شو رايكم في .. تركيا ؟؟

[وحي القلم]

السلام عليكم و رحمة الله و بركاته

(( ما عرفت وين أحط الموضوع.. :kcl: ))

بس بغيت أسألكم عن تركيا.. حد منكم سارلها في آخر سنتين ؟؟ :kkk:

لانه الى سمعته أنه وايد زادوا فيها الحراميه عقب حرب العراق

:no0:

فقلت بتأكد

..
و السموحه
وحي القلم
:fa35:

[شمعة أمل]

ماعرف عن الحراميه
بس
ابويه الحينه في الطياره راد من تركيا ^_^

تركيا وايد حلوه وأثريه .. لكن فيها مرض انفلونزا الطيور + زلازل < اجوف انه هالشيئين اخطر شي =s

[وحي القلم]

انفلونزا الطيور بعد !! :boxed:

ما ادري ليش مصرين عليها :sadwalk:

..

[الشحية]

الصــــراحه تركيا وايد حلوه أنا سايرلتها السنه اللي طافت ..
وكل منــطقــه أحلى عن الثــانيه ..
وفي منــاطق محد يسيــرلها من الســياح بس وايد حلوه بالنسبه بــــــــــالي ..
( خاطري أســـيرها هاي الســنه * ) << أميـــه أتقولي عشـــاقه لول ..

بس مثـــل ما قالت شمعة أمل فيها انفلونزا الطيور ,, زلازل <<< زيغه الصراحه ..

والسموحــه منج ..

[وحي القلم]

الشحيه

شو المناطق الحلوه الى سرتيلهن في تركيا ..؟

و السموحه عالمغثه :kcl:

[شوق القلوب]

الســـلام عليـــكم..

يااا هلا والله بصـــديقتـــي .. :ice:




أنا بعد أبـــويه الحيــن في الطيــاره ساير تركيــا ..!!

عنده شغل طبعاً.. يعني مب سفرة سياحه..

..

كان خاطري اسير وياه.. لانه وااااايد يمدحونها ..

اسئلي حلمي الجميـــل.. هي سايرتلها.. و يمكن اتسيرلها السنه :bow:

اتواااعدوا هنااااااك :fa35:

[تحفه]

زينه .. بس انا ماحبيتها .. في طبيعه و متاحف ( يعني حق سوالف الكبار )
اسواقها عاديه .. و مافيها ملاهي وايد ^^ عسب جي يوم سرتها ما حبيتها


بس احلى شي السياكل والخيول هناك

[حلم الطفوله]

السلام عليكم ورحمة الله وبركاته

إختيه وحي القلم ...تدرين ؟ إنتي ثالث شخص اليوم يسألني عن تركيا !:kkk:

تركيا كبلد سياحي رهيييييييييييييييييييييبه واااااااااااايد:fa35: جنة الله بالأرض من خضارها

كافي انج تلعبين بالملاييين لعب ...لأنه عملتها بالمليون:fa39:

وتركيا من قسمين تركيا الأوروبية وتركيا الآسيويه يفصل بينهم جسر كبير...

من فترة عشر سنين تقريبا كانت أكثر الأماكن السياحيه بس من خمس سنين وعقب الزلازل

والانفجارات صارت هالبلد جدا غاليه لأنه عملتها صارت اليورو والدولار ! والناس يخافون على

عمارهم لأنه الزلازل والتفجيرات ما تنضمن للحين:boxed: بس الأعمار بيد الله وإلا شو رايج:fa38:

كسياحه وآثار .... تركيا كلها أثريه والجوامع إلي فيها تستحق إنج تزورينها ...عدهم الجامع الأزرق والجامع ؟نسيت شو اسمه ...هذا بتشوفين فيه تفاصيل حياة الأتراك من جدور ولبس لين الدبابات .....وبعد بتشوفين قسم خاص فيه شعرة الرسول -صلى الله عليه وسلم-

كطبيعه تركيا تتكون من مجموعة جزر أنصحج اتزورينها أكيد ...طبعا الرحلة تكون إنج تركبين بسيارتج بالسفينه لمدة ساعه مثلا ....

المناظر فيهااااا رهيبه فلا تنسين الكاميرا:doh:

ومن هالجزر... جزيرة الأميرات .... طبعا بتركبين عربه يجرها حصان وبتشوفين بيوت الأميرات وقبورهم:bow:

جزيرة يلاوا .... فيها عيون الماي الحاره والشلالات ... وأسواقهم حلوه ورخيصه فاتشروا من هناك

جزيرة بورصه .... رهيييبه وخصوصا بالشتاء كلها ثلج ...وحتى بالصيف بارده وخصوصا بأعلى الجبل وحلاته بإنج من توصلين يعطونج مشاوي وتشوينها بروحج ...طعمها رهيييب
صح وفيها تلفريك ... يعني ما يستوي توصلين بورصه وما تركبين تلفريكهم
ومنطقة الشلالات بعد لا تنسين تسيرينها ....

منطقة بحيرة( أفنت) ...هاي بين اسطنبول وأنقره ...ساعتين بالسياره ...رهييييييييبه بمعنى الكلمه يعني مثل جبل حفيت تلفين بالسياره ساعه كامله وتنبهرين بالمناظر والمزارع وبالقمه بتشوفين البحيره
وبعد فيه عربة يجرها حصان بتعرفكم على المكان ....

باسطنبول ... أنصحج تسيرين منطقة المزارع والتركيين بيستضيفونكم فيها وما بيقصرون وياكم ...

وفيه مركزين أغلب العرب يزورونهم ...مترووو ...وأك مركز ... وعدهم كارفور بعد:unlock:

ولا تنسين تسيرين السوق المصري .... بعد ما تتجولين فيه وتتشرين ...وانتي طالعه بتشوفين محل للقهوه التركيه امجابل محل مواعين ....قهوته رهيبه اشتري من عدهم:yes:

الترفيه ...فيه حديقه مفتوحه للكبار وللصغار ...فيها مكان مخصص لركوب لخيول والعاب لليهال طبعا مب الكترونيه ومطاعم مفتوحه....بس الحديقه وسيعه ورهيبه

وفيه الحديقة الزجاجيه بأتاليا .... هاي كلها الكترونيه ووايد حلوه ....

بس الأتراك جافين بمعاملتهم فلازم يكون وياكم دليل سياحي يعرف عربي ....

وتحملوا من شناطكم ولا ادشون بالزحمه وااااايد .... واتحملوا من اليهال عن يضيعون ورحله سعيده

إن تذكرت شيء زياده بخبرج إن شاء الله ....

[لمّــاح]

مرحبا ..

حلم الطفوله ماخلت شي ماشاءالله :harhar1:

تركيا حلوه .. بس وايد حراميه فيها .. !! :boxed:

حتى بيزاتهم لازم تتأكدين منها لأنهم ساعات يزيدون الاصفار الي في النوط :puppyeyes:

عموما هي حلوه و بورصه الشواب مطيحين فيها :fa38:

[حلم الطفوله]

السلام عليكم

اخويه لمااااح راعي سدرة الصبار:yes:

شفت عاد حلم خبيره .... لو مب منقووود جان استويت مرشده سياحيه :doh:

بس تدري من سنتين قللوا الأصفار ! الحين عرفت السبب ! تزوير أونه ! صدق إنهم حراميه

خبرنا عن الأماكن إلي سرتها بتركيا يمكن نستفيد بعد يا لماح:smartass:

[الشحية]

أختي وحي القلـــــم .. >> أختي حلم الطفولــة ما قصرت ...
قالت اللي كنت بقوله ,, ووفت عني ..

لمّــاح : صدقت والله الحرااميـــه واايديين أهناكي ..


بوظبي ( أم خدود ) : شكلج ما شرقي ولا غربتي في تركــيا ..
فيها مراكــز ,, وفيها ملاهـــي وايـــــد ..
أغلبيت المناطق اللي سرتها فيها ملاهــــــــي و وعن الاسواق مكودة وايد عنهم ..
وأسوااقهــم وايد حلوة ..



السموحه منكم

[ذنـيـنـي]

نحن كنا نعسكر في "يلوا" يوم كنا صغار,
كنا نيلس هناك شهر و نص او شهرين

طبعا ما اذكر شي فيها لأننا كنا صغار و ما نسير غير الملاهي الصغيرة الي صوب البحر خخخخخ
كنا انسير و انرد على ابويه نطلب منه الحمرا "النوط الاحمر مالهم" بس لا تسألوني كم قيمة النوط الي اتكلم عنه
والله انها ايام حلوة,,

في خاطري اسيرلها مرة ثانية

[ولد الشحوح]

انا ساير تركيا اربع مراااااااااااااااااااااات
بلد ما عليها كلام خاصة للعوايل .....
نحن نعسكر شهر فبورصة من وجهة نظر عايلتنا انها احلى منطقة
يلوا حلوة بس مب مثل بورصة
بورصة هادية فيها حديقة فيها العااااااااااااب وفيها السوق المسقوف ومول تجاري عندكم يبل تطلعون عليه بالدرج ( رياضة ) والشلالات و التلفريك وااااااااايد أشياء حلوة وشعب بورصة ما في احسن منهم غير عن اسطنبول انا انصح فيها ودليل على ان تركيا بلد حلو جوفوا عدد الخليجيين اللي هنااااااااااااك .... خاصة عالمطاعم لووووووووووول نحن ما نحب الزحمة نطلع كل اليوم الساعة 11 فليل للحديقة عندنا مكان بروحنا بعيد عن الحشرة وفيه العاب لليهال ونيلس لين الساعة 2 فليل
نصيحة اللي وده يقوي علاقته مه أهله يسير هناك وطلعوا ويا بعض ويلسوا سولفوا وخذو راحتكم محد له خص فحد
هيه نسيت فبورصة عندكم شارع اسمه شارشمبا كل يوم اربعاء عندهم سوق خضار طازج والله روعة
ارد اقوووول مافي غير بورصة مافي غير بورصة لا مترجم ولا دليل والله عيش المغامرات هناك ... انا واخوي نطلع نتمشى لين ما نتعب وما نعرف شقايل نرد وندور ندور لين نرجع ....
اندمجت فالموضوع لوووووووولول
ا ل س م و ح ة

[وحي القلم]

أول بادي.. أشكر كل الى ردوا عليّه :)

اربيعتي شوق القلوب :ice:

مشكووره
و ما شا الله عليها حلم الطفوله
ردت قبل ما أسألها

:fa35:

بوظبي

مشكوره اختيه
المهم اتكون طبيعتها حلوه

:yes:

حــلـــم الطـــفـــوله

مشكوووره و الله هذا الى كنت أبغيه
شجعتيني عالسيره :fa35:
انزين بسألج.. جد سرتي طربزون ؟
شو رايج فيها إذا سرتي .. حلوه ؟
ايقولولي فيها شلالات أظني

:fa35:

لماح

مادري و الله..
أنا ربيعتي قالتلي أنه وايدين الحراميه فيها
بس بعد أظني أنه على حسب الأماكن الى اتسيرلهن
عشان جيه قلت بسأل أحسن
و حلم الطفوله ما قصرت :)

:yes:

الشحيه

مشكوره اختيه و ما قصرتي

:fa35:

ذنيني

حتى أنا سرتلها
بس بعد نسيت كل شي..
مشكور اخويه

:yes:

ولد الشحوح

مشكور اخويه
و ان شا الله بنسير بورصه

:yes:

..

و السموحه
وحي القلم

[حلم الطفوله]

السلام عليكم

شو سالفتج إنتي وشوق ؟ هاي صديقتي وهاي ربيعتي:kkk: فضول العيايز اشتغل

المهم الأخت الصديقه وحي القلم

طرب زون؟ يمكن اعرف هالمكان بس ما أعرف اسمه بالضبط ؟:doh:

أتمنى أكون فدتج بالموضوع ....وننتظر انطباعاتج لما تردين ...والله يحفظج وين ما سرتي

[وحي القلم]

شوق بتقولج brgll:

مشكوره يا حلم .. ما قصرتي

و أكيد أني استفدت من ردج

..

[وحي القلم]

حد منكم ايعرف عن طربزون ؟
:)

[قمرهم كلهم]

تركيـــــــــــاااا .. لول جلبتي المواجـع ..

انا شراتج فـ البدايه ما كنت متشجـعه أبـد ..

بس يوم رحت اهناك مابغيت أرد .. :fa34:

أول شي سكنّـا فـ كوك شدره وعقب رحنـا يَلَـوا ..

عاد يلوا صدق صدق مابغينا نظهر منها ههه .. حواطـه انا وخالتي لين نص الليل ههه

وصـوب كوك شدره شي شـارع \ سوق .. أو بالأحرى منطقه يسمونها التيرمـال ..

فيها الماي الحار وهالسوالف .. وشي سوق بعـد ..

طبيعتهـا وايد وااايد روعه ..

وين بعـد رحنـا .. اسطنبـول - شارع تقسيـم حلوو .. كله محلاااات وجي
ورحنـا قصر العثمانيين بعد .. وايد حلووو ..
وشي سـوق فـ بورصه فيه واايد محلاااااااااااات .. حلوه أشيـاءاته .. !
وهممم جزيرة الاميرات ماحبيتها وايد .. صح حلوه بس ريحتها وععع .. ههه
وأحلى شي بعـد الشـلاالااات .. كله ولا يوم تكربعت داخل الماي ههه مسويه عمري * سمجه * خخخ
و أزميت حلوه بعد وهممم .. أوت لت سنتر بعد .. ترابيـا .. و ظافر مول
وايد بعد بس هاللي فـ بالي حاليـا ..

هممم العام كنا سايريلها .. تعرفين .. قبل لا نروح كانت وايد أخبار تقول عن الزلازل و الانفجارات

بس يوم رحنـا اهناكي لا زلازل ولا شيّـااات .. !

حتى مره اتصلوا فينا الاهل يطرون زلزال صـار اهناك بس ماحسينا فيه أبد
لان كنا فـ منطقه بعيـده عن الزلزال !!


يعني ماعليج من كلاااام الاخبار لول ..

شوفي أول يومين ثلاث ما عيبتنا لذيج الدرجه بس مع الايام وايد حبينـاهااا ..

عاد انتي وشطـارتج شوفي كيف تقدرين تستمتعين فيها ..

لان النقطـه احس هي * كيف تستمتعين ؟* مش * وين بتسافرين ؟ * !!

يا بختـج والله لول .. احسدج الصراحه .. نحن هالسنه مابنروح تركيـااا

بتوديني وياج :bye2: ؟

[قمرهم كلهم]

هي صح نسيت أخبرج

ترى ماشي نااس يرمسون عربي هناااك ولا انجليزي

الا شويييييـه ..

احلى شي نسألهم عن مكان ييلسون يتفلسفون ولا حد منا فاهم على الثاني
تخيلي الاشكال عاد خخخخ ..
والتركي يشوفج مب فاهمه ويكمل رمسته لوول ..

واذا في ناس ترمس عربي ترى يرمسون عربي فصحـى لول ..

بس وايد طيبين ناسهـا .. !

[تحفه]

أختي وحي القلـــــم .. >> أختي حلم الطفولــة ما قصرت ...
قالت اللي كنت بقوله ,, ووفت عني ..

لمّــاح : صدقت والله الحرااميـــه واايديين أهناكي ..


بوظبي ( أم خدود ) : شكلج ما شرقي ولا غربتي في تركــيا ..
فيها مراكــز ,, وفيها ملاهـــي وايـــــد ..
أغلبيت المناطق اللي سرتها فيها ملاهــــــــي و وعن الاسواق مكودة وايد عنهم ..
وأسوااقهــم وايد حلوة ..



السموحه منكم

دخيلج سرنا شهر واسبوع ولاعت جبودناااااااااااا .. الوحيد المستانس عليها ابويه .. ماخلينا مكان ما سرناله وكليوم من سبع سبع يوعونا ونرد البيت عشر .. صدق لاعت جبدي

[وحي القلم]

قمرهم كلهم

جزيرة الأميرات.. قالولي عن ريحتهاbrgll:
بس بعد أبى أشوفها اشقايل..
و يالله جانج بتعزمين ويانا brgll:

..

مشكوره اختيه
:)

[حلم الطفوله]

السلام عليكم

جزيرة الأميرات من ريحتها سميتها اسم ثاني brgll: بس ما بقوله !:unlock:

شوفيها واحكمي وخبرينا ! هذا إذا ما كرهتي حياتج ساعتها:boxed:

إن شاء الله تستانسين

[وحي القلم]

الله يستر يا حلم brgll:

[وحي القلم]

أدور عن الأميرات لكن ما لقيت ولا أميرة وحدة..!!

ولا وحده !! brgll:

..

مشكووور اخويه الفارس 2000

[حلم الطفوله]

أخوي الفارس أكييييييييييد بتلاقيهم وبتتعرف على أساميهم ...صوب مقبرة الأميرات !:unlock:

تدرون من شفت مقبرتهم طول الليل تتراوالي :nono: ... الله يجعل كلامي خفيف عليهم

وحي القلم ...نسيت أخبرج عن التين والحلقوم التركي ...ترى أجود الأنواع بتشوفينها عدهم

إن شاء الله تستانسين أختي ربيعة وصديقة شوق brgll:

[شوق القلوب]

و عشــــــــــــــان خاطر هالجمله



أختي ربيعة وصديقة شوق


ابا تيـــــــن و حلقوووم تركي.. منج... ومن بعض الناااااااااااس

كل مره اترد من السفر بايد فاضيه.. :doh:

وان ما يبتيلي هالمره.. بحشر الواحات عليج.. brgll:

[حلم الطفوله]

أفااااااااااااااا عليج ربيعة وصديقة وحي القلم :fa35:

بيوصل التين والحلقوم لباب البيت :yes: تامرين أمر انتي:yes:

[وحي القلم]

منوه بعض الناس !! :kkk:

يعني حلم ؟

brgll:

ولا ايهمج شوق.. بيوصل التين و الحلقوم لين باب بيتكم

[شوق القلوب]

ههههههههههه

فديت حلمي..

بس بروحي.. بغيت اسوي شويه آآآكشن

brgll:

[حلم الطفوله]

ما عليج شووووق :fa35: فهمت قصدج:ice: تشكرات أفندم

نعود لمحور حديثنا عن اهم الأماكن في تركيا ؟؟ وجهة الإماراتيين هذا السنه:yes:

[لمّــاح]

السلام عليكم ..

حلم الطفولة .. آسفين على التاخير بس مشغول شويه هالكمن يوم، هاذي بعض الاماكن مثل ماطلبتي مني :)
----

عندكم امم مطعم يبيع كباب .. مكانه عند السوق الجديم (( الداخلي )) قريب من الانتركونتننتل .. اسمه كباب دينياس ..

عندكم المساجد مثل مسيد السلطان احمد، مسيد ابو ايوب الانصاري، مسيد السلطان محمد الفاتح..

الجسر المعلق الطوييل بين آسيا و اوروبا ..

تلة العرايس ...

مدينة بالاوا .. و قريب منها مدينة صغيره اسمها تيرمنال مشهوره بالينابيع المعدنية الي فيها ..
عندكم مضيق البسفور .. و قلعة محمد الفاتح..

نرجع للمهم و الأهم .. المطاعم :harhar1:
مطعم بيتي BEYTI .. برع اسطنبول تقريبا ساعه و يبيع كباب ..
مطعم رؤساء العالم ( هذا مكتوب عندي في الورقة لكن ماسرتله ) ..
محل حلوات مادو ..
اسكندر كباب ..
مطعم كليك ..
مطعم ضياء ( قريب من منطقة محمد الفاتح ) ..

المراكز:

مركز إتلر ..
كابيتل آسيا ..
Carousel bekirkoy

الشوارع الكبيره و الحلوه:

شارع الاستقلال ..
شارع عثمان بيه ..
منطقة الفاتح (( بتحصلون فيه مطعم ضياء )) ..
غاليريا اتاكوي ..
ميترو ستي و السوق المصري ..
و عندهم كارفور آسيا ... قريب من ملاهي تاتيليا ..

و عندكم حديقة الحيوانات :boxed: دارجا .. ساعه و نص من اسطنبول ..
منطقة العاب ماككا MACKA ..

امم شو بعد ... عندكم برج جلطة و قصر الخديوي اسماعيل و قصر الغطاس و شارع الاستقلال ...

و هذا كل شي للحين ..