موتورولا................

[وعد]

مساء الخير
ابي اشتري تلفون موتورلا اليديد الي لونه وردي ,,,,,,,شكله وايد عاجبني
بس المشكله اني متعوده علي النوكيا
اذا احد عنده تلفون موتورلا يخبرني عنه وعن رناته ومسجاته هل هي مثل نوكيا
وبعد انا سمعت انه مو قوي مثل نوكيا يعني بسرعه يخترب مدري هالكلام صج والا جذب

يا ريت تفيدوني

[أمواج]

:mar7aba:
.
.
وعــد
تبيــن نصيحتي . . . ؟!
شيلي من راسـج فكــرة إنج تشترين موتورولا . . .
أولا بســرعه يختــرب . . وإستعماله شوي صعــب . . . ومب أي نغمــة تدخل فيـــه . . .
أنصحــج ماتشتــرينه لانه شكـــل عـ الفاضــي . . . يعني تبين بس حق كشــخه إشتريه بس بيخترب بســرعه . . . خذي لفـــة على تلفووونات سوني أريكسوون . والله فــن هالتلفوونات . . كل شي فيه أوكي . . .
.
:bye2:

[بحر الموده]

مساء النور

وعد.. خذينا موتورلا اليديد ب 1180 صراحه هب شىء رناته تقول كاتل خخخخ.. واذا ترد تبيعه ماايب جيمه مووووول
والتصوير هب شىء وصحيح بسرعه يخترب يوم اشوفه تقول شايف خفاش هههه
انا انصحج بالسونى والنوكياا فقط هم التيلفونات الدلع صراحه لى منتشره فى الاسوااق

[وعد]

هلا امواج هلا برح الموده

مشكورين ما قصرتوا والله, انا اليوم رايحه ان شاء الله باخذ فره
وبشوف سوني اريكسون ونوكيا:fa35:

تسلمون :kcl:

[شمعة أمل]

عندي الموتورلا الوردي لكن بس استخدمه حق الكشخه ولا لو ابا اطقم ويا ربيعاتي
هالتليفون مول مب عملي .. والممري فيه مب شي يشل يمكن 25 مسج وبس >_<
لكن من ناحية اي واحد عملي اكثر *الاسود والرمادي احسن*

شي فرق كبير بين نوكيا وموترولا .. نوكيا ارقى بوايد عن موتورولا في الاستخدام

[فركوشه]

هلو موتوا..

هذا يموت من القهر .. اشتبين به..؟؟

[خيال الحب]

انا عندي الاسود..

مثل ما قالوو حق الكشخه بس..


لانه صغيروخفيف ..

ينفع حق طلعات البانشي وهالسوالف خخخخخ


واستعماله زفت

البلوتوث سنه لين ما يطرش خخخخ.. مع اني لين اليوم ماعرفت كيف اطرش بالبلوتوث فيه لووول


خليج ع النوكيا احسن لج

خذيلج 8800

والله انه رووعه

[الرحيل]

الموتو اليديد يركب له ميموري

حلو شكله بس استخدامه بيكون صعب عليج

لانه مامتعوده عليه بس انا اشوفه تلفون عادي ومايخترب

ولو فيه خرابات محد بيستخدمه ويا مكثر اللي يستخدمونه بالخارج

شوفي الاركسون وايد يمدحونه

السموحه