المساعد الشخصي الرقمي

مشاهدة النسخة كاملة : كاميرا SLR جديده من NIKON


ذنـيـنـي
25-07-06 ||, 05:11 AM
http://www.dpreview.com/news/0607/Nikon/teaser6.jpg



اعلنت شركة نيكون في موقعها الرسمي عن عزمها طرح كامره جديده بعد 20 يوما من الان
لم تعلن الشركه عن اسم الكامره الجديده او اية تفاصيل اخرى حتى الان , عدى كون حساسيه الكامره الجديده سوف يكون 10 ميجا بكسل


لزيارة موقع النيكون اضغط على هذا الرابط
http://nikonimaging.com/global/
ولد الحكومة
25-07-06 ||, 08:36 AM
وعليكم السلام والرحمة

ولد العم ...
تسلم عالخبر الطيب ... ونتريااا ايديدك في المرة اليايه ...

تحياتي /
اخوك ولد الفريج :yes:
مجموعة إنسان
25-07-06 ||, 09:27 AM
وااااااااااااااو
10 ميغا بيكسل

نايس


تسلم اخووي عالخبر
عفاريتووو
25-07-06 ||, 10:12 AM
تسلم اخوي عــ الخبر ^_^
طير الغرام
25-07-06 ||, 01:46 PM
http://upload.bindubai.com/download/6eer/6eer-S-oasis-New.gif

خبر حلوو والله

××

تسلم ^_^

http://upload.bindubai.com/download/6eer/6eer-L-oasis-New.gif
تحفه
25-07-06 ||, 02:17 PM
Xd Xd Xd
تحفه
25-07-06 ||, 02:18 PM
إشنقوووووووووني إذبوححححووووووونييييي العيد الياااااااااي .. أبييييييييهاااااااااااااااا يعني ابيها
ذنـيـنـي
25-07-06 ||, 02:53 PM
تسلمون على ردودكم

و انا بعد وياكم في الانتظار


بوظبي

يقولون انها بتكون بديله لـ D70s
شكلها بتغير كل خططي الكانونيه
بنت الدلع
25-07-06 ||, 03:09 PM
:puppyeyes: :puppyeyes: 10 ميجابكسل :puppyeyes: :puppyeyes:

ياعــــــيني

تسلم ذنـــينـــي عالخبر
لمّــاح
25-07-06 ||, 04:32 PM
مرحبا ..

بنتريا و بنشوف شو بينزلون .. بس شكلها بتضرب عليهم كلهم .. !
تحفه
26-07-06 ||, 02:32 PM
إنته انسان اتعرف تبدع .. إشحقه تاخذ كانون؟ .. خل توجهاتك احينه كلها صوب البروفشنال .. لأن صح ان كانون وناكون حلوين والناس في الخليج مايله للكانون .. بس كمن مره بقولك النكون تشبه البروفشنليات اكثر معنها كيمره للـ " محترفين المبتدئين "
بنت ناس و عرب
26-07-06 ||, 08:34 PM
سمعت الخبر لكن قبل كمن يوم سرت المحلات الكبرى ججفت موجوده كيمره يديده ب 8000 درهم بس الbody و ب 10 mega pixel شي جيه ! يعني يا اللي موجوده جديمه مع انها قالو لي نازله هالشهر
ماوحشتك
27-07-06 ||, 03:45 AM
بنتحررررررر

جريب ماخذه الـــ NIKON D 70s

قهرر جان اتريت:narr:

خخ اول يوم اتعبثت فيها وثاني يوم وفريتها :fa36: خخخ
مليت :boxed:

يالله الله ما رايد :fa38:

خلني اتعلم ع هاي واخبص .. لين ما نتطور بناخذ الافضل :fa38:
ذنـيـنـي
27-07-06 ||, 03:45 PM
بنت ناس و عرب

الكاميرا الي تقصدينها هي D200 و هي افضل من D70s
=========

ما وحشتك

ليش تنقهرين,, بالعكس كيمرتج وايد فنانه
عندج لماح و ام غزوز "بوظبي" يستخدمونها و شوفي كيف صورهم حلوة

عندج المصور هو الي يصنع الصورة, مب الكاميرا ;)
لمّــاح
28-07-06 ||, 02:19 AM
مرحبا ..

على فكرة و لمعلوماتكم ... الفرق بين ال 6 و ال 8 و ال 10 ميغا بكسل مابيضهر على الصورة عندكم على شاشة الكمبيوتر ..

الفرق بتلاحظونه يوم بتطبعون الصور بأحجام كبيرة فقط !!
يعني لاتحاتون ولا شياته ..

و في النهاية مثل ماقال الاخ ذنيني " المصور هو الي يصنع الصورة, مب الكاميرا "
تحفه
28-07-06 ||, 12:19 PM
الفرق بتلاحظونه يوم بتطبعون الصور بأحجام كبيرة فقط !!
يعني لاتحاتون ولا شياته ..

:boxed: ما تنلااام .... فكرتك هاذي نابعه من عقل عربي بحت :ice:

انا أقول لا تحاتون هالسوالف مادام الكيمره "تركيبها بروفشنال" واللنسات تلعب دور كبير والبرامج ماتقصر "بس البرامج لومهماكانت ماتساعد وايد" ..
لمّــاح
28-07-06 ||, 03:19 PM
اختي بوظبي ...


ما تنلااام .... فكرتك هاذي نابعه من عقل عربي بحت

في خاطريه اعرف بس هل الغرض من هالجملة طنازة ولا شو بالضبط ؟؟ :kkk:


انا أقول لا تحاتون هالسوالف مادام الكيمره "تركيبها بروفشنال" واللنسات تلعب دور كبير والبرامج ماتقصر "بس البرامج لومهماكانت ماتساعد وايد" ..

عموماً يا اخت بوظبي .. انا الكلام الي قلته كان من عند 2 من ربعي .. الاول كانت عنده شركة إعلانات و خبير في التصوير اكثر عني و عنج و يستخدم كيمرات توصل اسعارها لل50 الف درهم و قال لي نحن ناخذ قوم بو 20 ميغا بكسلز و هالسوالف بس عشان نطبع صور بأحجام كبيرة مثل اللافتات الي اتشوفينها على شارع الشيخ زايد و غيره ..
والشخص الثاني خبرة 8 سنين في التصوير و هو الي قال لي هالرمسة ..
واذكر رمسة المدرسة في دورة التصوير قالت مايهم 6 ولا 8 ولا حتى 10 بكسلز .. لأن هالارقام بس تساعد في انج تطبعين الصورة بأحجام كبيرة لا اكثر ..

وبس ..:nono:
تحفه
28-07-06 ||, 03:39 PM
اختي بوظبي ...



في خاطريه اعرف بس هل الغرض من هالجملة طنازة ولا شو بالضبط ؟؟ :kkk:


شو شايفنها إطراء إن شاء الله ؟! brgll:



اختي بوظبي ...

عموماً يا اخت بوظبي .. انا الكلام الي قلته كان من عند 2 من ربعي .. الاول كانت عنده شركة إعلانات و خبير في التصوير اكثر عني و عنج و يستخدم كيمرات توصل اسعارها لل50 الف درهم و قال لي نحن ناخذ قوم بو 20 ميغا بكسلز و هالسوالف بس عشان نطبع صور بأحجام كبيرة مثل اللافتات الي اتشوفينها على شارع الشيخ زايد و غيره ..
والشخص الثاني خبرة 8 سنين في التصوير و هو الي قال لي هالرمسة ..
واذكر رمسة المدرسة في دورة التصوير قالت مايهم 6 ولا 8 ولا حتى 10 بكسلز .. لأن هالارقام بس تساعد في انج تطبعين الصورة بأحجام كبيرة لا اكثر ..

وبس ..:nono:

ونا ما علّفت على صحة فكرتك .. بالعكس الكلام الي قلته عن الطباعه والبكسلز صحيح-تين بعد مب صحيح واحد .. بس علّقت ع سالفة إنك قلت لهم ( يعني لا تحاتون ولاشياته )

مع كل إحترامي لطريقة تفكيرك .. بس اعارضك بهالشي .. بالعكس اشوف ان التميز يبتدي يوم الـ الاساسيات كلها متوافره .. إلا اذا كنت تبي تمشي بطريج طوووويييييل أو إنك مب ناوي تحترف هالمجال او تدخل واتشارك فيه ..

عن نفسي مثلا .. استخسر اشتري كيمره بربع وخمس .. وبعدين يوم ابي اسوي شي .. أكتشف اني والله لازم أخسر وادفع زياده او اشتري كيمره ثانيه وحاله ....

مره وحده احسن واسهل .. صح ولا لا

عموما صح كلامك ماقلت شي .. بالعكس يمكن انا بالغت واهتميت بزياده ع الفكره الي بتوصلهم

لان غالبية اعضاء الواحات يصورون كـ هوايه مش إحتراف .. so ما تهمهم هالسوالف
ذنـيـنـي
29-07-06 ||, 12:20 AM
اختيه بوظبي

لو سمحتي ممكن ما نخرج عن الموضوع الاساسي للموضوع,,
لمّاح ما قال شي غلط عسب تطنزين عليه
تحفه
29-07-06 ||, 12:26 AM
لو سمحتي ممكن ما نخرج عن الموضوع الاساسي للموضوع,,


ممكـــــن .. ومُتأسفين
لمّــاح
29-07-06 ||, 02:07 AM
السلام عليكم ..

اختي بوظبي ..


شو شايفنها إطراء إن شاء الله ؟!

اظحكي عليه من اليوم لين باجر و مابرد عليج بشي، مب لأني ماحب أرد الإسائه بإسائة، لكن لأنج انسانه جداً ذكية ( و هذا واقع لاتتحريني اطنز ) و عفويه و بصراحه لو ما كنت ( و ما أزال ) اكن لج الاحترام و التقدير جان عالأقل رديت عليج بدعاء و قلت ( الله ايهديج ) و اكبر دليل انج ذكية و فاهمة في الفن بشكل عام و التصوير بشكل خاص هو يوم اخترتج عشان اتراقبين واحة التصوير ويايه و كنتي من احسن المراقبين الي اخترتهم و ماندمت في يوم اني اخترتج .. عموماً هذا مب موضوعي ..



ونا ما علّفت على صحة فكرتك .. بالعكس الكلام الي قلته عن الطباعه والبكسلز صحيح-تين بعد مب صحيح واحد .. بس علّقت ع سالفة إنك قلت لهم ( يعني لا تحاتون ولاشياته )


زين انج وضحتي ..:yes:


مع كل إحترامي لطريقة تفكيرك .. بس اعارضك بهالشي .. بالعكس اشوف ان التميز يبتدي يوم الـ الاساسيات كلها متوافره .. إلا اذا كنت تبي تمشي بطريج طوووويييييل أو إنك مب ناوي تحترف هالمجال او تدخل واتشارك فيه ..

عن نفسي مثلا .. استخسر اشتري كيمره بربع وخمس .. وبعدين يوم ابي اسوي شي .. أكتشف اني والله لازم أخسر وادفع زياده او اشتري كيمره ثانيه وحاله ....


شوفي كيف وضحت الفكرة ؟؟!!
اتكملي بإسلوب حلو و بدون طنازة و صدقيني بفهم عليج بدون ماتزيد الحساسيات الي بيننا ..
عموماً كلامج صح .. بس على فكرة ايضا المصورين في النوادي و ملاعب الكرة و المصورين الصحفيين يستخدمون Nikon D70 و كانون D20 وبعضهم يستخدم كانون D350 ( حتى الي في البلديه يستخدمونها ) مع انهم قوم بو 6 بكسلز و 8 .. !
و الفرق مثل ماذكرت قبل، مابتلاحظينه على شاشة الكمبيوتر، لكن بتلاحظينه اذا طبعتي الصورة على ورقة حجمها مترين في مترين على سبيل المثال و هالشي في نظري مايخصه في الاحتراف لأنج مابتطبعين الصور بهالاحجام دائما ..و اذا اتكلمتي عن الاحتراف و عرض الصور في المعارض ترا معظم المعارض تطلب منج صور 60-30 او ارقام قريبه من ورقة ال A4 الا ماندر يطلبون صور كبيره ..


مره وحده احسن واسهل .. صح ولا لا

عموما صح كلامك ماقلت شي .. بالعكس يمكن انا بالغت واهتميت بزياده ع الفكره الي بتوصلهم

لان غالبية اعضاء الواحات يصورون كـ هوايه مش إحتراف .. so ما تهمهم هالسوالف

صح بس ماشوفها غلطه اذا حبيتي اتظيفين معلومة يديدة عشان يستفيدون منها في المستقبل :yes: