شو رايكم فيها ..

[قلوب دبي]

السلام عليكم

شحالكم اخواني عساكم بخير ..
اريد اشتري هالكاميرا
شو رايكم فيها ..
:kkk:
http://swaj.net/ttl/text/canon-350d/canon-350d.jpeg

http://ivs.kilir.com/lj/350d_800.jpg

http://www.tomshardware.fr/images/av/20050630/Canon_350d_6.jpg





Features


Ca. 8,0 Megapixel
Bis zu 3 B/s; Pufferspeicher für bis zu 14 Aufnahmen
E-TTL-II Blitzsteuerung
DIGIC-II-Prozessor
7-Punkt Autofokus
Digital Photo Professional - Software zur Bildbearbeitung von RAW-komprimierten Bildern
Parallele Aufzeichnung von RAW- und JPEG-komprimierten Bildern
USB 2.0 Hi-Speed-Schnittstelle; Videoausgang
Kompatibel mit EF-/EF-S-Objektiven und EX Speedlites
Kompatibel mit PictBridge


^_^

[نويّر]

وعليــــــكم الســلام

ابصــراحة توب هالكاميـرا
اخويه عنده شــراتها مادري اذا شي اختلاف بسيط بس رووعة هي

نويّــر

[العيناويه]

خخخخخخخخخخخخ ,,,
جان ازيغ هالكبر ,,,,,

[تنينه]

شــكلها ازقـرت لووول ,, بــس ما أعرف لسوالف الكيـمرا ,, ان شااء الله الأعضاء يفيدونك^^" ,,


وووالسمووحه :)

[قلوب دبي]

^_^

نوير
مشكوره يا ابله
و تسلمين ع تعليقج الطيبه

العيناويه
خخخخخخ
حق التفليع P:

تنينه
مشكوره
خخخخ
تسلمين ع تعقيبج

ان شاء الله الباجين واللي ايعرفون شيء في هالكاميرات ايخبروني ..
:kkk:

[خيال الحب]

اييييه هاااي الكاميرااااا.. ريييلي ناايس:fa34:

انااا يوم كنت في الشانزيليزيه قلت حق ابوي يشتريهااا حقي بس اخواني ما طااعو وخربو عليي:harhar1:



خخخخخخخخخخخخخ اقلد بعض النااس:harhar1: >>> يغربل الخقه يوم تسوي جيه بالناس:kkk:


اناااا ياخوووووي بروحي ابا اشتري كاميرااا ومب عارف شوو اشتري:harhar1: فانا انسان موووول ما يخصه بهالسوالف ..

ادفع وصور وحط بالواحات وياسلام:harhar1:



ادري اني ما فــدتك بشي وسبيتني طشوونه:harhar1:

[الـيـاه]

هاي الكاميرا عند بنت ناس وعرب :fa35: ان شاء الله تشوف الموضوع وتفيدك !!

[ذنـيـنـي]

هالكاميرا واااااااااااااااااااايد فنانه

تقدر تعتبرها بوابه لعالم الاحتراف و بصراحه انصحك فيها و بقوة لكن خل في بالك نقطه مهمه و هي انك اذا خذتها العدسة الاصلية الي وياها ما بتنفعك وايد و جودتها مب بالمستوى المطلوب

انته خذها مع العدسة الاصلية و بعدين خذلك عدسات اخرى بناء على احتياجاتك
سواء من كانون او من شركة sigma اذا كنت تريد عدسات ذات جوده عالية بسعر ارخص من الكانون


و يوجد ايضا منافس لها من شركه نيكون و هي كاميرا D70s >> الحين بينقزون لماح و ام خدود "بوظبي" لول brgll:

بطرشلك على الخاص موقع بيفيدك جدا
و اتمنى انك تتصفحه بشكل جيد قبل ما تتخذ اي قرار في شراء الكاميرا او اي عدسة اضافية

[الـيـاه]

اللي عند لماح D70 مب D70s
انا كنت ابا اعرف الفرق مبينهم ؟؟

[دمعة عين]

السلام عليكم

مرحبا أخويه ..

صراحه .. أنا أشجعك أنك تاخذها وااااااااااااااااااااااااااااااااااااايد رهيبه

ممتازه .. تصويرها عال العال..

وبتستفيد منها.. خاصه أنها اطلع الصور بوضوح.. وتيب اللقاط بسرعه ماتفوتك..

حتى يوم بتي تشوف الصور.. بتقول.. ها احترافي إلي مصور خخخخ



وهو الصراحه أنا خاطري فيها.. وايد أوكي.. وناويه آخلذلي وحده انشالله


لا تخلي الفرصه تفوتك.. اشترها..

