ممكن معلومات عن الجاغور اليديده؟

[تحفه]

السلام عليكم

بما انكم تحتشرون على سوالف السيارات .. ممكن معلومات عن الجغور اليديد السبورتيه او العاديه؟

[لمّــاح]

بوظبي ...

عندج هالموقع فيه موديلات 2006 ويا الاسعار ..

هنيه (http://autos.yahoo.com/newcars/jaguar.html?refsrc=iy/make/new+jaguar)

[تحفه]

لأ بس مشكور .. ابي اليديده .. أيدد شي

[تحفه]

أوه حصلت موديل 2007 في الموقع .. شكرن

[الرحيل]

http://www.allsportauto.com/photoautre/jaguar/xk_2007/2007_jaguar_xk_18_m.jpg

http://www.allsportauto.com/photoautre/jaguar/xk_2007/2007_jaguar_xk_17_m.jpg

http://www.allsportauto.com/photoautre/jaguar/xk_2007/2007_jaguar_xk_19_m.jpg

كشفت "جاجوار" البريطانية العريقة النقاب عن أحدث موديلاتها الرياضية والجيل الجديد من طراز XK بنسخته المكشوفة

بمعرض ديترويت الدولي للسيارت NAIAS 2006، بعد أن قدمت النسخة الكوبيه من الطراز نفسه بمعرض فرانكفورت

الدولي IAA 2005 قبل أربعة أشهر!!

اعتمدت XK المكشوفة على الألومنيوم خفيف الوزن في بناء هيكلها الأحادي -مثلما هي الحال في النسخة الكوبيه-

الأمر الذي جعلها أخف من الموديلات الأخرى المكشوفة للأجيال السابقة من XK بنسبة 20 %، ليصبح وزنها 287 كجم

فقط!! كما عززت مادة الألومنيوم من صلابة الهيكل الخارجي للسيارة بنحو 50 % بالمقارنة مع موديلات الأجيال السابقة

المكشوفة من الـ XK.

ومن المتوقع طرح XK المكشوفة الجديدة في الأسواق العالمية بحلول 2007.



.................................................. .


اشتق تصميم النسخة المكشوفة للـXK الجديدة من النسخة الكوبيه للطراز نفسه؛ حيث ابتعد كل البعد عن الهوية

الكلاسيكية التقليدية التي اشتهرت بها موديلات "جاجوار" السابقة مثل الفئات S وX، بدءا من المظهر الخارجي

"مفتول العضلات" الذي يعززه الواجهة الأمامية بمصابيحها -التي تشبه عيون القط- ومصابيح الضباب دائرية الشكل،

مرورا بالشبكة الأمامية كبيرة الحجم للسيارة، مع إدراج فتحات تهوية المحرك تحت المصابيح الأمامية مباشرة..

أما عن سقف الـXK الذي يمكن فتحه وإغلاقه في أقل من 18 ثانية عبر أنظمة تحكم هيدروليكية، فيمكن أن يتوارى

بالكامل عند إغلاقه في صندوق بالمؤخرة مصنوع بالكامل من الألومنيوم، مع إمكانية إنزال الزجاج الخلفي عندما

يكون السقف قائما!!


http://motori.virgilio.it/static/upl/j/jaguarxk2006-7044-002-f.jpg

المقصورة الداخلية الفارهه:

جاء تصميم الـXK المكشوفة ليعزز من طابع الرحابة والاتساع مع اعتماد وضعية جلوس 2+2، مع توفير مساحة كافية

للأقدام في المقصورة، بالإضافة إلى اعتماد تابلوه أدوات مدعم بشاشة عرض "7 بوصات" ضمن النظام المعلوماتي

عالي التقنية الذي يوفر للسائق المعلومات اللازمة للوظائف الحيوية بالسيارة، كما لم تغفل "جاجوار" أن تدعم موديلها

الجديد بنظام ملاحي للقيادةJaguar Navigation System الذي يعمل بأقراص الـDVD ونظام التحكم في مناخ المقصورة

الداخلية أتوماتيكيا، وعجلة قيادة مكسوة بالجلد ومطعمة بالخشب الفاخر، ناهيك عن نظام تثبيت سرعة السيارة

التكيفي (ACC) وكذلك نظام التشغيل دون مفاتيح بالضغط على زر بالكونسول المركزي وغيرها من تجهيزات الرفاهية

