دعوة للنقاش ..

[المزوحي]

كلامي من الواقع .. وإلا مش حبا بإني انقل موضوع لزيادة عدد مواضيعي وإلا إني اكتب مواضيع تيب الكآبة .. مب لازم تتزوج عن حب عشان تعيش بسعادة غامرة و100% لأنه مب كل قصة حب تكون ناجحة ... مهما اختلفت الأسباب .. والعكس صحيح ... يوم تخطب لك الأم ... وماتنجح ترد اللوم عليها
مب هااي اللي تبوني اتزوجها ...

أظن في بدية كل حياة زوجية اختلاف بين الزوجين حتى ممكن بعد مرور عشر سنوات ...
والواحد يصبر .. لكن وقت نشوووب الخلاف يحس كل طرف بإنه مايقدر يعيش مع الطرف الثاني والحل
الأمثل هو الطلاق .. وأبغض الحلال عند الله الطلاق ...

استغرب من فلان متزوج من 5 شهور وإلا عيونه تطير على بنت فلان وفلان .. زميلات العمل
أو حتى لو كان يكمل دراسته .. لأنه مثل ماتعرفووون البنات كل مكان الحين ... ومابرد كل اللوم على فئة البنات اللي تقولون إنه لو هي ماعطت الشاب مجال مابيتجرأ يقولها أي شي .. مهما كان ..

الغريب إنه محد يقدر يتحمل الثاني .. من أدنى تصرف واللي لاحظته إنه ماشي مصارحة بين الزوجين بغض النظر عن الريال أو حتى الحرمة ... عسب ما أظلم فئة جنسية معينة ..

يمكن اتطرق بكلامي لبيتنا ... لأخويه على سبيل المثال ... متزوج وعنده عيال ويبغي يشبع رغبته برع البيت .. هل السبب زوجته اللي تحاسبه على كل شي ...أما السبب من اللي يسير عندهم وتكون هي روحها متزوجة وتخون زوجها ..؟؟!

ربيعي مب متزوج ... يدرس ويشوووف بنات وشباب وأقولكم هااي القصة .. بنت محترمة .. وتعامل زملاء الصف نفس الشي بدون ماتميز حد منهم .. لكن شكلهم يهفهمون غلط .. ويتجرأ حد من الشباب يقول مافيها شي او اتزوجت على حرمتي .. شكله يلمح .. وهو الحين بيكمل سنة من الزواج ...

والغريب في الأمر إنه الزوج يتملل من زوجته اللي مافهم أطباعها الغريبة .. وإنها حساسة نوعا ما
ويلجأ لأختها عسب يقول ندمان إني تزوجت اختج .. شو رايج اجمعكم انتوا الهنتين ..

لاتقولون شكله متعقد ..

ليش الشاب من ابسط شي يسير يدور على راحته برع البيت ... يطنش حرمته .. كانت زينه / شينه
ليش هو مايحاول يعدل منها ويتفاهم وياها ... بدل مايتملل ويتجاهلها ..

ليش الحرمة تطلع برع البيت تكلم فلان وعلان لأنه زوجها سافر ويوم رجع ما اهتم حتى يجاملها بشي بسيط .. هي مب محتاجه الهدية كثر حاجتها لكلمه حلوه منه واهتمامه فيها ..

راد من شهر العسل وشاري صوغه حق زميلاته ... أو هي تتملل من وجود الزوج في البيت لأنه ماترتاح .. وتبغي تتصل في الشاب ...

[تحفه]

ممممممممم .. برجع للموضوع .. صراحه صدق يباله نقاش

[المزوحي]

زين في انتظار المشاركة

[شمعة أمل]

ماعرف .. لاني مب ريال:harhar1:

بس يمكن لانه يوم يجوف نفسه متزوج يخاف ويتهرب من هالشي يوم يفكر في المسؤوليه ويسير يسوي اي شي غلط وطفولي يبين انه بعده ياهل؟

[المزوحي]

شمعة أمل .. طيب شو بالنسبة للحرمة .. إن كانت متزوجة شو اللي يخليها تخون الزوج .. يعني شو هي الاحتمالات ؟؟

هل لأنه عاطنها الحرية .. وإلا مغصص عليها .. وإلا لأنه مايهتم ومايعطيها عاطفة .. أو إنه مايصرف عليها وبخيل بعد فتحس بأنها مضغوطه .. أو إنه مايهتم في نظافته الشخصية .. وأنا أقول حتى لو نحن في زمن الماي والصابون .. في شباب مايهتمون ...

