أعضاء الواحات و كرة القدم ! [الأرشيف]

مشاهدة النسخة كاملة : أعضاء الواحات و كرة القدم !

عفاريتووو

06-07-06 ||, 12:14 PM

السلام عليكم

http://upload.bindubai.com/download/3afaretooo1/football1.jpg

كرة القدم من اكثر الرياضات اللي لها شعبية بين الناس
حتى بالواحات ,, اكثر اعضاء الواحات يمارسونها او حتى يتابعونها

خلنا نتعرف اكثر على اعضاء الواحات و هــ الرياضة

كيف يلعبونها ؟
وشو الذكريات اللي مرت عليهم بــ هــ الرياضة ؟
منو يشجعوون ؟
و كيف يشجعوووون :fa34: ؟

..

بنبدا مع عضوة من اعضاء الواحات عنصرية :harhar1:

http://upload.bindubai.com/download/3afaretooo1/football2.jpg

هزايم وكرة القدم :

لعبه كرة القدم نلعبها من كنا صغاار وبحكم عنديه أخو عشقه وموته السيطره و التحكم فكنت ألعب وانا عمري 6 سنواات ودوميه حليل حالي يا بخط الدفااع أو حاارس واسمينيه انصلخت الأخ يتحرى عمره كابتن مااجد وانا الضحيه وبعدها كبر المجال عيال خواليه و عيال الفريج ذييج على أياام قبل أما الحين العب بالصاله..صالة البيت مش صالة الملاعب لأن برع البيت ماشي :narr: فاطلع حرتيه بالأثاث وأعلبها مع أخوي الأصغر وولد إختيه و بناات خالي وخخخخخbrgll: إذ الوالد يريد يحرق بعد الغدى يلعب معاايه والمشكله هو لي يبدى ولو صار حاجه يفر على راسيه :nono: يعلني افدااه:kcl: ونحضر مباراياات إلي بالأنديه يعني شراات نادي السيداات بوظبي ودبي وaus , aud ,zu وطبعا مع بناات بوظبي:fa34:

من ذكريات هزايم ويا كرة القدم :

خخخخخخ آخر مره لعبت بالحوي كنت مع أخوي الصغير وولد خالي و ربعهم كانوا تقريبا عمرهم عشر وأو تسع>>بعد اللعب حصلت هزبه محترمه من الحجيه<<المهم كنت انا وولد خالي و كم نفر من ربعهم بفريق و أخوي و بنت خالي و كم نفر بفريق الثاني المهم الأخ ولد خالي كانت يتخقق بساعته دايتوونه وكل مارفع يده كنت اصارخ حيووا صناعات بانكوك وانا بنت الخال حوارس فنصفق:harhar1: ووهم بالوسط الميدان يتضاربون مره وحده اشوفه خذ الكره من عندهم و:narr: يعني ياك الموت يا تاارك الصلاه الذكي نسى إنيه بفريقه وقاام يريد يشوووت قلت بقوف اصدها يعني كذى ولا كذى رااح يتحرطم على راسيه إلا شاات وتشوفينيه يدي انصلخت محمره و الكره هاهاها دخلت بالشبك إلا لحظاات الفريق الثاني يحبوون راسه و:fa34: وشاالنهم الهوى وجان يستوعب ولد الحلال:boxed: وطلع حرته فيني وبعد ماتحرطم قلت عااشت الصناعات البانكوكيه إلا اشوفه يجلني من مكانيه ويوقف هو حاارس ويصاارخ:هزاايم لاحد بيخسرنا غيرج دخلي عسااج تتجسحين زيااده ..ودعوته مستجابه صج دفنوني شقى أقويه الله ياخذ ابليسهم

الاندية والفرق اللي تشجعها هزايم :

بالإمارات لاحد يعني يعتمد حسب الفريقين لكنيه اشجع طبعا الحكم:fa34: حيووه واايد يتعب هالأياام..اما بالموندياال برتغااال:fa34: وايطاليا:fa34:

هزايم و متابعة المبارايت :

مباريااات الدوري والكاس إلي عندنا اشووفها مع اخوي الصغير إذ كانت ايام االإسبووع وإذ كانت بالويك اند مع بناات خالي..وخخخخخ مباريات الدوري والكاس مافينا حمااس كل نتحرطم..أما المونياال وااي اخوي العود :fa34: او مع اختيه لو هو مش موجود وتشجيعنا فنان يعني إيطاليه صج من الخااطر نتاابع أعلام>>ببلاش محصلينه من بيلاbrgll: لو كذى من رااح يتفيج يشتري..وأكيد الجلساا ماتحلا إلا بالحب و المكسراات و شاي وكرك وخرابيط شراات الشبووس و الديو والباجي الحاجات وكل ماوصلوا المباراه للبلاتياات كل مازااد الحمااس والبلع:doh:

شكرا لج هزايييم :fa35:

..

ننتقل لــ عضو من اعضاء الواحات

http://upload.bindubai.com/download/3afaretooo1/football3.jpg

عاشق القلم و كرة القدم :

كرة القدم هي اكثر رياضة امارسها ويمكن اكثر رياضة منتشره ويمارسها الكل .. لانها ماتحتاح الا لكورة ومرميين يتحددون الله يكرمكم بنعل والا بحصى والا اي شي .. وانا عن نفسي احب امارس الرياضة هاي لانها ممتعه خاصة اذا كان عدد الاعبين مناسب والجو حلو ..

كل اسبوع العبها مرة .. وعادة يوم الاربعاء من كل اسبوع
في الصيف نلعب في وحدة من الصالات اللي في جميرا .. اما في الشتاء نلعب في اي حديقة متوفرة ..

و العبها ويا ربعي اكيد .. وربع ربعي .. واي حد ينضم ويانا .. ونلعب تقريبا 5 ساعات متواصله ..
نحن ما نختار مراكز محدده .. كل واحد وحسب رغبته .. لعب عشوائي يعني .. انا اتجه عادة للهجوم .. ولو تعبت ارد دفاع والا اوقف حارس

من ذكريات عاشق القلم :

الذكريات الطريفة كثيرة .. بس بقولكم وحده منها ..
مرة وانا تعبان رديت وقفت حارس .. وطبعا انا مب مركز مول من التعب .. فواحد من الدفاع ردلي الكورة وانا ياي بيودها جان تمر من بين ايديه و تحت ريولي و تدخل في الجول .. :doh:
وعاد ينطلق الضحك في كل انحاء الملعب :hist: وانا جيه :kcl:

الاصابات اللي تعرضلها عاشق :

مرة كنت منفرد بالحارس وانا طاير صوب المرمى والحارس طاير صوبي .. و شكله الاخ متحمس زياده عن اللزوم .. جان اشوفه نزل سلايت ببريله على ريولي بالقو .. وانا الله يسلمكم من كل شر طحت عالارض واتجبست ريولي اسبوع ..