العصرية.

http://motori.virgilio.it/static/upl/j/jaguarxk2006-7044-017-f.jpg

النظام الصوتي :



هناك أيضا النظام الصوتي المتطور يؤمن صوت "دولبي"، مع ثماني سماعات ومضخم للصوت من ستة قنوات، بالإضافة

إلى مبدل الأقراص المدمجة -6 أسطوانات- وملفات الـMP3، مع تدعيم النسخة المكشوفة بنظام اتصال معلوماتي يعمل

بتقنية الربط اللاسلكي "البلوتوث" لإجراء المكالمات الهاتفية دون أن يرفع السائق يديه عن عجلة القيادة، الأمر الذي

يحد من الحوادث الناجمة عن استخدام الهواتف الخلوية أثناء القيادة.

http://motori.virgilio.it/static/upl/j/jaguarxk2006-7044-020-f.jpg


المحرك وانضمة التعليق وناقل السرعة :

من المنتظر أن تطرح "جاجوار" طرازها الجديد XK المكشوف بمحرك سعته 4.2 لتر وقوة تصل إلى 300 حصان من 8

أسطوانات، ليحقق عزما قدره 411 نيوتن - متر عند مستوى دوران محرك يبلغ 4100 دورة بالدقيقة، وتبلغ أقصى

سرعة له 250 كم/ ساعة، كما أن السيارة تنطلق من سرعة الثبات إلى 100 كم/ساعة في زمن قياسي يبلغ 6.3 ثانية.

كما جهزت XK بنظام نقل أوتوماتيكي تتابعي ذي 6 سرعات، مع تثبيت الدواسات على عجلة القيادة لتوفير مرونة

أكبر واستجابة أسرع، كما زودت "جاجوار" بمجموعة من عوامل الأمان العالية التي حازت على ثقة المستهلك العالمي؛

فتتكون الفرامل من ديسكات متطورة مهواة، مع خاصية منع الانزلاق الكبحي ABS والتي تنشط عمل الفرامل إلى

ذروتها عند الطوارئ، كما تم تدعيم الـXK المكشوفة بنسخة معدلة من نظام "جاجوار" للتعليق الفعال عالي التقنية

يعمل بالكمبيوتر (CATS) والذي يقوم بضبط وضعية ماص الصدمات آليا ليوفر استقرارا كبيرا على السرعات العالية.

كما أن هناك نظام مراقبة ضغط الهواء بالإطارات حفاظا على سلامة ركاب الـXK، مع تزويدها بنظام "بروتيك" لمساند

الرءوس يخفف من وطأة التصادم في منطقة العنق.

http://motori.virgilio.it/static/upl/j/jaguarxk2006-7044-018-f.jpg


http://motori.virgilio.it/static/upl/j/jaguarxk2006-7044-019-f.jpg


اتمنى اني افدتك بشي:fa38:

السموحه ع التقصير

[تحفه]

أللــــــــــــــه .. هالجمال ولابلاش
على كم هاي؟

[الرحيل]

غاليه بس ماعرف بالظبط بكمbrgll:

[شرجاوي]

330 الف

[تحفه]

مـا تنفع لي الحين .. اكيد قطع غيارها بتكون غاليه .. أبويه ما بيشتري لي اياها

شو السياييير الكول .. الي قطع غيارها رخيصه .. ابويه يبالي شي اتعلم عليه اول سنتين .. اقتراحاته كلها شيبت لي شعر راسي

[شرجاوي]

خذيلج بورش كايمن اس او بي ام دبليو 645 او اس ال 350

[الرحيل]

يعني كم حدج

[ذنـيـنـي]

الناس بعدهم يحاتون قطع الغيار !!!

الحين في شي متوفر في كل الوكالات و اسمه Service contract

و هو عقد صيانه و بموجب هذا العقد الوكيل بيتكفل بكل قطع الغيارة و التشييكات بدون ما يدفع الشخص ولا فلس على سيارته

يستثنى من العقد التواير و البترول خخخخخخ

و هالشي متوفر لدى اغلب الوكلاء و الطاير الي هو وكيل الجاغوار من الوكلاء المتميزين في هذا المجال
و عقد الصيانه عنده وايد ممتاز


خذيلج مرسيدس CLS حلوة و كوول و بنوتية و عملية
و تناسب البنات اكثر من السيارات الكوبيه ;)

و على العصر اذا كنتي طالعه,, مري شارع الشيخ زايد
و دشي وكالة المرسيدس و شوفي الـ CLK و CLS و سيري وكالة الطاير للسيارات و شوفي الجاغوار

لأنج يوم بتشوفين السيارة على الطبيعه غير عن انج تسمعين فلان و فلانه

[تحفه]

انته تتمصخر علي .. قلت لك سالفة التكنسيلات .. بالزوووووووووور وافق يظهر لي سيارة مره ثانيه ..

ابويه متعقد مني .. والحين عايبتنه سياره نسيت اسمها .. رخيصه زينه حق التعليم و التكسّير على قولته .. حلوه بس مب شي .. احب اشكال اللكزز من داخل .. هاييج رخيصه فـ شكلها من داخل ولا المقابر >.<


ادور سيايير ب اميه وخمسين .. اميه وثمانين .. شي جي

لا تقولون لي مورانو و طوارق .. جدام عفنو .. كل البنات عندهم .. ابي شي حلو شرات الجاغور

[تحفه]

عن الجغور .. ابويه مب راضي يظهر لي جغور .. عنا ثنتين في العايله .. احس محد يسوقهم الحين ..

[المزوحي]

لكزس جي اس 185 ألف تقريبا او ار اكس 350 فورييل بــ 185 أظن بعد ...

[تحفه]

اللكزز اليديده المستخفين عليها في بوظبي على كم؟

هاي الي كودها 300?

[ذنـيـنـي]

شوفي الأودي A6

حلوة و عملية و رزينه و ثابته و السيفتي فيها وايد ممتاز

و في حدود السعر الي حطيتيه

http://www.audi-me.com/audi/me/en2/neuwagen/a6/limousine.html

[ذنـيـنـي]

GS300

سعرها 190 على ما اذكر

[تحفه]

مشكور ذنيني والاخوان الباجين .. بس انا ماحب السيايير النازله ..

[تحفه]

احب احس عمري متحكمه في الشارع .. احب المرتفع

[صريح]

http://upload.bindubai.com/download/e7saas/mrhf_hearts.gif


اذا تبغين تحسين انج متحكمه في الشارع و سياره مرتفعه ..

خذيلج Hummer H3 :ice: ..
سعرها 150 ألف تقريبا


هاا شو الرااي

http://upload.bindubai.com/download/e7saas/mrhf_hearts.gif

[تحفه]

والله في خاطري همر .. بس اخاف يتحروني مستريله

[إسهر معي ليله]

الإخوان ما قصروا

بس اذا انتي بتقولين هالسياره بيتحروني مستريلة
وهاي صايعه..وهذيج مال هنود .. ما بتاخذين شي خخخ

خذي شي انتي مقتنعه منه واهم شي تجربينها قبل ما تاخذينها

والأفضل انها ما تكون منتشرة.. حلو تكونين متميزة

والسمووووحه

[عيون الليل]

اخويه أسهر معي ليلــه .،.،
شــي سيــاره مب موجوده ومنتشره !!
خلاص انســى ف هالوقت شي اسمه تميـــز .،.،
الرنج السبورت انتشرت وحتى المهنده عندهم .،.، البورش وحتى الاودي اليديده شايفه واحد هندي عنده ومره شفت ام ال يديده عليها ثلاثي دبي بعد هندي يسوقها وشووو شايف عمره فووووق !!

خلاص انســـى شي اسمه اتكون متميــز ف الشــارع .،.،

الاخت بوظبي .،.، الجاكوار الاسبورت الي حاطين صورتها وايد سبورت يعني ما تنفع لج .،.، نزلت ف دبي وشي منهن 5 بس وواحد من اهلنا شارنها من كم يوم والكل يمدحها بس مب حق بنيه لانها وايد سبورت زياده عن اللزوم .،.،

مالج الا الانفينتي أو البورش إذا تبيـــن فورويل وبحدود السعر الي حطيتيه
أو شوفيلج انفينتي الكوبيه حلوه ومن كم يوم شايفه بنيه عندها .،.، صح سبورت بس مناسبه حق البنات
أو اللكزس الي قالوا لج عنها الاخوان
وكل هالسيارات بحدود الميزانيه الي حطيتيها .،.،.،

وبالتوفيـــج إن شالله

[إسهر معي ليله]

:: عيون الليل ::

عندج الـ بوغاتي مميزه خخخخخخخ

لا صدق.. فيه سيايير.. مثلاً الجاكوار الصالون العوده.. مب وايد منتشرة
عندج المزيراتي بعد حليوه ومميزه.. صح انهم منتشرين بس مب شرات
الرنج وهذيل.. اللي نشوفهم فأي مكان يتيمعون الشباب فيه!

[ذنـيـنـي]

RANG ROVER > TAXI

اذا شركه لاند روفر تصنع 50 الف رنج في السنه,, اتوقع انه 15 الف منها للامارات و 15 الف لأمريكا

و 20 الف توزع على باقي دول العالم خخخخخخخخخخ

[لمّــاح]

مرحبا ..

اذا اتحبين المواتر الامريكية عندج الاسكليد اليديد .. صغرو حجم الموتر و شكله غير .. يابو 10 حبات وحده عند اربيعي الحين و يمدحها .. لكن سعرها 240 يعني اكثر عن اللمت مالج ..

اذا حبيتي بعد خذيلج كدلك سي تي اس او اي موديل ثاني من هالمواتر الصالون مالهم .. الكدلك مب نازل وايد و مكينته ممتازه و ينفع حق البنات ..

على 180 تقدرين اتحصلين اي ام 745 مستعمله شويه و نظيفه ..

يعني وايد خيارات شوفي الانسب و اختاري ..

[الرحيل]

:mar7ba: انا اشوف انه لكزس بتكون لايقه عليج:rr:

سياره ولا اروع والله من تسوقينها :6: ماتبين تردين البيت

ونفس ماقالوا اخواني لاتفكرين انه تسوقين سياره محد عنده شراتها:3:

اما اذا كنتي من الفجيره يمكن:harhar1:

حبايبي والله:fa35:

المهم شي نوعين وهو ال 6 سلندر و8 اللي انا اشوفه الافضل:fa42:

http://www.lexus.co.uk/Images/lex_70_lcars_feat_sa_ngg_tcm254-66992.jpg


http://www.lexus.co.uk/Images/lex_70_lcars_feat_sa_ngg_tcm254-66992.jpg


http://www.familycar.com/RoadTests/LexusGS430/Images2006/LeftFront.jpg

http://www.familycar.com/RoadTests/LexusGS430/Images2006/AuxControls3-sm.jpg

http://www.familycar.com/RoadTests/LexusGS430/Images2006/Dash-md.jpg

http://www.familycar.com/RoadTests/LexusGS430/Images2006/Start.jpg

http://www.familycar.com/RoadTests/LexusGS430/Images2006/EngineV8-md.jpg

http://www.familycar.com/RoadTests/LexusGS430/Images2006/ParkAssist.jpg

http://www.familycar.com/RoadTests/LexusGS430/Images2006/LeftRear.jpg

http://cars.about.com/library/graphics/ch_06gs430_rear.jpg


http://cars.about.com/b/a/06GS430_BLOG.JPG

قيمتها مايزيد عن 215 الف اظنتي بحدود 210 وهذي اللي فل اوبشن

و8 سلندر انا اشوف انه سعرها مناسب:4:

[ذنـيـنـي]

الرحيل تبغي تجتل البنية انته لول

الـ 300 كفاية على البنات,,,
ولا تراك بتشوف العجب في الشوارع

[الرحيل]

:fa34: :fa34: :fa34: :fa34:

ليش ذنيني


:harhar1: :harhar1: :harhar1:

[تحفه]

انا خلاص ابي اشتري سياره يعني بشتري سياره ..

اليوم هددتهم اذا ما شفت شي يمشي على تواير حقي في القاراج السنه اليايه ما بروح الجامعه XP

[مجموعة إنسان]

خذيلج كورولا احسن ...
اساليني عنها ...
سهل تلقين باركن فيها
حق التجاوز احلا منها ماشي
حق كراااااف مافي مثلها
سامانها رخييص... (عادي تسيرين الدكان تقوليله ييب 2 سفايف جدام واحد بمبر ووو خلهم ثنين واحد جدام واحد ورا )))
..
وما تشوفين وايد ناس عندهم كورولا ..لووووووووووووووول

[مجموعة إنسان]

هيي صح نسييييت
مره وحده تكوون مشرووع تكسي ...
يعني اذا مليتي منها خطين ذهبيين و استوى تكسي بوظبي
الحياااه حلوه معاها

[شرجاوي]

وااااهاهاهاهاهاهاها ... حلوه حلوه هواجيس ...

