وزراة التربية والتعليم : يا ويلكم ويل

[ولد الشحوح]

سمعتوا القرار اليديد بخصوص الثانوية العامة
انا ارتحت له فالبداية نظام فصلين يا سلام قلنا هاي الراحة ولما كملت الخبر والله امتحانات الفصلين لها 80% انزين والعشرين الباقية من وين
من درجاااااااااااات التقويم واللي يتحكم فيها المدرسين
يعني شغل واسطات .... يعني نافق وجامل المدرسين ... يعني يا ويلك اذا في مدرس كارهنك ويا حظك اذا يحبك ... يعني لو مصخرك المدرس اسكت وانشب
انا وياااااااكم ان له ايجابيات وسلبيات بس سلبياته اكثر....

[أمواج]

الســـلام عليــكم
صح انا سمعـــت بهالقــرار
بس بصــراحه مب عايبني ، المفرووض تكون اخر سنـــه ( سنه مميزه ) يعني تكوون غير عن باقي السنوات يعني النظام الجديم يبقى على ماهوو . . . النظام اليديد يمكن يكوون في مصــلحه الطــالب عشان يجمع درجات طول السنه وفالاخير تكون نسبتــه اوكي . . أما عن الـت 20 % فــلازم تسوي ياخووي عزيـــمه معتبــره للدكاتره مع هدايا brgll: وتبوووس رووسهم وتستمح منهم يعني لزووم التقردين والمسابر وصدقني الــ 20 % بتكوون في مخبااااك
.
.
أمواج

[مزيونه العرب]

السلام عليكم
بصراحه انا من اول ما سمعت بهالخبر ما عيبني ابد
يعني لو صادفنا في الفصل الأول امتحان صعب او اي ظرف ونقصنا درجات
بيكون احباط لنا لين آخر السنه
يعني يوم بيحسبون درجات آخر السنه بيدخلون درجات نص السنه وياه
:no0:
وسالفه المدرسين هاي بروحها سالفه
الله يعين ان شاء الله
ومثل ما قالت اختي امواج
آخر سنه لازم تكون مميزه مب نفس كل سنه
والسموحه

[عفاريتووو]

السلام عليكم

عيل انا استانست واييد يوم سمعت القرار :harhar1:
عشان تحسوون بــعيال المدارس الخاصة كيف يعانون :sad4:

مابا احبطكم بس صدق ضيعنا وايييد واييد درجات عــ الفاضي :bye2:
خصوصا نحن عنا التلاوة اكثر درجة ممكن اي حد ياخذه 18 من 20
التعبير العربي 19 من 20
الانجليزي 18 من 20

يعني 6 درجات بيباي :bye2:

بس اتوقع انتو عادي يعطونكم صح :kkk:

غير الــمشاريع اللي حتى العبقري ما بيقدر يسوي مشاريع كل المواد perfect :bye2:

بس نصيحة اللي يبا ييب درجة زينة النظام ها فرصة
بس لو يدرس يوميا :yes:

و الله يوفقكم ان شالله ^_^

[نويّر]

الســـلام عليــكــم

نــظام يــديد ومعقـــد والطلاب عندنــا هب ناقصــين عقــد يديــدة في التدريــس !!!

اوكي نظام تقويــيمين ما قلــنا شي مع أنه غلـــط نــظرا لبعض الحسـاسيــات الموجودة عند بعــض

المدرســين.

ثاني شــي مب على جيــه لانه الوزيــر أعلن بعد أن النسب العالية للنجاح خلاص ما بنشوفها مرة ثانية
لانه اعلن عادي لو كانت نسب النجاح 10% فقط!؟!!؟!؟؟! والسبب عشان ايكون هناك مصداقية

بس اللي ابي اعرفه انه هالطلاب اللي نجحوا كلهم ما نجحوا بمصداقية يعني ما درسوا هم عشان يلقون نتيجة تعبهم !!

هاذي البداية والله يعين من اليــــــاي :bye2:

نويّـــر

[العجيبة]

المشكـلة العظمــى إنه ما في يوم ولا يوميــن نقـدر نتســرب فيهم من كل شهــر !!

[نويّر]

المشكـلة العظمــى إنه ما في يوم ولا يوميــن نقـدر نتســرب فيهم من كل شهــر !!

:kkk:

هاللي يهمــج عجيــبوه

brgll:

[دمعة عين]

هلا

هيه سمعنابه .. الله يعيينا بس.. مايت إلا علينا..

بس أحس أنهم بيريحونا.. يعني مابيتغير علينا شي..

وإلي يبونه منى هم .. أنا نشد حيلنا
ونذاكر أول بأول..

يعني ماشي لعبان وشرداد .. وسوالف وخربطيشن ..

خخخخخ

[مجرد إحساس]

الله يعينكم إن شاء الله ...


الحمد لله أنا خلصت على الدفعة الأخيرة هذه السنة ...


ههههههههههههههههه

[ولد الشحوح]

اشكر ردودكم كلها بس صراحة قهر خاصة مدرسينا نحن اذا ثاني ثانوي وذلونا شو بيسوون فينا السنة الياية وهم يدرون ان النسبة مهمة لنا
انا ابا اسأل متى لحق الوزير يسوي دراسة وهو من فترة بسطية مستلم الموضوع ولا خذوه فغلوه ؟!؟

[الثعلب الرمادي]

السلام عليكم ...

