الريموت حرجااااااااات

[حلم الطفوله]

السلام عليكم ورحمة الله وبركاته

إجازه سعيدة للأطفال:fa35: ....
جاء الصيف مبكرا كعادته دائما بالنسبه للطلاب دون المعلمين والمعلمات

فالكراف مكتوب مكتوب مكتوب ...وكل يوم عليهم محسوب محسوب محسوب ..

والحق بالراحه الصيفية مسلوب مسلوب مسلوب ....شو الحكمه يداومون شهر بدون طلاب ما أدري؟

المهم .... الصيف قرب والسفر حان طاريه ....بس كل شيء بوقته حلو وحلات السفر بشهر 7و8 أكيد

بس شهر 6 والناس إلي ما بتسافر هالسنه لانه سوق الأسهم مهدود محموم مزجوم مزقود:ice: !

عندي حل ...فلا تسير منيه ومناك ....عندك الريموت كنترول ...اكيد بتشوف العجب العجاب وانته يالس ببيتك

وأكيد بتفتك من صدعة الراس وحنة ام لعيال وخبال الشياطين لصغار .... عط كل واحد ريموت كنترول وبتفتك:fa38:

أم لعيال أولا:fa37: : حطلها جويل بالصراحه أحلى وقنوات سما دبي ما بتقصر فيها من أسرارها ولها !

يالله حبايبي الحلوين .... يمدحونها قناة art3 يقولون والقول للقائل المعني بالقول ...

بدأ بدأ ...عموه الله يخليج خليه ....كله ولا الجاسوسات ...حشا بتطلع روحكم ! حتى الأولاد يتابعونه غريبه!:kkk:

إلا بتابعه وياهم ! وتبدأ الحلقه مع ثلاث جاسوسات امفلعات أنيقات وللموضه العصريه مواكبات

يساعدن البشريه ما شاء الله عليهن ...الله يبارك فيهن ...لا لحظه غيرت رايي ! الله يخسكن من طفسات

شو هالسيناريو وشو هالحوار المعرب! صديقي ورفيقي! وعدة التحول شنطه لكل انواع الميكب أب الماركاتي:ttmasha:

خيبه ! حزن! شو يعلمون عيالنا هاذيل! والأهل لاهين ساهين ...يظنون إنهم يطالعون رسوم !:shock:

الله يرحمج يا هايدي وكلير ...صدق كنتن محترمات ويا بيتر

والله يذكرج بالخير يا فلونه محد بينساج ... والطيب عند ذكره صدق أمج وأبوج ربوج باستراليا

وعدنان ولينا ...علاقتهم كانت علاقه أخويه بحته ... وعبسي أخوهم الفقير غير الطياطير ما ياكل

ولوسي وميمي وسبانك الأبلم ... وبومبو وبن بن.... والله كنا بنعيم ...

حتى توم وجيري كان غير بس عقب القطوه البيضا اختربوا !

لالا لا مستحيل أخليكم اتابعون هالأشياااااااااااااااء ...التجسس مب زين فلا اتابعون الجاسوسات!

بنغير المحطه ... بحط لكم فلم حلو على mbc2 حلو مال اليهال
الله شكله رهيييييييييييييييييب والكل مندمج وانا وياهم .... وبعدين ! الحلو ما يكملشي !

لو تشوفون ويوهم بس والاحتجاج المرسوم على ويوههم .... زين ما شفتوهم ..عادي يفلعوني

شو أسوي والله كنا انتابع أفلام بس كلها مقطوعه .... يعني بالإضافه للرقابه الذاتيه كنا واثقين برقابة ربنا !

وينج يا إعلانات السعوديه ؟ كل ويوه الحريم ممنوعه بالإعلان !
حتى إعلانات الحين حرجاااااااااااااااااااااا اااااات :mar7aba:


يالله يالله ما عليه بنغير المحطه بدورلكم شيء حلو ! شو هذا ليش ما يحطون خالتي قماشه وإلا محظوظه ومبروكه وإلا إلى أبي وأمي مع التحية ...وإلا على قولة أميه حبابه وقصة جودر ! الأخيره ما لحقت عليها

المهم ... عيزت وأنا ادور وأفرر هالقنوات بالريموت ...كله أغاني وبرامج الواقع الدماري

أخيرا حصلنا شيء نتابعه ...بابا لنجه ! الله يخليك ويبجيك للأمه العربية الإسلاميه بدونك كنت بضيع

على الأقل اليهال حصلوا حد يسولف وياهم عالهواء مباشره ...أسلوبه جذبهم ...فيه شيء يشوفونه عالأقل!

والحين ...شو بحط ؟ إلا أسمع واحد منهم يطالب ببرنامجه المفضل !

الحين الحين full house حطيه بنشوفه ! هاه شو إنته اتشوف هالمسلسل الأمريكي البحت!

قول بعد اتابع برنامج بوب ساجيت أكثر اللقطات المضحكه بمشيها ..بس فل هاوس ! يالله بالستر

صبر صبر بحط لك شيء أحلى ! وينك يا برنامج افتح يا سمسم ! ويالدبدوب الحبوب ويا أمنيات والمناهل؟

الله برنامج حلو ...شو رايكم بمدينة المعلومات ! واااايد حلو ...اهدافه حلوه
شوهذا أنا ليش ناسيه قناة الشارجه ! والله محد بيفيدهم غيرها بالإجازه ..ليش بدوا يشردون اليهال؟


وأطالع هالجهاز المتروس من قنوات النايل سات والعرب سات ! وإلي شكلهم بيسمونه دمار سات

كيف نقدر نعلم عيالنا الصح من الغلط ! هل بنقدر انتابعهم وهم يشوفون هالبرامج ؟

حتى الرسوم صار دمار بأفكاره الغريبه الغربيه العبيطه ! الله يرحمك يا زمن المبادئ والقيم !

سؤالي ؟ هالرموت كنترول كيف يتعاملون وياه اليهال؟ تابعوهم وخبروني

[خيال الروح]

الريموت كنترول والله يعينه هالريمــوت
كــل حد يشـده مـن صــوب عشــان يـطالع البرنـامج الي يبــاه


كله ولا الجاسوسات ...حشا بتطلع روحكم ! حتى الأولاد يتابعونه غريبه!

هي والله انـا بعـد استغربت انـه اخواني الصغـار يتـابعـون هالرسـوم ,, ( الجـاسوسات )
مــا ادري شـو فيــه ..
بـس مره يلست ويــاهم وشفت الرســوم ( بصـراحه في اشـياء المفروض ما تنعرض ولازم تكون هناك رقابـه عليـه )

ومن البرامج الى يشـوفنها ,,
عيش سفـاري
هالبـرنـامج حـلو ومفـيد لسـنهم ,,

تيمي ,,
حــلو هالرســوم اتـابعه ويــاهم ,, :kcl:

هالي اذكـره الحيـن ,,

وتسلمين حلم الطفوله على الموضوع

:

[قرموشة]

:mar7aba:

يالله يالله .. ما خلييتي شي .. أشكرررر فنج .. :fa42:
تصدقيييين .. خااصــه هذا مسلسل الجــاسوســات .. احــب أشوفــه .. :harhar1:
والسبــب يمكــن يكون " اني أحــسه رســوم للكــبار .. مش لأطــفال تحت العشر سنين "
صدقج والله .. حتى اخويــه هـ اللي صف رابــع يشووفــه .. !!!:boxed:

تعرفــين .. عدنـا حاله في البيت .. اللي يوّد الريموت الصبــح .. يتم راعــيه لين الليل ..
وعاد تخــيلي الصبــح الكل واعي :fa46: .. يلحـق عـ الرموت . . وخاصــه ريموت التيلفزيون اللي فيه كــل القنوات .. :negab:

امممم .. من رايي .. والصراحــه أفكــر اني اطبقــه في البيت ..
اني انــش بالليــل وأصرق الريموت وادســه عنديه في الكبت .. :qor9anah:
لالا صدق ..
اممم ..
يمكــن يحـطولهــم تيلفزيوون خاص .. وقنوات معينــه . . أو بدل هـ القنوات .. يحطوون لهم فيديووو ..
ومسلسلات رسوووم مال أول ..

لو تشوفون الرسوم الحيينه .. وخاصــه في هـ القنوات .. ما عندهم غير هـ اليووغي اللي مــا أعرف من وين يايبينه .. :narr:
والا البلابل أو اليويو اللي خبــّل فيهم .. صدق يعنــي أشياء مالهــا طعــم .. :fa44:

الله يرحــم أياامج .. يا ..
- رحله عنابه
- السباق الكــبير .. >> يقولون النســخه المصححـه منه "ساابق ولااااااحق " لوول
- بومبووو
- سااااالي:love:
- بوليــاناا ..
والاخــير اللي أحــبه .. " سمـــــــــــــــــــــــ ــــــــيد" <<<أسمييه كان عجيب . . لو يحطونه ألحينه ما بطوف ولا حلقــه منه:fa56: ..

حــلم اليـــــهال .. شكرا عـ الموضووع الغاوي . :yes:


كــل الود ..
بنت قرييمييش ..
:bye2:

[الرحيل]

احلى الايام...

اهديكم احلى ذكريات العمر..ذكريات الطفوله, عندما كانت تزرع فينا الرسوم حب الوطن و الناس و تقدير الجمال والحيوانات و الحشرات وجميع مخلوقات الله سبحانه و تعالى. كنا نتعلم منها ان الاتحاد قوه و ان الذود عن الديار و الوطن هو الهدف الاسمى و ان العلاقات الاسريه هى اجمل العلاقات و اقواها...كانت تلك الاغانى تتمتع بقوة الكلمات التى الى يومنا هذا تهز مشاعرنا وتسقى ارواحنا بالحب و العشق للحياه و الانسانيه.

قصص الذى يبحث عن والده و ذاك الذى يجوب المخاطر للبحث عن اخيه. ولا ننسى من احب العلم فتعلم وراح يعمل ليلا نهار من اجل الخير ...وذاك الذى جاب المخاطر لانقاذ صديقته لينا و الكثير الكثير من القصص التى تحمل فى طياتها وكلمات اغانيها اسمى المشاعر و الاحاسيس.

السندباد

http://alsaher.com/cartoons/sindbad.jpg



عدنان و لينا
http://alsaher.com/cartoons/adnan.jpg


جونجر
http://alsaher.com/cartoons/jongar.jpg


[CENTER]سيده ملعقه

http://alsaher.com/cartoons/sayda.jpg


وغيره مب شرات هالايام

انا الحين اخوي اللي صف خامس مايشوف رسوم

24 ساعه على قناة 2


اذكر ايام قبل والله من الساعه 3 الظهر مستحيل افكر

اطلع من البيت بس علشان اشوف رسوم لانه كان ينعرض الظهر بس

مب شرات الحينه كل وقت رسوم وكله مصاخه وهباله

وعن اخوي اذا حد شل عنه الريموت يتخبل ويجلب البيت فوق تحت

المشكله انه شاطر ويهتم بالدراسه

مشكوره اختي على طرحج هالموضوع

[طير الغرام]

http://upload.bindubai.com/download/6eer_aam/6eer-salam-oasis.gif

ع طاري الريموت والبرامج
صدق أيام
وفرق بين أول والحينه
.
.

الزمن ما تغير
اللي فيه هم اللي تغيروا >> هذا رايي

أفكارهم اتغيرت :sad4:
وبالتالي هالشي بيأثر ع نتاجهم >> من برامج وغيره

كل يوم والثاني يطلع لنا برنامج يديد
في المفيد وفيه الـ ..... !! :sadwalk:

وحتى الرسوم ما سلم من هالافكار والتغييرات

باختصار
هالتغييرات >> عطت كل شي حقه >> بشكل عام كل شي اتغير :fa36:
>> أيا ليت الزمان يعود يوماً >> أظني الجمله جيه :fa39:

.
.


و عن اليهال
الرقابه مفروضه عليهم من قبل الاهل

والتربيه اتأثر وااايد في هالشي

مرات يعني الياهل يوم يجوف شي غلط يعني سبحان الله روحه يكتشف هالشي
كـ مثال >> مره بنت خالي الصغيرونه جافت اعلان والحرمه كانت لابسه لبس :nono: مب لين اهناك ف الحشمه
>> وبكل براءة قالت شو لابسه هاي ما تستحي عيب :shock:

الله يحفظ اعيالنا من هالاشيا :fa35:

من رايي الاهل لازم يكونون دوم متواجدين مع اعيالهم
ويحاولون دوم يتابعون معاهم برامجهم المفضله
بهالشكل الياهل بيحس بالراحه والاهل بعد >> وبيتفادون سلبيات الريموت

.
.

هذا اللي عندي حالياً
والسمووحه ع الفلسفه الزايده ^_^

http://upload.bindubai.com/download/6eer_aam/6eer-line-oasis.gif

[لمّــاح]

مرحبا اختيه حلم الطفولة ...

أيـــام والله .. !!

هممم :kkk: كلامج صح و عين العقل .. ماشاءالله اخواني و الصغاريه عندنا زابنين 24 ساعه جدام التيلفزيون رسوم ورا رسوم .. و المشكلة معظم الاشيا الي يحطونها الحين احس مامنها فايده مثل ماتفظلتي .. الله يرحم ايام أول .. احس كل شي كنا انشوفه له معنى و هدف حتى لو كان رسوم عبيط بس لين الحين نذكره من كثر ما أثر فينا .. غير عن الحين .. !

جونقر .. الرجل الحديدي .. رحلة عنابه .. عدنان ولينا ..

مابذكر كل الاسامي .. لكن اذا قارنا بين قبل و الحين بنلاحظ الفرق ..

الحل الوحيد انكم اتحددون القنوات الي تبونها .. و ييبولهم فيديو و حطولهم من هالاشيا الجديمه .. نحن جيه مسوين ويا الصغاريه و احس نفعت وياهم الحركة ..


تسلمين اختيه على هالموضوع ..

[الرحيل]

http://alsaher.com/cartoons/ironman.jpg
الرجل الحديدى
http://alsaher.com/cartoons/ironman.ram



:harhar1:

[حلم الطفوله]

السلام عليكم

إختيه خيال الروح
غريبه ! الكل يحب هالجاسوسات ...السالفه فيها سر !:kkk: حتى الأولاد يتابعونه:doh:

ومثل ما قلتي الموضوع يباله رقابه ! بس عيال هالزمن محد يقدر ينصحهم ! بياكلونا بصراخهم:nono:
وعيش سفاري وتيمي حلويييين حتى انا اتابعهم:ice:

قرمووووشه ... شفتي عاااد ...أشكر ذوقج :smartass:

شو السالفه كل وحده أسألها تقولي اتابع الجاسوسات ! :fa35:

وبعدين تعالي ....عدوى حجز الريموتات صايبه الكل هالأيام ...
إلي عندي ينشون من الصبح يحجزونه هذا جان ما اسرقوه من فليل....

ومن قالج إني ما سويتها وحددت القنوات بالتلفزيون ؟
بس :unlock: هالعباقره لصغار ما يفوتهم شيء شطار بالتقنيات الحديثه !

ذكرتيني بسااااااااالي وبوليانا ولعبة السعاده :ttmasha: الله يذكرج بالشهاده

شاكره لج مرورج بنت قريميش ونورتي الموضوع :yes:

[حلم الطفوله]

السلام عليكم

الرحيل

ذكرتني بسانشيرو البطل المغوار ...تعالو تعالو نشاهده كبارا وصغار :smartass:

هيه والله ذكريات وأيام ...السيده ملعقه ..وإلا ملقعه ؟ كنا نكررها عشر مرات وإلي يغلط:harhar1:

وجان تذكر خماسي وسداسي .... وسميد!

شاكره لك مرورك أخوي ...

الغاليه طير الغرام

مثل ما قلتي إختيه أفكارهم تغيرت:no0: الله المستعان

والرقابه واجبه علينا .....بتعليم لصغار الصح من الغلط والمسموح من المرفوض

والله يحفظ عيالنا يارب ...

لا تفلسفتي ولا شياته ...وشاكره لج مرورج عزيزتي

[أمواج]

.
.
مب جنــه سارقيـن حرجــاتي . . .؟!

في بيـتنا الرســوم شي جديــــم الحين . . . إخوي الصغيــر بس يحط على channel 2 و One
أمـا الرسووم بالنــادر بيشــوفهــا . . الحمدلله في بيتنــا مافي مشــكله على الريمــوت . . دايما اذا ابغي اشــوف شي وإخووي يبا يشووف الرســوم نقعــد نتــكلم لين ماواحد منّــا يقنع الثــاني وعاد هذيــج الساعه انا اللي امشــي رايــه علي . . مب لأنه قدر يقنعني بكــلامه بس لأنه يكســر خاطري أقول في خاطري ماشووفه إلا يومين فالاسبووع ، بخليــه يسوي اللي يبــاه . . . فدييت محمد إخوي والله تولهت عليــه وعلى حشــرته :sad4: :sad4:
.

[دموع قلم]

وعليـكم السـلام ورحمـة الله وبركـاته

للأسـف ما شفـت أي شـيء من الرسـوم اللـي تكلمتـوا عنهـا :sad:
بـس قبـل فتـرة شفـت سـوار العسـل, ولحـن الحيـاء يـوم عـادوهـا.. !!


الحيـن مـاحـد يئتمـن على أخـوانـه من التلفـزيون والنت, حتـى ولو شي مراقبـة من الأهل, لأن الأهل
دوم مو فاضييـن ولا مجـابليـن عيـالهم, والرقابة الذاتيـة صعبـة تنـولد في نفـس الطفـل أو الشخـص..

مثـل ما قلتـوا الرسـوم هالأيـام كلهـا مسخـرة وتافهـة, وللأسـف الحيـن انتشـرت رسـوم Animes,
وهذي أخس وأتفه وأخطـر من الرسوم العـادية, لأن دائما فيها Boyfriend, قبلـة, حـب,مـواضيـع
تافهـة.. يمكن الحين مانـلاحظ إلا الكبار اللي يتـابعون هالرسـوم, لكن بعد فتـرة وبعد التطـور بنشـوف
عيـالنـا بيتعلمـون النت من وقـت وبيـودرون الرسـوم اللي عالتلفـزيون وبيشـوفـون Animes.. !!
واللـي يشـوف هالنـوع من الرسـوم أغلبـهم يدمنـون عليهــا.. !!!

:rock:


الحمـدلله ماشي أطفـال في البيـت, ومـاحد متعـلق بالتلفـزيون وايـد, إلا أختـي أصغـر عنـي بسنـة مـدمنـة
رسـوم Animes, وأشوف ويـاها شوي عشـان تلقـى حد يرمسهـا عن الموضـوع اللي تحبـه.. :shutup: !!



أسلـوب رائـع أختـي حلـم الطفـولة
وعسـى مـا ننحـرم من هـذه المشـاركـات

:)

[حلم الطفوله]

السلام عليكم

أخوي لماااااااااااااااااااااح :smartass:

هيه والله ....رسومنا كان غير أصلا له هدف ومعنى ونتأثر

ونباغم لو استدعى الأمر وكانت القصه حزينه:bye2: الله يرحم أيام أول

وفكرتك اكيييد حلوه على الأقل نعلمهم تراثنا الرسومي الأصيل:fa38:

صدقني يا اخوووي هالجيل وااايد يتأثر والرسوووم اليديده مأثره فيهم بدرجه كبيره ! الله يهديهم

شاكره لك مرورك :yes:


المتفيزره على العرقوب أو بالمسمى اليديد أموااااااااااااااااااااج

صدقيني هالحرجااات كلمه معتمده عالميا عند ربيعتي ! تفاهمي وياها:sad4:

ترى هالجيل الصاعد ما تستهويه الرسوووم مال اليهال ! وأغلبية لصغار يموتون بالأفلام

الله يخليلج أخوج محمد ويحفظ لج كل أحبابج يارب

[الشوق]

في بتنا انا اخر العنقود ..
فما عنا يهال يشوفون رسوووم وايد
الا انا اذا شفت رسوووم هالايام .. بتحصلوني يا عند الكابتن ماجد من كثر ما يعيدون حلقاته .. او عند المحقق كونان وياويلي على تحقيقاته الذكيه ..
لكن بيتنا شكل الرسوم ماانشووفه الا يوم حد من عيال اختي او اخواني يوووا بيتنا ..
وبيفرون على سبيس تووون ومووون ..
.
.
.
لكن وين ايام
سالي
الليدي
سانشيرو
رعد العملاق
خماسي
وين ايام
السنافر
والشناكل
وين ايام
ميكي ماوس
بوليانا
برين
السياره العجيبه (بومبو)
وين بسيط
وين سبانك
.
.
احلى الايام والله كنا نتيمع عدال التلفزيون وعيونا امبققه
.
.
يا حلم شو اتقولين احينه هاي ايام ولت
الحينه لو ييتي رمستي اتقولين على ايام العيد الحينه تطلعون برع واتلفون على البيوت بيقولولج لا ماانروح .. (( اونه شو هالسوالف ))
ايام قبل اتحسين اب طعمها او بلذتها
اتحسين بالطفوله عن حأ وحئيئي ...
لانها ايام حلوه وماتتنسيش ..
..
بس شو انقول
زين يوم اخترعو شي اسمه سبيس تووون يابوج
والا ما جان حصلتوا عيالكم في البيت
دمتي ..
خويتج/ الشوق