وبعد مرة رفعولي كوره ووانا نقزت اوني بييبها هيت .. وبدال ماضرب الكورة ضربت راسي بالعارضة .. وبعيد الشر عنكم انجرحت يبهتي ويهي كل دم :no0:

الاندية والفرق اللي يشجعها عاشق القلم :

طبعا في الامارات انا اشجع نادي العين ،، اما في المونديال مثل ما الكل ملاحظ اني ايطالي .. واتمنى الكاس ايطالي هالسنه

اللاعبين المفضلين عند عاشق :

محليا .. سبيت خاطر ,, عالميا .. دل بييرو

عشاق القلم و التشجيع :

في الملعب : اذا مباراة نادي العين ايلس على اعصابي .. وما قر مكان واحد .. يعني كل شي اوقف واصارخ و فوقت الجول بهدله .. الغتره فوق اطير وانا اناقز وسوالف الله يبعدكم عنها :no0:

عند التلفزيون : دوم ايلس عادي .. بس لو مباراة توتر وخاصة مباريات المنتخب اللي يرفعون الضغط لازم في اشياء تنفر عالتلفزيون .. يعني افر مخدات ومكسرات .. ومرة من كثر الغيظ فريت تلفوني جان يتكنسل :fa36:

اتقبل الخسارة .. بس اعصابي تكون متوتره فما اكلم حد وارقد عادة .. فالافضل محد يرمسني وقت الخسارة :unlock:

حمدالله عــ سلامتك ,, و شكراا لك :yes:

..

لي عودة ان شالله مع عضوات و اعضاء ثانيين
و اتمنى انكم استمعتوا بالموضوع

عفاريتووو

06-07-06 ||, 01:10 PM

http://upload.bindubai.com/download/3afaretooo1/football4.jpg

دمعة شوق وكرة القدم :

ألعبها إذا كان الجـو يسـاعد ووين ألعبها اممم مرات العبها في الحوش
ولا في العـزبـه مرات ، واذا ضاقت الحيل نلعب في الصاله بالدس
brgll:
ألعب ويأ خوانيه الصغاريه أو خويه اللي اكبر عنيه بشويه
واكثـر شي في الهجـوم أيبـلهـم أجواال بالهـبـل ولا اكون الحراس
:waa:

من ذكريات دمعة شوق :

وذكرياتيه يطوليه بعمـرج مره كنا نلعب في الصاله وكان الغدا

والكوره عند خويه فـ قتله باص قصدي ممرها صوبيه ومااتي على
ويه اختيه العووده وغدا ويها حمرررر خخخ والشرده يادمعوه
:hist:

النادي و المنتخب اللي تشجعه دمع شوق :

أكيــد الـعيــن (الزعيــم ) // منتخبيـه في المنوديـال كان البرازيـل

افضل اللاعبين عند دمعة :

نادي العيـن سبيت خاطر و الوهيبي ووليد سـالم حارس العين

و ابوبكر سانجو قبل يوم كان ويأ الزعيـم

دمعة و التشجيع :

حالتيه حاله تلقين الحب منشوور في كل مكان ومنسدحه اطالع

واذا يابوا جوول انقز واصارخ واصـفـق صدقيني لاشعوري
:fa34: :hist:

و في حالة الخسارة :
اخوز من عند الشعب لا احط حرتيه فيهم
:bye2:

دمعووووه تسلمين على مشاركتج في الموضوع :fa35:
..

http://upload.bindubai.com/download/3afaretooo1/football6.jpg

محب الشيخين من لاعبي كرة اليد بس بعد يتابع كرة القدم

النادي و المنتخب اللي يشجعه محب الشيخين :

اشجع نادي الامارات والعين والمنتخبات فأشجع البرازيل و فرنسا

اللاعبين المفضلين عند محب الشيخين :

اكثر لعيبة منتخب فرنسا !

محب الشيخين و متابعة المباريات :

هنه المصيبه عاد !
احب اطالع المباريات بروحي عشان ادقدق اي شيء حذالي ومحد يضحك علي

في حالة الخسارة :

عادي واحطي مليون عذر لهم !

شكراا لك اخوي ,, ولنا وقفة جريبة ان شالله مع كرة اليد :yes:

..

http://upload.bindubai.com/download/3afaretooo1/football7.jpg

شرجاوي و كرة القدم :

لعبتها ل مرات قليله ما تتعدى العشر ...

النادي و المنتخب المفضل عند شرجاوي:

فريقي الاماراتي طبعا الشارقه .. و المونديالي المانيا

اللاعب المفضل :

لاعبي المفضل كلوزه

شرجاوي و التشجيع :

اشجع فريقي بعصبيه سواء على التلفزيون او فالملعب

شكرا لك اخوي على مشاركتك معانا :yes:
..

بعدنا مستمرين ان شالله مع اعضاء اخرين

تنينه

06-07-06 ||, 11:23 PM

مــجهود تـشكرين عـليه الصراحه أختي عـفرت :fa34:

لا عدمناج

تنينه :fa35:

هزاايم

07-07-06 ||, 12:22 AM

خخخخخخخخخخ لاحظتووا شي :hist:
سؤال المسااببقه من اكثر عضو يهثرب...:kkk: مافيها تفكير>>ربي اغفر لي ياارب و للجميع
سلمتي يالشيخه على المجهوود الطيب ولاهنتي وانتظر إلي بالي بااالج بس تغايضين بيه بالصورbrgll:
عسااج أزود من الموااضيع الطيبه

راعي الزعـامه

07-07-06 ||, 02:10 AM

وانا ثاني اكثر عضو يهذرب
شو انسوي وايد مواقف اتمر علينا في الكورة
مشكوره عفاريتتوو على الموضوع وعالجهد المبذول ،،
تسلمين ،، :)

تنينه

07-07-06 ||, 03:56 AM

صــدق أكـثر عـضوه هذربت هزايم:puppyeyes: وعقب عاشق القلم لوووول :hist:

طـلعت عـيناوي يــا حييك :fa34: ,, بــس حلووه سوالفكم brgll:

عفاريتووو

07-07-06 ||, 09:45 AM

http://upload.bindubai.com/download/3afaretooo1/football9.jpg

بنت الدلع و كرة القدم :

نادر ما العبها واذا لعبتها في البيت طبعا
ويا اخواني
او احيانا ويا الصغاريه ، الدفاع و الهجوم :kkk:
اي مكان يحطوني فيه العب :harhar1:
عادة نكون شويه مب واايدين
حدنا 6 :fa34:

من ذكريات بنت الدلع :

اكثر المواقف الي تستويلي
ان يوم يشوتون الكره اخاف منها واحط ايدي على ويهي :kcl:
اذا كانت قويه يعني اخاف تصيبني
واكثر شي يستويلي ان يوم يشوتون الكره بالغلط اتي في راسي وانا يحليلي ميخصني:doh:

الفرق اللي تشجعها بنت الدلع :

مممم مب دايما متابعه للمباريات
يعني اكثر الاوقات اشجع العين
وفي المونديال على حسب اخواني :puppyeyes:
بس المهم اني ما اشجع البرازيل

اللاعبين المفضلين عند بنت الدلع :

:kcl: مب حافظه اسامي اللاعبين الصراحه
وايد علي حافظه اشكالهم

بنت الدلع والتشجيع :

اشجع بكل رقه وهدووء
ويوم ايبون قول اصفق:fa34:

و في حالة الخسارة :

:nono: اقول انهم مايعرفون يلعبون :harhar1:
لالا عادي اخذها بروح رياضيه :yes:
اليوم بيخسر وباجر بيفوز

..

http://upload.bindubai.com/download/3afaretooo1/football8.jpg

قايد الريم و كرة القدم :

من يوم كنت صغير امارس اللعبة . :kcl:
بدايتي بالفريج ومن عقب في النادي بس ما تميت وايد في النادي لاني من اشتغلت في بوظبي تركت النادي .. العبها ويا ربعي طبعاً . العب في الدفاع ووظيفتي مساك.