اختي خذيلج كاديلاك STS موتر الصراحه ما عليه كلام ... 195 الف 8 سلندر رقم واحد ... 168 الف 6 سلندر رقم 1

[عيون الليل]

ها شو خذتي؟

[تحفه]

ماخذت شي .. إكتشف انهم جذبو علي .. خذوني على قد عقلي .. يخافون مايبون يعطوني سياره ..يقولون اخطر شي طريج جامعتنا اليديده .. كله شاحنات مستحيل يخلوني انا "المتهوره" اسوق =(

[تحفه]

انا خلاص قررت اتزوج .. ومهري سياره و صلاحية حره للسواقه مدى الحياه .. يالله دورولي معرس

[مجموعة إنسان]

انا خلاص قررت اتزوج .. ومهري سياره و صلاحية حره للسواقه مدى الحياه .. يالله دورولي معرس

أزوجي وكاله سيارات ..:boxed:
..

[تحفه]

أزوجي وكاله سيارات ..:boxed:
..


إقتراح جميل جدا .. تنفع مؤلف أفلام الخيال العلمي :harhar1:

[ذنـيـنـي]

هههههههههههههههه

الله يوفقج يا ام خدود,, منه السيارة و منج الحواطه لول

[إسهر معي ليله]

صدقهم.. درب جامعتكم اليديده اللي هوه درب كليتنا.. الشباب ما سلموا منه!
كيف لو بنت بعد.. حد يوديج واييبج اريح لج.. :yes: لأنه الطريج HighWay

اما عن المعرس ترى سهل تحصلينه لو جيه المهر.. بس اهم شي شو نوع السيارة :harhar1:
لو غاليه.. انسي لوول

[تحفه]

شبلاكم صدقتوني اظاهر كسرت خواطركم ... كنت اتمصخر آخر شي اسويه في هالدنيا اعرس .. بس صدق السالفه عندي ماساويه بشكل مازمني نفسيا .. حذفو الموضوع قلبي يعورني كل ما اشوفه ='(

[مجموعة إنسان]

ام خدوود ..
عادي تزوجيين كرااج .. او معرض سيارات ؟؟!!
صعب تلاقين وكاله ؟؟

[ولد الحكومة]

نصيحتي ... أخذي لكزس GS300 اليديده وايد حلوة ... سعرها تقريبا 180,000

[ماوحشتك]

:ice:

بعدج اتدورين :kkk:

:harhar1: انا شراتج
ابوي محدد لي سعر وقالي نفس رمست ابوج سنتين عسب اونه ادرب عليها واتعود على قولته
اونه عشان يوم تدعمين فيها :puppyeyes: قتله بسمالله وليش ادعم خخ

مشكله

وظهر لي سياره ىى مادري منو تارس راسه عليها. قتله لا تاخذها لاني ما بسوقها
ويوم يابها وجان اتيني جلطه :shock: يبا يحطيني جدام الامر الواقع
:bye2: قلته لو يقتلوني ما اسوقها
وعصبت عليه ههههه وما ستقتها ومادري شو سوابها اسبوع وشي واختفت من جدام بيتنا :fa34:

اونه انتي خقااقه :boxed:
يعني اقوله بالعقل .. خذ لي مره عن مرتين :kkk: مب راضي يقتنع :fa39:

واحينه ساكته عنه :negab:



و اخوي الرحيل

ونفس ماقالوا اخواني لاتفكرين انه تسوقين سياره محد عنده شراتها

اما اذا كنتي من الفجيره يمكن

حبايبي والله

:kkk: شو تتحرانا ؟؟
الحمدلله عدنا سياير مثل الناس :kkk: :negab:

[عيون الليل]

ما عليــج فتره وبيغيرون رايهم .،.،
يالله اتريي الاكس فايف اليديده .،.، يمكن اتعيبج