مجموعة إنسان]

ايوااا ..

مممممم
طولي 175 وزني 80,3
يعني لازم اخف ,,,



ندمان لأني ما درست عدل الكورس اللي طاف ودرجاااااتي مب شييييييي

[نجمة دبي]

ندمانه اني كملت 10 سنين ما سويت رياضه :fa52:
مع اني ضعييييييييييييييييفه ..
بس يبالي اخذ كورس سباحه الحين :fa43:

[حلم الطفوله]

الندم !!!

أقسى درجات الندم ....عندما تنصدم بشخص كنت تعتقد بأنه غير وطلع( مو شـي):glare:

[هزاايم]

..............

[لمعة الماسه]

ندمانه ...
عسب ماضغط على عمري وخذت 6 مواد عسب اتخرج في 3 سنين ونص بس يالله الحمد الله على كل حال ... ان شاء الله هذي السنه خريجه بأذن الله ... و كورس واحد يالله مايفرق ...

وكل تأخيره فيها خيره ان شاء الله يارب ...

[فنجان قهوة]

ندمانه على عنادي و طلعتي من التقنيه و دخولي جامعه الشارجه

[قرموشة]

^
اندوكم لول
فديت جامعتنــا النحــسـه المنـحوسـه ودكاتـرتهـا المفلــعين ومـوادهـم الزفته والستاف المووشي لووول

ندمانه ع السهـر لين هـ الحزه XD ألله يعـلم كيف ومتى بغير توقيت رقاادي !!

[الـيـاه]

ندمانه \ لاني اشتركت في هالمنتدى يوم من الايام .. وندمانه اكثر لاني تعودت عليه ..

[شمعة أمل]

^
اناااااا بعد

[تحفه]

ندمانه لاني اتجحلت .. الحين شو بينظف عيوني كليا من الجحال ;/

[تحفه]

على فكره انا بعد ندمانه لاني دشيت الواحات

مشاكل علفاضي وناس تافهه ماعندهم هدف

[الوحيدة]

إمممم , ندمانة لأني ما يلست وايد عـ النت هـ السنة !

[الشيـــن]

^
اسميج ندمتي لووول ..

ندمـااانه لاني مامسحت مسج وصلني بس ماكان حقي كان حق بنت اختي وسوالي مشاكل )=

[الشيـــن]

عـ كثر ما أنا مستانسه وياهـا .. بس ندمانه اني دقيتلهـا وتعـرفت عليهـا لأسبـاب مستحيل اذكرهـا
جدام أي حـد مهما كـاااان .. ويا ليتهـا تفهم يوم ايي بفهمهـا بدون زعل وحشــره ..
لو تفهمنـي بس .. بـ عمري مابندم اني عرفتهــا . . !

[بنت الدلع]

ندمانه إني عزيتها في يوم من الايام
واعتبرتها صديقتي

though
اني مب من النوع الي يندم على صداقات لاني اعرف اختار ولله الحمد
بس this one !

[ايه احبك]

نادمنه على اني وايد اسرع يوم ارد فتطلع التنقيعات بل هبل ويهي يحترق

[ذنـيـنـي]

على دخولي التقنية

[الدلووووعة]

على دخولي ال zu

[ايه احبك]

بسمالله ليش نادمنين عليهم بالعكس انا الحمدلله وايد مستانسه على دخولي الكليه مكان قضيت فيه احلى ذكرياتي ومب مصدقه انها اخر سنه

[تحفه]

عللى استغلالي الصحيح للصيف لوووول

[الدلووووعة]

لأني انا كنت ابا اسير المعهد البترولي وللاسف ماخلوني

فدخلت الzu وماحبيتها اووووووووف

[ايه احبك]

اكره شي يوم حد يغصبج على شي
نحن بيتنا ما يغصبونا اذا ما يبونا اندش شي هم ما يبونه ايطلعون فيه علل الدنيا كلها لين ما اتلوع جبدج فيه واتغيرن رايج لوول شرات ما صارت لي يوم كنت ابي اتخصص اعلام
--
لوول @ تحفه

[الدلووووعة]

لا انا ماغصبوني
بس اخويه قالي المعهد البترولي انسيييه واختاري اي مكان ^_^

طبعا انا العين شالتنها من بااااالي خير شر

وبعد اي جامعة فيها سكن فمالي إلا زايد او التقنيه وانا التقنيه ماباها فمافي غير زايد

وندمت

[ايه احبك]

الله يعينج

[الجنيه]

على كلمة آسفه قلتها لناس ما يستاهلونها ... حسافه

[بنت الدلع]

لأني انا كنت ابا اسير المعهد البترولي وللاسف ماخلوني

فدخلت الzu وماحبيتها اووووووووف
"Hug" :k_no:

نفس الشيييي
انا كنت بمووووت وبدش المعهد البترولي
واخر شي دشيت ZU
بس محد جبرني
كلها قرارات راجعه لي
ولين الحين فخاطري بالـ PI
بس يقووولج يمشي على درب الهوى عكس قانونه :ohboy: مادري شو العلاقه ! :ghostface:

[طير الغرام]

http://oasis.bindubai.com/bin/uploaded/1184_01181768909.gif


أقدر أسميه ندم جماعي

نادمين ع اليوم اللي عرفناها فيه
وع الساعه اللي صارت فيها قريبه منـا !! :fa55:


الله يسامحها بس
http://oasis.bindubai.com/bin/uploaded/1184_11181768909.gif

[الشيـــن]

الدلوووعه و بنت الدلع

مرت علـي لحظـااات ندمت اني سرت الـpi ووردت الـAUS

بس والله الشلـه اللي انا ويـاها هي اكبـر سبب محببنـي فـ المعهد ..

:fa35:

وغير هذا .. يوم أفكـر فـ المستقبل يهـون علي الكـراف طشونه !
تعـاااالولنـااا زياااره مره :a074:عن خـاااطركم ..

اهـداااع حقكم

معهدنـااا والعـااالم في خطـرررر:fa47:.> وايد معلقه عليها هاي انا لوول

:a036:

http://www.up07.com/up5/uploads/3779c8cb01.jpg (http://www.up07.com/up5)


http://www.up07.com/up5/uploads/13c4d705ef.jpg (http://www.up07.com/up5)

[مــهــابه]

نـدمانه :

على الثقـة اللي أعـطيتها لأنسـانه وهي مب قـدها

بس الحمدلله ، ثقـتي لـها ، بالنسبه لي ماهي الثقـة ، كانت مجرد أمور ، اقدر اتجاهلهـا


وكانت على أشيـا بسيطة ! . .

وللأسف مـاقدرت اتيود لسـانهـا ،

مب من شي نص اهل النار من الحريم :a0360:

[مجموعة إنسان]

ندمان على كل شي في حياتي

[أنامل قلب]

ـ الدلوووعه + بنت الدلع .. << شو السالفه ..
لييييـــــــــــش بلاها جامعة زايد ..
لا تحبطوني عاده داومت الثلاث والاربعا .. والحين بنبدأ عاده جدولنا من الأحد ..
بس مادري حاستنها زينه يعني .. شرات الباقي ويمكن أحسن بعد .. !!
وبالنهاية حبو الجامعه بتحبكم .. ^_^ ..

ـ أخوي مجموعة إنسان ..
حلو لمن يلاقي الواحد منا شغله يندم عليها ويتعلم تالي ..
لأن حياة الإنسان بدون ندم ماهو من الطبيعه .. ولا هو من طبع الإنس السليم من الأساس ..
بس طبعا محد يندم عـ كل شي بحياته ..
بتلاقي هالشغله لو سويت لنفسك قعده استرجاع لفحوى ذاتك (( وفرق المحاسن عن المساويء )) ..
يمكن بتقول إهي مجرد كلمه تنقال .. طرحتها كمدلول لغرض معين ..
لكن هالكلمه بحد ذاتها بتأثر بك سلبا وبتهد من عزيمتك و و و وبتندم عليها أيضا و و الخ ..
وهم نحن للأسف نقولها أحيانا ..^_^ ..

ـ عني ..
ندمانه لأني كبت نظره كان لازم أطلقها بلحظة ما تنعاد .. !!

يزاكم الرحمن كل خير ..
والسموحه جان طولت ..

.......................................
الموضوع جد طيب وجد فكرته حلوه : )

[رمــش الغـــلا]

ندمآآنة

عـ وآيد قرآرآت اتخذتهآآ فـ حيآتي .. بسرعة وبدون تفكييييير عميييييييييييق ..!><

وصعب اني أرجع في قرآراتي هآي ..! :fa54:


.
.



حبيت الموضوع .. جآن أرفعه [ لووول ] ,,~

[قصايد غلا]

ندمانة لأني عرفت ناس مثلهم:fa36:

ندمانة لأني ما عرفتهم على حقيقتهم من قبل :fa52:

ندمانة لأني كنت أدافع عنهم واااااااااايد:mf_leia:

[ملاك الروووح]

أويييييه

حلو المووضوع .. كيف ما قريته من قبل !

:k_puppyeyes:

:



ندمانه

لأني ما كملت دراستي الجامعيه ..

مع انه الظروف ما كانت تسمح لي ب هالشي ..

بس كنت أقدر أكمل خلال هالسنتين اللي طافوا لكن الهيازه اللي فيني خربت علي .. :glare:

:

ندمانه

اني اشتغلت ف هالمكان !

بس الحمدلله ع كل حال ..

/

ندمانه

لأني ما قلت حق خالي اشكثر أحبه ..

وما كنت أيلس وياه وايد يوم ايينا ,, قبل لا يتوفى ( الله يرحمه ) !

:

ندمانه

على قرار مصيري ,, كان بيغير حياتي كلها

بس ( وعسى أن تكرهوا شيئاً وهو خير لكم ) صدق الله العظيم

ّ

ندمانه

على قرارات .. غلط اتخذتها لاني كنت صغيره وهبله

واتمنى يرد الزمن ورا عشان أقدر أصلحها ..!

:

/

ندمانه

لاني البارحه ماعطيت فطيم البوكس اللي كانت تباه

وايد متلومه فيها الحين:k_no:

/

ندمانه

لأني البارحه رحت وياهم البررررررررر:9:

:

ندمانه

لأني تفلسفت توني وقصيت شعري:fa43:

ماباااااااااااااااااااااا ااااااااا

:


ندمانه

على ناس تعرفت عليهم .. وماكانوا قد الثقه !

:3:

وندمانه

على وقتي اللي ضاع وسنيني اللي ضاعت قبل ما أتقرب جيه من ( رمش الغلا ) :fa35:

:


بكمللللل عقب :a0360: لول

[ذنـيـنـي]

{عسى أن تكرهوا شيئاً وهو خير لكم وعسى أن تحبوا شيئاً وهو شر لكم}
هالاية يوم قريتها بتمعن و تدبر هونت و خففت علي الكثير من الاشياء الي كنت مكدر نفسي بسببها و كنت ندمان عليها
و في نفس الوقت خلتني افكر بطريقة ايجابية بدلا من الطريقة السلبية

و امس قريت كلام و ااااايد عيبني لدرجة اني حطيته حق عمري في الـمسنجر

"أخطاؤنا الجسيمة تولّد لدينا شعور أعظم بالمسؤولية تجاه أنفسنا"

في ناس بيتمون طول عمرهم يقولون نحن ندمنا و نحن ندمنا
و انا اقولكم حولوا هالشعور بالندم الى طاقة ايجابية تصلحون فيها اغلاطكم الي غلطتوها و ندمتوا عليها

انا قلت من قبل اني ندمان اشد الندم على دخولي لكلية التقنية
و ندمان اشد الندم على اهمالي لدراستي و يوم فكرت بكلامي عدل قلت لنفسي
انا الين متى بتم اقول انا ندمان و انا ندمان

لازم اتخذ خطوة عشان اتعدى هالشي و اوصل للهدف الي ابغيه لأنه الندم ما ينفع في هالوقت و الايام و السنين اتطوف علينا و نحن ما سوينا شي لأنفسنا غير انه ندمنا على ما فاتنا

[ملاك الروووح]

^

كلامك سليم .. :fa42:


وسبق وقالته شمعة أمل ..

المفروض انه نتعلم من أخطاءنا ونحاول نكون أحسن ..

وما نكرر هالغلطه .. ونتعلم منها ..

ونستغل الفرصه الثانيه اذا يتنا صح << بديت اخربط صح لول :biggrin:

:

[لحن الحياه]

انا ندمانه لأنه ضاعت من ايدي احلى حياه عشتها مؤخرا .. بس شو اقول؟؟
الحمدلله على كل حال

[رمــش الغـــلا]

على وقتي اللي ضاع وسنيني اللي ضاعت قبل ما أتقرب جيه من ( رمش الغلا ) :fa35:





:12:

فديييييييييييييتج واللهـ حبييييييييييييييييييييييي يييبتي أنتي .. :a054:

تسلمين لي واللهـ ..~

وانا بعد دوم أقول كيف ما كنآآ كلوووز واااااايد ويآآهم قبل .. وفجأة استوينآ وآآيد ويآ بعض

الله يخلي الوآحات لوووول .. :bow_arrow:

.
.

ندمآنه ..

ع كل كلمة أقولهآ يوم أكون مغيضة لأنهآ أدخلني فـ مشآكل ..:fa54:

[دمعة شوق]

نـدمـآآنـه آنـي عطيـتـهـم وآآيـد ويـه وسويتـلهم اللي يبونه ،،

[الـيـاه]

ندمانه :: اني ما احافظ على اشياءي مب كل اشياءي .. بس خاصه الالكترونيه! خربت BB + laptop + ipod في شهر لول

ندمانه :: اني ما انتبهت لهم كل هالسنين لول!! سوريييي .. بس هالمره بنتبه طول حياتي 3> 3>

ندمانه :: اني طبيت جامعة الشارجه

ندمانه :: اني ماعرفت اخويه بطي عدل الله يرحمه! ياريت لو كنت اكبر من 6 سنين في هاك الوقت
من كثر ما هلي يذكرونه بالخير ويسمون عيالهم عليه ودي ارد اشوفه *يارب فالجنه

ندمانه :: اني اتسرع وايد في كل شي

ندمانه :: اني عرفت ناس low class في حياتي

[مجموعة إنسان]

الله یرحمه الیاه.

ندمان علی کل کلمة قلتها فی حق الناس فی الشارع
شو اسوی ماقدر امسک لسانی
ما بتأدب لین ما اتوهق

[عهد الوداع]

ندمانه

اني اتخذت اسوأ قرار في حياتي ويالسه اعاني منه لين يومي

ندمانه

يووووم خبرتهم السالفه ما عرف شوووو عواااقب هالشي


ندمانه

يووووم اسكت عن الحق وما اتكلم ...

[أنامل قلب]

ندمانه ، عـ كلمات .. ~

[تحفه]

على اني ماخلصت شغلي قبل وخليته لين اخر دقيقه ( كالعاده لول!)

[بنت الدلع]

ندمانه على ان مشاعري كانت متحجره في ذيج اللحظه
وسيطر علي الخجل وماعرفت اعبر عن الي بداخلي

[شمعة أمل]

متنرفزه.. كم من مره داشه ابا اكتب اني ندمانه على شي.. بس.. مب ندمانه على شي!
تعلمت من الأشياء البايخه فـ كيف اندم على العلم؟ وكيف اندم على الأشياء الحلوه اذا هي حلوه؟

[الدلووووعة]

ندماانه اني فكرت فيوم ادرس فجامعة زاايد

[أنامل قلب]

متنرفزه.. كم من مره داشه ابا اكتب اني ندمانه على شي.. بس.. مب ندمانه على شي!
تعلمت من الأشياء البايخه فـ كيف اندم على العلم؟ وكيف اندم على الأشياء الحلوه اذا هي حلوه؟

بالعكس اختي شمعه ، انتي بنفسج وابـ هالرد وضحتي انج ندمتي على شغلات مريتي ابها بحياتج !

ردي اقري هالاقتباس // اضافتج !
مو قلتي انج تعلمتي من الأشيا البايخه ، واهني سؤالي لج [ كيف الإنسان يتعلم من مثل هالأمور ؟

مو لمن يحس بإنها خطأ [ فيندم ، يفكر ، وتالي يتعلم ..

,

مثلا قلتي كلمه المفروض انها ماتظهر منج لـ سين من الأسباب ،
كيف بتتعلمين اهني من الخطا اللي طحتي فيه بدون لا تستشعرين سوءه ، وتندمين عليه !

فـ يعني ، من وجهة نظري ومن الاضافة اللي طرحتيها ،
فأنا اشوف انج ندمتي [ والندم صفة حلوه مطلوبة حتى بالدين ] ، لكن مو عارفة وين محل الندم // شلون شكله !!

واهني // بكثير من الأحيان ، يمر أغلبنا بـ ذلك ~ !

,

بالنهايه هذي وجهة نظر اختج بخصوص موضوع الندم [ بعيد عن شمعة أمل الواحات ] ،
لكن اضافتج خلتني أتكلم لتوضيح وجهة نظري ، بدون حتى لا آخذ الاذن منج قبل ^^" [ فاسمحيلي ..

بس يعني ، قلت يمكن تلاقين ابها شيء من الصحه ،
وأوضح لج تالي بعض الملامح [ من منظور أنامل قلب :yes: ..

,

تقديري دائما ~

[دمعة شوق]

نـدمـآآنـه آآني خسرت نـآآآس ومااقـلتـلـهـم كم آنـآ آآآحبـهـم
،،

[شوق القلوب]

متنرفزه.. كم من مره داشه ابا اكتب اني ندمانه على شي.. بس.. مب ندمانه على شي!
تعلمت من الأشياء البايخه فـ كيف اندم على العلم؟ وكيف اندم على الأشياء الحلوه اذا هي حلوه؟



عيبني كـــلامج .. شمعه..

صدقج.. كل شي يصير لنا.. ولو كان غلط.. يعطينا ألف درس.. عشان ما انكرره مره ثانيه.. ولو ما طحنا في هالغلط جان عمرنا ما اتعلمنا..

الندم اللي يحرق القلب.. هو التقصير بالدين.. و الغفله اللي ياخذنا بها الشيطان..

الله يهدي الجميع..