من ذكريات قايد الريم :

امممم ما اذكر بس اتعرفين يوم كنا نلعب في الفريج ضرايب طووول المبارة ..

الفرق اللي يشجعها قايد الريم :

اشجع نادي الوصل محلياً ، وعالمياً منتخب البرازيييل .

من اللاعبين المفضلين محليا عند قايد الريم :

اممم لاعيبة المنتخب كلهم.

قايد الريم ومتابعة المباريات :

اتابع المباريات في النادي ... صراااخ وضاريب وسب وكل شيء. :boxed:

حالة قايد الريم عند الخسارة :

اكيييييييييييد حزييييييين :no0:

قايد الريم ,, شكراا اخوي على مشاركتك معانا في الموضوع :yes:
..

لي عودة ان شالله مع اعضاء ثانيين

ألم ترى

07-07-06 ||, 12:43 PM

بسم الله الرحمن الرحيم ..

شكرآ اختي ع المقابله ..

بحفظ الله ورعايته ..

هزاايم

07-07-06 ||, 01:32 PM

صــدق أكـثر عـضوه هذربت هزايم:puppyeyes: وعقب عاشق القلم لوووول :hist:

نستااهل:fa34:
من صدقه أخوي عندنا ذكريااات مع الكره شو انصلخ ببلاش لازم الأجيال اليايه تتذكرنيه وبطولاتي و حليل حالي كيف اضحي بنفسي

عفاريتوو الشيخه ننتظر البقيه الباقيه

العجيبة

07-07-06 ||, 02:50 PM

ما شاء الله ، لعيييبــة النـاس اهنـي ..

موضوع حلووو ومرتـب .. عيبنـي لقاء عاشـق القلم ، وايـد متأثر الأخ وحالته مستعصية !

مشكـورة اختي عفاريتـو ع جهـودج الرائعة .. نبـا نشـوف لقاء " عفاريتو وكرة القدم "

ولد الحكومة

07-07-06 ||, 03:13 PM

وعليكم السلام ورحمة الله وبركااااته
موضوع وااايد حلوووو وفي قمة الروعة ، الصراحه جهد تشكرين عليه واااااايد اختي المبدعة فوفو ( هذا اسم الدلع طبعاً brgll: ) .

يعطيج العافيه وبانتظار المزيد من المواضيع الحلوة.

فمان الله

عفاريتووو

08-07-06 ||, 11:13 AM

http://upload.bindubai.com/download/3afaretooo1/football10.jpg

تنينة و كرة القدم :

الــكـره هالـشي المنتفخ المملؤ بالهـواء :4: ,, مـنذ وجودي و ظهوري على الكـره الأرضيه وأنـا
أجوفه فـي البيت:nerd: ,, دووم بـين أقدام أخواني يلعبون فـيه ,, أتذكــر يوم كــنت صــغيره كــنت ألعب
كـره ساعات ويا أخواني في الحـوي ,, كــنا ننقسم فريقين وكـل فريق مـتكون من لاعبين واحد في
حـراسة المرمـى والثاني هجوم لووووول:fa56: صدق قاصين على عمارنا خ خ خ ,, ومــا كــنت أرضى
أنا ألا بالهـجوم :glare: ,, كــنت أحاول أقلد كابتن مـاجد بـس ما فلحت ولا قدرت أقلده في شي غـير أني
الكابتن :fa46: ههه ومـركزي شراته في الهجوم بـس أنا بـدون لعيبه أقودهم ألا هـو الحارس المسكين
لوول:puppyeyes: ,, وأنــا عـاد كان يخلوني في الهـجوم بـعد لأني أصلا أكبرهم لوول يعني كلمتي هي اللي
تمشي هييه كيكيكيكيكي:negab: ,, أحــيد ساعات بــعد خـالي كــان يلعب معانا استهبال يـشل الكـره مـنا بكل
سهوله ويمـر حذالنا بـكل برااد ونحن 4 عـليه ما نقدر أنشل الكـره هههه دووم كان يقولي ويتحداني
أني أشل الكره مـنه بس ما جت شليتها هيهيهيي ,, << هاللعـب والرمسـه يوم كــنت صـف ثالث ألين
سادس او اول اعدادي تقريبا ,, وعقب عــاد العيال عااد كبرت:ma9dom: وصاارت ركلاتهم للكره اقوى وانا
عاد ما فيني اتكسر ولا شياته :fa54: ,, هم بروحهم عقب اصلا كبر راسهم وما قاموا يسوون لي سالفه
:bye2: ,, عـلى أيام الأعداديه والثانويه يوم كانت أبلة الرياضه اتلعبنا كـره مــرات كــنت ألعب لأني
أغلب كلاسات الرياضه ما كنت أحضرها لوول:fa52: ,,

النادي اللي تشجعه تنينة :

يـوم كـنت صف سادس أو اول أعداادي أعتقد حــبيت نادي العـين:kcl: ,, مـع أنه مـحد في البـيت يشجع
العين الكل حـاط على هالنادي ,, بــس أنا خـالفت العايله والتقاليد المتعارفه لووولbrgll: ,, حـبيت نـادي
العين صدق من خاطري وصرت أتابع مبارياتهم أول بأول واتـضايج وأعصب اذا خـسروا وصدق
استانس اذا فـازوه:fa34:

تنينة و متابعة المبارايات :

دووم يـوم المباريات كلنا نتيمع في الصاله وأنجوف مع بعض ويا أخواني بـعد أحـلى حـماس لووول
:5: غـير يـمعه الأولاد :4: ,, ودووم أي فـريق يلـعب مـع العين هـم ضـد العـين :nono: ,,
عـاد هـم يحطون وأنا أدافع ,, أحــيد مـره أمي قالت لي تنينه هـديتي نادي عيمان وكل نوادي الشارجه
ودبي وشجعتي العين هههههه ,, قـلت لها أمي السالفه مب سالفة مدينه أو بعد مسـافه بس هالنادي
أحبه ومتميز أشجعه :cop: ,,

تنينية و التشجيع :

عــلى أيــأم المــدرسه صــدق كــنا أنحــس بــطعم الدوري والمباريات ,, كلاسنا كـان نصه وصلاويه
والنص الثاني عيناويه ودوم عـاد حـط وتقطيع لوول كشخه بس سوالف يعني مب ضراابه:fa32: ,, عـاد
يوم مباريات النـهائي والعين أتفوز لازم البيت أعـزمه :6a: ويوم أسير المدرسه اليوم الثااني
لاازم بعد أكون موديه شي بمناسبة الـفوز لووول:hade: ,, يوم مباريات العـين عـاد لازم أنكون
لابسين شي بنفسجي ,, الشيله ولا أي شي كيكيكيكيي:negab: ,, غـير الشعارات على الطاولات وسالفه
لووول << طلعت الفضاايح ,, أحيـد مره أبلة الفيزياء يالسين أنقولها مس اليوم المبارا ه النهائيه
تابعيها كانت بين العين والوحده ,, جان تسألنا مـنو اقوى فريق عندكم ,, عـاد سمعوا الصراخ كل وحده
بصوب العين الوحده الوصل لووول:waa: قالت خلاص خلااص ما أبى أعرف brgll: ,, يـوم كانت العيـن
اتفوز صدق كـنا اليوم الثاني ضحك ومسيرات كيكيكي:fa34: ,, ألحين في الجامعه مـا شي كل هالحركات
والخبال << كبروا البنات عقلوا لوول ,, حاليــاً ألحين في المونديال أشجع منخب أيطاليا ,, أتـابع
مباريات المنتخب في البيت مـع أخواني بـس لاازم يوم مباريات أيطاليا بنت خالتي أتي أتجوفه معاي ,
, اثنيناتنا أنشجع أيطاليا:fa34: عـاد يوم الصراخ والزعاج مع بعض لوول حـتى يوم نتحرطم ولا شي مـع
بعض:sad4: معاي نفس الخـط لووول ,, دووم يوم أيطاليا أتييب قوول لازم أمي أتنش من الرقاد على
صراخي لووول ,, أحصل محاضره عقب اتسير ترقد لوول ,, حليلها آخر مره نشت متروعه شو في شو
أستوى عاد ع الساعه 1 :boxed: ,, أخواني ما شي فريق بنتج ياب قوول لوولbrgll: ,, اتقول اجوفها
لاابسه هالقميص الأزرق قلت اليوم مباراتهم عيل يؤيؤيؤيؤ حرجات ^^ ,,

المــباريات صـدق لـها طعم ثااني وطقوس حلوه لووول ^^" ,,

تنينة brgll: ,, تسلمين على مشاركتج ويانا في الموضوع :yes:

..

مب معقوولة نرمس عن كرة القدم و ما نيب طاري كلكلوش :harhar1:

http://upload.bindubai.com/download/3afaretooo1/football11.jpg

كلكلوش و كرة القدم :

حاليا قطعت عن الكوره و السبب الانشغال و المشاغل ..بس كنت العبها العصر و اوقات فليل .. على حسب ..
كنت العب في النادي لين ما اتعورت و طلعت .. بعدين رديت للفريج ..
مممم اي حد يبى يلعب وياي .. العب وياه ..

كنت العب في الوسط .. و لازال مركزي المحبوب ..

من الذكريات الطريفة اللي مرت كلكلوش :

هممممم .. من الذكريات الحلوه ان مره كنا سايرين نلعب مع الوصل .. و نفس الوقت كنا ناسين لبسنا

:harhar1: .. فـ انحسبت 2 / 0 لصالح الوصل :nono:

الفرق و المنتخب العالمي اللي يشجعهم كلكلوش :

الشعب و الشارجه ..
و فريقي المفضل عالميا اي سي ميلان .. و برشلونه ..
و في المونديال البرازيل لكنها طلعت ^_^

اللاعبين المفضلين عند كلكلوش :

محليا .. العنبري .. إسماعيل مطر ..

عالميا ..شفشنكو .. كريستيان رونالدو .. رونالدينهو .. زيدان

كلكلوش و التشجيع :

الله لا يراويج . اسألو نصووور عني brgll: .. ما يتم صوووت ..

حالة كلكلوش في حالة الخسارة :

على حسب .. هل الخساره منا .. هل ادى فريقنا ! .. هل خسارتنا مستحقه . خسرنا بأخطاء تحكيميه !
لكل خساره موقف .. لكن اكيد اتقبل الخساره مثل ما اتقبل الفوز ..

كلكلوش شكراا اخوي على مشاركتك ويانا :yes:

..

مستمرين ان شالله

المزيوونه

08-07-06 ||, 03:57 PM

تسلميين اختيه ع الجهد المبذول .. الصراحه عجيب ..وفكرته حلوه ..

موفجه ..

كـلـكـلـووش

08-07-06 ||, 04:22 PM

صـدق ليـن قالو احذر لسان البنت :harhar1:

ما شاللله شكثر يرمسن :nono: > قلت ماشالله تراني :harhar1:

عفاريتووو .. الفكره حلوه و مبتكره .. و ابدعتي فيها .. و تصاميمج زادت الموضوع ترتيب ..

الموضوع كلو على بعضو ( اوقيييق ) :yes:

تسلمين على هالمجهود ^_^

تنينه

08-07-06 ||, 06:59 PM

هممممم .. من الذكريات الحلوه ان مره كنا سايرين نلعب مع الوصل .. و نفس الوقت كنا ناسين لبسنا

.. فـ انحسبت 2 / 0 لصالح الوصل

اســــمــيني مـت من الضحــك يـوم قريت هالرمسه :fa56: :fa56:

صـدق ليـن قالو احذر لسان البنت

ما شاللله شكثر يرمسن > قلت ماشالله تراني

مــا أدري لـيش شكـيت في عمري :fa46: المــهم قلت ما شااء الله ^^"

عــفرت تسلمين ع المـجهود الطــيب :qor9anah: لا عـدمناج الغاليه :fa35:

عفاريتووو

09-07-06 ||, 02:16 PM

http://upload.bindubai.com/download/3afaretooo1/football12.jpg

العجيبة و كرة القدم :

اللي أعرفه اني ما كنـت أداني شي اسمه كورة
لكن تغيـرت فجأة من انتقـلت لمنطقة يديدة ، البنات فيها مهووسات بشيء اسمه كرة قدم وعـاد استـويت أنا من اللي ينقال عنهم " من عاشر قوما 40 ليلة وأكثر صار منهم " !! لوول وقمـت أتابع بعـد وعيبتنـي اللعبة وايــد وبديت أفهم شو اللي يصير وليش حتى الجرايد مخلية الجزء الكبير من ملحقها الرياضي لهاللعبة !! :fa35:

ما حصـل لي الشـرف العبها في الحقيقة والواقع
لكـن لعبتها كم مرة في البلاي ستيشن ! :ice:

الفرق اللي تشجها العجيبة في الامارات و في المونديال :

في الامارات .. الـوحــدة :fa35:
وفي المونـديـال .. للأســف البـرازيـل :no0:
لكنـي حاليـا ويا ايطـاليـا :smartass:

اللاعبين المفضلين عند العجيبة :

إسماعيـل مطر وصالح المنهالي
وعالميا يعيبنـي كــاكــا :ice:

العجيبة و متابعة المباريات :

أكيد أشوفها بروحـي ، لان محد عندنا ميوله كروية !! :fa36:
وفي نهاية الأسبوع واذا صادف شي مباراة أشوفها في بيت خالي ،
هنـاك ربشــة وإحساس ثاني بطعم بالمباراة :fa34:

العجيبة و التشجيع :

اشجع عـادي .. آكل حـب .. أشرب بيبسي .. وأطالع :harhar1:

تسلمين العجيبة على مشاركتنا في الموضوع :fa35:

..

http://upload.bindubai.com/download/3afaretooo1/football13.jpg

عيون الليل و كرة القدم :