هذا واحد من أبشع و أسوء الأنظمة و غلطة كبيرة يتطبق في الإمارات و السبب ضعف المناهج و ضعف مستوى المدرسين و قصر اليوم الدراسي و وجود عدد كبيرة من الإجازات خلال العام الدراسي و ما ننسى رمضان طبعا و اللي يقولي يقدر يدرس في رمضان و يخطف كل المواد و في نفس الوقت يتابع المسلسلات و البرامج الرمضانية فهذا فعلا رجل قوي.

إلي بينجحون من مثل هذا النظام الظالم هم الطلاب إللي عند أهلهم فلوس و فلوس للدروس الخصوصية و موارد مالية مالها نهاية و شغل واسطات من الآخر هذا الولد الحلو نجاحه مضمون 100% و طبعا الزلمات و الشباب العبقريين نجاحهم مضمون و باقي الطلاب ياكلون هوى.

شوف أخوي أنا كنت أدرس في القسم العلمي و مستواي العلمي متوسط هذا إذا ماكان ضعيف لكن ما استخدمت الدروس الخصوصية أبدا و تجاوزت نسبتي التسعين و كل هذا من شغلي الخاص لكن و مع هذا في أشياء في الرياضيات و الفيزياء و الكيمياء أنشرحت في بداية السنة لكن ما فهمتها إلا في آخر شهر قبل امتحانات الثانوية العامة لكن لو كان حظي نحس و تطبق هذا النظام الغبي في السنة اللي بمتحن فيها صدقني أكثر من 50% ما بطلع لأن مثل هذا النظام محتاج فلوس مالها نهاية و دروس خصوصية من القلب إلى القلب ... مب انته بس المنزعج حتى أخوي الصغير و هو الأول على العين في القسم العلمي متضايق من هذا الامتحان و السنة الياية عنده ثانوية عامة ... لكن أعتقد لو كان الطالب في القسم الأدبي ما أعتقد إنها مسألة خطيرة لهذي الدرجة ... ما أقول غير الله يعينك بس و أبد=أ ذاكر من الحين:fa36:

[أكسجين]

السلام عليكم


هـ القرار هذا صدق واايد قهرني يوم سمعته , بصراحه هو له ايجابياته وسلبياته بعد !
يعني بيكون احسن ان الواحد يمتحن كل كورس بروحه , مب اللي درسته طول السنه اطلعه في اسبوع واحد بس ~ وبـ هـ الحاله اما اني اتفوق او انجح او ارسب !
النظام الجديم كان فيه نوع من الظلم لفئة من الطلاب , بس هـ النظام بيظلم الطلاب اكثر من قبل
لو يتطبق القرار انهم بس ياخذون مجموع درجات الامتحانات النهائية للفصلين بس وتكون هـ الامتحانات موحده لكل امارات الدوله بيكون واايد زين ,
بس ان النسبة تعتمد على كل اعمال الطالب من مشاريع وابحاث ومشاركه صفية خلال 3 سنوات او سنتين او سنة كاملة ، في نظري هذا ظلم !
.
.
لان مثل ما قلت اخوي ولد الشحوح ~ بتشتغل الواسطه والظلم والنفاق , يعني اذا الواحد صايره له مشكله ويّا مدرس ممكن المدرس يظلمه بـ الدرجات ,
وتصير لنا مثل هـ الامور وكنا نسكت عنها بس حالياً ما نقدر لان كل هـ الدرجات اللي نيمعها في صالحنا عشان تكون نسبتنا زينة
واذا طالب كان والله ابوه المدير فأبصم بـ العشر انه من الأوائل ان شاء الله :yes:
.
.
يعني هـ القرار مب مدروس عدل ~ وغلط انه يتطبق في دولتنا و في وااايد مدرسين يجاملون طالب على حساب طالب ثاني !
أتمنى صدق انهم يغيرون في هـ النظام , وبـ النسبة للي هم اخر سنة في الثانوية العامة السنة اليايه ~ ادخلو هـ الوصله (http://www.moe.gov.ae/ministry/new_high%20school%20academic%20system.htm) و ابدوا رايكم علّ وعسى شي يتغير

| عفاريتوو |
بـ النسبة للتلاوة والتعبير العربي والانجليزي نفس الحالة عدنا ~ اعلى درجتين 18 و19 :no0:

[وحي القلم]

و الله قهر :nono:

فراشة ود

ماظني أنهم بيسوولنا سالفه لو حطينا راينا

لانهم ما ايسوون الا الى هم يبونه

شرات البرلمان الطلابي الى كان عن المناهج

ضيعوا وقتنا عالفاضي.. كل ما اعترض عليهم حد ظهروه هو الغلطان

مع انه كان واضح أنه وايدين من الطلاب تعبوا من المنهج اليديد

كنت أقول الحمدلله يوم أني طفت قبل ما ايطبقون النظام اليديد

لكنه الظاهر أنه بنتلعوز على آخر سنه :sadwalk:

..

الله ايكون فالعون

و مشكور يا ولد الشحوح

[لمّــاح]

السلام عليكم ..

من وجهة نضري الخاصة .. المدارس الحكومية في الإمارات بالذات هي من أسوأ سلسلة مدارس حكومية على مستوي الخليج .. مثلا في الكويت، المدارس الخاصة تعتبر مكملة للمدارس الحكومية ( يعني الي مايحصل مكان في الحكومية يدش المدارس الخاصة ) ..

بخصوص النظام اليديد هو نفس نظام المدارس الخاصة .. الطالب يكون مرتاح لأنه مايكون مضغوط ..
يعني ضغط السنة الي هو 100% يكون مقسم على 20%-20%-20%20%20% .. او على حسب ماهم حابين 30% او 20% ..

و بخصوص تقردين المدرسين .. هالشي انا اتفق وياكم فيه لأني جربته بس قبل كل شي خلوني اعطيكم إيجابياته قبل سلبياته:
1- الاستاذ بيقدر يساعدكم لو بكمن علامة ترفع من معدلكم في حالة اذا مايبتو علامات جيده في بعض الامتحانات ..
2- هالنظام مُطبق في بعض الجامعات يعني لو ماطبقوه في المدارس بتحصلونه مطبق في الجامعات و التقنية ..
3- اهم نقطة هي أيضا المدرس كانت صلاحياته كلها مسلوبة و كان الطالب فوق الاستاذ وياما سمعنا عن طالب ضرب استاذه او شتمه و ياما وصلتنا فيديوهات عالتيلفون .. و الي يصير الحين هو إعادة مكانة و هيبة المدرسين و بهالطريقة بيقدر المدرس يتحكم في سلوك الطالب المشاغب خصوصاً و ان الطالب هو الي محتاج للمدرس مش المدرس هو الي يحتاج الطالب ..

السلبيات:

- بعض المدرسين الله يهديهم بيستغلون صلاحياتهم في إستبداد الطلاب .. لكن أيضا الحل موجود و هو بكل بساطة موقع وزارة التربية بإمكان الطالب انه يطرش رسالة للوزير مباشرة بدون المرور للسكرتير .. و حتى تقدرون اتقابلون الوزير على طول بدون ماتمشون على الروتين القديم ( المشرف - الوكيل - المدير - مسؤول المنطقة - مدير المنطقة التعليمية - مسؤول المدارس الحكومية في الوزارة - سكرتير الوزير - و أخيرا وليس آخراًً وزير التربية و التعليم ) !! :boxed:


و اتمنى انكم ماتحكمون على الشي هذا و ماتبالغون .. و جربوا و بعدين احكموا لكن لاتحكمون على الشي قبل ماتستفذون كل الحلول الموجوده .. :yes:

[نويّر]

الســـلام عليـــــكم

بالنســـــبة لها القــرار طبعا عقــدت اجتمــاعات عن كيـفية الخوض في هالتجـــــربة
ومثل ما قال الاخ لمــــاح هناك الايجابيات والسلبيات
لكن بقول شي السلبيات كثر بعد اللي حضرته:no0:

[منصوري الدوله]

حلاته يكون 50% لكل فصـل .

[منصوري الدوله]

حلاته يكون 50% لكل فصـل .

[نويّر]

حلاته يكون 50% لكل فصـل .

يا ليت ايكون جيه ع الاقل ما بيضيع حق حد

[وحي القلم]

أبله نوير :smartass:

أنا الى فهمته أنه للتقويم الأول 50%
و امتحانات نص السنه 50 %
و الفصل الثاني 50 %
و آخر السنه 50 %

صح جذيه ولا ..؟

و إن كان صح شو الفرق بين هالنظام و النظام الثاني:
(( أنه يكون 50% لكل فصل (الأول و الثاني) مثل ما قال منصوري الدوله ))؟

و السموحه يا نوير عالمغثه

..

[نويّر]

أبله نوير :smartass:

أنا الى فهمته أنه للتقويم الأول 50%
و امتحانات نص السنه 50 %
و الفصل الثاني 50 %
و آخر السنه 50 %

صح جذيه ولا ..؟

و إن كان صح شو الفرق بين هالنظام و النظام الثاني:
(( أنه يكون 50% لكل فصل (الأول و الثاني) مثل ما قال منصوري الدوله ))؟

و السموحه يا نوير عالمغثه

..


لا ختيه لا مغثه ولا شي افا عليج
اللي عرفناه 50% لكل فصل لكن التوزيع العام للدرجات بعده ما توزع صح
وفي شي ثاني بس بعدهم يبون ايشوفون آراء البعض ان الدرجات تكون شرات اي
سنه قبل والله اعلم
للحين الكل محد يدري شو اللي بيينا الايام الياية
الله يهون ع الجميع

[وحي القلم]

مشكووره يا نوير عالتوضيح

أهم شي أنهم ما يدخلون درجات أول و ثاني ثنوي فالسالفه

:bye2:

..

[نويّر]

مرحــــــــــــــبا

ظهرولنا قــــــــرار يديــد

بأنه الفصــل الأول من 100 والفصل الثاني من 100 عقب يقسمونه على 2

ومادري متى بيرسون ع بر

نويّــر

[ولد الشحوح]

للأسف نحن الضحية ....
من قرار زفت لأزفت منه ...
والله حرااااااااااااااااااااااا اام عليهم الحين هم ياخذون على طول نظام اي دولة متقدمة وينفذونه اول سوا دراسة اكيد طبيعة بلادهم غير عنا طلابهم غير وايد اشياء تفرق

[نويّر]

السلام عليكم

اخويه ولــد الشحوح

هاذي الدنيا ماشي يبقى ع حاله
كل يوم تغيير وتجديد وان شالله يكون في مصلحة طلابنا
الله يكتب اللي فيه الخير

نويّـــر

[ولد الشحوح]

نوير
منهج صفوف الابتدائي الوزراة خذته وطبقته وكويت خذوه وما طبقوه اول بيسوون دراسة لمدة سنتين .... القرارات فالوزراة خذوه فغلوه

[أكسجين]

انزين الحين انتوا مضايجين ليش ! بـ العكس المفروض تحمدون ربكم
يعني دفعتنا نحن واللي عقبنا بيتبهدلوون اكثر عنكم
نحن بينحسب لنا معدل سنتين كاملات واللي بعدنا معدل ثلاث سنوات
اما انتوا بيكون معدل سنة وحده بس , وما بتكون مناهجكم يديده مثلنا
.
.
يعني دفعتنا في النهاية هي اللي اكثر شي مظلومه , اول شي بتكون مناهجنا يديده
وبـ نفس الوقت بيطبقون لنا هـ النظام , شييّن بوقت واحد والمناهج السنه اللي طافت بهدلونا وياها
فـ السنة اليايه بيصير لنا توتر نفسي من هـ الشي يعني نحن بنكوون مضغوطين ونحاسب على كل درجه انييبها ~ وسالفة المناهج هاي مستحيل انها تكون نقطة ايجابية لنا , لانا بنحاسب على درجاتنا لمدة سنتين وبتكون المناهج مالنا يديده ~ طبعاً انا اتكلم عن القسم العلمي هم اللي بتكون مناهجهم يديده
.
.
اممم ما ادري بصراحه وياكم حق انكم تتضايجون بس اللي يشوف مصيبة غيره تهون عليه مصيبته !

وحي القلم ~ انتوا ما بيحسبون لكم درجات اول وثاني ولا نحنا ما بيحسبون لنا مال اول
بس اللي بعدنا بينحسب لهم , بيتطبق لهم القرار من بداية المرحلة الثانوية
.
.
نويّر ~ بعدج بتشوفين قرارات واايد , يصدرون القرار ويطبقونه علينا وهو مب مدروس ونحن الضحية بـ النهاية ! , مال الوزاره لو يقولولج ابدي رايج في الموضوع بتتعبين انتي وغيرج من الرمسه وهم اللي حطوه في بالهم بيسوونه ما ادري ليش يطلبون راينا بعد !
اكثر من تسعين بـ المية من المدرسين والموجهين والطلاب واولياء الامور معارضين لـ هـ النظام !
ومال التربية يقولون بيتطبق القرار غصبنا عنا ! طيب ليش من البداية قلتوا لنا ابدوا رايكم
.
.
قهر والله قهر ، بس الله يعين وبنشووف قراراتهم هذي شو نتيجتها !!

:bye2:

[ولد الشحوح]

فراشة ود الله يعينكم بس ما تدرين انتوا لين السنةالياية الله كريم الف قرار بينزل فيمكن يتغير لكم اما نحن اسبوع وبنداوم

[دمعة شوق]

السـلام عليـكم

بسم الله أبـدا ؛ أول شـي بقـول الأشـياء الإيجابيـه لـ هالنـظام اليـديـد
إنه بيسـهل عليـنـا وبنعـق نص الكتـاب هب بنمتـحن الكتاب كله آخر السنـة
؛
هـذا الشي الايجابي الوحيـد في هالنـظـام
؛
إما الأشـياء السـلبيـة هي :

1 . إن بيـكون فـ ايـدينـا 50 درجـة فقـط والخمسين الثانيـة في أيـد المعلمـة وعـاده أنته وحـظك
ويأ المعلمه ؛ إذا حاطتنـج في راسـها عـز الله مايبـتـي عشر درجـات من هالخمسـين .
وعـلى كل كلمه تنـطقـين إبها نقصـتج خمس درجـات * وماشي بقى من الدرجـات *
؛
2 . تـوزيـع الدرجـات ظـلم في ظلـم إذا قارنـا الأدبي بـ العلـمـي ؛ لأن العلمـي التحريري عندهم
مـن 70 درجـة والـ 30 الباقيـه فـ إيد المعلمـة ؛ إما نحن لأ خمسين خمسين .
:no0:
؛
4 . المعلمات مب متعودات على هالنـظام ، نظام يديد عليهـن وأرواحهن يقولن انه شي يديد عليهن
ومب متعودات وصـعبه خاصه لآخر سنـة .
؛
5 . النسـبه كيـف بـتـكون واللي يبا أيب في التسعـين صعبه ؛ لأنهم بيقسمون المجموع على 2
ويالله يالله لو طلعت النسـبه زينـه ومقبوله ؛ بس نحن مانباها زينه ومقبوله نبا في الـ 90
:bye2:
؛؛
انـزين نحن الحينـه نـنـتـظر التعـميــم والرمسـه الأكيـدة من الـوزيــر
ليـن الحينه محد يعرف كيف الوضـع ؛ شرات قبل ولأ بيمشون على النـظام اليـديـد
؛؛
وعسـى خيــر وإذا طبقوا النـظام اليديد عسـى يكون عـدل في توزيع الدرجـات
لأن الخمسين اللي في إيدنا ما تنجحنا ومابنيب منها شـي
؛

ويـا كثـر ماراسـلنـا الوزيـر ؛ بس مانلقـى أي رد
الله يعينا ويسهل علينا ؛ ومايصعبون علينا هاي السنة
:bye2:
فحفظ الله

[دمعة شوق]

ونسـيت أقول حايـه :

للأشـياء السلبيـة :

إن اللي مستواهم ضعيـف جـدا ً من وين بيضونها هالنسـبـه أو كيف بينجحون ؛ خاصة إن النجاح بيكون60 % ؛ ووايد بنات يعني مب إنهن ذاك الزود وحرااام ؛ والله البنات حالتهن حاله
لو بس يمرون ويشوفون كيف الحالة النفسيه والله تعب تعب خاصة اللي ضعاف
كيـف بينـجـحــون ؛ والتحريري مابينجحهم ولا بيضويلهن ربع الدرجة ؟
؛؛
إن نحن هالدفعـة دفـعة بيمشـون عليها القوانين اللي يبونهـن ؛ عنبوه انزين نحن آخر سـنـة
جربوا على غيرنا هالقوانين عقب يوم بتشوفون النتيجة تعالوا وطبقوا عليـنا ؛ بتخربون علينا
وايـد وايـد ؛
:no0:
الله يعنـا بس
ويسهل عليـنا
؛

إنزين الحينه اللي يعرف اللي يبا ايب في الـ 90 ؛ كم لازم ايب نص السنه
وآخر السنة عسب نقسمه على 2 وتظهر النسبـة
:kkk:

[وحي القلم]

دمعة شوق

الله ايعين :bye2:

كل مره اييبولنا رمسه شكل

شي من الابلوات ايقولن أنه بيحسبون درجات امتحانات نص و آخر السنه بس... يعني بدون التقاويم

و حد يقول أنه درجات التقاويم بيدخلن و عليهن نسبه كبيره من الدرجات

و بعد.. ايقولون أنه النظام اليديد مب أكيد أنهم ايطبقونه هالسنه..

يعني نحنى و حظنا

:no0:

مادري متى بينزلون هالتعميم :fa36: ..!

[دمعة شوق]

اففففففف لا تذكرينـي يخويتـي ؛ والله يلوعون بالواحـد ؛
والتقاويـم اروحها بلـوى ودرجات
الله يعينـا
؛؛
وبنتـظار التعميم صـدق ذلونـا
نتريا نفس ماقلتي نحنا وحظنــا
:sad4:
؛
الله يسهل على الجميـع

[قصايد غلا]

:ice: الحمدلله إني تخرجت السنه هذي وافتكيــــــــــــت من صدعة الراس والتعاميم اليديدة :smartass:
تبون الصدق .. هالتعميم زين ومب زين

زيــن إذا المدرسين عندهم ضمير ويعطون كل طالب حقه والمطلوب من الطالب في هالوقت أصلا :
- الهدوء واحترام المدرّس ويطنشون المدرّس إذا قام يتحرطم بليّا داعي .

ومب زين إذا كانوا المدرّسين من النوع اللي مستصغرين عمارهم ويتحرّون عمارهم قد الطلبه ، وعلى أي سبب قال : " ما تدخل الصف باجر إلا بحضور ولي أمرك" :fa36: .

واللي يبا الشي يحطه في راسه ويضغط على عمره بس هالفتره وإن شا الله الله بيوفقكم وبيكرمكم بالنسب اللي تتمنونها :yes:

بس والله إنه أرحم عن ما تنصدمون بالإمتحان إذا كان صعب ولاّ فيه أخطاء " وما باليد حيله دام هذا الامتحان الوحيد اللي بتنحسب منه الدرجه"
عاد اصبروا لين يتصلون بالموجّه و يسألونه وعقب ما يطوف الوقت يردّون عليكم ويضيع الوقت وانتوا زايغين وفي النهايه تنحط لكم درجه انتوا مب راضين عنها لأنكم في وقت الامتحان زيّغوكم

الله يوفقكم لما يحبّه ويرضـــاه :yes:

[ولد الشحوح]

قصايد غلا مطلوب منا تقرير علمي و مشروع علمي لكل مادة شو وين يالسين خذوه فغلوه نحن مب متعودين على هالنظام المفروض يأسسون اللي اصغر عنا مب نحن .......

[دمعة شوق]

قصايد غلا مطلوب منا تقرير علمي و مشروع علمي لكل مادة شو وين يالسين خذوه فغلوه نحن مب متعودين على هالنظام المفروض يأسسون اللي اصغر عنا مب نحن .......



صـدق والله نحن الأدبي الحينه عندنا امتحان عملي
ومشاريع علمـيـه وبحـوث ؛
ولـكل مادة بحـث وتقـاريـر ومشاريع وملفـات انـجاز
ومـن غـير ضغوط الامتحانات كل يوم امتحان كل يوم
والله شي عظيم اذا مر يوم بدون امتـحـان
؛؛
وعلى كل شي محاسبـين أي حركة أي كلمة أي زله ولا شـي إمره نقـصوا
جيـه نحن اول ولا ثاني ثانوي ؛ يعني لازم يراعونا شويه يخففون عليـنا
شو بنواحـي نسـوي ندرس الامتحانات ولا نحضر ولا نحل الواجبات ولا بنزاجع اللي خذنـاه
ولا بنسوي البحوث والمشاريع والتقاريـر ولا النشـاط ولا شـو بالضبـط ؟
:a052:
؛؛
وهـذا وامتحان السيبـا بيدخلونها في الامتحانات
يعني هب شرات السنوات اللي طافـن
:fa55:
؛؛

[قصايد غلا]

صـدق والله نحن الأدبي الحينه عندنا امتحان عملي

ومشاريع علمـيـه وبحـوث ؛
ولـكل مادة بحـث وتقـاريـر ومشاريع وملفـات انـجاز
ومـن غـير ضغوط الامتحانات كل يوم امتحان كل يوم
والله شي عظيم اذا مر يوم بدون امتـحـان
؛؛
وعلى كل شي محاسبـين أي حركة أي كلمة أي زله ولا شـي إمره نقـصوا
جيـه نحن اول ولا ثاني ثانوي ؛ يعني لازم يراعونا شويه يخففون عليـنا
شو بنواحـي نسـوي ندرس الامتحانات ولا نحضر ولا نحل الواجبات ولا بنزاجع اللي خذنـاه
ولا بنسوي البحوث والمشاريع والتقاريـر ولا النشـاط ولا شـو بالضبـط ؟
:a052:
؛؛
وهـذا وامتحان السيبـا بيدخلونها في الامتحانات
يعني هب شرات السنوات اللي طافـن
:fa55:
؛؛



صح كلامك .. أنا وياكم حتى ربيعة أميه أمسات تنشدني إذا أعرف حد يسوّي بحوث
وسألت استاذي جان يقول : "أعرف واحد يسوي بحوث وبيسوي لها"

أصلا الوزاره مب عارفة كيف تتفلسف على الطلبة وتطفّر بهم ، لكن دام هاي كتبة الله عليكم ارضوا

وعلى سالفة انكم "محاسبين " ===> هاي عادي لأنه بعض الطلبة الشرييّن يستاهلون لأنهم صدعه
والإمتحانات والله حتى نحن كنا نمتحن كل يوم وكل إمتحان نفرح إذا نجحنا فيه لدرجة إني أحس بإحبااااط واقول كيف انا جذه غديت غبيه ، بس فوق هذا كنا ندرس مع إنه مدرّستانا مب هاك الزود(في المدرسة اللي سرتها في 3 ثنوي) فـ كنت مضطرة أييب المدرسين البيت
إذا الناس يعرفون شي اسمه ويك إند انا ما أعرفه ، وإذا الناس تعرف ترتاح في رمضان من عقب المدرسة انا لا ، والله كنت أرد وألقى المدرّس في الميلس يتريانا أنا وربيعتي وما كنت اظهر وتعقّدت

أنا بالنسبة لي لو طبقوا هذا القرار عليــه برضى وبستانس لأنه درجاتي أنا أتحكّم فيها :fa42:

وسالفة "البحوث" هذي مب شي
لكن الله يعيــــــــنكم :k_no:

[وحي القلم]

كل يوم عندنا امتحان تقريبا.. متى بنخلص لهم الى يبونه :k_no:

في العربي .. عندنا 40 درجه عالتقرير

و الواجبات 20 درجه ...!!!

و التحريري 80 ..! و من درجة التحريري 20 عالنصوص

شقايل بيحسوبن هالدرجات .. مادري !!! إذا كل درس من النصوص فحدود الست سبع صفحات

و الشفوي و الالتزام 60 درجه ........!

هذا للعلمي مادري بالأدبي شقايل :a052:

.
.

:k_no:

[وحي القلم]

صح كلامك .. أنا وياكم حتى ربيعة أميه أمسات تنشدني إذا أعرف حد يسوّي بحوث
وسألت استاذي جان يقول : "أعرف واحد يسوي بحوث وبيسوي لها"
:k_no:


:fa55:

هاي النتيجه ...!

أصلا جانهم بيمشون على هالنظام مستحيل ايكون شي عدل بين الطلاب

:fa43:

[العجيبة]

مع هالنظــاام اليديد أحس عمري فار تجــارب .. :Oo:

يعني الوزيــر كثر الله خيـره قرر يسوي النظام من يوم ما تعيــن الموسم اللي طاف
والين نهاية شهـر 9 من هالموسم بعـدهم ما كانوا عارفين شو بيسوون وكيف بيتعاملون مع الدرجات

يعني أي مصخــرة يعيشــونـا فيهـا ما أدري :3:

المهم

بعـد طلعـة الروووح .. ومذله ما بعدها مذله

تكــرموا الموجهيــن وسووا اجتماعات للمدرسين عشان يخبروهم عن المهرجانات اللي بنسويها نحن المغلوب على أمرنــااا :glare:

مهرجاناتهم لكل المواد ، مشــروع وتقـريــر ..
يعني أنا في العلمي مثلا يبون مني حق الكيمياء والفيزيا والاحياء والرياضيات والعربي والجيولوجيا
يعني ست تقاريـــر في هالفصـل ، وست مشاريع في هالفصل

القهــر واللي يعــور القلب أكثر شي ان التقـرير عليه بس 10 درجات :m_afaker:

هذا جزء من المهرجان

تعالوا شوفوا المهرجان الثاني
ما شي امتحــانات تقويمية أو تنحط حصة كاملة للامتحان !! > هذا قرارهم
وبالعــربي .. اذا تبــون درجــات لقطــوهــا من وريقــات الكـوزات في بداية كل حصة
يعني نحن عندنا 7 حصص في اليوم ، تقريبا بناخذ 4 أو 3 كوزات كل يوم !!
وبعض الكوزات انت وحظك لأنه محد بيخبرك عنها قبل .. سربرايييــز يعني :vampire:

والمهرجان قبل الأخيــر ، امتحااان شفوي أونه
شو يســووون ؟
المس تدخل الحصة عندها 3 أو 4 كروت كحلية ، ما ادري ليش كل المسات نفس لون الكروت بعد ، يمكن قرار من الوزارة ، ويالله فلانه اسحبي ورقة وجاوبي ..
يعني السؤال تحريري والجواب لازم يكون شفوي > شو المس مستخسرة تقرا السؤال بروحها يعني :vampire:


المهرجان الأخييييــر
هاتوا ملفات حق كل المواد ، توثيق لكل شي تسوونه :glare:
بالعــربي .. بنخم مكتبة الفريج من الفايلات اللي فيهـااا ..


الحمدلله ربي راحمني بشي واحد .. انتقلت لمدرسة البنات فيها هم اللي يتحكمون بالمسات مب العكس
يعني مثلا نقـدر ننكسل امتحان ما عيبنـا ، أو أي شي نبــاه
لدرجة ان البنات يتشـرطن حتى في اللون اللي تكتب به المس في السبورة .. خخخ :vampire:


يالله .. الله المستعـــاااان
ويقـولون ، اللي يبــا شي ما تهـزه أشياء تافهه مثل هذي ..
ولا تتمـوا تقـولون ما بنقــدر .. بتقـدرون لو شديتـوا الهمه

الله يوفقكم جميعــاااا :14:
ا
لله

[وحي القلم]

العجيبه

الناس يخططون و يدرسون الفكره قبل و عقب اينفذون.. و نحنى بالعكس

و بعدين حرام عليهم .. خصوصا سالفة الامتحان الشفوي

أنا أوقات أذاكر بس يوم الابله تسأل ماعرف أجاوب مع اني عارفه الجواب

خصوصا عند الأبلوات الى ما تكون أسئلتهم مباشره

عندنا أبله ما تعطي درجات مووليــــّـــه يعني مستحيل حد اييب عندها 100

لانه نحنى ما عندنا عباقره فالمدارس :glare: عقولتها

فأغلب الدرجات العاليه عندها اتكون أقل من 95 و معجزه إن يبتي أكثر

هذا بالنسبه للأوائل طبعا ولا الباقين .. أكيد أنهم وايد بينقصون

و مادتها من أسهل المواد.. الى كنا نظمن أعلى الدرجات فيها بس الظاهر هالسنه بيكون العكس

.
.

لكن شو بنقول .. الله ايكون فالعون :3:

[أوتار القلب]

حتى أختي تتشكى من النظام اليديد الله يعينها ويعينكم ويعين الجميع :)

[الاسطوري]

السلام عليكم ..

أعرف واحد قبل كم يوم حول من العلمي للأدبي بعدما تسكرت في
ويهه كل الابواب حليله مايبى يعيد السنـه ومهما كان
الادبي مقدور عليه مب مثل العلمي وأنا
أكره ماده عندي الكيميا احس
شي معقد وايد
:a052:

الاســـطـــوري
أخوكم

[وحي القلم]

الاسطوري

وايدات الى حولن من العلمي للأدبي

و دوم أسمعهم ايقولون

" انتي بعدج فالعلمي .. حولي للأدبي أحسن بتظمنين النجاح و النسبه الأعلى :glare: "

و عفكره نسبة النجاح 60 يعني الى اييب أقل عن جيه لازم ايعيد السنه

و ماشي امتحانات دور ثاني للطلاب الى مستواهم مب لين هناك

يعني.. ناجح ولا راسب .. بس ..!

[ريم العين]

الاسطوري احلى واروع ماده الكيميا

احس انه احسن درجاتي بين المواد الكيميا جدا جدا سهله هالماده

العجيبة نفس متطلبات معلماتنا
بس تعالي حتى نحن نتحكم فاللون ونحن نأجل الامتحانات وجي حتى انا اتفلسف على المعلمات احس هالاشيا شي عادية

ليش في مدارس بنات ما يتشرطون وجي؟؟؟؟؟؟!!!!!

بس بقولكم شي عيشووو حياتكم وطنشووو

[الدلووووعة]

ويه انا لو تميت على ها النظام كنت بظمن درجات التحريري لاكن ماكنت بظمن الدرجات اللي عند الابلوات وخاصة مس العربي لني انا ماطيجها وهي شكلها بعد ماطيجي وس الدين من كثر مانطفر بها

يعني تبون الصدق لو كنا شرات ها النظام كنا نص بنات الصف الحينه عايدات السنه والسبه الحشرة اللي نسويها يعني تخيلو مستنا مال انجليزي شو كنا نسوي فحصتها يوم خلاص ملينا مابا ندرس
نيلس نحن عراسها واخر شي تخلينا ^_^ وكانت وحليلها تعاني ويانا فسالفت السيبا ونحن ولا نشاددين

مساتنا مال المواد العلميه احس عادي الكيما كان وااااايد سهل يعني لو طبقو القرار على هاي الماده بيكون عجيب لاكن فالاحياء والفيزيا والرياضيات مايباله ها القرار وخاصة الاحياء والعربي تعرفون نحن يوم نص السنه كنا كل بنات الكلاس دخلن الامتحان وهن وانا وياهم طبعا ماكنا مخلصات الماده

بس يله انتو شدو حيلكم واثبتو للكا انكم قد قراراتهم

وكنو اقوى عن قرارتهم بعد

[وحي القلم]

ريم ريم

و الله نحنى محد ايسويلنا سالفه :10:

انتو يمكن لانكم ترمسون

بس نحنى ما عندنا حد يرمس .. يمكن عشان جيه

يعني مثلا.. باجر عندنا ثلاث كويزات رياضيات و كيميا و فيزيا

و الدرجات بيدخلن فالنسبه :fa43:

[ريم العين]

انا فالقرائة فالعربي انا الوحيده يايبة صفر هههههههه والبنات كلهم درجه كامله

لاني كنت اضحك واتمصخر على الابلة هههههههههههه وخلتني محاوله اخيره وتحملت بس فالاخير ما قدرت اتحمل وضحكت لانه ربيعاتي يضحكوني فعصبت الابلة وطلعت وقالت بتحط صفر ههههههههههههههههه ونفس الحصه اونها تقول انا غاشة يعني حفظ يعني غاشه !!
معصبه فووول مني وانا ابرد ما عندي واحين كله اسويلها طاف خخخخخخخخخخ

وشو بعد بقولج ابلة الانجليزي اونها بتفر عيوني ورا لاني اسولف ويا اللي ورايه ههههههه اونها بتشل عيوني من مكانها وبتفرها ورا وعاد انا كنت ميته ضحك ههههههه

بس تصدقين كسرتي خاطري ثلاث مره وحده احلى شي باجر عندنا امتحان واحد الا هو انجليزي وماشي واجبات ولا شي ^_^

بس فوق كل هذا الحمدلله مستويه شاطره بس اخاف بعد مده ما اذاكر واطنش

[دمعة شوق]

يـاحـزن كـبـدي معـلزهـم
:a058:





مع هالنظــاام اليديد أحس عمري فار تجــارب .. :Oo:

يعني الوزيــر كثر الله خيـره قرر يسوي النظام من يوم ما تعيــن الموسم اللي طاف
والين نهاية شهـر 9 من هالموسم بعـدهم ما كانوا عارفين شو بيسوون وكيف بيتعاملون مع الدرجات
يعني أي مصخــرة يعيشــونـا فيهـا ما أدري


تـرانـا فار تجارب يالعجيـبه
:thumbup1:
صـدق خربـطه ومصاخـه وفلسفـه مالها داعـي ؛ أوكي طبقوا النظام بس بتنظيم
تكونون متفقين عليه قـبـل ؛ هب لـين الحينه من عارفين لعماركم



مهرجاناتهم لكل المواد ، مشــروع وتقـريــر ..
يعني أنا في العلمي مثلا يبون مني حق الكيمياء والفيزيا والاحياء والرياضيات والعربي والجيولوجيا
يعني ست تقاريـــر في هالفصـل ، وست مشاريع في هالفصل
القهــر واللي يعــور القلب أكثر شي ان التقـرير عليه بس 10 درجات :m_afaker:

نحـن الأدبـي لكـل مادة بحـث ومـشـروع وبعد تقـريـر
لا وعليـه عشر درجات
يعني تعبي وتعبي وتعبي وتعبي ولقي بس عشـر
:a068:


تعالوا شوفوا المهرجان الثاني
ما شي امتحــانات تقويمية أو تنحط حصة كاملة للامتحان !! > هذا قرارهم
وبالعــربي .. اذا تبــون درجــات لقطــوهــا من وريقــات الكـوزات في بداية كل حصة
يعني نحن عندنا 7 حصص في اليوم ، تقريبا بناخذ 4 أو 3 كوزات كل يوم !!
وبعض الكوزات انت وحظك لأنه محد بيخبرك عنها قبل .. سربرايييــز يعني :vampire:


نحـن هب كـذي / الكوزات أول عشـر دقايق من الحصـة
ومانـخـليـهـن يحـطـلـنا 4 امتحانات في نفـس اليوم ؛؛ اشـتـطـن عليـهن
:fa32:


والمهرجان قبل الأخيــر ، امتحااان شفوي أونه
شو يســووون ؟
المس تدخل الحصة عندها 3 أو 4 كروت كحلية ، ما ادري ليش كل المسات نفس لون الكروت بعد ، يمكن قرار من الوزارة ، ويالله فلانه اسحبي ورقة وجاوبي ..
يعني السؤال تحريري والجواب لازم يكون شفوي > شو المس مستخسرة تقرا السؤال بروحها

نحـن هـذا ماطبقـوه عـدهم بس بيطـبـقونه في الفيـزيـاء حاليـا ً مادل بعـقـب
:m_afaker:


المهرجان الأخييييــر
هاتوا ملفات حق كل المواد ، توثيق لكل شي تسوونه :glare:
بالعــربي .. بنخم مكتبة الفريج من الفايلات اللي فيهـااا ..


أخــيـس شــي والبحـوث بعد يبون توثيقات ومصادر ومادري ويـش
بـن عـروه بـيـسوي هـذا كلـه

[هزاايم]

^^^بس قريت إلي كتبته وسمعت تحرطيم ربيعااتيه
:Oo: :Oo: الثنويه العاامه ارحم عن هذي الحفله

[ولد الشحوح]

لين الحين ما اتفقوا على نظام واحد كل يوم يعدلونه