ما عاد بالدنيا امان !

[عفاريتووو]

السلام عليكم


وانا اقرا قصص في المنتديات
شدت انتباهي قصة طويلة و نك اللي كاتبتها مب غريبة علي :kkk:
المهم ,, شوي الا اجوف ان الاسماء كلها اعرفها !
و المواقف اللي في القصة مرت علي !
لا لا مب معقول القصة هاي اعرف كل شي فيها ,, كل شي فيه صار صدق !!
بس لا مب معقول اللي افكر فيه ,, مب معقولة البنت هاي تسوي جي !
مب معقولة تفضح عمرها .. اخوانها ,, عمامها ,, عيال عمامها ,, ربعها !! و بالاسماء الصدقية !!

معقولة اللي اجوفه :nono:

..

وصلني ايميل من شخص غريب عنوانه انتبهوا منها ! :kkk:
يارتني ما فتحته !
ياريتني ما شفت اللي فيه !!
الكلاام اللي فيه فضيع :nono:

..

ماذكر عمرنا قصرنا وياها بشي
ماذكر عمرنا ضايقناها بشي
ليش جي تسوي فينا لييييييييييييييييييش !!! :bye2:

مابا ادخل وياها بــ حرب ,, الله بيجازيها على اللي تسويه
مابا اتشمت بس صدق واييد مصايب يالسة تستوي فيها
بس بعدها كل يوم تصدمني بحركة يديدة و فضيعة منها !!
مادري كيف اوقفها عند حدها :bye2:

ابا اعرف شو الغلطة اللي سويتها عشان تعاقبني عليها جي :bye2:

ما الوم الانسان اللي ما يثق بحد
ما عاد بالدنيا امان :bye2:

اسمحولي عالفضفضة بس مواقف كانت بالخاطر ومضايقتني واييييد :no0:

[أمرين]

الواحد اذا كان مضايج يسوي اي شي ..........!!!!!

بس مب معقوله لها الدرجة ........... كيف جيه .؟...


انزين شو قصدها من هالحركة ؟.. :kkk: .... تصير مشهوورة .؟... :fa36:


عفااريتووو

تسلمين الغالية عالموضوع


تقبلي مداخلتي البسيطة



والسموووحة





أمـــــريــــــن

[قرموشة]

مــعقولــه تكتب قــصه عن اللي استـوى !!
شو قـصدهــا بالضبط !
غريـبه حــالتهـا ..

[صدى جوفي]

وعليكم الـسـلام ..

هـــــا الانسانة قنبلــة موقوتــة فأي لحظــة تنفجــر وما ينفع معــاها الا انج ترمسينها بسطحيــة مطلقــة ولا تصارحينها بشي .. شفنــا وعــاشرنا مشــاخل فحيــاتنــا بس مشــاخل على عمــارهم وأهلهم ..!. وعبر الأثير؟؟ وين تبى هذي ،، وكــم عمــرها؟؟ هذي سوالف يهــالوالصراحــة :narr:

عفــاريتوو .. حــاولي تعلمينهــا ان الستر زين، والبيوت أسرار ـ ومب كل شي ينقال للخلق، وها الشي اللي تسويه غلط بحقها وحق أهــلهــا - ولو بخاطرهــا تكتب القصة - بالأحرى السيرة ذاتية- تغير من شخصياتها أو تحفظهــا بدفــاترها أشرف لها ولأهلهــا .. واذا مــا سمعت الكــلام .. رمسي حد من أهــلهــا بالســالفة عسب يوقفهــا عند حدهــا .. ذيج الســاعة تحس بغلطهــا...:boxed:

وعن الثقــة .. مب كل حد مصدر ثقــة ومن زمــــان مــا أأتمن أسراري إلا لعــمري ،،، الحياة تجارب

اللــه يعينكم عليهــا والله ..

صدى جوفي

[عفاريتووو]

أمرين

ياريتني اعرف شو السبب
و اللي محيرني اكثر ان صارلي اكثر عن سنة مااجوفها ولا ارمسها
الحين ياية تسوي جي !
الله يهديها وتخلينا فــ حالنا
و تسلمين عــ ردج :bye2:

..

قرمووشة

معقوولة و نص ,, ماعاد في الدنيا امااان :no0:
" ان كيدهن عظيم "
الصدمة علمتني ما اثق بحد
تسلمين قرمووشة ع دج :bye2:

[شمعة أمل]

O_o هاه!!
بسم الله .. احس الى جي يسون ميانين .. يعني شو فايدته .. ليش جي يسون

احيد مره
وحده في صفنا مادري شو سوت بس شلتها كرهتها .. ولا تفتح موقع وكتبت فضفضه عود ولا بعد حاطه اسامي البنات .. بس على الاقل بس اسمهم .. مب اسم ابوهم واهلهم..

[عفاريتووو]

صدى جوفي

قبل اتفاجأت بحركة منها و من عقبها معاملتي وياها كانت سطحية
تبين الصدق ,, كانوا يقولونلي ربعي ابتعدي عنها
بس ما كانت تهون علي اتم بروحها .. وها يزاتي الحين :no0:

اكلمها ؟ ,, من سنة ما رمستها ولا اعرف رقمها ولا شي
عشان جي يمكن ماخذه راحتها ,, تقول ما بيوصلونلي :fa36:

و صدق احسن شي الاسرار محد يعرف عنها ,, وها اللي اسويه :yes:

تسلمين صدى عــ النصايح و بحاول ارمس حد من اللي وياها في الجامعة
يفهمونها ان هالشي غلط

و الله يهديها ان شالله

..

شمعة امل

لول exactly ,, ماعتقد وحدة عاقلة بتسوي جي :sadwalk:
لا حمدالله بس الاسامي بروحه مب اسم الابو و جي
جان ما شفتيها عايشة لول :harhar1:

الله يهدي هــ البنات

[قلوب دبي]

ها خبال الصراحه انه اتحط اسامي و تفظح ..
يبالها حد ايوصل الرمسه لأهلها عشان يتصرفون معاها ..
الله يعينكم ..

[الشحية]

وايد حلو

[سفير الخيال]

"وااايد حلو"
ما فهمت!! :kkk:

إختي عفاريتووو
الصراحة شي غريب جدا والمفروض إنها تعاقب على هذا الشي..
مب زين الواحد يفضح نفسه ويفضح غيره سواءا كان الكلام صح أو غلط
الله يستر على من يستر على عمره وعلى غيره أم اللي ما يستر على عمره ولا على غيره فالله يهديه


على كل حال. حاولي إنج تتجنبين مثل هالأشخاص من الناس بصوره غير مباشره

والله المستعان

المعذره!!