بصراحة يوم انا صغيره كنت العبها .،.، كنت وايد متأثره بقوم كابتن ماجد لـوول .،.، لدرجة انه كان عندي تي شيرت اختيه يايبتلي اياه من لندن ما حشمته لـوول .،.، يبت الالوان وصبغته وحطيت عليه رقم 10 لوول اونه كابتن ماجد .،.،
كنت العب مع اخواني وعيال اختيه لانهم في نفس سني وساعات عيال اليران :kcl: واحيد كنا انسوي خطط للعب " لعبنا ما كان اي كلام" :terms:

الفرق اللي تشجعها عيون الليل :

اشجع العين محلياً وبرشلونه عالمياً ومن المنتخبات " ايطاليا"

عيون الليل و متابعة المباريات :

المباريات اشاهدن مع الاخوان والاهل ف البيت

عيون الليل و التشجيع :

التشجيع عادي .،.، انا اكون يالسه اسوي شي ثاني واطالع كل شويه النتيجه .،.، يعني مب وايد مولعه في هاللعبه الحين بس احب اتابعها وبالذات اذا كنت مع مجموعة

شكراا عيون الليل عــ المشاركة :fa35:

..

مستمرين ان شالله

بنت الدلع

09-07-06 ||, 04:25 PM

تسلمين عفاريتوو

موضوعج وااايد حلو ومرتب

عفاريتووو

12-07-06 ||, 11:32 AM

http://upload.bindubai.com/download/3afaretooo1/football14.jpg

شوق القلوب و كرة القدم :

يوم كنت صغيره كنت العبها في بيت ربيعتي.. كنا بنتين و ولدين.. طبعا انا الفاشله من بينهم.. ( ع فكره انا خوااااااافه من الكره... احس انها بتكفخ راسي ) .. من جي اللعبه اللي استمتع فيها تنس الطاوله... الكره صغيرووونه و ما اتعور brgll: ... اما الحين على كبـــر... العب في الصاله تحت ويا عيال اختي.. و آخر امباراه كانت يوم الخميس... ههههههه كسروني بكرتهم ( الاصليه ).. حشى ثجيـــله و اتعور الريول... :boxed:

شوق القلوب و متابعة المباريات :

ممم.. أتابع مباريات المنتخب في كأس الخليج.. أو اي تمثيل للامارات في المباريات الرسميه.. و مباريات كاس العالم .. اتابعها ويا على حسب منو موجود.. بس غالباً و يا اختي و امي

شوق القلوب و التشجيع :

طبعاً اكون مندمجه لاخر درجـــه.. :fa34: تعالي اسمعي الـ " الــــلااااااااااااااااا " يوم اتضيع فرصه تسجيل للفريق..

النادي الاماراتي اللي تشجعه شوق القلوب :

والله انا لا افقه شيئاً في الانديه... بس غالباً ما أشجع النادي الي يلعب ضد العيــــن brgll:
و تقدرين اتسميني وحداويه.. او شعباويه " عشان خاطر الطلياني "

و في كأس العالم :

في مجريات كاس العالم.. كنت أشجع http://www.uaegoal.com/ibgoal/style_emoticons/default/netherlands.gif لسبب مااااا brgll: .. و في النهائيات كنت اشجع http://www.uaegoal.com/ibgoal/style_emoticons/default/france.gif

افضل اللاعبين عند شوق القلوب:

اللاعبين الوحيدين اللي أذكرهم و اعرف لعبهم و مستواهم هم منتخب الامارات الذهبي على ايام الطلياني و محسن مصبح.. شله المنتخب اللي شاركوا في كاس العالم سنه 1990 صح اني ايامها كنت صغيـــره.. بس اختي الكبيره وايد كانت اتابعهم.. حتى اذكر كنا انسجل لقاءاتهم... هههه يعني ناس مشتطه ع الاخر :fa34:

شواقة استمعتنا معاج باللقاء :yes:

..

http://upload.bindubai.com/download/3afaretooo1/football15.jpg

صريح و كرة القدم :

العبها تقريبا كل اسبوع في مرزعه واحد من الربع فالخوانيج و اذا الجو ما يساعد نحجز صاله من الصالات الموجوده في دبي ,, العبها ويا ربعي اكثر شي و مرات ويا ناس ما نعرفهم
انا العب وراا المهاجمين دوووم هذا مكاني و ما اغيره

من ذكريات صريح :

في كل مره نلعب فيها اكيد تصير مواقف طريفه بس ما اذكر شي منها الحيـن
بس اللي اذكره انه يوم كنت في المدرسه "صف سادس" كنا نلعب كووره بقوطي البيبسي
الانه ما كانو يخلوني نلعب فالفسحه و يشلون الكوور عنا اذا شافوهن

النادي الاماراتي و المنتخب العالمي اللي يشجعه صريح :

أكيـــد نادي الشـارجه و منتخب البرازيـل

اللاعبين المفضلين عند صريح :

محليا: سبيت خاطر و سالم خميس و العنبري
عالميا: كرستيانو رونالدو و رونالدينو

صريح و التشجيع :

دووم اكون على اعصابي و عن كل هجمه خطره افز من مكاني ههه

في حالة الخسارة :

اذا فريقي خسر المباراه و كان يلعب زين اكون عادي و اتقبل الخساره
بس اذا ما كانوا يلعبون زين و خسروا محد يكلمني "اتقي شر الحليم اذا غضب" مثل ما يقولون

صريح ,, تسلم اخوي على المشاركة في الموضوع :yes:

..

مستمرين ان شالله

ألم ترى

12-07-06 ||, 11:51 AM

بسم الله الرحمن الرحيم ..

اختي عفاريتووو ..

مجهود تشكرين إليه وطرح ترفعين إليه ..

بالفعل متميزه ف الطرح ..

بالتوفيق إن شاء الله ..

عفاريتووو

12-07-06 ||, 12:52 PM

تنينة

تقلدين كابتن ماجد عيل :hist:
اسميج سوالف brgll:
تسلمين عــ تواصلج و تشجعيج
لا عدمنا طلتج الحلوة :fa35:

..

هزايم

ههههههه طبعا ما يباله تفكير ,, انتي و تنينيوه و عقبكم عاشق :hist:
و اللي بالي بالج طرشته بس شكله ما وصل brgll:
تسلمين عــ الرد و التواجد الحلو :fa35:

..

عاشق القلم

عاد انتو مروا بالمواقف و خبروونا و احنا نضحك brgll:
تسم اخوي عــ الرد المشجع ^_^

..

محب الشيخين

اشكركم على تواصلكم اللي هو سبب استمرار الموضوع :yes:
تسلم اخوي عــ التشجيع ^_^
الله يوفق الجميع ان شالله

..

العجيبة

ههههه ,, حليلهم brgll:
دام انج شاركتي ويانا بــ العجيبة و كرة القدم
ما بنردج ان شالله
تسلميين عــ الطلة الحلوة :fa35:

..

قايد الريم

تسلم اخوي ,, مشاركتكم معانا هي اللي حلا الوضوع :yes:
مشكوور عــ التشجيع و التواصل ^_^

عفاريتووو

12-07-06 ||, 02:01 PM

http://upload.bindubai.com/download/3afaretooo1/football16.jpg

عفاريتووو و كرة القدم :

يوم كنت صغيرة كنت كل خميس العبها ويا بنات و اولاد خوالي
كنا نلعبها في بيت يدي الله يرحمه
كنا كلنا يهاالوو و تحت حكم ولد خالي الكبير ,, واذا هو قال بنلعب محد يقدر يقول لا :fa36:
شوي شوي عيبتنا اللعبة و الاحلى انها كانت اللعبة الوحيدة اللي تيمعنا كلنا :fa35:
كنا نسوي قرعة منو يلعب في اي فريق .. لانه طبعا فريق ولد خالي الكبير هو اللي يفوز :no0:
و تمينا سنين على هــ اللعبة ,, و صرنا لعيبين :fa38: لين ما هو سافر يدرس بره
عقب حصلنا حريتنا :harhar1:

و الحين ,, عندي اخو عشقه كرة القدم :fa35:
يوم محد يلعب وياه ,, العب وياه

و اذا ما لعبت وياه ,, تدرون شو يخليني ؟! المعلق :harhar1:

الفرق اللي أشجعها :

الاهلي طبعا :fa35: و بايرن ميونخ عشان كريمي
و المنتخبات اشجع ايران بعد عشان كريمي :harhar1:
و المانيا و عقب ما شفت نهائي المونديال صرت اشجع فرنسا بعد :fa35:

اللاعبين المفضلين :

يمكن اكون عنصرية شوي :harhar1: لاعبين الاهلي كلهم :yes:
و علي كريمي و فرهاد و زيدان

هيه صح ,, شفت كريمي مرة في الشارع وانا سايرة المدرسة
سوالنا bye bye ,, شو استانست لول :fa34:

و شفت فرهاد مرة في spinneys يدفع فاتورة تلفونه
بعد جان استانس :harhar1:

متابعة المباريات :

قبل كنت استغرب من اللي يجوفون المباريات
لهل درجة ما عندهم سالفة يجوفون كرة تتحرك و ناس تلحقها :kkk:
لين ما شفت مباراة الاهلي و الوصل >> كانت اول مبارة اجوفها
من هاك المباراة مادري كيف صرت اهلاوية :fa35:
و من عقبها كل مباراة اهلي صرت اجوفها ,, و اذا ما اجوفها اسمعها
نفس السنة فاز الاهلي بالكاس ,, وسوينا حفلة :fa34:

اجوف المباريات اذا كانت بالايام العادية مع اخواني
بس حاليا حتى بابا خربناه :harhar1: صار يجوف ويانا

و اذا كانت المباراة يوم الخميس ,, اجوفها مع بنات خوالي

التشجيع :

يوم الفريق اللي اشجعه يييب قوول نستوي جي :fa34: لول
و يوم تكون مباراة الاهلي >> هاي فكرة اخوي الصغير
نيب كل الدباديب اللي في البيت و نلبسهم مال اهلي و البيت كله يستوي احمر :fa35:

و بس

ان شالله بس ما طولت عليكم :kcl:

..

مستمرين ان شالله مع اعضاء ثانيين :yes:

طير الحب

12-07-06 ||, 02:42 PM

مجهود رائع .... وفكرة واااايد حلوة

شوق القلوب

12-07-06 ||, 02:49 PM

الســـلام عليـــكم...

هههههههه... جان اشوف اجاباتي.. و اضحك على عمري... brgll:

حسيت بعمري جـــديـــــــــمه :doh:

..

تسلميـــــــــــــن و الله يا عفاريتوووو على هالموضوع الحلـــو...
عرفتينا بالمواهب الكرويـــه :yes:

هزاايم

12-07-06 ||, 05:25 PM

فرهاد
^^هالإنساان كل مانمر على جوني روكيت بشاارع جميرا عسب ياخذ لنا أخونا قبل مانرووح العاصمه<<سالفه استوت>>المهم نشووفه خخخخخخخ على ايام الوصل ولد خالي اتصور وياه خخخخخخخ مستانس حق ليش يستانس منهو إلا فرهااد وانا هزاايم يتصور معايه ابرك له خخخخخخ

واايد نهثرب
تسلمين عالمجهوود والله استانس يوم اقرى الموضوع
عسااج دايمه دووم بهالنشااط وانتظر إلي بالي بااالج<<خخخخخخ

العجيبة

12-07-06 ||, 05:37 PM

هههه موضوع عجييب والله ..

تنينه

12-07-06 ||, 05:55 PM

لووول حــلوه سوالفـج عـفرت brgll: ,, ذكرتيني في بنت خالتي أتمووت في شـي أسمه كريمي وفرهـاد:puppyeyes: , حــتـى مره جـافت فـرهـاد يمشي في حـديقة مـشرف وسـلموا عـليه ,, وطـول الأسبووع تـرمس عـن هالسالفه :boxed: مــا صـار فرهاد وكريمي :harhar1: أسميـها طـفرتني من هالأنسان من كـثر ما اتسولـف عـنه :doh: ,,

مـوضوع حـلو و مـرتب:smartass: ,, لا عدمناج الغاليه:fa35:

عفاريتووو

15-07-06 ||, 11:51 AM

قايد الريم

تسلم اخوي قرقر :harhar1: من ذوقك
الله يعافيك
و تسلم على تواصلك في الموضوع ^_^

..

المزيوونة

تسلميين :kcl: ,, من ذوقج الاحلى
يسعدني تواجدج :fa35:

..

كلكلوش

لول حليلهم البناات :harhar1:
تسلم اخوي ,, مشاركتكم هم اللي حلى المووضوع :yes:

..

بنت الدلع

تسلمين عــ التواجد الحلو :fa35:

..

طير الحب

تواجدكم في الموضوع هو الاروع ^_^

..

شوق القلوب

تسلمين شوااقة :fa35: ,, لولا مشاركتكم جان ما كان الموضوع حلو ^_^

..

هزايم ,, العجيبة ,, تنينية

انتو الثلات بتخلوني اصدق عمري :harhar1:
تسلموون عــ تواصلكم الدايم :fa35:

هيه صح ذكرتوني بــ سالفة
البارحة شفت فرهاد :fa34: بس هــ المرة فضيحة لول
ما كنت منتبهة كنت ارمس بنت عمتي
و يوم شفت يدامي جان اجوف فرهاد :nono:
عاد انا مادري كيف قلت فرهااااااد !! لول من الصدمة
و هو سمع و تم يتطالع و فيه ضحكة :harhar1:
كنت ابا اخذ توقيعه بس لول الحيا يعني :harhar1:

لول فضيحة

كـلـكـلـووش

15-07-06 ||, 06:11 PM

عفاريتووو

15-07-06 ||, 09:41 PM

شو السالفة :boxed:

اقصد لاعبين الاهلي + كريمي + فرهاد + زيدان

اذا هاي كانت السالفة :kkk: لول :harhar1:

ولد الحكومة

15-07-06 ||, 11:20 PM

قايد الريم
تسلم اخوي قرقر :harhar1: من ذوقك
الله يعافيك
و تسلم على تواصلك في الموضوع ^_^

:narr: ليش اتعيبين عليه ... وبعدين منو قرقر :boxed:

:hist: خخخخ هذا اسمي الدلع اللحينه ؟؟؟

اشكرج حبوبه عالموضوع ويعطيج الف عافيه

مجموعة إنسان

15-07-06 ||, 11:45 PM

مجهوود تشكرين عليه عفاريتوو
وعساج ع القوه

كـلـكـلـووش

16-07-06 ||, 03:19 PM

شو السالفة :boxed:

اقصد لاعبين الاهلي + كريمي + فرهاد + زيدان

اذا هاي كانت السالفة :kkk: لول :harhar1:
هيه اذا جي السالفه اوكي .. brgll:

عفاريتووو

18-07-06 ||, 09:50 AM

http://upload.bindubai.com/download/3afaretooo1/football17.jpg

خيال الحب و كرة القدم :

اول كنت العب كره بس الحين كملت 4 سنوات ما لعبت كره مووووووووووول.. بس قبل كنت العب ويا الشباب وعيال عمي.. انا كنت العب في الهجووم:fa34: ..