[شمعة أمل]

همممم .. ليش تسوي هالشي؟؟

في نظري ومن الى اجوفه في بيتنا وفي كل مكان .. الحب والاحترام يدخل في هالسالفه وايد .. لو وحده تحب ريلها .. مب شرط هو يحبها .. بس لو هي تحبه وايد مستحيل تخونه .. بس لو ريلها ولاشي بالنسبالها وفي نفس الوقت ماتخاف ربها بتسير وتخون ..

اذا الريال عطه حرمته حريه ولا لا .. مابيغير السالفه .. اهم شي الاحترام والحب ..
واذا الريال وصخ ومايتسبح كل يوم .. مب معناته حرمته بتخونه عشان هالشي .. والله وايدين ريحتهم مب لهناك لكن عندهم ربع .. نفس الشي في الزواج *اصلن اصلن اصلن هالشي مب سبب .. لانه الحريم لو يبون يسون شي بيسونه .. ولو يبون ريلهم يكون انسان نظيف بينظفونه غصب اذا عايبتنه السالفه ولا لا ... بتجبره يستبح وينظف ضروسه ويعطر ثيابه وسيارته واذا يدخن تروم تجبره يدخن برع في الحوي بس وممنوع داخل البيت او السياره*

ولو الريال مايحبها ومايسولها سالفه .. عندها ربعها وعيالها واهلها < بس بعد يقدر هالشي يكون سبب انها تخون ريلها .. لكن في نفس الوقت لو هي تبا ريلها يسولها سالفه لازم ادربه وتعلمه كيف .. تراها مب بس حرمته .. هي بعد طباخته وابلته وبشكارته وصديقته وكل شي

[الحساس]

السلام عليكم ورحمة الله..

الواحد فينا اذا حب وبكل صدق انه يتزوج .. عليه يخلي بباله ان الزواج حياه ثانيه حياه فيها المسؤوليه تتضاعف مرات المرات..
الزواج هب احتفال ومن بعده يرقد مع حرمته وبعد ومايرتاح يرد لحياته الاوليه.. ! هذا الصنف من الريايل مايعتمد عليهم والدنيا عنده بكبرها لعبه !! والله يعين الي تاخذه وتنصم به
يوم فكرت اني اخطب اخذت شهر بكبره ادور السالفه براسي واضرب ارباع في اسداس عسب اعرف موقعي شو من بعد الخطوه الي بخطيها الا وهي اني اخطب البنت.. وفي ناس استغربت من المده الطويله هاي الي اخذتها عسب افكر فيها لكن قبل لا افكر بنفسي فكرت بالبنت الي باخذها شقا بتكون حياتها معايه من بعد الزواج.. ماابغيها تندم لانه وافقت على الارتباط فيني .. لان بالاخير بتكون ام لعيالي وشريكه لدربي.. وعلى هذا الاساس الزواج هب حب وبس ، الزواج علاقه تفاهم بين اثنين مشاركه في كل شي بينهم .. لازم يغطي هالعلاقه التفاهم والاحترام وتقبل الاخر بحسناته وعيوبه غير عن جي الكلمه الطيبه بلسم للروح .. غازلها فر عليها كم كلمه وشوف شقا بتيلك مطيعه.. .. اذا كنت يا حضرة (( السنيور )) ماتروم ع الزواج وتحمل تبعاته لا تتزوج وتوهق بنات الخلق ، هن لهن مشاعر ويحسن مثل ما انت لك مشاعر وتحس..
والظلم حرام .. حرام.. وكل من ظلم ينرد الظلم عليه.. ومن خاف ربه ســلــم..

[وعد]

هلا اخوي المزوحي,,,,,,موضوع جميل للنقاش وبخبرك عن راي
انا احس الزوجه الي تخون,,او الزوج الي يخون,,,,,,,,,,
هناك سبب واحد للي يسونه ,,,,,وبغض النظر عن الخرابيط او الحجج الي هم يحطونها عشان يبررون تصرفهم المقرف,,,,,,,,,,,,

خلل بعلاقة هالانسان او الانسانه برب العزة والجلاله,,,,,,,,الانسان الي يخاف ربه ما ممكن يرتكب مثل هالمعاصي,,,,,,,,اذا فعلا ما يطقون بعض ابسط الحل بعد انتهاء كل الحلول هو الطلاق:narr:

