ناس ماعندهم دم

[أليمه]

هلا ومرحبا..

اليوم كنت يالسه وكنت حدي ضايجه ماادري شو بلاني

دخلت المسن الصبح شفت وحده من ربيعاتي من زمان ماكنت مكلمتنها

تمت ترمس وانا مومستوعبه بعدين فهت انه في حد موصلتلها رمسه

اني رامسه عنها ... بصراحه ناس فاضين ماعندهم شغل ... بس جي يتمون

يرمسون انقهرت بزياده يوم طرشتلي هالسونج

http://music.6arab.com/aseal..eb-themetik.rm

وقالت شكرن ....ه... ع الكلام الي وصلني ماتوقعت جي ..بصراحه ماعرفت ارد:no0: لنه من بوني كنت

ضايجه ويوم دخلت الفتنه نقعت فيها كان خاطري اطلع من السكريم وامط شعرها القصير:narr: . والله جد ناس ماعندهم دم اونه انا ماقلت تتبلي ويوم سويت
الانفايت كل شي انوضح ..

الحمد لله طلعت من السالفه بس حيييييييييل مقهوره لين الحين لني يوم اكون ظايجه ماحب حد

يغثني برمسته ويصيحني ...:( بعدين حسيت بصوت غريييب يشبه ونان نادي الاهلي:5:

يوم رحت اشوف اكتشفت انه اخويه يدق الهرن عسب اظهر ويودني العياده..:special2:

وبســ

[أمرين]

الله يعينج ....

[إسهر معي ليله]

هالأشكال سوسه في حياتنا.. مادري شو هالهدف من اللي يسوونه

عـ العموم.. ان شالله ما تشوفين هم أو ضيق.. والله يبعدج عن هالاشكال

الله يحفظج

[شمعة أمل]

ناس فاضيين ماعندهم سالفه ..طنشي

[شهوووودة الأمورة]

يااااااامااااااااا ويااااااااااماااااااااا صار لي جي ولاا بعد من ناااس واايد أغليهم وهم بنات خاالتي..:no0: :sadwalk:

الله يعينج أختي..

[عيون الليل]

وايد ناس يحبون ايخربون .،.،

ماعليــج الا اطنشينهم ما دامج ماشيه صح

الله ايعينج

[منــاوي]

الله يبعد عنج كل هم وضيج ان شاء الله ..

[دمعة شوق]

ماعليـج من هالرمسه
دامج واثقه من عمرج
امشي وماعليج من هالناس التعبانين
وحاولي انج تبينين الصـدق
ولو مافـهـموا كيفـهـم الموهيـم انتـي
:yes:
وجان الا بتسمعين لهاي وهاذيج تعبتـي من زماااان
بس مااقول غـير الله يهديهم ويزيد من عقلهم اذا شي عقل
..
وربيه يحفـظج يالغاليه
:fa35:

[عذبة الروح]

السلام عليكم والرحمه

الله يكون يعينج
وانا احيد هـ الشي فـ الجامعات والمدارس
وصل حتى عـ المسن <--- وين يبون :kkk:

الله يكون فـ عونج حبوبه
والله لا يبلانا ... ويبعدهم عنا
والسموحه

اختج
عـذ الـروح بـة

[صدى جوفي]

السلام عليكم،،
قلوب مريضة!! الله يشفيهم
واللــه يعينج عليهم ألــيمــة،،

اللي فهمتــه أن ربيعتج فهمت السالفــة - الحمدلله -
كوني واثقــة من عــمرج ومــا عليج من الرمســة الأهم أن سوء التفــاهم انحل ،، ودامهــا ربيعتج أكــيد ثقتــهــا فيج أكــبر من أنهــا تتغــير عليج بس القلوب المريضــة - ما ادري ليش- عليهم لسان عذب وووو...الخ ،، فلازم تتجنبهــا......

اذا سمعتـ رمسة من أي كان - ما أعرفه عز المعرفـة- اسمع لــه بس ما أصدقــه لأن كلامــه يحتمــل الصــدق او الكــذب لمــا أتــأكــد بنفسي صحــة الرمســة،،،

تحياتي لج ,, صدى جوفي

[أليمه]

امرين::..

اشكر لج تشريفج لضيجج حبي..

ولا عدمناج
:fa35:

[أليمه]

اسهر معي ليله::..
الله يسمع منك اخويه .. واشكر

تواجدك الطيب .. ولا خليت منك

[أليمه]

شمعة امل::..
مشكوره الغاليه ع المرور

مالنا حيله غير التطنيش بس والله

كم الواحد بيطنش؟؟!!

[أليمه]

شهوده الاموره::..

االله يعينج بصراحه . بس شو بتسوين

هذيل هم الناس مانقدر نحط ثقتنا ف حد الى

وخانها. واشكر مرورج.

[أليمه]

عيون الليل::..

اول شي اكييد بطنش انا ناقصه

صدعت راس .

وثاني شي شكرن حبيبة قلبي ع المرور

الطيب وتشريفج ونصيحتج العسل

[أليمه]

مناوي::..

الله يسمع منج ان شالله

وان شالله الهم مايطريج قلبي

:fa35:

[أليمه]

دمعة شوق::..

صدقج والله اصلن انا يوم يتني

الرمسه بس غصصت فيني حسيت برجع

ماادري ليش مع اني متعوده اطنش لنه

كم الواحد بيحرق اعصابه ع هالناس..

واشكر مرورج..

[أليمه]

عذبت الروح::..

والله هالناس غناتي من يدخلون

مكان يسون فتنهم فيه .. بس شو نقول

غير الله يهديهم..

واشكر مرورج حبي..

[منصوري الدوله]

عياده !!!

سلامات

لنا عوده بس انتي ردي

[أليمه]

هههههههههههه على شان التقويم