من ذكريات خيال الحب :

ذكريات طريفه همم .. اذكر يوم كنا صغااار كنا مسوين دوري في الفريج.. وسوينا قرعه عسب نقسم الفرق فانا حطوني مع فريييييق الله لا يرويكم اياه مفلعين:harhar1: الله يخسهم .. المهم اول مباراه لعبتها غير ما يكسرون لي صبعي .. وعقب حطولي جبس:no0: .. واليوم الثاني انا بالملعب العب:harhar1: خخخ كنت حارس .. وفزناا بعد.. ثالث يوم مارمت استحمل بطلت الجبس ولعبت:fa34: وحصلت احسن لاعب بعد:ice:

النادي و المنتخب اللي يشجعه خيال :

:cop: انا عيناوي بحـــت:cop: .. بس يوم صغير كنت وصلاوي:kcl:
منتخبي بالمونديال: ايطـــاليا والف مبرووك الكاس:fa34:

اللاعب المفضل عند خيال :

اللاعب المفــضل والي احترمه .. زيــدان ووايد لاعبيـــن:ice:

خيال الحب و التشجيع :

ولا مره رحت الملعب اشجــع.. عند التلفزيون .. اوه :harhar1: اسوي زوبعه بالبيت.. انا الوحيد العيناوي بالبيت وكلهم ما يدانون العين:fa34: خخخخ فاحصـــل مخدااات على قواطي لبن فوق راسي يوم العين اييبون قوول:harhar1: .. شوهااييلاااا اللعب فوز وخساره .. والبقاء للاقوى:fa34: ايوا اعاش بن الحب يتفلسف لااااااااه:hist:

و في حالة الخسارة :

:no0: انرفز شوي.. لانه كل حد يتصل فيني ويقعد يتطنز .. وخاصه بالبيت.. اففففف منهم احصل اوراق داخل غرفتي وعالباب وع السياره يا انهم كاتبين نتيجة المباراة او يعلقون علي:fa34: يرفعون الضغظ وخاصة هاييلا قوم بوظبي يوم اييون بيتنااا:harhar1: >>> خخخخ

هههه ,, خيال الحب تسلم اخوي على مشاركتك معانا
و اسمحلي عــ التأخير

عفاريتووو

18-07-06 ||, 09:57 AM

قايد الريم

لا ما اعيب بس اخصتر اسمك :harhar1:
قايد الريم = قرقر
عيل انا فوفو ها :narr: .. :harhar1:

العفو ,, الله يعافيك اخوي
و تسلم عــ التواصل ^_^

..

هواجيس مشتاق

الله يقويك ,, تسلم اخوي عــ التواجد ^_^

..

كلكلوش

جان زين زيدان ويا الاهلي ,, احلام الفقارى :harhar1: لول

..

مستمرين ان شالله

روابي

21-07-06 ||, 08:23 PM

عفريته وحده من وين طلع زيدان بعد، ماحيدج تحبينه

سوالف حلوه

ثانكس عالموضوع

كـلـكـلـووش

22-07-06 ||, 03:50 PM

عفريته وحده من وين طلع زيدان بعد، ماحيدج تحبينه

سوالف حلوه

ثانكس عالموضوع
انتي من وين ظهرتي :harhar1:

الحمدلله ع السلامه اميي .. نتريه يديدج > ادري انه في واحة الرياضه بس من زمان ما شفنا حشرتج :harhar1:

روابي

22-07-06 ||, 08:56 PM

شسوي من كثر ماتحن علي عفاريتوو :nono:

خفت بعد لاتسوي فيني شي brgll: ،،، بعد تدري انا ما استغني عن عمري

الله يسلمك اخوي وهالمرة ييتكم وانا عاقله ،، بنخلي الحشره حق غيرنا

عفاريتووو راوينا شطارتج ونتريا مال باجي الاعضاء

عفاريتووو

23-07-06 ||, 02:51 PM

http://upload.bindubai.com/download/3afaretooo1/football18.jpg

ذنيني و كرة القدم :

علاقتي بكرة القدم في الفترة الحالية شبه معدومه
لكني في ايام المدرسة كنت العب ويا الاولاد في الفسحه و ويا اخواني في البيت و ويا ربعي في البراحه
الي ورا بيتنا و يوم ما احصل حد كنت العب بروحي و اشاوت على الإيدار :doh:

من ذكريات ذنيني :

و من الذكريات الطريفة الي مرت علي اثناء ممارسة هاللعبة هي اني كنت العب ويا اولاد المدرسة
في الفسحه و كنت العب وياهم بس ما اعرف ويا منو بالضبط لأنا كنا اكثر من 50-60 واحد في
الملعب :hist: و كنت مرة اهجم مع هالفريق و مرات اهجم ويا الفريق الثاني,, يعني على حسب
اي قول اقرب ليbrgll:

النادي المحلي اللي يشجعه ذنيني :

بصراحه انا من محبين البرتقالي "نادي عجمان" و لو انه فريق درجه ثانية,,
و اتمنى انه يصعد للدرجه الاولى و ان شاء الله بيصعد :yes:

و المنتخب العالمي :

اشجع البرازيل لكنهم خيبوا ظني الله لا يبارك فيهم :narr:

لووول ,, تسلم اخوي على مشاركتك ويانا brgll:

..

بعدنا مستمرين ان شالله

عفاريتووو

23-07-06 ||, 04:59 PM

http://upload.bindubai.com/download/3afaretooo1/football19.jpg

لماح و كرة القدم :

كرة القدم العبها من يوم كنت صغير ... من أيام الابتدائية و على ايامنا يوم كنا صفاعنه ( يهالوه يعني في الحوي ) و العبها باستمرار لين قبل سنتين و شويه .. لكن في وقتنا الحالي مالعبها باستمرار يعني على حسب المزاج .. و العبها ويا الشباب ..

العب حارس - دفاع - وسط ..

النادي الاماراتي اللي يشجعه لماح :

هو مب تشجيع ك تشجيع لكن احب و اتابع مباريات و نتايج الوصل .. و ساعات الشباب و الاهلي ..

و المتخب العالمي :

عـــالمياً فرنسا و تليها البرازيل ..

لماح ومنتخب الامارات :

اتولهت على شي اسمه "منتخب الامارات" أسميه كان منتخب حلو صح نتايجه مب ذاك الزود بس كان يفوز عالاقل .. كان يعيبني على ايام محمد علي كوجاك و محسن مصبح و عدنان الطلياني و بخيت سعد و زهير بخيت و باجي اللعيبه ..
اتمنى من كل قلبي ان منتخبنا يتحسن مستواه ..

اللاعب المفضل عند لماح :

لاعبي المفضل زيدان ...

لماح و التشجيع :

هممم بعض الاوقات يكون التشجيع بارد لكن في بعض المباريات الحماسية الله يستر :harhar1:
آخر مباراة حضرتها كانت بين الامارات و عمان يوم غلبناهم .. أسميها كانت مباراه حلوه ..
و المباريات عموماً اشوفها ويا ربعي ..
مب كل المباريات اشوفها ماعندي وقت أصلا .. اتابع المباريات الي تهمني ..

احب اتابع المباريات في الاماكن الحماسية ( المقاهي - او الملعب نفسه ) .. احب اشجع فرنسا و كنت موجود في فرنسا سنة 98 يوم غلبو البرازيل و حضرت الاحتفالات وياهم و السنة ايضا كنت موجود يوم غلبو البرتغال و حضرت الاحتفالات بس للأسف مافازو بالكاس ..

تسلم اخوي على مشاركتك معانا :yes:

..

مستمرين

الدلووووعة

23-07-06 ||, 09:39 PM

ماشاءالله عجيب الموضوع بس بعدني ماقريت للكل الحينه بكمله ^_^

عفاريتووو

24-07-06 ||, 10:34 PM

http://upload.bindubai.com/download/3afaretooo1/football20.jpg

مسافر للجفا وكرة القدم :

كرة القدم من الرياضات المفضله عندي و من زمان كنت العبها يوم انا صغير . واحب العب في اي مكان بس اكثر شي ع الحشيش .
وانا ما العب الا في الحراسه :bow:

من ذكريات مسافر للجفا:

و وايد مواقف مرت علي
ما اذكر بس اكثر موقف اذكره هو لما كنت العب وانا حارس
وفي يومه كنت امبدع في الحراسه و كل دقيقة واحد يقولي لو انت مب موجود جان غسلناكم و اظن وصلنا 9 اهداف ، باجيلنا هدف واحد ونفوز بس سبحان الله ما قدرت اكمل العب لاني طحت و ياني شد في ريلي و طحت ( رشوني بعين:no0: ) ..ووقفنا العب ..

النادي الاماراتي اللي يشجعه مسافر :

نادي الوصل

و المنتخب العالمي :

منتخب البرازيل

اللاعب المفضل عند مسافر للجفا:

رونالدينو

مسافر للجفا و التشجيع :

على حسب المزاج ،
يوم اكون متحمسو يوم اكون هادي
بس الاكثر متحمس و اسوي فوضى وايد
:smartass:

و في حالة الخسارة :

عادي
لانا متعودين ع الخساير
بس ان شاء الله يرد الوصل شرات قبل عسب
نجلب الدنيا اذا خسروا

تسلم اخوي على مشاركتك معانا :yes:

هزاايم

25-07-06 ||, 12:30 AM

:fa34: :fa34: :fa34:
يوو ماشاء الله
اللهم لاحسد
كلنا لعيبه>>اسمع من يرمس وحده دومها تدوور حاارس
بس غاويه اللعبه
تسلمين عفاريتوو
ترى انا إهني وانتظر القهوه:yes:

عفاريتووو

26-07-06 ||, 11:26 AM

روابي

الله يسلمك اخوي وهالمرة ييتكم وانا عاقله ،، بنخلي الحشره حق غيرنا

جان زين brgll:

..

الدلووووعة

من ذوقج العجيب
تسلمين عــ التواجد الحلو و الرد المشجع :yes:

..

هزايم

ههههههه وياراسج

http://content.answers.com/main/content/wp/en-commons/thumb/3/34/300px-A_small_cup_of_coffee.JPG

تستاهلين القهوة على تواصلج :fa35:

عفاريتووو

27-07-06 ||, 01:36 PM

http://upload.bindubai.com/download/3afaretooo1/football21.jpg

بحر المودة و كرة القدم :

لعبت كره يوم كنت صغير اما الحين لا ..كنت العبها فى المدرسه وفى حوى البيت خخخ ويا الربع واخوانى و كنت العب في الهجووم ..

من ذكريات بحر المودة :

ذكريات صرااااااحه وايد بس لى اتذكرهاااا يوم كنا نلعب فى المدرسه وكان يطيح مطر وواحد من الربع يا بيشوت الكره جان ينزلج

النادي و المنتخب اللي يشجعه بحر المودة :

انا مااشجع لا نادي ولا منتخب

اللاعبين المفضلين :

عدنان الطليانى.. سبيت خاطر .. زيدان

بحر المودة و التشجيع :

انا مااروح الملعب بس اذا اشوف مرات المباريات فى البيت
ويكون التشجيع حار شوووووى

و في حالة الخسارة :

ردة فعلى تكون عاديه مالهم نصيب واتمنى لهم الفوز فى المباريات القادمه لوووول

تسلم اخوي على مشاركتك معانا في الموضوع :yes:

عفاريتووو

01-09-06 ||, 09:45 AM

http://upload.bindubai.com/download/3afaretooo1/football22.jpg

الحاضر الغايب وكرة القدم:

اممم ... من صغري العب كورة واكثر شي كنا نلعب في الفريج ونتحدى ويا الفرجان اللي صوبنا ... عقب كنت بسير النادي ولكن ارادة الاهل كانت اقوى ولعبت لعبة ثانية وهي كرة السلة بس في نفس ما ودرت الكورة... كنت اتمنى بعد ما العب كرة السله اكمل في النادي في كرة القدم ... بس هني ارادة الدراسة والعلم كانت اقوى بعد :yes:
ولين الحين العبها ... ويا ربعي او في الجامعة ...

العبها اي وقت ... اذا في حد يبا يلعب يخبرني وبسير العب وياه brgll:
العب في الهجوم دايماً ... بس اذا شافوني مرة رديت دفاع يقولون لي خلك دفاع ... وتقريبا كل المراكز اقدر العب فيها

من ذكريات الحاضر الغايب:

ذكريات ... احيدني مرة من كثر ما كنت افكر في الكورة فكانت دايما على بالي ... وكنت امشي في الفريج جان احصل شي ابيض على الارض وجان اركض صوبه واشوته شووووته اونه الضربة الصاروخية ... ههههههههه وجان اطيح مكاني كانت حصى وانا اتحراها اسفنجه brgll:

النادي والمنتخب اللي يشجعه الحاضر الغايب:

نادي الوصل :sad4: ... الارجنتين :sad4:

اللاعبين المفضلين عند الحاضر :

ميسي ( رهيب ) ورونالدينهو ( فنان) وايتو ( قناص )

الحاضر الغايب و التشجيع:

اذا عند التلفزيون ... ايلس احلل واسوي الخطة روحي
اذا في الملعب ... بس اذا يابوا اهداف استانس واصارخ شرات الشباب

في حالة الخسارة:

طووول اليوم اكون متضايق وافكر في سبب الخسارة ... بس اذا كنت يايب اهداف روحي ... استانس حتى لو خسرانين :yes:

تسلم اخوي على مشاركتك معانا :yes: