جامعة الشارقة..بليز فهموووووووني وساعدوني

[سديم]

السلام عليكم ورحمة الله وبركاته

الموضوع ومافيه ياجماعة الخير انا طالبة ثانوية عامه حابه ادخل طب في جامعة الشارقه

رحت طبعا وسجلت عندهم........وقدمت على طلب منحة.......المهم عطوني ورقه فيها مواعيد المقابلة

اللي يقدمونها اللي يبون يدخلون طب ........

المهم هالمواعيد قبل ما تظهر اسماء المقبولين في الجماعه.......واصحاب المنح.......وهذا اللي مستغربة له......لا ويبون ندفع 3000 درهم ......علشان ندخل هالمقابله ........

الحين شو السالفه بليز اللي عنده علم بهالسالفه يوضحها لي .لأان الوقت يمر علي وانا مب فاهمه

الشي الثاني في معاهد في الشارقه او دبي ياخذون فيها دوره اسمها ايلز او ايزل ماادري والله المهم هي دورة انجليزي علشان نجتاز التوفل في الجامعه اللي يعرف اسم معهد ممكن اروح له امتحن هالامتحان علشان على طول ادخل التخصص يعطيني اياه وبكون له شاكره

ياليت الاقي ردودكم بسرعه .......متحاجة لكم ........

والسموحة

[قرموشة]

وعليكـم السلامـه والرحمـه ..
اول شي بالنـسبـه لـ 3000 درهــم
هـ الرســوم تكـون واجـبه على الكـل .. وتعتبر رسـوم حجـز الكـرسي ..
في حـال حـصلت على المنـحــه .. ترد لك الـ 3000 درهـم .. واذا ما حـصلت الـمنـحـه ما يردونـها
لك .. حتـى لو ما بغيت تدرس في الجـامـعه .. يعني باخـتصار لازم تـدفعهـا وما بيردونـها لك الا اذا حـصلت المنـحـه سواء من الديوان أو من الهـيئـه .. وهـ ال3000 مب بـس لطـلاب الطب .. لكـل الجـامـعه وكـل التخـصصات ..
ثانـي شي بالنـسبــه للمـقابلـه لطـلاب الطـب ..
على حـسب المواعـيد اللي يعطونـها .. وهي بس مجـرد أسئـله وعليك تجـاوب عليهــا .. وتكون واثـق من عمرك
وتبين لهـم أسباب دخولك هـ التخـصص الخ من الاسئله الشخـصيه والدراسيـه .

بالنـسبـه لمـعاهـد الآي لس .. أنـصح بال ( البرتش كونسـل ) سواء اللي في الشارجـه او اللي في دبي .. ولازم تكـون الدرجـه في الامتحـان اعـلى من 5 او بالتحـديد 5,5
واذا بغيت التوفـل أنـصح بـ ( الامد ايست ) اللي في قريـه المعرفـه في دبي ..
بس من رايي تاخـذ الآيلـس لأنـه أسهـل ..

وأي سؤال آخـر حـاضرين .. :)
والسموحـه

[عفاريتووو]

السلام عليكم

مثل ما قالتلج قرموووشة
بس اللي اذكره السنة اللي طافت اني سويت المقابلة عقب دفعت 3000:kkk:

[قرموشة]

عـفاريـتو ..
الـ 3000 ما يخـصها في المـقابلـه ! ولا أنا غلطـانـه
لانـها رسـوم حجـز الكـرسي ..

[نويّر]

الســلام عليـــكم

بالنســبة لجامعــة الشــارجــة وبــالذات منحــه لــدراسة الطــب لازم تدفعيــن 3000 لحجــز كرســي في حالة الموافقــه على المنحــــة
شــرات ما قالت ختيـه قــرموشــه

الله يوفقــج ختيــه في دراستــج ويسهــل عليــج
ان شالله الاخوان ما بيقصــرون ويــاج

نويّـــر

[هزاايم]

يااحيج الصرااحه ربيه يوفقج
وكل الكلام إلي قالته قرموشه :yes: ماعليه اي رمس
وربيه يوفقج
كاان بخاطريه ادرس طب و بجاامعه نفسها لكن ربج والأهل
مااقول إنتي شراتيه مابينا فرق ..فرحت لج شراات فرحتي بذاتيه:fa34:
الله يسر عليييج ولا يصعبهااا يااارب ونشووفج دكتوره:fa34:

[سديم]

الف شكر لكم ياجماعة .........مشكورين ........على ردودكم هذي

وربي يوفق الجميع يارب ......ريحتوني ربي يريحكم دنيا واخره

[قرموشة]

العـفو .. وحـاضرين :)

وييه تونـي انتـبـه . . انتـي بنت . . يؤيؤيؤ
السموحـه منج . .

[عفاريتووو]

عـفاريـتو ..
الـ 3000 ما يخـصها في المـقابلـه ! ولا أنا غلطـانـه
لانـها رسـوم حجـز الكـرسي ..

هيه ما يخصها بس تدفعينها عقب المقابلة ,, عشان تجوفين لو يقبلونج ولا لا
بس على ايامنا كانوا يقبلون كل حد درجاته عالية

[جنون امرأة]

حياج الله في جامعتنا ..

اذا بغيتي أي شي .. نحن موجودين ..

موفقه انشاءالله ..

[سديم]

الف شكر لكم يابنات وياشباب على هالمعلومات ........

والله انكم افدتوني واايد

تسلمووووووون

وعساكم ع القوة