ام واحد بيقعد يغازل فلانه وعلانه عشان يدور راحته بره بيت,,,بذمتكم هذا كلام؟؟؟؟؟؟؟؟؟
او حرمه متزوجه ويالسة تخذ هدايا من فلان وتتعشي مع علان عشان زوجها ما يدلعلها؟؟؟؟؟؟؟؟

شو هالخربيط,,,,,,,,,,نسوا قول الله عز وجل " من يتقي الله يجعل له مخرجا"

ملخص الكلام ضعف الوازع الديني والخوف من الله ,,,,هو السبب

دمت بخير

[المزوحي]

شمعة أمل صح إنه هي مب بس حرمته .. لكن في حريم يمكن ماعندهن صبر .. بمجرد ماتشوف واحد ثاني وكيف متأنق ... تقول ياليت هذا زوجي ... وحتى في اختلاف في الراي إنه هاشي حرام ..
المهم .. ومرات نلقى الريال محترم الحياة الزوجية لكن هي تحب تلعب .. وهالشي منتشر بين المتزوجات .. يعني مب شرط وحده اعزبه ...

[المزوحي]

الحساس .. أعرف واحد كان يلعب .. والحمدلله إنه الله هداه وقرر إنه يتزوج .. وعقب ماخطب رفضته البنت بسبب ماضيه ... ودايما الناس تطلب إنه ماننظر لماضي الزوج ولكن نشوووفه من عقب الزواج .. فخطب غيرها والله يوفقهم ..

ورايك إنه الزواج مب احتفال فقط ولكن مسؤولية .. والزوجة تتغاضى عن ماشي الزوج بحكم إنه
هو عنده مسؤولية .. لكن مصيبة لو رجع لسوالفه ...
شفت مثل هالحالة إنه الحرمة صبرت على زوجها .. لكن تمادى وقال هذا أنا ..

وأنا في موضوعي ما أحط كله على الرياييل ولا على الحريم .. ولكن نتكلم عن الأثنين ..

[المزوحي]

وعد ...

بالرغم إنه النموذجين يعرفون الله .. ولكن يتناسون هالشي بحكم إنهم ماغلطوا ... لكن الريال يستخسر يقول كلمه للزوجة .. أما الزميلة فبيمدحها .. ويبين لها إنه حرمته مب شي .. واللي استغربت منه إنه واحد ويانا في الدوام مشتكي للبنات إنه مب مرتاح مع حرمته من الناحية الجنسية
عفوا أقول هالكلام .. لكن عييييب مهما كان .. وصل الأمر إنهم يطلعون أسرارهم الزوجية ...

[دانة حتا]

امممم موضوع حلووو
انا اعتقد انه ما في سبب يدفع يالريال او الحرمه انهم يخونو بعض
اذا متزوج تراه لازم تلتزم بهالشخص اتحبه والا لا
الحب مب كل شي مثل ما قال اخوي المزوحي
اذا كان الشخص اللي ما خذني اوكيه ومحترم بس ما احبه ولا هو يحبني
مب معناتها اني اخوونه!!
الريال يخون حرمته عشان يثبت لنفسه انه بعده حر وانه مب الحرمه اللي بتتحكم
بتصرفاته يعني يبا يثبت لنفسه انه ريااااال وهذا غباااء..
انا عن الحرمه فاللي اتخون ريلها فهي يمكن تبا تثبت انها هي بعد تقدر اتسوي مثل ما هويسوي
والنهااايه بتكون دمار الطرفين او دمار الاظفال اللي عادة يكونو ضحية الغباااء هذاا
وتسلم المزووحي موضووع جميل للنقاش

[المزوحي]

دانة حتا شكرا للإنضمام للدعوة ...

يمكن البعض يشوف إنه الموضوع في مبالغه ...
لكن على حسب للي يعيش في العالم الخارجي ...
ويمكن في أمور أدهى وأمر ..

دانة حتا .. إذا الريال يتصرف جيه والحرمة نفس الشي .. فهي تبغي المساواة حتى في الشي الغلط ..

[وعد]

وعد ...

بالرغم إنه النموذجين يعرفون الله .. ولكن يتناسون هالشي بحكم إنهم ماغلطوا ... لكن الريال يتسخسر يقول كلمه للزوجة .. أما الزميلة فبيمدحها .. ويبين لها إنه حرمته مب شي .. واللي استغربت منه إنه واحد ويانا في الدوام مشتكي للبنات إنه مب مرتاح مع حرمته من الناحية الجنسية
عفوا أقول هالكلام .. لكن عييييب مهما كان .. وصل الأمر إنهم يطلعون أسرارهم الزوجية ...

هلا اخوي المزوحي

صدقني تري الواحد الي يخاف مو شرط انه كل صلاة بالمسيد وجيه لا بالعكس
الخوف من الله انك تعرف انه الله يشوفك ويعرف ايش بنيتك قبل ما تسوي الفعل
لو كل واحد او وحده كان فيه بداخله خوف حقيقا من الله كان وايد من الاشياء الغلط الي نشوفها بحياتنا مالها وجود,,,,,,,,علي فكره انا اعرف واحده غير ملتزمه بالحجاب الشرعي و زوجها موريها الويل
لكن عمرها ما عطت فرصه لحد انه يتطاول عليها,,,,لانها تفكر برب العالمين وبعد تفكر بسمعة بناتها وعيالها الشباب,,,,,مع انه المجال مفتوح لها للعب وخاصة انها بمكان خلط اقصد العمل ,,,,لكن علي قولتها شرفها وسمعة عيالها بالدنيا وبالنهاية هي تحمل اسم ابوها بعد :yes:

دمت بخير عزيزي

[نور الإيمان]

بسم الله الرحمن الرحيم

السلام عليكم و رحمة الله و بركاته اما بعد ..

حقائق مرة لا يمكن ان نغلفها ابدا .. متواجدة و نسمعها لكننا احيانا كثيرة لا نود ان نصدقها لأنه غير اخلاقية و قذرة ان صح التعبير ..

الموضوع متشعب من حالات الزنا - زنا المحصن - و عقابه معروف في الإسلام و هو الرجم حتى الموت .. و ان طبق هذا القانون لما تهاون الأزواج و الزوجات و بكل وقاحة و امام الله سبحانه و تعالى في ان يزني بفلانة او تزني هي بعلان و العياذ بالله ..

نعم ان الشيطان يزين للإنسان اخطاؤه بل و يكون قرينه الوفي في سرد الأسباب التي تجعله يقترف المنكرات و بكل لذة .. تلك الجوارح التي ستشهد يوم الدين كيف انها فعلت كذا و كذا و جعلت الله سبحانه و تعالى اهون الناظرين إليها ..

الحياة اليوم اصبحت قاسية جدا رغم الأمور الميسرة التي افتقدها آباءنا و امهاتنا ايام العصور القاسية من قلة لقمة العيش و صعوبة النقل .. و قلة العمران و المال .. و سبحانك ربي .. اعطانا من رحمتي المال الكثير و العمران المشيدة و النقل اليسير .. فتحجرت القلوب و اصبحت قاسية لبعدها عن ذكر الرحمن و هو الغني و نحن الفقراء إليه سبحانك ..

و كيف له ذلك ان الزوج ان يبرر من تعاسته و يزيد من تعاسته في الدنيا بأن يقترف الزنا التي حرمها الله سبحانه و تعالى .. كيف له ان ينام بعدها قرير العين ولا يأبه بالقبر و عذابه و بالمذلة يوم الحشر امام الخلق اجمعين .. يوم الدين يوم الحساب الذي لا مفر منه .. كيف له ان لا يعي بأن الله اقرب إليه من الحبل الوريد .. و ان قبضت روحه و هو في تلكم الفاحشة ألا يقول " ألا ليت انني لم افعل هذا " .. و كيف له ان يطلق العنان لشهوته و امرأته في المنزل .. سبحانك .. تتوق النفس إلى الحرام و تهرب من الحلال .. و هي بقيادة الشيطان الرجيم اعاذنا الله منه و من قومه .. يزينون الباطل بشتى ألوانه ..

ان مشت قدماك و منذ البداية نحو التهلكة .. فأعلم بأن رب العباد لا تخفى عليه خافية .. و سيسلط الله في اهله و عرضه .. فالبنت مع هذا و الزوجة مع ذاك و تشتت الأسرة بخطأ احد افرادها .. لأن الله لا يظلم احدا انما يظلم العباد نفسه .. لهذا نقول " لا إله إلا انت سبحانك اني كنت من الظالمين " ..

الزواج اصل حفظ النفس من الزنا .. و حصن المسلم و المسلمة من الإنجراف نحو الخطأ .. تلك الشهوة يلجمها المرء بالحلال مع حليلته لا مع خليلته .. فهي عبادة و يكتب فيها الأجر بإذن الله .. و تكتب له السيئة و الإثم ان صرفها في المنكر ..

و ان ضاقت به النفس - الزوج - من قسوة زوجته او طبعها المقيت .. فليس هو كامل و ليست هي كاملة .. فعليه ان يقتنع بها و يصبر عليها .. فإن وجد فيها القبيح في صفة ما .. يوجد فيها الجميل في صفة اخرى .. فالمرأة يمكن ان تلين بكلمتين و ابتسامة فقط .. روح الإحتواء و الشعور بأنها محبوبة من زوجها .. تغيرها بنسبة كبيرة جدا .. اما شعورها بالنفور تغير مزاجها ايضا .. فهي على هيئة المد و الجزر و خيركم خيركم لأهله .. فهي الزوجة و الشريكة و الصديقة .. صبرت عليه في قسوته و عليه بالمقابل ان يصبر عليها .. و لكل من الزوجين عليها اتقان فنون الحياة الزوجية و اللطافة و البعد عن الرتابة .. و هذا امر ليس بصعب .. لكن الصعب ان عاند كل طرف الآخر .. فوجب التنازل .. و التنازل كثيرا ما يكون من المرأة للرجل .. ليس لشيء .. لكن فقط الرجل يصعب عليه التنازل غالبا .. و لكن يمكن ايضا ترويضه و بسهولة وهي ليست مهمة شاقة على النفس .. فمثلما تحب هي الكلمات الجميلة .. يحب هو في المقابل المعاملة اللطيفة .. فالحياة اخذ و عطاء ..

و ان شكى لزميلاته عن الفراش و مسبباته .. سبحانك ربي .. لا اعلم ان كان هذا جهل في الدين ام تجاهل منهم في تعاليم الدين .. فلا يجوز كشف ستار الفراش و اسراره لأين كان من البشر .. فلتحفظ هي اسرارهما و يحفظ هو اسرارهما .. لأن كشف الستار يولد امور كبيرة جدا و اولها الزنا .. عليهما ان يتصارحا مع بعضهما و يقربا من نفسيهما بشكل اكبر ولا ان يتخذوا غيرهم كي يحلوا لهم مسائلهم الحساسة جدا ..

هذا إلى الآن ..

جزيتم خيراً

[المزوحي]

وعد ... من زمان في سبب قوي .. وقوي بعد إنه واحد من الطرفين يتصرف جيه وخاصة الريال
لكن الحين صار كأنه اجباري كلنا نسلك هالدرب
*أنا أكلم زميلتي في العمل ( بعد الدوام ) شي مب ضروري .. مايخص العمل
*وأخويه يكلم زوجة فلان .. بدون مايعرف
*وزميلتي في العمل تكلم المسؤول ... وكوفي ...

*اختي يتصل بها زميل العمل بحجة شو صار اليوم ...
*زوج اختي له علاقة مع فلانه
الخ

* اللي قلته مثال ...

[المزوحي]

نور الإيمان
اللي نفهمه إنه يوم يتقدم شاب للزواج . نسأل عنه وهالشي متعارف عليه .. حتى يوم نسأل عنه ويطلع
انسان مستقيم .. نستغرب من حياته بعد الزواج ... مع إنه مايقرب الزنا - مايقرب الخمر .. ووو في الأخير ماعرف لو يصلي او يترك الصلاة ولكن في الأخير مسلم في نظرنا ..
وبعد هذا .. تلقاه يتشكى لفلانه في الدوام من الزوجة .. الزوجة مش ملاك عشان ترضيه بكل شي ..
وهو كذلك ... ليش مايصبر مثلا ... وإن تعب من الزوجة يشكي لشخص فاهم ومب لزملاء وزميلات العمل ..ونلاحظ إنه يتقرب من فلانه ويبين لها إني مرتاح منج أكثر من زوجتي سبحان الله ..
وترى الشرع حلل 4
أنا وياه في فكرة الزواج .. ولكن ماياخذ الزواج ذريعه له عشان يجذب البنت بكلامه ..
لكن ابصم لو اتقدم لها مابيرتاح وياها مثل الأولى دام إنه هاااي فكرته

[المزوحي]

الزوجة تشتكي من الزوج عند مسؤولها في العمل .. وتقول لو ما تزوجت احسن أو على الأقل لو كان زوجي يحمل مواصفاتك .. جان أنا سعيدة بحياتي وااااايد .. وماظن أبغي شي أكثر من جيه ..
تبتدي تخبل الريال .. ويبتدي هو يفكر فيها حتى لو هو متزوج ومرتاح مع زوجته ..