انا انسان عادي !

[ألم ترى]

السلام عليكم
.
.
ثلاث مرات اكتب الموضوع واغير رأي فيه ولكن هالمره انا مقتنع من اللي اسويه !
اخواني الاعضاء
انا مش مطوع انا انسان عادي
يمكن الكل مستغرب من كلامي بس هالشيء انا كاتمه من فتره طويله وهي سنتين تقريبآ !
يعني الاعضاء يحسبون في الصلاح وانا عكسه !
انا اعاملكم شرات اخواني واكثر لكن الحق ينقال صح ولا لأ ؟
انا مش مطوع وليتكم تعاملوني شرات ما تعامون الاعضاء الباجيين
وما عندي كلام غير شعر الامام الشافعي رحمه الله :
احب الصالحين ولست منهم لعلي ان انال بهم شفاعه
واكره من تجارته المعاصي ولو كنا سواء بالتجاره
.
.
يظن الناس بي خيرآ فأني لـ شر الناس إن لم تعفو عني

[مجموعة إنسان]

افا والله ...
تعرف قبل شوي كنت براااك ويييت على بااالي ..
لو كنت اعرفك عدل كان اتصلتبك وبشوووفك ..
يااخي عايبتني شخصيييتك ..
.

[تنينه]

مــحب الشيخين مـن الشخصيات المميزه حـقاً في الـواحه ,, بـرقي تعاملك وأسلوبك وخـفة دمـك دخلت قلوبنا وأصـبحت الأخ العزيز والمبدع النشيط في الواحـه:yes: ,,


انا مش مطوع وليتكم تعاملوني شرات ما تعامون الاعضاء الباجيين

افاا والله يا مـحامي الدفـاع زيدان:harhar1: اشوو هالـرمسه ,, انت وباجي الأعـضاء كلكم سـوى واذا على الجـديه كـل واحد وشخصيـته ما يـخصه بالألتزام :puppyeyes: هممم يمكن نكك يوحي لهالشي او أي شي ثاني :kkk: ,, بـس ما أخفي عـليك أني كـنت أتحسبك مـطوع اول البادي :qor9anah: ,,


مـحبوب الجـماهير :fa34: ,, مـحب الشيخين ,, أتمـنى لك التوفيج دووم:fa35:


تنينه:smartass:

[وعد]

من قال انك مطوع؟؟؟؟؟؟؟؟؟؟؟؟؟
اصلا يبين من ردودك انك انسان عادي :ice:
بس يعني عادي مو متدين ولا فاصخ ,,,,طبيعي مثلي ومثل اي عضو ثاني :yes:

يمكن نكك مميز وفية مسحة الدين ,,,,,,,بس هذا مو مقياس :kkk:


دمت بخير عزيزي

بس شئ شاغل بالي,,,,,,,,سمني ملقوفه كيفك

شو الي خلك تتكلم الحين بعد صمت دام 2 years
:kkk:

[ريم العين]

لو كنت مكانك مابنزل موضوع

عسب يقدروني ويحترموني ^_^

انت قولي منو يعاملك معاملة غير وانا واللي ردو بنظربهم بس انت حدد الاشخاص هههههههههههههه


تحمل عن يغيرون التعامل ويخربوووونك هههههههههه

[تحفه]

ليش تقول هالكلام .. بالعكس شي جميل جدا نكون مثلك ملتزمين ونحنا نحب الناس تكون مثل ماهي .. أعتقد نحنا الي لازم نشعر بالاسف لول ..

[راعي الزعـامه]

http://upload.bindubai.com/download/asheq/salam.gif
اخوي مادري شو اقولك
كل اللي اعرفهم في الواحات قبل لا ادخلها يخبروني ان محب الشيخين انسان مطوع وملتزم ومن هالامور
بس شو العيب يعني انك اتكون مطوع .. بالعكس الواحد يتمنى الهداية ورضى الله عنه ..
وعن معاملة الاعضاء لك .. أنا عن نفسي اعامل الكل بنفس الطريقة و بنفس الاسلوب في اغلب الاوقات ،،
والله يهدي الجميع ،،
http://upload.bindubai.com/download/asheq/bye.gif

[المزيوونه]

وعليكم السلام ..

مم اخويه محب الشيخين .. الطواعه عمرها ماكانت تنقص من الشخصيه شي ..
بالعكس تزيد من وقار الشخص ..
وحتى لو كنت مش مطوع .. تراك ملتزم صح ولا .. لاتاخذ الموضوع بنظره وحده ..
المطوع..الملتزم..المدين..المصلح.. كلها تسميات لشخصيه لها الوقار والاحترام
واتمنى من كل قلبي اني اوصل لها المستوى من الالتزام ..
واذا عن الناس الي يعاملونك بطريقه مختلفه .. لا تحط فبالك ها الشي بتاتا ..
ولا تتحسس من اي رد .. بالعكس خلك دايما كول ..
واذا انت من الناس الي تحب تنصح .. انصح .. ترا كله فميزان حسناتك ..
النصح عمره ماكان تصنع ولا هو مظاهر عسب الناس يقولون شوفوا ها ياي ينصح يتحرى عمره مطوع..
اتعرف!
الي بيقول عنك مطوع خله يقول .. عادي .. انته مب خسران شي ..
بس قول اتمنى اكون فعلا مطوع وملتزم ..

ماعرف اذ قدررت اوصلك اللي فبالي ..
خلك مثل ما انته .. لايغيرك شي .. وموفق دوم اخويه ..

الله حيه ..

[ألم ترى]

بسم الله الرحمن الرحيم ..

اخواني الحضور ..

احسبكم مافهمتوني عدل ! ..

انا مش مطوع ولكن الكل يحسب اني مطوع لأسباب ومنها ..

الردود الجاده وكتابتي بـ الفصحى و كل كلمه اقولها في نهاية الموضوع او رد ! ..

انا عادي عندي ان الكل يحسب اني مطوع لكن في شيء يحرقني موت والله ! ..

يعني مثلآ ..

اذا كنت اروح واجي واشارك ف الواحات والكل يحسب اني مطوع وفجآه اشوفه برع الواحات يستغرب ..

شرات الأخ لماح يوم كان ف رأس الخيمة استغرب مني وقالي وين لحيتك ؟ ..

اسآلوه لئنه ادرى بشعوره تجاهي فكيف الواحد ياخذ فكره عن الثاني ومره وحده تتغير اعتقد مول مب شيء ! ..

اكررها مره ثانيه انا اللي اسويه ف الواحات ما يعكس شخصيتي الحقيقية يعني انا ف الواحات غير بوايد ..

اعتذر منكم وسامحوني ع الأقصور ..

[دمعة شوق]

أخويه محب الشيخيـن
انته عزيز وغـالي عليـنـا
ومـا يـفرق ولا نفـرق بيـن شـخص مطـوع وشخص عـادي
كلـهم سواويـه ؛
وانا بصـراحه كنت اتحسبك مطـوع عـذرا ً بس هاللي كنت اعتقـده
وتـعـاملـيه ويـاك ما تغـير من يوم يومي في الوحات
يعنـي ماشـي فـرق
بس صـح اللي قـلتـه انه شـخص يتخيلك بـشي وآخر شي يتخيلك شـخص ثـاني تمامـا ً
:nono:
بـس دامـك واثـق من عمرك ماعلـيك من الثانيين واللي بيعرفك عن قـرب بيعرفك أكـثر وأكـثر
ولا يهمك ياخوي تراك انته جيه ولا جيه محب الشيخين المميز والطيب واللي اعتبره اخويه العـود
وبـتـظــل نـفس ماكنـت مابيتغــير شـــي
لا تضـيج الله يبعد عنك الضـيـج والهم
وربيه يسعـدك ويوفقك في حيــاتــك
؛؛
والسموحه ياخوي هذربت وايـد
بس بتـم اخويه العود
:fa35:

[تنينه]

ولا يهمك ياخوي تراك انته جيه ولا جيه محب الشيخين المميز والطيب واللي اعتبره اخويه العـود
وبـتـظــل نـفس ماكنـت مابيتغــير شـــي
لا تضـيج الله يبعد عنك الضـيـج والهم
وربيه يسعـدك ويوفقك في حيــاتــك


هـــيه صدقـها أختي دمـوعه :sad4: ,, مـا عـلي ما حـصل الا كـل خـير :fa35: ,, وأللي ما كان فاهم ولا مـاخذ فـكره عـرف ,, صـح مب حلوه واحد ماخذ عنك فكره ويتحسبك شي وعقب يجـوفك غـير ,, يـعني مثلاً أجوف عـضوه كتاباتها جـاده وأحسها ملتزمه من كلامـها وجـي ,, وخلااف أنصدم يوم أجوفه شكلها يعني عـكس مـب متخيلتنها وحاطتنها ف بالي :puppyeyes: ,,

وشرات ما قالت دمـوعه واللي بيعرفك عن قـرب بيعرفك أكـثر وأكـثر:yes:

ربي يوفقك دووم:smartass:

[وحي القلم]

اخويه محب الشيخين

:)

حلو أنه الواحد يكون ملتزم،،

و أنا ما أشوف أنك غلطت فشي

لانه الطوع مب بالشكل

المهم أنك تكون عارف الصح من الغلط و ماشي عالطريج الى انته مقتنع به

والشكل ما له علاقه بالدين لانهم وايدين الى يسوون عمارهم متدينين

و تصرفاتهم ما لها علاقه بالدين (يعني متدينين كشكل بس)

..

و الله اييسّر لك الخير دوم

:)

[منصوري الدوله]

وياك انا والله ..
يعني لو مره شفتك ف واحة الاهداءات وتهدي حد اغنيه او ا صوره او اي شي
الكل بيستغرب ..
صح الواحد يعـيـش صراع نفسي ...
يمكن انا ويمكن انته وكل واحد منا يتمنى يكووون مطوّع ... ياليت والله ...
بس الله يهدي من يشاء ...
يمكن تكون مثقف ... يمكن تكون شي ثاني مايخصه ..

دايم شخصياتنا ف الواحات هي ما ( نتمنــّــى ) وليــس ما نحن هو عليه فعلا ..

يمكن.

[نور الإيمان]

احم ..

ممكن اتكلم :)

واللهِ موضوع محب الشيخين .. موضوع مميز .. لأني انا ايضا اعيش صراع نفسي !! مع ذاتي .. اللي فهمته من مقالة محب الشيخين انه ما يستصغر التطوع او انها مسألة خطأ .. لا .. بس يمكن ما يحب حد يتصوره بصوره ثانية تماما عنه هو كشخص .. يعني شخصية مختلفة تماما صح ؟؟

بالنسبة لي شخصيا و اسألوا اختي صدى جوفي .. لي ثقافة دينية و خلفيات كبيرة عن امور كثيرة .. لا اقل او اكثر .. و انا بعد مش مطوعة ^_^ رغم انه اسمي يوحي بجي .. بس هذا مب معناته اني انا مثلا او الأخ محب الشيخين نتقمص شخصيات الثانية .. لا .. و اقتبس من رد صدى جوفي فيما معناه .. نحن نحاول ان نتحرى الأجر و العلم عند الله و الحمدلله رب العالمين ..

انا كوول حالي حالكم يا جماعة الخير :)

سوري ع المداخلة محب الشيخين :)
دمتَ محبا ًَ

[شمعة أمل]

مايخصه في انك مطوع او اي شي .. السبب هو الاحترام ^_^


مثل مايكون في الدوام .. الناس الى على مستواك في الشغل *نفس المرتبه* عادي تسولف وتستعبط ... لكن المدير .. تكون formal وياه وتحترمه وايد وتفكر في شو بتقول قبل لاتقوله


والسموحه

[هزاايم]

خخخخخخخخخخخخخ انا اريد شغله منك عسب احصل على معااش والله صيف وبطااليه لاشغل ولامشغله هب شراات نااس

ربي يباارك فيك
وأخويه كلنا خواان إهناا...وبالعكس انا اشوفك ماشاالله عليك ثقافته وااسعه وتعااملك ميزك عن غيرك إلي يفرض على وااحد يحترمك بنفس الطريقه وهذا كله
وهالله هالله بحالك

[ألم ترى]

بسم الله الرحمن الرحيم ..

اخواني الكرام ..

والله اشكركم من كل قلبي ع كل حرف قلتوه لئني بالفعل فرحان باللي يفهمني ..

عالعموم اتمنى بأن الرساله توصل لـ كل الاعضاء ! ..

بحفظ الله ورعايته ..

[منصوري الدوله]

شمعـة أمــل : أحيـان الـفورمليــّــه تذبحج اذا لقيتي الناس دووم يعاملونج بها ؛
اسأليني انا .

[شمعة أمل]

لكن مب كلحد..

يعني الناس الى على نفس مرتبتك عادي بيسولفون وياك=s

[انامل]

وعليكم السلام جميعا
محب الشيخين
لا تكدر روحك
ما تتصور احترامي لشخصك أخي الكريم
رضاء الناس غاية لا تدرك
انته اخ كريم نعتز ونتشرف ونفتخر بتواجدك معنا
الله يوفقك
ويخليك للواحه
ذخر وفخر وتذكير للخير
كلي ود:kcl:

[ألم ترى]

بسم الله الرحمن الرحيم ..

هلا اختي انامل ..

شعورك تجاهي هذا بحد ذاته ( وسام شرف ) احطه ع صدري ! ..

شكرآ ع كل كلمة طيبة قلتيها عني وفي حقي ..

بحفظ الرحمن ..

[حبوبه دبي]

تــوني اشــوف المـوضـوع !

:fa35:

حـاسه بشعـورك ومـن حقـك اتفضفـض ،،

مـاكنت ادري انهـم يتحرونك امطـوع :ice:

تـراك اخـو عـزيــز عليـنــا فـ الواحـات ولكـ نكهـه غييير فـ اسلـوبك وردودك وخفـة دمك

:fa35:

ربـي يحفظكـ وين مـاكنت

[الشوق]

محب الشيخين ..
عادي ياخوي خذ الامور بشكل ودي ..
.
.
عندك اقرب مثال
انا طووول عمري في الواحات مراقبه
بس وايدين قالوا عني اني عصبيه وجديه
رغم ان اللي يتعامل ويايه ع المسنجر او اللي يلتقي معاي
يقولون اني فرفوووشه ومرحه ومالي خص في الجديه
.
.
بس شو السالفه
ترى ساعات الردود تلعب دووور هيههيه
.
.
اخوي محب الشيخين ....
تبي الصراحه اتحريتك مطوع
بدليل ردة فعلي باللي صار من يومين تقريبا ع الاتاجمنت اللي كان مفروض ينبعث حق تنينه
بس شووف يااخوي شخصيتك سواء كنت مطوع او لا هي اللي فرضت احترامك في الواحات
وهالشي الكل يتمناه ..
اخوي مهما كنت تراك تبقى اخو
وتعاملي ما راح يتغير معاك سواء كنت امطوع او لا
وانت اكثر واحد عارف اب هالشي
لان معاملتي وياك نفسها مع باقي المراقبين ما اتغيرت
والله يوفجك ان شاء الله
خويتك/ الشوق

[الهيثــم]

بسم الله الرحمن الرحيم


~


طبعا معاذ بيذبحني اليوم ، لاني رفعت موضوعين من مواضيعه ..
لكنه فعلا موضوع لفت انتباهي من ضمن قائمة مواضيعه


الي خلاني أرد على هالموضوع ، نظرة الناس للشخص " المطوع " أو " المتدين "
يمكن الملاحظة إلي بوصلها تختلف عن ملاحظة عزيزي معاذ ، لكني أحب أقول بأنه الإنسان المسمى بـ " المطوع "
إنسان عادي وما يفرق عن غيره بأي شي ، وإن كانت اللحية أو الكندورة أو غيرها من مظاهر الالتزام طارئة عليه ، فـ هذي بينه وبين ربه ، والإنسان ما يعملها رياء وسمعة بين الناس ، إنما هي مظاهر التزام بـ هدي نبينا محمد صلى الله عليه وسلم
وهي أمور طبيعية على كل مسلم الالتزام بها ، مثل اللحى وتقصير الثياب ومظاهر الالتزام الأخرى


لكن للأسف في الوقت الحالي ، قمنا نشوف إنه هذي المظاهر غريبة ، لأنها أصبحت قليلة
وأصبحت الامور الي أمرنا بها رسولنا الكريم هي غريبة ، والأمور المخالفة هي المرغوب بها ..
لـدرجة إنه في كثير من الناس إذا شافوا شخص مقصر ثيابه على سبيل المثال ، قالوا فلان شبلاك مقصر كندورتك !
مع إنه هو سوا شي طبيعي ، وإلي طول كندورته مخالف ، لكن للأسف تغيرت المفاهيم عند الناس وأصبح الصواب خطأ والخطأ صواب


والشخص " المطوع " أو " المتدين " حاله حال الناس ، ما يفرق عنهم بـ شي ، وفي ناس ماخذين فكرة إنه الشخص الملتزم معقد وشديد وصارم في قراراته وفي تفكيره ، لا بالعكس ، وأكبر دليل تقدرون تشوفون حولكم من أهاليكم إذا في أحد " مطوع " او " متدين " أو " ملتزم " وتشوفون كيف تعامله وأخلاقه مع زوجته وعياله ومع غيره


أنا عن نفسي شفت أمثلة كثيرة من هالفئة ، وما شاء الله عليهم ناس تسعد بمجرد النظر لوجوههم وسماحة خلقهم
وطيب تعاملهم مع زوجاتهم وأبنائهم ، وكلامي مش مجاملة ، وهي حقيقة لمستها بشكل كبير جدًا


وعزيزي بوعبدالرحمن ، إنت إنسان ملتزم بأخلاقك وتعاملك وطيب معدنك
وفرضت احترامك سواء ظنوا بأنك " مطوع " أو " شخص عادي "



واعذرني حبيبي معاذ على هذه الإضافة ، لكن الموضوع شد انتباهي وحبيت أفضفض شوي


~


هـيـثـم

[حبوبه دبي]

سـلاام !

احــم ،، اغبــــاااار هـ المــوضوووع :boxed: لـول !
الحيــنه بيـــاكلك اخــويه معــاذ

.

والله امــس فـ بــالي هالانســـان يـوم حـطو فـالاخبــار عـن بـاص الاسعـاف ( الدعم الميداني )
كنــت اقــول للــوالده انــه واحد ويــانا فـ المنتدى مسعــف :14:
جــان اتقــولي انــزين وبعديــن شـو الســالفه !!! :fa44:
لــــول جـان اقفط ! قلتلهاااا بس جذه اخبـــرج يعني !

:fa51:

وبــــس

.

[الهيثــم]

^ .. موقف لا تحسدين عليه لول