×× حـس بـلوعـتـي ليـلـة ××

[دمعة شوق]

حــس بـلوعـتــي لـيــلـة


ليـتـك تحـس بـلوعـتـي بـلوعـة الليالي اللي تـمـر علـي
بـلوعـة الكـلام اللي اسـمـعه ،، الكـلام اللي يـسم البـدن
بلـوعـة الأشـيـاء اللي أشـوفـهـن


بـلـوعـة الاشـيـاء اللي تـصـير لـي طول هالفتـرة اللي أنا فـيها
طـول هالفتـرة اللي أنا طلـعـت من هـالدنيـا
وشـفـت الـدنيـا وعـرفتـها وعـرفت الزين والشـيـن


عـرفتـها من أنا وصـغـيرة
وتـعلـمت منـها وايد وأنـا صـغـيرة
وأتـعذب وأنا صغيرة ،، عـادي ماهو بـشي غـريب تعودت ع هالحـال
بس لـيـن مـتـى يـاربي ليـن متـى بـصـبر
وقـسم بالله انيه تعبت تعبت الواحد يصبر ويصبر
بس يوم يتعب من الصبر وخلاااص صبر بما فيه الكفـايـه


متـى بيتصـلح الوضـع وبـفـتـك من هالبلـوى
وبعيـش حياتـي عادي كـأي انسـان يعيش على وجه هالأرض
:no0:
لـيـتـك تغـيـر عـادتـك
ليتك تغير عادتك
ليتك تغير عادتك


مـا أطـلـب شي من ربي ألا أنه يصـبـرني
ويكف عني عذابهم يكفه عنيه
وأعيـش حياتي كأي إنسان
بـس ما أقول غيـر
الحمدالله ولاحول ولا قوة ألا بالله العلي القـدير
’’


السموحه على هالفضفضة
بس وايد فخاطريه بس هذا اللي ظهر
am so sad
ومازلت صغيرة
:bye2:
ربيه يحفـظـكـو

[راعي الزعـامه]

ماقدر اقول يا اختي دمعة شوق
الا ربي يعينج ..
وان شاء الله كل اللي تعانين منه يروح عن قريب

[ريم العين]

الله يصبرج صبر ايوب

في مره قالت لنا ابله الدين

انه ربيعتا وايد عندها مشاكل وكله تشكيلها الحال
جان تقولها ابلتنا انه اذا الرب ابتلى شخصا فانه يحبه

وانتي اصبري ترا كل ها اختبار من رب العالمين

[دموع قلم]

الغـاليـة على قلـب دمـوع قلــم
دمـ ـ ـ ـ ــعـة شــوقــ ـ ـ ـ ـــي..

مـا بتصـدقينـي إذا قلـتج أن كلمـاتج هـذه هـزتنـي وهـزت قلبــي.. !!
مـاعـرف بـالضبـط وش الهـم اللـي ظلـمج وظلـم قلبـج الصغيـر.. ؟!!
لكـن.. سبحـانه الله.. جنـي فهمت لوعتـج.. لأنـي طعمـت أنـواع الهمـوم.. !!


صحيـح أن صبـرنـا محـدود, وقلبـج الصغيـر ما يتحمـل كل الهمـوم, لكـن حطـي في بـالج أن الله سبحـانه
وتعـالـى يبتليـج بالمصائـب لأنـه يحبـج.. يبـا يختـبرج ويشـوف صبـرج وفـوزج بـالجنـة.. وممـكن أن الله
عـزوجـل يبتليـج لأنـه مشتـاق لصـوتـج ودعـواتـج.. وممــكن أن الله تـعـالـى يــبتليـج الحيـن في صغـرج
عشـان يعـوضج في المستقبـل بالخيـر واليسـر والأفـراح

تـأكـدي حبيبتـي أن لكـل هــم.. فــــ ـ ـ ـ ـ ـ ـ ـــــرج.. وادعـو الله سبحـانه أن يكـون الفـرج في القـريب العــــــاجــل..
وإذا صبـرتـي واقتـربتـي من الله أكثـر.. كلمـا يعجـل الله لج الفـرج.. بـــإذن الله..

:)


اصبـري حبيبتــي.. اصبــــــــري.. اصبــــــــــري..
وكلمـة أخيـرة.. كـلما تضـايجيـن اتصلـي في دمـوع قلـم وفـي أي وقـــت :)

[عفاريتووو]

السلام عليكم

لاحول ولا قوة الا بالله ,, كلماتج صدق عورت قلبي :no0:

خلي الامل موجود عندج انه هــ الهم بيي يوم و بيروح
مافي شي يدوم على حاله ,, الله كريم

الله يكون بعونج و يبعد عنج الهم والحزن ويعوضج خير ان شالله

[عيون الدخيل]

علمتني الدنيا الصبر
وعلمتني الايام انه الحيااااااااااااه صعبه لكنها تستمر
وكلنا يمر بظروف دائما تكون ضدنا
لكن مهما هربنا وهربنا من انفسنا بنرجع لانفسنا
فأحسن شي عزيزتي نهرب للي خلقنا
الله يفرج همج وثقي انه الله اذا احب انسان ابتلاه وكوني قريبه من ربج
بيكون قريب منج ......... يارب
قلبي معاج

تحياتي
@ عيون الدخيل @

[دمعة شوق]

عـاشـق الـقـلم

يكـفـيـنـي الـدعـاء ياخوي
ويزاك الله خير
:)
وربيه يسمع منك ياربيه
’’
ربيه يحفـظـك

[حبوبه دبي]

ربـي يبعــد عن كــل هـم وضيــج ،،

:sad4:

[أليمه]

حين يفقد المرء الصبر وتهمر على الخدود

الربيئه تلك الدموع ينسال الي جوف القلب

الصبور غيضن يهد كل حمول الصبر على مر السنين

عزيزتي دمعة شوق اوصيك بذكر الرحمن فان فيه تخفيف

للضيق والبلاء وربما ان مايحدث لك هو تنبيه من ربك عز وجل

لكي تقتربي منه ...

حبيبيتي والله شوفي مافي احسن من انه اليوم تروحين وتقرين المصحف

والله اسئليني انا مجربه والهم شويه بيخف عنج ..

ومافي شي يسوى الغاليه ف هالدنيا كل شي فاني بيزوول والضيج

بذن الله بيزوك عنج .. جد زعلني الي قريته لنه حسيت به قريب مني

وبرجع اذكرج ... اقري القرآن لنه فيه راحه للقلب..

والسموحه غناتي

[منــاوي]

الله يبعد عنج الهم والضيج ان شاء الله ..

[دمعة شوق]

الثـلاثـاء
3:33 صباحا ً ( فجـرا ً )
\|/
ليتـك تحـس بعذابـي
بعـذابـي يـوم تتعـذب يـوم تـقـتـل نـفسـك
يـوم تعذبني بـ تصرفـاتـك
بـ كلامـك بـ أسـلوبـك
بـ همسـك لي بـ كلامـك عن الغيـر
وأنـا ولا كـنـي موجـوده ولاكني موجوده
لين متى بتـم جيـه ليـن متـى ،، ليـن ماااأشـوفك .!!
ولا ليـن يـوصلـك خبـر وفـاتـي والسـبه أنته .!!
والله لـو يـاني شـي كلـه منـك مـنـك
الله يسـامـحك الله يسامحك الله يسـامحـك
’’’
مـا أبي أبينـلك أي شـي أخـلي عمري عـادي
بـارده بـرود الـثـلج ،، بس عمرك مابتحس فيني
وبـ النار اللي فيـني وبدمعـي اللي حابستنه فيـنـي
’’
كـان ودي وكان ودي وكان ودي
بس ياحسـافــــــــــه يـا حســافــه
طلـع رغبـاتـك هي أهــم وأبدى منـي أنــا .!!
بس ماعليـه تـرا الدنيا يوم لك ويوم عليـك
يوم لك ويوم عليـــك
’’


أعـذروني أشد العـذر والله لو ماضعفي فـ هاللحظه
ماكتبـت ومافـضفـضت ألـكم
محد غيـركم
:bye2:
فـ داعـة الرحمن حبـايـبي

[قلوب دبي]

:)

مساج الله بالخير ..

بأختصار اريد اقولج حايه ..
مافي انسان مستانس و مافي انسان طول عمره متضايج ..
مافي بيت 10/10 و مافي اخوان او ربع دايمن متفقين
احيانا تصير امور الواحد عليه انه يأقلم نفسه معها
مهما صار و مهما كانت
انتي صغيره ولكن عقلج كبير ، ارادتج اكبر من هذا
وجودج اليوم اهني في الواحات و طريقه كتاتبتج اتبين انج اقوى
من المواقف اللي اتصير ورغم صغر السن الا الامور ممكن تتصلح
و مافي شيء ماله حل ..
يا صغير السن يا ورد الانام
يا هموم املأت بحر ويبال
لا تضيق النفس مع نثر الكلام
ابكتاب الله يبعد الحزن مهما طال

ربي يسعدج ويوفقج

[دمعة شوق]

ريم العيـن

والنعم بالله يختـي
وربيه يعيني ويصـبرنيـه
شـكرا ً لمواسـاتـي
’’

غاليتـي وعزيزتي وصديقتـي وحبيبتـي
دموع قـلم

يعلني ماذوق حـزنـج
ويعل ربيه يسعدج دنيا وآخره ياربيه
صـدقيـني والله انيه يوم شفت ردج استانسـت وهديت شـويه
الله يخليـج أليه ياربيـه
:)
والنعم بالله يختـي ولاتنسـيني بالدعــاء واانا من صوبيه مابقـصر بأذن الله صوب خالقـيه
عسى يرحمنـيه ويصـبرنـيه على ماابتلانيـه بـه
:no0:
خـلاص تـريـنـي الـيـوم بدقـلج
عنديه علووم لـج
:kcl:
ربيه يحفـظج غنــاتــــي

[منصوري الدوله]

دمعـه : حقيقـه اومن بها ان هالدنيا ما ضاقـت الا لتفرج ان شاء الله ؛ نفسج انا كنت ؛ كنت احس كل هم يمرنـي هو اللي بيقضـي علي ْ لكـن الحمد لله ليـن الحين اقاوم :harhar1: واضحك في ويه الدنيا اللي يا ما اعبست و ( خـَـنــْـفـــَـرتْ ) في ويهي ؛؛ ممم تبين السالفه تهدا عليج شوي ؛ تخيـّـلي حياتج كيف بتكون عقب ماتنتهي السالفه و عقب ماينتهي الوضع التعيس اللي انتي فيه الحين ؛ ممممم انا اذكر وحده من اهلي كانت تشكي لي اتقول لي : علي انا وصلت 28 وماعرّسـت ساعتها كنت وايد صغير بس قلت لها : بتمـر سنتين وبتلقيـن نفسـج معرسه وعندج بدل الياهل اثنينه ؛ وهذي ماشاء الله عليها ام عيال ؛؛ حتى انا يوم تخرجت من الثانويه كنت اقول ياارب بس اي جامعه تقبلني واروح لها وكنت خاايف انه ماحد يقبلني والحمد لله هذو انا سنتين وان شاء الله أخلـّـص ...
الدنيا جيه دمعه ؛؛ نصيحـه لا تسمعين اغاني مب عشان بس انها حرام لكـن تذبح كلماتها ونحن بشـر يعني قلووووووووووب يا بنت عمي ...

اتمنى ان يوم تنفرج عليج الدنيا وهمج يروح تخبرينـــّـا لان نحن بنكون شايليـن همـّـج والله ...

الله يحفظج لج قلبج لصغيـّـــر .....

[حلم الطفوله]

السلام عليكم

دام الدنيا فيها ناس عاقلين شرات منصوري الدوله ...بتكون بألف خير:yes: ردك عيبني برذر

عزيزتي ...دوم أقول ما ضاقت إلا فرجت ...واشتدي يا أزمه تنفرجي ... تذكري الله دايما يطمئن قلبج

[دمعة شوق]

عفـاريـتـووو

وعليكم السـلام والرحمه
فديت قلبج انا
ترا الأمـل مصبرنيـه للحيـن
والله لو لاه مابكون صابره للحين
بس أملـيه بعده عايـش
وثقتيه في الله قـويـه
الله يعطيج االعافيه يختــي
ويزاج الله خيـر
ولاتنسينيه بالـدعـاء
:)

//

عيـون الدخـيل

والنعم بالله يختـي
وماليه غيـر ربيـه
هو اللي بيفـرج عنـيه هميـه
وهو اللي بيصبرنيه وهو اللي ابتلاني
وهو اللي بيرحمني برحمتـه
:)
والنعم بالله يخويتـي
شاكره لج مرورج
:fa35:
\\

حبوبـة دبي

يزاج الله خيـر يخويتي
وولا تنسينيه بخالص دعـاج
:)