:)

والسموحه

[ذنـيـنـي]

الياه

D70s هي النسخه المطورة من D70 و دام انها النسخه المطوره فهي بكل تأكيد افضل من سابقتها بس لا تسأليني شو الفرق بالضبط
بس الي اعرفه انه السينسور في الـs افضل من سينسور الكاميرا القديمه

[تحفه]

زينه ويوزفل وايد حق المحترفين المبتدئين لان تعامل الكانون كله بالرموز والصور وللمصورين المحترفين المبتدئين الكانون تخدمهم وتساعدهم الكترونيا ..

الفرق يكون في عدد المغابيكسلات " في الكانون 8 وفي النكون 6.3 " بس الي يعوض هالفرق هو جودة السنسر العاليه في النكون واللنسز
و سرعة الشاتر متساويه عند هاي على ماعتقد وي الدي سفنتي بس عند دي سفنتي اس اسرع و اس اي او على ما اتصور اكبر من الكانون هاي

انا احب النكون اكثر لأنها تقنيا جريبه وايد من الكيمرات الاحترافيه .. تقدر تتحكم فيها جنك بالظبط تستخدم الكيمرات الي بوقوم اثنينه وعشرين الف و خمس وثلاثين الف!

أهم من هذا كله .... الواحد لازم يحب كيمرته علشان ينتج صور حلوه .. في حالتي كيمرات السوني الصغيره وياي وين ما اسير .. ولربيعاتي نصنا نحب الكانون ونصهم سوني ( ها في الكيمرات الصغيره)

أمممممم .. عموما الفرق مش مؤثر جدا للكيمرات .. لأنه عندي حظ المصور وتوقيت الالتقاط هم العوامل الاولى في انتاج صور حلوه

هذا رايي .. ومبروك مقدما

[قلوب دبي]

خيال الحب
واااااااااااااو انته بعد شفتها شراتيه
انا كنت مع ماماي في شارع اكسفورد بس اخويه ماخلاني بعد اشتريها
تدري انته الجو نايس كان و انا ما وحالي اتشري هههههه
خخخخخخخخخخخ
ما ادري منو هالناس بس اشارك وياك ^_^
:harhar1:
يطولي بعمرك شيخي
ما قصرت ^_^


الياه
طانكيووو وتسلمين ..


ذنيني
يزاك الله خير ما قصرت شيخي عالمعلومات الحلوه وا لمفيده
و الموقع من متى وانا ادوره و اربيعي عطاني اياه بالغلط وانا حليلي يالس اخبص في جوجل
مشكور على الرساله الطيبه
ماقصرت و تسلم شيخي ..


دمعه عين
تسلمين على مداخلتج و تشجيعج و تعقيبج بخصوص الكاميرا
و صدقج الكاميرا وايد حلوه ومواصفاتها زينه ..
مشكوره و ما عليج زود


بوظبي
ما قصرتي الصراحه في شرحج
و النيكون عيبتني بعد وايد و الفرق انه الشاتر في النيكون اكثر من الكانون
لانه الكانون 1400 و النيكون 1800
و نفس الوقت مواصفات الاثنينه زيونات
عالعموم تسلمين وما عليج زود ..




اخيرا

اليوم سرت وا شتريت الكاميرا
تسلمون كلكم اخواني و ما قصرتوا
الكم مني كل الود و التقدير
وتشكرون ع ملاحظاتكم ومداخلاتكم ..

قلوب دبي

[ذنـيـنـي]

الف مبروك بو غنيم

خذتها مع العدسة الاصلية ولا مع عدسة اخرى

[قلوب دبي]

ألله يبارك فيك ياخويه ..

تبا الصدق خذتها مع العدسه الاصليه مالتها ..

بس الين ما اتعود عليها شويه و عقب باخذلي عدسه سيجما ..

والا شو رايك ..

[ذنـيـنـي]

احسن لك

انا ناوي آخذ الكاميرا مع عدستها

حصلتها في السوق الحرة في مطار دبي بـ 2900 و حصلت عليها عرض خاص بـ 3300 تقريبا و وياها فلاش خارجي,, قيمة الفلاش بروحه 1400 درهم,, تخيل!!

بصراحه انذهلت يوم شفت الاسعار
لو كنت اعرف عن هالعرض قبل اليوم جان قلتلك عنه عسب ما تاخذها من برع

و مبروك عليك الكاميرا منك العدسات و منها الصور الحلوة

[عفاريتووو]

السلام عليكم

مبروووووووووك ,, نتريا نجوف ابداعاتك بالكاميرا :yes:

بس بقولك شي ,, يوم بتاخذ عدسة يديدة
جوف الــ range مال الزوم
لين 50 يكون للعرض
و فوق الــ 50 يكون اللاشياء البعيدة

يعني مثلا من 25-300
25 لين 50 للعرض و 50 لين 300 للبعد

فــ كل ما كانت العدسة الــ range مالها اكثر
يعني تغطي اكبر عرض و بعد ممكن

[ذنـيـنـي]

و كل ما كبر المدى هذا،، كل ما قلت جودة الصور

[عفاريتووو]

صدق ! وانا اتحسب العكس

[تحفه]

لا ماعتقد من وين يايب هالمعلومه ذنيني؟!!!

المدى ع قولتكم مال العدسه ماله خص في جودة الصور!!

اذا قصدك مثلا .. اتقارن بين عدسات المايكرو تراها بس للتقريب الهدف الي نبا انصوره وابرازه في الصوره .. وعدسه الوايلد رانق جودتها مب اقل مب اي صوره لاي عدسه ثانيه بنفس الكيمره ... و ( السالفه سالفة تركيز ع الشي الي تبا تصوره أو لا -يعني تخليه عادي مثل ما تشوفه عيونك )

مادري بعد احتمال رمستي غلط .. ماجد فكرت بهالسالفه ..و أول مره اسمع في معلومتك ذنيني ^.^ .. ممكن ذكر المصدر؟

[طير الغرام]

http://upload.bindubai.com/download/6eer_aam/6eer-salam-oasis.gif

بالبركه أخويه ^_^

http://upload.bindubai.com/download/6eer_aam/6eer-line-oasis.gif

[ذنـيـنـي]

لو ما كان يخصه جان حصلتوا المصورين المحترفين يستخدمون عدسة وحده لكل شي,,

مثلا 18-300 و بيفكون اعمارهم من سالفة تبديل العدسات

و ما ادري اذا لاحظتوا عذا الشي ولا لا,, المحترفين و بالذات في الملاعب, اغلب عدساتهم من النوع الي ما يتغير مداه,, لأنه العدسات هذه يكون الفوكس فيها سريع جدا و كذالك الشاربنس
بعكس عدسات الزووم, الي كل ما زادت نسبة التغير فيها كل ما قلت حدة الصور

يعني انا عن عمري,,,
ناوي اخذ هذي الكاميرا و ناوي اخذ معاها اربع عدسات
العدسة الاساسية بتكون 17-85 و هي الي بتكون مركبه بشكل اساسي على الكاميرا
العدسة الثانية هي سيجما 10-20 و هي عدسة الوايد انجل
العدسة الثالثة هي سيجما "او كانون" 70-300
و العدسة الرابعه هي سيجما 105 macro او كانون 100 macro
و في عدسة اساسية و لااااااااااااازم تكون مع اي مالك لكاميرات كانون و الي هي 50mm 1.8 العدسة هذه تعتبر اسرع عدسة من كانون و تعطي مجال ثابت و الي هو 50mm و المجال هذا هو بالضبط مجال العين البشرية اهم ما يميز هذه العدسة هي فتحتها الكبيرة جدا و الي تعتبر مثالية اذا كانت الاضائة خفيفه و ثانيا سعرها اقل من 500 درهم و يعتبر رخيص جدا بالنسبة لجودتها العالية,

[ذنـيـنـي]

قلوب دبي

عندي لك عدسة رااااااااااااااائعه بكل معنى الكلمه

عدساتها الداخلية ممتازة جدا

و احلى ما فيها فتحتها الواسعة, الي بتسمحلك تصور في ظروف الاضاءة الضعيفة بشكل ممتاز

العدسه هي Tamron Autofocus 28-75mm f2.8 XR Di LD Aspherical (IF

و هي افضل من جميع عدسات كانون العادية و ما تتفوق عليها الا عدسة Canon 24-70L 2.8 و الي سعرها يبلغ اكثر من ارربع اضعاف سعر هذه العدسة

انصحك بهذه العدسة و بقوة

اضغط >> reviews (http://www.amazon.com/gp/product/customer-reviews/B0000A1G05/ref=cm_cr_dp_2_1/002-1235931-4884057?ie=UTF8&customer-reviews.sort%5Fby=-SubmissionDate&n=502394)

و على فكرة,, سعرها وايد حلو 1400 درهم فقط ,,
عدسة كانون و الي هي المنافس الوحيد لها سعرها 6000 درهم الا شوي

[بنت ناس و عرب]

شو حاب تعرف عن الكيمره : عندي وحده منها :)