أخواني شياطين ...

[ناعسة الطرف]

:
[COLOR="Plum"]السلام عليكم
شحالكم ... عساكم بخير ...:yes:

أعزائي ... الصراحه أنا عندي مشكله وأباكم تساعدوني في حلها ماعليكم امر..
السالفه وما فيها ان انا عندي أخواني مثل كل الناس (( بس أخوان ما أعرف اوصفهم بأي وصف ))
شياطين:narr: عفاريت :narr: والله ما أعرف (( ماشاء الله عليهم )) عندهم طاقه زايده ما يعرفون شو ايسون بها جد تعت وياهم كوني أكبر وحده فيهم احم احم ... نصايح ونصحتهم لعب والعب وياهم أكثر عن جي شو اسوي:pullhair:

نبدا مع محمد :nono:
العمر : 13 سنه بليس ميلس ما يطيج كلمه من حد لا الوالد ولا الوالده ولا حتى أنا:no0: كل ما امروه بشيي قام وهو ينافخ ويتأفف ..

الثاني مايد ::fa38:
العمر :11 سنه عاده هذا على صوب يستعرض عظلاته ويكفخ كل حد وبيظارب كل حد هو خدوم بس في حالات معينه ..

الثالث سالم بو غنيم .. ما يداني ها الاسم اذا حد زقره بوغنيم جنه حد سابنه:narr:
العمر :10 سنوات شيطان بس من تحت لين تحت يخرب ويسوي العجب وبعدين يقول والله مب انا اللي مسوي هذا ميود ولا يرد على سيف:sadwalk: ..

وصنا للرابع سيف :kkk:
العمر :5 سنوات تشوفه تقول هنيه البرأه والطفوله بس اذا بغا شي وما عطيناه والله يصيح صياح واللي يقهر مب اي صياح لا صياح يطر الاذن من صوته وعادي بيصيح ساعه كامله متواصله :fa43:

اللي يزيدني قهر وحره ان الوالد والوالده مب مقصرين وياهم بشي والله
بعد في شي ثاني انهم ما يتودون مكان جنهم أول مره يظهرون من البيت خصه سيف ... أحيد مره سايرين المول كلهم ويا الوالد سيف ويايه أنا والوالده عاده ناعسة الطرف تتمشى تبا تشرى وحليلها .. ونحن نمشي الأخ الحبيب سيف لمح كوره في واجهة المحل في البدايه الحبيب يلمح بعدين شاف أنه ما في فايده صاح قال يمكن عل وعسى يحسون اوانا اوني مسويه طااااااااف بس منو يقول ليش ما ينسدح ويظرب بريوله الارض صدق قفطه:fa46: جدام الخلق والعالم يا سيف نش ما شي فيده نش باخذلك شي ثاني لا الا ابا ها الكوره ..

عاده الاجازه بدت بحاول أغير من أطباعهم بس كيف خبروني عندي هاي لاجازه وبس بعدين على بدايه السنه برد بيت يدوتي ما بقدر أشوفهم الا في الويك اند ..

والله حاله الكل يتشكى منهم أخوانج كسرو وأخوانج خربو أخوانج ظربوني وأخوانج سوبي عندي أمل اني أصلح حاله .. بعون الله وبعونكم ... حالتي صعبه صح انهم يهال بس بعد هم امصخينها

وأسمحولي اذا ثجلت عليكم .. افيدوني :bye2: ]

[ريم العين]

هههههههههههههههههه

حرام حليلهم فديتهم والله

الله يعينج ويصبرج ييبيهم عندي خصوصا سيفوه اباه هههه

[فركوشه]

حليلهم طيوبين..

عاد انتي تعالي شوفي اللي فبيتنا..

كل وحده عندها درزن اولاد .. وكل واحد يكمل شطانة الثاني..

الله يعينج..

[وحي القلم]

ناعسة الطرف

الله ايعينج.. بس هم بعدهم يهال يمكن يعقلون عقب :)

اوعديهم ابشي هم ايحبونه.. يعني قوليلهم عندكم اسبوعين بشوف إذا اعتدلتوا بعطيكم الى تبونه..

حاولي اتقربين منهم أكثر خصوصا العود منهم

و حاولي تكسبين الى أصغر لعبيهم.. اشتريلهم حلاوه.. أي شي ايعيبهم

يمكن يسمعون كلامج بعدين

..
و السموحه

[إسهر معي ليله]

خخخخخخخ

عادي اختي.. شي طبيعي هذا.. كل اليهال جيه.. وزين
يوم فيهم طاقه ويتحركون :yes:

صح ان الموضوع فيه سلبيات مثل ضرب ونحاسه
بس هاي اشياء بسيطه ان شاالله ولا تهتمين لهــا

في العمر اللي هم فيه محتاجين شي واحد،، رابعيهم
وخليهم يتعلقون فيج.. صدقيني بيقلدونج في كل شـي
تسوينه.. بس اهم شي ما تكونين انتي شيطانه بعد brgll:

الله يحفظهم ان شالله

[ناعسة الطرف]

ريم العين ... فالج طيب خلاص يبه ((بس الصراحه ما اروم استغنى عنه))

فركوشه ... تسلمين على مرورج

وحي القلم ..
بس أنا حاولت وياهم أعطيهم من وقتي ألعب وياهم خصوصا محمد ألعب وياه سوني ساعات اديهم على عمري والله ..

تسلمون..

[شوق القلوب]

السلام عليكم..

ناعسة الطرف.. ما خبرتينا.. كم فرق في السنوات بينج و بين محمد ..؟؟

[ناعسة الطرف]

اسهر معي ليله ... تسلم .. أنا ارابعهم واحاول قد ما اقدر اني اخليهم ياخذون من اطبباعي وانجح بس عقب فتره يرجعون .. ومشكور ما قصرت

شوق القلوب .. الفرق بيني وبين محمد 8 سنوات

[دموع قلم]

وعليـكم السـلام ورحمـة الله وبركـاته


نــاعسـة الطـرف..

مثـل مـا قـالوا الأعضـــاء ألعبــي معــهم وسايـريـهـم وونسيـــهم, خليـهم يتعلقـون فيــج ويحبـونج عشـان
عقـب يسمعـون كلامج, بس أنصحـج لا تكثـريـن فـي الدلــع, سـوا مـن الوالديـن أو منـج, لأن الـدلع يـزيد
من شطـانتـهم وعفـاريتـهـم ويخليـهم يتمـادون في حركـاتهم الزايـدة.. يعنـي حـاولي تفهميــنهم وتعلمينـهم
أن فـي وقـت الللعـب لعـب, ووقت الجـد جـد, يعني في البيت ألعبـي وياهم بس عقب اللعــب خلـهم يـرتبـون
الألعـاب والمكـان وياج وخليهم يتعلمـون منج, وإذا في بيت حد من الأهل خلهم يتأدبون وييلسون بهدوء,
وجيـه يعنـي.. صح أن هالشي بيتعبج وايد وبيـاخذ وقـت طـويل ليـن ما يتغيـرون ويتعلمـون, بـس ما عليه
اتعبي الحيـن, عشان ترتـاحين عقـب.. وربـــي بيجـازيـج كـل خيـر والزوج والـذرية الصالحـة إن شاء الله

:)


ربـي يـوفقـج ويعينـج إن شـاء الله..

[دانة حتا]

هههههههه كل اليهال جذا
بس مب حلو الياهل هادي وما يسوي شي
انا عندي مب شياطين عندي ابليس واخوااانه

ولا حمادي ياهل 9 شهور بس يخبل فينا اكثر عن الكبار
ابليس ارحم منهم هاليهااال
بس الله يحفظ كل اليها ويخليهم فديتهم طفووووله خلهم يعيشونها
عقب بيصيروا شراتناااا

الله يعينج

[قرموشة]

:fa41: :fa41: حــبيت اخويــه الوحــيد زيــاده :fa41: :fa41:

يؤيؤيؤيؤ:puppyeyes:

مــا أقول غــير الله يعييينــج .. بنت عمــي عندهــا نفس حــالتج .. بنت وحــيده بيــن 4 اولاد ..
ومــاشاءالله عليــهم . . صدق مأذينــها .. :negab:

الله يعيينــج .. وجــربي الاقتــراحــات اللي حطــوهــا الاعــضاء . . :)

[ناعسة الطرف]

مرحبا .. تسلمون وما قصرتو

ان شاء الله بسوي بالنصايح وبطول بالي عليهم ... وربي يوفق الجميع

كنت اظن اني انا الوحيده اللي أعاني ...

مشكورين

[تحفه]

أشاركج بهمج ويا خوانج .. الله يهدي الاولاد

[تحفه]

أشاركج بهمج ويا خوانج .. الله يهدي الاولاد

[قلوب دبي]

عليكم السلام ورحمه الله


كلكم في صوب و بوغنيم في صوب ^_^
لحد ااي صوبه خخخخخخ:kcl:



مساج الله بالخير ..
يطولي بعمرج في كل بيت في كل مكان هالشطانه ما اتخلص و لكن يبالها شويه من الدبلوماسيه
في التعامل معاهم , من اكبرهم لأصغرهم ، الكلمه الطيبه و العين الحمره الاثنين لازم ايكونون
متواجدين في مكان واحد ، محمد بحاجه الى صداقه و خاصه هالسنم بدايه المراهقه ، و يمكن ما
يتقبل اي شيء من حد و نفس ما ذكرتي اشوف فارق العمر هو اللي يخليه ما يقدر ايصارحج او انه
ما يتقبل اي امر ع قولته يمكن انه كبر و ما يبا شيء غير انه يعاند و يكابر ، فإن شاء الله تحاولين
انج تستوين اربيعته و لا تعاندينه صح يمكن ايكون الامر شوي صعب و لكن مع الايام بتكسبينه و
يمكن يعاندج و يركب ع راسج و لكن بحاجه لانه تعطينه الليام و اتردين تسحبينه ، الحينه دور مايد
هذا طبقه من عبدالله اللي عندنا اونه قوي و ما ايظهر عظلاته الا على اخته شما حليلها متأذيه منه و
لكن مع الايام اشوفها اتعودت عليه قامت اتظاربه خخخخخخ ، ها يا طويله العمر يباله العين الحمره ،
رصي عليه شويه و ردي ارخي لانه لا اتمين ضاغطه عليه ، حريه بعين و اضربيه و ردي راضيه ،
لا اتخلينه يوصل لمرحله العناد اللي وصل الها محمد ، محمد عمره شرات عمر عبدالله عندنا ، و ان
شاء الله تنجح هالطريقه معاه ، والحينه طبعا الشيخ سالم ( بو غنوم - بوغنام - بو غنيم - بو غانم )
هذا يا طويله العمر السمي ولا اتثقوليله شيء ( هييييه الحينه بتقولون يا هذا و يبا يسوي تفرقه
عنصريه عشان السمي ) ههههه لالالا ، الله يسلمج ها عامليه شرات ما اتعاملين مايد لانه اعمارهم
متقاربه وايد و بيحسون في نفس المعامله ما بزيد عليه الا شرات ما قلت هو و مايد نفس الطريقه
العين الحمره و ردي على القلب الحنين ، و اخيرا البزاي سواف ( ايعيبني هالاسم ) ، ها الولد في فتره
طفوله و مدلعينه اكثر عن اخوانه و من قال شيء ما ردوه اعتقد هاي من وجه نظري و لكن في البيت
قبل لا تظهرين اتعطينه من هالرمسه الزينه و اتقوليله ما اتسوي و ما اتسوي ويوم انقولك
اوكي اوكي و يوم انقولك لا يعني لا و من هالقبيل و لا اتخلين ( الوالد ولا الوالده ) يخربون عليج ،
حاولي اتقفهمينهم ، و طبعا متأكد 100 % ما بيسمعولج لانه نفس الكلام انا اقوله لأمايه واقول لا
ادلعينهم ولا شيء اشوفها من ورايه مب امقصره خخخخخ كل طلعه للسوق العاب ، اخر العنقود
بحاجه لعنايه و درايه دلعيه و لكن لا اتبالغين لانه بحاجه للدلع واللين والعين الحمره ع الخفيف ..


ما يندرى شو بظهر شكلي طبيب نفساني للاطفال او اخصائي اجتماعي ههههه..brgll:


ما عليه حاولي اطبقين النصائح و الاساليب وان شاء الله تنجح
و عقب كم شهر نباج اتخبرينا شو صار ..:yes:




موفقه يا ربي
و ربي يحفظكم و يجمعكم ع خير ^_^


السموحه


قلوب دبي

[قلوب دبي]

*** هيه صح نسيت اقول ( سالم ) لا اطفرينه بكلمه بو غنيم يمكن ما ايدانيها ، قوليله بالكلمات اللي ايحبها و مع الايام فهميه انه كلمه بو غنين عاديه وجي يعني بالسياسه والتدريج ..

^_^

[وحي القلم]

و انا أقولج اظربي سالم >>> أمزح أمزحbrgll:

قلوب دبي.. شو هالتحيز؟!!!:harhar1:

ناعسة الطرف

نسيت أقولج.. لا اتحسسينهم بانج ما اتعاملينهم كلهم بنفس الطريقه عن ايغارون من بعض

..

و السموحه

[ناعسة الطرف]

تسلم أخويه .. قلوب دبي ..
أن شاء الله بطيق النصايح والاساليب وانا على أمل اني بقدر أغيرهم ..

مشكرو وما قصرت

بحاول أصادق محمد .. واتقرب من مايد وسالم أكثر .. وسيف ان شاء الله بيسمع كلامي ..أتمنى ..

تحياتي ..

[ناعسة الطرف]

قلوب دبي .. ما بقوله بو غنيم .. ليش هو يداني شي ؟؟

الفارس 2000 .. آمين يارب الله يهديهم ..

وحي القلم .. لا ان شاء الله بحاول أتفادى ها الشي ..

الله المستعان ..

[شمعة أمل]

ياحظج عندج خوان ..

هممم ماعرف والله كيف يتعاملون ويا الاولاد .. بس ولد خاتي جي عشر سنوات شيطان بشكل فضيع ف اذا يكمل اسبوعين وهو شاطر تشتريله هديه عادتا لعبه حق البلي ستيشن:harhar1: