مشاهدة النسخة كاملة : فاتورتي مب فاهمها
الحساس
30-05-06 ||, 03:06 PM
:
:
:
العجيبة
30-05-06 ||, 03:15 PM
عمـوله يمكن
شرجاوي
30-05-06 ||, 03:44 PM
حرااااميه ... يوهمون الناس بالتخفيضات و من هناك كلامهم خرطي مالت عليهم
عذبة الروح
30-05-06 ||, 04:20 PM
راجعتها وياك
وحسبتك صح ...
على فكره ..
هذي اول مره اعرف انه فـ الوقت العادي الدقيقة بـ 24 فلس
عـ بالي بعدها بـ 30
وما عليك الا انك تراجعهم
والله يعينك صدق :yes:
والسموحه
شمعة أمل
30-05-06 ||, 04:53 PM
اتصلات حراميه ويقهروووووون >_<
اخس شي يوم يقطعون التليفون ولا يخبرووون .. ولا بعد الكستمر سرفس مالهم مب شي
تعرف شو
طرشلهم ايميل عن هالسالفه
واذا سولك طاف
حطه في الجريده ^_^ بعدين المشكله بتنحل عند الجميع ويمكن اتصالات تتعدل
الحساس
30-05-06 ||, 04:54 PM
خيبه تخيبهم..
في موقع اتصالات مكتوب الاسعار مثل ماذكرت لكن.. الحين يوم اتصلت فيهم قالوا لا غيرنا الاسعار والاسعار اليديده :
ال\قيقه 30 فلس بالوقت العادي وبالمنخفض 24 فلس
عمرها فكرتي عن اتصالات مابتتغير... حراميه يعني حراميه
لمّــاح
30-05-06 ||, 04:56 PM
ياخويه اتصالات شركة غريبه .. !
انا مثلا بالبطاقة المدفوعه .. من عقب ما غيرو البطايق قوم بو 30 وخلوهن 25 و 40 .. احط نفس المبلغ الجديم ( مثلا 100 درهم ) .. احس ال 100 مب مثل قبل تخلص بسرعة مادري ليش و هالملاحظة مب مني انا من وايد غيري :boxed:
الفاتوره نفس المشكلة بعد يوم استخدمها.. انا لاحظت انهم ياخذون أكثر لكن يوم اسألهم يقولولي لأ انته حاسب غلط :puppyeyes:
احيد من فتره كان عندي رقم مدفوعه .. و تذكرت اني لازم اجدده لأنه رقم حلو طرشت واحد خليته يدفع 100 في المكينه .. دفع و رد قال لي لازم 125 مب 100 .. قلتله اوكيه بسير اتصالات و بدفع ال 25 ..
سرت اتصالات عقبها بيومين .. قالولي رقمك انسحب !!
ياناس ياعالم .. انا دافع 100 حق التجديد و تمت 25 مادري عنها .. قالولي اذا تبا الرقم راجع المدير .. طبعا نفس الارف كالعاده راجعت المدير و قال لي اوكيه بصرفلك الرقم بشرط تشتريه من أول و يديد و عن ال 100 لازم تقدم طلب عشان نراجع الحسابات و خلال شهر بنردلك اياها :boxed:
أمري لله .. دفعت 165 و خذت الرقم .. رديت البيت و خليت الضرف بدون ما افتحه .. عقبها بيومين فتحت الضرف قلت بستخدم الرقم .. طلعته جان اشوف البطاقة بدون Sim card :boxed:
رديتلهم .. ياعااااالم ياناس يا اوادم حلو مشكلتي .. راجعت المدير نفسه قال لي ادفع 50 درهم بدل فاقد ماقدر اصرفلك رقم ثاني ببلاش ..:boxed:
خلها على الله يالحساس .. !
عنبوه .. برع مثلا في لندن البطاقة يوم تاخذها تكون ب 30 درهم تقريبا و فيها رصيد بنفس جيمة البطاقة يعني كأنك ماخذنها ببلاش .. و كل الخدمات الي تباها متوفره ( مثل ال MMS و انتظار المكالمات ...الخ ) .. هنيه لازم تدفع عشان تحصل الخدمات هاذي .. !
الحساس
30-05-06 ||, 05:11 PM
غمضتني يا لماح!!
عسب بطاقه تدفع تكثر من 200 !!؟؟؟
لازم غصب طيب يسحبون فلوس من هالبشر!!
نصيحه...
الي عنده بطايق مدفوعه ويبغي يحط رصيد يحاول يحصل له شخص يروم يدفع له الرصيد عن طريق النت..
عنا ناس عندهم بطايق واصل.. ادفعلهم عن طريق النت ( عن طريق بنكي الي هو بند دبي التجاري) ويعطون 10 % رصيد مجاني.. يعني اذا حطيت 30 درهم رصيد يحطون بالبطاقه 33 درهم
هالشي الوحيد الي تكرمت وتنزلت اتصالات تسويه لنا يمكن لان هذا تعاقد مع بنك ويعتبر بروموشن!!
الحساس
30-05-06 ||, 05:16 PM
http://www.etisalat.ae/html_arabic/custom_info/tariffguide/gsm_mobile_telephones.htm
هذا موقع اتصلات يبين ان اسعارهم مثل ماذكرتها بالبداية
لمّــاح
30-05-06 ||, 05:24 PM
يحيك انته دبي التجاري ..
دبي الاسلامي واللعنتين بعد .. 3 مرات دفعنا و كل مره يخصمون من الحساب و ماينزلون الرصيد في التيلفون .. عاد يالله سير و راجع دبي الاسلامي .. اعطيك الي تباه اذا رمت تحل مشكلتك في دبي الاسلامي .. بنك مقعد ياخي :puppyeyes:
وساعات يوم تكون محتاي رصيد ضروري يقولك لازم تصبر 24 ساعه او بالكثير 48 ساعة عشان ينحط الرصيد في تيلفونك :boxed:
شو كالفني اصبر يومين عشان 3 دراهم زياده !
على فكرة .. انا حظي نحس دايما ويا اتصالات و دبي الاسلامي .. من يومين واصلتني فاتورة الفيزا .. يطالبوني ب 299 .. مادري منو حطالي بيزات 150 كاتبيلي حتى مشكور على الدفع المبلغ دخل في حسابك .. المفروض ال debit ينقص .. يوم اشوف ويلاهم زايدين ال 150 درهم المدفوعه على المبلغ الي يطالبوني اياه و الحين لازم ادفع 449 اونه :kkk: هذا بدال ماينقصون ال 150 من ال 299 .. !
الحساس
30-05-06 ||, 05:34 PM
ههههههههههههههههه
والله حالتك حاله!!
اخوي اظن حسابه في بنك دبي الاسلامي بس ما جد اشتكى منهم!! وينزل الرصيد شراتي من حسابه من النت..
فاتوره الفيزا ولانك ساحب منها مثلا.. بآخر الشهر يسحبون من حسابك العادي عسب يغطي حساب الفيزا.. وشي طبيعي يسحبون 299 من حسابك العادي عسب يغطي حساب الفيزا.. بس شو السبب ان 150 درهم هاي لازم تدفعها فشي غريب.. يمكن هذا الكاميشن مالهم بس وايد اذا كان صدق كاميشن!!!!
راجع حسابك عن طريق النت وحساب الفيزا .. ( اذا كانت متوفره عندكم هالخدمه) وحاول تقارن... مرات يحصل لبس من صوب الكاستمر..
لمّــاح
30-05-06 ||, 05:48 PM
لالا .. ال 299 هاذي اضني لأني كنت شاري شي بالدولار و مادفعت المبلغ كامل .. دفعت بالدرهم ..
و ال 150 درهم هاي حد دفعها حطاها في حسابي .. منو ؟؟ لا تسألني لأني مب انا الي دافع !!
بس الغباء انهم بدال ما يخصمون 150 درهم من ال 299 .. زادو ال 150 عال 299 و يطالبوني الحين ب 449 بدال 149.. ! فهمت عليه ؟؟
و غريب اخوك مايتشكى من دبي الاسلامي .. احيد مره كنت بسافر و السفره عقب 8 ايام .. و بطاقة الفيزا انكسرت على حظي ف قلت بقدم طلب بدل تالف ..
قدمنا .. قالولي بالكثير 3 ايام والبطاقة بتكون جاهزه .. اوكي .. صبرنا !!
راجعتهم بعد 3 ايام .. قالو بعد يوم .. سرنالهم بعد يوم قالو بعد اصبر يوم .. احتشرت عليهم و قلت بصبر بعد يوم .. طبعا سرت و ماااااااشي فايده ويا دبي الاسلامي .. سافرت و رديت و نسيت سالفة البطاقة ..
تخيل يالحساس عقب 3 شهور وصلتني رسالة بالبريد فيها بطاقة الفيزا مالتي :boxed:
و قبل ما اكمل ال 18 انا الحساب فاتحنه في دبي الاسلامي .. يوم كملت ال 18 سرت ابغي اشل توقيع ابويه من الحساب لأني تلعوزت كل ما ابغي اسوي شي لازم ابويه يوقع .. قالولي ييب اثبات مصدق من المحكمه انك مكمل ال 18 .. عجيب ؟؟ !! :boxed: اوكي براويكم الليسن .. جوازي الاصلي .. ليش بعد ورقة من المحكمه اني مكمل ال 18 ؟؟ :puppyeyes:
الله كريم .. في دبي الاسلامي لو ماتعرف حد مابتخلص شغلك ..
كـلـكـلـووش
30-05-06 ||, 07:02 PM
صــدقك يا لمــاح ..
داومــت عــنـدهم في دبــي الاســلامــي ..
والله اذا ما تعــرف حــد ما بتــروم تــمشي شــغــلــك ..
تعــرف حــد انت شـــيخ .. ما تعــرف حــد صــف فــ الطــابور يــا حمــار !
خــدمة العــملا عــندهم واايـد تعبــانـه .. ربي يعينك بما ابــتـلاااك وخخ
هيه صـح .. الله يعينك يا الحسـاس .. مشكلتك عويــصـه
نجمة دبي
30-05-06 ||, 08:10 PM
اعرف وحده معرسه توصل فاتورتها كل شهر 200 او 300 لا اكثر
وهالشهر واصل 1000
يقولون ان هي مطرشه 5000 مسج ..
بالعقل يعني .. انا لو ايلس من طول الشهر اطرش مسجات ما بتوصل 5000
وهاي الحرمه طمه في التفونات .. زين انها تعرف تتصل واتطرش مسج ..
يعني ؟ كيف استوى 1000 ؟؟؟
الله يعينك اخويه لماح .. والله يعينك اخويه الحساس ..
نجــــــــــــ دبي ــــــــــــمة
شرجاوي
30-05-06 ||, 10:00 PM
خخخخخخخخخخ .. الله يعينكم ... الحمدلله ما عندي فواتير خخخخخخخخخخخ
عهد الوداع
31-05-06 ||, 04:54 PM
صج حراميه والبطايق الحين قوم بو 25 و40 ما طول مووووووووووووول
قبل الي بـ30 اتم عندي شهر بطوله ...
انامل
31-05-06 ||, 09:19 PM
وعليكم السلام جميعا اخواني واخواتي
بالنسبة لمغامرات
لماح والحساس ما اقول
يا اخوان الا :boxed: يا ليل ما اطولك:doh:
خلوها على الله
حالنا كالراقم على الماء
ماشي فايدة:boxed: :no0:
الله يكفينا شرهم ينهبونا في وضح النهار:puppyeyes: عيني عينك:boxed:
اتمنى الله يوفقكم جميع
مساء الدفا والوفا
لمــــاح حتى انا اتلعوزت ويا التوقيــــــــع
يقولون لي هاتي تصريح من المحكمـــه.. اونــه..
و تمينا وياهم واخر شي ما استوى شي.. يعني اكثر عن 9 شهور وما سوا لنا شي..
وعاد انا طبيت السالفه مليت يوم ابا مبلغ كبير اسحبه ع يومين او ثلاث ايام..
....
وعن الاتصالات ..والله قصـــه
نحن خط النت اللي في الشارجه قطعنــاه ودفعنا كل شي..
وكل شهر يطرشون لنا رساله اونه 75درهم
اول مره قلنا يمكن هذا تصفيت حساب وسار الوالد ودفــع ويوم انراجع اتصالات بوظبي يقولون لازم اتسيرون الشارجــه .. انزين انتوا كلكم اتصالات..ماشي فايده
وع طاري الدفع بالنت او تعبيت الرصيد
هيه بالنت يطول اكثر عن البطايق قوم بو 25 درهم..
بس مره احيد حطيت رصيد بس ما نزل غير عقب 3 ايام و هذاك الوقت كنت شاريه بطايق من الدكان..
والله حاله يوم نحن محتاجين الرصيد ما ينزلونه
....
خل اكمل لكم سالفة فاتوره النت..
اخر شي ابوي مل من هالسالفه كل مره ندفع وسار يشوف شو السالفه و تم يضاربهم .. وقالهم بفضحكم عند بو راشد و ع الاذاعـــه ..
و انتوا حراميه قاصين ع الناس جان الموظف يقوله سير اشتك انتوا اللي حراميـــه..
و عاد ابوي من النوع العصبي شو ما يتهازب وياه ويسير عند المدير بس ما لقــاه و هو ظاهر رمس ربيعه عسب هالسالفه عشان يروم يكلم حد في جريدة البيان لان واحد من ربعه هناك..
طبعا الموظفين الثانين سووا يولــه و عصبوا ع طريقة الموظف اللي رد ع ابوي (كان يديد)
واعتذروا .. و ابوي قال ابا تجييك شامل ع الفواتير والنت و الشامل..
ويوم جيكوا .. طلع انهم لازم يردون لنا 1500 درهم.. عاد ابوي شلها و ظهر..
..........
الحساس سير ظاربهم ...ود الشيبه وياك.. يسمعون لشياب اكثر
لمّــاح
01-06-06 ||, 01:26 AM
مرحبا ..
شمه انتو سوالفكم بعد غير :harhar1:
حتى انا نفس الشي اذا ابا اسحب مبلغ كبير اسحبه على دفعات كل 24 ساعه .. كل دفعة اسحب منها الحد الأقصى ..
بس تعودت من فتره اذا عندي اشغال اقضيها في بنك دبي الاسلامي، اسير فرع ند الشبا (( عند العزب و السوق وين يبيعون جت و سبوس )) فاتحين فرع هناك مافييييه زحمه موووليييه !!
يوم تدخلين فيه 4 طاولات ،، كاونترين و محاسب و المدير جنه :harhar1:
انـــامل ..
تشرفنا بوجودج اختيه ^_^
نبراس الليل
01-06-06 ||, 02:30 AM
اللي أسمعه عن دبي إسلامي هنا شي غريب
انا اتعامل مع هذا البنك لكن الحمدلله كل الأمور طيبة
أما عن الإتصالات فهذيل حساباتهم عجيبة
ألم ترى
01-06-06 ||, 01:59 PM
بسم الله الرحمن الرحيم ..
انا حتى اتعامل مع دبي الاسلامي وكل شيء اوكيه لين اللحين ! ..
بخصوص الاتصالات فأحسهم ( حراميه ) وخاصه يوم يخلص الرصيد سرعه ..
والله يعينكم يـ الحساس ولماكو ..
بحفظ الرحمن ..
خيال الحب
03-06-06 ||, 07:10 PM
الله يعيـــنكم..
بخصووص البطايق اليديده..
يقولكم الاتصالات سرّعت وقت البطاقــه..
يعني مب كل 60ثانيه ياخذ 30 فلس... لا كل 55 ثانيه يسحب عنك 30 فلس..
فهمتووووو عليي..
شو رايكم نهاجررر ونروح بريطانــيا ... لين ما تعتدل بلادنا وعقب نرد لوووووووووووول
بس من رايي الشخصي..
الاتصالات مب مقصره في الدوله
ارباح الاتصالات السنه الي طافت 8 مليارات
4 مليارات للحكومه الاتحاديه
وبما انه الحكومه مشاركه ب50% من الاتصالات
فصافي البيزات الي تعطيها الاتصالات للحكومه 6مليار..
يعني مبلغ مب شووي..
((ادري ادري هاا كله من بيزاتنا ^___*))
بس بعد احسن غيرهم...
لمّــاح
04-06-06 ||, 01:26 AM
خبال الحب اخويه :boxed:
البيزات الي تعطيها للحكومة هاذي رسوم الاحتكار (( ال Monopoly )) حتى لو تحيد يوم قررو يفتحون السوق امام الشركات اليديده (( DU )) كتبو في الجريدة ان اتصالات بتراجع حساباتها و المبالغ الي كانت تدفعها للحكومة مقابل المونوبولي ..
مب لأنها مب مقصرة يعني عادي بندفع زياده :puppyeyes: .. الشركات في الخارج خدماتها احسن عن اتصالات بألف مره مثلا في لندن البطاقة من Vodafone تاخذها ب 5 باوند تقريبا 35 درهم !!
هالبطاقة فيها رصيد 2.5 باوند على ما اضن بالاضافة الى كل الخدمات من مثل انتظار المكالمات + MMS + الصوت و الصورة ...الخ .. اما عندنا نحن يقصونك قص .. و انته داخل يسحبون منك بيزات و وانته طالع يسحبون منك بيزات .. و كل الخدمات بفلوس .. !
تدري لو اتصالات في امريكا .. عادي نرفع عليها قضية ؟؟ مثلا في الموقع الاسعار غير عن الاسعار الفعلية .. و لو كلامك متأكد منه انهم يحسبون 55 ثانية بدال 60 ثانية تقدر حتى تطالبهم بتعويض .. !
و في لندن مثلا عندهم باكج اتسير عند الشركة و تختار تيلفون يعيبك .. يأجرولك اياه ويا الرقم لمدة معينه ( مثلا سنة و نص - سنتين ) و عقب هالمدة التيلفون يكون ملكك مع الرقم ..
عندك انواع باجكز غير مثلا تدفع 100 درهم يعطونك 200 دقيقة و 30 مسج ببلاش .. لو تحسبها بيكون السعر ارخص عن سعر الدقيقه العادية ..
عن الانترنت .. يوم الاجانب اييوونا البلاد يستغربون .. يسئلونا شو يعني 56 K ؟؟
ال DSL الي نحن انشوفه شي متطور .. عندهم يعتبر الكيبل الاساسي ..
هذا غير احتكارهم لسوق الانترنت في المراكز و غيره .. لازم تدفع بيزات عشان تشترك في الانترنت !! :boxed:
لكن الحين اشوف الحركة هاذي خفت .. قامت المحلات بنفسها تحط كيبل وايرلس حق زباينها ببلاش بدال مايدفعون حق الاتصالات !!
ياخي وايد اشيا ... الله يعين بس :boxed:
خيال الحب
04-06-06 ||, 02:01 AM
ياخوك هناك بلندن ناس مرتاحين..
حتى يقولون انه في عندهم يوم يتكلمون فيه ببلاش..
وعن سالفه ال 55 ثانيه .. في واحد من الاتصالات خبرني هالــشي.. ولو تباني اتــاكد حاضرين بن عمـــــي..
بنشووف الاتصالات اليديده شو بتسوي ..
وعن سالفة الانترنت..
قبل على ايام الدايل اب.. يتنا الفاتوره 400 وشي.. ويومها كنا مسافرين ومافي حد في البيت..
ويوم اخوي راح لهم طلب منهم الفاتوره .. شفنا اتصالات لمناطق غريبه وعجيـــــــبه ..
بس بالنهايه دفعناها وامرنا لله..
حتى الشباب الي يلعبون وياي بالنـــت من امريكا وهالسوالف .. الانترنت عندهم سريع.. اما نحن سنه لين ماندخل في سيرفر اللعبه >>>لووول شو يخص الالعاب هنيه خخخخخ
لمّــاح
04-06-06 ||, 02:20 AM
هلا ..
شفت ؟؟
صح ما اقدر انكر .. اتصالات تعتبر من ضمن اكبر 5 شركات في العالم في مجال الاتصالات ..
اتصالات اشترت حقوق الاتصالات في كذا دولة .. بالاضافة الى انهم اشترو العديد من شركات الاتصالات الثانية ..
اتصالات بإمكانها انها تخلي مكالمات الموبايلات ببلاش لمدة 30 سنة بدون ماتخسر فلس واحد !!
اتصالات عندها في حسابها تقريبا من اكبر المبالغ الإدخارية على المستوى العالمي ( 30 مليار ) ..
اتصالات نوعت مصادر دخلها .. يعني بيزاتها مب من خدمات الاتصالات بس .. عندها شركات ثانية ..
على سبيل المثال عندهم مصنع بطايق .. عشان جيه لين الحين بعدهم يستخدمون بطايق حق الرصيد و في بلدان برع تقدر تعبي رصيد من اي بقالة :boxed:
صح وايد اشيا زينه لكن بالمقابل .. خدمانهم زفته !!
و عن لندن .. والله ساعات اتيني حالات اقول بيلس في لندن و مابرد البلاد :harhar1:
صريح
04-06-06 ||, 04:52 AM
http://upload.bindubai.com/download/e7saas/mrhf_hearts.gif
لمّــاحكووو
بلاك طايح طيحه باتصالات ..
يا خي اذا مب عايبنك الوضع كنسل رقمك و استخدم حمام الزاجل لتواصل خخخخ
:harhar1:
المشكله عااد شيبتيه في اتصلات من ايام الاتصالات الجديمه "البريطانيه" قولوا ما شاء الله
فا ما اروم ارمس لوول
:fa39:
تصدق حتى انا اعاني من الفاتوره احس انها واايد بدون سبب ..
بس شو نقول مجبورين ندفعها
http://upload.bindubai.com/download/e7saas/mrhf_hearts.gif